॥ Aditya Ashtakam Bengali Lyrics ॥
॥ আদিত্যাষ্টকম্ ॥
উদয়াদ্রিমস্তকমহামণিং লসত্-
কমলাকরৈকসুহৃদং মহৌজসম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ১ ॥
তিমিরাপহারনিরতং নিরাময়ং
নিজরাগরঞ্জিতজগত্ত্রয়ং বিভুম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ২ ॥
দিনরাত্রিভেদকরমদ্ভুতং পরং
সুরবৃন্দসংস্তুতচরিত্রমব্যয়ম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৩ ॥
শ্রুতিসারপারমজরাময়ং পরং
রমণীয়বিগ্রহমুদগ্ররোচিষম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৪ ॥
শুকপক্ষতুণ্ডসদৃশাশ্বমণ্ডলং
অচলাবরোহপরিগীতসাহসম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৫ ॥
শ্রুতিতত্ত্বগম্যমখিলাক্ষিগোচরং
জগদেকদীপমুদয়াস্তরাগিণম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৬ ॥
শ্রিতভক্তবত্সলমশেষকল্মষ-
ক্ষয়হেতুমক্ষয়ফলপ্রদায়িনম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৭ ॥
অহমন্বহং সতুরগক্ষতাটবী
শতকোটিহালকমহামহীধনম্ ।
গদপঙ্কশোষণমঘৌঘনাশনং
শরণং গতোঽস্মি রবিমংশুমালিনম্ ॥ ৮ ॥
ইতি সৌরমষ্টকমহর্মুখে রবিং
প্রণিপত্য য়ঃ পঠতি ভক্তিতো নরঃ ।
স বিমুচ্যতে সকলরোগকল্মষৈঃ
সবিতুস্সমীপমপি সম্যগাপ্নুয়াত্ ॥ ৯ ॥
ইতি আদিত্যাষ্টকং সমাপ্তম্ ॥
– Chant Stotra in Other Languages –
Navagraha Slokam » Aditya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil