॥ Nigraha Ashtakam Odia Lyrics ॥
॥ ନିଗ୍ରହାଷ୍ଟକମ୍ ॥
ଶ୍ରୀମଦପ୍ପୟ୍ୟଦୀକ୍ଷିତଵିରଚିତମ୍ ।
ମାର୍ଗେ ସହାୟଂ ଭଗଵନ୍ତମେଵ
ଵିଶ୍ଵସ୍ୟ ଵିଶ୍ଵାଧିକ ନିର୍ଗତୋଽସ୍ମି ।
ଶାସ୍ତ୍ରଂ ପ୍ରମାଣଂ ୟଦି ସା ଵିପତ୍ସ୍ୟା-
ତ୍ତସ୍ୟୈଵ ମନ୍ଦୋ ମୟି ୟାଂ ଚିକୀର୍ଷେତ୍ ॥ ୧ ॥
କାନ୍ତାରେ ପ୍ରାନ୍ତରେ ଵା ମଦକୁଶଲକୃତୌ ସାନ୍ତରଂ ସାନ୍ତରଙ୍ଗଂ
ମହ୍ୟଂ ଦ୍ରୁହ୍ୟନ୍ତମନ୍ତଂ ଗମୟତୁ ଭଗଵାନନ୍ତକସ୍ୟାନ୍ତକାରୀ ।
କ୍ଷିପ୍ରଂ ଵିପ୍ରାଧମସ୍ୟ କ୍ଷିପତୁ ତଦୁଦରସ୍ୟେଵ ମାୟାଵିଵର୍ତା
ନାର୍ତାନ୍ବନ୍ଧୂନବନ୍ଧୂନିଵ ମମ ଶିଶିରାଭ୍ୟନ୍ତରାନ୍ସନ୍ତନୋତୁ ॥ ୨ ॥
ସହସ୍ରଂ ଵର୍ତନ୍ତାଂ ପଥିପଥି ପରେ ସାହସକୃତଂ
ପ୍ରଵର୍ତନ୍ତାଂ ବାଧଂ ମୟି ଵିଵିଧମପ୍ୟାରଚୟିତୁମ୍ ।
ନ ଲକ୍ଷୀକୁର୍ଵେଽହଂ ନଲିନଜଲିପି ପ୍ରାପ୍ତମପି ତନ-
ମମ ସ୍ଵାମୀ ଚାମୀକରଶିଖରଚାପୋଽସ୍ତି ପୁରତଃ ॥ ୩ ॥
ସଙ୍କଲ୍ପ୍ୟ ସ୍ଥାଣୁଶାସ୍ତ୍ରପ୍ରଚରଣଵିହତିଃ ସ୍ଵେନ କାର୍ୟା ଭୁଵୀତି
ଶ୍ମଶ୍ରୂଣି ସ୍ଵୈରମଶ୍ରୂଣ୍ୟପି ଖଲୁ ମହତାଂ ସ୍ପର୍ଧୟା ଵର୍ଧୟନ୍ତମ୍ ।
କ୍ଷୁଦ୍ରଂ ଵିଦ୍ରାଵୟେୟୁର୍ଝଟିତି ଵୃଷପତିକ୍ରୋଧନିଃଶ୍ଵାସଲେଶାଃ
ଶାସ୍ତ୍ରଂ ଶୈଲାଦିଭୃତ୍ୟାସ୍ତନୁୟୁରଖିଲଭୂମଣ୍ଡଲଵ୍ୟାପ୍ତମେତତ୍ ॥ ୪ ॥
କ୍ଵଚିଦଵୟଵେ ଦଗ୍ଧୁଂ କଶ୍ଚିଦ୍ବଲାଦନୁଚିନ୍ତୟନ୍
ନିରସନମିତୋ ଦେଶାତ୍କର୍ତୁଂ ମହେଶ୍ଵରମାଶ୍ରିତାନ୍ ।
ପ୍ରମଥପରିଷଦ୍ରୋଶୈର୍ଦଗ୍ଧାଽଖିଲାଵୟଵଃ ସ୍ଵୟଂ
ନିରସନମିତୋ ଲୋକାଦେଵ କ୍ଷଣେନ ସମଶ୍ନୁତାମ୍ ॥ ୫ ॥
କାଲପ୍ରତୀକ୍ଷା ନହି ତସ୍ୟ କାର୍ୟା
ପୁଲସ୍ତ୍ୟପୁତ୍ରାଽଽଦିଵଦନ୍ତକାରେ ।
ତ୍ଵଦାଶ୍ରିତଦ୍ରୋହକୃତୋଦ୍ୟମାନାଂ
ସଦ୍ୟଃ ପତେଦେଵ ହି ମୂର୍ଧ୍ନି ଦଣ୍ଡଃ ॥ ୬ ॥
କଣ୍ଠେ ରୁଦ୍ରାକ୍ଷମାଲାଂ ଭସିତମତିସିତଂ ଫାଲଦେଶେ ଚ ପଶ୍ୟନ୍
ନଶ୍ୟନ୍ନେଵ କ୍ରୁଧଂ ୟସ୍ତଦପହୃତମତିଃ ସତ୍ସୁ କୁର୍ଵୀତ ଗୁର୍ଵୀମ୍ ।
ତତ୍ଫାଲାତ୍ତୂର୍ଣମାୟୁର୍ଲିଖିତମସୁଗଣଂ ଚାପି ତତ୍କଣ୍ଠଦେଶାତ୍
କ୍ରୁଦ୍ଧାସ୍ତେ ହ୍ୟୁଦ୍ଧରେୟୁର୍ନିଜପଦକମଲାଙ୍ଗୁଷ୍ଠଲୀଲାଵିଲାସାତ୍ ॥ ୭ ॥
ସକଲଭୁଵନକର୍ତା ସାମ୍ବମୂର୍ତିଃ ଶିଵଶ୍ଚେତ୍
ସକଲମପି ପୁରାଣଂ ସାଗମଂ ଚେତ୍ପ୍ରମାଣମ୍ ।
ୟଦି ଭଵତି ମହତ୍ଵଂ ଭସ୍ମରୁଦ୍ରାକ୍ଷଭାଜାଂ
କିମିତି ନ ମୃତିରସ୍ମଦ୍ରୋହିଣଃ ସ୍ୟାଦକାଣ୍ଡେ ॥ ୮ ॥
ଇତି ଶ୍ରୀଭାରଦ୍ଵାଜକୁଲଜଲଧିକୌସ୍ତୁଭଶ୍ରୀମଦଦ୍ଵୈତଵିଦ୍ୟାଚାର୍ୟ
ଶ୍ରୀମଦପ୍ପୟ୍ୟଦୀକ୍ଷିତକୃତଂ ଚକ୍ରାଙ୍କିତନିଗ୍ରହାଷ୍ଟକଂ ସମ୍ପୂର୍ଣମ୍ ॥
ଶ୍ରୀରସ୍ତୁ । ଶୁଭମସ୍ତୁ ।
– Chant Stotra in Other Languages –
Nigraha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil