॥ Ashtashloki Bengali Lyrics ॥
॥ অষ্টশ্লোকী ॥
অকারার্থো বিষ্ণুর্জগদুদয়রক্ষাপ্রলয়কৃত্
মকারার্থো জীবস্তদুপকরণং বৈষ্ণবমিদম্ ।
উকারোঽনন্যর্হং নিয়ময়তি সম্বন্ধমনয়োঃ
ত্রয়ীসারস্ত্র্যাত্মা প্রণব ইমমর্থং সমদিশত্ ॥ ১ ॥
মন্ত্রব্রহ্মণি মধ্যমেন নমসা পুংসঃস্বরূপঙ্গতিঃ
গম্যং শিক্ষিতমীক্ষিতেন পুরতঃপশ্চাদপি স্থানতঃ ।
স্বাতন্রয়ং নিজরক্ষণং সমুচিতা বৃত্তিশ্চ নান্যোচিতা
তস্যৈবেতি হরের্বিবিচ্য কথিতং স্বস্যাপি নার্হং ততঃ ॥ ২ ॥
অকারার্থায়ৈবস্বমহমথ মহ্যং ন নিবহাঃ
নরাণাং নিত্যানাময়নমিতি নারায়ণপদম্ ।
য়মাহাস্মৈ কালং সকলমপি সর্বত্র সকলা-
স্ববস্থাস্বাবিঃ স্যুর্মম সহজকৈঙ্কর্যবিধয়ঃ ॥ ৩ ॥
দেহাসক্তাত্মবুদ্ধির্যদি ভবতি পদং সাধু বিদ্যাত্তৃতীয়ং
স্বাতন্ত্র্যান্ধো য়দি স্যাত্প্রথমমিতরশেষত্বধীশ্চেদ্দ্বিতীয়ম্ ।
আত্মত্রাণোন্মুখশ্চেন্নম ইতি চ পদং বান্ধবাভাসলোলঃ
শব্দং নারায়ণাখ্যং বিষয়চপলধীশ্চেচ্চতুর্থীং প্রপন্নঃ ॥ ৪ ॥
নেতৃত্বং নিত্যয়োগং সমুচিতগুণজাতং তনুখ্যাপনঞ্চো-
পায়ং কর্ত্তব্যভাগং ত্বথ মিথুনপরং প্রাপ্যমেবং প্রসিদ্ধম্ ।
স্বামিত্বং প্রার্থনাং চ প্রবলতরবিরোধিপ্রহাণং দশৈতান্
মন্তারং ত্রায়তে চেত্যধিগতনিয়মঃ ষট্পদোঽয়ং দ্বিখণ্ডঃ ॥ ৫ ॥
ঈশানাঞ্জগতামধীশদয়িতাং নিত্যানপায়াং শ্রিয়ং
সংশ্রিত্যাশ্রয়ণোচিতাখিলগুণস্যাঙ্ঘ্রী হরেরাশ্রয়ে ।
ইষ্টোপায়তয়া শ্রিয়া চ সহিতায়াত্মেশ্বরায়ার্থয়ে
কর্তুং দাস্যমশেষমপ্রতিহতং নিত্যং ত্বহং নির্মমঃ ॥ ৬ ॥
মত্প্রাপ্ত্যর্থতয়া ময়োক্তমখিলং সন্ত্যজ্য ধর্মং পুনঃ
মামেকং মদবাপ্তয়ে শমণমিত্যার্তোঽবসায়ং কুরু ।
ত্বামেকং ব্যবসায়য়ুক্তমখিলজ্ঞানাদিপূর্ণো হ্যহং
মত্প্রাপ্তিপ্রতিবন্ধকৈর্বিরহিতং কুর্যাং শুচং মা কৃথাঃ ॥ ৭ ॥
নিশ্চিত্য ত্বদধীনতাং ময়ি সদা কর্মাদ্যুপায়ান্ হরে
কর্তুং ত্যক্তুমপি প্রপত্তুমনলং সীদামি দুঃখাকুলঃ ।
এতজ্জ্ঞানমুপেয়ুষো মম পুনস্সর্বাপরাধক্ষয়ং
কর্তাসীতি দৃঢোঽস্মি তে তু চরমং বাক্যং স্মরন্সারথেঃ ॥ ৮ ॥
শাখানামুপরি স্থিতেন মনুনা মূলেন লব্ধাত্মকঃ
সত্তাহেতুসকৃজ্জপেন সকলং কালং দ্বয়েন ক্ষিপন্ ।
বেদোত্তংসবিহারসারথিদয়াগুম্ফেন বিস্ত্রম্ভিতঃ
সারজ্ঞো য়দি কশ্চিদস্তি ভুবনে নাথঃ স য়ূথস্য নঃ ॥ ৯ ॥
ইতি অষ্টশ্লোকী সমাপ্তা ॥
– Chant Stotra in Other Languages –
Ashtashloki Lyrics in Sanskrit » English » Gujarati » Kannada » Malayalam » Odia » Telugu » Tamil