॥ Bindu Madhava Ashtakam Bengali Lyrics ॥
॥ বিন্দুমাধবাষ্টকম্ ॥
শ্রী গণেশায় নমঃ ।
কলিন্দজাতটাটবীলতানিকেতনান্তর-
প্রগল্ভবল্লবিস্ফুরদ্রতিপ্রসঙ্গসঙ্গতম্ ।
সুধারসার্দ্রবেণুনাদমোদমাধুরীমদ-
প্রমত্তগোপগোব্রজং ভজামি বিন্দুমাধবম্ ॥ ১ ॥
গদারিশঙ্খচক্রশার্ঙ্গভৃচ্চতুষ্করং কৃপা-
কটাক্ষবীক্ষণামৃতাক্ষিতামরেন্দ্রনন্দনম্ ।
সনন্দনাদিমৌনিমানসারবিন্দমন্দিরং
জগত্পবিত্রকীর্তিদং ভজামি বিন্দুমাধবম্ ॥ ২ ॥
দিগীশমৌলিনূত্নরত্ননিঃসরত্প্রভাবলী-
বিরাজিতাংঘ্রিপঙ্কজং নবেন্দুশেখরাব্জজম্ ।
দয়ামরন্দতুন্দিলারবিন্দপত্রলোচনং
বিরোধিয়ূথভেদনং ভজামি বিন্দুমাধবম্ ॥ ৩ ॥
পয়ঃ পয়োধিবীচিকাবলীপয়ঃপৃষন্মিলদ্ভুজঙ্গ-
পুঙ্গবাঙ্গকল্পপুষ্পতল্পশায়িনম্ ।
কটীতটিস্ফুটীভবত্প্রতপ্তহাটকাম্বরং
নিশাটকোটিপাটনং ভজামি বিন্দুমাধবম্ ॥ ৪ ॥
অনুশ্রবাপহারকাবলেপলোপনৈপুণী-
পয়শ্চরাবতারতোষিতারবিন্দসম্ভবম্ ।
মহাভবাব্ধিমধ্যমগ্রদীনলোকতারকং
বিহঙ্গরাট্তুরঙ্গমং ভজামি বিন্দুমাধবম্ ॥ ৫ ॥
সমুদ্রতোয়মধ্যদেবদানবোত্ক্ষিপদ্ধরা-
ধরেন্দ্রমূলধারণক্ষমাদিকূর্মবিগ্রহম্ ।
দুরাগ্রহাবলিপ্তহাটকাক্ষনাশসূকরং
হিরণ্যদানবান্তকং ভজামি বিন্দুমাধবম্ ॥ ৬ ॥
বিরোচনাত্মসম্ভবোত্তমাঙ্গকৃত্পদক্রমং
পরশ্বধোপসংহৃতাখিলাবনীশমণ্ডলম্ ।
কঠোরনীলকণ্ঠকার্মুকপ্রদর্শিতাদি-
দোর্বলান্বিতক্ষিতীসুতং ভজামি বিন্দুমাধবম্ ॥ ৭ ॥
য়মানুজোদকপ্রবাহসত্ত্বরাভিজিত্বরং
পুরাসুরাঙ্গনাভিমাননূপভূপনায়কম্ ।
স্বমণ্ডলাগ্রখণ্ডনীয়য়াবনারিমণ্ডলং
বলানুজং গদাগ্রজং ভজামি বিন্দুমাধবম্ ॥ ৮ ॥
প্রশস্তপঞ্চচামরাখ্যবৃত্তভেদভাসিতং
দশাবতারবর্ণনং নৃসিংহভক্তবর্ণিতম্ ।
প্রসিদ্ধবিন্দুমাধবাষ্টকং পঠন্তি য়ে ভৃশং
নরা সুদুর্লভং ভজন্তি তে মনোরথং নিরন্তম্ ॥ ৯ ॥
॥ ইতি শ্রীবিন্দুমাধবাষ্টকং সম্পূর্ণম্ ॥
– Chant Stotra in Other Languages –
Bindu Madhava Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil