॥ Sri Guru Charan Sharan Ashtakam Bengali Lyrics ॥
॥ শ্রীগুরুচরণস্মরণাষ্টকম্ ॥
প্রাতঃ শ্রীতুলসীনতিঃ স্বকরতস্তত্পিণ্ডিকালেপনং
তত্সাম্মুখ্যমথ স্থিতিং স্মৃতিরথ স্বস্বামিনোঃ পাদয়োঃ ।
তত্সেবার্থবহুপ্রসূনচয়নং নিত্যং স্বয়ং য়স্য তং
শ্রীরাধারমণং মুদা গুরুবরং বন্দে নিপত্যাবনৌ ॥ ১ ॥
মধ্যাহ্নে তু নিজেশপাদকমলধ্যানার্চনান্নার্পণ
প্রাদক্ষিণানতিস্তুতিপ্রণয়িতা নৃত্যং সতাং সঙ্গতিঃ ।
শ্রীমদ্ভাগবতার্থসীধুমধুরাস্বাদঃ সদা য়স্য তং
শ্রীরাধারমণং মুদা গুরুবরং বন্দে নিপত্যাবনৌ ॥ ২ ॥
প্রক্ষাল্যাঙ্ঘ্রিয়ুগং নতিস্তুতিজয়ং কর্তুং মনোঽত্যুত্সুকং
সায়ং গোষ্ঠমুপাগতং বনভুবো দ্রষ্টুং নিজস্বামিনম্ ।
প্রেমানন্দভরেণ নেত্রপুটয়োর্ধারা চিরাদ্যস্য তং
শ্রীরাধারমণং মুদা গুরুবরং বন্দে নিপত্যাবনৌ ॥ ৩ ॥
রাত্রৌ শ্রীজয়দেবপদ্যপঠনং তদ্গীতগানং রসা
স্বাদো ভক্তজনৈঃ কদাচিদভিতঃ সঙ্কীর্তনে নর্তনম্ ।
রাধাকৃষ্ণবিলাসকেল্যনুভবাদুন্নিদ্রতা য়স্য তং
শ্রীরাধারমণং মুদা গুরুবরং বন্দে নিপত্যাবনৌ ॥ ৪ ॥
নিন্দেত্যক্ষরয়োর্দ্বয়ং পরিচয়ং প্রাপ্তং ন য়ত্কর্ণয়োঃ
সাধূনাং স্তুতিমেব য়ঃ স্বরসনামাস্বাদয়ত্যন্বহম্ ।
বিশ্বাস্যং জগদেব য়স্য ন পুনঃ কুত্রাপি দোষগ্রহঃ
শ্রীরাধারমণং মুদা গুরুবরং বন্দে নিপত্যাবনৌ ॥ ৫ ॥
য়ঃ কোঽপ্যস্তু পদাব্জয়োর্নিপতিতো য়ঃ স্বীকরোত্যেব তং
শীঘ্রং স্বীয়কৃপাবলেন কুরুতে ভক্তৌ তু মত্বাস্পদম্ ।
নিত্যং ভক্তিরহস্যশিক্ষণবিধির্যস্য স্বভৃত্যেষু তং
শ্রীরাধারমণং মুদা গুরুবরং বন্দে নিপত্যাবনৌ ॥ ৬ ॥
সর্বাঙ্গৈর্নতভৃত্যমূর্ধ্নি কৃপয়া স্বপাদার্পণং
স্মিত্বা চারু কৃপাবলোকসুধয়া তন্মানসোদাসনম্ ।
তত্প্রেমোদয়হেতবে স্বপদয়োঃ সেবোপদেশঃ স্বয়ং
শ্রীরাধারমণং মুদা গুরুবরং বন্দে নিপত্যাবনৌ ॥ ৭ ॥
রাধে ! কৃষ্ণ ! ইতি প্লুতস্বরয়ুতং নামামৃতং নাথয়ো-
র্জিহ্বাগ্রে নটয়ন্ নিরন্তরমহো নো বেত্তি বস্তু ক্বচিত্ ।
য়ত্কিঞ্চিদ্ব্যবহারসাধকমপি প্রেম্নৈব মগ্নোঽস্তি য়ঃ
শ্রীরাধারমণং মুদা গুরুবরং বন্দে নিপত্যাবনৌ ॥ ৮ ॥
ত্বত্পাদাম্বুজসীধুসূচকতয়া পদ্যাষ্টকং সর্বথা
য়াতং য়ত্পরমাণুতাং প্রভুবর প্রোদ্যত্কৃপাবারিধে ।
মচ্চেতোভ্রমরোঽবলম্বা তদিদং প্রাপ্যাবিলম্বং ভবত্
সঙ্গং মঞ্জুনিকুঞ্জধাম্নি জুষতাং তত্স্বামিনোঃ সৌরভম্ ॥ ৯ ॥
ইতি শ্রীমদ্বিশ্বনাথচক্রবর্তিবিরচিতং
শ্রীগুরুচরণস্মরণাষ্টকং সম্পূর্ণম্ ।
– Chant Stotra in Other Languages –
Shri Guru Charan Sharan Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil