Bodhya Gita In Gujarati

॥ Bodhya Geetaa Gujarati Lyrics ॥

॥ બોધ્યગીતા ॥
ભીમ ઉવાચ ।
અત્રાપ્યુદાહરન્તીમમિતિહાસં પુરાતનમ્ ।
ગીતં વિદેહરાજેન જનકેન પ્રશામ્યતા ॥ ૧ ॥

અનન્તં બત મે વિત્તં યસ્ય મે નાસ્તિ કિં ચન ।
મિથિલાયાં પ્રદીપ્તાયાં ન મે દહ્યતિ કિં ચન ॥ ૨ ॥

અત્રૈવોદાહરન્તીમં બોધ્યસ્ય પદસઞ્ચયમ્ ।
નિર્વેદં પ્રતિ વિન્યસ્તં પ્રતિબોધ યુધિષ્ઠિર ॥ ૩ ॥

બોધ્યં દાન્તમૃષિં રાજા નહુષઃ પર્યપૃચ્છત ।
નિર્વેદાચ્છાન્તિમાપન્નં શાન્તં પ્રજ્ઞાન તર્પિતમ્ ॥ ૪ ॥

ઉપદેશં મહાપ્રાજ્ઞ શમસ્યોપદિશસ્વ મે ।
કાં બુદ્ધિં સમનુધ્યાય શાન્તશ્ચરસિ નિર્વૃતઃ ॥ ૫ ॥

બોધ્ય ઉવાચ ।
ઉપદેશેન વર્તામિ નાનુશાસ્મીહ કઞ્ચન ।
લક્ષણં તસ્ય વક્ષ્યેઽહં તત્સ્વયં પરિમૃશ્યતામ્ ॥ ૬ ॥

પિઙ્ગલા કુરરઃ સર્પઃ સારઙ્ગાન્વેષણં વને ।
ઇષુકારઃ કુમારી ચ ષડેતે ગુરવો મમ ॥ ૭ ॥

ભીમ ઉવાચ ।
આશા બલવતી રાજન્નૈરાશ્યં પરમં સુખમ્ ।
આશાં નિરાશાં કૃત્વા તુ સુખં સ્વપિતિ પિઙ્ગલા ॥ ૮ ॥

સામિષં કુરરં દૃષ્ટ્વા વધ્યમાનં નિરામિષૈઃ ।
આમિષસ્ય પરિત્યાગાત્ કુરરઃ સુખમેધતે ॥ ૯ ॥

ગૃહારમ્ભો હિ દુઃખાય ન સુખાય કદાચન ।
સર્પઃ પરકૃતં વેશ્મ પ્રવિશ્ય સુખમેધતે ॥ ૧૦ ॥

See Also  Uddhava Gita In Malayalam

સુખં જીવન્તિ મુનયો ભૈક્ષ્યવૃત્તિં સમાશ્રિતાઃ ।
અદ્રોહેનૈવ ભૂતાનાં સારઙ્ગા ઇવ પક્ષિણઃ ॥ ૧૧ ॥

ઇષુકારો નરઃ કશ્ચિદિષાવાસક્તમાનસઃ ।
સમીપેનાપિ ગચ્છન્તં રાજાનં નાવબુદ્ધવાન્ ॥ ૧૨ ॥

બહૂનાં કલહો નિત્યં દ્વયોઃ સંકથનં ભવેત્ ।
એકાકી વિચરિષ્યામિ કુમારીશંખકો યથા ॥ ૧૩ ॥

ઇતિ બોદ્ધ્યગીતા સમાપ્તા ॥

– Chant Stotra in Other Languages –

Bodhya Gita in SanskritEnglishBengali – Gujarati – KannadaMalayalamOdiaTeluguTamil