॥ Devipada Pankaj Ashtakam Bengali Lyrics ॥
॥ দেবীপদপঙ্কজাষ্টকম্ ॥
শ্রীগণেশায় নমঃ ॥
মাতস্ত্বত্পদপঙ্কজং কলয়তাং চেতোঽম্বুজে সন্ততং
মানাথাম্বুজসম্ভবাদ্রিতনয়াকান্তৈঃ সমারাধিতম্ ।
বাচ্ছাপূরণনির্জিতামরমহীরুঙ্গর্বসর্বস্বকং
বাচঃ সূক্তিসুধারসদ্রবমুচো নির্যান্তি বক্ত্রোদরাত্ ॥ ১ ॥
মাতস্ত্বত্পদপঙ্কজং মুনীমনঃকাসারবাসাদরং
মায়ামোহমহান্ধকারমিহিরং মানাতিগপ্রাভবম্ ।
মাতঙ্গাভিমতিং স্বকীয়গমনৈর্নির্মুলয়ত্কৌতুকাদ্-
বন্দেঽমন্দতপঃফলাপ্যনমনস্তোত্রার্চনাপ্রক্রমম্ ॥ ২ ॥
মাতস্ত্বত্পদপঙ্কজং প্রণমতামানন্দবারান্নিধে
রাকাশারদপূর্ণচন্দ্রনিকরং কামাহিপক্ষীশ্বরম্ ।
বৃন্দং প্রাণভৃতাং স্বনাম বদতামত্যাদরাত্সত্বরং
ষড্ভাষাসরিদীশ্বরং প্রবিদধত্ষাণ্মাতুরার্চ্যং ভজে ॥ ৩ ॥
কামং ফালতলে দুরক্ষরততির্দৈবীমমস্তাং ন ভী-
র্মাতস্ত্বত্পদপঙ্কজোত্থরজসা লুম্পামি তাং নিশ্চিতম্ ।
মার্কণ্ডেয়মুনির্যথা ভবপদাম্ভোজার্চনাপ্রাভবাত্
কালং তদ্বদহং চতুর্মুখমুখাম্ভোজাতসূর্যপ্রভে ॥ ৪ ॥
পাপানি প্রশমং নয়াশু মমতাং দেহেন্দ্রিয়প্রাণগাং
কামাদীনপি বৈরিণো দৃঢতরান্মোক্ষাধ্ববিঘ্নপ্রদান্ ।
স্নিগ্ধান্পোষয় সন্ততং শমদমধ্যানাদিমান্মোদতো
মাতস্ত্বত্পদপঙ্কজং হৃদি সদা কুর্বে গিরাং দেবতে ॥ ৫ ॥
মাতস্ত্বত্পদপঙ্কজস্য মনসা বাচা ক্রিয়াতোঽপি বা
য়ে কুর্বন্তি মুদাঽন্বহং বহুবিধৈর্দিব্যৈঃ সুমৈরর্চনাম্ ।
শীঘ্রং তে প্রভবন্তি ভূমিপতয়ো নিন্দন্তি চ স্বশ্রিয়া
জম্ভারাতিমপি ধ্রুবং শতমখীকষ্টাপ্তনাকশ্রিয়ম্ ॥ ৬ ॥
মাতস্ত্বত্পদপঙ্কজং শিরসি য়ে পদ্মাটবীমধ্যত-
শ্চন্দ্রাভং প্রবিচিন্তয়ন্তি পুরুষাঃ পীয়ূষবর্ষ্যন্বহম্ ।
তে মৃত্যুং প্রবিজিত্যি রোগরহিতাঃ সম্যগ্দৃঢাঙ্গাশ্চিরং
জীবন্ত্যেব মৃণালকোমলবপুষ্মন্তঃ সুরূপা ভুবি ॥ ৭ ॥
মাতস্ত্বত্পদপঙ্কজং হৃদি মুদা ধ্যায়ন্তি য়ে মানবাঃ
সচ্চিদ্রূপমশেষবেদশিরসাং তাত্পর্যগম্যং মুহুঃ ।
অত্যাগেঽপি তনোরখণ্ডপরমানন্দং বহন্তঃ সদা
সর্বং বিশ্বমিদং বিনাশি তরসা পশ্যন্তি তে পূরুষাঃ ॥ ৮ ॥
ইতি দেবীপদপঙ্কজাষ্টকং সম্পূর্ণম্ ॥
– Chant Stotra in Other Languages –
Devipada Pankaj Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil