॥ Bengali Lyrics ॥
॥ ধন্যাষ্টকং ॥
তজ্জ্ঞানং প্রশমকরং য়দিন্দ্রিয়াণাং
তজ্জ্ঞেয়ং য়দুপনিষত্সু নিশ্চিতার্থম্ ।
তে ধন্যা ভুবি পরমার্থনিশ্চিতেহাঃ
শেষাস্তু ভ্রমনিলয়ে পরিভ্রমন্তঃ ॥ ১ ॥
আদৌ বিজিত্য বিষয়ান্মদমোহরাগ-
দ্বেষাদিশত্রুগণমাহৃতয়োগরাজ্যাঃ ।
জ্ঞাত্বা মতং সমনুভূয়পরাত্মবিদ্যা-
কান্তাসুখং বনগৃহে বিচরন্তি ধন্যাঃ ॥ ২ ॥
ত্যক্ত্বা গৃহে রতিমধোগতিহেতুভূতাম্
আত্মেচ্ছয়োপনিষদর্থরসং পিবন্তঃ ।
বীতস্পৃহা বিষয়ভোগপদে বিরক্তা
ধন্যাশ্চরন্তি বিজনেষু বিরক্তসঙ্গাঃ ॥ ৩ ॥
ত্যক্ত্বা মমাহমিতি বন্ধকরে পদে দ্বে
মানাবমানসদৃশাঃ সমদর্শিনশ্চ ।
কর্তারমন্যমবগম্য তদর্পিতানি
কুর্বন্তি কর্মপরিপাকফলানি ধন্যাঃ ॥ ৪ ॥
ত্যক্ত্বঈষণাত্রয়মবেক্ষিতমোক্ষমর্গা
ভৈক্ষামৃতেন পরিকল্পিতদেহয়াত্রাঃ ।
জ্যোতিঃ পরাত্পরতরং পরমাত্মসংজ্ঞং
ধন্যা দ্বিজারহসি হৃদ্যবলোকয়ন্তি ॥ ৫ ॥
নাসন্ন সন্ন সদসন্ন মহসন্নচাণু
ন স্ত্রী পুমান্ন চ নপুংসকমেকবীজম্ ।
য়ৈর্ব্রহ্ম তত্সমমুপাসিতমেকচিত্তৈঃ
ধন্যা বিরেজুরিত্তরেভবপাশবদ্ধাঃ ॥ ৬ ॥
অজ্ঞানপঙ্কপরিমগ্নমপেতসারং
দুঃখালয়ং মরণজন্মজরাবসক্তম্ ।
সংসারবন্ধনমনিত্যমবেক্ষ্য ধন্যা
জ্ঞানাসিনা তদবশীর্য বিনিশ্চয়ন্তি ॥ ৭ ॥
শান্তৈরনন্যমতিভির্মধুরস্বভাবৈঃ
একত্বনিশ্চিতমনোভিরপেতমোহৈঃ ।
সাকং বনেষু বিজিতাত্মপদস্বরুপং
তদ্বস্তু সম্যগনিশং বিমৃশন্তি ধন্যাঃ ॥ ৮ ॥
অহিমিব জনয়োগং সর্বদা বর্জয়েদ্যঃ
কুণপমিব সুনারীং ত্যক্তুকামো বিরাগী ।
বিষমিব বিষয়ান্যো মন্যমানো দুরন্তান্
জয়তি পরমহংসো মুক্তিভাবং সমেতি ॥ ৯ ॥
সম্পূর্ণং জগদেব নন্দনবনং সর্বেঽপি কল্পদ্রুমা
গাঙ্গং বরি সমস্তবারিনিবহঃ পুণ্যাঃ সমস্তাঃ ক্রিয়াঃ ।
বাচঃ প্রাকৃতসংস্কৃতাঃ শ্রুতিশিরোবারাণসী মেদিনী
সর্বাবস্থিতিরস্য বস্তুবিষয়া দৃষ্টে পরব্রহ্মণি ॥ ১০ ॥
॥ ইতি শ্রীমদ্ শঙ্করাচার্যবিরচিতং ধন্যাষ্টকং সমাপ্তম্ ॥
– Chant Stotra in Other Languages –
Dhanya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil