॥ Kakinya Ashtottara Sahasranama Stotram Odia Lyrics ॥
॥ କାକିନ୍ୟଷ୍ଟୋତ୍ତରସହସ୍ରନାମସ୍ତୋତ୍ର ॥
ଶ୍ରୀଗଣେଶାୟ ନମଃ ।
ଶ୍ରୀଆନନ୍ଦଭୈରଵ ଉଵାଚ ।
ଵଦ କଲ୍ୟାଣି କାମେଶି ତ୍ରୈଲୋକ୍ୟପରିପୂଜିତେ ।
ବ୍ରହ୍ମାଣ୍ଡାନନ୍ତନିଲୟେ କୈଲାସଶିଖରୋଜ୍ଜ୍ଵଲେ ॥ ୧ ॥
କାଲିକେ କାଲରାତ୍ରିସ୍ଥେ ମହାକାଲନିଷେଵିତେ ।
ଶବ୍ଦବ୍ରହ୍ମସ୍ଵରୂପେ ତ୍ଵଂ ଵକ୍ତୁମର୍ହସି ସାଦରାତ୍ ॥ ୨ ॥
ସହସ୍ରନାମୟୋଗାଖ୍ୟମ୍ ଅଷ୍ଟୋତ୍ତରମନନ୍ତରମ୍ ।
ଅନନ୍ତକୋଟିବ୍ରହ୍ମାଣ୍ଡଂ ସାରଂ ପରମମଙ୍ଗଲମ୍ ॥ ୩ ॥
ଜ୍ଞାନସିଦ୍ଧିକରଂ ସାକ୍ଷାଦ୍ ଅତ୍ୟନ୍ତାନନ୍ଦଵର୍ଧନମ୍ ।
ସଙ୍କେତଶବ୍ଦମୋକ୍ଷାର୍ଥଂ କାକିନୀଶ୍ଵରସଂୟୁତମ୍ ॥ ୪ ॥
ପରାନନ୍ଦକରଂ ବ୍ରହ୍ମ ନିର୍ଵାଣପଦଲାଲିତମ୍ ।
ସ୍ନେହାଦଭିସୁଖାନନ୍ଦାଦାଦୌ ବ୍ରହ୍ମ ଵରାନନେ ॥ ୫ ॥
ଇଚ୍ଛାମି ସର୍ଵଦା ମାତର୍ଜଗତାଂ ସୁରସୁନ୍ଦରି ।
ସ୍ନେହାନନ୍ଦରସୋଦ୍ରେକସମ୍ବନ୍ଧାନ୍ କଥୟ ଦ୍ରୁତମ୍ ॥ ୬ ॥
ଶ୍ରୀଆନନ୍ଦଭୈରଵୀ ଉଵାଚ
ଈଶ୍ଵର ଶ୍ରୀନୀଲକଣ୍ଠ ନାଗମାଲାଵିଭୂଷିତଃ ।
ନାଗେନ୍ଦ୍ରଚିତ୍ରମାଲାଢ୍ୟ ନାଗାଧିପରମେଶ୍ଵରଃ ॥ ୭ ॥
କାକିନୀଶ୍ଵରୟୋଗାଢ୍ୟଂ ସହସ୍ରନାମ ମଙ୍ଗଲମ୍ ।
ଅଷ୍ଟୋତ୍ତରଂ ଵୃତାକାରଂ କୋଟିସୌଦାମିନୀପ୍ରଭମ୍ ॥ ୮ ॥
ଆୟୁରାରୋଗ୍ୟଜନନଂ ଶୃଣୁଷ୍ଵାଵହିତୋ ମମ ।
ଅନନ୍ତକୋଟିବ୍ରହ୍ମାଣ୍ଡସାରଂ ନିତ୍ୟଂ ପରାତ୍ପରମ୍ ॥ ୯ ॥
ସାଧନଂ ବ୍ରହ୍ମଣୋ ଜ୍ଞାନଂ ୟୋଗାନାଂ ୟୋଗସାଧନମ୍ ।
ସାର୍ଵଜ୍ଞଗୁହ୍ୟସଂସ୍କାରଂ ସଂସ୍କାରାଦିଫଲପ୍ରଦମ୍ ॥ ୧୦ ॥
ଵାଞ୍ଛାସିଦ୍ଧିକରଂ ସାକ୍ଷାନ୍ମହାପାତକନାଶନମ୍ ।
ମହାଦାରିଦ୍ର୍ୟଶମନଂ ମହୈଶ୍ଵର୍ୟପ୍ରଦାୟକମ୍ ॥ ୧୧ ॥
ଜପେଦ୍ୟଃ ପ୍ରାତରି ପ୍ରୀତୋ ମଧ୍ୟାହ୍ନେଽସ୍ତମିତେ ରଵୌ ।
ନମସ୍କୃତ୍ୟ ଜପେନ୍ନାମ ଧ୍ୟାନୟୋଗପରାୟଣଃ ॥ ୧୨ ॥
କାକିନୀଶ୍ଵରସଂୟୋଗଂ ଧ୍ୟାନଂ ଧ୍ୟାନଗୁଣୋଦୟମ୍ ।
ଆଦୌ ଧ୍ୟାନଂ ସମାଚର୍ୟ ନିର୍ମଲୋଽମଲଚେତସା ॥ ୧୩ ॥
ଧ୍ୟାୟେଦ୍ ଦେଵୀଂ ମହାକାଲୀଂ କାକିନୀଂ କାଲରୂପିଣୀମ୍ ।
ପରାନନ୍ଦରସୋନ୍ମତ୍ତାଂ ଶ୍ୟାମାଂ କାମଦୁଘାଂ ପରାମ୍ ॥ ୧୪ ॥
ଚତୁର୍ଭୁଜାଂ ଖଡ୍ଗଚର୍ମଵରପଦ୍ମଧରାଂ ହରାମ୍ ।
ଶତ୍ରୁକ୍ଷୟକରୀଂ ରତ୍ନାଽଲଙ୍କାରକୋଟିମଣ୍ଡିତାମ୍ ॥ ୧୫ ॥
ତରୁଣାନନ୍ଦରସିକାଂ ପୀତଵସ୍ତ୍ରାଂ ମନୋରମାମ୍ ।
କେୟୂରହାରଲଲିତାଂ ତାଟଙ୍କଦ୍ଵୟଶୋଭିତାମ୍ ॥ ୧୬ ॥
ଈଶ୍ଵରୀଂ କାମରତ୍ନାଖ୍ୟାଂ କାକଚଞ୍ଚୁପୁଟାନନାମ୍ ।
ସୁନ୍ଦରୀଂ ଵନମାଲାଢ୍ୟାଂ ଚାରୁସିଂହାସନସ୍ଥିତାମ୍ ॥ ୧୭ ॥
ହୃତ୍ପଦ୍ମକର୍ଣିକାମଧ୍ୟାକାଶସୌଦାମିନୀପ୍ରଭାମ୍ ।
ଏଵଂ ଧ୍ୟାତ୍ଵା ପଠେନ୍ନାମମଙ୍ଗଲାନି ପୁନଃ ପୁନଃ ॥ ୧୮ ॥
ଈଶ୍ଵରଂ କୋଟିସୂର୍ୟାଭଂ ଧ୍ୟାୟେଦ୍ଧୃଦୟମଣ୍ଡଲେ ।
ଚତୁର୍ଭୁଜଂ ଵୀରରୂପଂ ଲାଵଣ୍ୟଂ ଭାଵସମ୍ଭଵମ୍ ॥ ୧୯ ॥
ଶ୍ୟାମଂ ହିରଣ୍ୟଭୂଷାଙ୍ଗଂ ଚନ୍ଦ୍ରକୋଟିସୁଶୀତଲମ୍ ।
ଅଭୟଂ ଵରଦଂ ପଦ୍ମଂ ମହାଖଡ୍ଗଧରଂ ଵିଭୁମ୍ ॥ ୨୦ ॥
କିରୀଟିନଂ ମହାକାୟଂ ସ୍ମିତହାସ୍ୟଂ ପ୍ରକାଶକମ୍ ।
ହୃଦୟାମ୍ବୁଜମଧ୍ୟସ୍ଥଂ ନୂପୁରୈରୁପଶୋଭିତମ୍ ॥ ୨୧ ॥
କୋଟିକାଲାନଲଂ ଦୀପ୍ତଂ କାକିନୀଦକ୍ଷିଣସ୍ଥିତମ୍ ।
ଏଵଂ ଵିଚିନ୍ତ୍ୟ ମନସା ୟୋଗିନଂ ପରମେଶ୍ଵରମ୍ ॥ ୨୨ ॥
ତତଃ ପଠେତ୍ ସହସ୍ରାଖ୍ୟଂ ଵଦାମି ଶୃଣୁ ତତ୍ପ୍ରଭୋ ॥ ୨୩ ॥
ଅସ୍ୟ ଶ୍ରୀକାକିନୀଶ୍ଵରସହସ୍ରନାମସ୍ତୋତ୍ରସ୍ୟ ବ୍ରହ୍ମାଋଷି,
ଗାୟତ୍ରୀଚ୍ଛନ୍ଦଃ, ଜଗଦୀଶ୍ଵର କାକିନୀ ଦେଵତା,
ନିର୍ଵାଣୟୋଗାର୍ଥ ସିଦ୍ଧୟର୍ଥେ ଜପେ ଵିନିୟୋଗଃ ।
ଓଂ ଈଶ୍ଵରଃ କାକିନୀଶାନ ଈଶାନ କମଲେଶ୍ଵରୀ ।
ଈଶଃ କାକେଶ୍ଵରୀଶାନୀ ଈଶ୍ଵରୀଶଃ କୁଲେଶ୍ଵରୀ ॥ ୨୪ ॥
ଈଶମୋକ୍ଷଃ କାମଧେନୁଃ କପର୍ଦୀଶଃ କପର୍ଦିନୀ ।
କୌଲଃ କୁଲୀନାନ୍ତରଗା କଵିଃ କାଵ୍ୟପ୍ରକାଶିନୀ ॥ ୨୫ ॥
କଲାଦେଶଃ ସୁକଵିତା କାରଣଃ କରୁଣାମୟୀ ।
କଞ୍ଜପତ୍ରେକ୍ଷଣଃ କାଲୀ କାମଃ କୋଲାଵଲୀଶ୍ଵରୀ ॥ ୨୬ ॥
କିରାତରୂପୀ କୈଵଲ୍ୟା କିରଣଃ କାମନାଶନା ।
କାର୍ଣାଟେଶଃ ସକର୍ଣାଟୀ କଲିକଃ କାଲିକାପୁଟା ॥ ୨୭ ॥
କିଶୋରଃ କୀଶୁନମିତା କେଶଵେଶଃ କୁଲେଶ୍ଵରୀ ।
କେଶକିଞ୍ଜଲ୍କକୁଟିଲଃ କାମରାଜକୁତୂହଲା ॥ ୨୮ ॥
କରକୋଟିଧରଃ କୂଟା କ୍ରିୟାକ୍ରୂରଃ କ୍ରିୟାଵତୀ ।
କୁମ୍ଭହା କୁମ୍ଭହନ୍ତ୍ରୀ ଚ କଟକଚ୍ଛକଲାଵତୀ ॥ ୨୯ ॥
କଞ୍ଜଵକ୍ତ୍ରଃ କାଲମୁଖୀ କୋଟିସୂର୍ୟକରାନନା ।
କମ୍ରଃ କଲପଃ ସମୃଦ୍ଧିସ୍ଥା କୁପୋଽନ୍ତସ୍ଥଃ କୁଲାଚଲା ॥ ୩୦ ॥
କୁଣପଃ କୌଲପାକାଶା ସ୍ଵକାନ୍ତଃ କାମଵାସିନୀ ।
ସୁକୃତିଃ ଶାଙ୍କରୀ ଵିଦ୍ୟା କଲକଃ କଲନାଶ୍ରୟା ॥ ୩୧ ॥
କର୍କନ୍ଧୁସ୍ଥଃ କୌଲକନ୍ୟା କୁଲୀନଃ କନ୍ୟକାକୁଲା ।
କୁମାରଃ କେଶରୀ ଵିଦ୍ୟା କାମହା କୁଲପଣ୍ଡିତା ॥ ୩୨ ॥
କଲ୍କୀଶଃ କମନୀୟାଙ୍ଗୀ କୁଶଲଃ କୁଶଲାଵତୀ ।
କେତକୀପୁଷ୍ପମାଲାଢ୍ୟଃ କେତକୀକୁସୁମାନ୍ଵିତା ॥ ୩୩ ॥
କୁସୁମାନନ୍ଦମାଲାଢ୍ୟଃ କୁସୁମାମଲମାଲିକା ।
କଵୀନ୍ଦ୍ରଃ କାଵ୍ୟସମ୍ଭୂତଃ କାମମଞ୍ଜୀରରଞ୍ଜିନୀ ॥ ୩୪ ॥
କୁଶାସନସ୍ଥଃ କୌଶଲ୍ୟାକୁଲପଃ କଲ୍ପପାଦପା ।
କଲ୍ପଵୃକ୍ଷଃ କଲ୍ପଲତା ଵିକଲ୍ପଃ କଲ୍ପଗାମିନୀ ॥ ୩୫ ॥
କଠୋରସ୍ଥଃ କାଚନିଭା କରାଲଃ କାଲଵାସିନୀ ।
କାଲକୂଟାଶ୍ରୟାନନ୍ଦଃ କର୍କଶାକାଶଵାହିନୀ ॥ ୩୬ ॥
କଟଧୂମାକୃତିଚ୍ଛାୟୋ ଵିକଟାସନସଂସ୍ଥିତା ।
କାୟଧାରୀ କୂପକରୀ କରଵୀରାଗତଃ କୃଷୀ ॥ ୩୭ ॥
କାଲଗମ୍ଭୀରନାଦାନ୍ତା ଵିକଲାଲାପମାନସା ।
ପ୍ରକୃତୀଶଃ ସତ୍ପ୍ରକୃତିଃ ପ୍ରକୃଷ୍ଟଃ କର୍ଷିଣୀଶ୍ଵରୀ ॥ ୩୮ ॥
ଭଗଵାନ୍ ଵାରୁଣୀଵର୍ଣା ଵିଵର୍ଣୋ ଵର୍ଣରୂପିଣୀ ।
ସୁଵର୍ଣଵର୍ଣୋ ହେମାଭୋ ମହାନ୍ ମହେନ୍ଦ୍ରପୂଜିତା ॥ ୩୯ ॥
ମହାତ୍ମା ମହତୀଶାନୀ ମହେଶୋ ମତ୍ତଗାମିନୀ ।
ମହାଵୀରୋ ମହାଵେଗା ମହାଲକ୍ଷ୍ମୀଶ୍ଵରୋ ମତିଃ ॥ ୪୦ ॥
ମହାଦେଵୋ ମହାଦେଵୀ ମହାନନ୍ଦୋ ମହାକଲା ।
ମହାକାଲୋ ମହାକାଲୀ ମହାବଲୋ ମହାବଲା ॥ ୪୧ ॥
ମହାମାନ୍ୟୋ ମହାମାନ୍ୟା ମହାଧନ୍ୟୋ ମହାଧନୀ ।
ମହାମାଲୋ ମହାମାଲା ମହାକାଶୋ ମହାକାଶା ॥ ୪୨ ॥
ମହାୟଶୋ ମହାୟଜ୍ଞା ମହାରାଜୋ ମହାରଜା ।
ମହାଵିଦ୍ୟୋ ମହାଵିଦ୍ୟା ମହାମୁଖ୍ୟୋ ମହାମଖୀ ॥ ୪୩ ॥
ମହାରାତ୍ରୋ ମହାରାତ୍ରିର୍ମହାଧୀରୋ ମହାଶୟା ।
ମହାକ୍ଷେତ୍ରୋ ମହାକ୍ଷେତ୍ରା କୁରୁକ୍ଷେତ୍ରଃ କୁରୁପ୍ରିୟା ॥ ୪୪ ॥
ମହାଚଣ୍ଡୋ ମହୋଗ୍ରା ଚ ମହାମତ୍ତୋ ମହାମତିଃ ।
ମହାଵେଦୋ ମହାଵେଦା ମହୋତ୍ସାହୋ ମହୋତ୍ସଵା ॥ ୪୫ ॥
ମହାକଲ୍ପୋ ମହାକଲ୍ପା ମହାୟୋଗୋ ମହାଗତିଃ ।
ମହାଭଦ୍ରୋ ମହାଭଦ୍ରା ମହାସୂକ୍ଷ୍ମୋ ମହାଚଲା ॥ ୪୬ ॥
ମହାଵାକ୍ୟୋ ମହାଵାଣୀ ମହାୟଜ୍ଵା ମହାଜଵା ।
ମହାମୂର୍ତୀର୍ମହାକାନ୍ତା ମହାଧର୍ମୋ ମହାଧନା ॥ ୪୭ ॥
ମହାମହୋଗ୍ରୋ ମହିଷୀ ମହାଭୋଗ୍ୟୋ ମହାପ୍ରଭା ।
ମହାକ୍ଷେମୋ ମହାମାୟା ମହାମାୟା ମହାରମା ॥ ୪୮ ॥
ମହେନ୍ଦ୍ରପୂଜିତା ମାତା ଵିଭାଲୋ ମଣ୍ଡଲେଶ୍ଵରୀ ।
ମହାଵିକାଲୋ ଵିକଲା ପ୍ରତଲସ୍ଥଲଲାମଗା ॥ ୪୯ ॥
କୈଵଲ୍ୟଦାତା କୈଵଲ୍ୟା କୌତୁକସ୍ଥୋ ଵିକର୍ଷିଣୀ ।
ଵାଲାପ୍ରତିର୍ଵାଲପତ୍ନୀ ବଲରାମୋ ଵଲାଙ୍ଗଜା ॥ ୫୦ ॥
ଅଵଲେଶଃ କାମଵୀରା ପ୍ରାଣେଶଃ ପ୍ରାଣରକ୍ଷିଣୀ ।
ପଞ୍ଚମାଚାରଗଃ ପଞ୍ଚାପଞ୍ଚମଃ ପଞ୍ଚମୀଶ୍ଵରୀ ॥ ୫୧ ॥
ପ୍ରପଞ୍ଚଃ ପଞ୍ଚରସଗା ନିଷ୍ପ୍ରପଞ୍ଚଃ କୃପାମୟୀ ।
କାମରୂପୀ କାମରୂପା କାମକ୍ରୋଧଵିଵର୍ଜିତା ॥ ୫୨ ॥
କାମାତ୍ମା କାମନିଲୟା କାମାଖ୍ୟା କାମଚଞ୍ଚଲା ।
କାମପୁଷ୍ପଧରଃ କାମା କାମେଶଃ କାମପୁଷ୍ପିଣୀ ॥ ୫୩ ॥
ମହାମୁଦ୍ରାଧରୋ ମୁଦ୍ରା ସନ୍ମୁଦ୍ରଃ କାମମୁଦ୍ରିକା ।
ଚନ୍ଦ୍ରାର୍ଧକୃତଭାଲାଭୋ ଵିଧୁକୋଟିମୁଖାମ୍ବୁଜା ॥ ୫୪ ॥
ଚନ୍ଦ୍ରକୋଟିପ୍ରଭାଧାରୀ ଚନ୍ଦ୍ରଜ୍ୟୋତିଃସ୍ଵରୂପିଣୀ ।
ସୂର୍ୟାଭୋ ଵୀରକିରଣା ସୂର୍ୟକୋଟିଵିଭାଵିତା ॥ ୫୫ ॥
ମିହିରେଶୋ ମାନଵକା ଅନ୍ତର୍ଗ୍ଗାମୀ ନିରାଶ୍ରୟା ।
ପ୍ରଜାପତୀଶଃ କଲ୍ୟାଣୀ ଦକ୍ଷେଶଃ କୁଲରୋହିଣୀ ॥ ୫୬ ॥
ଅପ୍ରଚେତାଃ ପ୍ରଚେତସ୍ଥା ଵ୍ୟାସେଶୋ ଵ୍ୟାସପୂଜିତା ।
କାଶ୍ୟପେଶଃ କାଶ୍ୟପେଶୀ ଭୃଗ୍ଵୀଶୋ ଭାର୍ଗଵେଶ୍ଵରୀ ॥ ୫୭ ॥
ଵଶିଷ୍ଠଃ ପ୍ରିୟଭାଵସ୍ଥୋ ଵଶିଷ୍ଠବାଧିତାପରା ।
ପୁଲସ୍ତ୍ୟପୂଜିତୋ ଦେଵଃ ପୁଲସ୍ତ୍ୟଚିତ୍ତସଂସ୍ଥିତା ॥ ୫୮ ॥
ଅଗସ୍ତ୍ୟାର୍ଚ୍ୟୋଽଗସ୍ତ୍ୟମାତା ପ୍ରହ୍ଲାଦେଶୋ ଵଲୀଶ୍ଵରୀ ।
କର୍ଦମେଶଃ କର୍ଦମାଦ୍ୟା ବାଲକୋ ବାଲପୂଜିତା ॥ ୫୯ ॥
ମନସ୍ଥଶ୍ଚାନ୍ତରିକ୍ଷସ୍ଥା ଶବ୍ଦଜ୍ଞାନୀ ସରସ୍ଵତୀ ।
ରୂପାତୀତା ରୂପଶୂନ୍ୟା ଵିରୂପୋ ରୂପମୋହିନୀ ॥ ୬୦ ॥
ଵିଦ୍ୟାଧରେଶୋ ଵିଦ୍ୟେଶୀ ଵୃଷସ୍ଥୋ ଵୃଷଵାହିନୀ ।
ରସଜ୍ଞୋ ରସିକାନନ୍ଦା ଵିରସୋ ରସଵର୍ଜିତା ॥ ୬୧ ॥
ସୌନଃ ସନତ୍କୁମାରେଶୀ ୟୋଗଚର୍ୟେଶ୍ଵରଃ ପ୍ରିୟା ।
ଦୁର୍ଵାଶାଃ ପ୍ରାଣନିଲୟଃ ସାଙ୍ଖ୍ୟୟୋଗସମୁଦ୍ଭଵା ॥ ୬୨ ॥
ଅସଙ୍ଖ୍ୟେୟୋ ମାଂସଭକ୍ଷା ସୁମାଂସାଶୀ ମନୋରମା ।
ନରମାଂସଵିଭୋକ୍ତା ଚ ନରମାଂସଵିନୋଦିନୀ ॥ ୬୩ ॥
ମୀନଵକ୍ତ୍ରପ୍ରିୟୋ ମୀନା ମୀନଭୁଙ୍ମୀନଭକ୍ଷିଣୀ ।
ରୋହିତାଶୀ ମତ୍ସ୍ୟଗନ୍ଧା ମତ୍ସ୍ୟନାଥୋ ରସାପହା ॥ ୬୪ ॥
ପାର୍ଵତୀପ୍ରେମନିକରୋ ଵିଧିଦେଵାଧିପୂଜିତା ।
ଵିଧାତୃଵରଦୋ ଵେଦ୍ୟା ଵେଦୋ ଵେଦକୁମାରିକା ॥ ୬୫ ॥
ଶ୍ୟାମେଶୋ ସିତଵର୍ଣା ଚ ଚାସିତୋଽସିତରୂପିଣୀ ।
ମହାମତ୍ତାଽଽସଵାଶୀ ଚ ମହାମତ୍ତାଽଽସଵପ୍ରିୟା ॥ ୬୬ ॥
ଆସଵାଢ୍ୟୋଽମନାଦେଵୀ ନିର୍ମଲାସଵପାମରା ।
ଵିସତ୍ତୋ ମଦିରାମତ୍ତା ମତ୍ତକୁଞ୍ଜରଗାମିନୀ ॥ ୬୭ ॥
ମଣିମାଲାଧରୋ ମାଲାମାତୃକେଶଃ ପ୍ରସନ୍ନଧୀଃ ।
ଜରାମୃତ୍ୟୁହରୋ ଗୌରୀ ଗାୟନସ୍ଥୋ ଜରାମରା ॥ ୬୮ ॥
ସୁଚଞ୍ଚଲୋଽତିଦୁର୍ଧର୍ଷା କଣ୍ଠସ୍ଥୋ ହୃଦ୍ଗତା ସତୀ ।
ଅଶୋକଃ ଶୋକରହିତା ମନ୍ଦରସ୍ଥୋ ହି ମନ୍ତ୍ରିଣୀ ॥ ୬୯ ॥
ମନ୍ତ୍ରମାଲାଧରାନନ୍ଦୋ ମନ୍ତ୍ରୟନ୍ତ୍ରପ୍ରକାଶିନୀ ।
ମନ୍ତ୍ରାର୍ଥଚୈତନ୍ୟକରୋ ମନ୍ତ୍ରସିଦ୍ଧିପ୍ରକାଶିନୀ ॥ ୭୦ ॥
ମନ୍ତ୍ରଜ୍ଞୋ ମନ୍ତ୍ରନିଲୟା ମନ୍ତ୍ରାର୍ଥାମନ୍ତ୍ରମନ୍ତ୍ରିଣୀ ।
ବୀଜଧ୍ୟାନସମନ୍ତସ୍ଥା ମନ୍ତ୍ରମାଲେଽତିସିଦ୍ଧିଦା ॥ ୭୧ ॥
ମନ୍ତ୍ରଵେତ୍ତା ମନ୍ତ୍ରସିଦ୍ଧିର୍ମନ୍ତ୍ରସ୍ଥୋ ମାନ୍ତ୍ରିକାନ୍ତରା ।
ବୀଜସ୍ଵରୂପୋ ବୀଜେଶୀ ବୀଜମାଲେଽତି ବୀଜିକା ॥ ୭୨ ॥
ବୀଜାତ୍ମା ବୀଜନିଲୟା ବୀଜାଢ୍ୟା ବୀଜମାଲିନୀ ।
ବୀଜଧ୍ୟାନୋ ବୀଜୟଜ୍ଞା ବୀଜାଢ୍ୟା ବୀଜମାଲିନୀ ॥ ୭୩ ॥
ମହାବୀଜଧରୋ ବୀଜା ବୀଜାଢ୍ୟା ବୀଜଵଲ୍ଲଭା ।
ମେଘମାଲା ମେଘମାଲୋ ଵନମାଲୀ ହଲାୟୁଧା ॥ ୭୪ ॥
କୃଷ୍ଣାଜିନଧରୋ ରୌଦ୍ରା ରୌଦ୍ରୀ ରୌଦ୍ରଗଣାଶ୍ରୟା ।
ରୌଦ୍ରପ୍ରିୟୋ ରୌଦ୍ରକର୍ତ୍ରୀ ରୌଦ୍ରଲୋକପ୍ରଦଃ ପ୍ରଭା ॥ ୭୫ ॥
ଵିନାଶୀ ସର୍ଵଗାନାଂ ଚ ସର୍ଵାଣୀ ସର୍ଵସମ୍ପଦା ।
ନାରଦେଶଃ ପ୍ରଧାନେଶୀ ଵାରଣେଶୋ ଵନେଶ୍ଵରୀ ॥ ୭୬ ॥
କୃଷ୍ଣେଶ୍ଵରଃ କେଶଵେଶୀ କୃଷ୍ଣଵର୍ଣସ୍ତ୍ରିଲୋଚନା ।
କାମେଶ୍ଵରୋ ରାଘଵେଶୀ ବାଲେଶୀ ଵା ବାଣପୂଜିତଃ ॥ ୭୭ ॥
ଭଵାନୀଶୋ ଭଵାନୀ ଚ ଭଵେନ୍ଦ୍ରୋ ଭଵଵଲ୍ଲଭା ।
ଭଵାନନ୍ଦୋଽତିସୂକ୍ଷ୍ମାଖ୍ୟା ଭଵମୂତୀର୍ଭଵେଶ୍ଵରୀ ॥ ୭୮ ॥
ଭଵଚ୍ଛାୟୋ ଭଵାନନ୍ଦୋ ଭଵଭୀତିହରୋ ଵଲା ।
ଭାଷାଜ୍ଞାନୀଭାଷମାଲା ମହାଜୀଵୋଽତିଵାସନା ॥ ୭୯ ॥
ଲୋଭାପଦୋ ଲୋଭକର୍ତ୍ରୀ ପ୍ରଲୋଭୋ ଲୋଭଵର୍ଧିନୀ ।
ମୋହାତୀତୋ ମୋହମାତା ମୋହଜାଲୋ ମହାଵତୀ ॥ ୮୦ ॥
ମୋହମୁଦ୍ଗରଧାରୀ ଚ ମୋହମୁଦ୍ଗରଧାରିଣୀ ।
ମୋହାନ୍ଵିତୋ ମୋହମୁଗ୍ଧା କାମେଶଃ କାମିନୀଶ୍ଵରୀ ॥ ୮୧ ॥
କାମଲାପକରୋଽକାମା ସତ୍କାମୋ କାମନାଶିନୀ ।
ବୃହନ୍ମୁଖୋ ବୃହନ୍ନେତ୍ରା ପଦ୍ମାଭୋଽମ୍ବୁଜଲୋଚନା ॥ ୮୨ ॥
ପଦ୍ମମାଲଃ ପଦ୍ମମାଲା ଶ୍ରୀଦେଵୋ ଦେଵରକ୍ଷିଣୀ ।
ଅସିତୋଽପ୍ୟସିତା ଚୈଵ ଆହ୍ଲାଦୋ ଦେଵମାତୃକା ॥ ୮୩ ॥
ନାଗେଶ୍ଵରଃ ଶୈଲମାତା ନାଗେନ୍ଦ୍ରୋ ଵୈ ନଗାତ୍ମଜା ।
ନାରାୟଣେଶ୍ଵରଃ କୀର୍ତିଃ ସତ୍କୀର୍ତିଃ କୀର୍ତିଵର୍ଧିନୀ ॥ ୮୪ ॥
କାର୍ତିକେଶଃ କାର୍ତିକୀ ଚ ଵିକର୍ତା ଗହନାଶ୍ରୟା ।
ଵିରକ୍ତୋ ଗରୁଡାରୂଢା ଗରୁଡସ୍ଥୋ ହି ଗାରୁଡୀ ॥ ୮୫ ॥
ଗରୁଡେଶୋ ଗୁରୁମୟୀ ଗୁରୁଦେଵୋ ଗୁରୁପ୍ରଦା ।
ଗୌରାଙ୍ଗେଶୋ ଗୌରକନ୍ୟା ଗଙ୍ଗେଶଃ ପ୍ରାଙ୍ଗଣେଶ୍ଵରୀ ॥ ୮୬ ॥
ପ୍ରତିକେଶୋ ଵିଶାଲା ଚ ନିରାଲୋକୋ ନିରୀନ୍ଦ୍ରିୟା ।
ପ୍ରେତବୀଜସ୍ଵରୂପଶ୍ଚ ପ୍ରେତାଽଲଙ୍କାରଭୂଷିତା ॥ ୮୭ ॥
ପ୍ରେମଗେହଃ ପ୍ରେମହନ୍ତ୍ରୀ ହରୀନ୍ଦ୍ରୋ ହରିଣେକ୍ଷଣା ।
କାଲେଶଃ କାଲିକେଶାନୀ କୌଲିକେଶଶ୍ଚ କାକିନୀ ॥ ୮୮ ॥
କାଲମଞ୍ଜୀରଧାରୀ ଚ କାଲମଞ୍ଜୀରମୋହିନୀ ।
କରାଲଵଦନଃ କାଲୀ କୈଵଲ୍ୟଦାନଦଃ କଥା ॥ ୮୯ ॥
କମଲାପାଲକଃ କୁନ୍ତୀ କୈକେୟୀଶଃ ସୁତଃ କଲା ।
କାଲାନଲଃ କୁଲଜ୍ଞା ଚ କୁଲଗାମୀ କୁଲାଶ୍ରୟା ॥ ୯୦ ॥
କୁଲଧର୍ମସ୍ଥିତଃ କୌଲା କୁଲମାର୍ଗଃ କୁଲାତୁରା ।
କୁଲଜିହ୍ଵଃ କୁଲାନନ୍ଦା କୃଷ୍ଣଃ କୃଷ୍ଣସମୁଦ୍ଭଵା ॥ ୯୧ ॥
କୃଷ୍ଣେଶଃ କୃଷ୍ଣମହିଷୀ କାକସ୍ଥଃ କାକଚଞ୍ଚୁକା ।
କାଲଧର୍ମଃ କାଲରୂପା କାଲଃ କାଲପ୍ରକାଶିନୀ ॥ ୯୨ ॥
କାଲଜଃ କାଲକନ୍ୟା ଚ କାଲେଶଃ କାଲସୁନ୍ଦରୀ ।
ଖଡ୍ଗହସ୍ତଃ ଖର୍ପରାଢ୍ୟା ଖରଗଃ ଖରଖଡ୍ଗନୀ ॥ ୯୩ ॥
ଖଲବୁଦ୍ଧିହରଃ ଖେଲା ଖଞ୍ଜନେଶଃ ସୁଖାଞ୍ଜନୀ ।
ଗୀତପ୍ରିୟୋ ଗାୟନସ୍ଥା ଗଣପାଲୋ ଗୃହାଶ୍ରୟା ॥ ୯୪ ॥
ଗର୍ଗପ୍ରିୟୋ ଗୟାପ୍ରାପ୍ତିର୍ଗର୍ଗସ୍ଥୋ ହି ଗଭୀରିଣା ।
ଗାରୁଡୀଶୋ ହି ଗାନ୍ଧର୍ଵୀ ଗତୀଶୋ ଗାର୍ହଵହ୍ନିଜା ॥ ୯୫ ॥
ଗଣଗନ୍ଧର୍ଵଗୋପାଲୋ ଗଣଗନ୍ଧର୍ଵଗୋ ଗତା ।
ଗଭୀରମାନୀ ସମ୍ଭେଦୋ ଗଭୀରକୋଟିସାଗରା ॥ ୯୬ ॥
ଗତିସ୍ଥୋ ଗାଣପତ୍ୟସ୍ଥା ଗଣନାଦ୍ୟୋ ଗଵା ତନୂଃ ।
ଗନ୍ଧଦ୍ଵାରୋ ଗନ୍ଧମାଲା ଗନ୍ଧାଢ୍ୟୋ ଗନ୍ଧନିର୍ଗମା ॥ ୯୭ ॥
ଗନ୍ଧମୋହିତସର୍ଵାଙ୍ଗୋ ଗନ୍ଧଚଞ୍ଚଲମୋହିନୀ ।
ଗନ୍ଧପୁଷ୍ପଧୂପଦୀପନୈଵେଦ୍ୟାଦିପ୍ରପୂଜିତା ॥ ୯୮ ॥
ଗନ୍ଧାଗୁରୁସୁକସ୍ତୂରୀ କୁଙ୍କୁମାଦିଵିମଣ୍ଡିତା ।
ଗୋକୁଲା ମଧୁରାନନ୍ଦା ପୁଷ୍ପଗନ୍ଧାନ୍ତରସ୍ଥିତା ॥ ୯୯ ॥
ଗନ୍ଧମାଦନସମ୍ଭୂତପୁଷ୍ପମାଲ୍ୟଵିଭୂଷିତଃ ।
ରତ୍ନାଦ୍ୟଶେଷାଲଙ୍କାରମାଲାମଣ୍ଡିତଵିଗ୍ରହଃ ॥ ୧୦୦ ॥
ସ୍ଵର୍ଣାଦ୍ୟଶେଷାଲଙ୍କାରହାରମାଲାଵିମଣ୍ଡିତା ।
କରଵୀରା ୟୁତପ୍ରଖ୍ୟରକ୍ତଲୋଚନପଙ୍କଜଃ ॥ ୧୦୧ ॥
ଜଵାକୋଟିକୋଟିଶତ ଚାରୁଲୋଚନପଙ୍କଜା ।
ଘନକୋଟିମହାନାସ୍ୟ ପଙ୍କଜାଲୋଲଵିଗ୍ରହା ॥ ୧୦୨ ॥
ଘର୍ଘରଧ୍ଵନିମାନନ୍ଦକାଵ୍ୟାମ୍ବୁଧିମୁଖାମ୍ବୁଜା ।
ଘୋରଚିତ୍ରସର୍ପରାଜ ମାଲାକୋଟିଶତାଙ୍କଭୃତ୍ ॥ ୧୦୩ ॥
ଘନଘୋରମହାନାଗ ଚିତ୍ରମାଲାଵିଭୂଷିତା ।
ଘଣ୍ଟାକୋଟିମହାନାଦମାନନ୍ଦଲୋଲଵିଗ୍ରହଃ ॥ ୧୦୪ ॥
ଘଣ୍ଟାଡମରୁମନ୍ତ୍ରାଦି ଧ୍ୟାନାନନ୍ଦକରାମ୍ବୁଜା ।
ଘଟକୋଟିକୋଟିଶତସହସ୍ରମଙ୍ଗଲାସନା ॥ ୧୦୫ ॥
ଘଣ୍ଟାଶଙ୍ଖପଦ୍ମଚକ୍ରଵରାଭୟକରାମ୍ବୁଜା ।
ଘାତକୋ ରିପୁକୋଟୀନାଂ ଶୁମ୍ଭାଦୀନାଂ ତଥା ସତାମ୍ ॥ ୧୦୬ ॥
ଘାତିନୀଦୈତ୍ୟଘୋରାଶ୍ଚ ଶଙ୍ଖାନାଂ ସତତଂ ତଥା ।
ଚାର୍ଵାକମତସଙ୍ଘାତଚତୁରାନନପଙ୍କଜଃ ॥ ୧୦୭ ॥
ଚଞ୍ଚଲାନନ୍ଦସର୍ଵାର୍ଥସାରଵାଗ୍ଵାଦିନୀଶ୍ଵରୀ ।
ଚନ୍ଦ୍ରକୋଟିସୁନିର୍ମାଲ ମାଲାଲମ୍ବିତକଣ୍ଠଭୃତ୍ ॥ ୧୦୮ ॥
ଚନ୍ଦ୍ରକୋଟିସମାନସ୍ୟ ପଙ୍କେରୁହମନୋହରା ।
ଚନ୍ଦ୍ରଜ୍ୟୋତ୍ସ୍ନାୟୁତପ୍ରଖ୍ୟହାରଭୂଷିତମସ୍ତକଃ ॥ ୧୦୯ ॥
ଚନ୍ଦ୍ରବିମ୍ବସହସ୍ରାଭାୟୁତଭୂଷିତମସ୍ତକଃ ।
ଚାରୁଚନ୍ଦ୍ରକାନ୍ତମଣିମଣିହାରାୟୁତାଙ୍ଗଭୃତ୍ ॥ ୧୧୦ ॥
ଚନ୍ଦନାଗୁରୁକସ୍ତୂରୀ କୁଙ୍କୁମାସକ୍ତମାଲିନୀ ।
ଚଣ୍ଡମୁଣ୍ଡମହାମୁଣ୍ଡାୟୁତନିର୍ମଲମାଲ୍ୟଭୃତ୍ ॥ ୧୧୧ ॥
ଚଣ୍ଡମୁଣ୍ଡଘୋରମୁଣ୍ଡନିର୍ମାଣକୁଲମାଲିନୀ ।
ଚଣ୍ଡାଟ୍ଟହାସଘୋରାଢ୍ୟଵଦନାମ୍ଭୋଜଚଞ୍ଚଲଃ ॥ ୧୧୨ ॥
ଚଲତ୍ଖଞ୍ଜନନେତ୍ରାମ୍ଭୋରୁହମୋହିତଶଙ୍କରା ।
ଚଲଦମ୍ଭୋଜନୟନାନନ୍ଦପୁଷ୍ପକରମୋହିତଃ ॥ ୧୧୩ ॥
ଚଲଦିନ୍ଦୁଭାଷମାଣାଵଗ୍ରହଖେଦଚନ୍ଦ୍ରିକା ।
ଚନ୍ଦ୍ରାର୍ଧକୋଟିକିରଣଚୂଡାମଣ୍ଡଲମଣ୍ଡିତଃ ॥ ୧୧୪ ॥
ଚନ୍ଦ୍ରଚୂଡାମ୍ଭୋଜମାଲା ଉତ୍ତମାଙ୍ଗଵିମଣ୍ଡିତଃ ।
ଚଲଦର୍କସହସ୍ରାନ୍ତ ରତ୍ନହାରଵିଭୂଷିତଃ ॥ ୧୧୫ ॥
ଚଲଦର୍କକୋଟିଶତମୁଖାମ୍ଭୋଜତପୋଜ୍ଜ୍ଵଲା ।
ଚାରୁରତ୍ନାସନାମ୍ଭୋଜଚନ୍ଦ୍ରିକାମଧ୍ୟସଂସ୍ଥିତଃ ॥ ୧୧୬ ॥
ଚାରୁଦ୍ଵାଦଶପତ୍ରାଦି କର୍ଣିକାସୁପ୍ରକାଶିକା ।
ଚମତ୍କାରଗଟଙ୍କାରଧୁନର୍ବାଣକରାମ୍ବୁଜଃ ॥ ୧୧୭ ॥
ଚତୁର୍ଥଵେଦଗାଥାଦି ସ୍ତୁତିକୋଟିସୁସିଦ୍ଧିଦା ।
ଚଲଦମ୍ବୁଜନେତ୍ରାର୍କଵହ୍ନିଚନ୍ଦ୍ରତ୍ରୟାନ୍ଵିତଃ ॥ ୧୧୮ ॥
ଚଲତ୍ସହସ୍ରସଙ୍ଖ୍ୟାତ ପଙ୍କଜାଦିପ୍ରକାଶିକା ।
ଚମତ୍କାରାଟ୍ଟହାସାସ୍ୟ ସ୍ମିତପଙ୍କଜରାଜୟଃ ॥ ୧୧୯ ॥
ଚମତ୍କାରମହାଘୋରସାଟ୍ଟାଟ୍ଟହାସଶୋଭିତା ।
ଛାୟାସହସ୍ରସଂସାରଶୀତଲାନିଲଶୀତଲଃ ॥ ୧୨୦ ॥
ଛଦପଦ୍ମପ୍ରଭାମାନସିଂହାସନସମାସ୍ଥିତା ।
ଛଲତ୍କୋଟିଦୈତ୍ୟରାଜମୁଣ୍ଡମାଲାଵିଭୂଷିତଃ ॥ ୧୨୧ ॥
ଛିନ୍ନାଦିକୋଟିମନ୍ତ୍ରାର୍ଥଜ୍ଞାନଚୈତନ୍ୟକାରିଣୀ ।
ଚିତ୍ରମାର୍ଗମହାଧ୍ଵାନ୍ତଗ୍ରନ୍ଥିସମ୍ଭେଦକାରକଃ ॥ ୧୨୨ ॥
ଅସ୍ତ୍ରକାସ୍ତ୍ରାଦିବ୍ରହ୍ମାସ୍ତ୍ରସହସ୍ରକୋଟିଧାରିଣୀ ।
ଅଜାମାଂସାଦିସଦ୍ଭକ୍ଷରସାମୋଦପ୍ରଵାହଗଃ ॥ ୧୨୩ ॥
ଛେଦନାଦିମହୋଗ୍ରାସ୍ତ୍ରେ ଭୁଜଵାମପ୍ରକାଶିନୀ ।
ଜୟାଖ୍ୟାଦିମହାସାମ ଜ୍ଞାନାର୍ଥସ୍ୟ ପ୍ରକାଶକଃ ॥ ୧୨୪ ॥
ଜାୟାଗଣହୃଦମ୍ଭୋଜ ବୁଦ୍ଧିଜ୍ଞାନପ୍ରକାଶିନୀ ।
ଜନାର୍ଦନପ୍ରେମଭାଵ ମହାଧନସୁଖପ୍ରଦଃ ॥ ୧୨୫ ॥
ଜଗଦୀଶକୁଲାନନ୍ଦସିନ୍ଧୁପଙ୍କଜଵାସିନୀ ।
ଜୀଵନାସ୍ଥାଦିଜନକଃ ପରମାନନ୍ଦୟୋଗିନାମ୍ ॥ ୧୨୬ ॥
ଜନନୀ ୟୋଗଶାସ୍ତ୍ରାଣାଂ ଭକ୍ତାନାଂ ପାଦପଦ୍ମୟୋଃ ।
ରୁକ୍ଷପଵନନିର୍ଵାତମହୋଲ୍କାପାତକାରୁଣଃ ॥ ୧୨୭ ॥
ଝର୍ଝରୀମଧୁରୀ ଵୀଣା ଵେଣୁଶଙ୍ଖପ୍ରଵାଦିନୀ ।
ଝନତ୍କାରୌଘସଂହାରକରଦଣ୍ଡଵିଶାନଧୃକ୍ ॥ ୧୨୮ ॥
ଝର୍ଝରୀନାୟିକାର୍ୟ୍ୟାଦିକରାମ୍ଭୋଜନିଷେଵିତା ।
ଟଙ୍କାରଭାଵସଂହାରମହାଜାଗରଵେଶଧୃକ୍ ॥ ୧୨୯ ॥
ଟଙ୍କାସିପାଶୁପାତାସ୍ତ୍ରଚର୍ମକାର୍ମୁକଧାରିଣୀ ।
ଟଲନାନଲସଙ୍ଘଟ୍ଟପଟ୍ଟାମ୍ବରଵିଭୂଷିତଃ ॥ ୧୩୦ ॥
ଟୁଲ୍ଟୁନୀ କିଙ୍କିଣୀ କୋଟି ଵିଚିତ୍ରଧ୍ଵନିଗାମିନୀ ।
ଠଂ ଠଂ ଠଂ ମନୁମୂଲାନ୍ତଃ ସ୍ଵପ୍ରକାଶପ୍ରବୋଧକଃ ॥ ୧୩୧ ॥
ଠଂ ଠଂ ଠଂ ପ୍ରଖରାହ୍ଲାଦନାଦସଂଵାଦଵାଦିନୀ ।
ଠଂ ଠଂ ଠଂ କୂର୍ମପୃଷ୍ଠସ୍ଥଃ କାମଚାକାରଭାସନଃ ॥ ୧୩୨ ॥
ଠଂ ଠଂ ଠଂ ବୀଜଵହ୍ନିସ୍ଥ ହାତୁକଭ୍ରୂଵିଭୂଷିତା ।
ଡାମରପ୍ରଖରାହ୍ଲାଦସିଦ୍ଧିଵିଦ୍ୟାପ୍ରକାଶକଃ ॥ ୧୩୩ ॥
ଡିଣ୍ଡିମଧ୍ଵାନମଧୁରଵାଣୀସମ୍ମୁଖପଙ୍କଜା ।
ଡଂ ଡଂ ଡଂ ଖରକୃତ୍ୟାଦି ମାରଣାନ୍ତଃପ୍ରକାଶିକା ॥ ୧୩୪ ॥
ଢକ୍କାରଵାଦ୍ୟଭୂପୂରତାରସପ୍ତସ୍ଵରାଶ୍ରୟଃ ।
ଢୌଂ ଢୌଂ ଢୌଂ ଢୌକଢକ୍କଲଂ ଵହ୍ନିଜାୟାମନୁପ୍ରିୟଃ ॥ ୧୩୫ ॥
ଢଂ ଢଂ ଢଂ ଢୌଂ ଢ ଢଂ ଢ କୃତ୍ୟେତ୍ଥାହେତି ଵାସିନୀ ।
ତାରକବ୍ରହ୍ମମନ୍ତ୍ରସ୍ଥଃ ଶ୍ରୀପାଦପଦ୍ମଭାଵକଃ ॥ ୧୩୬ ॥
ତାରିଣ୍ୟାଦିମହାମନ୍ତ୍ର ସିଦ୍ଧିସର୍ଵାର୍ଥସିଦ୍ଧିଦା ।
ତନ୍ତ୍ରମନ୍ତ୍ରମହାୟନ୍ତ୍ର ଵେଦୟୋଗସୁସାରଵିତ୍ ॥ ୧୩୭ ॥
ତାଲଵେତାଲଦୈତାଲଶ୍ରୀତାଲାଦିସୁସିଦ୍ଧଦା ।
ତରୁକଲ୍ପଲତାପୁଷ୍ପକଲବୀଜପ୍ରକାଶକଃ ॥ ୧୩୮ ॥
ଡିନ୍ତିଡୀତାଲହିନ୍ତାଲତୁଲସୀକୁଲଵୃକ୍ଷଜା ।
ଅକାରକୂଟଵିନ୍ଦ୍ଵିନ୍ଦୁମାଲାମଣ୍ଡିତଵିଗ୍ରହଃ ॥ ୧୩୯ ॥
ସ୍ଥାତୃପ୍ରସ୍ଥପ୍ରଥାଗାଥାସ୍ଥୂଲସ୍ଥିତ୍ୟନ୍ତସଂହରା ।
ଦରୀକୁଞ୍ଜହେମମାଲାଵନମାଲାଦିଭୂଷିତଃ ॥ ୧୪୦ ॥
ଦାରିଦ୍ର୍ୟଦୁଃଖଦହନକାଲାନଲଶତୋପମଃ ।
ଦଶସାହସ୍ରଵକ୍ତ୍ରାମ୍ଭୋରୁହଶୋଭିତଵିଗ୍ରହଃ ॥ ୧୪୧ ॥
ପାଶାଭୟଵରାହ୍ଲାଦଧନଧର୍ମାଦିଵର୍ଧିନୀ ।
ଧର୍ମକୋଟିଶତୋଲ୍ଲାସସିଦ୍ଧିଋଦ୍ଧିସମୃଦ୍ଧିଦା ॥ ୧୪୨ ॥
ଧ୍ୟାନୟୋଗଜ୍ଞାନୟୋଗମନ୍ତ୍ରୟୋଗଫଲପ୍ରଦା ।
ନାମକୋଟିଶତାନନ୍ତସୁକୀର୍ତିଗୁଣମୋହନଃ ॥ ୧୪୩ ॥
ନିମିତ୍ତଫଲସଦ୍ଭାଵଭାଵାଭାଵଵିଵର୍ଜିତା ।
ପରମାନନ୍ଦପଦଵୀ ଦାନଲୋଲପଦାମ୍ବୁଜଃ ॥ ୧୪୪ ॥
ପ୍ରତିଷ୍ଠାସୁନିଵୃତ୍ତାଦି ସମାଧିଫଲସାଧିନୀ ।
ଫେରଵୀଗଣସନ୍ମାନଵସୁସିଦ୍ଧିପ୍ରଦାୟକଃ ॥ ୧୪୫ ॥
ଫେତ୍କାରୀକୁଲତନ୍ତ୍ରାଦି ଫଲସିଦ୍ଧିସ୍ଵରୂପିଣୀ ।
ଵରାଙ୍ଗନାକୋଟିକୋଟିକରାମ୍ଭୋଜନିସେଵିତା ॥ ୧୪୬ ॥
ଵରଦାନଜ୍ଞାନଦାନ ମୋକ୍ଷଦାତିଚଞ୍ଚଲା ।
ଭୈରଵାନନ୍ଦନାଥାଖ୍ୟ ଶତକୋଟିମୁଦାନ୍ଵିତଃ ॥ ୧୪୭ ॥
ଭାଵସିଦ୍ଧିକ୍ରିୟାସିଦ୍ଧି ସାଷ୍ଟାଙ୍ଗସିଦ୍ଧିଦାୟିନୀ ।
ମକାରପଞ୍ଚକାହ୍ଲାଦମହାମୋଦଶରୀରଧୃକ୍ ॥ ୧୪୮ ॥
ମଦିରାଦିପଞ୍ଚତତ୍ତ୍ଵନିର୍ଵାଣଜ୍ଞାନଦାୟିନୀ ।
ୟଜମାନକ୍ରିୟାୟୋଗଵିଭାଗଫଲଦାୟକଃ ॥ ୧୪୯ ॥
ୟଶଃ ସହସ୍ରକୋଟିସ୍ଥ ଗୁଣଗାୟନତତ୍ପରା ।
ରଣମଧ୍ୟସ୍ଥକାଲାଗ୍ନି କ୍ରୋଧଧାରସୁଵିଗ୍ରହଃ ॥ ୧୫୦ ॥
କାକିନୀଶାକିନୀଶକ୍ତିୟୋଗାଦି କାକିନୀକଲା ।
ଲକ୍ଷଣାୟୁତକୋଟୀନ୍ଦୁଲଲାଟତିଲକାନ୍ଵିତଃ ॥ ୧୫୧ ॥
ଲାକ୍ଷାବନ୍ଧୂକସିନ୍ଦୂରଵର୍ଣଲାଵଣ୍ୟଲାଲିତା ।
ଵାତାୟୁତସହସ୍ରାଙ୍ଗଘୂର୍ଣାୟମାନଭୂଧରଃ ॥ ୧୫୨ ॥
ଵିଵସ୍ଵତ୍ପ୍ରେମଭକ୍ତିସ୍ଥ ଚରଣଦ୍ଵନ୍ଦ୍ଵନିର୍ମଲା ।
ଶ୍ରୀସୀତାପତିଶୁଦ୍ଧାଙ୍ଗ ଵ୍ୟାପ୍ତେନ୍ଦ୍ରନୀଲସନ୍ନିଭଃ ॥ ୧୫୩ ॥
ଶୀତନୀଲାଶତାନନ୍ଦସାଗରପ୍ରେମଭକ୍ତିଦା ।
ଷଟ୍ପଙ୍କେରୁହଦେଵାଦିସ୍ଵପ୍ରକାଶପ୍ରବୋଧିନୀ ॥ ୧୫୪ ॥
ମହୋମୀସ୍ଥଷଡାଧାରପ୍ରସନ୍ନହୃଦୟାମ୍ବୁଜା ।
ଶ୍ୟାମପ୍ରେମକଲାବନ୍ଧସର୍ଵାଙ୍ଗକୁଲନାୟକଃ ॥ ୧୫୫ ॥
ସଂସାରସାରଶାସ୍ତ୍ରାଦି ସମ୍ବନ୍ଧସୁନ୍ଦରାଶ୍ରୟା ।
ହ୍ସୌଃ ପ୍ରେତମହାବୀଜମାଲାଚିତ୍ରିତକଣ୍ଠଧୃକ୍ ॥ ୧୫୬ ॥
ହକାରଵାମକର୍ଣାଢ୍ୟ ଚନ୍ଦ୍ରବିନ୍ଦୁଵିଭୂଷିତା ।
ଲୟସୃଷ୍ଟିସ୍ଥିତିକ୍ଷେତ୍ରପାନପାଲକନାମଧୃକ୍ ॥ ୧୫୭ ॥
ଲକ୍ଷ୍ମୀଲକ୍ଷଜପାନନ୍ଦସିଦ୍ଧିସିଦ୍ଧାନ୍ତଵର୍ଣିନୀ ।
କ୍ଷୁନ୍ନିଵୃତ୍ତିକ୍ଷପାରକ୍ଷା କ୍ଷୁଧାକ୍ଷୋଭନିଵାରକଃ ॥ ୧୫୮ ॥
କ୍ଷତ୍ରିୟାଦିକୁରୁକ୍ଷେତ୍ରାରୁଣାକ୍ଷିପ୍ତତ୍ରିଲୋଚନା ।
ଅନନ୍ତ ଇତିହାସସ୍ଥ ଆଜ୍ଞାଗାମୀ ଚ ଈଶ୍ଵରୀ ॥ ୧୫୯ ॥
ଉମେଶ ଉଟକନ୍ୟେଶୀ ଋଦ୍ଧିସ୍ଥହୃସ୍ଥଗୋମୁଖୀ ।
ଗକାରେଶ୍ଵରସଂୟୁକ୍ତ ତ୍ରିକୁଣ୍ଡଦେଵତାରିଣୀ ॥ ୧୬୦ ॥
ଐଣାଚୀଶପ୍ରିୟାନନ୍ଦ ଐରାଵତକୁଲେଶ୍ଵରୀ ।
ଓଢ୍ରପୁଷ୍ପାନନ୍ତଦୀପ୍ତ ଓଢ୍ରପୁଷ୍ପାନଖାଗ୍ରକା ॥ ୧୬୧ ॥
ଏହୃତ୍ୟଶତକୋଟିସ୍ଥ ଔ ଦୀର୍ଘପ୍ରଣଵାଶ୍ରୟା ।
ଅଙ୍ଗସ୍ଥାଙ୍ଗଦେଵସ୍ଥା ଅର୍ୟସ୍ଥଶ୍ଚାର୍ୟମେଶ୍ଵରୀ ॥ ୧୬୨ ॥
ମାତୃକାଵର୍ଣନିଲୟଃ ସର୍ଵମାତୃକଲାନ୍ଵିତା ।
ମାତୃକାମନ୍ତ୍ରଜାଲସ୍ଥଃ ପ୍ରସନ୍ନଗୁଣଦାୟିନୀ ॥ ୧୬୩ ॥
ଅତ୍ୟୁତ୍କଟପଥିପ୍ରଜ୍ଞା ଗୁଣମାତୃପଦେ ସ୍ଥିତା ।
ସ୍ଥାଵରାନନ୍ଦଦେଵେଶୋ ଵିସର୍ଗାନ୍ତରଗାମିନୀ ॥ ୧୬୪ ॥
ଅକଲଙ୍କୋ ନିଷ୍କଲଙ୍କୋ ନିରାଧାରୋ ନିରାଶ୍ରୟା ।
ନିରାଶ୍ରୟୋ ନିରାଧାରୋ ନିର୍ବୀଜୋ ବୀଜୟୋଗିନୀ ॥ ୧୬୫ ॥
ନିଃଶଙ୍କୋ ନିସ୍ପୃହାନନ୍ଦୋ ସିନ୍ଧୂରତ୍ନାଵଲିପ୍ରଭା ।
ଆକାଶସ୍ଥଃ ଖେଚରୀ ଚ ସ୍ଵର୍ଗଦାତା ଶିଵେଶ୍ଵରୀ ॥ ୧୬୬ ॥
ସୂକ୍ଷ୍ମାତିସୂକ୍ଷ୍ମାତ୍ଵୈର୍ଜ୍ଞେୟା ଦାରାପଦୁଃଖହାରିଣୀ ।
ନାନାଦେଶସମୁଦ୍ଭୂତୋ ନାନାଲଙ୍କାରଲଙ୍କୃତା ॥ ୧୬୭ ॥
ନଵୀନାଖ୍ୟୋ ନୂତନସ୍ଥ ନୟନାବ୍ଜନିଵାସିନୀ ।
ଵିଷୟାଖ୍ୟଵିଷାନନ୍ଦା ଵିଷୟାଶୀ ଵିଷାପହା ॥ ୧୬୮ ॥
ଵିଷୟାତୀତଭାଵସ୍ଥୋ ଵିଷୟାନନ୍ଦଘାତିନୀ ।
ଵିଷୟଚ୍ଛେଦନାସ୍ତ୍ରସ୍ଥୋ ଵିଷୟଜ୍ଞାନନାଶିନୀ ॥ ୧୬୯ ॥
ସଂସାରଛେଦକଚ୍ଛାୟୋ ଭଵଚ୍ଛାୟୋ ଭଵାନ୍ତକା ।
ସଂସାରାର୍ଥପ୍ରଵର୍ତଶ୍ଚ ସଂସାରପରିଵର୍ତିକା ॥ ୧୭୦ ॥
ସଂସାରମୋହହନ୍ତା ଚ ସଂସାରାର୍ଣଵତାରିଣୀ ।
ସଂସାରଘଟକଶ୍ରୀଦାସଂସାରଧ୍ଵାନ୍ତମୋହିନୀ ॥ ୧୭୧ ॥
ପଞ୍ଚତତ୍ତ୍ଵସ୍ଵରୂପଶ୍ଚ ପଞ୍ଚତତ୍ତ୍ଵପ୍ରବୋଧିନୀ ।
ପାର୍ଥିଵଃ ପୃଥିଵୀଶାନୀ ପୃଥୁପୂଜ୍ୟଃ ପୁରାତନୀ ॥ ୧୭୨ ॥
ଵରୁଣେଶୋ ଵାରୁଣା ଚ ଵାରିଦେଶୋ ଜଲୋଦ୍ୟମା ।
ମରୁସ୍ଥୋ ଜୀଵନସ୍ଥା ଚ ଜଲଭୁଗ୍ଜଲଵାହନା ॥ ୧୭୩ ॥
ତେଜଃ କାନ୍ତଃ ପ୍ରୋଜ୍ଜ୍ଵଲସ୍ଥା ତେଜୋରାଶେସ୍ତୁ ତେଜସୀ ।
ତେଜସ୍ଥସ୍ତେଜସୋ ମାଲା ତେଜଃ କୀର୍ତିଃ ସ୍ଵରଶ୍ମିଗା ॥ ୧୭୪ ॥
ପଵନେଶଶ୍ଚାନିଲସ୍ଥା ପରମାତ୍ମା ନିନାନ୍ତରା ।
ଵାୟୁପୂରକକାରୀ ଚ ଵାୟୁକୁମ୍ଭକଵର୍ଧିନୀ ॥ ୧୭୫ ॥
ଵାୟୁଚ୍ଛିଦ୍ରକରୋ ଵାତା ଵାୟୁନିର୍ଗମମୁଦ୍ରିକା ।
କୁମ୍ଭକସ୍ଥୋ ରେଚକସ୍ଥା ପୂରକସ୍ଥାତିପୂରିଣୀ ॥ ୧୭୬ ॥
ଵାୟ୍ଵାକାଶାଧାରରୂପୀ ଵାୟୁସଞ୍ଚାରକାରିଣୀ ।
ଵାୟୁସିଦ୍ଧିକରୋ ଦାତ୍ରୀ ଵାୟୁୟୋଗୀ ଚ ଵାୟୁଗା ॥ ୧୭୭ ॥
ଆକାଶପ୍ରକରୋ ବ୍ରାହ୍ମୀ ଆକାଶାନ୍ତର୍ଗତଦ୍ରିଗା ।
ଆକାଶକୁମ୍ଭକାନନ୍ଦୋ ଗଗନାହ୍ଲାଦଵର୍ଧିନୀ ॥ ୧୭୮ ॥
ଗଗନାଚ୍ଛନ୍ନଦେହସ୍ଥୋ ଗଗନାଭେଦକାରିଣୀ ।
ଗଗନାଦିମହାସିଦ୍ଧୋ ଗଗନଗ୍ରନ୍ଥିଭେଦିନୀ ॥ ୧୭୯ ॥
କଲକର୍ମା ମହାକାଲୀ କାଲୟୋଗୀ ଚ କାଲିକା ।
କାଲଛତ୍ରଃ କାଲହତ୍ୟା କାଲଦେଵୋ ହି କାଲିକା ॥ ୧୮୦ ॥
କାଲବ୍ରହ୍ମସ୍ଵରୂପଶ୍ଚ କାଲିତତ୍ତ୍ଵାର୍ଥରକ୍ଷିଣୀ ।
ଦିଗମ୍ବରୋ ଦିକ୍ପତିସ୍ଥା ଦିଗାତ୍ମା ଦିଗିଭାସ୍ଵରା ॥ ୧୮୧ ॥
ଦିକ୍ପାଲସ୍ଥୋ ଦିକ୍ପ୍ରସନ୍ନା ଦିଗ୍ଵଲୋ ଦିକ୍କୁଲେଶ୍ଵରୀ ।
ଦିଗଘୋରୋ ଦିଗ୍ଵସନା ଦିଗ୍ଵୀରା ଦିକ୍ପତୀଶ୍ଵରୀ ॥ ୧୮୨ ॥
ଆତ୍ମାର୍ଥୋ ଵ୍ୟାପିତତ୍ତ୍ଵଜ୍ଞ ଆତ୍ମଜ୍ଞାନୀ ଚ ସାତ୍ମିକା ।
ଆତ୍ମୀୟଶ୍ଚାତ୍ମବୀଜସ୍ଥା ଚାନ୍ତରାତ୍ମାତ୍ମମୋହିନୀ ॥ ୧୮୩ ॥
ଆତ୍ମସଞ୍ଜ୍ଞାନକାରୀ ଚ ଆତ୍ମାନନ୍ଦସ୍ଵରୂପିଣୀ ।
ଆତ୍ମୟଜ୍ଞୋ ମହାତ୍ମଜ୍ଞା ମହାତ୍ମାତ୍ମପ୍ରକାଶିନୀ ॥ ୧୮୪ ॥
ଆତ୍ମଵିକାରହନ୍ତା ଚ ଵିଦ୍ୟାତ୍ମୀୟାଦିଦେଵତା ।
ମନୋୟୋଗକରୋ ଦୁର୍ଗା ମନଃ ପ୍ରତ୍ୟକ୍ଷ ଈଶ୍ଵରୀ ॥ ୧୮୫ ॥
ମନୋଭଵନିହନ୍ତା ଚ ମନୋଭଵଵିଵର୍ଧିନୀ ।
ମନଶ୍ଚାନ୍ତରୀକ୍ଷୟୋଗୋ ନିରାକାରଗୁଣୋଦୟା ॥ ୧୮୬ ॥
ମନୋନିରାକାରୟୋଗୀ ମନୋୟୋଗେନ୍ଦ୍ରସାକ୍ଷିଣୀ ।
ମନଃପ୍ରତିଷ୍ଠୋ ମନସା ମାନଶଙ୍କା ମନୋଗତିଃ ॥ ୧୮୭ ॥
ନଵଦ୍ରଵ୍ୟନିଗୂଢାର୍ଥୋ ନରେନ୍ଦ୍ରଵିନିଵାରିଣୀ ।
ନଵୀନଗୁଣକର୍ମାଦିସାକାରଃ ଖଗଗାମିନୀ ॥ ୧୮୮ ॥
ଅତ୍ୟୁନ୍ମତ୍ତା ମହାଵାଣୀ ଵାୟଵୀଶୋ ମହାନିଲା ।
ସର୍ଵପାପାପହନ୍ତା ଚ ସର୍ଵଵ୍ୟାଧିନିଵାରିଣୀ ॥ ୧୮୯ ॥
ଦ୍ଵାରଦେଵୀଶ୍ଵରୀ ପ୍ରୀତିଃ ପ୍ରଲୟାଗ୍ନିଃ କରାଲିନୀ ।
ଭୂଷଣ୍ଡଗଣତାତଶ୍ଚ ଭୂଃଷଣ୍ଡରୁଧିରପ୍ରଦା ॥ ୧୯୦ ॥
କାକାଵଲୀଶଃ ସର୍ଵେଶୀ କାକପୁଚ୍ଛଧରୋ ଜୟା ।
ଅଜିତେଶୋ ଜିତାନନ୍ଦା ଵୀରଭଦ୍ରଃ ପ୍ରଭାଵତୀ ॥ ୧୯୧ ॥
ଅନ୍ତର୍ନାଡୀଗତପ୍ରାଣୋ ଵୈଶେଷିକଗୁଣୋଦୟା ।
ରତ୍ନନିର୍ମିତପୀଠସ୍ଥଃ ସିଂହସ୍ଥା ରଥଗାମିନୀ ॥ ୧୯୨ ॥
କୁଲକୋଟୀଶ୍ଵରାଚାର୍ୟୋ ଵାସୁଦେଵନିଷେଵିତା ।
ଆଧାରଵିରହଜ୍ଞାନୀ ସର୍ଵାଧାରସ୍ଵରୂପିଣୀ ॥ ୧୯୩ ॥
ସର୍ଵଜ୍ଞଃ ସର୍ଵଵିଜ୍ଞାନା ମାର୍ତଣ୍ଡୋ ୟଶ ଇଲ୍ଵଲା ।
ଇନ୍ଦ୍ରେଶୋ ଵିନ୍ଧ୍ୟଶୈଲେଶୀ ଵାରଣେଶଃ ପ୍ରକାଶିନୀ ॥ ୧୯୪ ॥
ଅନନ୍ତଭୁଜରାଜେନ୍ଦ୍ରୋ ଅନନ୍ତାକ୍ଷରନାଶିନୀ ।
ଆଶୀର୍ଵାଦସ୍ତୁ ଵରଦୋଽନୁଗ୍ରହୋଽନୁଗ୍ରହକ୍ରିୟା ॥ ୧୯୫ ॥
ପ୍ରେତାସନସମାସୀନୋ ମେରୁକୁଞ୍ଜନିଵାସିନୀ ।
ମଣିମନ୍ଦିରମଧ୍ୟସ୍ଥୋ ମଣିପୀଠନିଵାସିନୀ ॥ ୧୯୬ ॥
ସର୍ଵପ୍ରହରଣଃ ପ୍ରେତୋ ଵିଧିଵିଦ୍ୟାପ୍ରକାଶିନୀ ।
ପ୍ରଚଣ୍ଡନୟନାନନ୍ଦୋ ମଞ୍ଜୀରକଲରଞ୍ଜିନୀ ॥ ୧୯୭ ॥
କଲମଞ୍ଜୀରପାଦାବ୍ଜୋ ବଲମୃତ୍ୟୁପରାୟଣା ।
କୁଲମାଲାଵ୍ୟାପିତାଙ୍ଗଃ କୁଲେନ୍ଦ୍ରଃ କୁଲପଣ୍ଡିତା ॥ ୧୯୮ ॥
ବାଲିକେଶୋ ରୁଦ୍ରଚଣ୍ଡା ବାଲେନ୍ଦ୍ରାଃ ପ୍ରାଣବାଲିକା ।
କୁମାରୀଶଃ କାମମାତା ମନ୍ଦିରେଶଃ ସ୍ଵମନ୍ଦିରା ॥ ୧୯୯ ॥
ଅକାଲଜନନୀନାଥୋ ଵିଦଗ୍ଧାତ୍ମା ପ୍ରିୟଙ୍କରୀ ।
ଵେଦାଦ୍ୟୋ ଵେଦଜନନୀ ଵୈରାଗ୍ୟସ୍ଥୋ ଵିରାଗଦା ॥ ୨୦୦ ॥
ସ୍ମିତହାସ୍ୟାସ୍ୟକମଲଃ ସ୍ମିତହାସ୍ୟଵିମୋହିନୀ ।
ଦନ୍ତୁରେଶୋ ଦନ୍ତୁରୁ ଚ ଦନ୍ତୀଶୋ ଦର୍ଶନପ୍ରଭା ॥ ୨୦୧ ॥
ଦିଗ୍ଦନ୍ତୋ ହି ଦିଗ୍ଦଶନା ଭ୍ରଷ୍ଟଭୁକ୍ ଚର୍ଵଣପ୍ରିୟା ।
ମାଂସପ୍ରଧାନା ଭୋକ୍ତା ଚ ପ୍ରଧାନମାଂସଭକ୍ଷିଣୀ ॥ ୨୦୨ ॥
ମତ୍ସ୍ୟମାଂସମହାମୁଦ୍ରା ରଜୋରୁଧିରଭୁକ୍ପ୍ରିୟା ।
ସୁରାମାଂସମହାମୀନମୁଦ୍ରାମୈଥୁନସୁପ୍ରିୟା ॥ ୨୦୩ ॥
କୁଲଦ୍ରଵ୍ୟପ୍ରିୟାନନ୍ଦୋ ମଦ୍ୟାଦିକୁଲସିଦ୍ଧିଦା ।
ହୃତ୍କଣ୍ଠଭ୍ରୂସହସ୍ରାରଭେଦନୋଽନ୍ତେ ଵିଭେଦିନୀ ॥ ୨୦୪ ॥
ପ୍ରସନ୍ନହୃଦୟାମ୍ଭୋଜଃ ପ୍ରସନ୍ନହୃଦୟାମ୍ବୁଜା ।
ପ୍ରସନ୍ନଵରଦାନାଢ୍ୟଃ ପ୍ରସନ୍ନଵରଦାୟିନୀ ॥ ୨୦୫ ॥
ପ୍ରେମଭକ୍ତିପ୍ରକାଶାଢ୍ୟଃ ପ୍ରେମାନନ୍ଦପ୍ରକାଶିନୀ ॥ ୨୦୬ ॥
ପ୍ରଭାକରଫଲୋଦୟଃ ପରମସୂକ୍ଷ୍ମପୁରପ୍ରିୟା ।
ପ୍ରଭାତରଵିରଶ୍ମିଗଃ ପ୍ରଥମଭାନୁଶୋଭାନ୍ଵିତା ।
ପ୍ରଚଣ୍ଡରିପୁମନ୍ମଥଃ ପ୍ରଚଲିତେନ୍ଦୁଦେହୋଦ୍ଗତଃ ।
ପ୍ରଭାପଟଲପାଟଲପ୍ରଚୟଧର୍ମପୁଞ୍ଜାଚୀତା ॥ ୨୦୭ ॥
ସୁରେନ୍ଦ୍ରଗଣପୂଜିତଃ ସୁରଵରେଶସମ୍ପୂଜିତା ।
ସୁରେନ୍ଦ୍ରକୁଲ ସେଵିତୋ ନରପତୀନ୍ଦ୍ରସଂସେଵିତା ।
ଗଣେନ୍ଦ୍ର ଗଣନାୟକୋ ଗଣପତୀନ୍ଦ୍ର ଦେଵାତ୍ମଜା ।
ଭଵାର୍ଣଵର୍ଗତାରକୋ ଜଲଧିକର୍ଣଧାରପ୍ରିୟା ॥ ୨୦୮ ॥
ସୁରାସୁରକୁଲୋଦ୍ଭଵଃ ସୁରରିପୁପ୍ରସିଦ୍ଧିସ୍ଥିତା
ସୁରାରିଗଣଘାତକଃ ସୁରଗଣେନ୍ଦ୍ରସଂସିଦ୍ଧିଦା ।
ଅଭୀପ୍ସିତଫଲପ୍ରଦଃ ସୁରଵରାଦିସିଦ୍ଧିପ୍ରଦା
ପ୍ରିୟାଙ୍ଗଜ କୁଲାର୍ଥଦଃ ସୁତଧନାପଵର୍ଗପ୍ରଦା ॥ ୨୦୯ ॥
ଶିଵସ୍ଵଶିଵକାକିନୀ ହରହରା ଚ ଭୀମସ୍ଵନା
କ୍ଷିତୀଶ ଇଷୁରକ୍ଷକା ସମନଦର୍ପହନ୍ତୋଦୟା ।
ଗୁଣେଶ୍ଵର ଉମାପତୀ ହୃଦୟପଦ୍ମଭେଦୀ ଗତିଃ
କ୍ଷପାକରଲଲାଟଧୃକ୍ ସ୍ଵସୁଖମାର୍ଗସନ୍ଦାୟିନୀ ॥ ୨୧୦ ॥
ଶ୍ମଶାନତଟନିଷ୍ପଟ ପ୍ରଚଟହାସକାଲଙ୍କୃତା
ହଠତ୍ଶଠମନସ୍ତଟେ ସୁରକପାଟସଂଛେଦକଃ ।
ସ୍ମରାନନଵିଵର୍ଧନଃ ପ୍ରିୟଵସନ୍ତସମ୍ବାୟଵୀ
ଵିରାଜିତମୁଖାମ୍ବୁଜଃ କମଲମଞ୍ଜସିଂହାସନା ॥ ୨୧୧ ॥
ଭଵୋ ଭଵପତିପ୍ରଭାଭଵଃ କଵିଶ୍ଚ ଭାଵ୍ୟାସୁରୈଃ
କ୍ରିୟେଶ୍ଵର ଈଲାଵତୀ ତରୁଣଗାହିତାରାଵତୀ ।
ମୁନୀନ୍ଦ୍ରମନୁସିଦ୍ଧିଦଃ ସୁରମୁନୀନ୍ଦ୍ରସିଦ୍ଧାୟୁଷୀ
ମୁରାରିହରଦେହଗସ୍ତ୍ରିଭୁଵନା ଵିନାଶକ୍ରିୟା ॥ ୨୧୨ ॥
ଦ୍ଵିକଃ କନକକାକିନୀ କନକତୁଙ୍ଗକୀଲାଲକଃ
କମଲାକୁଲଃ କୁଲକଲାର୍କମାଲାମଲା ।
ସୁଭକ୍ତ ତମସାଧକପ୍ରକୃତିୟୋଗୟୋଗ୍ୟାର୍ଚିତୋ
ଵିଵେକଗତମାନସଃ ପ୍ରଭୁପରାଦିହସ୍ତାଚୀତା ॥ ୨୧୩ ॥
ତ୍ଵମେଵ କୁଲନାୟକଃ ପ୍ରଲୟୟୋଗଵିଦ୍ୟେଶ୍ଵରୀ
ପ୍ରଚଣ୍ଡଗଣଗୋ ନଗାଭୁଵନଦର୍ପହାରୀ ହରା ।
ଚରାଚରସହସ୍ରଗଃ ସକଲରୂପମଧ୍ୟସ୍ଥିତଃ
ସ୍ଵନାମଗୁଣପୂରକଃ ସ୍ଵଗୁଣନାମସମ୍ପୂରଣୀ ॥ ୨୧୪ ॥
ଇତି ତେ କଥିତଂ ନାଥ ସହସ୍ରନାମ ମଙ୍ଗଲମ୍ ।
ଅତ୍ୟଦ୍ଭୁତଂ ପରାନନ୍ଦରସସିଦ୍ଧାନ୍ତଦାୟକମ୍ ॥ ୨୧୫ ॥
ମାତୃକାମନ୍ତ୍ରଘଟିତଂ ସର୍ଵସିଦ୍ଧାନ୍ତସାଗରମ୍ ।
ସିଦ୍ଧଵିଦ୍ୟାମହୋଲ୍ଲାସ ମାନନ୍ଦଗୁଣସାଧନମ୍ ॥ ୨୧୬ ॥
ଦୁର୍ଲଭଂ ସର୍ଵଲୋକେଷୁ ୟାମଲେ ତତ୍ପ୍ରକାଶିତମ୍ ।
ତଵ ସ୍ନେହରସାମୋଦମୋହିତାନନ୍ଦଭୈରଵ ॥ ୨୧୭ ॥
କୁତ୍ରାପି ନାପି କଥିତଂ ସ୍ଵସିଦ୍ଧ ହାନିଶଙ୍କୟା ।
ସର୍ଵାଦିୟୋଗ ସିଦ୍ଧାନ୍ତସିଦ୍ଧୟେ ଭୁକ୍ତିମୁକ୍ତୟେ ॥ ୨୧୮ ॥
ପ୍ରେମାହ୍ଲାଦରସେନୈଵ ଦୁର୍ଲଭଂ ତତ୍ପ୍ରକାଶିତମ୍ ।
ୟେନ ଵିଜ୍ଞାତମାତ୍ରେଣ ଭଵେଦ୍ଛ୍ରୀଭୈରଵେଶ୍ଵରଃ ॥ ୨୧୯ ॥
ଏତନ୍ନାମ ଶୁଭଫଲଂ ଵକ୍ତୁଂ ନ ଚ ସମର୍ଥକଃ ।
କୋଟିଵର୍ଷଶତୈନାପି ୟତ୍ଫଲଂ ଲଭତେ ନରଃ ॥ ୨୨୦ ॥
ତତ୍ଫଲଂ ୟୋଗିନାମେକ କ୍ଷଣାଲ୍ଲଭ୍ୟଂ ଭଵାର୍ଣଵେ ।
ୟଃ ପଠେତ୍ ପ୍ରାତରୁତ୍ଥାୟ ଦୁର୍ଗଗ୍ରହନିଵରଣାତ୍ ॥ ୨୨୧ ॥
ଦୁଷ୍ଟେନ୍ଦ୍ରିୟଭୟେନାପି ମହାଭୟନିଵାରଣାତ୍ ।
ଧ୍ୟାତ୍ଵା ନାମ ଜପେନ୍ନିତ୍ୟଂ ମଧ୍ୟାହ୍ନେ ଚ ଵିଶେଷତଃ ॥ ୨୨୨ ॥
ସନ୍ଧ୍ୟାୟାଂ ରାତ୍ରିୟୋଗେ ଚ ସାଧୟେନ୍ନାମସାଧନମ୍ ।
ୟୋଗାଭ୍ୟାସେ ଗ୍ରନ୍ଥିଭେଦେ ୟୋଗଧ୍ୟାନନିରୂପଣେ ॥ ୨୨୩ ॥
ପଠନାଦ୍ ୟୋଗସିଦ୍ଧିଃ ସ୍ୟାଦ୍ ଗ୍ରନ୍ଥିଭେଦୋ ଦିନେ ଦିନେ ।
ୟୋଗଜ୍ଞାନପ୍ରସିଦ୍ଧିଃ ସ୍ୟାଦ୍ ୟୋଗଃ ସ୍ୟାଦେକଚିତ୍ତତଃ ॥ ୨୨୪ ॥
ଦେହସ୍ଥ ଦେଵଵଶ୍ୟାୟ ମହାମୋହପ୍ରଶାନ୍ତୟେ ।
ସ୍ତମ୍ଭନାୟାରିସୈନ୍ୟାନାଂ ପ୍ରତ୍ୟହଂ ପ୍ରପଠେଚ୍ଛୁଚିଃ ॥ ୨୨୫ ॥
ଭକ୍ତିଭାଵେନ ପାଠେନ ସର୍ଵକର୍ମସୁ ସୁକ୍ଷମଃ ।
ସ୍ତମ୍ଭୟେତ୍ ପରସୈନ୍ୟାନି ଵାରୈକପାଠମାତ୍ରତଃ ॥ ୨୨୬ ॥
ଵାରତ୍ରୟପ୍ରପଠନାଦ୍ ଵଶୟେଦ୍ ଭୁଵନତ୍ରୟମ୍ ।
ଵାରତ୍ରୟଂ ତୁ ପ୍ରପଠେଦ୍ ୟୋ ମୂର୍ଖଃ ପଣ୍ଡିତୋଽପି ଵା ॥ ୨୨୭ ॥
ଶାନ୍ତିମାପ୍ନୋତି ପରମାଂ ଵିଦ୍ୟାଂ ଭୁଵନମୋହିନୀମ୍ ।
ପ୍ରତିଷ୍ଠାଞ୍ଚ ତତଃ ପ୍ରାପ୍ୟ ମୋକ୍ଷନିର୍ଵାଣମାପ୍ନୁୟାତ୍ ॥ ୨୨୮ ॥
ଵିନାଶୟେଦରୀଞ୍ଛୀଘ୍ରଂ ଚତୁର୍ଵାରପ୍ରପାଠନେ ।
ପଞ୍ଚାଵୃତ୍ତିପ୍ରପାଠେନ ଶତ୍ରୁମୁଚ୍ଚାଟୟେତ୍ କ୍ଷଣାତ୍ ॥ ୨୨୯ ॥
ଷଡାଵୃତ୍ୟା ସାଧକେନ୍ଦ୍ରଃ ଶତ୍ରୂଣାଂ ନାଶକୋ ଭଵେତ୍ ।
ଆକର୍ଷୟେତ୍ ପରଦ୍ରଵ୍ୟଂ ସପ୍ତଵାରଂ ପଠେଦ୍ ୟଦି ॥ ୨୩୦ ॥
ଏଵଂ କ୍ରମଗତଂ ଧ୍ୟାତ୍ଵା ୟଃ ପଠେଦତିଭକ୍ତିତଃ ।
ସ ଭଵେଦ୍ ୟୋଗିନୀନାଥୋ ମହାକଲ୍ପଦ୍ରୁମୋପମଃ ॥ ୨୩୧ ॥
ଗ୍ରନ୍ଥିଭେଦସମର୍ଥଃ ସ୍ୟାନ୍ମାସମାତ୍ରଂ ପଠେଦ୍ ୟଦି ।
ଦୂରଦର୍ଶୀ ମହାଵୀରୋ ବଲଵାନ୍ ପଣ୍ଡିତେଶ୍ଵରଃ ॥ ୨୩୨ ॥
ମହାଜ୍ଞାନୀ ଲୋକନାଥୋ ଭଵତ୍ୟେଵ ନ ସଂଶୟଃ ।
ମାସୈକେନ ସମର୍ଥଃ ସ୍ୟାନ୍ନିର୍ଵାଣମୋକ୍ଷସିଦ୍ଧିଭାକ୍ ॥ ୨୩୩ ॥
ପ୍ରପଠେଦ୍ ୟୋଗସିଦ୍ଧ୍ୟର୍ଥଂ ଭାଵକଃ ପରମପ୍ରିୟଃ ।
ଶୂନ୍ୟାଗାରେ ଭୂମିଗର୍ତମଣ୍ଡପେ ଶୂନ୍ୟଦେଶକେ ॥ ୨୩୪ ॥
ଗଙ୍ଗାଗର୍ଭେ ମହାରଣ୍ୟେ ଚୈକାନ୍ତେ ନିର୍ଜନେଽପି ଵା ।
ଦୁର୍ଭିକ୍ଷଵର୍ଜିତେ ଦେଶେ ସର୍ଵୋପଦ୍ରଵଵର୍ଜିତେ ॥ ୨୩୫ ॥
ଶ୍ମଶାନେ ପ୍ରାନ୍ତରେଽଶ୍ଵତ୍ଥମୂଲେ ଵଟତରୁସ୍ଥଲେ ।
ଇଷ୍ଟକାମୟଗେହେ ଵା ୟତ୍ର ଲୋକୋ ନ ଵର୍ତତେ ॥ ୨୩୬ ॥
ତତ୍ର ତତ୍ରାନନ୍ଦରୂପୀ ମହାପୀଠସ୍ଥଲେଽପି ଚ ।
ଦୃଢାସନସ୍ଥଃ ପ୍ରଜପେନ୍ନାମମଙ୍ଗଲମୁତ୍ତମମ୍ ॥ ୨୩୭ ॥
ଧ୍ୟାନଧାରଣଶୁଦ୍ଧାଙ୍ଗୋ ନ୍ୟାସପୂଜାପରାୟଣଃ ।
ଧ୍ୟାତ୍ଵା ସ୍ତୌତି ପ୍ରଭାତେ ଚ ମୃତ୍ୟୁଜେତା ଭଵେଦ୍ ଧ୍ରୁଵମ୍ ॥ ୨୩୮ ॥
ଅଷ୍ଟାଙ୍ଗସିଦ୍ଧିମାପ୍ନୋତି ଚାମରତ୍ଵମଵାପ୍ନୁୟାତ୍ ।
ଗୁରୁଦେଵମହାମନ୍ତ୍ରଭକ୍ତୋ ଭଵତି ନିଶ୍ଚିତମ୍ ॥ ୨୩୯ ॥
ଶରୀରେ ତସ୍ୟ ଦୁଃଖାନି ନ ଭଵନ୍ତି କୁଵୃଦ୍ଧୟଃ ।
ଦୁଷ୍ଟଗ୍ରହାଃ ପଲାୟନ୍ତେ ତଂ ଦୃଷ୍ଟ୍ଵା ୟୋଗିନଂ ପରମ୍ ॥ ୨୪୦ ॥
ୟଃ ପଠେତ୍ ସତତଂ ମନ୍ତ୍ରୀ ତସ୍ୟ ହସ୍ତେଽଷ୍ଟସିଦ୍ଧୟଃ ।
ତସ୍ୟ ହୃତ୍ପଦ୍ମଲିଙ୍ଗସ୍ଥା ଦେଵାଃ ସିଦ୍ଧ୍ୟନ୍ତି ଚାପରାଃ ॥ ୨୪୧ ॥
ୟୁଗକୋଟିସହସ୍ରାଣି ଚିରାୟୁର୍ୟୋଗିରାଡ୍ ଭଵେତ୍ ।
ଶୁଦ୍ଧଶୀଲୋ ନିରାକାରୋ ବ୍ରହ୍ମା ଵିଷ୍ଣୁଃ ଶିଵଃ ସ ଚ ।
ସ ନିତ୍ୟଃ କାର୍ୟସିଦ୍ଧଶ୍ଚ ସ ଜୀଵନ୍ମୁକ୍ତିମାପ୍ନୁୟାତ୍ ॥ ୨୪୨ ॥
॥ ଇତି ଶ୍ରୀରୁଦ୍ରୟାମଲେ ଉତ୍ତରତନ୍ତ୍ରେ ମହାତନ୍ତ୍ରୋଦ୍ଦୀପନେ
ଈଶ୍ଵରଶକ୍ତିକାକିନ୍ୟଷ୍ଟୋତ୍ତର ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥