॥ Sri Dattatreya Ashtakam Odia Lyrics ॥
॥ ଶ୍ରୀଦତ୍ତାତ୍ରେୟାଷ୍ଟକମ୍ ॥
ଶ୍ରୀଦତ୍ତାତ୍ରେୟାୟ ନମଃ ।
ଆଦୌ ବ୍ରହ୍ମମୁନୀଶ୍ଵରଂ ହରିହରଂ ସତ୍ତ୍ଵଂ-ରଜସ୍ତାମସଂ
ବ୍ରହ୍ମାଣ୍ଡଂ ଚ ତ୍ରିଲୋକପାଵନକରଂ ତ୍ରୈମୂର୍ତିରକ୍ଷାକରମ୍ ।
ଭକ୍ତାନାମଭୟାର୍ଥରୂପସହିତଂ ସୋଽହଂ ସ୍ଵୟଂ ଭାଵୟନ୍
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୧ ॥
ଵିଶ୍ଵଂ ଵିଷ୍ଣୁମୟଂ ସ୍ଵୟଂ ଶିଵମୟଂ ବ୍ରହ୍ମାମୁନୀନ୍ଦ୍ରୋମୟଂ
ବ୍ରହ୍ମେନ୍ଦ୍ରାଦିସୁରାଗଣାର୍ଚିତମୟଂ ସତ୍ୟଂ ସମୁଦ୍ରୋମୟମ୍ ।
ସପ୍ତଂ ଲୋକମୟଂ ସ୍ଵୟଂ ଜନମୟଂ ମଧ୍ୟାଦିଵୃକ୍ଷୋମୟଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୨ ॥
ଆଦିତ୍ୟାଦିଗ୍ରହା ସ୍ଵଧାଋଷିଗଣଂ ଵେଦୋକ୍ତମାର୍ଗେ ସ୍ଵୟଂ
ଵେଦଂ ଶାସ୍ତ୍ର-ପୁରାଣପୁଣ୍ୟକଥିତଂ ଜ୍ୟୋତିସ୍ଵରୂପଂ ଶିଵମ୍ ।
ଏଵଂ ଶାସ୍ତ୍ରସ୍ଵରୂପୟା ତ୍ରୟଗୁଣୈସ୍ତ୍ରୈଲୋକ୍ୟରକ୍ଷାକରଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୩ ॥
ଉତ୍ପତ୍ତି-ସ୍ଥିତି-ନାଶକାରଣକରଂ କୈଵଲ୍ୟମୋକ୍ଷପ୍ରଦଂ
କୈଲାସାଦିନିଵାସିନଂ ଶଶିଧରଂ ରୁଦ୍ରାକ୍ଷମାଲାଗଲମ୍ ।
ହସ୍ତେ ଚାପ-ଧନୁଃଶରାଶ୍ଚ ମୁସଲଂ ଖଟ୍ଵାଙ୍ଗଚର୍ମାଧରଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୪ ॥
ଶୁଦ୍ଧଂ ଚିତ୍ତମୟଂ ସୁଵର୍ଣମୟଦଂ ବୁଦ୍ଧିଂ ପ୍ରକାଶୋମୟଂ
ଭୋଗ୍ୟଂ ଭୋଗମୟଂ ନିରାହତମୟଂ ମୁକ୍ତିପ୍ରସନ୍ନୋମୟମ୍ ।
ଦତ୍ତଂ ଦତ୍ତମୟଂ ଦିଗମ୍ବରମୟଂ ବ୍ରହ୍ମାଣ୍ଡସାକ୍ଷାତ୍କରଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୫ ॥
ସୋଽହଂରୂପମୟଂ ପରାତ୍ପରମୟଂ ନିଃସଙ୍ଗନିର୍ଲିପ୍ତକଂ
ନିତ୍ୟଂ ଶୁଦ୍ଧନିରଞ୍ଜନଂ ନିଜଗୁରୁଂ ନିତ୍ୟୋତ୍ସଵଂ ମଙ୍ଗଲମ୍ ।
ସତ୍ୟଂ ଜ୍ଞାନମନନ୍ତବ୍ରହ୍ମହୃଦୟଂ ଵ୍ୟାପ୍ତଂ ପରୋଦୈଵତଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୬ ॥
କାଷାୟଂ କରଦଣ୍ଡଧାରପୁରୁଷଂ ରୁଦ୍ରାକ୍ଷମାଲାଗଲଂ
ଭସ୍ମୋଦ୍ଧୂଲିତଲୋଚନଂ କମଲଜଂ କୋଲ୍ହାପୁରୀଭିକ୍ଷଣମ୍ ।
କାଶୀସ୍ନାନଜପାଦିକଂ ୟତିଗୁରୁଂ ତନ୍ମାହୁରୀଵାସିତଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୭ ॥
କୃଷ୍ଣାତୀରନିଵାସିନଂ ନିଜପଦଂ ଭକ୍ତାର୍ଥସିଦ୍ଧିପ୍ରଦଂ
ମୁକ୍ତିଂ ଦତ୍ତଦିଗମ୍ବରଂ ୟତିଗୁରୁଂ ନାସ୍ତୀତି ଲୋକାଞ୍ଜନମ୍ ।
ସତ୍ୟଂ ସତ୍ୟମସତ୍ୟଲୋକମହିମା ପ୍ରାପ୍ତଵ୍ୟଭାଗ୍ୟୋଦୟଂ
ସୋଽହଂ ଦତ୍ତଦିଗମ୍ବରଂ ଵସତୁ ମେ ଚିତ୍ତେ ମହତ୍ସୁନ୍ଦରମ୍ ॥ ୮ ॥
ଇତି ଶ୍ରୀମଚ୍ଛଙ୍କରାଚାର୍ୟଵିରଚିତଂ ଶ୍ରୀଦତ୍ତାଷ୍ଟକଂ ସମ୍ପୂର୍ଣମ୍ ।
ଶ୍ରୀଗୁରୁଦତ୍ତାତ୍ରେୟାର୍ପଣମସ୍ତୁ ।
– Chant Stotra in Other Languages –
Sri Dattatreya Stotram » Sri Dattatreya Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil