॥ Shree Mahalakshmi Sahasranamastotram Bengali Lyrics ॥
॥ শ্রীমহালক্ষ্মীসহস্রনামস্তোত্রম্ অথবা কমলাসহস্রনামস্তোত্রম্ ॥
ওঁ তামাহ্বয়ামি সুভগাং লক্ষ্মীং ত্রৈলোক্যপূজিতাম্ ।
এহ্যেহি দেবি পদ্মাক্ষি পদ্মাকরকৃতালয়ে ॥ ১ ॥
আগচ্ছাগচ্ছ বরদে পশ্য মাং স্বেন চক্ষুষা ।
আয়াহ্যায়াহি ধর্মার্থকামমোক্ষময়ে শুভে ॥ ২ ॥
এবংবিধৈঃ স্তুতিপদৈঃ সত্যৈঃ সত্যার্থসংস্তুতা ।
কনীয়সী মহাভাগা চন্দ্রেণ পরমাত্মনা ॥ ৩ ॥
নিশাকরশ্চ সা দেবী ভ্রাতরৌ দ্বৌ পয়োনিধেঃ ।
উত্পন্নমাত্রৌ তাবাস্তাং শিবকেশবসংশ্রিতৌ ॥ ৪ ॥
সনত্কুমারস্তমৃষিং সমাভাষ্য পুরাতনম্ ।
প্রোক্তবানিতিহাসং তু লক্ষ্ম্যাঃ স্তোত্রমনুত্তমম্ ॥ ৫ ॥
অথেদৃশান্মহাঘোরাদ্ দারিদ্র্যান্নরকাত্কথম্ ।
মুক্তির্ভবতি লোকেঽস্মিন্ দারিদ্র্যং য়াতি ভস্মতাম্ ॥ ৬ ॥
সনত্কুমার উবাচ –
পূর্বং কৃতয়ুগে ব্রহ্মা ভগবান্ সর্বলোককৃত্ ।
সৃষ্টিং নানাবিধাং কৃত্বা পশ্চাচ্চি ন্তামুপেয়িবান্ ॥ ৭ ॥
কিমাহারাঃ প্রজাস্ত্বেতাঃ সম্ভবিষ্যন্তি ভূতলে ।
তথৈব চাসাং দারিদ্র্যাত্কথমুত্তরণং ভবেত্ ॥ ৮ ॥
দারিদ্র্যান্মরণং শ্রেয়স্তি্বতি সঞ্চিন্ত্য চেতসি ।
ক্ষীরোদস্যোত্তরে কূলে জগাম কমলোদ্ভবঃ ॥ ৯ ॥
তত্র তীব্রং তপস্তপ্ত্বা কদাচিত্পরমেশ্বরম্ ।
দদর্শ পুণ্ডরীকাক্ষং বাসুদেবং জগদ্গুরুম্ ॥ ১০ ॥
সর্বজ্ঞং সর্বশক্তীনাং সর্বাবাসং সনাতনম্ ।
সর্বেশ্বরং বাসুদেবং বিষ্ণুং লক্ষ্মীপতিং প্রভুম্ ॥ ১১ ॥
সোমকোটিপ্রতীকাশং ক্ষীরোদ বিমলে জলে ।
অনন্তভোগশয়নং বিশ্রান্তং শ্রীনিকেতনম্ ॥ ১২ ॥
কোটিসূর্যপ্রতীকাশং মহায়োগেশ্বরেশ্বরম্ ।
য়োগনিদ্রারতং শ্রীশং সর্বাবাসং সুরেশ্বরম্ ॥ ১৩ ॥
জগদুত্পত্তিসংহারস্থিতিকারণকারণম্ ।
লক্ষ্ম্যাদি শক্তিকরণজাতমণ্ডলমণ্ডিতম্ ॥ ১৪ ॥
আয়ুধৈর্দেহবদ্ভিশ্চ চক্রাদ্যৈঃ পরিবারিতম্ ।
দুর্নিরীক্ষ্যং সুরৈঃ সিদ্ধঃ মহায়োনিশতৈরপি ॥ ১৫ ॥
আধারং সর্বশক্তীনাং পরং তেজঃ সুদুস্সহম্ ।
প্রবুদ্ধ ং দেবমীশানং দৃষ্ট্বা কমলসম্ভবঃ ॥ ১৬ ॥
শিরস্যঞ্জলিমাধায় স্তোত্রং পূর্বমুবাচ হ ।
মনোবাঞ্ছিতসিদ্ধি ং ত্বং পূরয়স্ব মহেশ্বর ॥ ১৭ ॥
জিতং তে পুণ্ডরীক্ষ নমস্তে বিশ্বভাবন ।
নমস্তেঽস্তু হৃষীকেশ মহাপুরুষপূর্বজ ॥ ১৮ ॥
সর্বেশ্বর জয়ানন্দ সর্বাবাস পরাত্পর ।
প্রসীদ মম ভক্তস্য ছিন্ধি সন্দেহজং তমঃ ॥ ১৯ ॥
এবং স্তুতঃ স ভগবান্ ব্রহ্ম ণাঽব্যক্তজন্মনা ।
প্রসাদাভিমুখঃ প্রাহ হরির্বিশ্রান্তলোচনঃ ॥ ২০ ॥
শ্রীভগবানুবাচ –
হিরণ্যগর্ভ তুষ্টোঽস্মি ব্রূহি য়ত্তেঽভিবাঞ্ছিতম্ ।
তদ্বক্ষ্যামি ন সন্দেহো ভক্তোঽসি মম সুব্রত ॥ ২১ ॥
কেশবাদ্বচনং শ্রুত্বা করুণাবিষ্টচেতনঃ ।
প্রত্যুবাচ মহাবুদ্ধির্ভগবন্তং জনার্দনম্ ॥ ২২ ॥
চতুর্বিধং ভবস্যাস্য ভূতসর্গস্য কেশব ।
পরিত্রাণায় মে ব্রূহি রহস্যং পরমাদ্ভুতম্ ॥ ২৩ ॥
দারিদ্র্যশমনং ধন্যং মনোজ্ঞং পাবনং পরম্ ।
সর্বেশ্বর মহাবুদ্ধ স্বরূপং ভৈরবং মহত্ ॥ ২৪ ॥
শ্রিয়ঃ সর্বাতিশায়িন্যাস্তথা জ্ঞানং চ শাশ্বতম্ ।
নামানি চৈব মুখ্যানি য়ানি গৌণানি চাচ্যুত ॥ ২৫ ॥
ত্বদ্বক্ত্রকমলোত্থানি শ্রেতুমিচ্ছামি তত্ত্বতঃ ।
ইতি তস্য বচঃ শ্রুত্বা প্রতিবাক্যমুবাচ সঃ ॥ ২৬ ॥
শ্রীভগবানুবাচ –
মহাবিভূতিসংয়ুক্তা ষাড্গুণ্যবপুষঃ প্রভো ।
ভগবদ্বাসুদেবস্য নিত্যং চৈষাঽনপায়িনী ॥ ২৭ ॥
একৈব বর্ততেঽভিন্না জ্যোত্স্নেব হিমদীধিতেঃ ।
সর্বশক্ত্যাত্মিকা চৈব বিশ্বং ব্যাপ্য ব্যবস্থিতা ॥ ২৮ ॥
সর্বৈশ্বর্যগুণোপেতা নিত্যশুদ্ধস্বরূপিণী ।
প্রাণশক্তিঃ পরা হ্যেষা সর্বেষাং প্রাণিনাং ভুবি ॥ ২৯ ॥
শক্তীনাং চৈব সর্বাসাং য়োনিভূতা পরা কলা ।
অহং তস্যাঃ পরং নাম্নাং সহস্রমিদমুত্তমম্ ॥ ৩০ ॥
শৃণুষ্বাবহিতো ভূত্বা পরমৈশ্বর্যভূতিদম্ ।
দেব্যাখ্যাস্মৃতিমাত্রেণ দারিদ্র্যং য়াতি ভস্মতাম্ ॥ ৩১ ॥
অথ মহালক্ষ্মীসহস্রনামস্তোত্রম্ অথবা কমলাসহস্রনামস্তোত্রম্ ।
শ্রীঃ পদ্মা প্রকৃতিঃ সত্ত্বা শান্তা চিচ্ছক্তিরব্যয়া ।
কেবলা নিষ্কলা শুদ্ধা ব্যাপিনী ব্যোমবিগ্রহা ॥ ১ ॥
ব্যোমপদ্মকৃতাধারা পরা ব্যোমামৃতোদ্ভবা ।
নির্ব্যোমা ব্যোমমধ্যস্থা পঞ্চব্যোমপদাশ্রিতা ॥ ২ ॥
অচ্যুতা ব্যোমনিলয়া পরমানন্দরূপিণী ।
নিত্যশুদ্ধা নিত্যতৃপ্তা নির্বিকারা নিরীক্ষণা ॥ ৩ ॥
জ্ঞানশক্তিঃ কর্তৃশক্তির্ভোক্তৃশক্তিঃ শিখাবহা ।
স্নেহাভাসা নিরানন্দা বিভূতির্বিমলাচলা ॥ ৪ ॥
অনন্তা বৈষ্ণবী ব্যক্তা বিশ্বানন্দা বিকাসিনী ।
শক্তির্বিভিন্নসর্বার্তিঃ সমুদ্রপরিতোষিণী ॥ ৫ ॥
মূর্তিঃ সনাতনী হার্দী নিস্তরঙ্গা নিরাময়া ।
জ্ঞানজ্ঞেয়া জ্ঞানগম্যা জ্ঞানজ্ঞেয়বিকাসিনী ॥ ৬ ॥
স্বচ্ছন্দশক্তির্গহনা নিষ্কম্পার্চিঃ সুনির্মলা ।
স্বরূপা সর্বগা পারা বৃংহিণী সুগুণোর্জিতা ॥ ৭ ॥
অকলঙ্কা নিরাধারা নিঃসংকল্পা নিরাশ্রয়া ।
অসংকীর্ণা সুশান্তা চ শাশ্বতী ভাসুরী স্থিরা ॥ ৮ ॥
অনৌপম্যা নির্বিকল্পা নিয়ন্ত্রী য়ন্ত্রবাহিনী ।
অভেদ্যা ভেদিনী ভিন্না ভারতী বৈখরী খগা ॥ ৯ ॥
অগ্রাহ্যা গ্রাহিকা গূঢা গম্ভীরা বিশ্বগোপিনী ।
অনির্দেশ্যা প্রতিহতা নির্বীজা পাবনী পরা ॥ ১০ ॥
অপ্রতর্ক্যা পরিমিতা ভবভ্রান্তিবিনাশিনী ।
একা দ্বিরূপা ত্রিবিধা অসংখ্যাতা সুরেশ্বরী ॥ ১১ ॥
সুপ্রতিষ্ঠা মহাধাত্রী স্থিতির্বৃদ্ধির্ধ্রুবা গতিঃ ।
ঈশ্বরী মহিমা ঋদ্ধিঃ প্রমোদা উজ্জ্বলোদ্যমা ॥ ১২ ॥
অক্ষয়া বর্দ্ধমানা চ সুপ্রকাশা বিহঙ্গমা ।
নীরজা জননী নিত্যা জয়া রোচিষ্মতী শুভা ॥ ১৩ ॥
তপোনুদা চ জ্বালা চ সুদীপ্তিশ্চাংশুমালিনী ।
অপ্রমেয়া ত্রিধা সূক্ষ্মা পরা নির্বাণদায়িনী ॥ ১৪ ॥
অবদাতা সুশুদ্ধা চ অমোঘাখ্যা পরম্পরা ।
সংধানকী শুদ্ধবিদ্যা সর্বভূতমহেশ্বরী ॥ ১৫ ॥
লক্ষ্মীস্তুষ্টির্মহাধীরা শান্তিরাপূরণানবা ।
অনুগ্রহা শক্তিরাদ্যা জগজ্জ্যেষ্ঠা জগদ্বিধিঃ ॥ ১৬ ॥
সত্যা প্রহ্বা ক্রিয়া য়োগ্যা অপর্ণা হ্লাদিনী শিবা ।
সম্পূর্ণাহ্লাদিনী শুদ্ধা জ্যোতিষ্মত্যমৃতাবহা ॥ ১৭ ॥
রজোবত্যর্কপ্রতিভাঽঽকর্ষিণী কর্ষিণী রসা ।
পরা বসুমতী দেবী কান্তিঃ শান্তির্মতিঃ কলা ॥ ১৮ ॥
কলা কলঙ্করহিতা বিশালোদ্দীপনী রতিঃ ।
সম্বোধিনী হারিণী চ প্রভাবা ভবভূতিদা ॥ ১৯ ॥
অমৃতস্যন্দিনী জীবা জননী খণ্ডিকা স্থিরা ।
ধূমা কলাবতী পূর্ণা ভাসুরা সুমতীরসা ॥ ২০ ॥
শুদ্ধা ধ্বনিঃ সৃতিঃ সৃষ্টির্বিকৃতিঃ কৃষ্টিরেব চ ।
প্রাপণী প্রাণদা প্রহ্বা বিশ্বা পাণ্ডুরবাসিনী ॥ ২১ ॥
অবনির্বজ্রনলিকা চিত্রা ব্রহ্মাণ্ডবাসিনী ।
অনন্তরূপানন্তাত্মানন্তস্থানন্তসম্ভবা ॥ ২২ ॥
মহাশক্তিঃ প্রাণশক্তিঃ প্রাণদাত্রী ঋতম্ভরা ।
মহাসমূহা নিখিলা ইচ্ছাধারা সুখাবহা ॥ ২৩ ॥
প্রত্যক্ষলক্ষ্মীর্নিষ্কম্পা প্ররোহাবুদ্ধিগোচরা ।
নানাদেহা মহাবর্তা বহুদেহবিকাসিনী ॥ ২৪ ॥
সহস্রাণী প্রধানা চ ন্যায়বস্তুপ্রকাশিকা ।
সর্বাভিলাষপূর্ণেচ্ছা সর্বা সর্বার্থভাষিণী ॥ ২৫ ॥
নানাস্বরূপচিদ্ধাত্রী শব্দপূর্বা পুরাতনী ।
ব্যক্তাব্যক্তা জীবকেশা সর্বেচ্ছাপরিপূরিতা ॥ ২৬ ॥
সংকল্পসিদ্ধা সাংখ্যেয়া তত্ত্বগর্ভা ধরাবহা ।
ভূতরূপা চিত্স্বরূপা ত্রিগুণা গুণগর্বিতা ॥ ২৭ ॥
প্রজাপতীশ্বরী রৌদ্রী সর্বাধারা সুখাবহা ।
কল্যাণবাহিকা কল্যা কলিকল্মষনাশিনী ॥ ২৮ ॥
নীরূপোদ্ভিন্নসংতানা সুয়ন্ত্রা ত্রিগুণালয়া ।
মহামায়া য়োগমায়া মহায়োগেশ্বরী প্রিয়া ॥ ২৯ ॥
মহাস্ত্রী বিমলা কীর্তির্জয়া লক্ষ্মীর্নিরঞ্জনা ।
প্রকৃতির্ভগবন্মায়া শক্তির্নিদ্রা য়শস্করী ॥ ৩০ ॥
চিন্তা বুদ্ধির্যশঃ প্রজ্ঞা শান্তিঃ সুপ্রীতিবর্দ্ধিনী ।
প্রদ্যুম্নমাতা সাধ্বী চ সুখসৌভাগ্যসিদ্ধিদা ॥ ৩১ ॥
কাষ্ঠা নিষ্ঠা প্রতিষ্ঠা চ জ্যেষ্ঠা শ্রেষ্ঠা জয়াবহা ।
সর্বাতিশায়িনী প্রীতির্বিশ্বশক্তির্মহাবলা ॥ ৩২ ॥
বরিষ্ঠা বিজয়া বীরা জয়ন্তী বিজয়প্রদা ।
হৃদ্গৃহা গোপিনী গুহ্যা গণগন্ধর্বসেবিতা ॥ ৩৩ ॥
য়োগীশ্বরী য়োগমায়া য়োগিনী য়োগসিদ্ধিদা ।
মহায়োগেশ্বরবৃতা য়োগা য়োগেশ্বরপ্রিয়া ॥ ৩৪ ॥
ব্রহ্মেন্দ্ররুদ্রনমিতা সুরাসুরবরপ্রদা ।
ত্রিবর্ত্মগা ত্রিলোকস্থা ত্রিবিক্রমপদোদ্ভবা ॥ ৩৫ ॥
সুতারা তারিণী তারা দুর্গা সংতারিণী পরা ।
সুতারিণী তারয়ন্তী ভূরিতারেশ্বরপ্রভা ॥ ৩৬ ॥
গুহ্যবিদ্যা য়জ্ঞবিদ্যা মহাবিদ্যা সুশোভিতা ।
অধ্যাত্মবিদ্যা বিঘ্নেশী পদ্মস্থা পরমেষ্ঠিনী ॥ ৩৭ ॥
আন্বীক্ষিকী ত্রয়ী বার্তা দণ্ডনীতির্নয়াত্মিকা ।
গৌরী বাগীশ্বরী গোপ্ত্রী গায়ত্রী কমলোদ্ভবা ॥ ৩৮ ॥
বিশ্বম্ভরা বিশ্বরূপা বিশ্বমাতা বসুপ্রদা ।
সিদ্ধিঃ স্বাহা স্বধা স্বস্তিঃ সুধা সর্বার্থসাধিনী ॥ ৩৯ ॥
ইচ্ছা সৃষ্টির্দ্যুতির্ভূতিঃ কীর্তিঃ শ্রদ্ধা দয়ামতিঃ ।
শ্রুতির্মেধা ধৃতির্হ্রীঃ শ্রীর্বিদ্যা বিবুধবন্দিতা ॥ ৪০ ॥
অনসূয়া ঘৃণা নীতির্নির্বৃতিঃ কামধুক্করা ।
প্রতিজ্ঞা সংততির্ভূতির্দ্যৌঃ প্রজ্ঞা বিশ্বমানিনী ॥ ৪১ ॥
স্মৃতির্বাগ্বিশ্বজননী পশ্যন্তী মধ্যমা সমা ।
সংধ্যা মেধা প্রভা ভীমা সর্বাকারা সরস্বতী ॥ ৪২ ॥
কাঙ্ক্ষা মায়া মহামায়া মোহিনী মাধবপ্রিয়া ।
সৌম্যাভোগা মহাভোগা ভোগিনী ভোগদায়িনী ॥ ৪৩ ॥
সুধৌতকনকপ্রখ্যা সুবর্ণকমলাসনা ।
হিরণ্যগর্ভা সুশ্রোণী হারিণী রমণী রমা ॥ ৪৪ ॥
চন্দ্রা হিরণ্ময়ী জ্যোত্স্না রম্যা শোভা শুভাবহা ।
ত্রৈলোক্যমণ্ডনা নারী নরেশ্বরবরার্চিতা ॥ ৪৫ ॥
ত্রৈলোক্যসুন্দরী রামা মহাবিভববাহিনী ।
পদ্মস্থা পদ্মনিলয়া পদ্মমালাবিভূষিতা ॥ ৪৬ ॥
পদ্ময়ুগ্মধরা কান্তা দিব্যাভরণভূষিতা ।
বিচিত্ররত্নমুকুটা বিচিত্রাম্বরভূষণা ॥ ৪৭ ॥
বিচিত্রমাল্যগন্ধাঢ্যা বিচিত্রায়ুধবাহনা ।
মহানারায়ণী দেবী বৈষ্ণবী বীরবন্দিতা ॥ ৪৮ ॥
কালসংকর্ষিণী ঘোরা তত্ত্বসংকর্ষিণীকলা ।
জগত্সম্পূরণী বিশ্বা মহাবিভবভূষণা ॥ ৪৯ ॥
বারুণী বরদা ব্যাখ্যা ঘণ্টাকর্ণবিরাজিতা ।
নৃসিংহী ভৈরবী ব্রাহ্মী ভাস্করী ব্যোমচারিণী ॥ ৫০ ॥
ঐন্দ্রী কামধেনুঃ সৃষ্টিঃ কাময়োনির্মহাপ্রভা ।
দৃষ্টা কাম্যা বিশ্বশক্তির্বীজগত্যাত্মদর্শনা ॥ ৫১ ॥
গরুডারূঢহৃদয়া চান্দ্রী শ্রীর্মধুরাননা ।
মহোগ্ররূপা বারাহী নারসিংহী হতাসুরা ॥ ৫২ ॥
য়ুগান্তহুতভুগ্জ্বালা করালা পিঙ্গলাকলা ।
ত্রৈলোক্যভূষণা ভীমা শ্যামা ত্রৈলোক্যমোহিনী ॥ ৫৩ ॥
মহোত্কটা মহারক্তা মহাচণ্ডা মহাসনা ।
শঙ্খিনী লেখিনী স্বস্থা লিখিতা খেচরেশ্বরী ॥ ৫৪ ॥
ভদ্রকালী চৈকবীরা কৌমারী ভবমালিনী ।
কল্যাণী কামধুগ্জ্বালামুখী চোত্পলমালিকা ॥ ৫৫ ॥
বালিকা ধনদা সূর্যা হৃদয়োত্পলমালিকা ।
অজিতা বর্ষিণী রীতির্ভরুণ্ডা গরুডাসনা ॥ ৫৬ ॥
বৈশ্বানরী মহামায়া মহাকালী বিভীষণা ।
মহামন্দারবিভবা শিবানন্দা রতিপ্রিয়া ॥ ৫৭ ॥
উদ্রীতিঃ পদ্মমালা চ ধর্মবেগা বিভাবনী ।
সত্ক্রিয়া দেবসেনা চ হিরণ্যরজতাশ্রয়া ॥ ৫৮ ॥
সহসাবর্তমানা চ হস্তিনাদপ্রবোধিনী ।
হিরণ্যপদ্মবর্ণা চ হরিভদ্রা সুদুর্দ্ধরা ॥ ৫৯ ॥
সূর্যা হিরণ্যপ্রকটসদৃশী হেমমালিনী ।
পদ্মাননা নিত্যপুষ্টা দেবমাতা মৃতোদ্ভবা ॥ ৬০ ॥
মহাধনা চ য়া শৃঙ্গী কর্দ্দমী কম্বুকন্ধরা ।
আদিত্যবর্ণা চন্দ্রাভা গন্ধদ্বারা দুরাসদা ॥ ৬১ ॥
বরাচিতা বরারোহা বরেণ্যা বিষ্ণুবল্লভা ।
কল্যাণী বরদা বামা বামেশী বিন্ধ্যবাসিনী ॥ ৬২ ॥
য়োগনিদ্রা য়োগরতা দেবকী কামরূপিণী ।
কংসবিদ্রাবিণী দুর্গা কৌমারী কৌশিকী ক্ষমা ॥ ৬৩ ॥
কাত্যায়নী কালরাত্রির্নিশিতৃপ্তা সুদুর্জয়া ।
বিরূপাক্ষী বিশালাক্ষী ভক্তানাংপরিরক্ষিণী ॥ ৬৪ ॥
বহুরূপা স্বরূপা চ বিরূপা রূপবর্জিতা ।
ঘণ্টানিনাদবহুলা জীমূতধ্বনিনিঃস্বনা ॥ ৬৫ ॥
মহাদেবেন্দ্রমথিনী ভ্রুকুটীকুটিলাননা ।
সত্যোপয়াচিতা চৈকা কৌবেরী ব্রহ্মচারিণী ॥ ৬৬ ॥
আর্যা য়শোদা সুতদা ধর্মকামার্থমোক্ষদা ।
দারিদ্র্যদুঃখশমনী ঘোরদুর্গার্তিনাশিনী ॥ ৬৭ ॥
ভক্তার্তিশমনী ভব্যা ভবভর্গাপহারিণী ।
ক্ষীরাব্ধিতনয়া পদ্মা কমলা ধরণীধরা ॥ ৬৮ ॥
রুক্মিণী রোহিণী সীতা সত্যভামা য়শস্বিনী ।
প্রজ্ঞাধারামিতপ্রজ্ঞা বেদমাতা য়শোবতী ॥ ৬৯ ॥
সমাধির্ভাবনা মৈত্রী করুণা ভক্তবত্সলা ।
অন্তর্বেদী দক্ষিণা চ ব্রহ্মচর্যপরাগতিঃ ॥ ৭০ ॥
দীক্ষা বীক্ষা পরীক্ষা চ সমীক্ষা বীরবত্সলা ।
অম্বিকা সুরভিঃ সিদ্ধা সিদ্ধবিদ্যাধরার্চিতা ॥ ৭১ ॥
সুদীক্ষা লেলিহানা চ করালা বিশ্বপূরকা ।
বিশ্বসংধারিণী দীপ্তিস্তাপনী তাণ্ডবপ্রিয়া ॥ ৭২ ॥
উদ্ভবা বিরজা রাজ্ঞী তাপনী বিন্দুমালিনী ।
ক্ষীরধারাসুপ্রভাবা লোকমাতা সুবর্চসা ॥ ৭৩ ॥
হব্যগর্ভা চাজ্যগর্ভা জুহ্বতোয়জ্ঞসম্ভবা ।
আপ্যায়নী পাবনী চ দহনী দহনাশ্রয়া ॥ ৭৪ ॥
মাতৃকা মাধবী মুখ্যা মোক্ষলক্ষ্মীর্মহর্দ্ধিদা ।
সর্বকামপ্রদা ভদ্রা সুভদ্রা সর্বমঙ্গলা ॥ ৭৫ ॥
শ্বেতা সুশুক্লবসনা শুক্লমাল্যানুলেপনা ।
হংসা হীনকরী হংসী হৃদ্যা হৃত্কমলালয়া ॥ ৭৬ ॥
সিতাতপত্রা সুশ্রোণী পদ্মপত্রায়তেক্ষণা ।
সাবিত্রী সত্যসংকল্পা কামদা কামকামিনী ॥ ৭৭ ॥
দর্শনীয়া দৃশা দৃশ্যা স্পৃশ্যা সেব্যা বরাঙ্গনা ।
ভোগপ্রিয়া ভোগবতী ভোগীন্দ্রশয়নাসনা ॥ ৭৮ ॥
আর্দ্রা পুষ্করিণী পুণ্যা পাবনী পাপসূদনী ।
শ্রীমতী চ শুভাকারা পরমৈশ্বর্যভূতিদা ॥ ৭৯ ॥
অচিন্ত্যানন্তবিভবা ভবভাববিভাবনী ।
নিশ্রেণিঃ সর্বদেহস্থা সর্বভূতনমস্কৃতা ॥ ৮০ ॥
বলা বলাধিকা দেবী গৌতমী গোকুলালয়া ।
তোষিণী পূর্ণচন্দ্রাভা একানন্দা শতাননা ॥ ৮১ ॥
উদ্যাননগরদ্বারহর্ম্যোপবনবাসিনী ।
কূষ্মাণ্ডা দারুণা চণ্ডা কিরাতী নন্দনালয়া ॥ ৮২ ॥
কালায়না কালগম্যা ভয়দা ভয়নাশিনী ।
সৌদামনী মেঘরবা দৈত্যদানবমর্দিনী ॥ ৮৩ ॥
জগন্মাতা ভয়করী ভূতধাত্রী সুদুর্লভা ।
কাশ্যপী শুভদাতা চ বনমালা শুভাবরা ॥ ৮৪ ॥
ধন্যা ধন্যেশ্বরী ধন্যা রত্নদা বসুবর্দ্ধিনী ।
গান্ধর্বী রেবতী গঙ্গা শকুনী বিমলাননা ॥ ৮৫ ॥
ইডা শান্তিকরী চৈব তামসী কমলালয়া ।
আজ্যপা বজ্রকৌমারী সোমপা কুসুমাশ্রয়া ॥ ৮৬ ॥
জগত্প্রিয়া চ সরথা দুর্জয়া খগবাহনা ।
মনোভবা কামচারা সিদ্ধচারণসেবিতা ॥ ৮৭ ॥
ব্যোমলক্ষ্মীর্মহালক্ষ্মীস্তেজোলক্ষ্মীঃ সুজাজ্বলা ।
রসলক্ষ্মীর্জগদ্যোনির্গন্ধলক্ষ্মীর্বনাশ্রয়া ॥ ৮৮ ॥
শ্রবণা শ্রাবণী নেত্রী রসনাপ্রাণচারিণী ।
বিরিঞ্চিমাতা বিভবা বরবারিজবাহনা ॥ ৮৯ ॥
বীর্যা বীরেশ্বরী বন্দ্যা বিশোকা বসুবর্দ্ধিনী ।
অনাহতা কুণ্ডলিনী নলিনী বনবাসিনী ॥ ৯০ ॥
গান্ধারিণীন্দ্রনমিতা সুরেন্দ্রনমিতা সতী ।
সর্বমঙ্গল্যমাঙ্গল্যা সর্বকামসমৃদ্ধিদা ॥ ৯১ ॥
সর্বানন্দা মহানন্দা সত্কীর্তিঃ সিদ্ধসেবিতা ।
সিনীবালী কুহূ রাকা অমা চানুমতির্দ্যুতিঃ ॥ ৯২ ॥
অরুন্ধতী বসুমতী ভার্গবী বাস্তুদেবতা ।
মায়ূরী বজ্রবেতালী বজ্রহস্তা বরাননা ॥ ৯৩ ॥
অনঘা ধরণির্ধীরা ধমনী মণিভূষণা ।
রাজশ্রী রূপসহিতা ব্রহ্মশ্রীর্ব্রহ্মবন্দিতা ॥ ৯৪ ॥
জয়শ্রীর্জয়দা জ্ঞেয়া সর্গশ্রীঃ স্বর্গতিঃ সতাম্ ।
সুপুষ্পা পুষ্পনিলয়া ফলশ্রীর্নিষ্কলপ্রিয়া ॥ ৯৫ ॥
ধনুর্লক্ষ্মীস্ত্বমিলিতা পরক্রোধনিবারিণী ।
কদ্রূর্দ্ধনায়ুঃ কপিলা সুরসা সুরমোহিনী ॥ ৯৬ ॥
মহাশ্বেতা মহানীলা মহামূর্তির্বিষাপহা ।
সুপ্রভা জ্বালিনী দীপ্তিস্তৃপ্তির্ব্যাপ্তিঃ প্রভাকরী ॥ ৯৭ ॥
তেজোবতী পদ্মবোধা মদলেখারুণাবতী ।
রত্না রত্নাবলী ভূতা শতধামা শতাপহা ॥ ৯৮ ॥
ত্রিগুণা ঘোষিণী রক্ষ্যা নর্দ্দিনী ঘোষবর্জিতা ।
সাধ্যা দিতির্দিতিদেবী মৃগবাহা মৃগাঙ্কগা ॥ ৯৯ ॥
চিত্রনীলোত্পলগতা বৃষরত্নকরাশ্রয়া ।
হিরণ্যরজতদ্বন্দ্বা শঙ্খভদ্রাসনাস্থিতা ॥ ১০০ ॥
গোমূত্রগোময়ক্ষীরদধিসর্পির্জলাশ্রয়া ।
মরীচিশ্চীরবসনা পূর্ণা চন্দ্রার্কবিষ্টরা ॥ ১০১ ॥
সুসূক্ষ্মা নির্বৃতিঃ স্থূলা নিবৃত্তারাতিরেব চ ।
মরীচিজ্বালিনী ধূম্রা হব্যবাহা হিরণ্যদা ॥ ১০২ ॥
দায়িনী কালিনী সিদ্ধিঃ শোষিণী সম্প্রবোধিনী ।
ভাস্বরা সংহতিস্তীক্ষ্ণা প্রচণ্ডজ্বলনোজ্জ্বলা ॥ ১০৩ ॥
সাঙ্গা প্রচণ্ডা দীপ্তা চ বৈদ্যুতিঃ সুমহাদ্যুতিঃ ।
কপিলা নীলরক্তা চ সুষুম্ণা বিস্ফুলিঙ্গিনী ॥ ১০৪ ॥
অর্চিষ্মতী রিপুহরা দীর্ঘা ধূমাবলী জরা ।
সম্পূর্ণমণ্ডলা পূষা স্রংসিনী সুমনোহরা ॥ ১০৫ ॥
জয়া পুষ্টিকরীচ্ছায়া মানসা হৃদয়োজ্জ্বলা ।
সুবর্ণকরণী শ্রেষ্ঠা মৃতসংজীবিনীরণে ॥ ১০৬ ॥
বিশল্যকরণী শুভ্রা সংধিনী পরমৌষধিঃ ।
ব্রহ্মিষ্ঠা ব্রহ্মসহিতা ঐন্দবী রত্নসম্ভবা ॥ ১০৭ ॥
বিদ্যুত্প্রভা বিন্দুমতী ত্রিস্বভাবগুণাম্বিকা ।
নিত্যোদিতা নিত্যহৃষ্টা নিত্যকামকরীষিণী ॥ ১০৮ ॥
পদ্মাঙ্কা বজ্রচিহ্না চ বক্রদণ্ডবিভাসিনী ।
বিদেহপূজিতা কন্যা মায়া বিজয়বাহিনী ॥ ১০৯ ॥
মানিনী মঙ্গলা মান্যা মালিনী মানদায়িনী ।
বিশ্বেশ্বরী গণবতী মণ্ডলা মণ্ডলেশ্বরী ॥ ১১০ ॥
হরিপ্রিয়া ভৌমসুতা মনোজ্ঞা মতিদায়িনী ।
প্রত্যঙ্গিরা সোমগুপ্তা মনোঽভিজ্ঞা বদন্মতিঃ ॥ ১১১ ॥
য়শোধরা রত্নমালা কৃষ্ণা ত্রৈলোক্যবন্ধনী ।
অমৃতা ধারিণী হর্ষা বিনতা বল্লকী শচী ॥ ১১২ ॥
সংকল্পা ভামিনী মিশ্রা কাদম্বর্যমৃতপ্রভা ।
অগতা নির্গতা বজ্রা সুহিতা সংহিতাক্ষতা ॥ ১১৩ ॥
সর্বার্থসাধনকরী ধাতুর্ধারণিকামলা ।
করুণাধারসম্ভূতা কমলাক্ষী শশিপ্রিয়া ॥ ১১৪ ॥
সৌম্যরূপা মহাদীপ্তা মহাজ্বালা বিকাশিনী ।
মালা কাঞ্চনমালা চ সদ্বজ্রা কনকপ্রভা ॥ ১১৫ ॥
প্রক্রিয়া পরমা য়োক্ত্রী ক্ষোভিকা চ সুখোদয়া ।
বিজৃম্ভণা চ বজ্রাখ্যা শৃঙ্খলা কমলেক্ষণা ॥ ১১৬ ॥
জয়ংকরী মধুমতী হরিতা শশিনী শিবা ।
মূলপ্রকৃতিরীশানী য়োগমাতা মনোজবা ॥ ১১৭ ॥
ধর্মোদয়া ভানুমতী সর্বাভাসা সুখাবহা ।
ধুরন্ধরা চ বালা চ ধর্মসেব্যা তথাগতা ॥ ১১৮ ॥
সুকুমারা সৌম্যমুখী সৌম্যসম্বোধনোত্তমা ।
সুমুখী সর্বতোভদ্রা গুহ্যশক্তির্গুহালয়া ॥ ১১৯ ॥
হলায়ুধা চৈকবীরা সর্বশস্ত্রসুধারিণী ।
ব্যোমশক্তির্মহাদেহা ব্যোমগা মধুমন্ময়ী ॥ ১২০ ॥
গঙ্গা বিতস্তা য়মুনা চন্দ্রভাগা সরস্বতী ।
তিলোত্তমোর্বশী রম্ভা স্বামিনী সুরসুন্দরী ॥ ১২১ ॥
বাণপ্রহরণাবালা বিম্বোষ্ঠী চারুহাসিনী ।
ককুদ্মিনী চারুপৃষ্ঠা দৃষ্টাদৃষ্টফলপ্রদা ॥ ১২২ ॥
কাম্যাচরী চ কাম্যা চ কামাচারবিহারিণী ।
হিমশৈলেন্দ্রসংকাশা গজেন্দ্রবরবাহনা ॥ ১২৩ ॥
অশেষসুখসৌভাগ্যসম্পদা য়োনিরুত্তমা ।
সর্বোত্কৃষ্টা সর্বময়ী সর্বা সর্বেশ্বরপ্রিয়া ॥ ১২৪ ॥
সর্বাঙ্গয়োনিঃ সাব্যক্তা সম্প্রধানেশ্বরেশ্বরী ।
বিষ্ণুবক্ষঃস্থলগতা কিমতঃ পরমুচ্যতে ॥ ১২৫ ॥
পরা নির্মহিমা দেবী হরিবক্ষঃস্থলাশ্রয়া ।
সা দেবী পাপহন্ত্রী চ সান্নিধ্যং কুরুতান্মম ॥ ১২৬ ॥
ইতি নাম্নাং সহস্রং তু লক্ষ্ম্যাঃ প্রোক্তং শুভাবহম্ ।
পরাবরেণ ভেদেন মুখ্যগৌণেন ভাগতঃ ॥ ১২৭ ॥
য়শ্চৈতত্ কীর্তয়েন্নিত্যং শৃণুয়াদ্ বাপি পদ্মজ ।
শুচিঃ সমাহিতো ভূত্বা ভক্তিশ্রদ্ধাসমন্বিতঃ ॥ ১২৮ ॥
শ্রীনিবাসং সমভ্যর্চ্য পুষ্পধূপানুলেপনৈঃ ।
ভোগৈশ্চ মধুপর্কাদ্যৈর্যথাশক্তি জগদ্গুরুম্ ॥ ১২৯ ॥
তত্পার্শ্বস্থাং শ্রিয়ং দেবীং সম্পূজ্য শ্রীধরপ্রিয়াম্ ।
ততো নামসহস্রোণ তোষয়েত্ পরমেশ্বরীম্ ॥ ১৩০ ॥
নামরত্নাবলীস্তোত্রমিদং য়ঃ সততং পঠেত্ ।
প্রসাদাভিমুখীলক্ষ্মীঃ সর্বং তস্মৈ প্রয়চ্ছতি ॥ ১৩১ ॥
য়স্যা লক্ষ্ম্যাশ্চ সম্ভূতাঃ শক্তয়ো বিশ্বগাঃ সদা ।
কারণত্বে ন তিষ্ঠন্তি জগত্যস্মিংশ্চরাচরে ॥ ১৩২ ॥
তস্মাত্ প্রীতা জগন্মাতা শ্রীর্যস্যাচ্যুতবল্লভা ।
সুপ্রীতাঃ শক্তয়স্তস্য সিদ্ধিমিষ্টাং দিশন্তি হি ॥ ১৩৩ ॥
এক এব জগত্স্বামী শক্তিমানচ্যুতঃ প্রভুঃ ।
তদংশশক্তিমন্তোঽন্যে ব্রহ্মেশানাদয়ো য়থা ॥ ১৩৪ ॥
তথৈবৈকা পরা শক্তিঃ শ্রীস্তস্য করুণাশ্রয়া ।
জ্ঞানাদিষাঙ্গুণ্যময়ী য়া প্রোক্তা প্রকৃতিঃ পরা ॥ ১৩৫ ॥
একৈব শক্তিঃ শ্রীস্তস্যা দ্বিতীয়াত্মনি বর্ততে ।
পরা পরেশী সর্বেশী সর্বাকারা সনাতনী ॥ ১৩৬ ॥
অনন্তনামধেয়া চ শক্তিচক্রস্য নায়িকা ।
জগচ্চরাচরমিদং সর্বং ব্যাপ্য ব্যবস্থিতা ॥ ১৩৭ ॥
তস্মাদেকৈব পরমা শ্রীর্জ্ঞেয়া বিশ্বরূপিণী ।
সৌম্যা সৌম্যেন রূপেণ সংস্থিতা নটজীববত্ ॥ ১৩৮ ॥
য়ো য়ো জগতি পুম্ভাবঃ স বিষ্ণুরিতি নিশ্চয়ঃ ।
য়া য়া তু নারীভাবস্থা তত্র লক্ষ্মীর্ব্যবস্থিতা ॥ ১৩৯ ॥
প্রকৃতেঃ পুরুষাচ্চান্যস্তৃতীয়ো নৈব বিদ্যতে ।
অথ কিং বহুনোক্তেন নরনারীময়ো হরিঃ ॥ ১৪০ ॥
অনেকভেদভিন্নস্তু ক্রিয়তে পরমেশ্বরঃ ।
মহাবিভূতিং দয়িতাং য়ে স্তুবন্ত্যচ্যুতপ্রিয়াম্ ॥ ১৪১ ॥
তে প্রাপ্নুবন্তি পরমাং লক্ষ্মীং সংশুদ্ধচেতসঃ ।
পদ্ময়োনিরিদং প্রাপ্য পঠন্ স্তোত্রমিদং ক্রমাত্ ॥ ১৪২ ॥
দিব্যমষ্টগুণৈশ্বর্যং তত্প্রসাদাচ্চ লব্ধবান্ ।
সকামানাং চ ফলদামকামানাং চ মোক্ষদাম্ ॥ ১৪৩ ॥
পুস্তকাখ্যাং ভয়ত্রাত্রীং সিতবস্ত্রাং ত্রিলোচনাম্ ।
মহাপদ্মনিষণ্ণাং তাং লক্ষ্মীমজরতাং নমঃ ॥ ১৪৪ ॥
করয়ুগলগৃহীতং পূর্ণকুম্ভং দধানা
ক্বচিদমলগতস্থা শঙ্খপদ্মাক্ষপাণিঃ ।
ক্বচিদপি দয়িতাঙ্গে চামরব্যগ্রহস্তা
ক্বচিদপি সৃণিপাশং বিভ্রতী হেমকান্তিঃ ॥ ১৪৫ ॥
॥ ইত্যাদিপদ্মপুরাণে কাশ্মীরবর্ণনে হিরণ্যগর্ভহৃদয়ে
সর্বকামপ্রদায়কং পুরুষোত্তমপ্রোক্তং
শ্রীলক্ষ্মীসহস্রনামস্তোত্রং সমাপ্তম্ ॥