॥ Bhagavadgeetaa Mahatmayam and Dhyanamantra Bengali Lyrics ॥
॥ ভগবদ্গীতা মাহাত্ম্যং অথবা ধ্যানমংত্র ॥
॥ শ্রী পরমাত্মনে নমঃ ॥
॥ অথ শ্রীগীতামাহাত্ম্যপ্রারম্ভঃ ॥
শ্রী গণেশায় নমঃ ॥ শ্রীরাধারমণায় নমঃ ॥
ধরোবাচ ।
ভগবন্পরেমেশান ভক্তিরব্যভিচারিণী ।
প্রারব্ধং ভুজ্যমানস্য কথং ভবতি হে প্রভো ॥ ১ ॥
শ্রী বিষ্ণুরুবাচ ।
প্রারব্ধং ভুজ্যমানো হি গীতাভ্যাসরতঃ সদা ।
স মুক্তঃ স সুখী লোকে কর্মণা নোপলিপ্যতে ॥ ২ ॥
মহাপাপাদিপাপানি গীতাধ্যানং করোতি চেৎ ।
ক্বচিৎস্পর্শং ন কুর্বন্তি নলিনীদলমম্বুবৎ ॥ ৩ ॥
গীতায়াঃ পুস্তকং যত্র যত্র পাঠঃ প্রবর্ততে ।
তত্র সর্বাণি তীর্থাণি প্রয়াগাদীনি তত্র বৈ ॥ ৪ ॥
সর্বে দেবাশ্চ ঋষয়ো যোগিনঃ পন্নগাশ্চ যে ।
গোপালা গোপিকা বাপি নারদোদ্ধবপার্ষদৈঃ ॥
সহায়ো জায়তে শীঘ্রং যত্র গীতা প্রবর্ততে ৫ ॥
যত্র গীতাবিচারশ্চ পঠনং পাঠনং শৃতম্ ।
তত্রাহং নিশ্চিতং পৃথ্বি নিবসামি সদৈব হি ॥ ৬ ॥
গীতাশ্রয়েঽহং তিষ্ঠামি গীতা মে চোত্তমং গৃহম্ ।
গীতাজ্ঞানমুপাশ্রিত্য ত্রীংলোকান্পালয়াম্যহম্ ॥ ৭ ॥
গীতা মে পরমা বিদ্যা ব্রহ্মরূপা ন সংশয়ঃ ।
অর্ধমাত্রাক্ষরা নিত্যা স্বানির্বাচ্যপদাত্মিকা ॥ ৮ ॥
চিদানন্দেন কৃষ্ণেন প্রোক্তা স্বমুখতোঽর্জুনম্ ।
বেদত্রয়ী পরানন্দা তত্ত্বার্থজ্ঞানসংয়ুতা ॥ ৯ ॥
যোঽষ্টাদশজপো নিত্যং নরো নিশ্চলমানসঃ ।
জ্ঞানসিদ্ধিং স লভতে ততো যাতি পরং পদম্ ॥ ১০ ॥
পাঠেঽসমর্থঃ সম্পূর্ণে ততোঽর্ধং পাঠমাচরেৎ ।
তদা গোদানজং পুণ্যং লভতে নাত্র সংশয়ঃ ॥ ১১ ॥
ত্রিভাগং পঠমানস্তু গঙ্গাস্নানফলং লভেৎ ।
ষডংশং জপমানস্তু সোময়াগফলং লভেৎ ॥ ১২ ॥
একাধ্যায়ং তু যো নিত্যং পঠতে ভক্তিসংয়ুতঃ ।
রুদ্রলোকমবাপ্নোতি গণো ভূৎবা বসেচ্চিরম্ ॥ ১৩ ॥
অধ্যায়ং শ্লোকপাদং বা নিত্যং যঃ পঠতে নরঃ ।
স যাতি নরতাং যাবন্মন্বন্তরং বসুন্ধরে ॥ ১৪ ॥
গীতায়াঃ শ্লোকদশকং সপ্ত পঞ্চ চতুষ্টয়ম্ ।
দ্বৌ ত্রীনেকং তদর্ধং বা শ্লোকানাং যঃ পঠেন্নরঃ ॥ ১৫ ॥
চন্দ্রলোকমবাপ্নোতি বর্ষাণাময়ুতং ধ্রুবম্ ।
গীতাপাঠসমায়ুক্তো মৃতো মানুষতাং ব্রজেৎ ॥ ১৬ ॥
গীতাভ্যাসং পুনঃ কৃৎবা লভতে মুক্তিমুত্তমাম্ ।
গীতেত্যুচ্চারসংয়ুক্তো ম্রিয়মাণো গতিং লভেৎ ॥ ১৭ ॥
গীতার্থশ্রবণাসক্তো মহাপাপয়ুতোঽপি বা ।
বৈকুণ্ঠং সমবাপ্নোতি বিষ্ণুনা সহ মোদতে ॥ ১৮ ॥
গীতার্থং ধ্যায়তে নিত্যং কৃৎবা কর্মাণি ভূরিশঃ ।
জীবন্মুক্তঃ স বিজ্ঞেয়ো দেহান্তে পরমং পদম্ ॥ ১৯ ॥
গীতামাশ্রিত্য বহবো ভূভুজো জনকাদয়ঃ ।
নির্ধূতকল্মষা লোকে গীতায়াতাঃ পরং পদম্ ॥ ২০ ॥
গীতায়াঃ পঠনং কৃৎবা মাহাত্ম্যং নৈব যঃ পঠেৎ ।
বৃথা পাঠো ভবেত্তস্য শ্রম এব হ্যুদাহৃতঃ ॥ ২১ ॥
এতন্মাহাত্ম্যসংয়ুক্তং গীতাভ্যাসং করোতি যঃ ।
স তৎফলমবাপ্নোতি দুর্লভাং গতিমাপ্নুয়াৎ ॥ ২২ ॥
সূত উবাচ ।
মাহাত্ম্যমেতদ্গীতায়া ময়া প্রোক্ত সতাতনম্ ।
গীতান্তে চ পঠেদ্যস্তু যদুক্তং তৎফলং লভেৎ ॥ ২৩ ॥
॥ ইতি শ্রীবারাহপুরাণে শ্রীগীতামাহাত্ম্যং সম্পূর্ণম্ ॥
॥ অথ শ্রীমদ্ভগবদ্গীতাধ্যানাদি ॥
শ্রী গণেশায় নমঃ ॥ শ্রীগোপালকৃষ্ণায় নমঃ ॥
অথ ধ্যানম্ ।
অথ করন্যাসঃ।
ওঁ অস্য শ্রীমদ্ভগবদ্গীতামালামন্ত্রস্য
ভগবান্বেদব্যাস ঋষিঃ ॥ অনুষ্টুপ্ ছন্দঃ ॥
শ্রীকৃষ্ণ পরমাত্মা দেবতা ॥
অশোচ্যানন্বশোচস্ত্বং প্রজ্ঞাবাদাংশ্চ ভাষসে ইতি বীজম্ ॥
সর্বধর্মান্ পরিত্যজ্য মামেকং শরণং ব্রজ ইতি শক্তিঃ ॥
অহং ৎবা সর্বপাপেভ্যো মোক্ষয়িষ্যামি মা শুচ ইতি কীলকম্ ॥
নৈনং ছিন্দন্তি শস্ত্রাণি নৈনং দহতি
পাবক ইত্যঙ্গুষ্ঠাভ্যাং নমঃ ॥
ন চৈনং ক্লেদয়ন্ত্যাপো ন শোষয়তি মারুত ইতি তর্জনীভ্যাং নমঃ ॥
অচ্ছেদ্যোঽয়মদাহ্যোঽয়মক্লেদ্যোঽশোষ্য
এব চ ইতি মধ্যমাভ্যাং নমঃ ॥
নিত্যঃ সর্বগতঃ স্থাণুরচলোঽয়ং সনাতন ইত্যনামিকাভ্যাং নমঃ ॥
পশ্য মে পার্থ্ রূপাণি শতশোঽথ
সহস্রশ ইতি কনিষ্ঠিকাভ্যাং নমঃ ॥
নানাবিধানি দিব্যানি নানাবর্ণাকৃতীনি
চ ইতি করতলকরপৃষ্ঠাভ্যাং নমঃ ॥
ইতি করন্যাসঃ ॥
অথ হৃদয়াদিন্যাসঃ ॥
নৈনং ছিন্দন্তি শস্ত্রাণি নৈনং দহতি
পাবক ইতি হৃদয়ায় নমঃ ॥
ন চৈনং ক্লেদয়ন্ত্যাপো ন শোষয়তি মারুত ইতি শিরসে স্বাহা ॥
অচ্ছেদ্যোঽয়মদাহ্যোঽয়মক্লেদ্যোঽশোষ্য
এব চেতি শিখায়ৈ বষট্ ॥
নিত্যঃ সর্বগতঃ স্থাণুরচলোঽয়ং সনাতন ইতি কবচায় হুম্ ॥
পশ্য মে পার্থ্ রূপাণি শতশোঽথ
সহস্রশ ইতি নেত্রত্রয়ায় বৌষট্ ॥
নানাবিধানি দিব্যানি নানাবর্ণাকৃতীনি
চেতি অস্ত্রায় ফট্ ॥
শ্রীকৃষ্ণপ্রীত্যর্থে পাঠে বিনিয়োগঃ ॥
ওঁ পার্থায় প্রতিবোধিতাং ভগবতা নারায়ণেন স্বয়ং
ব্যাসেন গ্রথিতাং পুরাণমুনিনা মধ্যে মহাভারতম্ ।
অদ্বৈতামৃতবর্ষিণীং ভগবতীমষ্টাদশাধ্যায়িনীং
অম্ব ৎবামনুসন্দধামি ভগবদ্গীতে ভবেদ্বেষিণীম্ ॥ ১ ॥
নমোঽস্তু তে ব্যাস বিশালবুদ্ধে ফুল্লারবিন্দায়তপত্রনেত্র ।
যেন ৎবয়া ভারততৈলপূর্ণঃ প্রজ্বালিতো জ্ঞানময়ঃ প্রদীপঃ ॥ ২ ॥
প্রপন্নপারিজাতায়তোত্রবেত্রৈকপাণয়ে ।
জ্ঞানমুদ্রায় কৃষ্ণায় গীতামৃতদুহে নমঃ ॥ ৩ ॥
বসুদেবসুতং দেবং কংসচাণূরমর্দনম্ ।
দেবকীপরমানন্দং কৃষ্ণং বন্দে জগদ্গুরুম্ ॥ ৪ ॥
ভীষ্মদ্রোণতটা জয়দ্রথজলা গান্ধারনীলোৎপলা
শল্যগ্রাহবতী কৃপেণ বহনী কর্ণেন বেলাকুলা ।
অশ্বত্থামবিকর্ণঘোরমকরা দুর্যোধনাবর্তিনী
সোত্তীর্ণা খলু পাণ্ডবৈ রণনদী কৈবর্তকঃ কেশবঃ ॥ ৫ ॥
পারাশর্যবচঃ সরোজমমলং গীতার্থগন্ধোৎকটং
নানাখ্যানককেসরং হরিকথাসম্বোধনাবোধিতম্ ।
লোকে সজ্জনষট্পদৈরহরহঃ পেপীয়মানং মুদা
ভূয়াদ্ভারতপঙ্কজং কলিমলপ্রধ্বংসি নঃ শ্রেয়সে ॥ ৬ ॥
মূকং করোতি বাচালং পঙ্গুং লঙ্ঘয়তে গিরিম্ ।
যৎকৃপা তমহং বন্দে পরমানন্দমাধবম্ ॥ ৭ ॥
অথ গীতামাহাত্ম্যম্ ।
গীতাশাস্ত্রমিদং পুণ্যং যঃ পঠেৎপ্রয়তঃ পুমান্ ।
বিষ্ণোঃ পদমবাপ্নোতি ভয়শোকাদিবর্জিতঃ ॥ ১ ॥
গীতাধ্যযনশীলস্য প্রাণায়ামপরস্য চ ।
নৈব সন্তি হি পাপানি পূর্বজন্মকৃতানি চ ॥ ২ ॥
মলনির্মোচনং পুংসাং জলস্নানং দিনে দিনে ।
সকৃদ্গীতাম্ভসি স্নানং সংসারমলনাশনম্ ॥ ৩ ॥
গীতা সুগীতা কর্তব্যা কিমন্যৈঃ শাস্ত্রবিস্তরৈঃ ।
যা স্বয়ং পদ্মনাভস্য মুখপদ্মাদ্বিনিঃসৃতা ॥ ৪ ॥
ভারতামৃতসর্বস্বং বিষ্ণোর্বক্ত্রাদ্বিনিঃসৃতম্ ।
গীতাগঙ্গোদকং পীৎবা পুনর্জন্ম ন বিদ্যতে ॥ ৫ ॥
সর্বোপনিষদো গাবো দোগ্ধা গোপাল নন্দনঃ ।
পার্থো বৎসঃ সুধীর্ভোক্তা দুগ্ধং গীতামৃতং মহৎ ॥ ৬ ॥
একং শাস্ত্রং দেবকীপুত্রগীতমেকো
দেবো দেবকীপুত্র এব ।
একো মন্ত্রস্তস্য নামানি যানি
কর্মাপ্যেকং তস্য দেবস্য সেবা ॥ ৭ ॥
শান্তাকারং ভুজগশয়নং পদ্মনাভং সুরেশং
বিশ্বাধারং গগনসদৃশং মেঘবর্ণং শুভাঙ্গম্ ।
লক্ষ্মীকান্তং কমলনয়নং যোগিভির্ধ্যানগম্যং
বন্দে বিষ্ণুং ভবভয়হরং সর্বলোকৈকনাথম্ ॥
যং ব্রহ্মা বরুণেন্দ্ররুদ্রমরুতঃ স্তুন্বন্তি দিব্যৈঃ স্তবৈঃ
বেদৈঃ সাঙ্গপদক্রমোপনিষদৈর্গায়ন্তি যং সামগাঃ ।
ধ্যানাবস্থিততদ্গতেন মনসা পশ্যন্তি যং যোগিনো
যস্যান্তং ন বিদুঃ সুরাসুরগণা দেবায় তস্মৈ নমঃ ॥ ৮ ॥
॥ ইতি ধ্যানম্ ॥
– Chant Stotra in Other Languages –
Bhagavad Gita Mahatmayam and Dhyanamantra in Sanskrit – English – Bengali – Gujarati – Kannada – Malayalam – Odia – Telugu – Tamil