॥ Sri Svayambhagavattvashtakam Odia Lyrics ॥
॥ ଶ୍ରୀସ୍ଵୟଂଭଗଵତ୍ତ୍ଵାଷ୍ଟକମ୍ ॥
ସ୍ଵଜନ୍ମନ୍ୟୈଶ୍ଵର୍ୟଂ ବଲମିହ ଵଧେ ଦୈତ୍ୟଵିତତେ-
ର୍ୟଶଃ ପାର୍ଥତ୍ରାଣେ ୟଦୁପୁରି ମହାସମ୍ପଦମଧାତ୍ ।
ପରଂ ଜ୍ଞାନଂ ଜିଷ୍ଣୌ ମୁଷଲମନୁ ଵୈରାଗ୍ୟମନୁ ୟୋ
ଭଗୈଃ ଷଡ୍ଭିଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୧ ॥
ଚତୁର୍ବାହୁତ୍ଵଂ ୟଃ ସ୍ଵଜନି ସମୟେ ୟୋ ମୃଦଶନେ
ଜଗତ୍କୋଟୀଂ କୁକ୍ଷ୍ୟନ୍ତରପରିମିତତ୍ଵଂ ସ୍ଵଵପୁଷଃ ।
ଦଧିସ୍ଫୋଟେ ବ୍ରହ୍ମଣ୍ୟତନୁତ ପରାନନ୍ତତନୁତାଂ
ମହୈଶ୍ଵର୍ୟଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୨ ॥
ବଲଂ ବକ୍ୟାଂ ଦନ୍ତଚ୍ଛଦନଵରୟୋଃ କେଶିନି ନୃଗେ
ନିଋପେ ବାହ୍ଵୋରଙ୍ଘ୍ରେଃ ଫଣିନି ଵପୁଷଃ କଂସମରୁତୋଃ ।
ଗିରିତ୍ରେ ଦୈତ୍ୟେଷ୍ଵପ୍ୟତନୁତ ନିଜାସ୍ତ୍ରସ୍ୟ ୟଦତୋ
ମହୌଜୋଭିଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୩ ॥
ଅସଙ୍ଖ୍ୟାତୋ ଗୋପ୍ୟୋ ଵ୍ରଜଭୁଵି ମହିଷ୍ୟୋ ୟଦୁପୁରେ
ସୁତାଃ ପ୍ରଦ୍ୟୁମ୍ନାଦ୍ୟାଃ ସୁରତରୁସୁଧର୍ମାଦି ଚ ଧନମ୍ ।
ବହିର୍ଦ୍ଵାରି ବ୍ରହ୍ମାଦ୍ୟାପି ବଲିଵହଂ ସ୍ତୌତି ୟଦତଃ
ଶ୍ରିୟାଂ ପୂରୈଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୪ ॥
ୟତୋ ଦତ୍ତେ ମୁକ୍ତିଂ ରିପୁଵିତତୟେ ୟନ୍ ନରଜନି-
ର୍ଵିଜେତା ରୁଦ୍ରାଦେରପି ନତଜନାଧୀନ ଇତି ୟତ୍ ।
ସଭାୟାଂ ଦ୍ରୌପଦ୍ୟା ଵରକୃଦତିପୂଜ୍ୟୋ ନୃପମଖେ
ୟଶୋଭିସ୍ତତ୍ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୫ ॥
ନ୍ୟଧାଦ୍ଗୀତାରତ୍ନଂ ତ୍ରିଜଗଦତୁଲଂ ୟତ୍ପ୍ରିୟସଖେ
ପରଂ ତତ୍ତ୍ଵଂ ପ୍ରେମ୍ଣୋଦ୍ଧଵପରମଭକ୍ତେ ଚ ନିଗମମ୍ ।
ନିଜପ୍ରାଣପ୍ରେସ୍ଠାସ୍ଵପି ରସଭୃତଂ ଗୋପକୁଲଜା-
ସ୍ଵତୋ ଜ୍ଞାନୈଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୬ ॥
କୃତାଗସ୍କଂ ଵ୍ୟାଧଂ ସତନୁମପି ଵୈକୁଣ୍ଠମନୟନ୍
ମମତ୍ଵସ୍ୟୈକାଗ୍ରାନପି ପରିଜନାନ୍ ହନ୍ତ ଵିଜହୌ ।
ୟଦ୍ୟପ୍ୟେତେ ଶ୍ରୁତ୍ୟା ଧୁଵତନୁତୟୋକ୍ତାସ୍ତଦପି ହା
ସ୍ଵଵୈରାଗ୍ୟୈଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୭ ॥
ଅଜତ୍ଵଂ ଜନ୍ମିତ୍ଵଂ ରତିରରତିତେହାରହିତତା
ସଲୀଲତ୍ଵଂ ଵ୍ୟାପ୍ତିଃ ପରିମିତିରହଂତାମମତୟୋଃ ।
ପଦେ ତ୍ୟାଗାତ୍ୟାଗାଵୁଭୟମପି ନିତ୍ୟଂ ସଦୁରରୀ
କରୋତୀଶଃ ପୂର୍ଣଃ ସ ଭଵତୁ ମୁଦେ ନନ୍ଦତନୟଃ ॥ ୮ ॥
ସମୁଦ୍ୟତ୍ସନ୍ଦେହଜ୍ଵରଶତହରଂ ଭେଷଜଵରଂ
ଜନୋ ୟଃ ସେଵେତ ପ୍ରଥିତଭଗଵତ୍ତ୍ଵାଷ୍ଟକମିଦମ୍ ।
ତଦୈଶ୍ଵର୍ୟସ୍ଵାଦୈଃ ସ୍ଵଧିୟମତିଵେଲଂ ସରସୟନ୍
ଲଭେତାସୌ ତସ୍ୟ ପ୍ରିୟପରିଜନାନୁଗ୍ୟପଦଵୀମ୍ ॥ ୯ ॥
ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀଶ୍ରୀସ୍ଵୟଂଭଗଵତ୍ତ୍ଵାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil