॥ River Yamuna Ashtakam 1 Odia Lyrics ॥
॥ ୟମୁନାଷ୍ଟକମ୍ ୧ ॥
॥ ଶ୍ରୀଃ ॥
ମୁରାରିକାୟକାଲିମାଲଲାମଵାରିଧାରିଣୀ
ତୃଣୀକୃତତ୍ରିଵିଷ୍ଟପା ତ୍ରିଲୋକଶୋକହାରିଣୀ ।
ମନୋଽନୁକୂଲକୂଲକୁଞ୍ଜପୁଞ୍ଜଧୂତଦୁର୍ମଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୧ ॥
ମଲାପହାରିଵାରିପୂରିଭୂରିମଣ୍ଡିତାମୃତା
ଭୃଶଂ ପ୍ରଵାତକପ୍ରପଞ୍ଚନାତିପଣ୍ଡିତାନିଶା ।
ସୁନନ୍ଦନନ୍ଦିନାଙ୍ଗସଙ୍ଗରାଗରଞ୍ଜିତା ହିତା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୨ ॥
ଲସତ୍ତରଙ୍ଗସଙ୍ଗଧୂତଭୂତଜାତପାତକା
ନଵୀନମାଧୁରୀଧୁରୀଣଭକ୍ତିଜାତଚାତକା ।
ତଟାନ୍ତଵାସଦାସହଂସସଂସୃତାହ୍ନିକାମଦା
var1 ସଂସୃତା ହି କାମଦା var2 ସଂଵୃତାହ୍ନିକାମଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୩ ॥
ଵିହାରରାସସ୍ଵେଦଭେଦଧୀରତୀରମାରୁତା
ଗତା ଗିରାମଗୋଚରେ ୟଦୀୟନୀରଚାରୁତା ।
ପ୍ରଵାହସାହଚର୍ୟପୂତମେଦିନୀନଦୀନଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୪ ॥
ତରଙ୍ଗସଙ୍ଗସୈକତାନ୍ତରାତିତଂ ସଦାସିତା
ଶରନ୍ନିଶାକରାଂଶୁମଞ୍ଜୁମଞ୍ଜରୀ ସଭାଜିତା ।
ଭଵାର୍ଚନାପ୍ରଚାରୁଣାମ୍ବୁନାଧୁନା ଵିଶାରଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୫ ॥
ଜଲାନ୍ତକେଲିକାରିଚାରୁରାଧିକାଙ୍ଗରାଗିଣୀ
ସ୍ଵଭର୍ତୁରନ୍ୟଦୁର୍ଲଭାଙ୍ଗତାଙ୍ଗତାଂଶଭାଗିନୀ ।
ସ୍ଵଦତ୍ତସୁପ୍ତସପ୍ତସିନ୍ଧୁଭେଦିନାତିକୋଵିଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୬ ॥
ଜଲଚ୍ୟୁତାଚ୍ୟୁତାଙ୍ଗରାଗଲମ୍ପଟାଲିଶାଲିନୀ
ଵିଲୋଲରାଧିକାକଚାନ୍ତଚମ୍ପକାଲିମାଲିନୀ ।
ସଦାଵଗାହନାଵତୀର୍ଣଭର୍ତୃଭୃତ୍ୟନାରଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୭ ॥
ସଦୈଵ ନନ୍ଦିନନ୍ଦକେଲିଶାଲିକୁଞ୍ଜମଞ୍ଜୁଲା
ତଟୋତ୍ଥଫୁଲ୍ଲମଲ୍ଲିକାକଦମ୍ବରେଣୁସୂଜ୍ଜ୍ଵଲା ।
ଜଲାଵଗାହିନାଂ ନୃଣାଂ ଭଵାବ୍ଧିସିନ୍ଧୁପାରଦା
ଧୁନୋତୁ ନୋ ମନୋମଲଂ କଲିନ୍ଦନନ୍ଦିନୀ ସଦା ॥ ୮ ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗଵତଃ କୃତୌ
ୟମୁନାଷ୍ଟକମ୍ ସମ୍ପୂର୍ଣମ୍ ॥
– Chant Stotra in Other Languages –
River Yamuna Ashtakam » Sri Yamunashtakam 1 Lyrics in Sanskrit » English » Bengali » Gujarati » Kannada » Malayalam » Telugu » Tamil