॥ Agastya Ashtakam Kannada Lyrics ॥
॥ ಅಗಸ್ತ್ಯಾಷ್ಟಕಮ್ ॥
ಅದ್ಯ ಮೇ ಸಫಲಂ ಜನ್ಮ ಚಾದ್ಯ ಮೇ ಸಫಲಂ ತಪಃ ।
ಅದ್ಯ ಮೇ ಸಫಲಂ ಜ್ಞಾನಂ ಶಮ್ಭೋ ತ್ವತ್ಪಾದದರ್ಶನಾತ್ ॥ 1 ॥
ಕೃತಾರ್ಥೋಽಹಂ ಕೃತಾರ್ಥೋಽಹಂ ಕೃತಾರ್ಥೋಽಹಂ ಮಹೇಶ್ವರ ।
ಅದ್ಯ ತೇ ಪಾದಪದ್ಮಸ್ಯ ದರ್ಶನಾತ್ಭಕ್ತವತ್ಸಲ ॥ 2 ॥
ಶಿವಶ್ಶಮ್ಭುಃ ಶಿವಶ್ಶಂಭುಃ ಶಿವಶ್ಶಂಭುಃ ಶಿವಶ್ಶಿವಃ ।
ಇತಿ ವ್ಯಾಹರತೋ ನಿತ್ಯಂ ದಿನಾನ್ಯಾಯಾನ್ತು ಯಾನ್ತು ಮೇ ॥ 3 ॥
ಶಿವೇ ಭಕ್ತಿಶ್ಶಿವೇ ಭಕ್ತಿಶ್ಶಿವೇ ಭಕ್ತಿರ್ಭವೇಭವೇ ।
ಸದಾ ಭೂಯಾತ್ ಸದಾ ಭೂಯಾತ್ಸದಾ ಭೂಯಾತ್ಸುನಿಶ್ಚಲಾ ॥ 4 ॥
ಆಜನ್ಮ ಮರಣಂ ಯಸ್ಯ ಮಹಾದೇವಾನ್ಯದೈವತಮ್ ।
ಮಾಜನಿಷ್ಯತ ಮದ್ವಂಶೇ ಜಾತೋ ವಾ ದ್ರಾಗ್ವಿಪದ್ಯತಾಮ್ ॥ 5 ॥
ಜಾತಸ್ಯ ಜಾಯಮಾನಸ್ಯ ಗರ್ಭಸ್ಥಸ್ಯಾಽಪಿ ದೇಹಿನಃ ।
ಮಾಭೂನ್ಮಮ ಕುಲೇ ಜನ್ಮ ಯಸ್ಯ ಶಮ್ಭುರ್ನ-ದೈವತಮ್ ॥ 6 ॥
ವಯಂ ಧನ್ಯಾ ವಯಂ ಧನ್ಯಾ ವಯಂ ಧನ್ಯಾ ಜಗತ್ತ್ರಯೇ ।
ಆದಿದೇವೋ ಮಹಾದೇವೋ ಯದಸ್ಮತ್ಕುಲದೈವತಮ್ ॥ 7 ॥
ಹರ ಶಂಭೋ ಮಹಾದೇವ ವಿಶ್ವೇಶಾಮರವಲ್ಲಭ ।
ಶಿವಶಂಕರ ಸರ್ವಾತ್ಮನ್ನೀಲಕಂಠ ನಮೋಽಸ್ತು ತೇ ॥ 8 ॥
ಅಗಸ್ತ್ಯಾಷ್ಟಕಮೇತತ್ತು ಯಃ ಪಠೇಚ್ಛಿವಸನ್ನಿಧೌ ।
ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ॥ 9 ॥
॥ ಇತ್ಯಗಸ್ತ್ಯಾಷ್ಟಕಮ್ ॥
– Chant Stotra in Other Languages –
Lord Shiva Slokam » Agastya Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil