॥ Vireshvarabhilash Ashtakam Bengali Lyrics ॥
॥ বীরেশ্বরাভিলাষাষ্টকম্ অথবা বিশ্বেশ্বরস্তোত্রম্ ॥
॥ শ্রীগণেশায় নমঃ ॥
বিশ্বানর উবাচ ।
একং ব্রহ্মৈবাদ্বিতীয়ং সমস্তং সত্যং সত্যং নেহ নানাঽস্তি কিং তু ।
একো রুদ্রো ন দ্বিতীয়োঽবতস্থে তস্মাদেকং তত্ত্বাং প্রপদ্যে মহেশম্ ॥ ১ ॥
একঃ কর্তা ত্বং হি সর্বস্য শম্ভো নানারূপেষ্বেকরূপোঽপ্যরূপঃ ।
য়দ্বত্প্রত্যগ্ধর্ম একোঽপ্যনেকস্তস্মান্নান্যং ত্বাং বিনেশং প্রপদ্যে ॥ ২ ॥
রজ্জৌ সর্পঃ শুক্তিকায়াং চ রৌপ্যং নৈরঃ পূরস্তন্মৃগাখ্যে মরীচৌ ।
য়দ্যত্তদ্বদ্বিষ্বগেষঃ প্রপঞ্চো য়স্মিন্ জ্ঞাতে ত্বাং প্রপদ্যে মহেশম্ ॥ ৩ ॥
তোয়ে শৈত্যং দাহকত্বং চ বহ্নৌ তাপো ভানৌ শীতভানৌ প্রসাদঃ ।
পুষ্পে গন্ধো দুগ্ধমধ্যেঽপি সর্পির্যত্তচ্ছম্ভো ত্বং ততস্ত্বাং প্রপদ্যে ॥ ৪ ॥
শব্দং গৃহ্ণাস্যশ্রবাস্ত্বং হি জিঘ্রেরঘ্রাণস্ত্বং ব্যঙ্ঘ্রিরায়াসি দূরাত্ ।
ব্যক্ষঃ পশ্যেস্ত্বং রসজ্ঞোঽপ্যজিহ্বঃ কস্ত্বাং সম্যগ্বেত্ত্যতস্ত্বাং প্রপদ্যে ॥ ৫ ॥
নো বেদস্ত্বামীশ সাক্ষাদ্বিবেদো নো বা বিষ্ণুর্নো বিধাতাঽখিলস্য ।
নো য়োগীন্দ্রা নেন্দ্রমুখ্যাশ্চ দেবা ভক্তো বেদস্ত্বামতস্ত্বাং প্রপদ্যে ॥ ৬ ॥
নো তে গোত্রং নাপি জন্মাপি নাখ্যা নো বা রূপং নৈব শীলং ন তেজঃ ।
ইত্থং ভূতোঽপীশ্বরস্ত্বং ত্রিলোক্যাঃ সর্বান্কামান্পূরয়েস্ত্বং ভজে ত্বাম্ ॥ ৭ ॥
ত্বত্তত্সর্বং ত্বং হি সর্বং স্মরারে ত্বং গৌরীশস্ত্বং চ নগ্নোঽতিশান্তঃ ।
ত্বং বৈ বৃদ্ধস্ত্বং য়ুবা ত্বং চ বালস্তত্কিং য়ত্ত্বং নাস্যতস্ত্বাং নতোঽহম্ ॥ ৮ ॥
স্তুত্বেতি ভূমৌ নিপপাত বিপ্রঃ স দণ্ডবদ্যাবদতীব হৃষ্টঃ ।
তাবত্স বালোঽখিলবৃদ্ধবৃদ্ধঃ প্রোবাচ ভূদেব বরং বৃণীহি ॥
তত উত্থায় হৃষ্টাত্মা মুনির্বিশ্বানরঃ কৃতী ।
প্রত্যব্রবীত্কিমজ্ঞাতং সর্বজ্ঞস্য তব প্রভো ॥
সর্বান্তরাত্মা ভগবান্সর্বঃ সর্বপ্রদো ভবান্ ।
য়াত্রাপ্রতিনিয়ুক্তে মাং কিমীশো দৈন্যকারিণীম্ ।
ইতি শ্রুত্বা বচস্তস্য দেবো বিশ্বানরস্য হ ।
শুচিঃ শুচিব্রতস্যাথ শুচিস্মিত্বাব্রবীচ্ছিশুঃ ॥
বাল উবাচ ।
ত্বয়া শুচে শুচিষ্মত্যাং য়োঽভিলাষঃ কৃতো হৃদি ।
অচিরেণৈব কালেন স ভবিষ্যত্যসংশয়ঃ ॥
তব পুত্রত্বমেষ্যামি শুচিষ্মত্যাং মহামতে ।
খ্যাতো গৃহপতির্নাম্না শুচিঃ সর্বামরপ্রিয়ঃ ॥
অভিলাষাষ্টকং পুণ্যং স্তোত্রমেতত্ত্বয়েরিতম্ ।
অব্দং ত্রিকালপঠনাত্কামদং শিবসন্নিধৌ ॥
এতত্স্তোত্রস্য পঠনং পুত্রপৌত্রধনপ্রদম্ ।
সর্বশান্তিকরং চাপি সর্বাপত্পরিনাশনম্ ॥
স্বর্গাপবর্গসম্পত্তিকারকং নাত্র সংশয়ঃ ।
প্রাতরুত্থায় সুস্নাতো লিঙ্গমভ্যর্চ্য শাম্ভবম্ ॥
বর্ষং জপমিদং স্তোত্রমপুত্রঃ পুত্রবান্ভবেত্ ।
বৈশাখে কার্তিকে মাঘে বিশেষনিয়মৈর্যুতঃ ॥
য়ঃ পঠেত্স্নানসময়ে লভতে সকলং ফলম্ ।
কার্তিকস্য তু মাসস্য প্রসাদাদহমব্যয়ঃ ॥
তব পুত্রত্বমেষ্যামি য়স্ত্বন্যস্তত্পঠিষ্যতি ।
অভিলাষাষ্টকমিদং ন দেয়ং য়স্য কস্যচিত্ ॥
গোপনীয়ং প্রয়ত্নেন মহাবন্ধ্যাপ্রসূতিকৃত্ ।
স্ত্রিয়া বা পুরুষেণাপি নিয়মাল্লিঙ্গসন্নিধৌ ॥
অব্দং জপমিদং স্তোত্রং পুত্রদং নাত্র সংশয়ঃ ।
ইত্যুক্ত্বান্তর্দধে বালঃ সোপি বিপ্রো গৃহং গতঃ ॥
॥ ইতি শ্রীস্কন্দপুরাণে কাশীখণ্ডে বীরেশ্বরস্তোত্রং সম্পূর্ণম্ ॥
– Chant Stotra in Other Languages –
Viresh Varabhilash Ashtakam » Vishveshvara Stotram Lyrics in Sanskrit » English » Gujarati » Kannada » Malayalam » Odia » Telugu » Tamil