॥ Prayag Ashtakam Odia Lyrics ॥
॥ ପ୍ରୟାଗାଷ୍ଟକମ୍ ॥
ଶ୍ରୀଗଣେଶାୟ ନମଃ ।
ମୁନୟ ଊଚୁଃ
ସୁରମୁନିଦିତିଜେନ୍ଦ୍ରୈଃ ସେଵ୍ୟତେ ୟୋଽସ୍ତତନ୍ଦ୍ରୈର୍ଗୁରୁତରଦୁରିତାନାଂ କା କଥା ମାନଵାନାମ୍ ।
ସ ଭୁଵି ସୁକୃତକର୍ତୁର୍ଵାଞ୍ଛିତାଵାପ୍ତିହେତୁର୍ଜୟତି ଵିଜିତୟାଗସ୍ତୀର୍ଥରାଜଃ ପ୍ରୟାଗଃ ॥ ୧ ॥
ଶ୍ରୁତିଃ ପ୍ରମାଣଂ ସ୍ମୃତୟଃ ପ୍ରମାଣଂ ପୁରାଣମପ୍ୟତ୍ର ପରଂ ପ୍ରମା ଣମ୍ ।
ୟତ୍ରାସ୍ତି ଗଙ୍ଗା ୟମୁନା ପ୍ରମାଣଂ ସ ତୀର୍ଥରାଜୋ ଜୟତି ପ୍ରୟାଗଃ ॥ ୨ ॥
ନ ୟତ୍ର ୟୋଗାଚରଣପ୍ରତୀକ୍ଷା ନ ୟତ୍ର ୟଜ୍ଞେଷ୍ଟିଵିଶିଷ୍ଟଦୀକ୍ଷା ।
ନ ତାରକଜ୍ଞାନଗୁରୋରପେକ୍ଷା ସ ତୀର୍ଥରାଜୋ ଜୟତି ପ୍ରୟାଗଃ ॥ ୩ ॥
ଚିରଂ ନିଵାସଂ ନ ସମୀକ୍ଷତେ ୟୋ ହ୍ୟୁଦାରଚିତ୍ତଃ ପ୍ରଦଦାତି ଚ କ୍ରମାତ୍ ।
ୟଃ କଲ୍ପିତାଥାଂର୍ଶ୍ଚ ଦଦାତି ପୁଂସଃ ସ ତୀର୍ଥରାଜୋ ଜୟତି ପ୍ରୟାଗଃ ॥ ୪ ॥
ୟତ୍ରାପ୍ଲୁତାନାଂ ନ ୟମୋ ନିୟନ୍ତା ୟତ୍ରାସ୍ଥିତାନାଂ ସୁଗତିପ୍ରଦାତା ।
ୟତ୍ରାଶ୍ରିତାନାମମୃତପ୍ରଦାତା ସ ତୀର୍ଥରାଜୋ ଜୟତି ପ୍ରୟାଗଃ ॥ ୫ ॥
ପୁର୍ୟଃ ସପ୍ତ ପ୍ରସିଦ୍ଧାଃପ୍ରତିଵଚନକରୀସ୍ତୀର୍ଥରାଜସ୍ୟ ନାର୍ୟୋ
ନୈକଟୟାନ୍ମୁକ୍ତିଦାନେ ପ୍ରଭଵତି ସୁଗୁଣା କାଶ୍ୟତେ ବ୍ରହ୍ମ ୟସ୍ୟାମ୍ ।
ସେୟଂ ରାଜ୍ଞୀ ପ୍ରଧାନା ପ୍ରିୟଵଚନକରୀ ମୁକ୍ତିଦାନେନ ୟୁକ୍ତା
ୟେନ ବ୍ରହ୍ମାଣ୍ଡମଧ୍ୟେ ସ ଜୟତି ସୁତରାଂ ତୀର୍ଥରାଜଃ ପ୍ରୟାଗଃ ॥ ୬ ॥
ତୀର୍ଥାଵଲୀ ୟସ୍ୟ ତୁ କଣ୍ଠଭାଗେ ଦାନାଵଲୀ ଵଲ୍ଗତି ପାଦମୂଲେ ।
ଵ୍ରତାଵଲୀ ଦକ୍ଷିଣପାଦମୂଲେ ସ ତୀର୍ଥରାଜୋ ଜୟତି ପ୍ରୟାଗଃ ॥ ୭ ॥
ଆଜ୍ଞାପି ୟଜ୍ଞାଃ ପ୍ରଭଵୋପି ୟଜ୍ଞାଃ ସପ୍ତର୍ଷିସିଦ୍ଧାଃ ସୁକୃତାନଭିଜ୍ଞାଃ ।
ଵିଜ୍ଞାପୟନ୍ତଃ ସତତଂ ହି କାଲେ ସ ତୀର୍ଥରାଜୋ ଜୟତି ପ୍ରୟାଗଃ ॥ ୮ ॥
ସିତାସିତେ ୟତ୍ର ତରଙ୍ଗଚାମରେ ନଦ୍ୟୌ ଵିଭାତେ ମୁନିଭାନୁକନ୍ୟକେ ।
ଲୀଲାତପତ୍ରଂ ଵଟ ଏକ ସାକ୍ଷାତ୍ସ ତୀର୍ଥରାଜୋ ଜୟତି ପ୍ରୟାଗଃ ॥ ୯ ॥
ତୀର୍ଥରାଜପ୍ରୟାଗସ୍ୟ ମାହାତ୍ମ୍ୟଂ କଥୟିଷ୍ୟତି ।
ଶୃଣ୍ଵତଃ ସତତଂ ଭକ୍ତ୍ୟା ଵାଞ୍ଛିତଂ ଫଲମାପ୍ନୁୟାତ୍ ॥ ୧୦ ॥
ଇତି ଶ୍ରୀମତ୍ସ୍ୟପୁରାଣେ ପ୍ରୟାଗରାଜମାହାତ୍ମ୍ୟାଷ୍ଟକଂ ସମାପ୍ତମ୍ ॥
– Chant Stotra in Other Languages –
Prayag Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil