॥ Gangasahasranama Stotram Odia Lyrics ॥
॥ ଶ୍ରୀଗଙ୍ଗାସହସ୍ରନାମସ୍ତୋତ୍ରମ୍ ॥
ଅକାରାଦିକ୍ଷକାରାନ୍ତ ନାମଘଟିତଂ ସ୍କନ୍ଦପୁରାଣାନ୍ତର୍ଗତଂ
ଅଗସ୍ତ୍ୟ ଉଵାଚ
ଵିନା ସ୍ନାନେନ ଗଙ୍ଗାୟାଂ ନୃଣାଂ ଜନ୍ମ ନିରର୍ଥକମ୍ ।
ଉପାୟାନ୍ତରମସ୍ତ୍ୟନ୍ୟଦ୍ ୟେନ ସ୍ନାନଫଲଂ ଲଭେତ୍ ॥ ୧ ॥
ଅଶକ୍ତାନାଂ ଚ ପଙ୍ଗୂନାମାଲସ୍ୟୋପହତାତ୍ମନାମ୍ ।
ଦୂରଦେଶାନ୍ତରସ୍ଥାନାଂ ଗଙ୍ଗାସ୍ନାନଂ କଥଂ ଭଵେତ୍ ॥ ୨ ॥
ଦାନଂ ଵାଥ ଵ୍ରତଂ ଵାଥ ମନ୍ତ୍ରଃ ସ୍ତୋତ୍ରଂ ଜପୋଽଥଵା ।
ତୀର୍ଥାନ୍ତରାଭିଷେକୋ ଵା ଦେଵତୋପାସନଂ ତୁ ଵା ॥ ୩ ॥
ୟଦ୍ୟସ୍ତି କିଞ୍ଚିତ୍ ଷଡ୍ଵକ୍ତ୍ର ଗଙ୍ଗାସ୍ନାନଫଲପ୍ରଦମ୍ ।
ଵିଧାନାନ୍ତରମାତ୍ରେଣ ତଦ୍ ଵଦ ପ୍ରଣତାୟ ମେ ॥ ୪ ॥
ତ୍ଵତ୍ତୋ ନ ଵେଦ ସ୍କନ୍ଦାନ୍ୟୋ ଗଙ୍ଗାଗର୍ଭସମୁଦ୍ଭଵ ।
ପରଂ ସ୍ଵର୍ଗତରଙ୍ଗିଣ୍ୟାଂ ମହିମାନଂ ମହାମତେ ॥ ୫ ॥
ସ୍କନ୍ଦ ଉଵାଚ
ସନ୍ତି ପୁଣ୍ୟଜଲାନୀହ ସରାଂସି ସରିତୋ ମୁନେ ।
ସ୍ଥାନେ ସ୍ଥାନେ ଚ ତୀର୍ଥାନି ଜିତାତ୍ମାଧ୍ୟୁଷିତାନି ଚ ॥ ୬ ॥
ଦୃଷ୍ଟପ୍ରତ୍ୟୟକାରୀଣି ମହାମହିମଭାଞ୍ଜ୍ୟପି ।
ପରଂ ସ୍ଵର୍ଗତରଙ୍ଗିଣ୍ୟାଃ କୋଟ୍ୟଂଶୋଽପି ନ ତତ୍ର ଵୈ ॥ ୭ ॥
ଅନେନୈଵାନୁମାନେନ ବୁଦ୍ଧ୍ୟସ୍ଵ କଲଶୋଦ୍ଭଵ ।
ଦଧ୍ରେ ଗଙ୍ଗୋତ୍ତମାଙ୍ଗେନ ଦେଵଦେଵେନ ଶମ୍ଭୁନା ॥ ୮ ॥
ସ୍ନାନକାଲେଽନ୍ୟତୀର୍ଥେଷୁ ଜପ୍ୟତେ ଜାହ୍ନଵୀ ଜନୈଃ ।
ଵିନା ଵିଷ୍ଣୁପଦୀଂ କ୍ଵାନ୍ୟତ୍ ସମର୍ଥମଘମୋଚନେ ॥ ୯ ॥
ଗଙ୍ଗାସ୍ନାନଫଲଂ ବ୍ରହ୍ମନ୍ ଗଙ୍ଗାୟାମେଵ ଲଭ୍ୟତେ ।
ୟଥା ଦ୍ରାକ୍ଷାଫଲସ୍ଵାଦୋ ଦ୍ରାକ୍ଷାୟାମେଵ ନାନ୍ୟତଃ ॥ ୧୦ ॥
ଅସ୍ତ୍ୟୁପାୟ ଇହ ତ୍ଵେକଃ ସ୍ୟାଦ୍ ୟେନାଵିକଲଂ ଫଲମ୍ ।
ସ୍ନାନସ୍ୟ ଦେଵସରିତୋ ମହାଗୁହ୍ୟତମୋ ମୁନେ ॥ ୧୧ ॥
ଶିଵଭକ୍ତାୟ ଶାନ୍ତାୟ ଵିଷ୍ଣୁଭକ୍ତିପରାୟ ଚ ।
ଶ୍ରଦ୍ଧାଲଵେ ତ୍ଵାସ୍ତିକାୟ ଗର୍ଭଵାସମୁମୁକ୍ଷଵେ ॥ ୧୨ ॥
କଥନୀୟଂ ନ ଚାନ୍ୟସ୍ୟ କସ୍ୟଚିତ୍ କେନଚିତ୍ କ୍ଵଚିତ୍ ।
ଇଦଂ ରହସ୍ୟଂ ପରମଂ ମହାପାତକନାଶନମ୍ ॥ ୧୩ ॥
ମହାଶ୍ରେୟସ୍କରଂ ପୁଣ୍ୟଂ ମନୋରଥକରଂ ପରମ୍ ।
ଦ୍ୟୁନଦୀପ୍ରୀତିଜନକଂ ଶିଵସନ୍ତୋଷସନ୍ତତିଃ ॥ ୧୪ ॥
ନାମ୍ନାଂ ସହସ୍ରଂ ଗଙ୍ଗାୟାଃ ସ୍ତଵରାଜେଷୁ ଶୋଭନମ୍ ।
ଜପ୍ୟାନାଂ ପରମଂ ଜପ୍ୟଂ ଵେଦୋପନିଷଦାଂ ସମମ୍ ॥ ୧୫ ॥
ଜପନୀୟଂ ପ୍ରୟତ୍ନେନ ମୌନିନା ଵାଚକଂ ଵିନା ।
ଶୁଚିସ୍ଥାନେଷୁ ଶୁଚିନା ସୁସ୍ପଷ୍ଟାକ୍ଷରମେଵ ଚ ॥ ୧୬ ॥
ଧ୍ୟାନମ୍ –
ଶୈଲେନ୍ଦ୍ରାଦଵତାରିଣୀ ନିଜଜଲେ ମଜ୍ଜଦ୍ଜନୋତ୍ତାରିଣୀ
ପାରାଵାରଵିହାରିଣୀ ଭଵଭୟଶ୍ରେଣୀ ସମୁତ୍ସାରିଣୀ ।
ଶେଷାହେରନୁକାରିଣୀ ହରଶିରୋଵଲ୍ଲୀଦଲାକାରିଣୀ
କାଶୀପ୍ରାନ୍ତଵିହାରିଣୀ ଵିଜୟତେ ଗଙ୍ଗା ମନୋହାରିଣୀ ॥
ଓଂ ନମୋ ଗଙ୍ଗାଦେଵ୍ୟୈ ॥
ଓଂକାରରୂପିଣ୍ୟଜରାଽତୁଲାଽନନ୍ତାଽମୃତସ୍ରଵା ।
ଅତ୍ୟୁଦାରାଽଭୟାଽଶୋକାଽଲକନନ୍ଦାଽମୃତାଽମଲା ॥ ୧୭ ॥
ଅନାଥଵତ୍ସଲାଽମୋଘାଽପାଂୟୋନିରମୃତପ୍ରଦା ।
ଅଵ୍ୟକ୍ତଲକ୍ଷଣାଽକ୍ଷୋଭ୍ୟାଽନଵଚ୍ଛିନ୍ନାଽପରାଽଜିତା ॥ ୧୮ ॥
ଅନାଥନାଥାଽଭୀଷ୍ଟାର୍ଥସିଦ୍ଧିଦାଽନଙ୍ଗଵର୍ଧିନୀ ।
ଅଣିମାଦିଗୁଣାଽଧାରାଽଗ୍ରଗଣ୍ୟାଽଲୀକହାରିଣୀ ॥ ୧୯ ॥
ଅଚିନ୍ତ୍ୟଶକ୍ତିରନଘାଽଦ୍ଭୁତରୂପାଽଘହାରିଣୀ ।
ଅଦ୍ରିରାଜସୁତାଽଷ୍ଟାଙ୍ଗୟୋଗସିଦ୍ଧିପ୍ରଦାଽଚ୍ୟୁତା ॥ ୨୦ ॥
ଅକ୍ଷୁଣ୍ଣଶକ୍ତିରସୁଦାଽନନ୍ତତୀର୍ଥାଽମୃତୋଦକା ।
ଅନନ୍ତମହିମାଽପାରାଽନନ୍ତସୌଖ୍ୟପ୍ରଦାଽନ୍ନଦା ॥ ୨୧ ॥
ଅଶେଷଦେଵତାମୂର୍ତିରଘୋରାଽମୃତରୂପିଣୀ ।
ଅଵିଦ୍ୟାଜାଲଶମନୀ ହ୍ୟପ୍ରତର୍କ୍ୟଗତିପ୍ରଦା ॥ ୨୨ ॥
ଅଶେଷଵିଘ୍ନସଂହର୍ତ୍ରୀ ତ୍ଵଶେଷଗୁଣଗୁମ୍ଫିତା ।
ଅଜ୍ଞାନତିମିରଜ୍ୟୋତିରନୁଗ୍ରହପରାୟଣା ॥ ୨୩ ॥
ଅଭିରାମାଽନଵଦ୍ୟାଙ୍ଗ୍ୟନନ୍ତସାରାଽକଲଙ୍କିନୀ ।
ଆରୋଗ୍ୟଦାଽଽନନ୍ଦଵଲ୍ଲୀ ତ୍ଵାପନ୍ନାର୍ତିଵିନାଶିନୀ ॥ ୨୪ ॥
ଆଶ୍ଚର୍ୟମୂର୍ତିରାୟୁଷ୍ୟା ହ୍ୟାଢ୍ୟାଽଽଦ୍ୟାଽଽପ୍ରାଽଽର୍ୟସେଵିତା ।
ଆପ୍ୟାୟିନ୍ୟାପ୍ତଵିଦ୍ୟାଖ୍ୟା ତ୍ଵାନନ୍ଦାଽଽଶ୍ଵାସଦାୟିନୀ ॥ ୨୫ ॥
ଆଲସ୍ୟଘ୍ନ୍ୟାପଦାଂ ହନ୍ତ୍ରୀ ହ୍ୟାନନ୍ଦାମୃତଵର୍ଷିଣୀ ।
ଇରାଵତୀଷ୍ଟଦାତ୍ରୀଷ୍ଟା ତ୍ଵିଷ୍ଟାପୂର୍ତଫଲପ୍ରଦା ॥ ୨୬ ॥
ଇତିହାସଶ୍ରୁତୀଡ୍ୟାର୍ଥା ତ୍ଵିହାମୁତ୍ରଶୁଭପ୍ରଦା ।
ଇଜ୍ୟାଶୀଲସମିଜ୍ୟେଷ୍ଠା ତ୍ଵିନ୍ଦ୍ରାଦିପରିଵନ୍ଦିତା ॥ ୨୭ ॥
ଇଲାଲଙ୍କାରମାଲେଦ୍ଧା ତ୍ଵିନ୍ଦିରାରମ୍ୟମନ୍ଦିରା ।
ଇଦିନ୍ଦିରାଦିସଂସେଵ୍ୟା ତ୍ଵୀଶ୍ଵରୀଶ୍ଵରଵଲ୍ଲଭା ॥ ୨୮ ॥
ଈତିଭୀତିହରେଡ୍ୟା ଚ ତ୍ଵୀଡନୀୟଚରିତ୍ରଭୃତ୍ ।
ଉତ୍କୃଷ୍ଟଶକ୍ତିରୁତ୍କୃଷ୍ଟୋଡୁପମଣ୍ଡଲଚାରିଣୀ ॥ ୨୯ ॥
ଉଦିତାମ୍ବରମାର୍ଗୋସ୍ରୋରଗଲୋକଵିହାରିଣୀ ।
ଉକ୍ଷୋର୍ଵରୋତ୍ପଲୋତ୍କୁମ୍ଭା ଉପେନ୍ଦ୍ରଚରଣଦ୍ରଵା ॥ ୩୦ ॥
ଉଦନ୍ଵତ୍ପୂର୍ତିହେତୁଶ୍ଚୋଦାରୋତ୍ସାହପ୍ରଵର୍ଧିନୀ ।
ଉଦ୍ଵେଗଘ୍ନ୍ୟୁଷ୍ଣଶମନୀ ହ୍ୟୁଷ୍ଣରଶ୍ମିସୁତାପ୍ରିୟା ॥ ୩୧ ॥
ଉତ୍ପତ୍ତିସ୍ଥିତିସଂହାରକାରିଣ୍ୟୁପରିଚାରିଣୀ ।
ଊର୍ଜଂ ଵହନ୍ତ୍ୟୂର୍ଜଧରୋର୍ଜାଵତୀ ଚୋର୍ମିମାଲିନୀ ॥ ୩୨ ॥
ଊର୍ଧ୍ଵରେତଃପ୍ରିୟୋର୍ଧ୍ଵାଧ୍ଵା ହ୍ୟୂର୍ମିଲୋର୍ଧ୍ଵଗତିପ୍ରଦା ।
ଋଷିଵୃନ୍ଦସ୍ତୁତର୍ଦ୍ଧିଶ୍ଚ ଋଣତ୍ରୟଵିନାଶିନୀ ॥ ୩୩ ॥
ଋତମ୍ଭରର୍ଦ୍ଧିଦାତ୍ରୀ ଚ ଋକ୍ସ୍ଵରୂପା ଋଜୁପ୍ରିୟା ।
ଋକ୍ଷମାର୍ଗଵହର୍କ୍ଷାର୍ଚିରୃଜୁମାର୍ଗପ୍ରଦର୍ଶିନୀ ॥ ୩୪ ॥
ଏଧିତାଖିଲଧର୍ମାର୍ଥା ତ୍ଵେକୈକାମୃତଦାୟିନୀ ।
ଏଧନୀୟସ୍ଵଭାଵୈଜ୍ୟା ତ୍ଵେଜିତାଶେଷପାତକା ॥ ୩୫ ॥
ଐଶ୍ଵର୍ୟଦୈଶ୍ଵର୍ୟରୂପା ହ୍ୟୈତିହ୍ୟଂ ହ୍ୟୈନ୍ଦଵୀଦ୍ୟୁତିଃ ।
ଓଜସ୍ଵିନ୍ୟୋଷଧୀକ୍ଷେତ୍ରମୋଜୋଦୌଦନଦାୟିନୀ ॥ ୩୬ ॥
ଓଷ୍ଠାମୃତୌନ୍ନତ୍ୟଦାତ୍ରୀ ତ୍ଵୌଷଧଂ ଭଵରୋଗିଣାମ୍ ।
ଔଦାର୍ୟଚଞ୍ଚୁରୌପେନ୍ଦ୍ରୀ ତ୍ଵୌଗ୍ରୀ ହ୍ୟୌମେୟରୂପିଣୀ ॥ ୩୭ ॥
ଅମ୍ବରାଧ୍ଵଵହାମ୍ବଷ୍ଠାମ୍ବରମାଲାମ୍ବୁଜେକ୍ଷଣା ।
ଅମ୍ବିକାମ୍ବୁମହାୟୋନିରନ୍ଧୋଦାନ୍ଧକହାରିଣୀ ॥ ୩୮ ॥
ଅଂଶୁମାଲା ହ୍ୟଂଶୁମତୀ ତ୍ଵଙ୍ଗୀକୃତଷଡାନନା ।
ଅନ୍ଧତାମିସ୍ରହନ୍ତ୍ର୍ୟନ୍ଧୁରଞ୍ଜନା ହ୍ୟଞ୍ଜନାଵତୀ ॥ ୩୯ ॥
କଲ୍ୟାଣକାରିଣୀ କାମ୍ୟା କମଲୋତ୍ପଲଗନ୍ଧିନୀ ।
କୁମୁଦ୍ଵତୀ କମଲିନୀ କାନ୍ତିଃ କଲ୍ପିତଦାୟିନୀ ॥ ୪୦ ॥
କାଞ୍ଚନାକ୍ଷୀ କାମଧେନୁଃ କୀର୍ତିକୃତ୍ କ୍ଲେଶନାଶିନୀ ।
କ୍ରତୁଶ୍ରେଷ୍ଠା କ୍ରତୁଫଲା କର୍ମବନ୍ଧଵିଭେଦିନୀ ॥ ୪୧ ॥
କମଲାକ୍ଷୀ କ୍ଲମହରା କୃଶାନୁତପନଦ୍ୟୁତିଃ ।
କରୁଣାର୍ଦ୍ରା ଚ କଲ୍ୟାଣୀ କଲିକଲ୍ମଷନାଶିନୀ ॥ ୪୨ ॥
କାମରୂପା କ୍ରିୟାଶକ୍ତିଃ କମଲୋତ୍ପଲମାଲିନୀ ।
କୂଟସ୍ଥା କରୁଣା କାନ୍ତା କୂର୍ମୟାନା କଲାଵତୀ ॥ ୪୩ ॥
କମଲା କଲ୍ପଲତିକା କାଲୀ କଲୁଷଵୈରିଣୀ ।
କମନୀୟଜଲା କମ୍ରା କପର୍ଦିସୁକପର୍ଦଗା ॥ ୪୪ ॥
କାଲକୂଟପ୍ରଶମନୀ କଦମ୍ବକୁସୁମପ୍ରିୟା ।
କାଲିନ୍ଦୀ କେଲିଲଲିତା କଲକଲ୍ଲୋଲମାଲିକା ॥ ୪୫ ॥
କ୍ରାନ୍ତଲୋକତ୍ରୟା କଣ୍ଡୂଃ କଣ୍ଡୂତନୟଵତ୍ସଲା ।
ଖଡ୍ଗିନୀ ଖଡ୍ଗଧାରାଭା ଖଗା ଖଣ୍ଡେନ୍ଦୁଧାରିଣୀ ॥ ୪୬ ॥
ଖେଖେଲଗାମିନୀ ଖସ୍ଥା ଖଣ୍ଡେନ୍ଦୁତିଲକପ୍ରିୟା ।
ଖେଚରୀ ଖେଚରୀଵନ୍ଦ୍ୟା ଖ୍ୟାତିଃ ଖ୍ୟାତିପ୍ରଦାୟିନୀ ॥ ୪୭ ॥
ଖଣ୍ଡିତପ୍ରଣତାଘୌଘା ଖଲବୁଦ୍ଧିଵିନାଶିନୀ ।
ଖାତୈନଃ କନ୍ଦସନ୍ଦୋହା ଖଡ୍ଗଖଟ୍ଵାଙ୍ଗ ଖେଟିନୀ ॥ ୪୮ ॥
ଖରସନ୍ତାପଶମନୀ ଖନିଃ ପୀୟୂଷପାଥସାମ୍ ।
ଗଙ୍ଗା ଗନ୍ଧଵତୀ ଗୌରୀ ଗନ୍ଧର୍ଵନଗରପ୍ରିୟା ॥ ୪୯ ॥
ଗମ୍ଭୀରାଙ୍ଗୀ ଗୁଣମୟୀ ଗତାତଙ୍କା ଗତିପ୍ରିୟା ।
ଗଣନାଥାମ୍ବିକା ଗୀତା ଗଦ୍ୟପଦ୍ୟପରିଷ୍ଟୁତା ॥ ୫୦ ॥
ଗାନ୍ଧାରୀ ଗର୍ଭଶମନୀ ଗତିଭ୍ରଷ୍ଟଗତିପ୍ରଦା ।
ଗୋମତୀ ଗୁହ୍ୟଵିଦ୍ୟା ଗୌର୍ଗୋପ୍ତ୍ରୀ ଗଗନଗାମିନୀ ॥ ୫୧ ॥
ଗୋତ୍ରପ୍ରଵର୍ଧିନୀ ଗୁଣ୍ୟା ଗୁଣାତୀତା ଗୁଣାଗ୍ରଣୀଃ ।
ଗୁହାମ୍ବିକା ଗିରିସୁତା ଗୋଵିନ୍ଦାଙ୍ଘ୍ରିସମୁଦ୍ଭଵା ॥ ୫୨ ॥
ଗୁଣନୀୟଚରିତ୍ରା ଚ ଗାୟତ୍ରୀ ଗିରିଶପ୍ରିୟା ।
ଗୂଢରୂପା ଗୁଣଵତୀ ଗୁର୍ଵୀ ଗୌରଵଵର୍ଧିନୀ ॥ ୫୩ ॥
ଗ୍ରହପୀଡାହରା ଗୁନ୍ଦ୍ରା ଗରଘ୍ନୀ ଗାନଵତ୍ସଲା ।
ଘର୍ମହନ୍ତ୍ରୀ ଘୃତଵତୀ ଘୃତତୁଷ୍ଟିପ୍ରଦାୟିନୀ ॥ ୫୪ ॥
ଘଣ୍ଟାରଵପ୍ରିୟା ଘୋରାଘୌଘଵିଧ୍ଵଂସକାରିଣୀ ।
ଘ୍ରାଣତୁଷ୍ଟିକରୀ ଘୋଷା ଘନାନନ୍ଦା ଘନପ୍ରିୟା ॥ ୫୫ ॥
ଘାତୁକା ଘୂର୍ଣିତଜଲା ଘୃଷ୍ଟପାତକସନ୍ତତିଃ ।
ଘଟକୋଟିପ୍ରପୀତାପା ଘଟିତାଶେଷମଙ୍ଗଲା ॥ ୫୬ ॥
ଘୃଣାଵତୀ ଘୃଣିନିଧିର୍ଘସ୍ମରା ଘୂକନାଦିନୀ ।
ଘୁସୃଣାପିଞ୍ଜରତନୁର୍ଘର୍ଘରା ଘର୍ଘରସ୍ଵନା ॥ ୫୭ ॥
ଚନ୍ଦ୍ରିକା ଚନ୍ଦ୍ରକାନ୍ତାମ୍ବୁଶ୍ଚଞ୍ଚଦାପା ଚଲଦ୍ୟୁତିଃ ।
ଚିନ୍ମୟୀ ଚିତିରୂପା ଚ ଚନ୍ଦ୍ରାୟୁତଶତାନନା ॥ ୫୮ ॥
ଚାମ୍ପେୟଲୋଚନା ଚାରୁଶ୍ଚାର୍ଵଙ୍ଗୀ ଚାରୁଗାମିନୀ ।
ଚାର୍ୟା ଚାରିତ୍ରନିଲୟା ଚିତ୍ରକୃଚ୍ଚିତ୍ରରୂପିଣୀ ॥ ୫୯ ॥
ଚମ୍ପୂଶ୍ଚନ୍ଦନଶୁଚ୍ୟମ୍ବୁଶ୍ଚର୍ଚନୀୟା ଚିରସ୍ଥିରା ।
ଚାରୁଚମ୍ପକମାଲାଢ୍ୟା ଚମିତାଶେଷଦୁଷ୍କୃତା ॥ ୬୦ ॥
ଚିଦାକାଶଵହା ଚିନ୍ତ୍ୟା ଚଞ୍ଚଚ୍ଚାମରଵୀଜିତା ।
ଚୋରିତାଶେଷଵୃଜିନା ଚରିତାଶେଷମଣ୍ଡଲା ॥ ୬୧ ॥
ଛେଦିତାଖିଲପାପୌଘା ଛଦ୍ମଘ୍ନୀ ଛଲହାରିଣୀ ।
ଛନ୍ନତ୍ରିଵିଷ୍ଟପତଲା ଛୋଟିତାଶେଷବନ୍ଧନା ॥ ୬୨ ॥
ଛୁରିତାମୃତଧାରୌଘା ଛିନ୍ନୈନାଶ୍ଛନ୍ଦଗାମିନୀ ।
ଛତ୍ରୀକୃତମରାଲୌଘା ଛଟୀକୃତନିଜାମୃତା ॥ ୬୩ ॥
ଜାହ୍ନଵୀ ଜ୍ୟା ଜଗନ୍ମାତା ଜପ୍ୟା ଜଙ୍ଘାଲଵୀଚିକା ।
ଜୟା ଜନାର୍ଦନପ୍ରୀତା ଜୁଷଣୀୟା ଜଗଦ୍ଧିତା ॥ ୬୪ ॥
ଜୀଵନଂ ଜୀଵନପ୍ରାଣା ଜଗଜ୍ଜ୍ୟେଷ୍ଠା ଜଗନ୍ମୟୀ ।
ଜୀଵଜୀଵାତୁଲତିକା ଜନ୍ମିଜନ୍ମନିବର୍ହିଣୀ ॥ ୬୫ ॥
ଜାଡ୍ୟଵିଧ୍ଵଂସନକରୀ ଜଗଦ୍ୟୋନିର୍ଜଲାଵିଲା ।
ଜଗଦାନନ୍ଦଜନନୀ ଜଲଜା ଜଲଜେକ୍ଷଣା ॥ ୬୬ ॥
ଜନଲୋଚନପୀୟୂଷା ଜଟାତଟଵିହାରିଣୀ ।
ଜୟନ୍ତୀ ଜଞ୍ଜପୂକଘ୍ନୀ ଜନିତଜ୍ଞାନଵିଗ୍ରହା ॥ ୬୭ ॥
ଝଲ୍ଲରୀଵାଦ୍ୟକୁଶଲା ଝଲଜ୍ଝାଲଜଲାଵୃତା ।
ଝିଣ୍ଟୀଶଵନ୍ଦ୍ୟା ଝଙ୍କାରକାରିଣୀ ଝର୍ଝରାଵତୀ ॥ ୬୮ ॥
ଟୀକିତାଶେଷପାତାଲା ଟଙ୍କିକୈନୋଽଦ୍ରିପାଟନେ ।
ଟଙ୍କାରନୃତ୍ୟତ୍କଲ୍ଲୋଲା ଟୀକନୀୟମହାତଟା ॥ ୬୯ ॥
ଡମ୍ବରପ୍ରଵହା ଡୀନରାଜହଂସକୁଲାକୁଲା ।
ଡମଡ୍ଡମରୁହସ୍ତା ଚ ଡାମରୋକ୍ତମହାଣ୍ଡକା ॥ ୭୦ ॥
ଢୌକିତାଶେଷନିର୍ଵାଣା ଢକ୍କାନାଦଚଲଜ୍ଜଲା ।
ଢୁଣ୍ଢିଵିଘ୍ନେଶଜନନୀ ଢଣଡ୍ଢୁଣିତପାତକା ॥ ୭୧ ॥
ତର୍ପଣୀ ତୀର୍ଥତୀର୍ଥା ଚ ତ୍ରିପଥା ତ୍ରିଦଶେଶ୍ଵରୀ ।
ତ୍ରିଲୋକଗୋପ୍ତ୍ରୀ ତୋୟେଶୀ ତ୍ରୈଲୋକ୍ୟପରିଵନ୍ଦିତା ॥ ୭୨ ॥
ତାପତ୍ରିତୟସଂହର୍ତ୍ରୀ ତେଜୋବଲଵିଵର୍ଧିନୀ ।
ତ୍ରିଲକ୍ଷ୍ୟା ତାରଣୀ ତାରା ତାରାପତିକରାର୍ଚିତା ॥ ୭୩ ॥
ତ୍ରୈଲୋକ୍ୟପାଵନୀ ପୁଣ୍ୟା ତୁଷ୍ଟିଦା ତୁଷ୍ଟିରୂପିଣୀ ।
ତୃଷ୍ଣାଚ୍ଛେତ୍ରୀ ତୀର୍ଥମାତା ତ୍ରିଵିକ୍ରମପଦୋଦ୍ଭଵା ॥ ୭୪ ॥
ତପୋମୟୀ ତପୋରୂପା ତପଃସ୍ତୋମଫଲପ୍ରଦା । var ପଦପ୍ରଦା
ତ୍ରୈଲୋକ୍ୟଵ୍ୟାପିନୀ ତୃପ୍ତିସ୍ତୃପ୍ତିକୃତ୍ତତ୍ତ୍ଵରୂପିଣୀ ॥ ୭୫ ॥
ତ୍ରୈଲୋକ୍ୟସୁନ୍ଦରୀ ତୁର୍ୟା ତୁର୍ୟାତୀତଫଲପ୍ରଦା ।
ତ୍ରୈଲୋକ୍ୟଲକ୍ଷ୍ମୀସ୍ତ୍ରିପଦୀ ତଥ୍ୟା ତିମିରଚନ୍ଦ୍ରିକା ॥ ୭୬ ॥
ତେଜୋଗର୍ଭା ତପସ୍ସାରା ତ୍ରିପୁରାରିଶିରୋଗୃହା ।
ତ୍ରୟୀସ୍ଵରୂପିଣୀ ତନ୍ଵୀ ତପନାଙ୍ଗଜଭୀତିନୁତ୍ ॥ ୭୭ ॥
ତରିସ୍ତରଣିଜାମିତ୍ରଂ ତର୍ପିତାଶେଷପୂର୍ଵଜା ।
ତୁଲାଵିରହିତା ତୀଵ୍ରପାପତୂଲତନୂନପାତ୍ ॥ ୭୮ ॥
ଦାରିଦ୍ର୍ୟଦମନୀ ଦକ୍ଷା ଦୁଷ୍ପ୍ରେକ୍ଷା ଦିଵ୍ୟମଣ୍ଡନା ।
ଦୀକ୍ଷାଵତୀ ଦୁରାଵାପ୍ୟା ଦ୍ରାକ୍ଷାମଧୁରଵାରିଭୃତ୍ ॥ ୭୯ ॥
ଦର୍ଶିତାନେକକୁତୁକା ଦୁଷ୍ଟଦୁର୍ଜୟଦୁଃଖହୃତ୍ ।
ଦୈନ୍ୟହୃଦ୍ଦୁରିତଘ୍ନୀ ଚ ଦାନଵାରିପଦାବ୍ଜଜା ॥ ୮୦ ॥
ଦନ୍ଦଶୂକଵିଷଘ୍ନୀ ଚ ଦାରିତାଘୌଘସନ୍ତତିଃ ।
ଦ୍ରୁତା ଦେଵଦ୍ରୁମଚ୍ଛନ୍ନା ଦୁର୍ଵାରାଘଵିଘାତିନୀ ॥ ୮୧ ॥
ଦମଗ୍ରାହ୍ୟା ଦେଵମାତା ଦେଵଲୋକପ୍ରଦର୍ଶିନୀ ।
ଦେଵଦେଵପ୍ରିୟା ଦେଵୀ ଦିକ୍ପାଲପଦଦାୟିନୀ ॥ ୮୨ ॥
ଦୀର୍ଘାୟୁଃ କାରିଣୀ ଦୀର୍ଘା ଦୋଗ୍ଧ୍ରୀ ଦୂଷଣଵର୍ଜିତା ।
ଦୁଗ୍ଧାମ୍ବୁଵାହିନୀ ଦୋହ୍ୟା ଦିଵ୍ୟା ଦିଵ୍ୟଗତିପ୍ରଦା ॥ ୮୩ ॥
ଦ୍ୟୁନଦୀ ଦୀନଶରଣଂ ଦେହିଦେହନିଵାରିଣୀ ।
ଦ୍ରାଘୀୟସୀ ଦାଘହନ୍ତ୍ରୀ ଦିତପାତକସନ୍ତତିଃ ॥ ୮୪ ॥
ଦୂରଦେଶାନ୍ତରଚରୀ ଦୁର୍ଗମା ଦେଵଵଲ୍ଲଭା ।
ଦୁର୍ଵୃତ୍ତଘ୍ନୀ ଦୁର୍ଵିଗାହ୍ୟା ଦୟାଧାରା ଦୟାଵତୀ ॥ ୮୫ ॥
ଦୁରାସଦା ଦାନଶୀଲା ଦ୍ରାଵିଣୀ ଦ୍ରୁହିଣସ୍ତୁତା ।
ଦୈତ୍ୟଦାନଵସଂଶୁଦ୍ଧିକର୍ତ୍ରୀ ଦୁର୍ବୁଦ୍ଧିହାରିଣୀ ॥ ୮୬ ॥
ଦାନସାରା ଦୟାସାରା ଦ୍ୟାଵାଭୂମିଵିଗାହିନୀ ।
ଦୃଷ୍ଟାଦୃଷ୍ଟଫଲପ୍ରାପ୍ତିର୍ଦେଵତାଵୃନ୍ଦଵନ୍ଦିତା ॥ ୮୭ ॥
ଦୀର୍ଘଵ୍ରତା ଦୀର୍ଘଦୃଷ୍ଟିର୍ଦୀପ୍ତତୋୟା ଦୁରାଲଭା ।
ଦଣ୍ଡୟିତ୍ରୀ ଦଣ୍ଡନୀତିର୍ଦୁଷ୍ଟଦଣ୍ଡଧରାର୍ଚିତା ॥ ୮୮ ॥
ଦୁରୋଦରଘ୍ନୀ ଦାଵାର୍ଚିର୍ଦ୍ରଵଦ୍ଦ୍ରଵ୍ୟୈକଶେଵଧିଃ ।
ଦୀନସନ୍ତାପଶମନୀ ଦାତ୍ରୀ ଦଵଥୁଵୈରିଣୀ ॥ ୮୯ ॥
ଦରୀଵିଦାରଣପରା ଦାନ୍ତା ଦାନ୍ତଜନପ୍ରିୟା ।
ଦାରିତାଦ୍ରିତଟା ଦୁର୍ଗା ଦୁର୍ଗାରଣ୍ୟପ୍ରଚାରିଣୀ ॥ ୯୦ ॥
ଧର୍ମଦ୍ରଵା ଧର୍ମଧୁରା ଧେନୁର୍ଧୀରା ଧୃତିର୍ଧ୍ରୁଵା ।
ଧେନୁଦାନଫଲସ୍ପର୍ଶା ଧର୍ମକାମାର୍ଥମୋକ୍ଷଦା ॥ ୯୧ ॥
ଧର୍ମୋର୍ମିଵାହିନୀ ଧୁର୍ୟା ଧାତ୍ରୀ ଧାତ୍ରୀଵିଭୂଷଣମ୍ ।
ଧର୍ମିଣୀ ଧର୍ମଶୀଲା ଚ ଧନ୍ଵିକୋଟିକୃତାଵନା ॥ ୯୨ ॥
ଧ୍ୟାତୃପାପହରା ଧ୍ୟେୟା ଧାଵନୀ ଧୂତକଲ୍ମଷା ।
ଧର୍ମଧାରା ଧର୍ମସାରା ଧନଦା ଧନଵର୍ଧିନୀ ॥ ୯୩ ॥
ଧର୍ମାଧର୍ମଗୁଣଚ୍ଛେତ୍ରୀ ଧତ୍ତୂରକୁସୁମପ୍ରିୟା ।
ଧର୍ମେଶୀ ଧର୍ମଶାସ୍ତ୍ରଜ୍ଞା ଧନଧାନ୍ୟସମୃଦ୍ଧିକୃତ୍ ॥ ୯୪ ॥
ଧର୍ମଲଭ୍ୟା ଧର୍ମଜଲା ଧର୍ମପ୍ରସଵଧର୍ମିଣୀ ।
ଧ୍ୟାନଗମ୍ୟସ୍ଵରୂପା ଚ ଧରଣୀ ଧାତୃପୂଜିତା ॥ ୯୫ ॥
ଧୂର୍ଧୂର୍ଜଟିଜଟାସଂସ୍ଥା ଧନ୍ୟା ଧୀର୍ଧାରଣାଵତୀ ।
ନନ୍ଦା ନିର୍ଵାଣଜନନୀ ନନ୍ଦିନୀ ନୁନ୍ନପାତକା ॥ ୯୬ ॥
ନିଷିଦ୍ଧଵିଘ୍ନନିଚୟା ନିଜାନନ୍ଦପ୍ରକାଶିନୀ ।
ନଭୋଽଙ୍ଗଣଚରୀ ନୂତିର୍ନମ୍ୟା ନାରାୟଣୀ ନୁତା ॥ ୯୭ ॥
ନିର୍ମଲା ନିର୍ମଲାଖ୍ୟାନା ନାଶିନୀ ତାପସମ୍ପଦାମ୍ ।
ନିୟତା ନିତ୍ୟସୁଖଦା ନାନାଶ୍ଚର୍ୟମହାନିଧିଃ ॥ ୯୮ ॥
ନଦୀ ନଦସରୋମାତା ନାୟିକା ନାକଦୀର୍ଘିକା ।
ନଷ୍ଟୋଦ୍ଧରଣଧୀରା ଚ ନନ୍ଦନା ନନ୍ଦଦାୟିନୀ ॥ ୯୯ ॥
ନିର୍ଣିକ୍ତାଶେଷଭୁଵନା ନିଃସଙ୍ଗା ନିରୁପଦ୍ରଵା ।
ନିରାଲମ୍ବା ନିଷ୍ପ୍ରପଞ୍ଚା ନିର୍ଣାଶିତମହାମଲା ॥ ୧୦୦ ॥
ନିର୍ମଲଜ୍ଞାନଜନନୀ ନିଃଶେଷପ୍ରାଣିତାପହୃତ୍ ।
ନିତ୍ୟୋତ୍ସଵା ନିତ୍ୟତୃପ୍ତା ନମସ୍କାର୍ୟା ନିରଞ୍ଜନା ॥ ୧୦୧ ॥
ନିଷ୍ଠାଵତୀ ନିରାତଙ୍କା ନିର୍ଲେପା ନିଶ୍ଚଲାତ୍ମିକା ।
ନିରଵଦ୍ୟା ନିରୀହା ଚ ନୀଲଲୋହିତମୂର୍ଧଗା ॥ ୧୦୨ ॥
ନନ୍ଦିଭୃଙ୍ଗିଗଣସ୍ତୁତ୍ୟା ନାଗା ନନ୍ଦା ନଗାତ୍ମଜା ।
ନିଷ୍ପ୍ରତ୍ୟୂହା ନାକନଦୀ ନିରୟାର୍ଣଵଦୀର୍ଘନୌଃ ॥ ୧୦୩ ॥
ପୁଣ୍ୟପ୍ରଦା ପୁଣ୍ୟଗର୍ଭା ପୁଣ୍ୟା ପୁଣ୍ୟତରଙ୍ଗିଣୀ ।
ପୃଥୁଃ ପୃଥୁଫଲା ପୂର୍ଣା ପ୍ରଣତାର୍ତିପ୍ରଭଞ୍ଜନୀ ॥ ୧୦୪ ॥
ପ୍ରାଣଦା ପ୍ରାଣିଜନନୀ ପ୍ରାଣେଶୀ ପ୍ରାଣରୂପିଣୀ ।
ପଦ୍ମାଲୟା ପରାଶକ୍ତିଃ ପୁରଜିତ୍ପରମପ୍ରିୟା ॥ ୧୦୫ ॥
ପରା ପରଫଲପ୍ରାପ୍ତିଃ ପାଵନୀ ଚ ପୟସ୍ଵିନୀ ।
ପରାନନ୍ଦା ପ୍ରକୃଷ୍ଟାର୍ଥା ପ୍ରତିଷ୍ଠା ପାଲିନୀ ପରା ॥ ୧୦୬ ॥ var ପାଲନୀ
ପୁରାଣପଠିତା ପ୍ରୀତା ପ୍ରଣଵାକ୍ଷରରୂପିଣୀ ।
ପାର୍ଵତୀ ପ୍ରେମସମ୍ପନ୍ନା ପଶୁପାଶଵିମୋଚନୀ ॥ ୧୦୭ ॥
ପରମାତ୍ମସ୍ଵରୂପା ଚ ପରବ୍ରହ୍ମପ୍ରକାଶିନୀ ।
ପରମାନନ୍ଦନିଷ୍ୟନ୍ଦା ପ୍ରାୟଶ୍ଚିତ୍ତସ୍ଵରୂପିଣୀ ॥ ୧୦୮ ॥ var ନିଷ୍ପନ୍ଦା
ପାନୀୟରୂପନିର୍ଵାଣା ପରିତ୍ରାଣପରାୟଣା ।
ପାପେନ୍ଧନଦଵଜ୍ଵାଲା ପାପାରିଃ ପାପନାମନୁତ୍ ॥ ୧୦୯ ॥
ପରମୈଶ୍ଵର୍ୟଜନନୀ ପ୍ରଜ୍ଞା ପ୍ରାଜ୍ଞା ପରାପରା ।
ପ୍ରତ୍ୟକ୍ଷଲକ୍ଷ୍ମୀଃ ପଦ୍ମାକ୍ଷୀ ପରଵ୍ୟୋମାମୃତସ୍ରଵା ॥ ୧୧୦ ॥
ପ୍ରସନ୍ନରୂପା ପ୍ରଣିଧିଃ ପୂତା ପ୍ରତ୍ୟକ୍ଷଦେଵତା ।
ପିନାକିପରମପ୍ରୀତା ପରମେଷ୍ଠିକମଣ୍ଡଲୁଃ ॥ ୧୧୧ ॥
ପଦ୍ମନାଭପଦାର୍ଘ୍ୟେଣ ପ୍ରସୂତା ପଦ୍ମମାଲିନୀ ।
ପରର୍ଦ୍ଧିଦା ପୁଷ୍ଟିକରୀ ପଥ୍ୟା ପୂର୍ତିଃ ପ୍ରଭାଵତୀ ॥ ୧୧୨ ॥
ପୁନାନା ପୀତଗର୍ଭଘ୍ନୀ ପାପପର୍ଵତନାଶିନୀ ।
ଫଲିନୀ ଫଲହସ୍ତା ଚ ଫୁଲ୍ଲାମ୍ବୁଜଵିଲୋଚନା ॥ ୧୧୩ ॥
ଫାଲିତୈନୋମହାକ୍ଷେତ୍ରା ଫଣିଲୋକଵିଭୂଷଣମ୍ ।
ଫେନଚ୍ଛଲପ୍ରଣୁନ୍ନୈନାଃ ଫୁଲ୍ଲକୈରଵଗନ୍ଧିନୀ ॥ ୧୧୪ ॥
ଫେନିଲାଚ୍ଛାମ୍ବୁଧାରାଭା ଫଡୁଚ୍ଚାଟିତପାତକା ।
ଫାଣିତସ୍ଵାଦୁସଲିଲା ଫାଣ୍ଟପଥ୍ୟଜଲାଵିଲା ॥ ୧୧୫ ॥
ଵିଶ୍ଵମାତା ଚ ଵିଶ୍ଵେଶୀ ଵିଶ୍ଵା ଵିଶ୍ଵେଶ୍ଵରପ୍ରିୟା ।
ବ୍ରହ୍ମଣ୍ୟା ବ୍ରହ୍ମକୃଦ୍ ବ୍ରାହ୍ମୀ ବ୍ରହ୍ମିଷ୍ଠା ଵିମଲୋଦକା ॥ ୧୧୬ ॥
ଵିଭାଵରୀ ଚ ଵିରଜା ଵିକ୍ରାନ୍ତାନେକଵିଷ୍ଟପା ।
ଵିଶ୍ଵମିତ୍ରଂ ଵିଷ୍ଣୁପଦୀ ଵୈଷ୍ଣଵୀ ଵୈଷ୍ଣଵପ୍ରିୟା ॥ ୧୧୭ ॥
ଵିରୂପାକ୍ଷପ୍ରିୟକରୀ ଵିଭୂତିର୍ଵିଶ୍ଵତୋମୁଖୀ ।
ଵିପାଶା ଵୈବୁଧୀ ଵେଦ୍ୟା ଵେଦାକ୍ଷରରସସ୍ରଵା ॥ ୧୧୮ ॥
ଵିଦ୍ୟା ଵେଗଵତୀ ଵନ୍ଦ୍ୟା ବୃଂହଣୀ ବ୍ରହ୍ମଵାଦିନୀ ।
ଵରଦା ଵିପ୍ରକୃଷ୍ଟା ଚ ଵରିଷ୍ଠା ଚ ଵିଶୋଧନୀ ॥ ୧୧୯ ॥
ଵିଦ୍ୟାଧରୀ ଵିଶୋକା ଚ ଵୟୋଵୃନ୍ଦନିଷେଵିତା ।
ବହୂଦକା ବଲଵତୀ ଵ୍ୟୋମସ୍ଥା ଵିବୁଧପ୍ରିୟା ॥ ୧୨୦ ॥
ଵାଣୀ ଵେଦଵତୀ ଵିତ୍ତା ବ୍ରହ୍ମଵିଦ୍ୟାତରଙ୍ଗିଣୀ ।
ବ୍ରହ୍ମାଣ୍ଡକୋଟିଵ୍ୟାପ୍ତାମ୍ବୁର୍ବ୍ରହ୍ମହତ୍ୟାପହାରିଣୀ ॥ ୧୨୧ ॥
ବ୍ରହ୍ମେଶଵିଷ୍ଣୁରୂପା ଚ ବୁଦ୍ଧିର୍ଵିଭଵଵର୍ଧିନୀ ।
ଵିଲାସିସୁଖଦା ଵଶ୍ୟା ଵ୍ୟାପିନୀ ଚ ଵୃଷାରଣିଃ ॥ ୧୨୨ ॥
ଵୃଷାଙ୍କମୌଲିନିଲୟା ଵିପନ୍ନାର୍ତିପ୍ରଭଞ୍ଜନୀ ।
ଵିନୀତା ଵିନତା ବ୍ରଧ୍ନତନୟା ଵିନୟାନ୍ଵିତା ॥ ୧୨୩ ॥
ଵିପଞ୍ଚୀ ଵାଦ୍ୟକୁଶଲା ଵେଣୁଶ୍ରୁତିଵିଚକ୍ଷଣା ।
ଵର୍ଚସ୍କରୀ ବଲକରୀ ବଲୋନ୍ମୂଲିତକଲ୍ମଷା ॥ ୧୨୪ ॥
ଵିପାପ୍ମା ଵିଗତାତଙ୍କା ଵିକଲ୍ପପରିଵର୍ଜିତା ।
ଵୃଷ୍ଟିକର୍ତ୍ରୀ ଵୃଷ୍ଟିଜଲା ଵିଧିର୍ଵିଚ୍ଛିନ୍ନବନ୍ଧନା ॥ ୧୨୫ ॥
ଵ୍ରତରୂପା ଵିତ୍ତରୂପା ବହୁଵିଘ୍ନଵିନାଶକୃତ୍ ।
ଵସୁଧାରା ଵସୁମତୀ ଵିଚିତ୍ରାଙ୍ଗୀ ଵିଭାଵସୁଃ ॥ ୧୨୬ ॥
ଵିଜୟା ଵିଶ୍ଵବୀଜଂ ଚ ଵାମଦେଵୀ ଵରପ୍ରଦା ।
ଵୃଷାଶ୍ରିତା ଵିଷଘ୍ନୀ ଚ ଵିଜ୍ଞାନୋର୍ମ୍ୟଂଶୁମାଲିନୀ ॥ ୧୨୭ ॥
ଭଵ୍ୟା ଭୋଗଵତୀ ଭଦ୍ରା ଭଵାନୀ ଭୂତଭାଵିନୀ ।
ଭୂତଧାତ୍ରୀ ଭୟହରା ଭକ୍ତଦାରିଦ୍ର୍ୟଘାତିନୀ ॥ ୧୨୮ ॥
ଭୁକ୍ତିମୁକ୍ତିପ୍ରଦା ଭେଶୀ ଭକ୍ତସ୍ଵର୍ଗାପଵର୍ଗଦା ।
ଭାଗୀରଥୀ ଭାନୁମତୀ ଭାଗ୍ୟଂ ଭୋଗଵତୀ ଭୃତିଃ ॥ ୧୨୯ ॥
ଭଵପ୍ରିୟା ଭଵଦ୍ଵେଷ୍ଟ୍ରୀ ଭୂତିଦା ଭୂତିଭୂଷଣା ।
ଭାଲଲୋଚନଭାଵଜ୍ଞା ଭୂତଭଵ୍ୟଭଵତ୍ପ୍ରଭୁଃ ॥ ୧୩୦ ॥
ଭ୍ରାନ୍ତିଜ୍ଞାନପ୍ରଶମନୀ ଭିନ୍ନବ୍ରହ୍ମାଣ୍ଡମଣ୍ଡପା ।
ଭୂରିଦା ଭକ୍ତସୁଲଭା ଭାଗ୍ୟଵଦ୍ଦୃଷ୍ଟିଗୋଚରୀ ॥ ୧୩୧ ॥
ଭଞ୍ଜିତୋପପ୍ଲଵକୁଲା ଭକ୍ଷ୍ୟଭୋଜ୍ୟସୁଖପ୍ରଦା ।
ଭିକ୍ଷଣୀୟା ଭିକ୍ଷୁମାତା ଭାଵା ଭାଵସ୍ଵରୂପିଣୀ ॥ ୧୩୨ ॥
ମନ୍ଦାକିନୀ ମହାନନ୍ଦା ମାତା ମୁକ୍ତିତରଙ୍ଗିଣୀ ।
ମହୋଦୟା ମଧୁମତୀ ମହାପୁଣ୍ୟା ମୁଦାକରୀ ॥ ୧୩୩ ॥
ମୁନିସ୍ତୁତା ମୋହହନ୍ତ୍ରୀ ମହାତୀର୍ଥା ମଧୁସ୍ରଵା ।
ମାଧଵୀ ମାନିନୀ ମାନ୍ୟା ମନୋରଥପଥାତିଗା ॥ ୧୩୪ ॥
ମୋକ୍ଷଦା ମତିଦା ମୁଖ୍ୟା ମହାଭାଗ୍ୟଜନାଶ୍ରିତା ।
ମହାଵେଗଵତୀ ମେଧ୍ୟା ମହା ମହିମଭୂଷଣା ॥ ୧୩୫ ॥
ମହାପ୍ରଭାଵା ମହତୀ ମୀନଚଞ୍ଚଲଲୋଚନା ।
ମହାକାରୁଣ୍ୟସମ୍ପୂର୍ଣା ମହର୍ଦ୍ଧିଶ୍ଚ ମହୋତ୍ପଲା ॥ ୧୩୬ ॥
ମୂର୍ତିମନ୍ମୁକ୍ତିରମଣୀ ମଣିମାଣିକ୍ୟଭୂଷଣା ।
ମୁକ୍ତାକଲାପନେପଥ୍ୟା ମନୋନୟନନନ୍ଦିନୀ ॥ ୧୩୭ ॥
ମହାପାତକରାଶିଘ୍ନୀ ମହାଦେଵାର୍ଧହାରିଣୀ ।
ମହୋର୍ମିମାଲିନୀ ମୁକ୍ତା ମହାଦେଵୀ ମନୋନ୍ମନୀ ॥ ୧୩୮ ॥
ମହାପୁଣ୍ୟୋଦୟପ୍ରାପ୍ୟା ମାୟାତିମିରଚନ୍ଦ୍ରିକା ।
ମହାଵିଦ୍ୟା ମହାମାୟା ମହାମେଧା ମହୌଷଧମ୍ ॥ ୧୩୯ ॥
ମାଲାଧରୀ ମହୋପାୟା ମହୋରଗଵିଭୂଷଣା ।
ମହାମୋହପ୍ରଶମନୀ ମହାମଙ୍ଗଲମଙ୍ଗଲମ୍ ॥ ୧୪୦ ॥
ମାର୍ତଣ୍ଡମଣ୍ଡଲଚରୀ ମହାଲକ୍ଷ୍ମୀର୍ମଦୋଜ୍ଝିତା ।
ୟଶସ୍ଵିନୀ ୟଶୋଦା ଚ ୟୋଗ୍ୟା ୟୁକ୍ତାତ୍ମସେଵିତା ॥ ୧୪୧ ॥
ୟୋଗସିଦ୍ଧିପ୍ରଦା ୟାଜ୍ୟା ୟଜ୍ଞେଶପରିପୂରିତା ।
ୟଜ୍ଞେଶୀ ୟଜ୍ଞଫଲଦା ୟଜନୀୟା ୟଶସ୍କରୀ ॥ ୧୪୨ ॥
ୟମିସେଵ୍ୟା ୟୋଗୟୋନିର୍ୟୋଗିନୀ ୟୁକ୍ତବୁଦ୍ଧିଦା ।
ୟୋଗଜ୍ଞାନପ୍ରଦା ୟୁକ୍ତା ୟମାଦ୍ୟଷ୍ଟାଙ୍ଗୟୋଗୟୁକ୍ ॥ ୧୪୩ ॥
ୟନ୍ତ୍ରିତାଘୌଘସଞ୍ଚାରା ୟମଲୋକନିଵାରିଣୀ ।
ୟାତାୟାତପ୍ରଶମନୀ ୟାତନାନାମକୃନ୍ତନୀ ॥ ୧୪୪ ॥
ୟାମିନୀଶହିମାଚ୍ଛୋଦା ୟୁଗଧର୍ମଵିଵର୍ଜିତା ।
ରେଵତୀ ରତିକୃଦ୍ ରମ୍ୟା ରତ୍ନଗର୍ଭା ରମା ରତିଃ ॥ ୧୪୫ ॥
ରତ୍ନାକରପ୍ରେମପାତ୍ରଂ ରସଜ୍ଞା ରସରୂପିଣୀ ।
ରତ୍ନପ୍ରାସାଦଗର୍ଭା ଚ ରମଣୀୟତରଙ୍ଗିଣୀ ॥ ୧୪୬ ॥
ରତ୍ନାର୍ଚୀ ରୁଦ୍ରରମଣୀ ରାଗଦ୍ଵେଷଵିନାଶିନୀ ।
ରମା ରାମା ରମ୍ୟରୂପା ରୋଗିଜୀଵାନୁରୂପିଣୀ ॥ ୧୪୭ ॥
ରୁଚିକୃଦ୍ ରୋଚନୀ ରମ୍ୟା ରୁଚିରା ରୋଗହାରିଣୀ ।
ରାଜହଂସା ରତ୍ନଵତୀ ରାଜତ୍କଲ୍ଲୋଲରାଜିକା ॥ ୧୪୮ ॥
ରାମଣୀୟକରେଖା ଚ ରୁଜାରୀ ରୋଗରୋଷିଣୀ । var ରୋଗଶୋଷିଣୀ
ରାକା ରଙ୍କାର୍ତିଶମନୀ ରମ୍ୟା ରୋଲମ୍ବରାଵିଣୀ ॥ ୧୪୯ ॥
ରାଗିଣୀ ରଞ୍ଜିତଶିଵା ରୂପଲାଵଣ୍ୟଶେଵଧିଃ ।
ଲୋକପ୍ରସୂର୍ଲୋକଵନ୍ଦ୍ୟା ଲୋଲତ୍କଲ୍ଲୋଲମାଲିନୀ ॥ ୧୫୦ ॥
ଲୀଲାଵତୀ ଲୋକଭୂମିର୍ଲୋକଲୋଚନଚନ୍ଦ୍ରିକା ।
ଲେଖସ୍ରଵନ୍ତୀ ଲଟଭା ଲଘୁଵେଗା ଲଘୁତ୍ଵହୃତ୍ ॥ ୧୫୧ ॥
ଲାସ୍ୟତ୍ତରଙ୍ଗହସ୍ତା ଚ ଲଲିତା ଲୟଭଙ୍ଗିଗା ।
ଲୋକବନ୍ଧୁର୍ଲୋକଧାତ୍ରୀ ଲୋକୋତ୍ତରଗୁଣୋର୍ଜିତା ॥ ୧୫୨ ॥
ଲୋକତ୍ରୟହିତା ଲୋକା ଲକ୍ଷ୍ମୀର୍ଲକ୍ଷଣଲକ୍ଷିତା ।
ଲୀଲା ଲକ୍ଷିତନିର୍ଵାଣା ଲାଵଣ୍ୟାମୃତଵର୍ଷିଣୀ ॥ ୧୫୩ ॥
ଵୈଶ୍ଵାନରୀ ଵାସଵେଡ୍ୟା ଵନ୍ଧ୍ୟତ୍ଵପରିହାରିଣୀ ।
ଵାସୁଦେଵାଙ୍ଘ୍ରିରେଣୁଘ୍ନୀ ଵଜ୍ରିଵଜ୍ରନିଵାରିଣୀ ॥ ୧୫୪ ॥
ଶୁଭାଵତୀ ଶୁଭଫଲା ଶାନ୍ତିଃ ଶନ୍ତନୁଵଲ୍ଲଭା । var ଶାନ୍ତନୁ
ଶୂଲିନୀ ଶୈଶଵଵୟାଃ ଶୀତଲାମୃତଵାହିନୀ ॥ ୧୫୫ ॥
ଶୋଭାଵତୀ ଶୀଲଵତୀ ଶୋଷିତାଶେଷକିଲ୍ବିଷା ।
ଶରଣ୍ୟା ଶିଵଦା ଶିଷ୍ଟା ଶରଜନ୍ମପ୍ରସୂଃଶିଵା ॥ ୧୫୬ ॥
ଶକ୍ତିଃ ଶଶାଙ୍କଵିମଲା ଶମନସ୍ଵସୃସମ୍ମତା ।
ଶମା ଶମନମାର୍ଗଘ୍ନୀ ଶିତିକଣ୍ଠମହାପ୍ରିୟା ॥ ୧୫୭ ॥
ଶୁଚିଃ ଶୁଚିକରୀ ଶେଷା ଶେଷଶାୟିପଦୋଦ୍ଭଵା ।
ଶ୍ରୀନିଵାସଶ୍ରୁତିଃ ଶ୍ରଦ୍ଧା ଶ୍ରୀମତୀ ଶ୍ରୀଃ ଶୁଭଵ୍ରତା ॥ ୧୫୮ ॥
ଶୁଦ୍ଧଵିଦ୍ୟା ଶୁଭାଵର୍ତା ଶ୍ରୁତାନନ୍ଦା ଶ୍ରୁତିସ୍ତୁତିଃ ।
ଶିଵେତରଘ୍ନୀ ଶବରୀ ଶାମ୍ବରୀରୂପଧାରିଣୀ ॥ ୧୫୯ ॥
ଶ୍ମଶାନଶୋଧନୀ ଶାନ୍ତା ଶଶ୍ଵଚ୍ଛତଧୃତିସ୍ତୁତା ।
ଶାଲିନୀ ଶାଲିଶୋଭାଢ୍ୟା ଶିଖିଵାହନଗର୍ଭଭୃତ୍ ॥ ୧୬୦ ॥
ଶଂସନୀୟଚରିତ୍ରା ଚ ଶାତିତାଶେଷପାତକା ।
ଷଡ୍ଗୁଣୈଶ୍ଵର୍ୟସମ୍ପନ୍ନା ଷଡଙ୍ଗଶ୍ରୁତିରୂପିଣୀ ॥ ୧୬୧ ॥
ଷଣ୍ଢତାହାରିସଲିଲା ସ୍ତ୍ୟାୟନ୍ନଦନଦୀଶତା ।
ସରିଦ୍ଵାରା ଚ ସୁରସା ସୁପ୍ରଭା ସୁରଦୀର୍ଘିକା ॥ ୧୬୨ ॥
ସ୍ଵଃ ସିନ୍ଧୁଃ ସର୍ଵଦୁଃଖଘ୍ନୀ ସର୍ଵଵ୍ୟାଧିମହୌଷଧମ୍ ।
ସେଵ୍ୟା ସିଦ୍ଧିଃ ସତୀ ସୂକ୍ତିଃ ସ୍କନ୍ଦସୂଶ୍ଚ ସରସ୍ଵତୀ ॥ ୧୬୩ ॥
ସମ୍ପତ୍ତରଙ୍ଗିଣୀ ସ୍ତୁତ୍ୟା ସ୍ଥାଣୁମୌଲିକୃତାଲୟା ।
ସ୍ଥୈର୍ୟଦା ସୁଭଗା ସୌଖ୍ୟା ସ୍ତ୍ରୀଷୁ ସୌଭାଗ୍ୟଦାୟିନୀ ॥ ୧୬୪ ॥
ସ୍ଵର୍ଗନିଃଶ୍ରେଣିକା ସୂମା ସ୍ଵଧା ସ୍ଵାହା ସୁଧାଜଲା । var ସୂକ୍ଷ୍ମା
ସମୁଦ୍ରରୂପିଣୀ ସ୍ଵର୍ଗ୍ୟା ସର୍ଵପାତକଵୈରିଣୀ ॥ ୧୬୫ ॥
ସ୍ମୃତାଘହାରିଣୀ ସୀତା ସଂସାରାବ୍ଧିତରଣ୍ଡିକା ।
ସୌଭାଗ୍ୟସୁନ୍ଦରୀ ସନ୍ଧ୍ୟା ସର୍ଵସାରସମନ୍ଵିତା ॥ ୧୬୬ ॥
ହରପ୍ରିୟା ହୃଷୀକେଶୀ ହଂସରୂପା ହିରଣ୍ମୟୀ ।
ହୃତାଘସଙ୍ଘା ହିତକୃଦ୍ଧେଲା ହେଲାଘଗର୍ଵହୃତ୍ ॥ ୧୬୭ ॥
କ୍ଷେମଦା କ୍ଷାଲିତାଘୌଘା କ୍ଷୁଦ୍ରଵିଦ୍ରାଵିଣୀ କ୍ଷମା ।
ଗଙ୍ଗେତି ନାମସାହସ୍ରଂ ଗଙ୍ଗାୟାଃ କଲଶୋଦ୍ଭଵ । var ଇତି ନାମସହସ୍ରଂ ହି
କୀର୍ତୟିତ୍ଵା ନରଃ ସମ୍ୟଗ୍ଗଙ୍ଗାସ୍ନାନଫଲଂ ଲଭେତ୍ ॥ ୧୬୮ ॥
ସର୍ଵପାପପ୍ରଶମନଂ ସର୍ଵଵିଘ୍ନଵିନାଶନମ୍ ।
ସର୍ଵସ୍ତୋତ୍ରଜପାଚ୍ଛ୍ରେଷ୍ଠଂ ସର୍ଵପାଵନପାଵନମ୍ ॥ ୧୬୯ ॥
ଶ୍ରଦ୍ଧୟାଭୀଷ୍ଟଫଲଦଂ ଚତୁର୍ଵର୍ଗସମୃଦ୍ଧିକୃତ୍ ।
ସକୃଜ୍ଜପାଦଵାପ୍ନୋତି ହ୍ୟେକକ୍ରତୁଫଲଂ ମୁନେ ॥ ୧୭୦ ॥
ସର୍ଵତୀର୍ଥେଷୁ ୟଃ ସ୍ନାତଃ ସର୍ଵୟଜ୍ଞେଷୁ ଦୀକ୍ଷିତଃ ।
ତସ୍ୟ ୟତ୍ଫଲମୁଦ୍ଦିଷ୍ଟଂ ତ୍ରିକାଲପଠନାଚ୍ଚ ତତ୍ ॥ ୧୭୧ ॥
ସର୍ଵଵ୍ରତେଷୁ ୟତ୍ପୁଣ୍ୟଂ ସମ୍ୟକ୍ଚୀର୍ଣେଷୁ ଵାଡଵ ।
ତତ୍ଫଲଂ ସମଵାପ୍ନୋତି ତ୍ରିସନ୍ଧ୍ୟଂ ନିୟତଃ ପଠନ୍ ॥ ୧୭୨ ॥
ସ୍ନାନକାଲେ ପଠେଦ୍ୟସ୍ତୁ ୟତ୍ର କୁତ୍ର ଜଲାଶୟେ ।
ତତ୍ର ସନ୍ନିହିତା ନୂନଂ ଗଙ୍ଗା ତ୍ରିପଥଗା ମୁନେ ॥ ୧୭୩ ॥
ଶ୍ରେୟୋଽର୍ଥୀ ଲଭତେ ଶ୍ରେୟୋ ଧନାର୍ଥୀ ଲଭତେ ଧନମ୍ ।
କାମୀ କାମାନଵାପ୍ନୋତି ମୋକ୍ଷାର୍ଥୀ ମୋକ୍ଷମାପ୍ନୁୟାତ୍ ॥ ୧୭୪ ॥
ଵର୍ଷଂ ତ୍ରିକାଲପଠନାଚ୍ଛ୍ରଦ୍ଧୟା ଶୁଚିମାନସଃ ।
ଋତୁକାଲାଭିଗମନାଦପୁତ୍ରଃ ପୁତ୍ରଵାନ୍ ଭଵେତ୍ ॥ ୧୭୫ ॥
ନାକାଲମରଣଂ ତସ୍ୟ ନାଗ୍ନିଚୋରାହିସାଧ୍ଵସମ୍ ।
ନାମ୍ନାଂ ସହସ୍ରଂ ଗଙ୍ଗାୟା ୟୋ ଜପେଚ୍ଛ୍ରଦ୍ଧୟା ମୁନେ ॥ ୧୭୬ ॥
ଗଙ୍ଗାନାମସହସ୍ରଂ ତୁ ଜପ୍ତ୍ଵା ଗ୍ରାମାନ୍ତରଂ ଵ୍ରଜେତ୍ ।
କାର୍ୟସିଦ୍ଧିମଵାପ୍ନୋତି ନିର୍ଵିଘ୍ନୋ ଗେହମାଵିଶେତ୍ ॥ ୧୭୭ ॥
ତିଥିଵାରର୍କ୍ଷୟୋଗାନାଂ ନ ଦୋଷଃ ପ୍ରଭଵେତ୍ତଦା ।
ୟଦା ଜପ୍ତ୍ଵା ଵ୍ରଜେଦେତତ୍ ସ୍ତୋତ୍ରଂ ଗ୍ରାମାନ୍ତରଂ ନରଃ ॥ ୧୭୮ ॥
ଆୟୁରାରୋଗ୍ୟଜନନଂ ସର୍ଵୋପଦ୍ରଵନାଶନମ୍ ।
ସର୍ଵସିଦ୍ଧିକରଂ ପୁଂସାଂ ଗଙ୍ଗାନାମସହସ୍ରକମ୍ ॥ ୧୭୯ ॥
ଜନ୍ମାନ୍ତରସହସ୍ରେଷୁ ୟତ୍ପାପଂ ସମ୍ୟଗର୍ଜିତମ୍ ।
ଗଙ୍ଗାନାମସହସ୍ରସ୍ୟ ଜପନାତ୍ତତ୍କ୍ଷୟଂ ଵ୍ରଜେତ୍ ॥ ୧୮୦ ॥
ବ୍ରହ୍ମଘ୍ନୋ ମଦ୍ୟପଃ ସ୍ଵର୍ଣସ୍ତେୟୀ ଚ ଗୁରୁତଲ୍ପଗଃ ।
ତତ୍ସଂୟୋଗୀ ଭ୍ରୂଣହନ୍ତା ମାତୃହା ପିତୃହା ମୁନେ ॥ ୧୮୧ ॥
ଵିଶ୍ଵାସଘାତୀ ଗରଦଃ କୃତଘ୍ନୋ ମିତ୍ରଘାତକଃ ।
ଅଗ୍ନିଦୋ ଗୋଵଧକରୋ ଗୁରୁଦ୍ରଵ୍ୟାପହାରକଃ ॥ ୧୮୨ ॥
ମହାପାତକୟୁକ୍ତୋଽପି ସଂୟୁକ୍ତୋଽପ୍ୟୁପପାତକୈଃ ।
ମୁଚ୍ୟତେ ଶ୍ରଦ୍ଧୟା ଜପ୍ତ୍ଵା ଗଙ୍ଗାନାମସହସ୍ରକମ୍ ॥ ୧୮୩ ॥
ଆଧିଵ୍ୟାଧିପରିକ୍ଷିପ୍ତୋ ଘୋରତାପପରିପ୍ଲୁତଃ ।
ମୁଚ୍ୟତେ ସର୍ଵଦୁଃଖେଭ୍ୟଃ ସ୍ତଵସ୍ୟାସ୍ୟାନୁକୀର୍ତନାତ୍ ॥ ୧୮୪ ॥
ସଂଵତ୍ସରେଣ ୟୁକ୍ତାତ୍ମା ପଠନ୍ ଭକ୍ତିପରାୟଣଃ ।
ଅଭୀପ୍ସିତାଂ ଲଭେତ୍ସିଦ୍ଧିଂ ସର୍ଵୈଃ ପାପୈଃ ପ୍ରମୁଚ୍ୟତେ ॥ ୧୮୫ ॥
ସଂଶୟାଵିଷ୍ଟଚିତ୍ତସ୍ୟ ଧର୍ମଵିଦ୍ଵେଷିଣୋଽପି ଚ ।
ଦାମ୍ଭିକସ୍ୟାପି ହିଂସ୍ରସ୍ୟ ଚେତୋ ଧର୍ମପରଂ ଭଵେତ୍ ॥ ୧୮୬ ॥
ଵର୍ଣାଶ୍ରମପଥୀନସ୍ତୁ କାମକ୍ରୋଧଵିଵର୍ଜିତଃ ।
ୟତ୍ଫଲଂ ଲଭତେ ଜ୍ଞାନୀ ତଦାପ୍ନୋତ୍ୟସ୍ୟ କୀର୍ତନାତ୍ ॥ ୧୮୭ ॥
ଗାୟତ୍ର୍ୟୟୁତଜପ୍ୟେନ ୟତ୍ଫଲଂ ସମୁପାର୍ଜିତମ୍ ।
ସକୃତ୍ପଠନତଃ ସମ୍ୟକ୍ତଦଶେଷମଵାପ୍ନୁୟାତ୍ ॥ ୧୮୮ ॥
ଗାଂ ଦତ୍ତ୍ଵା ଵେଦଵିଦୁଷେ ୟତ୍ଫଲଂ ଲଭତେ କୃତୀ ।
ତତ୍ପୁଣ୍ୟଂ ସମ୍ୟଗାଖ୍ୟାତଂ ସ୍ତଵରାଜସକୃଜ୍ଜପାତ୍ ॥ ୧୮୯ ॥
ଗୁରୁଶୁଶ୍ରୂଷଣଂ କୁର୍ଵନ୍ ୟାଵଜ୍ଜୀଵଂ ନରୋତ୍ତମଃ ।
ୟତ୍ପୁଣ୍ୟମର୍ଜୟେତ୍ତଦ୍ଭାଗ୍ଵର୍ଷଂ ତ୍ରିଷଵଣଂ ଜପନ୍ ॥ ୧୯୦ ॥
ଵେଦପାରାୟଣାତ୍ପୁଣ୍ୟଂ ୟଦତ୍ର ପରିପଠ୍ୟତେ ।
ତତ୍ଷଣ୍ମାସେନ ଲଭତେ ତ୍ରିସନ୍ଧ୍ୟଂ ପରିକୀର୍ତନାତ୍ ॥ ୧୯୧ ॥
ଗଙ୍ଗାୟାଃ ସ୍ତଵରାଜସ୍ୟ ପ୍ରତ୍ୟହଂ ପରିଶୀଲନାତ୍ ।
ଶିଵଭକ୍ତିମଵାପ୍ନୋତି ଵିଷ୍ଣୁଭକ୍ତୋଽଥଵା ଭଵେତ୍ ॥ ୧୯୨ ॥
ୟଃ କୀର୍ତୟେଦନୁଦିନଂ ଗଙ୍ଗାନାମସହସ୍ରକମ୍ ।
ତତ୍ସମୀପେ ସହଚରୀ ଗଙ୍ଗାଦେଵୀ ସଦା ଭଵେତ୍ ॥ ୧୯୩ ॥
ସର୍ଵତ୍ର ପୂଜ୍ୟୋ ଭଵତି ସର୍ଵତ୍ର ଵିଜୟୀ ଭଵେତ୍ ।
ସର୍ଵତ୍ର ସୁଖମାପ୍ନୋତି ଜାହ୍ନଵୀସ୍ତୋତ୍ରପାଠତଃ ॥ ୧୯୪ ॥
ସଦାଚାରୀ ସ ଵିଜ୍ଞେୟଃ ସ ଶୁଚିସ୍ତୁ ସଦୈଵ ହି ।
କୃତସର୍ଵସୁରାର୍ଚଃ ସ କୀର୍ତୟେଦ୍ୟ ଇମାଂ ସ୍ତୁତିମ୍ ॥ ୧୯୫ ॥
ତସ୍ମିଂସ୍ତୃପ୍ତେ ଭଵେତ୍ ତୃପ୍ତା ଜାହ୍ନଵୀ ନାତ୍ର ସଂଶୟଃ ।
ତସ୍ମାତ୍ସର୍ଵପ୍ରୟତ୍ନେନ ଗଙ୍ଗାଭକ୍ତଂ ସମର୍ଚୟେତ୍ ॥ ୧୯୬ ॥
ସ୍ତଵରାଜମିମଂ ଗାଙ୍ଗଂ ଶୃଣୁୟାଦ୍ୟଶ୍ଚ ଵୈ ପଠେତ୍ ।
ଶ୍ରାଵୟେଦଥ ତଦ୍ଭକ୍ତାନ୍ ଦମ୍ଭଲୋଭଵିଵର୍ଜିତଃ ॥ ୧୯୭ ॥
ମୁଚ୍ୟତେ ତ୍ରିଵିଧୈଃ ପାପୈର୍ମନୋଵାକ୍କାୟସମ୍ଭଵୈଃ ।
କ୍ଷଣାନ୍ନିଷ୍ପାପତାମେତି ପିତୄଣାଂ ଚ ପ୍ରିୟୋ ଭଵେତ୍ ॥ ୧୯୮ ॥
ସର୍ଵଦେଵପ୍ରିୟଶ୍ଚାପି ସର୍ଵର୍ଷିଗଣସମ୍ମତଃ ।
ଅନ୍ତେ ଵିମାନମାରୁହ୍ୟଂ ଦିଵ୍ୟସ୍ତ୍ରୀଶତସଂଵୃତଃ ॥ ୧୯୯ ॥
ଦିଵ୍ୟାଭରଣସମ୍ପନ୍ନୋ ଦିଵ୍ୟଭୋଗସମନ୍ଵିତଃ ।
ନନ୍ଦନାଦିଵନେ ସ୍ଵୈରଂ ଦେଵଵତ୍ସ ପ୍ରମୋଦତେ ॥ ୨୦୦ ॥
ଭୁଜ୍ୟମାନେଷୁ ଵିପ୍ରେଷୁ ଶ୍ରାଦ୍ଧକାଲେ ଵିଶେଷତଃ ।
ଜପନ୍ନିଦଂ ମହାସ୍ତୋତ୍ରଂ ପିତୄଣାଂ ତୃପ୍ତିକାରକମ୍ ॥ ୨୦୧ ॥
ୟାଵନ୍ତି ତତ୍ର ସିକ୍ଥାନି ୟାଵନ୍ତୋଽମ୍ବୁକଣାଃ ସ୍ଥିତାଃ ।
ତାଵନ୍ତ୍ୟେଵ ହି ଵର୍ଷାଣି ମୋଦନ୍ତେ ସ୍ଵପିତାମହାଃ ॥ ୨୦୨ ॥
ୟଥା ପ୍ରୀଣନ୍ତି ପିତରୋ ପ୍ରୀଣନ୍ତି ଗଙ୍ଗାୟାଂ ପିଣ୍ଡଦାନତଃ ।
ତଥୈଵ ତୃପ୍ନୁୟୁଃ ଶ୍ରାଦ୍ଧେ ସ୍ତଵସ୍ୟାସ୍ୟାନୁସଂଶ୍ରଵାତ୍ ॥ ୨୦୩ ॥
ଏତତ୍ସ୍ତୋତ୍ରଂ ଗୃହେ ୟସ୍ୟ ଲିଖିତଂ ପରିପୂଜ୍ୟତେ ।
ତତ୍ର ପାପଭୟଂ ନାସ୍ତି ଶୁଚି ତଦ୍ଭଵନଂ ସଦା ॥ ୨୦୪ ॥
ଅଗସ୍ତେ କିଂ ବହୂକ୍ତେନ ଶୃଣୁ ମେ ନିଶ୍ଚିତଂ ଵଚଃ ।
ସଂଶୟୋ ନାତ୍ର କର୍ତଵ୍ୟଃ ସନ୍ଦେଗ୍ଧରି ଫଲଂ ନହି ॥ ୨୦୫ ॥
ୟାଵନ୍ତି ମର୍ତ୍ୟେ ସ୍ତୋତ୍ରାଣି ମନ୍ତ୍ରଜାଲାନ୍ୟନେକଶଃ ।
ତାଵନ୍ତି ସ୍ତଵରାଜସ୍ୟ ଗାଙ୍ଗେୟସ୍ୟ ସମାନି ନ ॥ ୨୦୬ ॥
ୟାଵଜ୍ଜନ୍ମ ଜପେଦ୍ୟସ୍ତୁ ନାମ୍ନାମେତତ୍ସହସ୍ରକମ୍ ।
ସ କୀକଟେଷ୍ଵପି ମୃତୋ ନ ପୁନର୍ଗର୍ଭମାଵିଶେତ୍ ॥ ୨୦୭ ॥
ନିତ୍ୟଂ ନିୟମଵାନେତଦ୍ୟୋ ଜପେତ୍ସ୍ତୋତ୍ରମୁତ୍ତମମ୍ ।
ଅନ୍ୟତ୍ରାପି ଵିପନ୍ନଃ ସ ଗଙ୍ଗାତୀରେ ମୃତୋ ଭଵେତ୍ ॥ ୨୦୮ ॥
ଏତତ୍ସ୍ତୋତ୍ରଵରଂ ରମ୍ୟଂ ପୁରା ପ୍ରୋକ୍ତଂ ପିନାକିନା ।
ଵିଷ୍ଣଵେ ନିଜଭକ୍ତାୟ ମୁକ୍ତିବୀଜାକ୍ଷରାସ୍ପଦମ୍ ॥ ୨୦୯ ॥
ଗଙ୍ଗାସ୍ନାନପ୍ରତିନିଧିଃ ସ୍ତୋତ୍ରମେତନ୍ମୟେରିତମ୍ ।
ସିସ୍ନାସୁର୍ଜାହ୍ନଵୀଂ ତସ୍ମାଦେତତ୍ସ୍ତୋତ୍ରଂ ଜପେତ୍ସୁଧୀଃ ॥ ୨୧୦ ॥
॥ ଇତି ଶ୍ରୀସ୍କନ୍ଦପୁରାଣେ ଏକାଶୀତିସାହସ୍ର୍ୟାଂ
ସଂହିତାୟାଂ ଚତୁର୍ଥୈକାଶୀଖଣ୍ଡେପୂର୍ଵାର୍ଧେ
ଗଙ୍ଗାସହସ୍ରନାମକଥନଂ ନାମୈକୋନତ୍ରିଂଶତ୍ତମୋଽଧ୍ୟାୟଃ ॥
ସିତମକରନିଷଣ୍ଣାଂ ଶୁଭ୍ରଵର୍ଣାଂ ତ୍ରିନେତ୍ରାଂ
କରଧୃତକଲଶୋଦ୍ୟତ୍ସୋପଲାଭୀତ୍ୟଭୀଷ୍ଟାମ୍ ।
ଵିଧିହରିରୂପାଂ ସେନ୍ଦୁକୋଟୀରଜୂଟାଂ
କଲିତସିତଦୁକୂଲାଂ ଜାହ୍ନଵୀ ତାଂ ନମାମି ॥