॥ Kumari Sahasranama Stotram Bengali Lyrics ॥
॥ শ্রীকুমারীসহস্রনামস্তোত্রম্ ॥
আনন্দভৈরব উবাচ
বদ কান্তে সদানন্দস্বরূপানন্দবল্লভে ।
কুমার্যা দেবতামুখ্যাঃ পরমানন্দবর্ধনম্ ॥ ১ ॥
অষ্টোত্তরসহস্রাখ্যং নাম মঙ্গলমদ্ভুতম্ ।
য়দি মে বর্ততে বিদ্যে য়দি স্নেহকলামলা ॥ ২ ॥
তদা বদস্ব কৌমারীকৃতকর্মফলপ্রদম্ ।
মহাস্তোত্রং কোটিকোটি কন্যাদানফলং ভবেত্ ॥ ৩ ॥
আনন্দভৈরবী উবাচ
মহাপুণ্যপ্রদং নাথ শৃণু সর্বেশ্বরপ্রিয় ।
অষ্টোত্তরসহস্রাখ্যং কুমার্যাঃ পরমাদ্ভুতম্ ॥ ৪ ॥
পঠিত্ত্বা ধারয়িত্ত্বা বা নরো মুচ্যেত সঙ্কটাত্ ।
সর্বত্র দুর্লভং ধন্যং ধন্যলোকনিষেবিতম্ ॥ ৫ ॥
অণিমাদ্যষ্টসিদ্ধ্যঙ্গং সর্বানন্দকরং পরম্ ।
মায়ামন্ত্রনিরস্তাঙ্গং মন্ত্রসিদ্ধিপ্রদে নৃণাম্ ॥ ৬ ॥
ন পূজা ন জপং স্নানং পুরশ্চর্যাবিধিশ্চ ন ।
অকস্মাত্ সিদ্ধিমবাপ্নোতি সহস্রনামপাঠতঃ ॥ ৭ ॥
সর্বয়জ্ঞফলং নাথ প্রাপ্নোতি সাধকঃ ক্ষণাত্ ।
মন্ত্রার্থং মন্ত্রচৈতন্যং য়োনিমুদ্রাস্বরূপকম্ ॥ ৮ ॥
কোটিবর্ষশতেনাপি ফলং বক্তুং ন শক্যতে ।
তথাপি বক্তুমিচ্ছামি হিতায় জগতাং প্রভো ॥ ৯ ॥
অস্যাঃ শ্রীকুমার্যাঃ সহস্রনামকবচস্য
বটুকভৈরবঋষিঃ । অনুষ্টুপ্ছন্দঃ । কুমারীদেবতা ।
সর্বমন্ত্রসিদ্ধিসমৃদ্ধয়ে বিনিয়োগঃ ॥ ১০ ॥
ওঁ কুমারী কৌশিকী কালী কুরুকুল্লা কুলেশ্বরী ।
কনকাভা কাঞ্চনাভা কমলা কালকামিনী ॥ ১১ ॥
কপালিনী কালরূপা কৌমারী কুলপালিকা ।
কান্তা কুমারকান্তা চ কারণা করিগামিনী ॥ ১২ ॥
কন্ধকান্তা কৌলকান্তা কৃতকর্মফলপ্রদা ।
কার্যাকার্যপ্রিয়া কক্ষা কংসহন্ত্রী কুরুক্ষয়া ॥ ১৩ ॥
কৃষ্ণকান্তা কালরাত্রিঃ কর্ণেষুধারিণীকরা ।
কামহা কপিলা কালা কালিকা কুরুকামিনী ॥ ১৪ ॥
কুরুক্ষেত্রপ্রিয়া কৌলা কুন্তী কামাতুরা কচা ।
কলঞ্জভক্ষা কৈকেয়ী কাকপুচ্ছধ্বজা কলা ॥ ১৫ ॥
কমলা কামলক্ষ্মী চ কমলাননকামিনী ।
কামধেনুস্বরূপা চ কামহা কামমদীনী ॥ ১৬ ॥
কামদা কামপূজ্যা চ কামাতীতা কলাবতী ।
ভৈরবী কারণাঢ্যা চ কৈশোরী কুশলাঙ্গলা ॥ ১৭ ॥
কম্বুগ্রীবা কৃষ্ণনিভা কামরাজপ্রিয়াকৃতিঃ ।
কঙ্কণালঙ্কৃতা কঙ্কা কেবলা কাকিনী কিরা ॥ ১৮ ॥
কিরাতিনী কাকভক্ষা করালবদনা কৃশা ।
কেশিনী কেশিহা কেশা কাসাম্বষ্ঠা করিপ্রিয়া ॥ ১৯ ॥
কবিনাথস্বরূপা চ কটুবাণী কটুস্থিতা ।
কোটরা কোটরাক্ষী চ করনাটকবাসিনী ॥ ২০ ॥
কটকস্থা কাষ্ঠসংস্থা কন্দর্পা কেতকী প্রিয়া ।
কেলিপ্রিয়া কম্বলস্থা কালদৈত্যবিনাশিনী ॥ ২১ ॥
কেতকীপুষ্পশোভাঢ্যা কর্পূরপূর্ণজিহ্বিকা ।
কর্পূরাকরকাকোলা কৈলাসগিরিবাসিনী ॥ ২২ ॥
কুশাসনস্থা কাদম্বা কুঞ্জরেশী কুলাননা ।
খর্বা খড্গধরা খড্গা খলহা খলবুদ্ধিদা ॥ ২৩ ॥
খঞ্জনা খররূপা চ ক্ষারাম্লতিক্তমধ্যগা ।
খেলনা খেটককরা খরবাক্যা খরোত্কটা ॥ ২৪ ॥
খদ্যোতচঞ্চলা খেলা খদ্যোতা খগবাহিনী ।
খেটকস্থা খলাখস্থা খেচরী খেচরপ্রিয়া ॥ ২৫ ॥
খচরা খরপ্রেমা খলাঢ্যা খচরাননা ।
খেচরেশী খরোগ্রা চ খেচরপ্রিয়ভাষিণী ॥ ২৬ ॥
খর্জূরাসবসংমত্তা খর্জূরফলভোগিনী ।
খাতমধ্যস্থিতা খাতা খাতাম্বুপরিপূরিণী ॥ ২৭ ॥
খ্যাতিঃ খ্যাতজলানন্দা খুলনা খঞ্জনাগতিঃ ।
খল্বা খলতরা খারী খরোদ্বেগনিকৃন্তনী ॥ ২৮ ॥
গগনস্থা চ ভীতা চ গভীরনাদিনী গয়া ।
গঙ্গা গভীরা গৌরী চ গণনাথ প্রিয়া গতিঃ ॥ ২৯ ॥
গুরুভক্তা গ্বালিহীনা গেহিনী গোপিনী গিরা ।
গোগণস্থা গাণপত্যা গিরিজা গিরিপূজিতা ॥ ৩০ ॥
গিরিকান্তা গণস্থা চ গিরিকন্যা গণেশ্বরী ।
গাধিরাজসুতা গ্রীবা গুর্বী গুর্ব্যম্বশাঙ্করী ॥ ৩১ ॥
গন্ধর্ব্বকামিনী গীতা গায়ত্রী গুণদা গুণা ।
গুগ্গুলুস্থা গুরোঃ পূজ্যা গীতানন্দপ্রকাশিনী ॥ ৩২ ॥
গয়াসুরপ্রিয়াগেহা গবাক্ষজালমধ্যগা ।
গুরুকন্যা গুরোঃ পত্নী গহনা গুরুনাগিনী ॥ ৩৩ ॥
গুল্ফবায়ুস্থিতা গুল্ফা গর্দ্দভা গর্দ্দভপ্রিয়া ।
গুহ্যা গুহ্যগণস্থা চ গরিমা গৌরিকা গুদা ॥ ৩৪ ॥
গুদোর্ধ্বস্থা চ গলিতা গণিকা গোলকা গলা ।
গান্ধর্বী গাননগরী গন্ধর্বগণপূজিতা ॥ ৩৫ ॥
ঘোরনাদা ঘোরমুখী ঘোরা ঘর্মনিবারিণী ।
ঘনদা ঘনবর্ণা চ ঘনবাহনবাহনা ॥ ৩৬ ॥
ঘর্ঘরধ্বনিচপলা ঘটাঘটপটাঘটা ।
ঘটিতা ঘটনা ঘোনা ঘনরুপ ঘনেশ্বরী ॥ ৩৭ ॥
ঘুণ্যাতীতা ঘর্ঘরা চ ঘোরাননবিমোহিনী ।
ঘোরনেত্রা ঘনরুচা ঘোরভৈরব কন্যকা ॥ ৩৮ ॥
ঘাতাঘাতকহা ঘাত্যা ঘ্রাণাঘ্রাণেশবায়বী ।
ঘোরান্ধকারসংস্থা চ ঘসনা ঘস্বরা ঘরা ॥ ৩৯ ॥
ঘোটকেস্থা ঘোটকা চ ঘোটকেশ্বরবাহনা ।
ঘননীলমণিশ্যামা ঘর্ঘরেশ্বরকামিনী ॥ ৪০ ॥
ঙকারকূটসম্পন্না ঙকারচক্রগামিনী ।
ঙকারী ঙসংশা চৈব ঙীপনীতা ঙকারিণী ॥ ৪১ ॥
চন্দ্রমণ্ডলমধ্যস্থা চতুরা চারুহাসিনী ।
চারুচন্দ্রমুখী চৈব চলঙ্গমগতিপ্রিয়া ॥ ৪২ ॥
চঞ্চলা চপলা চণ্ডী চেকিতানা চরুস্থিতা ।
চলিতা চাননা চার্ব্বো চারুভ্রমরনাদিনী ॥ ৪৩ ॥
চৌরহা চন্দ্রনিলয়া চৈন্দ্রী চন্দ্রপুরস্থিতা ।
চক্রকৌলা চক্ররূপা চক্রস্থা চক্রসিদ্ধিদা ॥ ৪৪ ॥
চক্রিণী চক্রহস্তা চ চক্রনাথকুলপ্রিয়া ।
চক্রাভেদ্যা চক্রকুলা চক্রমণ্ডলশোভিতা ॥ ৪৫ ॥
চক্রেশ্বরপ্রিয়া চেলা চেলাজিনকুশোত্তরা ।
চতুর্বেদস্থিতা চণ্ডা চন্দ্রকোটিসুশীতলা ॥ ৪৬ ॥
চতুর্গুণা চন্দ্রবর্ণা চাতুরী চতুরপ্রিয়া ।
চক্ষুঃস্থা চক্ষুবসতিশ্চণকা চণকপ্রিয়া ॥ ৪৭ ॥
চার্ব্বঙ্গী চন্দ্রনিলয়া চলদম্বুজলোচনা ।
চর্ব্বরীশা চারুমুখী চারুদন্তা চরস্থিতা ॥ ৪৮ ॥
চসকস্থাসবা চেতা চেতঃস্থা চৈত্রপূজিতা ।
চাক্ষুষী চন্দ্রমলিনী চন্দ্রহাসমণিপ্রভা ॥ ৪৯ ॥
ছলস্থা ছুদ্ররূপা চ ছত্রচ্ছায়াছলস্থিতা ।
ছলজ্ঞা ছেশ্বরাছায়া ছায়া ছিন্নশিবা ছলা ॥ ৫০ ॥
ছত্রাচামরশোভাঢ্যা ছত্রিণাং ছত্রধারিণী ।
ছিন্নাতীতা ছিন্নমস্তা ছিন্নকেশা ছলোদ্ভবা ॥ ৫১ ॥
ছলহা ছলদা ছায়া ছন্না ছন্নজনপ্রিয়া ।
ছলছিন্না ছদ্মবতী ছদ্মসদ্মনিবাসিনী ॥ ৫২ ॥
ছদ্মগন্ধা ছদাছন্না ছদ্মবেশী ছকারিকা ।
ছগলা রক্তভক্ষা চ ছগলামোদরক্তপা ॥ ৫৩ ॥
ছগলণ্ডেশকন্যা চ ছগলণ্ডকুমারিকা ।
ছুরিকা ছুরিককরা ছুরিকারিনিবাশিনী ॥ ৫৪ ॥
ছিন্ননাশা ছিন্নহস্তা ছোণলোলা ছলোদরী ।
ছলোদ্বেগা ছাঙ্গবীজমালা ছাঙ্গবরপ্রদা ॥ ৫৫ ॥
জটিলা জঠরশ্রীদা জরা জজ্ঞপ্রিয়া জয়া ।
জন্ত্রস্থা জীবহা জীবা জয়দা জীবয়োগদা ॥ ৫৬ ॥
জয়িনী জামলস্থা চ জামলোদ্ভবনায়িকা ।
জামলপ্রিয়কন্যা চ জামলেশী জবাপ্রিয়া ॥ ৫৭ ॥
জবাকোটিসমপ্রখ্যা জবাপুষ্পপ্রিয়া জনা ।
জলস্থা জগবিষয়া জরাতীতা জলস্থিতা ॥ ৫৮ ॥
জীবহা জীবকন্যা চ জনার্দ্দনকুমারিকা ।
জতুকা জলপূজ্যা চ জগন্নাথাদিকামিনী ॥ ৫৯ ॥
জীর্ণাঙ্গী জীর্ণহীনা চ জীমূতাত্ত্যন্তশোভিতা ।
জামদা জমদা জৃম্ভা জৃম্ভণাস্ত্রাদিধারিণী ॥ ৬০ ॥
জঘন্যা জারজা প্রীতা জগদানন্দবদ্ধীনী ।
জমলার্জুনদর্পঘ্নী জমলার্জুনভঞ্জিনী ॥ ৬১ ॥
জয়িত্রীজগদানন্দা জামলোল্লাসসিদ্ধিদা ।
জপমালা জাপ্যসিদ্ধির্জপয়জ্ঞপ্রকাশিনী ॥ ৬২ ॥
জাম্বুবতী জাম্ববতঃ কন্যকাজনবাজপা ।
জবাহন্ত্রী জগদ্বুদ্ধির্জ্জগত্কর্তৃ জগদ্গতিঃ ॥ ৬৩ ॥
জননী জীবনী জায়া জগন্মাতা জনেশ্বরী ।
ঝঙ্কলা ঝঙ্কমধ্যস্থা ঝণত্কারস্বরূপিণী ॥ ৬৪ ॥
ঝণত্ঝণদ্বহ্নিরূপা ঝননাঝন্দরীশ্বরী ।
ঝটিতাক্ষা ঝরা ঝঞ্ঝা ঝর্ঝরা ঝরকন্যকা ॥ ৬৫ ॥
ঝণত্কারী ঝনা ঝন্না ঝকারমালয়াবৃতা ।
ঝঙ্করী ঝর্ঝরী ঝল্লী ঝল্বেশ্বরনিবাসিনী ॥ ৬৬ ॥
ঞকারী ঞকিরাতী চ ঞকারবীজমালিনী ।
ঞনয়োঽন্তা ঞকারান্তা ঞকারপরমেশ্বরী ॥ ৬৭ ॥
ঞান্তবীজপুটাকারা ঞেকলে ঞৈকগামিনী ।
ঞৈকনেলা ঞস্বরূপা ঞহারা ঞহরীতকী ॥ ৬৮ ॥
টুণ্টুনী টঙ্কহস্তা চ টান্তবর্গা টলাবতী ।
টপলা টাপবালাখ্যা টঙ্কারধ্বনিরূপিণী ॥ ৬৯ ॥
টলাতী টাক্ষরাতীতা টিত্কারাদিকুমারিকা ।
টঙ্কাস্ত্রধারিণী টানা টমোটার্ণলভাষিণী ॥ ৭০ ॥
টঙ্কারী বিধনা টাকা টকাটকবিমোহিনী ।
টঙ্কারধরনামাহা টিবীখেচরনাদিনী ॥ ৭১ ॥
ঠঠঙ্কারী ঠাঠরূপা ঠকারবীজকারণা ।
ডমরূপ্রিয়বাদ্যা চ ডামরস্থা ডবীজিকা ॥ ৭২ ॥
ডান্তবর্গা ডমরুকা ডরস্থা ডোরডামরা ।
ডগরার্দ্ধা ডলাতীতা ডদারুকেশ্বরী ডুতা ॥ ৭৩ ॥
ঢার্দ্ধনারীশ্বরা ঢামা ঢক্কারী ঢলনা ঢলা ।
ঢকেস্থা ঢেশ্বরসুতা ঢেমনাভাবঢোননা ॥ ৭৪ ॥
ণোমাকান্তেশ্বরী ণান্তবর্গস্থা ণতুনাবতী ।
ণনো মাণাঙ্ককল্যাণী ণাক্ষবীণাক্ষবীজিকা ॥ ৭৫ ॥
তুলসীতন্তুসূক্ষ্মাখ্যা তারল্যা তৈলগন্ধিকা ।
তপস্যা তাপসসুতা তারিণী তরুণী তলা ॥ ৭৬ ॥
তন্ত্রস্থা তারকব্রহ্মস্বরূপা তন্তুমধ্যগা ।
তালভক্ষত্রিধামূত্তীস্তারকা তৈলভক্ষিকা ॥ ৭৭ ॥
তারোগ্রা তালমালা চ তকরা তিন্তিডীপ্রিয়া ।
তপসঃ তালসন্দর্ভা তর্জয়ন্তী কুমারিকা ॥ ৭৮ ॥
তোকাচারা তলোদ্বেগা তক্ষকা তক্ষকপ্রিয়া ।
তক্ষকালঙ্কৃতা তোষা তাবদ্রূপা তলপ্রিয়া ॥ ৭৯ ॥
তলাস্ত্রধারিণী তাপা তপসাং ফলদায়িনী ।
তল্বল্বপ্রহরালীতা তলারিগণনাশিনী ॥ ৮০ ॥
তূলা তৌলী তোলকা চ তলস্থা তলপালিকা
তরুণা তপ্তবুদ্ধিস্থাস্তপ্তা প্রধারিণী তপা ॥ ৮১ ॥
তন্ত্রপ্রকাশকরণী তন্ত্রার্থদায়িনী তথা ।
তুষারকিরণাঙ্গী চ চতুর্ধা বা সমপ্রভা ॥ ৮২ ॥
তৈলমার্গাভিসূতা চ তন্ত্রসিদ্ধিফলপ্রদা ।
তাম্রপর্ণা তাম্রকেশা তাম্রপাত্রপ্রিয়াতমা ॥ ৮৩ ॥
তমোগুণপ্রিয়া তোলা তক্ষকারিনিবারিণী ।
তোষয়ুক্তা তমায়াচী তমষোঢেশ্বরপ্রিয়া ॥ ৮৪ ॥
তুলনা তুল্যরুচিরা তুল্যবুদ্ধিস্ত্রিধা মতিঃ ।
তক্রভক্ষা তালসিদ্ধিঃ তত্রস্থাস্তত্র গামিনী ॥ ৮৫ ॥
তলয়া তৈলভা তালী তন্ত্রগোপনতত্পরা ।
তন্ত্রমন্ত্রপ্রকাশা চ ত্রিশরেণুস্বরূপিণী ॥ ৮৬ ॥
ত্রিংশদর্থপ্রিয়া তুষ্টা তুষ্টিস্তুষ্টজনপ্রিয়া ।
থকারকূটদণ্ডীশা থদণ্ডীশপ্রিয়াঽথবা ॥ ৮৭ ॥
থকারাক্ষররূঢাঙ্গী থান্তবর্গাথ কারিকা ।
থান্তা থমীশ্বরী থাকা থকারবীজমালিনী ॥ ৮৮ ॥
দক্ষদামপ্রিয়া দোষা দোষজালবনাশ্রিতা ।
দশা দশনঘোরা চ দেবীদাসপ্রিয়া দয়া ॥ ৮৯ ॥
দৈত্যহন্ত্রীপরা দৈত্যা দৈত্যানাং মদ্দীনী দিশা ।
দান্তা দান্তপ্রিয়া দাসা দামনা দীর্ঘকেশিকা ॥ ৯০ ॥
দশনা রক্তবর্ণা চ দরীগ্রহনিবাসিনী
দেবমাতা চ দুর্লভা চ দীর্ঘাঙ্গা দাসকন্যকা ॥ ৯১ ॥
দশনশ্রী দীর্ঘনেত্রা দীর্ঘনাসা চ দোষহা ।
দময়ন্তী দলস্থা চ দ্বেষ্যহন্ত্রী দশস্থিতা ॥ ৯২ ॥
দৈশেষিকা দিশিগতা দশনাস্ত্রবিনাশিনী
দারিদ্র্যহা দরিদ্রস্থা দরিদ্রধনদায়িনী ॥ ৯৩ ॥
দন্তুরা দেশভাষা চ দেশস্থা দেশনায়িকা ।
দ্বেষরূপা দ্বেষহন্ত্রী দ্বেষারিগণমোহিনী ॥ ৯৪ ॥
দামোদরস্থাননাদা দলানাং বলদায়িনী ।
দিগ্দর্শনা দর্শনস্থা দর্শনপ্রিয়বাদিনী ॥ ৯৫ ॥
দামোদরপ্রিয়া দান্তা দামোদরকলেবরা ।
দ্রাবিণী দ্রবিণী দক্ষা দক্ষকন্যা দলদৃঢা ॥ ৯৬ ॥
দৃঢাসনাদাসশক্তির্দ্বন্দ্বয়ুদ্ধপ্রকাশিনী ।
দধিপ্রিয়া দধিস্থা চ দধিমঙ্গলকারিণী ॥ ৯৭ ॥
দর্পহা দর্পদা দৃপ্তা দর্ভপুণ্যপ্রিয়া দধিঃ ।
দর্ভস্থা দ্রুপদসুতা দ্রৌপদী দ্রুপদপ্রিয়া ॥ ৯৮ ॥
ধর্মচিন্তা ধনাধ্যক্ষা ধশ্বেশ্বরবরপ্রদা ।
ধনহা ধনদা ধন্বী ধনুর্হস্তা ধনুঃপ্রিয়া ॥ ৯৯ ॥
ধরণী ধৈর্যরূপা চ ধনস্থা ধনমোহিনী ।
ধোরা ধীরপ্রিয়াধারা ধরাধারণতত্পরা ॥ ১০০ ॥
ধান্যদা ধান্যবীজা চ ধর্মাধর্মস্বরূপিণী ।
ধারাধরস্থা ধন্যা চ ধর্মপুঞ্জনিবাসিনী ॥ ১০১ ॥
ধনাঢ্যপ্রিয়কন্যা চ ধন্যলোকৈশ্চ সেবিতা ।
ধর্মার্থকামমোক্ষাঙ্গী ধর্মার্থকামমোক্ষদা ॥ ১০২ ॥
ধরাধরা ধুরোণা চ ধবলা ধবলামুখী ।
ধরা চ ধামরূপা চ ধ্রুবা ধ্রৌব্যা ধ্রুবপ্রিয়া ॥ ১০৩ ॥
ধনেশী ধারণাখ্যা চ ধর্মনিন্দাবিনাশিনী ।
ধর্মতেজোময়ী ধর্ম্যা ধৈর্যাগ্রভর্গমোহিনী ॥ ১০৪ ॥
ধারণা ধৌতবসনা ধত্তূরফলভোগিনী ।
নারায়ণী নরেন্দ্রস্থা নারায়ণকলেবরা ॥ ১০৫ ॥
নরনারায়ণপ্রীতা ধর্মনিন্দা নমোহিতা ।
নিত্যা নাপিতকন্যা চ নয়নস্থা নরপ্রিয়া ॥ ১০৬ ॥
নাম্নী নামপ্রিয়া নারা নারায়ণসুতা নরা ।
নবীননায়কপ্রীতা নব্যা নবফলপ্রিয়া ॥ ১০৭ ॥
নবীনকুসুমপ্রীতা নবীনানাং ধ্বজানুতা ।
নারী নিম্বস্থিতানন্দানন্দিনী নন্দকারিকা ॥ ১০৮ ॥
নবপুষ্পমহাপ্রীতা নবপুষ্পসুগন্ধিকা ।
নন্দনস্থা নন্দকন্যা নন্দমোক্ষপ্রদায়িনী ॥ ১০৯ ॥
নমিতা নামভেদা চ নাম্নার্ত্তবনমোহিনী ।
নববুদ্ধিপ্রিয়ানেকা নাকস্থা নামকন্যকা ॥ ১১০ ॥
নিন্দাহীনা নবোল্লাসা নাকস্থানপ্রদায়িনী ।
নিম্ববৃক্ষস্থিতা নিম্বা নানাবৃক্ষনিবাসিনী ॥ ১১১ ॥
নাশ্যাতীতা নীলবর্ণা নীলবর্ণা সরস্বতী ।
নভঃস্থা নায়কপ্রীতা নায়কপ্রিয়কামিনী ॥ ১১২ ॥
নৈববর্ণা নিরাহারা নিবীহাণাং রজঃপ্রিয়া ।
নিম্ননাভিপ্রিয়াকারা নরেন্দ্রহস্তপূজিতা ॥ ১১৩ ॥
নলস্থিতা নলপ্রীতা নলরাজকুমারিকা ।
পরেশ্বরী পরানন্দা পরাপরবিভেদিকা ॥ ১১৪ ॥
পরমা পরচক্রস্থা পার্বতী পর্বতপ্রিয়া ।
পারমেশী পর্বনানা পুষ্পমাল্যপ্রিয়া পরা ॥ ১১৫ ॥
পরা প্রিয়া প্রীতিদাত্রী প্রীতিঃ প্রথমকামিনী ।
প্রথমা প্রথমা প্রীতা পুষ্পগন্ধপ্রিয়া পরা ॥ ১১৬ ॥
পৌষ্যী পানরতা পীনা পীনস্তনসুশোভনা ।
পরমানরতা পুংসাং পাশহস্তা পশুপ্রিয়া ॥ ১১৭ ॥
পললানন্দরসিকা পলালধূমরূপিণী ।
পলাশপুষ্পসঙ্কাশা পলাশপুষ্পমালিনী ॥ ১১৮ ॥
প্রেমভূতা পদ্মমুখী পদ্মরাগসুমালিনী ।
পদ্মমালা পাপহরা পতিপ্রেমবিলাসিনী ॥ ১১৯ ॥
পঞ্চাননমনোহারী পঞ্চবক্ত্রপ্রকাশিনী ।
ফলমূলাশনা ফালী ফলদা ফাল্গুনপ্রিয়া ॥ ১২০ ॥
ফলনাথপ্রিয়া ফল্লী ফল্গুকন্যা ফলোন্মুখী ।
ফেত্কারীতন্ত্রমুখ্যা চ ফেত্কারগণপূজিতা ॥ ১২১ ॥
ফেরবী ফেরবসুতা ফলভোগোদ্ভবা ফলা ।
ফলপ্রিয়া ফলাশক্তা ফাল্গুনানন্দদায়িনী ॥ ১২২ ॥
ফালভোগোত্তরা ফেলা ফুলাম্ভোজনিবাসিনী ।
বসুদেবগৃহস্থা চ বাসবী বীরপূজিতা ॥ ১২৩ ॥
বিষভক্ষা বুধসুতা ব্লুঙ্কারী ব্লূবরপ্রদা ।
ব্রাহ্মী বৃহস্পতিসুতা বাচস্পতিবরপ্রদা ॥ ১২৪ ॥
বেদাচারা বেদ্যপরা ব্যাসবক্ত্রস্থিতা বিভা ।
বোধজ্ঞা বৌষডাখ্যা চ বংশীবংদনপূজিতা ॥ ১২৫ ॥
বজ্রকান্তা বজ্রগতির্বদরীবংশবিবদ্ধীনী ।
ভারতী ভবরশ্রীদা ভবপত্নী ভবাত্মজা ॥ ১২৬ ॥
ভবানী ভাবিনী ভীমা ভিষগ্ভার্যা তুরিস্থিতা ।
ভূর্ভুবঃস্বঃস্বরূপা চ ভৃশার্ত্তা ভেকনাদিনী ॥ ১২৭ ॥
ভৌতী ভঙ্গপ্রিয়া ভঙ্গভঙ্গহা ভঙ্গহারিণী ।
ভর্তা ভগবতী ভাগ্যা ভগীরথনমস্কৃতা ॥ ১২৮ ॥
ভগমালা ভূতনাথেশ্বরী ভার্গবপূজিতা ।
ভৃগুবংশা ভীতিহরা ভূমির্ভুজগহারিণী ॥ ১২৯ ॥
ভালচন্দ্রাভভল্ববালা ভবভূতিবীভূতিদা ।
মকরস্থা মত্তগতির্মদমত্তা মদপ্রিয়া ॥ ১৩০ ॥
মদিরাষ্টাদশভুজা মদিরা মত্তগামিনী ।
মদিরাসিদ্ধিদা মধ্যা মদান্তর্গতিসিদ্ধিদা ॥ ১৩১ ॥
মীনভক্ষা মীনরূপা মুদ্রামুদ্গপ্রিয়া গতিঃ ।
মুষলা মুক্তিদা মূর্ত্তা মূকীকরণতত্পরা ॥ ১৩২ ॥
মৃষার্ত্তা মৃগতৃষ্ণা চ মেষভক্ষণতত্পরা ।
মৈথুনানন্দসিদ্ধিশ্চ মৈথুনানলসিদ্ধিদা ॥ ১৩৩ ॥
মহালক্ষ্মীর্ভৈরবী চ মহেন্দ্রপীঠনায়িকা ।
মনঃস্থা মাধবীমুখ্যা মহাদেবমনোরমা ॥ ১৩৪ ॥
য়শোদা য়াচনা য়াস্যা য়মরাজপ্রিয়া য়মা ।
য়শোরাশিবিভূষাঙ্গী য়তিপ্রেমকলাবতী ॥ ১৩৫ ॥
রমণী রামপত্নী চ রিপুহা রীতিমধ্যগা ।
রুদ্রাণী রূপদা রূপা রূপসুন্দরধারিণী ॥ ১৩৬ ॥
রেতঃস্থা রেতসঃ প্রীতা রেতঃস্থাননিবাসিনী ।
রেন্দ্রাদেবসুতারেদা রিপুবর্গান্তকপ্রিয়া ॥ ১৩৭ ॥
রোমাবলীন্দ্রজননী রোমকূপজগত্পতিঃ ।
রৌপ্যবর্ণা রৌদ্রবর্ণা রৌপ্যালঙ্কারভূষণা ॥ ১৩৮ ॥
রঙ্গিণা রঙ্গরাগস্থা রণবহ্নিকুলেশ্বরী ।
লক্ষ্মীঃ লাঙ্গলহস্তা চ লাঙ্গলী কুলকামিনী ॥ ১৩৯ ॥
লিপিরূপা লীঢপাদা লতাতন্তুস্বরূপিণী ।
লিম্পতী লেলিহা লোলা লোমশপ্রিয়সিদ্ধিদা ॥ ১৪০ ॥
লৌকিকী লৌকিকীসিদ্ধির্লঙ্কানাথকুমারিকা ।
লক্ষ্মণা লক্ষ্মীহীনা চ লপ্রিয়া লার্ণমধ্যগা ॥ ১৪১ ॥
বিবসা বসনাবেশা বিবস্যকুলকন্যকা ।
বাতস্থা বাতরূপা চ বেলমধ্যনিবাসিনী ॥ ১৪২ ॥
শ্মশানভূমিমধ্যস্থা শ্মশানসাধনপ্রিয়া ।
শবস্থা পরসিদ্ধ্যর্থী শববক্ষসি শোভিতা ॥ ১৪৩ ॥
শরণাগতপাল্যা চ শিবকন্যা শিবপ্রিয়া ।
ষট্চক্রভেদিনী ষোঢা ন্যাসজালদৃঢাননা ॥ ১৪৪ ॥
সন্ধ্যাসরস্বতী সুন্দ্যা সূর্যগা শারদা সতী ।
হরিপ্রিয়া হরহালালাবণ্যস্থা ক্ষমা ক্ষুধা ॥ ১৪৫ ॥
ক্ষেত্রজ্ঞা সিদ্ধিদাত্রী চ অম্বিকা চাপরাজিতা ।
আদ্যা ইন্দ্রপ্রিয়া ঈশা উমা ঊঢা ঋতুপ্রিয়া ॥ ১৪৬ ॥
সুতুণ্ডা স্বরবীজান্তা হরিবেশাদিসিদ্ধিদা ।
একাদশীব্রতস্থা চ এন্দ্রী ওষধিসিদ্ধিদা ॥ ১৪৭ ॥
ঔপকারী অংশরূপা অস্ত্রবীজপ্রকাশিনী ।
ইত্যেতত্ কামুকীনাথ কুমারীণাং সুমঙ্গলম্ ॥ ১৪৮ ॥
ত্রৈলোক্যফলদং নিত্যমষ্টোত্তরসহস্রকম্ ।
মহাস্তোত্রং ধর্মসারং ধনধান্যসুতপ্রদম্ ॥ ১৪৯ ॥
সর্ববিদ্যাফলোল্লাসং ভক্তিমান্ য়ঃ পঠেত্ সুধীঃ ।
স সর্বদা দিবারাত্রৌ স ভবেন্মুক্তিমার্গগঃ ॥ ১৫০ ॥
সর্বত্র জয়মাপ্নোতি বীরাণাং বল্লভো লভেত্ ।
সর্বে দেবা বশং য়ান্তি বশীভূতাশ্চ মানবাঃ ॥ ১৫১ ॥
ব্রহ্মাণ্ডে য়ে চ শংসন্তি তে তুষ্টা নাত্র সংশয়ঃ ।
য়ে বশন্তি চ ভূর্লোকে দেবতুল্যপরাক্রমাঃ ॥ ১৫২ ॥
তে সর্বে ভৃত্যতুল্যাশ্চ সত্যং সত্যং কুলেশ্বর ।
অকস্মাত্ সিদ্ধিমাপ্নোতি হোমেন য়জনেন চ ॥ ১৫৩ ॥
জাপ্যেন কবচাদ্যেন মহাস্তোত্রার্থপাঠতঃ ।
বিনা য়জ্ঞৈবীনা দানৈবীনা জাপ্যৈর্লভেত্ ফলম্ ॥ ১৫৪ ॥
য়ঃ পঠেত্ স্তোত্রকং নাম চাষ্টোত্তরসহস্রকম্ ।
তস্য শান্তির্ভবেত্ ক্ষিপ্রং কন্যাস্তোত্রং পঠেত্ততঃ ॥ ১৫৫ ॥
বারত্রয়ং প্রপাঠেন রাজানং বশমানয়েত্ ।
বারৈকপঠিতো মন্ত্রী ধর্মার্থকামমোক্ষভাক্ ॥ ১৫৬ ॥
ত্রিদিনং প্রপঠেদ্বিদ্বান্ য়দি পুত্রং সমিচ্ছতি ।
বারত্রয়ক্রমেণৈব বারৈকক্রমতোঽপি বা ॥ ১৫৭ ॥
পঠিত্ত্বা ধনরত্নানামধিপঃ সর্ববিত্তগঃ ।
ত্রিজগন্মোহয়েন্মন্ত্রী বত্সরার্দ্ধং প্রপাঠতঃ ॥ ১৫৮ ॥
বত্সরং বাপ্য য়দি বা ভক্তিভাবেন য়ঃ পঠেত্ ।
চিরজীবী খেচরত্ত্বং প্রাপ্য য়োগী ভবেন্নরঃ ॥ ১৫৯ ॥
মহাদূরস্থিতং বর্ণং পশ্যতি স্থিরমানসঃ ।
মহিলামণ্ডলে স্থিত্ত্বা শক্তিয়ুক্তঃ পঠেত্ সুধীঃ ॥ ১৬০ ॥
স ভবেত্সাধকশ্রেষ্ঠঃ ক্ষীরী কল্পদ্রুমো ভবেত্ ।
সর্বদা য়ঃ পঠেন্নাথ ভাবোদ্গতকলেবরঃ ॥ ১৬১ ॥
দর্শনাত্ স্তম্ভনং কর্ত্তুং ক্ষমো ভবতি সাধকঃ ।
জলাদিস্তম্ভনে শক্তো বহ্নিস্তম্ভাদিসিদ্ধিভাক্ ॥ ১৬২ ॥
বায়ুবেগী মহাবাগ্মী বেদজ্ঞো ভবতি ধ্রুবম্ ।
কবিনাথো মহাবিদ্যো বন্ধকঃ পণ্ডিতো ভবেত্ ॥ ১৬৩ ॥
সর্বদেশাধিপো ভূত্ত্বা দেবীপুত্রঃ স্বয়ং ভবেত্ ।
কান্তিং শ্রিয়ং য়শো বৃদ্ধিং প্রাপ্নোতি বলবান্ য়তিঃ ॥ ১৬৪ ॥
অষ্টসিদ্ধিয়ুতো নাথ য়ঃ পঠেদর্থসিদ্ধয়ে ।
উজ্জটেঽরণ্যমধ্যে চ পর্বতে ঘোরকাননে ॥ ১৬৫ ॥
বনে বা প্রেতভূমৌ চ শবোপরি মহারণে ।
গ্রামে ভগ্নগৃহে বাপি শূন্যাগারে নদীতটে ॥ ১৬৬ ॥
গঙ্গাগর্ভে মহাপীঠে য়োনিপীঠে গুরোর্গৃহে ।
ধান্যক্ষেত্রে দেবগৃহে কন্যাগারে কুলালয়ে ॥ ১৬৭ ॥
প্রান্তরে গোষ্ঠমধ্যে বা রাজাদিভয়হীনকে ।
নির্ভয়াদিস্বদেশেষু শিলিঙ্গালয়েঽথবা ॥ ১৬৮ ॥
ভূতগর্ত্তে চৈকলিঙ্গৈ বা শূন্যদেশে নিরাকুলে ।
অশ্বত্থমূলে বিল্বে বা কুলবৃক্ষসমীপগে ॥ ১৬৯ ॥
অন্যেষু সিদ্ধদেশেষু কুলরূপাশ্চ সাধকঃ ।
দিব্যে বা বীরভাবস্থো য়ষ্ট্বা কন্যাং কুলাকুলৈ ॥ ১৭০ ॥
কুলদ্রব্যৈশ্চ বিবিধৈঃ সিদ্ধিদ্রব্যৈশ্চ সাধকঃ ।
মাংসাসবেন জুহুয়ান্মুক্তেন রসেন চ ॥ ১৭১ ॥
হুতশেষং কুলদ্রব্যং তাভ্যো দদ্যাত্ সুসিদ্ধয়ে ।
তাসামুচ্ছিষ্টমানীয় জুহুয়াদ্ রক্তপঙ্কজে ॥ ১৭২ ॥
ঘৃণালজ্জাবিনির্মুক্তঃ সাধকঃ স্থিরমানসঃ ।
পিবেন্মাংসরসং মন্ত্রী সদানন্দো মহাবলী ॥ ১৭৩ ॥
মহামাংসাষ্টকং তাভ্যো মদিরাকুম্ভপূরিতম্ ।
তারো মায়া রমাবহ্নিজায়ামন্ত্রং পঠেত্ সুধীঃ ॥ ১৭৪ ॥
নিবেদ্য বিধিনানেন পঠিত্ত্বা স্তোত্রমঙ্গলম্ ।
স্বয়ং প্রসাদং ভুক্ত্বা হি সর্ববিদ্যাধিপো ভবেত্ ॥ ১৭৫ ॥
শূকরস্যোষ্ট্র্মাংসেন পীনমীনেন মুদ্রয়া ।
মহাসবঘটেনাপি দত্ত্বা পঠতি য়ো নরঃ ॥ ১৭৬ ॥
ধ্রুবং স সর্বগামী স্যাদ্ বিনা হোমেন পূজয়া ।
রুদ্ররূপো ভবেন্নিত্যং মহাকালাত্মকো ভবেত্ ॥ ১৭৭ ॥
সর্বপুণ্যফলং নাথ ক্ষণাত্ প্রাপ্নোতি সাধকঃ ।
ক্ষীরাব্ধিরত্নকোষেশো বিয়দ্ব্যাপী চ য়োগিরাট্ ॥ ১৭৮ ॥
ভক্ত্যাহ্লাদং দয়াসিন্ধুং নিষ্কামত্ত্বং লভেদ্ ধ্রুবম্ ।
মহাশত্রুপাতনে চ মহাশত্রুভয়াদ্দীতে ॥ ১৭৯ ॥
বারৈকপাঠমাত্রেণ শত্রূণাং বধমানয়েত্ ।
সমর্দয়েত্ শত্রূন্ ক্ষিপ্রমন্ধকারং য়থা রবিঃ ॥ ১৮০ ॥
উচ্চাটনে মারণে চ ভয়ে ঘোরতরে রিপৌ ।
পঠনাদ্ধারণান্মর্ত্ত্যো দেবা বা রাক্ষসাদয়ঃ ॥ ১৮১ ॥
প্রাপ্নুবন্তি ঝটিত্ শান্তিং কুমারীনামপাঠতঃ ।
পুরুষো দক্ষিণে বাহৌ নারী বামকরে তথা ॥ ১৮২ ॥
ধৃত্বা পুত্রাদিসম্পত্তিং লভতে নাত্র সংশয়ঃ ॥ ১৮৩ ॥
মমাজ্ঞয়া মোক্ষমুপৈতি সাধকো
গজান্তকং নাথ সহস্রনাম চ ।
পঠেন্মনুষ্যো য়হি ভক্তিভাবত-
স্তদা হি সর্বত্র ফলোদয়ং লভেত্ চ ॥ ১৮৪ ॥
মোক্ষং সত্ফলভোগিনাং স্তববরং সারং পরানন্দদং
য়ে নিত্যং হি মুদা পঠন্তি বিফলং সার্থঞ্চ চিন্তাকুলাঃ
তে নিত্যাঃ প্রভবন্তি কীতীকমলে শ্রীরামতুল্যো জয়ে
কন্দর্পায়ুততুল্যরূপগুণিনঃ ক্রোধে চ রুদ্রোপমাঃ ॥ ১৮৫ ॥
॥ ইতি শ্রীরুদ্রয়ামলে উত্তরতন্ত্রে মহাতন্ত্রোদ্দীপনে
কুমার্যুপচর্যাবিন্যাসে
সিদ্ধমন্ত্র-প্রকরণে দিব্যভাবনির্ণয়ে
অষ্টোত্তরসহস্রনামমঙ্গলোল্লাসে
দশমপটলে শ্রীকুমারীসহস্রনামস্তোত্রম্ সম্পূর্ণম্ ॥