॥ Achyutashtakam by Shridhara Venkatesha Odia Lyrics ॥
॥ ଅଚ୍ୟୁତାଷ୍ଟକଂ ଶ୍ରୀଧରଵେଂକଟେଶଵିରଚିତମ୍ ॥
ଅଥ ଅଚ୍ୟୁତାଷ୍ଟକମ୍ ॥
ଅଭିଲପନନିସର୍ଗାଦଚ୍ୟୁତାଖ୍ୟେ ଭଜେ ତ୍ଵାଂ
ହରସି ମଦଘବୃନ୍ଦଂ ତ୍ଵଦ୍ଭୁବୁକ୍ଷାଵଶାତ୍ ତ୍ଵମ୍ ।
ଅଘହୃଦିତି ତଵାଂବ ପ୍ରତ୍ୟୁତ ଖ୍ୟାତିଦୋଽହଂ
ତ୍ଵୟି ମମ ଵଦ କା ଵା ସଂଗତିର୍ଦୈନ୍ୟଵାଚାମ୍ ॥ ୧ ॥
ଚିରାତୀତା ସାନ୍ଦୀପନିତନୁଭୁଵଃ କାଲଭଵନ-
ପ୍ରପତ୍ତିସ୍ତଂ ପିତ୍ରୋଃ ପୁନରଗମୟତ୍ ସନ୍ନିଧିମିତି ।
ୟଶଃ କୃଷ୍ଣସ୍ୟେଦଂ କଥମହହ ନ ତ୍ଵାଂ ରସନୟା
ୟଦି ଶ୍ରୀକୃଷ୍ଣାଖ୍ୟେ ଭଜତି ସ ତାଦନୀଂ ମୁନିସୁତଃ ॥ ୨ ॥
ହରେର୍ୟଚ୍ଚୋରତ୍ଵଂ ୟଦପି ଚ ତଥା ଜାରଚରିତଂ
ତଦେତତ୍ ସର୍ଵାଂହସ୍ତତିକୃତେ ସଂକଥନତଃ ।
ଇତୀଦଂ ମାହାତ୍ମ୍ୟଂ ମଧୁମଥନ ତେ ଦୀପିତମିଦଂ
ଵଦନ୍ତ୍ୟାଃ କୃଷ୍ଣାଖ୍ୟେ ତଵହି ଵିଚରନ୍ତ୍ୟା ଵିଲସିତମ୍ ॥ ୩ ॥
ସଭାୟାଂ ଦ୍ରୌପତ୍ୟାଽଂଶୁକସୃତିଭିୟା ତଦ୍ରସନୟା
ଧୃତା ତସ୍ୟାଶ୍ଚେଲଂ ପ୍ରତନୁ ତଦଵସ୍ଥଂ ଵିଦଧତୀ ।
ଵ୍ୟତାନୀଶ୍ଶୈଲାଭଂ ଵସନଵିସରଂ ଚାଂବ ହରତା-
ମିୟାନ୍ ଗୋଵିନ୍ଦାଖ୍ୟେ ଵଦ ଵସନରାଶିସ୍ତଵ କୁତଃ ॥ ୪ ॥
ଅଧିରସନମୟି ତ୍ଵାମଚ୍ୟୁତାଖ୍ୟେ ଦଧାନଂ
ଵନଜଭଵମୁଖାନାଂ ଵନ୍ଦ୍ୟମାହୁର୍ମହାନ୍ତଃ ।
ସତୁ ଵିନମତି ମାତଶ୍ଚାଶ୍ଵଗୋଶ୍ଵାଦନାଦୀନ୍
ଭଵତି ନନୁ ଵିଚିତ୍ରା ପଦ୍ଧତିସ୍ତାଵକାନାମ୍ ॥ ୫ ॥
ଜନନି ମୁରଭିଦାଖ୍ୟେ ଜାହ୍ନଵୀନିମ୍ନଗୈକା
ସମଜନି ପଦପଦ୍ମାଚ୍ଚକ୍ରିଣସ୍ତ୍ଵାଶ୍ରିତାନାମ୍ ।
ପରିଣମତି ସମସ୍ତାଃ ପାଦଵାର୍ଘିନ୍ଦୁରେକୋ
ଜଗତି ନନୁ ତଟିନ୍ୟୋ ଜାହ୍ନଵୀସହ୍ୟଜାଦ୍ୟାଃ ॥ ୬ ॥
ସମଵହିତମପଶ୍ୟନ୍ ସନ୍ନିଧୌ ଵୈନତେୟଂ
ପ୍ରସଭଵିଧୁତପଦ୍ମାପାଣିରୀଶୋଽଚ୍ୟୁତାଖ୍ୟେ ।
ସମଵିତୁମୁପନୀତଃ ସାଗଜେନ୍ଦ୍ରଂ ତ୍ଵୟା ଦ୍ରାକ୍
ଵଦ ଜନନି ଵିନା ତ୍ଵାଂ କେନ ଵା କିଂ ତଦାଭୂତ୍ ॥ ୭ ॥
ୟଦେଷ ସ୍ତୌମି ତ୍ଵାଂ ତ୍ରିୟୁଗଚରଣତ୍ରାୟିଣି ତତୋ
ମହିମ୍ନଃ କା ହାନିସ୍ତଵତୁ ମମ ସଂପନ୍ନିରଵଧିଃ ।
ଶୁନା ଲୀଲାକାମଂ ଭଵତି ସୁରସିନ୍ଧୁର୍ଭଗଵତୀ
ତଦେଷା କିଂଭୂତା ସତୁ ସପଦି ସନ୍ତାପଭରିତଃ ॥ ୮ ॥
ଇତି ଶ୍ରୀଶ୍ରୀଧରଵେଂକଟେଶାର୍ୟକୃତୌ ଅଚ୍ୟୁତାଷ୍ଟକଂ ସଂପୂର୍ଣମ୍ ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Bengali » Gujarati » Kannada » Malayalam » Telugu » Tamil