॥ River Yamuna Ashtakam 1 Bengali Lyrics ॥
॥ য়মুনাষ্টকম্ ১ ॥
॥ শ্রীঃ ॥
মুরারিকায়কালিমাললামবারিধারিণী
তৃণীকৃতত্রিবিষ্টপা ত্রিলোকশোকহারিণী ।
মনোঽনুকূলকূলকুঞ্জপুঞ্জধূতদুর্মদা
ধুনোতু নো মনোমলং কলিন্দনন্দিনী সদা ॥ ১ ॥
মলাপহারিবারিপূরিভূরিমণ্ডিতামৃতা
ভৃশং প্রবাতকপ্রপঞ্চনাতিপণ্ডিতানিশা ।
সুনন্দনন্দিনাঙ্গসঙ্গরাগরঞ্জিতা হিতা
ধুনোতু নো মনোমলং কলিন্দনন্দিনী সদা ॥ ২ ॥
লসত্তরঙ্গসঙ্গধূতভূতজাতপাতকা
নবীনমাধুরীধুরীণভক্তিজাতচাতকা ।
তটান্তবাসদাসহংসসংসৃতাহ্নিকামদা
var1 সংসৃতা হি কামদা var2 সংবৃতাহ্নিকামদা
ধুনোতু নো মনোমলং কলিন্দনন্দিনী সদা ॥ ৩ ॥
বিহাররাসস্বেদভেদধীরতীরমারুতা
গতা গিরামগোচরে য়দীয়নীরচারুতা ।
প্রবাহসাহচর্যপূতমেদিনীনদীনদা
ধুনোতু নো মনোমলং কলিন্দনন্দিনী সদা ॥ ৪ ॥
তরঙ্গসঙ্গসৈকতান্তরাতিতং সদাসিতা
শরন্নিশাকরাংশুমঞ্জুমঞ্জরী সভাজিতা ।
ভবার্চনাপ্রচারুণাম্বুনাধুনা বিশারদা
ধুনোতু নো মনোমলং কলিন্দনন্দিনী সদা ॥ ৫ ॥
জলান্তকেলিকারিচারুরাধিকাঙ্গরাগিণী
স্বভর্তুরন্যদুর্লভাঙ্গতাঙ্গতাংশভাগিনী ।
স্বদত্তসুপ্তসপ্তসিন্ধুভেদিনাতিকোবিদা
ধুনোতু নো মনোমলং কলিন্দনন্দিনী সদা ॥ ৬ ॥
জলচ্যুতাচ্যুতাঙ্গরাগলম্পটালিশালিনী
বিলোলরাধিকাকচান্তচম্পকালিমালিনী ।
সদাবগাহনাবতীর্ণভর্তৃভৃত্যনারদা
ধুনোতু নো মনোমলং কলিন্দনন্দিনী সদা ॥ ৭ ॥
সদৈব নন্দিনন্দকেলিশালিকুঞ্জমঞ্জুলা
তটোত্থফুল্লমল্লিকাকদম্বরেণুসূজ্জ্বলা ।
জলাবগাহিনাং নৃণাং ভবাব্ধিসিন্ধুপারদা
ধুনোতু নো মনোমলং কলিন্দনন্দিনী সদা ॥ ৮ ॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ
য়মুনাষ্টকম্ সম্পূর্ণম্ ॥
– Chant Stotra in Other Languages –
River Yamuna Ashtakam » Sri Yamunashtakam 1 Lyrics in Sanskrit » English » Gujarati » Kannada » Malayalam » Odia » Telugu » Tamil