॥ SitaRama Ashtakam Bengali Lyrics ॥
॥ শ্রীসীতারামাষ্টকম্ ॥
ব্রহ্মমহেন্দ্রসুরেন্দ্রমরুদ্গণরুদ্রমুনীন্দ্রগণৈরতিরম্যং
ক্ষীরসরিত্পতিতীরমুপেত্য নুতং হি সতামবিতারমুদারম্ ।
ভূমিভরপ্রশমার্থমথ প্রথিতপ্রকটীকৃতচিদ্ঘনমূর্তিম্ ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ১ ॥
পদ্মদলায়তলোচন হে রঘুবংশবিভূষণ দেব দয়ালো
নির্মলনীরদনীলতনোঽখিললোকহৃদম্বুজভাসক ভানো ।
কোমলগাত্র পবিত্রপদাব্জরজঃকণপাবিত গৌতমকান্ত ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ২ ॥
পূর্ণ পরাত্পর পালয় মামতিদীনমনাথমনন্তসুখাব্ধে
প্রাবৃডদভ্রতডিত্সুমনোহরপীতবরাম্বর রাম নমস্তে ।
কামবিভঞ্জন কান্ততরানন কাঞ্চনভূষণ রত্নকিরীট ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৩ ॥
দিব্যশরচ্ছশিকান্তিহরোজ্জ্বলমৌক্তিকমালবিশালসুমৌলে
কোটিরবিপ্রভ চারুচরিত্রপবিত্র বিচিত্রধনুঃশরপাণে ।
চণ্ডমহাভুজদণ্ডবিখণ্ডিতরাক্ষসরাজমহাগজদণ্ডম্ ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৪ ॥
দোষবিহিংস্রভুজঙ্গসহস্রসুরোষমহানলকীলকলাপে
জন্মজরামরণোর্মিময়ে মদমন্মথনক্রবিচক্রভবাব্ধৌ ।
দুঃখনিধৌ চ চিরং পতিতং কৃপয়াদ্য সমুদ্ধর রাম ততো মাম্ ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৫ ॥
সংসৃতিঘোরমদোত্কটকুঞ্জরতৃট্ক্ষুদনীরদপিণ্ডিততুণ্ডং
দণ্ডকরোন্মথিতং চ রজস্তম উন্মদমোহপদোজ্ঝিতমার্তম্ ।
দীনমনন্যগতিং কৃপণং শরণাগতমাশু বিমোচয় মূঢম্ ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৬ ॥
জন্মশতার্জিতপাপসমন্বিতহৃত্কমলে পতিতে পশুকল্পে
হে রঘুবীর মহারণধীর দয়াং কুরু ময়্যতিমন্দমনীষে ।
ত্বং জননী ভগিনী চ পিতা মম তাবদসি ত্ববিতাপি কৃপালো ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৭ ॥
ত্বাং তু দয়ালুমকিঞ্চনবত্সলমুত্পলহারমপারমুদারং রাম
বিহায় কমন্যমনাময়মীশ জনং শরণং ননু য়ায়াম্ ।
ত্বত্পদপদ্মমতঃ শ্রিতমেব মুদা খলু দেব সদাব সসীত ।
ত্বাং ভজতো রঘুনন্দন দেহি দয়াঘন মে স্বপদাম্বুজদাস্যম্ ॥ ৮ ॥
য়ঃ করুণামৃতসিন্ধুরনাথজনোত্তমবন্ধুরজোত্তমকারী
ভক্তভয়োর্মিভবাব্ধিতরিঃ সরয়ূতটিনীতটচারুবিহারী ।
তস্য রঘুপ্রবরস্য নিরন্তরমষ্টকমেতদনিষ্টহরং বৈ য়স্তু
পঠেদমরঃ স নরো লভতেঽচ্যুতরামপদাম্বুজদাস্যম্ ॥ ৯ ॥
॥ ইতি শ্রীমন্মধুসূদনাশ্রমশিষ্যাচ্যুতয়তিবিরচিতং
শ্রীসীতারামাষ্টকং সম্পূর্ণম্ ॥
– Chant Stotra in Other Languages –
Sita Slokam » Sita Rama Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil