॥ Ashtamurti Raksha Stotram Bengali Lyrics ॥
॥ অষ্টমূর্তিরক্ষাস্তোত্রম্ ॥
হে শর্ব ভূরূপ পর্বতসুতেশ
হে ধর্ম বৃষবাহ কাঞ্চীপুরীশ ।
দববাস সৌগন্ধ্য ভুজগেন্দ্রভূষ
পৃথ্বীশ মাং পাহি প্রথমাষ্টমূর্তে ॥ ১ ॥
হে দোষমল জাড্যহর শৈলজাপ
হে জম্বুকেশেশ ভব নীররূপ ।
গঙ্গার্দ্র করুণার্দ্র নিত্যাভিষিক্ত
জললিঙ্গ মাং পাহি দ্বিতীয়াষ্টমূর্তে ॥ ২ ॥
হে রুদ্র কালাগ্নিরূপাঘনাশিন্
হে ভস্মদিগ্ধাঙ্গ মদনান্তকারিন্ ।
অরুণাদ্রিমূর্তের্বুর্দশৈল বাসিন্
অনলেশ মাং পাহি তৃতীয়াষ্টমূর্তে ॥ ৩ ॥
হে মাতরিশ্বন্ মহাব্যোমচারিন্
হে কালহস্তীশ শক্তিপ্রদায়িন্ ।
উগ্র প্রমথনাথ য়োগীন্দ্রিসেব্য
পবনেশ মাং পাহি তুরিয়াষ্টমূর্তে ॥ ৪ ॥
হে নিষ্কলাকাশ-সঙ্কাশ দেহ
হে চিত্সভানাথ বিশ্বম্ভরেশ ।
শম্ভো বিভো ভীমদহর প্রবিষ্ট
ব্যোমেশ মাং পাহি কৃপয়াষ্টমূর্তে ॥ ৫ ॥
হে ভর্গ তরণেখিললোকসূত্র
হে দ্বাদশাত্মন্ শ্রুতিমন্ত্র গাত্র ।
ঈশান জ্যোতির্ময়াদিত্যনেত্র
রবিরূপ মাং পাহি মহসাষ্টমূর্তে ॥ ৬ ॥
হে সোম সোমার্দ্ধ ষোডষকলাত্মন্
হে তারকান্তস্থ শশিখণ্ডমৌলিন্ ।
স্বামিন্মহাদেব মানসবিহারিন্
শশিরূপ মাং পাহি সুধয়াষ্টমূর্তে ॥ ৭ ॥
হে বিশ্বয়জ্ঞেশ য়জমানবেষ
হে সর্বভূতাত্মভূতপ্রকাশ ।
প্রথিতঃ পশূনাং পতিরেক ঈড্য
আত্মেশ মাং পাহি পরমাষ্টমূর্তে ॥ ৮ ॥
পরমাত্মনঃ খঃ প্রথমঃ প্রসূতঃ
ব্যোমাচ্চ বায়ুর্জনিতস্ততোগ্নিঃ
অনলাজ্জলোভূত্ অদ্ভ্যস্তু ধরণিঃ
সূর্যেন্দুকলিতান্ সততং নমামি ।
দিব্যাষ্টমূর্তীন্ সততং নমামি
সংবিন্ময়ান্ তান্ সততং নমামি ॥ ৯ ॥
ইতি শ্রীঈশ্বরনন্দগিরিবিরচিতং অষ্টমূর্তিরক্ষাস্তোত্রং সম্পূর্ণম্ ।
– Chant Stotra in Other Languages –
Ashtamurtiraksha Stotram Lyrics in Sanskrit » English » Gujarati » Kannada » Malayalam » Odia » Telugu » Tamil