॥ Achyutashtakam by Shridhara Venkatesha Bengali Lyrics ॥
॥ অচ্যুতাষ্টকং শ্রীধরবেংকটেশবিরচিতম্ ॥
অথ অচ্যুতাষ্টকম্ ॥
অভিলপননিসর্গাদচ্যুতাখ্যে ভজে ত্বাং
হরসি মদঘবৃন্দং ত্বদ্ভুবুক্ষাবশাত্ ত্বম্ ।
অঘহৃদিতি তবাংব প্রত্যুত খ্যাতিদোঽহং
ত্বয়ি মম বদ কা বা সংগতির্দৈন্যবাচাম্ ॥ ১ ॥
চিরাতীতা সান্দীপনিতনুভুবঃ কালভবন-
প্রপত্তিস্তং পিত্রোঃ পুনরগময়ত্ সন্নিধিমিতি ।
য়শঃ কৃষ্ণস্যেদং কথমহহ ন ত্বাং রসনয়া
য়দি শ্রীকৃষ্ণাখ্যে ভজতি স তাদনীং মুনিসুতঃ ॥ ২ ॥
হরের্যচ্চোরত্বং য়দপি চ তথা জারচরিতং
তদেতত্ সর্বাংহস্ততিকৃতে সংকথনতঃ ।
ইতীদং মাহাত্ম্যং মধুমথন তে দীপিতমিদং
বদন্ত্যাঃ কৃষ্ণাখ্যে তবহি বিচরন্ত্যা বিলসিতম্ ॥ ৩ ॥
সভায়াং দ্রৌপত্যাঽংশুকসৃতিভিয়া তদ্রসনয়া
ধৃতা তস্যাশ্চেলং প্রতনু তদবস্থং বিদধতী ।
ব্যতানীশ্শৈলাভং বসনবিসরং চাংব হরতা-
মিয়ান্ গোবিন্দাখ্যে বদ বসনরাশিস্তব কুতঃ ॥ ৪ ॥
অধিরসনময়ি ত্বামচ্যুতাখ্যে দধানং
বনজভবমুখানাং বন্দ্যমাহুর্মহান্তঃ ।
সতু বিনমতি মাতশ্চাশ্বগোশ্বাদনাদীন্
ভবতি ননু বিচিত্রা পদ্ধতিস্তাবকানাম্ ॥ ৫ ॥
জননি মুরভিদাখ্যে জাহ্নবীনিম্নগৈকা
সমজনি পদপদ্মাচ্চক্রিণস্ত্বাশ্রিতানাম্ ।
পরিণমতি সমস্তাঃ পাদবার্ঘিন্দুরেকো
জগতি ননু তটিন্যো জাহ্নবীসহ্যজাদ্যাঃ ॥ ৬ ॥
সমবহিতমপশ্যন্ সন্নিধৌ বৈনতেয়ং
প্রসভবিধুতপদ্মাপাণিরীশোঽচ্যুতাখ্যে ।
সমবিতুমুপনীতঃ সাগজেন্দ্রং ত্বয়া দ্রাক্
বদ জননি বিনা ত্বাং কেন বা কিং তদাভূত্ ॥ ৭ ॥
য়দেষ স্তৌমি ত্বাং ত্রিয়ুগচরণত্রায়িণি ততো
মহিম্নঃ কা হানিস্তবতু মম সংপন্নিরবধিঃ ।
শুনা লীলাকামং ভবতি সুরসিন্ধুর্ভগবতী
তদেষা কিংভূতা সতু সপদি সন্তাপভরিতঃ ॥ ৮ ॥
ইতি শ্রীশ্রীধরবেংকটেশার্যকৃতৌ অচ্যুতাষ্টকং সংপূর্ণম্ ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Gujarati » Kannada » Malayalam » Odia » Telugu » Tamil