॥ River Yamuna Ashtakam 3 Odia Lyrics ॥
॥ ୟମୁନାଷ୍ଟକମ୍ ୩ ॥
॥ ଶ୍ରୀଗୋପୀଜନଵଲ୍ଲଭାୟ ନମଃ॥
ନମାମି ୟମୁନାମହଂ ସକଲସିଦ୍ଧିହେତୁଂ ମୁଦା
ମୁରାରିପଦପଙ୍କଜସ୍ଫୁରଦମନ୍ଦରେଣୂତ୍କଟାମ୍ ।
ତଟସ୍ଥନଵକାନନପ୍ରକଟମୋଦପୁଷ୍ପାମ୍ବୁନା
ସୁରାସୁରସୁପୂଜିତସ୍ମରପିତୁଃ ଶ୍ରିୟଂ ବିଭ୍ରତୀମ୍ ॥ ୧ ॥
କଲିନ୍ଦଗିରିମସ୍ତକେ ପତଦମନ୍ଦପୂରୋଜ୍ଜ୍ଵଲା
ଵିଲାସଗମନୋଲ୍ଲସତ୍ପ୍ରକଟଗଣ୍ଡଶୈଲୋନ୍ନତା ।
ସଘୋଷଗତିଦନ୍ତୁରା ସମଧିରୂଢଦୋଲୋତ୍ତମା
ମୁକୁନ୍ଦରତିଵର୍ଧିନୀ ଜୟତି ପଦ୍ମବନ୍ଧୋଃ ସୁତା ॥ ୨ ॥
ଭୁଵଂ ଭୁଵନପାଵନୀମଧିଗତାମନେକସ୍ଵନୈଃ
ପ୍ରିୟାଭିରିଵ ସେଵିତାଂ ଶୁକମୟୂରହଂସାଦିଭିଃ ।
ତରଙ୍ଗଭୁଜକଙ୍କଣପ୍ରକଟମୁକ୍ତିକାଵାଲୁକା
ନିତମ୍ବତଟସୁନ୍ଦରୀଂ ନମତ କୃଷ୍ଣତୁର୍ୟପ୍ରିୟାମ୍ ॥ ୩ ॥
ଅନନ୍ତଗୁଣ ଭୂଷିତେ ଶିଵଵିରଞ୍ଚିଦେଵସ୍ତୁତେ
ଘନାଘନନିଭେ ସଦା ଧ୍ରୁଵପରାଶରାଭୀଷ୍ଟଦେ ।
ଵିଶୁଦ୍ଧମଥୁରାତଟେ ସକଲଗୋପଗୋପୀଵୃତେ
କୃପାଜଲଧିସଂଶ୍ରିତେ ମମ ମନସ୍ସୁଖଂ ଭାଵୟ ॥ ୪ ॥
ୟୟା ଚରଣପଦ୍ମଜା ମୁରରିପୋଃ ପ୍ରିୟମ୍ଭାଵୁକା
ସମାଗମନତୋଽଭଵତ୍ ସକଲସିଦ୍ଧିଦା ସେଵତାମ୍ ।
ତୟା ସଦୃଶତାମିୟାତ୍କମଲଜା ସପତ୍ନୀଵ ୟ-
ଦ୍ଧରିପ୍ରିୟକଲିନ୍ଦୟା ମନସି ମେ ସଦା ସ୍ଥୀୟତାମ୍ ॥ ୫ ॥
ନମୋଽସ୍ତୁ ୟମୁନେ ସଦା ତଵ ଚରିତ୍ରମତ୍ୟଦ୍ଭୁତଂ
ନ ଜାତୁ ୟମୟାତନା ଭଵତି ତେ ପୟଃ ପାନତଃ ।
ୟମୋଽପି ଭଗିନୀସୁତାନ୍କଥମୁ ହନ୍ତି ଦୁଷ୍ଟାନପି
ପ୍ରିୟୋ ଭଵତି ସେଵନାତ୍ତଵ ହରେର୍ୟଥା ଗୋପିକାଃ ॥ ୬ ॥
ମମାଽସ୍ତୁ ତଵ ସନ୍ନିଧୌ ତନୁନଵତ୍ଵମେତାଵତା
ନ ଦୁର୍ଲଭତମା ରତିର୍ମୁରରିପୌ ମୁକୁନ୍ଦପ୍ରିୟେ ।
ଅତୋଽସ୍ତୁ ତଵ ଲାଲନା ସୁରଧୁନୀ ପରଂ ସଙ୍ଗମା-
ତ୍ତଵୈଵ ଭୁଵି କୀର୍ତିତା ନ ତୁ କଦାପି ପୁଷ୍ଟିସ୍ଥିତୈଃ ॥ ୭ ॥
ସ୍ତୁତିଂ ତଵ କରୋତି କଃ କମଲଜାସପତ୍ନିପ୍ରିୟେ
ହରେର୍ୟଦନୁସେଵୟା ଭଵତି ସୌଖ୍ୟମାମୋକ୍ଷତଃ ।
ଇୟଂ ତଵ କଥାଽଧିକା ସକଲଗୋପିକାସଙ୍ଗମଃ ।
ସ୍ମରଶ୍ରମଜଲାଣୁଭିଃ ସକଲଗାତ୍ରଜୈଃ ସଙ୍ଗମଃ ॥ ୮ ॥
ତଵାଽଷ୍ଟକମିଦଂ ମୁଦା ପଠତି ସୂରସୂତେ ସଦା
ସମସ୍ତଦୁରିତକ୍ଷୟୋ ଭଵତି ଵୈ ମୁକୁନ୍ଦେ ରତିଃ ।
ତୟା ସକଲସିଦ୍ଧୟୋ ମୁରରିପୁଶ୍ଚ ସନ୍ତୁଷ୍ୟତି
ସ୍ଵଭାଵଵିଜୟୋ ଭଵେଦ୍ଵଦତି ଵଲ୍ଲଭଃ ଶ୍ରୀହରେଃ ॥ ୯ ॥
ଇତି ଶ୍ରୀଵଲ୍ଲଭାଚାର୍ୟଵିରଚିତଂ ଶ୍ରୀୟମୁନାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
River Yamuna Stotram » Yamunashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil