॥ Sri Dayananda Ashtakam Bengali Lyrics ॥
॥ শ্রীদয়ানন্দাষ্টকম্ ॥
ওঁ
শ্রীরামজয়ম্ ।
ওঁ সদ্গুরুশ্রীত্যাগরাজস্বামিনে নমো নমঃ ।
অথ শ্রীদয়ানন্দাষ্টকম্ ।
সরস্বতীকৃপাপাত্রং দয়ানন্দসরস্বতীম্ ।
য়তিশ্রেষ্ঠগুরুং বন্দে দয়ার্দ্রাক্ষং স্মিতাননম্ ॥ ১ ॥
বেদান্তসারসদ্বোধং লোকসেবনসুব্রতম্ ।
দয়ানন্দগুরুং বন্দে দয়ার্দ্রাক্ষকৃপাকরম্ ॥ ২ ॥
গীতাসারোপদেশং চ গীতসত্কবিতাপ্রিয়ম্ ।
দয়ানন্দগুরুং বন্দে দয়াঙ্কিতসুভাষিতম্ ॥ ৩ ॥
অদ্বৈতবোধকং বন্দে বিশিষ্টাদ্বৈতবোধকম্ ।
দয়ানন্দগুরুং বন্দে দয়ার্দ্রাননসান্ত্বনম্ ॥ ৪ ॥
দয়াকূটং তপস্কূটং বিদ্যাকূটবিরাজকম্ ।
দয়ানন্দগুরুং বন্দে দয়াদিসুগুণাশ্রয়ম্ ॥ ৫ ॥
গঙ্গাতীরপ্রবোধং চ গঙ্গাপারতপস্স্থলম্ ।
দয়ানন্দগুরুং বন্দে দয়াগঙ্গাস্রবাস্রবম্ ॥ ৬ ॥
পরমার্থগুরুং বন্দে তত্ত্ববোধনতল্লজম্ ।
শ্রীদয়ানন্দশিষ্যার্যং শান্তসত্ত্বগুণাস্পদম্ ॥ ৭ ॥
ভারতশ্রেষ্ঠরত্নং চ সর্বলোকসুকীর্তিতম্ ।
দয়ানন্দগুরুং বন্দে অষ্টকশ্লোককীর্তিতম্ ॥ ৮ ॥
গীতস্তোত্রপ্রমোদায় জ্ঞানাচার্যায় মঙ্গলম্ ।
বেদশাস্ত্রপ্রবীণায় দয়ানন্দায় মঙ্গলম্ ॥
ত্যাগরাজগুরুস্বামিশিষ্যাপুষ্পাভিলেখনম্ ।
দয়ানন্দগুরুস্তোত্রং পঠনীয়ং শুভপ্রদম্ ॥
ইতি সদ্গুরুশ্রীত্যাগরাজস্বামিনঃ শিষ্যয়া ভক্তয়া পুষ্পয়া কৃতং
শ্রীদয়ানন্দাষ্টকং গুরৌ সমর্পিতম্ ।
ওঁ শুভমস্তু ।
– Chant Stotra in Other Languages –
Sri Dayananda Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil