॥ Sri Madan Gopal Ashtakam Bengali Lyrics ॥
॥ শ্রীমদনগোপালাষ্টকম্ ॥
মৃদুতলারুণ্যজিতরুচিরদরদপ্রভং
কুলিশকঞ্জারিদরকলসঝষচিহ্নিতম্ ।
হৃদি মমাধায় নিজচরণসরসীরুহং
মদনগোপাল ! নিজসদনমনু রক্ষ মাম্ ॥ ১ ॥
মুখরমঞ্জীরনখশিশিরকিঋণাবলী
বিমলমালাভিরনুপদমুদিতকান্তিভিঃ ।
শ্রবণনেত্রশ্বসনপথসুখদ নাথ হে
মদনগোপাল ! নিজসদনমনু রক্ষ মাম্ ॥ ২ ॥
মণিময়োষ্ণীষদরকুটিলিমণিলোচনো-
চ্চলনচাতুর্যচিতলবণিমণিগণ্ডয়োঃ ।
কনকতাটঙ্করুচিমধুরিমণি মজ্জয়ন্
মদনগোপাল ! নিজসদনমনু রক্ষ মাম্ ॥ ৩ ॥
অধরশোণিম্নি দরহসিতসিতিমার্চিতে
বিজিতমাণিক্যরদকিরণগণমণ্ডিতে ।
নিহিতবংশীক জনদুরবগমলীল হে
মদনগোপাল ! নিজসদনমনু রক্ষ মাম্ ॥ ৪ ॥
পদকহারালিপদকটকনটকিঙ্কিণী
বলয় তাটঙ্কমুখনিখিলমণিভূষণৈঃ ।
কলিতনব্যাভ নিজতনুরুচিভূষিতৈ-
র্মদনগোপাল ! নিজসদনমনু রক্ষ মাম্ ॥ ৫ ॥
উডুপকোটীকদনবদনরুচিপল্লবৈ-
র্মদনকোটীমথননখরকরকন্দলৈঃ ।
দ্যুতরুকোটীসদনসদয়নয়নেক্ষণৈ-
র্মদনগোপাল ! নিজসদনমনু রক্ষ মাম্ ॥ ৬ ॥
কৃতনরাকারভবমুখবিবুধসেবিত !
দ্যুতিসুধাসার ! পুরুকরুণ ! কমপি ক্ষিতৌ ।
প্রকটয়ন্ প্রেমভরমধিকৃতসনাতনং
মদনগোপাল ! নিজসদনমনু রক্ষ মাম্ ॥ ৭ ॥
তরণিজাতীরভুবি তরণিকরবারক
প্রিয়কষণ্ডাস্থমণিসদনমহিতস্থিতে !
ললিতয়া সার্ধমনুপদরমিত ! রাধয়া
মদনগোপাল ! নিজসদনমনু রক্ষ মাম্ ॥ ৮ ॥
মদনগোপাল ! তব সরসমিদমষ্টকং
পঠতি য়ঃ সায়মতিসরলমতিরাশু তম্ ।
স্বচরণাম্ভোজরতিরসসরসি মজ্জয়ন্
মদনগোপাল ! নিজসদনমনু রক্ষ মাম্ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীমদনগোপালাষ্টকং সম্পূর্ণম্ ।
– Chant Stotra in Other Languages –
Sri Vishnu Slokam » Sri Madan Gopal Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil