॥ Brahma Geetaa Skanda Purana Bengali Lyrics ॥
॥ ব্রহ্মগীতা স্কন্দপুরাণান্তর্গতা ॥
শ্রীস্কন্দপুরাণে সূতসংহিতায়াং চতুর্থস্য
যজ্ঞবৈভবখণ্ডস্যোপরিভাগে ব্রহ্মগীতাসূপনিষৎসু
ব্রহ্মগীতির্নাম প্রথমোঽধ্যায়ঃ ॥ ১-৬০
বেদার্থবিচারো নাম দ্বিতীয়োঽধ্যায়ঃ ॥ ১-৬০
সাক্ষিশিবস্বরূপকথনং নাম তৃতীয়োঽধ্যযঃ ॥ ১-১১৮
তলবকারোপনিষদ্ব্যাখ্যাকথনং নাম চতুর্থোঽধ্যায়ঃ ॥ ১-১৫৪
আদেশকথনং নাম পঞ্চমোঽধ্যায়ঃ ॥ ১-১৯৬
দহরোপাসনবিবরণং নাম ষষ্ঠোঽধ্যায়ঃ ॥ ১-৫৮
বস্তুস্বরূপবিচারো নাম সপ্তমোঽধ্যায়ঃ ॥ ১-৯৫
কৈবল্যোপনিষদ্বিবরণে তত্ত্ববেদনবিধির্নামাষ্টমোঽধ্যায়ঃ ১-৫৫
বৃহাদারণ্যকোপনিষদ্ব্যাখ্যানে নবমোঽধ্যায়ঃ ॥ ১-৫৭
বৃহাদারণ্যকব্যাখ্যাকথনং নাম দশমোঽধ্যায়ঃ ॥ ১-৫৬
কঠবল্লীশ্বেতাশ্বেতরব্যাখ্যায়ামেকাদশোঽধ্যায়ঃ ॥ ১-৭২
শিবস্যাহম্প্রত্যায়াশ্রৎবং নাম দ্বাদশোঽধ্যায়ঃ ॥ ১-৭৭
॥ অথ প্রারভ্যতে স্কন্দপুরাণান্তর্গতসূতসংহিতায়াং ব্রহ্মগীতা ॥
॥ প্রথমোঽধ্যায়ঃ ॥
। ব্রহ্মগীতিঃ ।
মুনয় ঊচুঃ –
ভবতা সর্বমাখ্যাতং সঙ্ক্ষেপাদ্বিস্তরাদপি ।
ইদানীং শ্রোতুমিচ্ছামো ব্রহ্মগীতামনুত্তমাম্ ॥ ১॥
সর্ববিজ্ঞানরত্নানামাকরস্য মহাত্মনঃ ।
কৃষ্ণদ্বৈপায়নস্যৈব ভবাঞ্ছিষ্যঃ সুশিক্ষিতঃ ॥ ২॥
ৎবয়ৈবাবিদিতং কিঞ্চিন্নাস্তি সত্যং প্রভাষিতম্ ।
যদি প্রসন্নো ভগবাংস্তন্নো বক্তুমিহার্হসি ॥ ৩॥
সূত উবাচ –
বক্ষ্যে তামাদরেণৈব ব্রহ্মগীতামনুত্তমাম্ ।
শ্রদ্ধয়া সহিতা যূয়ং শৃণুত ব্রহ্মবিত্তমাঃ ॥ ৪॥
পুরা কল্পান্তরে দেবাঃ সর্বে সম্ভূয় সাদরম্ ।
বিচার্য সুচিরং কালং বেদানামর্থমুত্তমম্ ॥ ৫॥
সংশয়াবিষ্টচিত্তাস্তু তপস্তপ্ত্বা মহত্তরম্ ।
অভিজগ্মুর্বিধাতারং প্রষ্টুং দেবা মুনীশ্বরাঃ ॥ ৬॥
যত্রাস্তে জগতাং নাথঃ সর্বজ্ঞঃ সর্ববিৎপ্রভুঃ ।
মহাকারুণিকঃ শ্রীমান্ব্রহ্মা ভক্তহিতে রতঃ ॥ ৭॥
মেরুশৃঙ্গে বরে রম্যে সর্বয়োগিসমাবৃতে ।
যক্ষরাক্ষসগন্ধর্বসিদ্ধাদ্যৈশ্চ সুসেবিতে ॥ ৮॥
নানারত্নসমাকীর্ণে নানাধাতুবিচিত্রিতে ।
শকুন্তসঙ্ঘসঙ্ঘৃষ্টে নানাতীর্থসমাবৃতে ॥ ৯॥
গুহাকোটিসমায়ুক্তে গিরিপ্রস্রবণৈর্যুতে ।
মধুরাদিরসৈঃ ষড্ভিঃ সমৃদ্ধেঽতীব শোভনে ॥ ১০॥
তত্র ব্রহ্মবনং নাম শতয়োজনমায়তম্ ।
শতয়োজনবিস্তীর্ণং দীর্ঘিকাভিঃ সুসংয়ুতম্ ॥ ১১॥
নানাপশুসমায়ুক্তং নানাপক্ষিসমাকুলম্ ।
স্বাদুপানীয়সংয়ুক্তং ফলমূলৈশ্চ সংয়ুতম্ ॥ ১২॥
ভ্রমদ্ভ্রমরসঞ্ছন্নসুগন্ধকুসুমদ্রুমম্ ।
মন্দানিলসমায়ুক্তং মন্দাতপসমায়ুতম্ ॥ ১৩॥
নিশাকরকরৈর্যুক্তং বনমস্তি মহত্তরম্ ।
তত্র জাম্বূনদময়ং তরুণাদিত্যসন্নিভম্ ॥ ১৪॥
নবপ্রাকারসংয়ুক্তমশীতিদ্বারসংয়ুতম্ ।
মহাবলসমোপেতৈর্দ্বারপালৈশ্চ কোটিভিঃ ॥ ১৫॥
খড্গতোমরচাপাদিশস্ত্রয়ুক্তৈশ্চ রক্ষিতম্ ।
পুষ্পপ্রকরসঙ্কীর্ণং পূর্ণকুম্ভৈশ্চ সংয়ুতম্ ॥ ১৬॥
জ্বলদ্দীপৈঃ সমায়ুক্তং পুষ্পমালাবিরাজিতম্ ।
বিচিত্রচিত্রসংয়ুক্তভিত্তিকোটিসুশোভিতম্ ॥ ১৭॥
মুক্তাদামসমায়ুক্তং বিতানৈর্মৌক্তিকৈর্যুতম্ ।
অভ্রগামিধ্বজৈর্যুক্তং প্রাংশুতোরণসংয়ুতম্ ॥ ১৮॥
নৃত্যগীতাদিভির্যুক্তমপ্সরোগণসেবিতম্ ।
নানাবিধমহাবাদ্যৈর্নানাতালৈশ্চ সংয়ুতম্ ॥ ১৯॥
মৃদুমধ্যোগ্রশব্দাঢ্যং নানাকাহলসংয়ুতম্ ।
বেদঘোষসমায়ুক্তং স্মৃতিঘোষসমন্বিতম্ ॥ ২০॥
পুরাণঘোষসংয়ুক্তমিতিহাসরবান্বিতম্ ।
সর্ববিদ্যারবৈর্যুক্তং সর্বজ্ঞৈশ্চ সমাবৃতম্ ॥ ২১॥
অগাধজলপর্যন্তমবরোধসমন্বিতম্ ।
রথকোটিসমায়ুক্তং কোটিকোটিগজাবৃতম্ ॥ ২২॥
কোটিকোটিসহস্রৈশ্চ মহাশ্বৈশ্চ বিরাজিতম্ ।
অস্ত্রশস্ত্রাদিসংয়ুক্তৈরসঙ্খ্যাতবলান্বিতৈঃ ॥ ২৩॥
অসঙ্খ্যাতৈর্ভটৈর্নিত্যং রক্ষিতং পুরমুত্তমম্ ।
অস্তি পুণ্যবতাং প্রাপ্যমপ্রাপ্যং পাপকর্মণাম্ ॥ ২৪॥
তস্মিন্নন্তঃপুরে শুদ্ধে সহস্রস্থূণসংয়ুতে ।
সর্বলক্ষণসংয়ুক্তে সর্বালঙ্কারসংয়ুতে ॥ ২৫॥
মৃদুতোরণসংয়ুক্তে কল্পবৃক্ষসমন্বিতে ।
কণ্ঠীরবমুখৈর্যুক্তে ষট্পদস্বনসংয়ুতে ॥ ২৬॥
মৃদুতল্পসমোপেতে রত্ননির্মিতমণ্ডপে ।
দেব্যা চাপি সরস্বত্যা বর্ণবিগ্রহয়া সহ ॥ ২৭॥
সর্বশব্দার্থভূতস্তু ব্রহ্মা নিবসতি প্রভুঃ ।
তত্র দেবা দ্বিজা গৎবা দদৃশুর্লোকনায়কম্ ॥ ২৮॥
নানারত্নসমোপেতং বিচিত্রমুকুটোজ্জ্বলম্ ।
রত্নকুণ্ডলসংয়ুক্তং প্রসন্নবদনং শুভম্ ॥ ২৯॥
নানারত্নসমোপেতহারাভরণভূষিতম্ ।
মহার্হমণিসংয়ুক্তকেয়ূরকরসংয়ুতম্ ॥ ৩০॥
বিচিত্রকটকোপেতমঙ্গুলীয়কশোভিতম্ ।
উত্তরীয়কসংয়ুক্তং শুক্লয়জ্ঞোপবীতিনম্ ॥ ৩১॥
নানারত্নসমোপেতং তুন্দবন্ধবিরাজিতম্ ।
চন্দনাগরুকর্পূরক্ষোদদিগ্ধতনূরুহম্ ॥ ৩২॥
সুগন্ধকুসুমোৎপন্ননানামালাবিভূষিতম্ ।
শুক্লবস্ত্রপরীধানং তপ্তজাম্বূনদপ্রভম্ ॥ ৩৩॥
স্বভাসা সকলং নিত্যং ভাসয়ন্তং পরাৎপরম্ ।
সুরাসুরমুনীন্দ্রৈশ্চ বন্দ্যমানপদাম্বুজম্ ॥ ৩৪॥
তং দৃষ্ট্বা সর্বকর্তারং সাক্ষিণং তমসঃ পরম্ ।
মহাপ্রীতিসমোপেতাঃ প্রসন্নবদনেক্ষণাঃ ॥ ৩৫॥
সঞ্জাতপুলকৈর্যুক্তা বিবশা গদ্গদস্বরাঃ ।
প্রকাশিতসুখাব্ধ্যন্তর্নিমগ্না নির্মলাবৃতম্ ॥ ৩৬॥
নিরস্তনিখিলধ্বান্তাঃ প্রণম্য বসুধাতলে ।
শিরস্যঞ্জলিমাধায় সর্বে দেবাঃ সমাহিতাঃ ॥ ৩৭॥
তুষ্টুবুর্হৃষ্টমীশানং সর্বলোকপিতামহম্ ।
মুক্তিদং পুণ্যনিষ্ঠানাং দুঃখদং পাপকর্মণাম্ ॥ ৩৮॥
দেবা ঊচুঃ –
ব্রহ্মণে ব্রহ্মবিজ্ঞানদুগ্ধোদধিবিধায়িনে ।
ব্রহ্মতত্ত্বদিদৃক্ষূণাং ব্রহ্মদায় নমো নমঃ ॥ ৩৯॥
কষ্টসাগরমগ্নানাং সংসারোত্তারহেতবে ।
সাক্ষিণে সর্বভূতানাং সাক্ষ্যহীনায় বৈ নমঃ ॥ ৪০॥
সর্বধাত্রে বিধাত্রে চ সর্বদ্বন্দ্বাপহারিণে ।
সর্বাবস্থাসু সর্বেষাং সাক্ষিণে বৈ নমো নমঃ ॥ ৪১॥
পরাৎপরবিহীনায় পরায় পরমেষ্ঠিনে ।
পরিজ্ঞাতবতামাত্মস্বরূপায় নমো নমঃ ॥ ৪২॥
পদ্মজায় পবিত্রায় পদ্মনাভসুতায় চ ।
পদ্মপুষ্পেণ পূজ্যায় নমঃ পদ্মধরায় চ ॥ ৪৩॥
সুরজ্যেষ্ঠায় সূর্যাদিদেবতাতৃপ্তিকারিণে ।
সুরাসুরনরাদীনাং সুখদায় নমো নমঃ ॥ ৪৪॥
বেধসে বিশ্বনেত্রায় বিশুদ্ধজ্ঞানরূপিণে ।
বেদবেদ্যায় বেদান্তবিধয়ে বৈ নমো নমঃ ॥ ৪৫॥
বিধয়ে বিধিহীনায় বিধিবাক্যবিধায়িনে ।
বিধ্যুক্তকর্মনিষ্ঠানাং নমো বিদ্যাপ্রদায়িনে ॥ ৪৬॥
বিরিঞ্চায় বিশিষ্টায় বিশিষ্টার্তিহরায় চ ।
বিষণ্ণানাং বিষাদাব্ধিবিনাশায় নমো নমঃ ॥ ৪৭॥
নমো হিরণ্যগর্ভায় হিরণ্যগিরিবর্তিনে ।
হিরণ্যদানলভ্যায় হিরণ্যাতিপ্রিয়ায় চ ॥ ৪৮॥
শতানন্দায় শান্তায় শাঙ্করজ্ঞানদায়িনে ।
শমাদিসহিতস্যৈব জ্ঞানদায় নমো নমঃ ॥ ৪৯॥
শম্ভবে শম্ভুভক্তানাং শঙ্করায় শরীরিণাম্ ।
শাঙ্করজ্ঞানহীনানাং শত্রবে বৈ নমো নমঃ ॥ ৫০॥
নমঃ স্বয়ম্ভুবে নিত্যং স্বয়ম্ভুব্রহ্মদায়িনে ।
স্বয়ং ব্রহ্মস্বরূপায় স্বতন্ত্রায় পরাত্মনে ॥ ৫১॥
দ্রুহিণায় দুরাচারনিরতস্য দুরাত্মনঃ ।
দুঃখদায়ান্যজন্তূনামাত্মদায় নমো নমঃ ॥ ৫২॥
বন্দ্যহীনায় বন্দ্যায় বরদায় পরস্য চ ।
বরিষ্ঠায় বরিষ্ঠানাং চতুর্বক্ত্রায় বৈ নমঃ ॥ ৫৩॥
প্রজাপতিসমাখ্যায় প্রজানাং পতয়ে সদা ।
প্রাজাপত্যবিরক্তস্য নমঃ প্রজ্ঞানদায়িনে ॥ ৫৪॥
পিতামহায় পিত্রাদিকল্পনারহিতায় চ ।
পিশুনাগম্যদেহায় পেশলায় নমো নমঃ ॥ ৫৫॥
জগৎকর্ত্রে জগদ্গোপ্ত্রে জগদ্ধন্ত্রে পরাত্মনে ।
জগদ্দৃশ্যবিহীনায় চিন্মাত্রজ্যোতিষে নমঃ ॥ ৫৬॥
বিশ্বোত্তীর্ণায় বিশ্বায় বিশ্বহীনায় সাক্ষিণে ।
স্বপ্রকাশৈকমানায় নমঃ পূর্ণপরাত্মনে ॥ ৫৭॥
স্তুত্যায় স্তুতিহীনায় স্তোত্ররূপায় তত্ত্বতঃ ।
স্তোতৄণামপি সর্বেষাং সুখদায় নমো নমঃ ॥ ৫৮॥
সূত উবাচ –
এবং ব্রহ্মাণমাদিত্যাঃ স্তুৎবা ভক্তিপুরঃসরম্ ।
পৃষ্টবন্তস্তু সর্বেষাং বেদানামর্থমাদরাৎ ॥ ৫৯॥
ব্রহ্মাঽপি ব্রহ্মবিন্মুখ্যঃ সর্ববেদৈরভিষ্টুতঃ ।
প্রাহ গম্ভীরয়া বাচা বেদানামর্থমুত্তমম্ ॥ ৬০॥
ইতি শ্রীস্কন্দপুরাণে সূতসংহিতায়াং চতুর্থস্য
যজ্ঞবৈভবখণ্ডস্যোপরিভাগে ব্রহ্মগীতাসূপনিষৎসু
ব্রহ্মগীতির্নাম প্রথমোঽধ্যায়ঃ ॥ ১॥
॥ অথ দ্বিতীয়োঽধ্যায়ঃ ॥
॥ বেদার্থবিচারঃ ॥
ব্রহ্মোবাচ –
অবাচ্য এব বেদার্থঃ সর্বথা সর্বচেতনৈঃ ।
তথাঽপি বক্ষ্যে ভক্তানাং যুষ্মাকং শৃণুতাদরাৎ ॥ ১॥
আত্মসংজ্ঞঃ শিবঃ শুদ্ধ এক এবাদ্বয়ঃ সদা ।
অগ্রে সর্বমিদং দেবা আসীত্তন্মাত্রমাস্তিকাঃ ॥ ২॥
ততো নান্যন্মিষৎকিঞ্চিৎস পুনঃ কালপাকতঃ ।
প্রাণিনাং কর্মসংস্কারাৎস্বশক্তিগতসত্ত্বতঃ ॥ ৩॥
স ঐক্ষত জগৎসর্বং নু সৃজা ইতি শঙ্করঃ ।
স পুনঃ সকলানেতাঁল্লোকানাত্মীয়শক্তিতঃ ॥ ৪॥
যথাপূর্বং ক্রমেণৈব সুরা অসৃজত প্রভুঃ ।
তং হরং কেচিদিচ্ছন্তি কেচিদ্বিষ্ণুং সুরোত্তমাঃ ॥ ৫॥
কেচিন্মামেব চেচ্ছন্তি কেচিদিন্দ্রাদিদেবতাঃ ।
কেচিৎপ্রধানং ত্রিগুণং স্বতন্ত্রং কেবলং জডম্ ॥ ৬॥
অণবঃ কেচিদিচ্ছন্তি শব্দং কেচন মোহিতাঃ ।
ক্ষণপ্রধ্বংসিবিজ্ঞানং কেচন ভ্রান্তচেতসঃ ॥ ৭॥
শূন্যসংজ্ঞং সুরাঃ কেচিন্নিরুপাখ্যং বিমোহিতাঃ ।
কেচিদ্ভূতানি চেচ্ছন্তি নিসর্গং কেচন ভ্রমাৎ ॥ ৮॥
তত্র তত্রৈব তর্কাংশ্চ প্রবদন্তি যথাবলম্ ।
সর্বে বাদাঃ শ্রুতিস্মৃত্যোর্বিরুদ্ধা ইতি মে মতিঃ ॥ ৯॥
পাপিষ্ঠানাং তু জন্তূনাং তত্র তত্র সুরর্ষভাঃ ।
প্রাক্সংসারবশাদেব জায়তে রুচিরাস্তিকাঃ ॥ ১০॥
তেঽপি কালবিপাকেন শ্রদ্ধয়া পূতয়াঽপি চ ।
পুরাতনেন পুণ্যেন দেবতানাং প্রসাদতঃ ॥ ১১॥
কালেন মহতা দেবাঃ সোপানক্রমতঃ পুনঃ ।
বেদমার্গমিমং মুখ্যং প্রাপ্নুবন্তি চিরন্তনম্ ॥ ১২॥
প্রাক্সংসারবশাদেব যে বিচিন্ত্য বলাবলে ।
বিবশা বেদমাপন্নাস্তেঽপি কৈবল্যভাগিনঃ ॥ ১৩॥
বেদমার্গমিমং মুক্ত্বা মার্গমন্যং সমাশ্রিতঃ ।
হস্তস্থং পায়সং ত্যক্ত্বা লিহেৎকূর্পরমাত্মনঃ ॥ ১৪॥
বিদা বেদেন জন্তূনাং মুক্তির্মার্গান্তরেণ চেৎ ।
তমসাঽপি বিনা লোকং তে পশ্যন্তি ঘটাদিকম্ ॥ ১৫॥
তস্মাদ্বেদোদিতো হ্যর্থঃ সত্যং সত্যং ময়োদিতম্ ।
অন্যেন বেদিতো হ্যর্থো ন সত্যঃ পরমার্থতঃ ॥ ১৬॥
পরমার্থো দ্বিধা প্রোক্তো ময়া হে স্বর্গবাসিনঃ ।
একঃ স্বভাবতঃ সাক্ষাৎপরমার্থঃ সদৈব তু ॥ ১৭॥
স শিবঃ সত্যচৈতন্যসুখানন্তস্বলক্ষণঃ ।
অপরঃ কল্পিতঃ সাক্ষাদ্ব্রহ্মণ্যধ্যস্তমায়যা ॥ ১৮॥
কল্পিতানামবস্তূনাং মধ্যে কেচন মায়যা ।
পরমার্থতয়া ক্লৃপ্তাঃ ব্যবহারে সুরর্ষভাঃ ॥ ১৯॥
ব্যবহারে তু সঙ্ক্লৃপ্তাঃ কেচনাপরমার্থতঃ ।
আকাশাদি জগচ্ছুক্তিরূপে তে কথিতে ময়া ॥ ২০॥
ব্যাবহারিকসত্যার্থং সাক্ষাৎসত্যার্থচিদ্ঘনম্ ।
উভয়ং বক্তি বেদস্তু মার্গা নৈবং বদন্তি হি ॥ ২১॥
স্বপ্নাবস্থাসু সঙ্ক্লৃপ্তসত্যার্থেন সমানিমান্ ।
অর্থানেবামনন্ত্যন্যে মার্গা হে স্বর্গবাসিনঃ ॥ ২২॥
জাগ্রৎকালে তু সঙ্ক্লৃপ্তসত্যার্থেন সমানিমান্ ।
মার্গা এবামনন্ত্যর্থা কা কথা সত্যচিদ্ঘনে ॥ ২৩॥
তস্মাদেকৈকয়া দৃষ্ট্যা মার্গাঃ সত্যার্থভাষিণঃ ।
দৃষ্ট্যান্তরেণ তে ভ্রান্তা ইতি সম্যঙ্নিরূপণম্ ॥ ২৪॥
চৈতন্যাপেক্ষয়া চেত্যং ব্যোমাদি সকলং জগৎ ।
অসত্যং সত্যরূপং তৎকুম্ভকুড্যাদ্যপেক্ষয়া ॥ ২৫॥
কুম্ভকুড্যাদয়ো ভাবা অপি ব্যোমাদ্যপেক্ষয়া ।
অসত্যাঃ সত্যরূপাস্তে শুক্তিরূপাদ্যপেক্ষয়া ॥ ২৬॥
জাগ্রদিত্যুদিতাবস্থামপেক্ষ্য স্বপনাভিধা ।
অবস্থাঽসত্যরূপা হি ন সত্যা হি দিবৌকসঃ ॥ ২৭॥
তথাঽপি স্বপ্নদৃষ্টং তু বস্তু স্বর্গনিবাসিনঃ ।
সূচকং হি ভবত্যেব জাগ্রৎসত্যার্থসিদ্ধয়ে ॥ ২৮॥
তথৈব মার্গাঃ সুভ্রান্তা অপি বেদোদিতস্য তু ।
অর্থস্য প্রাপ্তিসিদ্ধ্যার্থা ভবন্ত্যেব ন সংশয়ঃ ॥ ২৯॥
তস্মাদ্বেদেতরা মার্গা নৈব ত্যাজ্যা নিরূপণে ।
বেদনিষ্ঠস্তু তান্মার্গান্কদাচিদপি ন স্পৃশেৎ ॥ ৩০॥
বেদনিষ্ঠস্তু মার্গাংস্তান্মোহেনাপি স্পৃশেদ্যদি ।
প্রায়শ্চিত্তী ভবত্যেব নাত্র কার্যা বিচারণা ॥ ৩১॥
একস্যামপি তৈঃ সার্ধং পঙ্ক্তৌ বেদৈকসংস্থিতঃ ।
মোহেনাপি ন ভুঞ্জীত ভুক্ত্বা চান্দ্রায়ণং চরেৎ ॥ ৩২॥
ইজ্যাদানবিবাহাদিকার্যমধ্যযনং শ্রুতেঃ ।
যদি তৈর্মোহতঃ কুর্যাৎকুর্যাচ্চান্দ্রায়ণত্রয়ম্ ॥ ৩৩॥
ধর্মাধর্মাদিবিজ্ঞানং নাদদীত শ্রুতৌ স্থিতঃ ।
তেভ্যো মোহাদপি প্রাজ্ঞাঃ শ্রেয়স্কামী কদাচন ॥ ৩৪॥
বেদবাহ্যেষু মার্গেষু সংস্কৃতা যে নরাঃ সুরাঃ ।
তে হি পাষণ্ডিনঃ সাক্ষাত্তথা তৈঃ সহবাসিনঃ ॥ ৩৫॥
কলৌ জগদ্বিধাতারং শিবং সত্যাদিলক্ষণম্ ।
নার্চয়িষ্যন্তি বেদেন পাষণ্ডোপহতা জনাঃ ॥ ৩৬॥
বেদসিদ্ধং মহাদেবং সাম্বং চন্দ্রার্ধশেখরম্ ।
নার্চয়িষ্যন্তি বেদেন পাষণ্ডোপহতা জনাঃ ॥ ৩৭॥
বেদোক্তেনৈব মার্গেণ ভস্মনেব ত্রিপুণ্ড্রকম্ ।
ধূলনং নাচরিষ্যন্তি পাষণ্ডোপহতা জনাঃ ॥ ৩৮॥
রুদ্রাক্ষধারণং ভক্ত্যা বেদোক্তেনৈবে বর্ত্মনা ।
ন করিষ্যন্তি মোহেন পাষণ্ডোপহতা জনাঃ ॥ ৩৯॥
লিঙ্গে দিনে দিনে দেবং শিবরুদ্রাদিসংজ্ঞিতম্ ।
নার্চয়িষ্যন্তি বেদেন পাষণ্ডোপহতা জনাঃ ॥ ৪০॥
দেবকার্যং ন কুর্বন্তি পিতৃকার্যং বিশেষতঃ ।
ঔপাসনং ন কুর্বন্তি পাষণ্ডোপহতা জনাঃ ॥ ৪১॥
পঞ্চয়জ্ঞং ন কুর্বন্তি তথৈবাতিথিপূজনম্ ।
বৈশ্বদেবং ন কুর্বন্তি পাষণ্ডোপহতা জনাঃ ॥ ৪২॥
বেদবাহ্যেন মার্গেণ পূজয়ন্তি জনার্দনম্ ।
নিন্দন্তি শঙ্করং মোহাৎপাষণ্ডোপহতা জনাঃ ॥ ৪৩॥
ব্রহ্মাণং কেশবং রুদ্রং ভেদভাবেন মোহিতাঃ ।
পশ্যন্ত্যেকং ন জানন্তি পাষণ্ডোপহতা জনাঃ ॥ ৪৪॥
অদক্ষিণমনভ্যঙ্গমধৌতচরণং তথা ।
কুর্বন্ত্যনগ্নিকং শ্রাদ্ধং পাষণ্ডোপহতা জনাঃ ॥ ৪৫॥
একাদশ্যামথাষ্টম্যাং চতুর্দশ্যাং বিশেষতঃ ।
উপবাসং ন কুর্বন্তি পাষণ্ডোপহতা জনাঃ ॥ ৪৬॥
শতরুদ্রীয়চমকৈস্তথা পৌরুষসূক্তকৈঃ ।
নাভিষিঞ্চন্তি দেবেশং পাষণ্ডোপহতা জনাঃ ॥ ৪৭॥
চিরন্তনানি স্থানানি শিবস্য পরমাত্মনঃ ।
ন দ্রক্ষ্যন্তি মহাভক্ত্যা পাষণ্ডোপহতা জনাঃ ॥ ৪৮॥
শ্রীমদ্দক্ষিণকৈলাসে বর্তনং শ্রদ্ধয়া সহ ।
বৎসরং ন করিষ্যন্তি পাষণ্ডোপহতা জনাঃ ॥ ৪৯॥
শ্রীমদ্ব্যাঘ্রপুরে পুণ্যে বর্তনং ভুক্তিমুক্তিদম্ ।
বৎসরং ন করিষ্যন্তি পাষণ্ডোপহতা জনাঃ ॥ ৫০॥
অন্যেষু চ বিশিষ্টেষু শিবস্থানেষু বর্তনম্ ।
বৎসরং ন করিষ্যন্তি পাষণ্ডোপহতা জনাঃ ॥ ৫১॥
দিনে দিনে তু বেদান্তমহাবাক্যার্থনির্ণয়ম্ ।
আচার্যান্ন করিষ্যন্তি পাষণ্ডোপহতা জনাঃ ॥ ৫২॥
সন্ন্যাসং পরহংসাখ্যং নাঙ্গীকুর্বন্তি মোহিতাঃ ।
প্রদ্বেষং চ করিষ্যন্তি পাষণ্ডোপহতা জনাঃ ॥ ৫৩॥
অন্যানি যানি কর্মাণি বেদেনৈবোদিতানি তু ।
নাচরিষ্যন্তি তান্যেব পাষণ্ডোপহতা জনাঃ ॥ ৫৪॥
স্মার্তান্যপি চ কর্মাণি যানি যানি সুরোত্তমাঃ ।
নাচরিষ্যন্তি তান্যেব পাষণ্ডোপহতা জনাঃ ॥ ৫৫॥
ঊর্ধ্বপুণ্ড্রং ললাটে তু বর্তুলং চার্ধচন্দ্রকম্ ।
ধারয়িষ্যন্তি মোহেন পাষণ্ডোপহতা জনাঃ ॥ ৫৬॥
শঙ্খচক্রগদাবজ্রৈরঙ্কনং বিগ্রহে স্বকে ।
মোহেনৈব করিষ্যন্তি পাষণ্ডোপহতা জনাঃ ॥ ৫৭॥
মনুষ্যাণাং চ নাম্না তু তেষামাকারতোঽপি চ ।
লাঞ্ছিতাশ্চ ভবিষ্যন্তি পাষণ্ডোপহতা জনাঃ ॥ ৫৮॥
বহুনোক্তেন কিং বেদমর্যাদাভেদনং সুরাঃ ।
শ্রদ্ধয়ৈব করিষ্যন্তি পাষণ্ডোপহতা জনাঃ ॥ ৫৯॥
ধীরা বিশিষ্টাশ্চ মহেশ্বরস্য
প্রসাদয়ুক্তাশ্চ মহত্তমাশ্চ ।
বেদোদিতং কেবলমেব দেবা
মুদা করিষ্যন্তি বিমুক্তিসিদ্ধ্যৈ ॥ ৬০॥
ইতি ব্রহ্মগীতাসূপনিষৎসু
বেদার্থবিচারো নাম দ্বিতীয়োঽধ্যায়ঃ ॥ ২॥
॥ অথ তৃতীয়োঽধ্যায়ঃ ॥
॥ সাক্ষিশিবস্বরূপকথনম্ ॥
ব্রহ্মোবাচ –
সর্বাত্মা শঙ্করো নাম সাক্ষ্যেব সকলস্য তু ।
সাক্ষ্যভাবে জগৎসাক্ষ্যং কথং ভাতি সুরোত্তমাঃ ॥ ১॥
স্বতো ভানবিহীনং হি জগৎসর্বং চরাচরম্ ।
জডতাঽজডতা চাস্য জগতো ভানবত্তয়া ॥ ২॥
ভানং বিজ্ঞানতো জন্যমিতি কৈশ্চিদুদীর্যতে ।
তন্ন সঙ্গতমেব স্যাজ্জন্যং চেজ্জডমেব তৎ ।
জডানামেব জন্যৎবং কুম্ভাদীনাং হি সম্মতম্ ॥ ৩॥
বিজ্ঞানং চাপি ভানস্য নৈবোৎপাদকমিষ্যতে ।
জ্ঞানস্য ভানরূপেণ পরিণামো ন সিধ্যতি ॥ ৪॥
অবিক্রিয়ৎবাজ্জ্ঞানস্য যদি তস্যাপি বিক্রিয়া ।
তর্হি ক্ষীরাদিবচ্চেত্যং ভবেত্তন্নৈব বেদনম্ ॥ ৫॥
তথা ভানস্য বিজ্ঞানং নৈবারম্ভকমিষ্যতে ।
অদ্রব্যৎবাদ্গুণৎবেন পরৈরঙ্গীকৃতৎবতঃ ॥ ৬॥
অসদ্রূপস্য ভানস্য জ্ঞানং নারম্ভকং ভবেৎ ।
বন্ধ্যাসূনোরপি জ্ঞানং তদা হ্যারম্ভকং ভবেৎ ॥ ৭॥
প্রাগসদ্রূপভানস্য জ্ঞানং নারম্ভকং ভবেৎ ।
অসতঃ প্রাক্ত্বপূর্বাণাং বিশেষাণামভাবতঃ ॥ ৮॥
অতো বিজ্ঞানজন্যৎবং নাস্তি ভানস্য সর্বদা ॥ ৯॥
জ্ঞানস্যাপি ন জন্যৎবমস্তি হে স্বর্গবাসিনঃ ।
উক্তন্যায়েন জন্যৎবপ্রতীতির্ভ্রান্তিরেব হি ॥ ১০॥
ভানস্যাপি তথা ভ্রান্তির্জন্যৎবপ্রতিভা সুরাঃ ।
ভাবৎবে সত্যজন্যৎবাদ্ভানং নিত্যং সুরোত্তমাঃ ॥ ১১॥
যজ্জগদ্ভাসকং ভানং নিত্যং ভাতি স্বতঃ সুরাঃ ।
স এব জগতঃ সাক্ষী সর্বাত্মা শঙ্করাভিধঃ ॥ ১২॥
তেন কল্পিতসম্বন্ধাদজ্ঞানং ভাতি ন স্বতঃ ।
অজ্ঞানজন্যং চিত্তং চ রাগদ্বেষাদয়স্তথা ।
অজ্ঞানস্পৃষ্টচৈতন্যাদেবং ভান্তি ন চ স্বতঃ ॥ ১৩॥
প্রাণশ্চাপি তথা বাহ্যকরণানি বপুস্তথা ।
চিত্তবৃত্ত্যভিসম্বন্ধদ্বারেণৈব দৃগন্বয়াৎ ॥ ১৪॥
বিভান্তি ন স্বতো বাহ্যবিষয়াশ্চ তথৈব চ ॥ ১৫॥
অনুমানাদিবৃত্তিস্থং চৈতন্যং সুরসত্তমাঃ ।
অর্থানামপি কেষাং চিদ্ভাসকং তেন শঙ্করঃ ॥ ১৬॥
সর্বাবভাসকঃ প্রোক্তস্তেন ভাতমিদং জগৎ ।
অতো রূপাণি তেনৈব পশ্যতীশেন মানবঃ ॥ ১৭॥
শৃণোত্যনেন শব্দাংশ্চ গন্ধানাজিঘ্রতি প্রিয়ান্ ।
অনেনৈব সদা বাচং ব্যাকরোতি তু মানবঃ ।
অনেন স্বাদু চাস্বাদু বিজানাতি চ মানবঃ ॥ ১৮॥
শঙ্করাখ্যং তু বিজ্ঞানং বহুধা শব্দ্যতে বুধৈঃ ।
কেচিধৃদয়মিত্যাহুর্ব্রাহ্মণা হে সুরোত্তমাঃ ॥ ১৯॥
মন ইত্যপরে সন্তঃ সংজ্ঞানমিতি কেচন ।
আজ্ঞানমিতি বিদ্বাংসঃ কেচিদ্ধে স্বর্গবাসিনঃ ॥ ২০॥
বিজ্ঞানমিতি চাপ্যন্যে প্রজ্ঞানমিতি কেচন ।
মেধেতি ব্রাহ্মণাঃ কেচিদ্দৃষ্টিরিত্যপরে বুধাঃ ॥ ২১॥
ধৃতিরিত্যপরে প্রাজ্ঞা মতিরিত্যপি কেচন ।
মনীষেতি মহাপ্রাজ্ঞা জূতিরিত্যপরে বুধাঃ ॥ ২২॥
স্মৃতিরিত্যাস্তিকাঃ কেচিৎসঙ্কল্প ইতি কেচন ।
ক্রতুরিত্যপরে প্রাজ্ঞাঃ কাম ইত্যপরে জনাঃ ॥ ২৩॥
বশ ইত্যাস্তিকাঃ কেচিৎসর্বাণ্যেতানি সন্ততম্ ।
প্রজ্ঞানস্য শিবস্যাস্য নামধ্যেয়ান্যসংশয়ম্ ॥ ২৪॥
এষ ব্রহ্মৈষ এবেন্দ্র এষ এব প্রজাপতিঃ ।
এষ এব হি দেবাশ্চ ভূতানি ভবনানি চ ॥ ২৫॥
অণ্ডজা জারুজাশ্চৈব স্বেদজা উদ্ভিজা অপি ।
অশ্বা গাবশ্চ মর্ত্যাশ্চ হস্তিপূর্বাস্তথৈব চ ॥ ২৬॥
স্থাবরং জঙ্গমং চৈব তথাঽন্যদপি কিঞ্চন ।
সর্বমেতদয়ং শম্ভুঃ প্রজ্ঞানঘনলক্ষণঃ ॥ ২৭॥
প্রতিষ্ঠা সর্ববস্তূনাং প্রজ্ঞৈষা পারমেশ্বরী ।
প্রজ্ঞানমেব তদ্ব্রহ্ম শিবরুদ্রাদি সংজ্ঞিতম্ ॥ ২৮॥
এবংরূপপরিজ্ঞানাদেব মর্ত্যোঽমৃতো ভবেৎ ।
ন কর্মণা ন প্রজয়া ন চান্যেনাপি কেনচিৎ ॥ ২৯॥
ব্রহ্মবেদনমাত্রেণ ব্রহ্মাপ্নোত্যেব মানবঃ ।
অত্র নাস্ত্যেব সন্দেহস্ত্রির্বঃ শপথয়াম্যহম্ ॥ ৩০॥
তদ্বিদ্যাবিষয়ং ব্রহ্ম সত্যজ্ঞানসুখাদ্বয়ম্ ।
সংসারকে গুহাবাচ্যে মায়াজ্ঞানাদিসংজ্ঞিতে ।
নিহিতং ব্রহ্ম যো বেদ পরমব্যোমসংজ্ঞিতে ॥ ৩১॥
সোঽশ্নুতে সকলান্কামানক্রমেণ সুরর্ষভাঃ ।
বিদিতব্রহ্মরূপেণ জীবন্মুক্তো ন সংশয়ঃ ॥ ৩২॥
প্রত্যগজ্ঞানবিজ্ঞানমায়াশক্তেস্তু সাক্ষিণম্ ।
একং ব্রহ্ম চ সম্পশ্যন্সাক্ষাদ্ব্রহ্মবিদুত্তমঃ ॥ ৩৩॥
ব্রহ্মরূপাত্মনস্তস্মাদেতস্মাচ্ছক্তিমিশ্রিতাৎ ।
অপঞ্চীকৃত আকাশঃ সম্ভূতো রজ্জুসর্পবৎ ॥ ৩৪॥
আকাশাদ্বায়ুসঞ্জ্ঞস্তু স্পর্শোঽপঞ্চীকৃতঃ পুনঃ ।
বায়োরগ্নিস্তথা চাগ্নেরাপ অদ্ভ্যো বসুন্ধরা ॥ ৩৫॥
তানি ভূতানি সূক্ষ্মাণি পঞ্চীকৃত্য শিবাজ্ঞয়া ।
তেভ্য এব সুরা সৃষ্টং ব্রহ্মাণ্ডাখ্যমিদং ময়া ॥ ৩৬॥
ভুবনানি বিশিষ্টানি নির্মিতানি শিবাজ্ঞয়া ।
ব্রহ্মাণ্ডস্যোদরে দেবা দেবাশ্চ বিবিধা অমী ॥ ৩৭॥
দেবাদয়ো মনুষ্যাশ্চ তথা পশ্বাদয়ো জনাঃ ।
তত্তৎকর্মানুরূপেণ ময়া সৃষ্টাঃ শিবাজ্ঞয়া ॥ ৩৮॥
অস্থিস্নায়্বাদিরূপং যচ্ছরীরং ভাতি দেহিনাম্ ।
তস্মাৎপ্রাণময়ো হ্যাত্মা বিভিন্নশ্চান্তরো যতঃ ॥ ৩৯॥
যোঽয়ং প্রাণময়ো হ্যাত্মা ভাতি সর্বশরীরিণাম্ ।
ততো মনোময়ো হ্যাত্মা বিভিন্নশ্চান্তরৎবতঃ ॥ ৪০॥
যোঽয়ং মনোময়ো হ্যাত্মা ভাতি সর্বশরীরিণাম্ ।
বিজ্ঞানময় আত্মা চ ততোঽন্যশ্চান্তরো যতঃ ॥ ৪১॥
বিজ্ঞানময় আত্মা যো বিভাতি সকলাত্মনাম্ ।
আনন্দময় আত্মা চ ততোঽন্যশ্চান্তরো যতঃ ॥ ৪২॥
যোঽয়মন্নময়ঃ সোঽয়ং পূর্ণঃ প্রাণময়েন তু ।
মনোময়েন প্রাণোঽপি তথা পূর্ণঃ স্বভাবতঃ ॥ ৪৩॥
তথা মনোময়ো হ্যাত্মা পূর্ণো জ্ঞানময়েন তু ।
আনন্দেন সদা পূর্ণস্তথা জ্ঞানময়ঃ সুরাঃ ॥ ৪৪॥
তথাঽঽনন্দময়শ্চাপি ব্রহ্মণাঽন্যেন সাক্ষিণা ।
সর্বান্তরেণ সম্পূর্ণো ব্রহ্ম নান্যেন কেনচিৎ ॥ ৪৫॥
যদিদং ব্রহ্ম পুচ্ছাখ্যং সত্যজ্ঞানাদ্বয়াত্মকম্ ।
স রসঃ সর্বদা সাক্ষান্নান্যথা সুরপুঙ্গবাঃ ॥ ৪৬॥
এতমেব রসং সাক্ষাল্লব্ধ্বা দেহী সনাতনম্ ।
সুখী ভবতি সর্বত্র নান্যথা সুরসত্তমাঃ ॥ ৪৭॥
অসত্যস্মিন্পরানন্দে স্বাত্মভূতেঽখিলাত্মনাম্ ।
কো জীবতি নরো দেবাঃ কো বা নিত্যং বিচেষ্টতে ॥ ৪৮॥
তস্মাৎসর্বাত্মনাং চিত্তে ভাসমানো রসো হরঃ ।
আনন্দয়তি দুঃখাঢ্যং জীবাত্মানং কৃপাবলাৎ ॥ ৪৯॥
যদা হ্যেবৈষ এতস্মিন্নদৃশ্যৎবাদিলক্ষণে ।
নির্ভেদং পরমেকৎবং বিন্দতে সুরসত্তমাঃ ॥ ৫০॥
তদৈবাভয়মত্যন্তং কল্যাণং পরমামৃতম্ ।
স্বাত্মভূতং পরং ব্রহ্ম স যাতি স্বর্গবাসিনঃ ॥ ৫১॥
যদা হ্যেবৈষ এতস্মিন্নল্পমত্যন্তরং নরঃ ।
বিজানাতি তদা তস্য ভয়ং স্যান্নাত্র সংশয়ঃ ॥ ৫২॥
সর্বেষামাত্মভূতং যদ্ব্রহ্ম সত্যাদিলক্ষণম্ ।
উদাস্তে তৎসুরশ্রেষ্ঠা যথাজাতজনং প্রতি ॥ ৫৩॥
সম্যগ্জ্ঞানৈকনিষ্ঠানাং তদেব পরমং পদম্ ।
তদা স্বাত্মতয়া ভাতি কেবলং কৃপয়া সুরাঃ ॥ ৫৪॥
তত্ত্বেবাধীতবেদস্য সহাঙ্গৈঃ সুরপুঙ্গবাঃ ।
মননেন বিহীনস্য ভয়হেতুঃ সদা ভবেৎ ॥ ৫৫॥
ভীষাঽস্মাৎপবতে বায়ুর্ভীষোদেতি দিবাকরঃ ।
ভীষাঽস্মাদগ্নিরিন্দ্রশ্চ মৃত্যুর্ধাবতি পঞ্চমঃ ॥ ৫৬॥
অস্যৈবানন্দলেশেন স্তম্বান্তা বিষ্ণুপূর্বকাঃ ।
ভবন্তি সুখিনো দেবাস্তারতম্যক্রমেণ তু ॥ ৫৭॥
তত্তৎপদবিরক্তস্য শ্রোত্রিয়স্য প্রসাদিনঃ ।
স্বরূপভূত আনন্দঃ স্বয়ং ভাতি পদে যথা ॥ ৫৮॥
অয়মেব শিবঃ সাক্ষাদাদিত্যহৃদয়ে তথা ।
অন্যেষাং হৃদয়ে চৈব ভাতি সাক্ষিতয়া স্বয়ম্ ॥ ৫৯॥
বিহায় সাক্ষ্যং দেহাদি মায়ান্তং তু বিবেকতঃ ।
সর্বসাক্ষিণমাত্মানং যঃ পশ্যতি স পশ্যতি ॥ ৬০॥
রুদ্রনারায়ণাদীনাং স্তম্বান্তানাং চ সাক্ষিণম্ ।
এবং তর্কপ্রমাণাভ্যাং যঃ পশ্যতি স পশ্যতি ॥ ৬১॥
যস্যৈবং তর্কমানাভ্যামস্তি বিজ্ঞানমাস্তিকাঃ ।
স লোকাদখিলাদস্মাদ্বিভিদ্যাত্মানমাত্মনা ॥ ৬২॥
অন্নাদীনখিলান্কোশানাভাসেন বিভাসিতান্ ।
উপসঙ্ক্রামতীশস্য প্রসাদাদেব কেবলাৎ ॥ ৬৩॥
যতো বাচো নিবর্তন্তে নিমিত্তানামভাবতঃ ।
নির্বিশেষে শিবে শব্দঃ কথং দেবাঃ প্রবর্ততে ॥ ৬৪॥
বিশেষং কঞ্চিদাশ্রিত্য খলু শব্দঃ প্রবর্ততে ।
যস্মাদেতন্মনঃ সূক্ষ্মাং ব্যাবৃত্তং সর্বগোচরম্ ॥ ৬৫॥
যস্মাচ্ছ্রোত্রৎবগক্ষ্যাদিখানি কর্মেন্দ্রিয়াণি চ ।
ব্যাবৃত্তানি পরাগ্বস্তুবিষয়াণি সুরোত্তমাঃ ॥ ৬৬॥
তদ্ব্রহ্মানন্দমদ্বন্দ্বং নির্গুণং সত্যচিদ্ঘনম্ ।
বিদিৎবা স্বাত্মরূপেণ ন বিভেতি কুতশ্চন ॥ ৬৭॥
এবং যস্তু বিজানাতি স্বগুরোরুপদেশতঃ ।
স সাধ্বসাধুকর্মভ্যাং সদা ন তপতি প্রভুঃ ॥ ৬৮॥
তপ্যতাপকরূপেণ বিভাতমখিলং জগৎ ।
প্রত্যগাত্মতয়া ভাতি জ্ঞানাদ্বেদান্তবাক্যজাৎ ॥ ৬৯॥
কর্তা কারয়িতা কর্ম করণং কার্যমাস্তিকঃ ।
সর্বমাত্মতয়া ভাতি প্রসাদাৎপরমেশ্বরাৎ ॥ ৭০॥
প্রমাতা চ প্রমাণং চ প্রমেয়ং প্রমিতিস্তথা ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭১॥
নিয়োজ্যশ্চ নিয়োগশ্চ সাধনানি নিয়োজকঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭২॥
ভোক্তা ভোজয়িতা ভোগো ভোগোপকরণানি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৩॥
গ্রাহকশ্চ তথা গ্রাহ্যং গ্রহণং সর্বতোমুখম্ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৪॥
অন্যথাজ্ঞানমজ্ঞানং সংশয়জ্ঞানমেব চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৫॥
ঘটজ্ঞানং পটজ্ঞানং কুড্যাদিজ্ঞানমেব চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৬॥
ঘটঃ কুড্যং কুসূলং চ পটঃ পাত্রং চ পর্বতঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৭॥
পাতালাদ্যাশ্চ লোকাশ্চ সত্যলোকাদয়োঽপি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৮॥
ব্রহ্মাণ্ডং তত্র ক্লৃপ্তানামণ্ডানাং শতকোটয়ঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৭৯॥
সমুদ্রাশ্চ তটাকাশ্চ নদ্যঃ সর্বনদা অপি ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮০॥
মেরুমন্দারপূর্বাশ্চ পর্বতাশ্চ মহত্তরাঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮১॥
বনানি বনদেশাশ্চ বন্যানি বিবিধানি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮২॥
বৃক্ষাশ্চ বিবিধাঃ ক্ষুদ্রতৃণগুল্মাদয়োঽপি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৩॥
আকাশাদীনি ভূতানি ভৌতিকান্যখিলান্যপি ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৪॥
শব্দস্পর্শাদিতন্মাত্ররূপাণি সকলানি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৫॥
কৃমিকীটপতঙ্গাশ্চ ক্ষুদ্রা অপি চ জন্তবঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৬॥
পশবশ্চ মৃগাশ্চৈব পন্নগাঃ পাপয়োনয়ঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৭॥
মনুষ্যাশ্চৈব মাতঙ্গা অশ্বা উষ্ট্রাঃ খরা অপি ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৮॥
যক্ষরাক্ষসগন্ধর্বপ্রমুখাঃ সিদ্ধকিন্নরাঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৮৯॥
কর্মদেবাশ্চ দেবাশ্চ দেবরাজো বিরাট্ স্বরাট্ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯০॥
অহং চ মদ্বিভূতিশ্চ বিষ্ণুভক্তাশ্চ দেহিনঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯১॥
বিষ্ণুর্বিষ্ণুবিভূতিশ্চ বিষ্ণুভক্তাশ্চ দেহিনঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯২॥
রুদ্রো রুদ্রবিভূতিশ্চ রুদ্রভক্তাশ্চ দেহিনঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৩॥
ঈশ্বরস্তদ্বিভূতিশ্চ তদীয়াঃ সর্বদেহিনঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৪॥
সদাশিবসমাখ্যস্তু শিবস্তস্য বিভূতয়ঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৫॥
দিশশ্চ বিদিশশ্চৈব সাভ্রং নক্ষত্রমণ্ডলম্ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৬॥
বাসুদেবঃ সঙ্কর্ষণঃ প্রদ্যুম্নশ্চানিরুদ্ধকঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৭॥
মৎস্যঃ কূর্মো বরাহশ্চ নারসিংহোঽথ বামনঃ ।
তদ্ভক্তাশ্চ তথা ভান্তি প্রসাদাৎপারমেশ্বরাৎ ॥ ৯৮॥
আশ্রমাশ্চ তথা বর্ণাঃ সঙ্করা বিবিধা অপি ।
সর্বমাত্মতয়া ভাতি প্রসাদাৎপারমেশ্বরাৎ ॥ ৯৯॥
নিষিদ্ধং চানিষিদ্ধং চ নিষেধা বিধয়োঽপি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০০॥
শরীরমিন্দ্রিয়ং প্রাণো মনো বুদ্ধিরহঙ্কৃতিঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০১॥
কামক্রোধাদয়ঃ সর্বে তথা শান্ত্যাদয়োঽপি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০২॥
জীবাত্মা পরমাত্মা চ তয়োর্ভেদশ্চ ভেদকঃ ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০৩॥
জডশক্তিপ্রভেদাশ্চ চিচ্ছক্তিস্তদ্ভিদাঽপি চ ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০৪॥
অস্তিশব্দোদিতা অর্থা নাস্তিশব্দোদিতা অপি ।
সর্বমাত্মতয়া ভাতি প্রসাদাৎপারমেশ্বরাৎ ॥ ১০৫॥
আত্মা নাম সুরাঃ স্বেন ভাসা যো ভাতি সন্ততম্ ।
তমেব ৎবমহংশব্দপ্রত্যযাভ্যাং তু জন্তবঃ ॥ ১০৬॥
ব্যবহারে বিজানন্তি ন জানন্ত্যেব তেঽর্থতঃ ।
অর্থতশ্চাস্য বেত্তারো ন বিদ্যন্তেঽদ্বয়ৎবতঃ ॥ ১০৭॥
এবমাত্মানমদ্বৈতমাত্মনা বেদ যঃ স্থিরম্ ।
সোঽয়মর্থমিমং নিত্যং গায়ন্নাস্তে স্বভাবতঃ ॥ ১০৮॥
যথা নর্তনমীশস্য স্বভাবাল্লোকরক্ষকম্ ।
তথা বিদ্যা বিনোদাখ্যা গীতির্লোকোপকারিণী ॥ ১০৯॥
যথৈবাদিগুরোর্গীতির্লোকানাং হিতকারিণী ।
তথৈবাস্য গুরোর্গীতির্লোকানাং হিতকাম্যযা ॥ ১১০॥
আপ্তকামস্য রুদ্রস্য গীতির্ব্যাখ্যানলক্ষণা ।
পরোপকারিণী তদ্বদ্গীতিরস্যাপি সদ্গুরোঃ ॥ ১১১॥
লৌকিকেষ্বপি গানেষু প্রসাদং কুরুতে শিবঃ ।
কিং পুনর্বৈদিকে গানে ততো গানং সমাশ্রয়েৎ ॥ ১১২॥
ব্যাখ্যাগানেষ্বশক্তস্তু শিবমুদ্দিশ্য ভক্তিতঃ ।
লৌকিকীমপি বা গীতিং কুর্যান্নিত্যমতন্দ্রিতঃ ॥ ১১৩॥
গীতিজ্ঞানং শিবপ্রাপ্তেঃ সুতরাং কারণং ভবেৎ ।
গীতিজ্ঞানেন যোগঃ স্যাদ্যোগাদেব শিবৈক্যতা ॥ ১১৪॥
গীতিজ্ঞো যদি যোগেন ন যাতি পরমেশ্বরম্ ।
প্রতিবন্ধকবাহুল্যাত্তস্যৈবানুচরো ভবেৎ ॥ ১১৫॥
কেবলং লৌকিকং গানং ন কুর্যান্মোহতোঽপি বা ।
যদি কুর্যাৎপ্রমাদেন প্রায়শ্চিত্তী ভবেদ্বিজঃ ॥ ১১৬॥
অতস্তু সংসারবিনাশনে রতঃ
শ্রুতিপ্রমাণেন চ তর্কবর্ত্মনা ।
প্রবোধমাসাদ্য শিবস্য তং পুনঃ
সদৈব গায়ন্বিচরেদিমাং মহীম্ ॥ ১১৭॥
ইত্যুপনিষৎপরতত্ত্ববিষয়া বঃ
সত্যমুদিতা সকলদুঃখনিহন্ত্রী ।
কষ্টহৃদয়স্য মনুজস্য ন দেয়া
ভক্তিসহিতস্য তু শিবস্য খলু দেয়া ॥ ১১৮॥
ইতি ব্রহ্মগীতাসূপনিষৎসু
সাক্ষিশিবস্বরূপকথনং নাম তৃতীয়োঽধ্যায়ঃ ॥ ৩॥
॥ অথ চতুর্থোঽধ্যায়ঃ ॥
॥ তলবকারোপনিষদ্ব্যাখ্যাকথনম্ ॥
ব্রহ্মোবাচ –
অস্তি দেবঃ স্বতঃ সিদ্ধঃ সাক্ষী সর্বস্য সর্বদা ।
সংসারার্ণবমগ্নানাং সাক্ষাৎসংসারমোচকঃ ॥ ১॥
সর্বেষাং তু মনস্তেন প্রেরিতং নিয়মেন তু ।
বিষয়ে গচ্ছতি প্রাণশ্চেষ্টতে বাগ্বদত্যপি ॥ ২॥
চক্ষুঃ পশ্যতি রূপাণি শ্রোত্রং শব্দং শৃণোত্যপি ।
অন্যানি খানি সর্বাণি তেনৈব প্রেরিতানি তু ॥ ৩॥
স্বং স্বং বিষয়মুদ্দিশ্য প্রবর্তন্তে নিরন্তরম্ ।
প্রবর্তকৎবং চাপ্যস্য মায়যা ন স্বভাবতঃ ॥ ৪॥
ইন্দ্রিয়াণাং তু সত্তা চ নৈব স্বাভাবিকী মতা ।
তপ্তায়ঃ পিণ্ডবত্তস্য সত্ত্যযৈব সুরর্ষভাঃ ॥ ৫॥
শ্রোত্রমাত্মনি চাধ্যস্তং স্বয়ং দেবো মহেশ্বরঃ ।
অনুপ্রবিশ্য শ্রোত্রস্য দদাতি শ্রোত্রতাং হরঃ ॥ ৬॥
মন আত্মনি চাধ্যস্তং প্রবিশ্য পরমেশ্বরঃ ।
মনস্ত্বং তস্য সত্ত্বস্থো দদাতি নিয়মেন তু ॥ ৭॥
বাচো বাক্ত্বমনুপ্রাপ্য প্রাণস্য প্রণতাং হরঃ ।
দদাতি নিয়মেনৈব চক্ষুষ্ট্বং চক্ষুষস্তথা ॥ ৮॥
অন্যেষামিন্দ্রিয়াণাং তু কল্পিতানামপীশ্বরঃ ।
তত্তদ্রূপমনুপ্রাপ্য দদাতি নিয়মেন তু ॥ ৯॥
তত্র চক্ষুশ্চ বাক্চৈব মনশ্চান্যানি খানি চ ।
ন গচ্ছন্তি স্বয়ঞ্জ্যোতিঃস্বভাবে পরমাত্মনি ॥ ১০॥
স দেবো বিদিতাদন্যস্তথৈবাবিদিতাদপি।
বাচা চ মনসা চৈব চক্ষুষা চ তথৈব চ ॥ ১১॥
শ্রোত্রেণাপি সুরশ্রেষ্ঠাঃ প্রাণেনান্যেন কেনচিৎ ।
ন শক্যো গোচরীকর্তুং সত্যমেব ময়োদিতম্ ॥ ১২॥
যস্যেদমখিলং নিত্যং গোচরং রূপবদ্রবেঃ ।
তদেব পরমং ব্রহ্ম বিত্ত যূয়ং সনাতনম্ ॥ ১৩॥
এবং জানন্তি যে ধীরাস্তর্কতশ্চ প্রমাণতঃ ।
গুরূক্ত্যা স্বানুভূত্যা চ ভবন্তি খলু তেঽমৃতাঃ ॥ ১৪॥
সুজ্ঞাতমিতি তদ্ব্রহ্ম মনুধ্বং যদি হে সুরাঃ ।
দভ্রমেব হি তৎসাক্ষি ব্রহ্ম বেদ্যং কথং ভবেৎ ॥ ১৫॥
যস্য স্বাত্মতয়া ব্রহ্ম বিদিতং কর্মতাং বিনা ।
তস্য তজ্জ্ঞানকর্তৃৎববিহীনস্য মতং হি তৎ ॥ ১৬॥
যস্যামতং তস্য মতং মতং যস্য ন বেদ সঃ ।
অবিজ্ঞাতং বিজানতাং বিজ্ঞাতমবিজানতাম্ ॥ ১৭॥
ব্রহ্মজ্ঞানে ঘটজ্ঞানে ভ্রান্তিজ্ঞানেঽপি চাস্তিকাঃ ।
নৈব কর্তৃ ন কর্মাপি ব্রহ্ম চিৎকেবলং ভবেৎ ॥ ১৮॥
যস্য কর্তৃতয়া ভাতং ব্রহ্মাকর্তৃ সুরোত্তমাঃ ।
তস্য ব্রহ্মামতং যস্মাৎকর্ম তস্য মতং হি তৎ ॥ ১৯॥
যস্য কর্মতয়া ভাতং ব্রহ্মাকর্ম সুরোত্তমাঃ ।
তস্য ব্রহ্মামতং যস্মাৎকর্ম তস্য মতং হি তৎ ॥ ২০॥
অকর্ত্রবিষয়প্রত্যক্প্রকাশঃ স্বাত্মনৈব তু ।
বিনা তর্কপ্রমাণাভ্যাং ব্রহ্ম যো বেদ বেদ সঃ ॥ ২১॥
এবংরূপপরিজ্ঞানমপি দৃশ্যতয়ৈব তু ।
যস্য ভাতি স তৎসাক্ষী ব্রূত ব্রহ্মাত্মবিৎকথম্ ॥ ২২॥
ব্রহ্মাবিদ্যাঽপি জ্ঞাতা চেদ্বেদ্যা ভবতি কুম্ভবৎ ।
অবেদ্যং ব্রহ্ম বেদ্যং স্যাদ্বেদ্যবিদ্যাভিসঙ্গমাৎ ॥ ২৩॥
বেত্তাঽপি বিদ্যাসম্বন্ধাৎসবিশেষো ভবেদ্ধ্রুবম্ ।
নির্বিশেষং পরং ব্রহ্ম ততো বিদ্বান্ন চাত্মবিৎ ॥ ২৪॥
বিদ্যায়া আশ্রয়ৎবেন বিষয়ৎবেন বা ভবেৎ ।
ব্রহ্ম নৈবান্যথা তত্র ব্রহ্ম ব্রহ্ম ভবেৎকথম্ ॥ ২৫॥
ব্রহ্মসম্বন্ধহীনা চেদ্বিদ্যা ব্রহ্ম তু বেদিতুম্ ।
অশক্যং তত্র হে দেবাঃ কো বা ব্রহ্মাত্মবিদ্ভবেৎ ॥ ২৬॥
ব্রহ্মণ্যধ্যস্তমায়াদিনিবৃত্তিং কুরুতে তু সা ।
বিদ্যা যদি ন মায়ায়াঃ প্রত্যগাত্মন্যসম্ভবাৎ ॥ ২৭॥
প্রত্যগাত্মা পরং জ্যোতির্মায়া সা তু মহত্তমঃ ।
তথা সতি কথং মায়াসম্ভবঃ প্রত্যগাত্মনি ॥ ২৮॥
তস্মাত্তর্কপ্রমাণাভ্যাং স্বানুভূত্যা চ চিদ্ঘনে ।
স্বপ্রকাশৈকসংসিদ্ধের্নাস্তি মায়া পরাত্মনি ॥ ২৯॥
ব্যাবহারিকদৃষ্ট্যেয়ং বিদ্যাঽবিদ্যা ন চান্যথা ।
তত্ত্বদৃষ্ট্যা তু নাস্ত্যেব তত্ত্বমেবাস্তি কেবলম্ ॥ ৩০॥
ব্যাবহারিকদৃষ্টিস্তু প্রকাশাব্যভিচারতঃ ।
প্রকাশ এব সততং তস্মাদদ্বৈতমেব হি ॥ ৩১॥
অদ্বৈতমিতি চোক্তিশ্চ প্রকাশাব্যভিচারতঃ ।
প্রকাশ এব সততং তস্মান্মৌনং হি যুজ্যতে ॥ ৩২॥
প্রত্যক্ষাদি প্রমাণৈশ্চ তর্কৈঃ শ্রুত্যা তথৈব চ ।
স্বগুরোরুপদেশেন প্রসাদেন শিবস্য তু ॥ ৩৩॥
অর্জিতৈরপি ধর্মৈশ্চ কালপাকেন ধার্মিকাঃ ।
অর্থো মহানয়ং ভাতি শাঙ্করঃ পুরুষস্য তু ॥ ৩৪॥
যস্য প্রকাশিতঃ সাক্ষাদয়মর্থো মহত্তরঃ ।
তস্য নাস্তি ক্রিয়াঃ সর্বা জ্ঞানং চাপ্যদ্বয়ৎবতঃ ॥ ৩৫॥
অয়মর্থো মহান্যস্য স্বত এব প্রকাশিতঃ ।
ন স জীবো ন চ ব্রহ্ম ন চান্যদপি কিঞ্চন ॥ ৩৬॥
অয়মর্থো মহান্যস্য স্বত এব প্রকাশিতঃ ।
ন তস্য বর্ণা বিদ্যন্তে নাশ্রমাশ্চ তথৈব চ ॥ ৩৭॥
অয়মর্থো মহান্যস্য স্বত এব প্রকাশিতঃ ।
ন তস্য ধর্মোঽধর্মশ্চ ন নিষেধো বিধির্ন চ ॥ ৩৮॥
এতমর্থং মহান্তং যঃ প্রাপ্তঃ শম্ভোঃ প্রসাদতঃ ।
স শম্ভুরেব নৈবান্য ইতি মে নিশ্চিতা মতিঃ ॥ ৩৯॥
এতমর্থং মহান্তং যঃ প্রাপ্তঃ শম্ভোঃ প্রসাদতঃ ।
তস্যাহং বৈভবং বক্তুং ন শক্তঃ সত্যমীরিতম্ ॥ ৪০॥
এতমর্থং মহান্তং যঃ প্রাপ্তঃ শম্ভোঃ প্রসাদতঃ ।
বৈভবং তস্য বিষ্ণুশ্চ ন শক্তো বক্তুমাস্তিকাঃ ॥ ৪১॥
এতমর্থং মহান্তং যঃ প্রাপ্তঃ শম্ভোঃ প্রসাদতঃ ।
বৈভবং তস্য রুদ্রশ্চ ন শক্তো বক্তুমাস্তিকাঃ ॥ ৪২॥
এতমর্থং মহান্তং যঃ প্রাপ্তঃ শম্ভোঃ প্রসাদতঃ ।
বৈভবং তস্য বেদাশ্চ ন শক্তা বক্তুমাস্তিকাঃ ॥ ৪৩॥
অস্মিন্দেহে যদি জ্ঞাতঃ পুরোক্তোঽর্থোমহানয়ম্ ।
স সাক্ষাৎসত্যমদ্বৈতং নির্বাণং যাতি মানবঃ ॥ ৪৪॥
অস্মিন্দেহে ন বিজ্ঞাতঃ পুরোক্তোঽর্থো মহান্যদি ।
বিনষ্টিরেব মহতী তস্য নৈব পরা গতিঃ ॥ ৪৫॥
স্বশরীরেঽন্যদেহেষু সমং নিশ্চিত্য তং দৃঢম্ ।
অথ ধীরা ন জায়ন্তে হ্যমৃতাশ্চ ভবন্তি হি ॥ ৪৬॥
বদ্ধো মুক্তো মহাবিদ্বানজ্ঞ ইত্যাদিভেদতঃ ।
এক এব সদা ভাতি নানেব স্বপ্নবৎস্বয়ম্ ॥ ৪৭॥
অতঃ স্বমুক্ত্যৈবান্যেষামাভাসানামপি ধ্রুবম্ ।
মুক্তিং জানাতি হে দেবা আত্মনামাত্মবিদ্বরঃ ॥ ৪৮॥
স্বসংসারদশায়াং তু স্বভ্রান্ত্যা সর্বদেহিনাম্ ।
আভাসানাং চ সংসারং বেদ মুক্তিং তথৈব চ ॥ ৪৯॥
প্রারব্ধকর্মপর্যন্তং কদাচিৎপরমাত্মবিৎ।
জগজ্জীবাদিকং বেদ কদাচিন্নৈব বেদ তৎ ॥ ৫০॥
কদাচিদ্ব্রহ্ম জানাতি প্রতীতমখিলং সুরাঃ ।
কদাচিন্নৈব জানাতি স্বভাবাদেব তত্ত্ববিৎ ॥ ৫১॥
জগজ্জীবাদিরূপেণ যদা ব্রহ্ম বিভাসতে ।
তদা দুঃখাদিভোগোঽপি ভাতি চাভাসরূপতঃ ॥ ৫২॥
যদা ব্রহ্মাত্মনা সর্বং বিভাতি স্বত এব তু ।
তদা দুঃখাদিভোগোঽয়মাভাসো ন বিভাসতে ॥ ৫৩॥
জগজ্জীবাদিরূপেণ পশ্যন্নপি পরাত্মবিৎ ।
ন তৎপশ্যতি তদ্রূপং ব্রহ্মবস্ত্বেব পশ্যতি ॥ ৫৪॥
ব্রহ্মণোঽন্যৎসদা নাস্তি বস্তুতোঽবস্তুতোঽপি চ ।
তথা সতি শিবাদন্যৎকথং পশ্যতি তত্ত্ববিৎ ॥ ৫৫॥
ব্রহ্মরূপেণ বা সাক্ষাজ্জগজ্জীবাত্মনাঽথবা ।
যথা যথা প্রথা সাক্ষাদ্ব্রহ্ম ভাতি তথা তথা ॥ ৫৬॥
যথা যথাঽবভাসোঽয়ং স্বভাবাদেব ভাসতে ।
তথা তথাঽনুসন্ধানং যোগিনঃ স্বাত্মবেদনম্ ॥ ৫৭॥
নামতশ্চার্থতশ্চাপি মহাদেবো যদি প্রভুঃ ।
কিং জহাতি তদা বিদ্বান্কিং গৃহ্ণাতি সুরর্ষভাঃ ॥ ৫৮॥
গ্রাহ্যং বা শঙ্করাদন্যত্ত্যাজ্যং বা যদি বিদ্যতে ।
মহত্ত্বং তস্য হীয়েত স্বভাবো ন বিহন্যতে ॥ ৫৯॥
মহত্ত্বং নৈব ধর্মোঽস্য ভেদাভাবাৎপরাত্মনঃ ।
ধর্মধর্মিৎববার্তা চ ভেদে সতি হি বিদ্যতে ॥ ৬০॥
ভেদোঽভেদস্তথা ভেদাভেদঃ সাক্ষাৎপরাত্মনা ।
নাস্তি স্বাত্মাতিরেকেণ স্বয়মেবাস্তি সর্বদা ॥ ৬১॥
ব্রহ্মৈব বিদ্যতে সাক্ষাদ্বস্তুতোঽবস্তুতোঽপি চ ।
তথা সতি শিবজ্ঞানী কিং গৃহ্ণাতি জহাতি কিম্ ॥ ৬২॥
মায়যা বিদ্যতে সর্বমিতি কেচন মোহিতাঃ ।
শিবরূপাতিরেকেণ নাস্তি মায়া চ বস্তুতঃ ॥ ৬৩॥
মায়যা বা শিবাদন্যদ্বিদ্যতে চেচ্ছিবস্য তু ।
মহত্ত্বং পরমং সাক্ষাদ্ধীয়তে সুরপুঙ্গবাঃ ॥ ৬৪॥
মহত্ত্বস্য তু সঙ্কোচো নাস্তি সম্যঙ্নিরূপণে ।
অস্তি চেদপ্রমাণং স্যাচ্ছ্রুতিঃ সত্যার্থবাদিনী ॥ ৬৫॥
তস্মাদস্তি মহাদেব এব সাক্ষাৎস্বয়ম্প্রভুঃ ।
আনন্দরূপঃ সম্পূর্ণো ন ততোঽন্যত্তু কিঞ্চন ॥ ৬৬॥
ইয়মেব তু তর্কাণাং নিষ্ঠাকাষ্ঠা সুরোত্তমাঃ ।
প্রত্যক্ষাদিপ্রমাণানাং বেদান্তানামপীশ্বরাঃ ॥ ৬৭॥
স্মৃতীনাং চ পুরাণানাং ভারতস্য তথৈব চ ।
বেদানুসারিবিদ্যানামন্যাসামাস্তিকোত্তমাঃ ॥ ৬৮॥
শৈবাগমানাং সর্বেষাং বিষ্ণুপ্রোক্তাগমস্য চ ।
অস্মদুক্তাগমস্যাপি সুরাঃ সূক্ষ্মনিরূপণে ॥ ৬৯॥
বুদ্ধাগমানাং সর্বেষাং তথৈবার্হাগমস্য চ ।
যক্ষগন্ধর্বসিদ্ধাদিনির্মিতস্যাগমস্য চ ॥ ৭০॥
পরমাদ্বৈতবিজ্ঞানং কস্য মর্ত্যস্য সিধ্যতি ।
কস্য দেবস্য বা সাক্ষাচ্ছিবস্যৈব হি সিধ্যতি ॥ ৭১॥
পরমাদ্বৈতবিজ্ঞানং শিবস্যামিততেজসঃ ।
স্বভাবসিদ্ধং দেব্যাশ্চ শিবায়া আস্তিকোত্তমাঃ ॥ ৭২॥
প্রসাদাদেব রুদ্রস্য শিবায়াশ্চ তথৈব চ ।
পরমাদ্বৈতবিজ্ঞানং বিষ্ণোঃ সাক্ষান্মমাপি চ ॥ ৭৩॥
বিরাট্সঞ্জ্ঞস্য দেবস্য স্বরাট্সঞ্জ্ঞস্য চাত্মনঃ ।
সম্রাট্সঞ্জ্ঞস্য চান্যেষাং প্রসাদ্দাএব বেদনম্ ॥ ৭৪॥
যুষ্মাকমপি সর্বেষাং শিবস্য পরমাত্মনঃ ।
পরমাদ্বৈতবিজ্ঞানং প্রসাদাদেব নান্যথা ॥ ৭৫॥
যক্ষরাক্ষসগন্ধর্বসিদ্ধাদীনামপীশ্বরাঃ ।
পরমাদ্বৈতবিজ্ঞানং প্রসাদাদেব শূলিনঃ ॥ ৭৬॥
মনুষ্যাণাং চ সর্বেষাং পশ্বাদীনাং তথৈব চ ।
পরমাদ্বৈতবিজ্ঞানং প্রসাদাদেব শূলিনঃ ॥ ৭৭॥
প্রসাদে সতি কীটো বা পতঙ্গো বা নরোঽথ বা ।
দেবো বা দানবো বাঽপি লভতে জ্ঞানমুত্তমম্ ॥ ৭৮॥
এষ এব হি জন্তূনাং পরজ্ঞানং দদাতি চ ।
ন বিষ্ণুর্নাহমন্যশ্চ সত্যমেব ময়োদিতম্ ॥ ৭৯॥
আদানে চ তথা দানে ন স্বতন্ত্রো মহান্ হরিঃ ।
তথৈবাহং সুরশ্রেষ্ঠাঃ সত্যমেব ময়োদিতম্ ॥ ৮০॥
স্বতন্ত্রঃ শিব এবায়ং স হি সংসারমোচকঃ ।
তং বিনা ন ময়োদ্ধর্তুং শক্যতে সংসৃতের্জনঃ ॥ ৮১॥
বিষ্ণুনা চ পরেণাপি মহাদেবং ঘৃণানিধিম্ ।
বিনা জন্তুং সমুদ্ধর্তুং শক্যতে ন হি সত্তমাঃ ॥ ৮২॥
দর্বীন্যায়েন সংসারাদুদ্ধরামি জনানিমান্ ।
ন স্বাতন্ত্র্যেণ হে দেবাঃ সাক্ষাদ্বিষ্ণুস্তথৈব চ ॥ ৮৩॥
দেবদেবস্য রুদ্রস্য স্বরূপং তস্য বৈভবম্ ।
কো বা জানাতি নাস্ত্যেব স্বয়ং জানাতি বা ন বা ॥ ৮৪॥
দুর্বিজ্ঞেয়ো মহাদেবো মহতামপি দেহিনাম্ ।
প্রসাদেন বিনা দেবাঃ সত্যমেব ময়োদিতম্ ॥ ৮৫॥
পুরা সুরাণাং সর্বেষামসুরাণাং দুরাত্মনাম্ ।
মহামোহেন সঙ্গ্রামঃ সঞ্জাতো দুর্নিবারকঃ ॥ ৮৬॥
অসুরৈঃ পীডিতা দেবা বলবদ্ভিঃ সুরা ভৃশম্ ।
তান্দৃষ্ট্বা ভগবানীশঃ সর্বজ্ঞঃ করুণাকরঃ ॥ ৮৭॥
দেবানাং বিজয়ং দেবা অসুরাণাং পরাজয়ম্ ।
দদৌ তেন সুরৈঃ শীঘ্রমসুরাস্তু পরাজিতাঃ ॥ ৮৮॥
অবিজ্ঞায় মহাদেববৈভবং পরিমোহিতাঃ ।
বয়ং বিজয়মাপন্না অসুরাশ্চ পরাজিতাঃ ॥ ৮৯॥
ইত্যহম্মানসঞ্ছন্নাঃ সর্বে দেবাঃ পুরাতনাঃ ।
অতীব প্রীতিমাপন্না অভবন্সুরপুঙ্গবাঃ ॥ ৯০॥
পুনর্বিশ্বাধিকো রুদ্রো ভগবান্করুণানিধিঃ ।
স্বস্য দর্শয়িতুং তেষাং দুর্জ্ঞেয়ৎবং তথৈব চ ॥ ৯১॥
তেষাং ভ্রান্তিনিবৃত্যর্থমপি সাক্ষান্মহেশ্বরঃ ।
আবির্বভূব সর্বজ্ঞো যক্ষরূপেণ হে সুরাঃ ॥ ৯২॥
তং দৃষ্ট্বা যক্ষমত্যন্তং বিস্ময়েন সহামরাঃ ।
বিচার্য সর্বে সম্ভূয় কিমিদং যক্ষমিত্যপি ॥ ৯৩॥
পুনরগ্নিং সমাহূয় দেবাঃ সর্বে বিমোহিতাঃ ।
অব্রুবংস্ত্বং বিজানীহি কিমেতদ্যক্ষমিত্যপি ॥ ৯৪॥
অগ্নিস্তথা করোমীতি প্রোচ্য যক্ষং গতোঽভবৎ ।
যক্ষরূপো মহাদেবঃ কোঽসীত্যাহানলং প্রতি ॥ ৯৫॥
অগ্নির্বা অহমস্মীতি যক্ষং প্রত্যাহ সোঽপি চ ।
সোঽপি প্রোবাচ ভগবাংস্ত্বয়ি কিং বীর্যমিত্যপি ॥ ৯৬॥
ইদং সর্বং দহেয়ং যদিদং ভূম্যাং ব্যবস্থিতম্ ।
ইত্যাহাগ্নিস্তৃণং তস্মৈ নিধায় পরমেশ্বরঃ ॥ ৯৭॥
এতদ্দহেতি ভগবান্স্ময়মানোঽভ্যভাষত ।
অগ্নিঃ সর্বজবেনৈব তদ্দগ্ধুং তৃণমাস্তিকাঃ ॥ ৯৮॥
অশক্তো লজ্জয়া যুক্তো ভীতোঽগচ্ছৎসুরান্প্রতি ।
মায়া তস্যৈব বিজ্ঞাতুং ন শক্যং বৈভবং সুরাঃ ॥ ৯৯॥
বিত্ত যূয়ং মহায়াসাদিত্যাহাগ্নিঃ সুরান্প্রতি ।
তচ্ছ্রুৎবা বায়ুমাহূয় বিজানীহীতি চাব্রুবন্ ॥ ১০০॥
সোঽপি গৎবা তথা তেন যক্ষরূপেণ শম্ভুনা ।
ভৃশং প্রতিহতো ভূৎবা তথাঽগচ্ছৎসুরান্প্রতি ॥ ১০১॥
পুনরিন্দ্রঃ স্বয়ং মোহাদহন্তাকঞ্চুকাবৃতঃ ।
বিজ্ঞাতুং যক্ষমগমৎস তত্রৈব তিরোদধে ॥ ১০২॥
ইন্দ্রোঽতীব বিষণ্ণস্তু মহাতাপসমন্বিতঃ ।
বিদ্যারূপামুমাং দেবীং ধ্যাৎবা কারুণিকোত্তমাম্ ॥ ১০৩॥
লৌকিকৈর্বৈদিকৈঃ স্তোত্রৈস্তুষ্টাব পরমেশ্বরীম্ ।
সা শিবা করুণামূর্তির্জগন্মাতা ত্রয়ীময়ী ॥ ১০৪॥
শিবাভিন্না পরানন্দা শঙ্করস্যাপি শঙ্করী ।
স্বেচ্ছয়া হিমবৎপুত্রী স্বভক্তজনবৎসলা ॥ ১০৫॥
মহাদেবস্য মাহাত্ম্যং দুর্জ্ঞেয়ং সর্বজন্তুভিঃ ।
ইতি দর্শয়িতুং দেবী তত্রৈবাবিরভূৎস্বয়ম্ ॥ ১০৬॥
তামারাধ্য শিবামিন্দ্রঃ শোভমানাং তু সর্বতঃ ।
উমাং পর্বতরাজেন্দ্রকন্যকামাহ বজ্রভৃৎ ॥ ১০৭॥
কিমেতদ্যক্ষমত্রৈব প্রাদুর্ভূতং তিরোহিতম্ ।
বক্তুমর্হসি দেবেশি মম কারুণিকোত্তমে ॥ ১০৮॥
দেবী পরমকারুণ্যাদ্ব্রহ্ম মে পতিরত্র তু ।
প্রাদুর্ভূতং তিরোভূতমিত্যাহাদেষনায়িকা ॥ ১০৯॥
দুর্বিজ্ঞেয়ো মহাদেবো বিষ্ণোঃ সাক্ষাদজস্য চ ।
অন্যেষামপি দেবানাং তবাপি মঘবন্ভৃশম্ ॥ ১১০॥
প্রদর্শয়িতুমীশানো দুর্জ্ঞেয়ৎবং স্বকং পরম্ ।
আবির্ভূতো ন চান্যেন কারণেন সুরাধিপ ॥ ১১১॥
স এব সর্বদেবানাং তবাপি বিজয়প্রদঃ ।
পরাজয়করোঽন্যেষাং তমেব শরণং ব্রজ ॥ ১১২॥
ইত্যুক্ত্বা সা মহাদেবী চিদ্রূপা সর্বসাক্ষিণী ।
ভক্তানাং পাশহন্ত্রী তু তত্রৈবান্তর্হিতাঽভবৎ ॥ ১১৩॥
পুনর্দেবা মহাদেবং মহাকারুণিকোত্তমম্ ।
দুর্বিজ্ঞেয়ং সুরশ্রেষ্ঠাঃ স্বতন্ত্রং ভক্তিমুক্তিদম্ । ভুক্তিমুক্তিদম্?
বিদুঃ সুনিশ্চিতং ত্যক্ত্বা মাৎসর্যং ভবকারণম্ ॥ ১১৪॥
প্রসাদে সতি বিজ্ঞাতুং শক্যতে পরমেশ্বরঃ ।
প্রসাদেন বিনা নৈব শক্যতে সর্বজন্তুভিঃ ॥ ১১৫॥
প্রসাদেন বিনা বিষ্ণুর্ন জানাতি মহেশ্বরম্ ।
তথা চাহং ন জানামি দেবতাঃ সকলা অপি ॥ ১১৬॥
প্রসাদস্য তু সিদ্ধ্যর্থং খলু সর্বং সুরর্ষভাঃ ।
প্রসাদেন বিনা দেবং যে জানন্তি সুরর্ষভাঃ ॥ ১১৭॥
তে জানন্তি বিনা ঘ্রাণং গন্ধং হস্তেন কেবলম্ ।
প্রসাদো নাম রুদ্রস্য কর্মসাম্যে তু দেহিনাম্ ॥ ১১৮॥
দেশিকালোকনাজ্জাতো বিশিষ্টাতিশয়ঃ সুরাঃ ।
প্রসাদস্য স্বরূপং তু ময়া নারায়ণেন চ ॥ ১১৯॥
রুদ্রেণাপি সুরা বক্তুং ন শক্যং কল্পকোটিভিঃ ।
কেবলং লিঙ্গগম্যং তু ন প্রত্যক্ষং শিবস্য চ ॥ ১২০॥
শিবায়াশ্চ হরেঃ সাক্ষান্মম চান্যস্য চাস্তিকাঃ ।
প্রহর্ষঃ স্বরনেত্রাঙ্গবিক্রিয়া কম্পনং তথা ॥ ১২১॥
স্তোভঃ শরীরপাতশ্চ ভ্রমণং চোদ্গতিস্তথা ।
আকাশেঽবস্থিতির্দেবাঃ শরীরান্তরসংস্থিতিঃ ॥ ১২২॥
অদর্শনং চ দেহস্য প্রকাশৎবেন ভাসনম্ ।
অনধীতস্য শাস্ত্রস্য স্বত এব প্রকাশনম্ ॥ ১২৩॥
নিগ্রহানুগ্রহে শক্তিঃ পর্বতাদেশ্চ ভেদনম্ ।
এবমাদীনি লিঙ্গানি প্রসাদস্য সুরর্ষভাঃ ॥ ১২৪॥
তীব্রাত্তীব্রতরঃ শম্ভোঃ প্রসাদো ন সমো ভবেৎ ।
এবংরূপঃ প্রসাদশ্চ শিবয়া চ শিবেন চ ॥ ১২৫॥
জ্ঞায়তে ন ময়া নান্যৈর্নৈব নারায়ণেন চ ।
অতঃ সর্বং পরিত্যজ্য শিবাদন্যত্তু দৈবতম্ ॥ ১২৬॥
তমেব শরণং গচ্ছেৎসদ্যো মুক্তিং যদীচ্ছতি ।
বিষ্ণুভক্ত্যা চ মদ্ভক্ত্যা নাস্তি নাস্তি পরা গতিঃ ॥ ১২৭॥
শম্ভুভক্ত্যৈব সর্বেষাং সত্যমেব ময়োদিতম্ ।
শম্ভুভক্তস্য দেহেঽস্মিন্প্রসাদো গম্যতে যথা ॥ ১২৮॥
ন তথা বিষ্ণুভক্তস্য ন মদ্ভক্তস্য দেহিনঃ ।
তস্মান্মুমুমুক্ষুর্মাং বিষ্ণুমপি ত্যক্ত্বা মহেশ্বরম্ ॥ ১২৯॥
আশ্রয়েৎসর্বভাবেন প্রসাদং কুরুতে হি সঃ ।
প্রসাদে সতি দেবেশো দুর্জ্ঞেয়োঽপি সুরর্ষভাঃ ॥ ১৩০॥
শক্যতে মনুজৈর্দ্রষ্টুং প্রত্যগাত্মতয়া সদা ।
প্রসাদে সতি দেবেশো দুর্জ্ঞেয়োঽপি সুরর্ষভাঃ ॥ ১৩১॥
শক্যতে মনুজৈর্দ্রষ্টুং সদা মূর্ত্যাত্মনৈব তু ।
প্রসাদে সতি দেবেশো দুর্জ্ঞেয়োঽপি সুরর্ষভাঃ ॥ ১৩২॥
শক্যতে মনুজৈর্দ্রষ্টুং সদা সর্বাত্মরূপতঃ ।
সর্বসাক্ষিণমাত্মানং বিদিৎবা সকলং জগৎ ॥ ১৩৩॥
সাক্ষিমাত্রতয়া নিত্যং যঃ পশ্যতি স পশ্যতি ।
পরমাদ্বৈতনিষ্ঠা হি নিষ্ঠাকাষ্ঠা সুদুর্লভা ॥ ১৩৪॥
শিবাদন্যতয়া ভ্রান্ত্যা দ্বৈতং বা বেদ চেৎপশুঃ ।
পরমাদ্বৈতবিজ্ঞানী স্বয়ং তু পরদেবতা ॥ ১৩৫॥
তস্যৈব পরমা মুক্তির্ন হি সংশয়কারণম্ ।
গৌতমস্য মুনেঃ শাপাদ্দধীচস্য চ শাপতঃ ॥ ১৩৬॥
জন্মান্তরকৃতাৎপাপাদয়মর্থো ন রোচতে ।
মহাপাপবতাং নৄণাং পরমাদ্বৈতবেদনে ॥ ১৩৭॥
প্রদ্বেষো জায়তে সাক্ষাদ্বেদজন্যে শিবেঽপি চ ।
মহাপাবতাং নৄণাং শিবজ্ঞানস্য সাধনে ॥ ১৩৮॥
সর্বাঙ্গোদ্ধূলনে তির্যক্ত্রিপুণ্ড্রস্য চ ধারণে ।
রুদ্রাক্ষধারণে রুদ্রলিঙ্গস্যৈব তু পূজনে ॥ ১৩৯॥
প্রদ্বেষো জায়তে নিত্যং শিবশব্দজপেঽপি চ ।
অনেকজন্মসিদ্ধানাং শ্রৌতস্মার্তানুবর্তিনাম্ ॥ ১৪০॥
পরমাদ্বৈতবিজ্ঞানং জায়তে সুরপুঙ্গবাঃ ।
পরমাদ্বৈতবিজ্ঞানী ময়াঽঽরাধ্যঃ সদৈব তু ॥ ১৪১॥
নারায়ণেন রুদ্রেণ তথা দেবৈর্বিশেষতঃ ।
পরমাদ্বৈতবিজ্ঞানী যত্র কুত্র স্থিতঃ সুরাঃ ॥ ১৪২॥
তত্র সন্নিহিতা মুক্তির্নাত্র কার্যা বিচারণা ।
পরমাদ্বৈতবিজ্ঞাননিষ্ঠস্যৈব মহাত্মনঃ ॥ ১৪৩॥
শুশ্রূষা ক্রিয়তে যেন তৎপাদৌ মম মস্তকে ।
পরমাদ্বৈতবিজ্ঞাননিষ্ঠস্য পরয়োগিনঃ ॥ ১৪৪॥
সমং দেবা ন পশ্যামি ন হরির্ন মহেশ্বরঃ ।
পরমাদ্বৈতবিজ্ঞাননিষ্ঠায় পরয়োগিনে ॥ ১৪৫॥
শরীরমর্থং প্রাণাংশ্চ প্রদদ্যাচ্ছ্রদ্ধয়া সহ ।
পরমাদ্বৈতবিজ্ঞাননিষ্ঠস্য পরয়োগিনঃ ॥ ১৪৬॥
শুশ্রূষা শুদ্ধবিদ্যায়াঃ সাধনং হি ন সংশয়ঃ ।
বেদবাহ্যেষু তন্ত্রেষু নরাণাং বাসনাঽপি চ ॥ ১৪৭॥
কুতর্কবাসনা লোকবাসনা চ সুরর্ষভাঃ ।
পুত্রমিত্রকলত্রাদৌ বাসনা চার্থবাসনা ॥ ১৪৮॥
দেহেন্দ্রিয়মনোবুদ্ধিপ্রাণাদাবপি বাসনা ।
পাণ্ডিত্যবাসনা ভোগবাসনা কান্তিবাসনা ॥ ১৪৯॥
প্রদ্বেষবাসনা রুদ্রবেদনারায়ণাদিষু ।
জ্ঞানসাধনভূতেষু ত্রিপুণ্ড্রোদ্ধলনাদিষু ॥ ১৫০॥
প্রদ্বেষবাসনা পাপবাসনা সুরপুঙ্গবাঃ ।
পরমাদ্বৈতবিজ্ঞানজন্মনঃ প্রতিবন্ধকম্ ॥ ১৫১॥
তস্মান্মুমুক্ষুঃ শ্রদ্ধালুর্বাসনামখিলামিমাম্ ।
বিসৃজ্য পরমাদ্বৈতজ্ঞাননিষ্ঠো ভবেৎসদা ॥ ১৫২॥
বেদোদিতমহাদ্বৈতপরিজ্ঞানস্য বৈভবম্ ।
ন শক্যং বক্তুমস্মাভিস্তস্মাদেবোপরম্যতে ॥ ১৫৩॥
কথিতমখিলদুঃখধ্বংসকং বঃ সমস্তং
পরমসুখশিবাত্মপ্রাপকং সদ্য এব ।
বিগতসকলদোষা বেদবেদান্তনিষ্ঠা
হৃদয়কুহরনিষ্ঠং কর্তুমর্হন্তি চৈতৎ ॥ ১৫৪॥
ইতি ব্রহ্মগীতাসূপনিষৎসু
তলবকারোপনিষদ্ব্যাখ্যাকথনং
নাম চতুর্থোঽধ্যায়ঃ ॥ ৪॥
॥ অথ পঞ্চমোঽধ্যায়ঃ ॥
॥ আদেশকথনম্ ॥
ব্রহ্মোবাচ ।
অতীবগুহ্যমাদেশমনন্তার্থপ্রকাশকম্ ।
বক্ষ্যে যুষ্মাকমদ্যাহং শৃণুত শ্রদ্ধয়া সহ ॥ ১॥
যস্য শ্রবণমাত্রেণ শ্রুতমেবাশ্রুতং ভবেৎ ।
অমতং চ মতং জ্ঞাতমবিজ্ঞাতং চ সত্তমাঃ ॥ ২॥
একেনৈব তু পিণ্ডেন মৃত্তিকায়া যথা সুরাঃ ।
বিজ্ঞাতং মৃণ্ময়ং সর্বং মৃদভিন্নৎবতঃ সদা ॥ ৩॥
একেন লোহমণিনা সর্বং লোহময়ং যথা ।
বিজ্ঞাতং স্যাদ্যথৈকেন নখানাং কৃন্তনেন চ ॥ ৪॥
সর্বং কার্ষ্ণায়সং জ্ঞাতং তদভিন্নৎবতঃ সুরাঃ ।
কার্যং তু কারণাভিন্নং ন ভিন্নং নোভয়াত্মকম্ ॥ ৫॥
ভিন্নপক্ষে তু সদ্বাঽসৎকার্যং সদসদেব বা ।
সচ্চেৎকারণসত্তা বা কার্যসত্তাঽথবা পরা ॥ ৬॥
যদি কারণসত্তৈব কার্যসত্তা ন চাপরা ।
তর্হি কারণসত্তৈকা কথং সত্তাভিদা ভবেৎ ॥ ৭॥
সত্তৈকাঽপি ভবেদ্ভিন্নং কারণাৎকার্যসঞ্জ্ঞিতম্ ।
ইতি বার্তা চ বার্তৈব কার্যসঞ্জ্ঞমসৎখলু ॥ ৮॥
সত্তাহীনস্য কার্যস্যাসত্ত্বমেব হি যুজ্যতে ।
প্রাপ্তেঽসত্ত্বে তু কার্যস্য সৎকার্যোক্তির্বৃথা ভবেৎ ॥ ৯॥
নৈব কারণসত্তৈব কার্যসত্তাঽপরৈব চেৎ ।
তর্হি সা কার্যসত্তা তু তয়া কারণসত্তয়া ॥ ১০॥
সদ্রূপেণৈব ভিন্না স্যাদসদ্রূপেণ বা ভবেৎ ।
সদ্রূপেণেতি চেদেকা সত্তা ভিন্না ন সা ভবেৎ ॥ ১১॥
অসদ্রূপেণ সা ভিন্না কার্যসত্তা তয়া যদি ।
তর্হি সা নৈব সত্তা স্যাদসত্ত্বাদেব শূন্যবৎ ॥ ১২॥
যদ্যসৎকার্যমিষ্যেত ন কার্যং তর্হি তদ্ভবেৎ ।
বন্ধ্যাপুত্রো ন কস্যাপি বস্তুনঃ কার্যমিষ্যতে ॥ ১৩॥
প্রধ্বংসোঽপি ন কার্যং স্যাত্তস্যোৎপত্তেরসম্ভবাৎ ।
নাস্তি কারকসম্বন্ধঃ প্রধ্বংসস্য সুরোত্তমাঃ ।
শূন্যবন্নিরুপাখ্যৎবাত্ততো নাস্তি জনিক্রিয়া ॥ ১৪॥
অসত্ত্বেঽপি বিশেষোঽস্তি কার্যস্যেতি মতির্যদি ॥ ১৫॥
কো বিশেষোঽস্য সম্বন্ধঃ কারকৈর্যদি তন্ন হি ।
বিশেষে সতি সম্বন্ধঃ সম্বন্ধোঽস্য স এব হি ॥ ১৬॥
জনিক্রিয়াশ্রয়ৎবং চেদ্বিশেষোঽস্য তদাঽপি তু ।
পূর্বোক্তদোষঃ সম্প্রাপ্তস্তস্য নাস্তি নিবারকঃ ॥ ১৭॥
সত্তাসম্বন্ধবত্ত্বং চেদ্বিশেষোঽস্য ন তৎপটু ।
তদাঽপি দোষঃ পূর্বোক্তঃ প্রাপ্নোত্যেব ন সংশয়ঃ ॥ ১৮॥
অতোঽসতো ন কার্যৎবং সদসত্ত্বং ন সঙ্গতম্ ।
উক্তদোষদ্বয়াপত্তেরতঃ কার্যং তু কারণাৎ ।
অভিন্নমেব ভেদস্যাসম্ভবাদেব বস্তুতঃ ॥ ১৯॥
ভেদাভেদসমাখ্যা তু সুতরাং নৈব সিধ্যতি ।
কারণাৎকার্যজাতস্য ভেদাভাবাচ্চ বস্তুতঃ ॥ ২০॥
কার্যকারণভেদশ্চ কারকব্যাবৃতিস্তথা ।
উৎপত্তিশ্চ বিনাশশ্চ তথৈবার্থক্রিয়াঽপি চ ॥ ২১॥
নামরূপবিশেষশ্চ সর্বং ভ্রান্ত্যা প্রসিধ্যতি ॥ ২২॥
অতঃ সর্বো বিকারশ্চ বাচা কেবলমাস্তিকাঃ ।
অস্তীত্যারভ্যতে নামধেয়মাত্রং হি সৎসদা ॥ ২৩॥
প্রাতীতিকেন রূপেণ বিকারোঽসত্য এব হি ।
কারণাকার এবাস্য সত্যঃ সাক্ষাৎসদা সুরাঃ ॥ ২৪॥
কারণাভিন্নরূপেণ কার্যং কারণমেব হি ।
সদ্রূপেণ সদা সত্যং ভেদেনোক্তির্মৃষা খলু ॥ ২৫॥
অতঃ কারণবিজ্ঞানাৎসর্ববিজ্ঞানমাস্তিকাঃ ।
সুতরামুপপন্নং হি ন সন্দেহোঽস্তি কশ্চন ॥ ২৬॥
তচ্চ কারণমেকং হি ন ভিন্নং নোভয়াত্মকম্ ।
ভেদঃ সর্বত্র মিথ্যৈব ধর্ম্যাদেরনিরূপণাৎ ॥ ২৭॥
ভেদে জ্ঞাতে হি ধর্ম্যাদিবিভাগস্য চ বেদনম্ ।
বিভেদেনৈব ধর্ম্যাদৌ বিজ্ঞাতে ভেদবেদনম্ ॥ ২৮॥
ভেদানিরূপণাদেব ভেদাভেদো ন সঙ্গতঃ ।
অতশ্চ কারণং নিত্যমেকমেবাদ্বয়ং সুরাঃ ॥ ২৯॥
কুলালাদের্মৃদাদেশ্চ ভেদে দৃষ্টেঽপি ভূতলে ।
অচৈতন্যান্মৃদাদেস্তু কুলালাদিরপেক্ষ্যতে ॥ ৩০॥
অত্র কারণমদ্বৈতং শুদ্ধং চৈতন্যমেব হি ।
তেন নাপেক্ষতে হ্যন্যৎকারণং চেতনাত্মকম্ ॥ ৩১॥
স্বয়ং চেতনমপ্যেতৎকারণং ন কুলালবৎ ।
অপেক্ষতে মৃদা তুল্যমচিদ্রূপং তু কারণম্ ॥ ৩২॥
প্রতীত্যা কেবলং শক্তিরচিদ্রূপা তমোময়ী ।
সর্বপ্রকারৈর্বিদ্বদ্ভিরনিরূপ্যাঽস্তি শাঙ্করী ॥ ৩৩॥
তয়া দুর্ঘটকারিণ্যা তাদাত্ম্যেনৈব সঙ্গতম্ ।
কারণং সকলস্রষ্টৃ সর্বসংহর্তৃ চাস্তিকাঃ ॥ ৩৪॥
পালকং চ সদা সচ্চ চিদ্রূপৎবাৎসুরোত্তমাঃ ।
চিদ্রূপস্য তু সত্যৎবং যুক্তমেবাস্তিকাঃ সদা ॥ ৩৫॥
অচিদ্রূপাহিরজ্জ্বাদের্মৃষাৎবং সম্মতং খলু ।
অতস্তৎকারণং দেবাঃ সদেবৈকং চ শাশ্বতম্ ॥ ৩৬॥
ইদং সর্বং জগৎপূর্বং সদেবাঽসীৎসুরর্ষভাঃ ।
অসদাসীদিতি ভ্রান্তা বদন্তি সুরপুঙ্গবাঃ ॥ ৩৭॥
অসন্ন কারণং যুক্তং বস্তুতত্ত্বনিরূপণে ।
বন্ধ্যাপুত্রোঽপি সর্বেষাং কারণং স্যাৎস্বয়ং খলু ॥ ৩৮॥
স্বশক্ত্যাঽসচ্চ সর্বেষাং কারণং ভবতীতি চেৎ ।
শক্তিরপ্যসতো নাস্তি সতো বীজস্য দর্শনাৎ ॥ ৩৯॥
অঙ্কুরোৎপাদিকা শক্তিঃ সদ্রূপস্যৈব দৃশ্যতে ।
খলু বীজস্য সর্বত্র নাসতস্তদদর্শনাৎ ॥ ৪০॥
সাঽপি শক্তিঃ সতী কিংবাঽসতী সদসতী তু বা ।
সতী চেৎসা সতী শক্তিঃ কথং বন্ধ্যাসুতাশ্রয়া ।
আশ্রয়ৎবং সতো দৃষ্টং খলু লোকে ন চাসতঃ ॥ ৪১॥
সাঽসতী চেৎকথং শক্তিঃ কার্যনির্বাহিকাঽসতী ॥ ৪২॥
বন্ধ্যাপুত্রঃ স্বয়ং নৈব কার্যনির্বাহকঃ খলু ।
নির্বাহকৎবধর্মশ্চ সত এব হি দৃশ্যতে ॥ ৪৩॥
শক্তিঃ সদসতী সা চেদ্দোষদ্বয়সমাগমঃ ।
অতঃ স্বশক্ত্যা চাসত্তু সর্বেষাং নৈব কারণম্ ॥ ৪৪॥
তস্মাৎসোঽয়মসদ্বাদো জল্পমাত্রং ন যুক্তিমান্ ।
অতঃ সদেব সর্বেষাং কারণং নাসদাস্তিকাঃ ॥ ৪৫॥
সৃষ্টেস্তু প্রাগিদং সর্বং সদেবাঽঽসীত্তু কারণম্ ।
তচ্চ কারণমাদ্যন্তবিনির্মুক্তং সদদ্বয়ম্ ॥ ৪৬॥
পূর্বকল্পপ্রপঞ্চোত্থসংস্কারেণানুরঞ্জিতম্ ।
কালকর্মবিপাকেন সত্ত্ববৃত্তিসমাশ্রিতম্ ॥ ৪৭॥
সৃষ্ট্যর্থমৈক্ষত প্রাজ্ঞা বহু স্যামিতি শক্তিমৎ ।
পুনস্তৎপূর্বসংস্কারাদাকাশং বায়ুমাদিতঃ ॥ ৪৮॥
সৃষ্ট্বা তেজস্ততঃ সৃষ্ট্বা পুনঃ সৃষ্ট্বা ৎবপস্ততঃ ।
অন্নশব্দোদিতাং দেবাঃ সসর্জ পৃথিবীং পরাম্ ॥ ৪৯॥
তৎপুনঃ কারণং ব্রহ্ম তানি ভূতানি পঞ্চ চ ।
একৈকং দ্বিবিধং কৃৎবা তেষাং মধ্যে সুরোত্তমাঃ ॥ ৫০॥
অংশান্পঞ্চ সমাদায় তেষামেকৈকমাস্তিকাঃ ।
কৃৎবা চতুর্ধা তেষ্বংশানাদায় চতুরঃ সুরাঃ ॥ ৫১॥
যথাক্রমেণ ভূতানাং চতুরস্তাংশ্চ কারণম্ ।
যথাক্রমেণ ভূতার্ধেনৈকেনৈকং করোতি তৎ ॥ ৫২॥
এবমংশান্তরানেতানাদায় চতুরঃ স্বয়ম্ ।
একং ভূতান্তরার্ধেন করোতি ক্রমশঃ সুরাঃ ॥ ৫৩॥
এবং ভূতানি সর্বাণি পঞ্চীকৃত্য সুরর্ষভাঃ ।
অণ্ডানি ভুবনান্যাশু করোতি ব্রহ্ম কারণম্ ॥ ৫৪॥
অণ্ডজং জারজং চৈব স্বেদজং চোদ্ভিজং তথা ।
করোতি কালপাকেন প্রাণিকর্মবশেন চ ॥ ৫৫॥
ব্রহ্ম সর্বত্র চিদ্রূপেণৈবানুপ্রাপ্য সাত্ত্বিকাঃ ।
পৃথঙ্নামানি রূপাণি কুরুতে পূর্বকল্পবৎ ॥ ৫৬॥
ইদং সর্বং জগৎসত্যমিব ভাতমপি স্বতঃ ।
কারণব্যতিরেকেণ নাস্ত্যেবাত্র ন সংশয়ঃ ॥ ৫৭॥
যদ্গ্নে রোহিতং রূপং তদ্রূপং তেজসঃ সদা ।
যচ্ছুক্লং তদপাং রূপং যৎকৃষ্ণং ভৌমমেব তৎ ॥ ৫৮॥
নাস্তি রূপাতিরেকেণ সদা সোঽগ্নিঃ সুরর্ষভাঃ ।
বাচারম্ভণমাত্রো হি বিকারো বহ্নিসঞ্জ্ঞিতঃ ॥ ৫৯॥
ত্রীণি রূপাণি হে দেবা এব সত্যং ন চানলঃ ।
যদ্ভানো রোহিতং রূপং তদ্রূপং তেজসঃ সদা ॥ ৬০॥
যচ্ছুক্লং তদপাং রূপং যৎকৃষ্ণং ভৌমমেব তৎ ।
নাস্তি রূপাতিরেকেণ সদাঽঽদিত্যো ন সংশয়ঃ ॥ ৬১॥
ভ্রান্ত্যা কেবলমাদিত্য ইত্যাহুরবিবেকিনঃ ।
এবং চন্দ্রশ্চ বিজ্ঞেয়ো বিদ্যুচ্চ সুরপুঙ্গবাঃ ॥ ৬২॥
ঘটকুড্যাদয়ো ভাবা ভূতানি ভুবনানি চ ।
সর্বং ব্রহ্মাতিরেকেণ নাস্তি ব্রহ্মৈব সৎসদা ॥ ৬৩॥
পূর্বপূর্বভ্রমোৎপন্নবাসনায়া বলেন তু ।
দেহেন্দ্রিয়াদিসঙ্ঘাতেঽহম্মতির্জায়তে দৃঢম্ ॥ ৬৪॥
দেহেন্দ্রিয়াদয়ো ভাবা নাহমর্থা নিরূপণে ।
ভৌতিকৎবাচ্চ ভূতাংশৈঃ সদৈবাপ্যায়িতৎবতঃ ॥ ৬৫॥
মৃদম্ভসা যথা ভিত্তির্নির্মিতা বৈ মৃদম্ভসা ।
আপ্যায়তে তথা ভুক্তৈর্ভূতৈর্দেহাদয়োঽপি চ ॥ ৬৬॥
অতো দেহাদিসঙ্ঘাতেঽহম্মমেত্যাদিকাং মতিম্ ।
বিসৃজ্য সাক্ষিচৈতন্যে বিদ্বান্কুর্যাদহম্মতিম্ ॥ ৬৭॥
দধ্নঃ সর্পির্যথা জাতং মন্থনেন সুরর্ষভাঃ ।
তথা বুদ্ধ্যাদয়ো ভাবা ভূতেভ্যশ্চোদ্ভবন্তি হি ॥ ৬৮॥
ভৌতিকং দেহসঙ্ঘাতং বিসৃজ্য মতিমান্পুনঃ ।
সর্বসাক্ষিণি চিদ্রূপে কুর্যান্নিত্যমহম্মতিম্ ॥ ৬৯॥
অন্নেনাপ্যায়তেঽভুক্তে নাধীতং তস্য ভাসতে ।
ততোঽপি বুদ্ধিরন্নস্য কার্যমেব ন সংশয়ঃ ॥ ৭০॥
অতোঽপি বুদ্ধিমন্নস্য কার্যং ত্যক্ত্বা বিবিক্তধীঃ ।
সর্বসাক্ষিণি চিদ্রূপে কুর্যান্নিত্যমহম্মতিম্ ॥ ৭১॥
দেহেন্দ্রিয়াদিসঙ্ঘাতেঽহম্মমেত্যাদিকাং মতিম্ ।
ত্যক্ত্বা স্বাত্মনি চিদ্রূপে যদাঽপীতো ভবত্যযম্ ॥ ৭২॥
তদা স্বপিতি দুঃখাদিদর্শনং চ ন বিদ্যতে ।
স্বাত্মরূপসুখপ্রাপ্তিরেবং দৃষ্টাঽস্য দেহিনঃ ॥ ৭৩॥
অতোঽপি মতিমান্নিত্যং ত্যক্ত্বা দেহাদিগাং ধিয়ম্ ।
সর্বসাক্ষিণি চিদ্রূপে সাক্ষাৎকুর্যাদহম্মতিম্ ॥ ৭৪॥
যদিদং সাক্ষিণা বেদ্যং তৎসর্বং ব্রহ্ম কেবলম্ ।
তৎসত্যং পূর্ণচৈতন্যং তত্ত্বমর্থো ন সংশয়ঃ ॥ ৭৫॥
ৎবংশব্দার্থো য আভাতি সোঽহংশব্দার্থ এব হি ।
যোঽহংশব্দার্থ আভাতি স ৎবংশব্দার্থ এব হি ॥ ৭৬॥
ৎবমহংশব্দলক্ষ্যার্থঃ সাক্ষাৎপ্রত্যক্চিতিঃ পরা ।
তচ্ছব্দস্য চ লক্ষ্যার্থঃ সৈব নাত্র বিচারণা ॥ ৭৭॥
ৎবমহংশব্দবাচ্যার্থস্যৈব দেহাদিবস্তুনঃ ।
ন তচ্ছব্দার্থতাং বক্তি শ্রুতিস্তত্ত্বমসীতি সা ॥ ৭৮॥
তদর্থৈক্যবিরুদ্ধাংশং ত্যক্ত্বা বাচ্যগতং শ্রুতিঃ ।
অবিরুদ্ধচিদাকারং লক্ষয়িৎবা ব্রবীতি হি ॥ ৭৯॥
তদর্থে চ ৎবমর্থৈক্যবিরুদ্ধাংশং বিনৈব তু ।
কারণৎবাদিবাচ্যস্থং লক্ষয়িৎবা তু কেবলম্ ॥ ৮০॥
চিদাকারং পুনস্তস্য ৎবমর্থৈক্যং ব্রবীতি চ ।
তত্ত্বংশব্দার্থলক্ষ্যস্য চিন্মাত্রস্য পরাত্মনঃ ॥ ৮১॥
একৎবং যৎস্বতঃসিদ্ধং স হি বাক্যার্থ আস্তিকাঃ ।
ইতোঽন্যথা যো বাক্যার্থঃ সোঽবাক্যার্থো ন সংশয়ঃ ॥ ৮২॥
একৎবপ্রমিতিং বাক্যং ন করোতি সুরর্ষভাঃ ।
ব্যাবহারিকমজ্ঞানং বাধতে বিদ্যযৈব তু ॥ ৮৩॥
সদা প্রমিতমেকৎবং স্বত এব ন চান্যতঃ ।
অতো ন প্রমিতিং বাক্যং কুরুতেঽজ্ঞানবাধকম্ ॥ ৮৪॥
বস্তুতো নাস্তি চাজ্ঞানং চিৎপ্রকাশবিরোধতঃ ।
অতো বাক্যং ন চাজ্ঞানবাধকং চ নিরূপণে ॥ ৮৫॥
একৎবং যৎপুরা প্রোক্তং তৎস্বয়ং সেদ্ধুমর্হতি ।
ন প্রমাণেন মানানি তস্মিন্কুণ্ঠীভবন্তি হি ॥ ৮৬॥
ব্যাবহারিকমজ্ঞানমপি ব্রহ্মৈব বস্তুতঃ ।
অজ্ঞানমিতি বার্তাঽপি ৎবর্থসদ্ভাব এব হি ॥ ৮৭॥
সত এব হি সদ্ভাবো নাসতঃ সূক্ষ্মদর্শনে ।
সদসৎকোটিনির্মুক্তমিত্যুক্তিশ্চার্থভাসনে ।
খলু নাভাসতে ভানং ব্রহ্ম বস্ত্বেব কেবলম্ ॥ ৮৮॥
ভানসম্বন্ধতোঽভানমিতি বার্তাঽপ্যসঙ্গতা ॥ ৮৯ ॥
সম্বন্ধিরূপসদ্ভাবে সতি সম্বন্ধসম্ভবঃ ।
সদ্ভাবে সতি সম্বন্ধিরূপং ব্রহ্মৈব কেবলম্ ॥ ৯০॥
অনিরূপিতরূপেণ সদ্ভাব ইতি চেন্মতম্ ।
অনিরূপিতরূপস্য রূপং তু ব্রহ্ম কেবলম্ ।
ব্রহ্মৈব রূপং নৈবান্যন্ন রূপমপরস্য হি ॥ ৯১॥
অস্তি চেদপরস্যাপি রূপং তর্হি সুরোত্তমাঃ ।
রূপরূপেণ রূপং চ ব্রহ্মরূপং ভবেৎখলু ॥ ৯২॥
ব্রহ্মরূপেণ নান্যস্য রূপং রূপান্তরেণ চেৎ ॥ ৯৩॥
তর্হি রূপান্তরং রূপাদ্ভিন্নং বাঽভিন্নমেব বা ।
ভিন্নাভিন্নং ন বা ভিন্নং যদি রূপাদ্বিভেদতঃ ॥ ৯৪॥
তুচ্ছবত্তদরূপং স্যাদভিন্নং চেত্তদেব তৎ ।
উক্তদোষদ্বয়াপত্তের্ভিন্নাভিন্নং ন তদ্ভবেৎ ॥ ৯৫॥
অত এব সুরশ্রেষ্ঠা অনিরূপিতরূপতঃ ।
সদ্ভাব ইতি বার্তা চ বার্তৈব খলু কেবলম্ ॥ ৯৬॥
তস্মাদজ্ঞানমেবৈতদ্ব্রহ্মৈব সততোদিতম্ ।
অজ্ঞানময়মেবেদং সর্বমিত্যপি ভাষণম্ ।
নৈব ভাষণমজ্ঞানাভাবাদেব শিবং বিনা ॥ ৯৭॥
তস্মাদজ্ঞানমজ্ঞানকার্যং চ সুরপুঙ্গবাঃ ॥ ৯৮॥
একং ব্রহ্মৈব নৈবান্যদিতি মে নিশ্চিতা মতিঃ ।
ঐতদাত্ম্যমিদং সর্বমিত্যাহ হি পরা শ্রুতিঃ ॥ ৯৯॥
সাক্ষাদর্থস্বভাবেন শ্রুতিঃ সেয়ং প্রবর্ততে ।
শ্রোতুশ্চিত্তাবিপাকেন বিষণ্ণা বিবশা শ্রুতিঃ ॥ ১০০॥
ক্বচিৎকদাচিদন্যার্থং বক্তি চ ব্রহ্মণঃ পৃথক্ ।
সাধ্যসাধনসম্বন্ধকথনং ফলভাষণম্ ॥ ১০১॥
জগদ্বৈচিত্র্যনির্দেশো ধর্মাধর্মার্থভাষণম্ ।
বর্ণাশ্রমবিভাগোক্তিস্তদ্ধর্মোক্তিস্তথৈব চ ॥ ১০২॥
শোভনাশোভনোক্তিশ্চ ভূতভৌতিকভাষণম্ ।
শব্দানাং ভেদনির্দেশস্তথাঽর্থানাং চ ভাষণম্ ॥ ১০৩॥
আত্মনোঽন্যস্য সর্বস্য সদ্ভাবোক্তিঃ সুরর্ষভাঃ ।
মিথ্যাৎবভাষণং তস্য মায়াসদ্ভাবভাষণম্ ॥ ১০৪॥
মায়াৎবোক্তিশ্চ মায়ায়া বন্ধ ইত্যভিভাষণম্ ।
গুরুশিষ্যকথোক্তিশ্চ ব্রহ্মবিদ্যাভিভাষণম্ ॥ ১০৫॥
শাস্ত্রাণামপি নির্দেশস্তর্কাণামপি ভাষণম্ ।
অন্যদ্বিতর্কজালং যত্তদুক্তিশ্চ সমাসতঃ ।
অন্যার্থেন পরং ব্রহ্ম শ্রুতিঃ সাধ্বী ন তৎপরা ॥ ১০৬॥
চিত্তপাকানুগুণ্যেন শ্রোতৄণাং পরমা শ্রুতিঃ ।
সোপানক্রমতো দেবা মন্দং মন্দং হিতং নৃণাম্ ॥ ১০৭॥
উপদিশ্য বিষণ্ণাঽপি পুনঃ পক্বাধিকারিণঃ ।
ঐতদাত্ম্যমিদং সর্বমিত্যাহ পরমাদ্বয়ম্ ॥ ১০৮॥
জগজ্জীবেশ্বরৎবাদিবিচিত্রবিভবং বিনা ।
কেবলং চিৎসদানন্দব্রহ্মাত্মৈক্যপরা শ্রুতিঃ ॥ ১০৯॥
জগজ্জীবেশ্বরৎবাদি সর্বং ব্রহ্মৈব কেবলম্ ।
ইতি স্বপূর্ণতাজ্ঞানং পরমাদ্বৈতবেদনম্ ॥ ১১০॥
ইতোঽন্যদ্যৎপরিজ্ঞানং তদজ্ঞানং ন সংশয়ঃ ।
বিচারেণায়মেবার্থস্ত্বয়মেবাবিচারণে ॥ ১১১॥
ন কদাচিদ্বিশেষোঽস্তীত্যেতজ্জ্ঞানং সুদুর্লভম্ ॥ ১১২॥
যথা যথা স্বভাবেন যদ্যদ্ভাতি সুরর্ষভাঃ ।
তথা তথা শিবো ভাতি স্বয়মেব ন চাপরঃ ॥ ১১৩॥
যথা যথা প্রভা সাক্ষাচ্ছাম্ভবী সা ন চাপরা ।
ইতি নিশ্চয়বিজ্ঞানং পরমাদ্বৈতবেদনম্ ॥ ১১৪॥
যথা যথাঽবভাসোঽয়ং শিব এবেতি পশ্যতি ।
তথা তথা মহাদেবং ভজতেঽয়ত্নতস্তু সঃ ॥ ১১৫॥
যথা যথা প্রথা পুংসস্তদ্বস্তুষ্বনবস্থিতা ।
তথা তথাঽনুসন্ধানং স্বভাবেনৈব পূজনম্ ॥ ১১৬॥
শিবরূপতয়া সর্বং যো বেদ স হি তত্ত্ববিৎ ।
অশিবং বেদ যৎকিঞ্চিৎস এব পরিমোহিতঃ ॥ ১১৭॥
শিবাদন্যতয়া কিঞ্চিদপি যো বেদ সোঽধমঃ ।
শিবস্যৈবাপচারং হি কুরুতে স পশুর্নরঃ ॥ ১১৮॥
শিবরূপতয়া সর্বং যস্য ভাতি স্বভাবতঃ ।
স্বেচ্ছাচারঃ সমাচারস্তস্য চার্চা চ শূলিনঃ ॥ ১১৯॥
যথা যথা প্রভা শম্ভোঃ প্রথা সা সা তদর্চনম্ ।
ইত্যযত্নেন বিজ্ঞানাৎপূজ্যতে পরমেশ্বরঃ ॥ ১২০॥
ক্রীডয়া জগদাকারা নান্যতশ্চাত্মদেবতা ।
ক্রীডয়ৈবাত্মনাঽঽত্মানং ভুঙ্ক্তে সা তদ্ধি বেদনম্ ॥ ১২১॥
ইন্দ্রিয়াকারভাসা সা বিষয়াকারভাসনম্ ।
ক্রীডয়া দেবতা ভুঙ্ক্তে স্বত ইত্যর্চনং মতম্ ॥ ১২২॥
পরমাদ্বৈতবিজ্ঞানমিদং ভবভয়াপহম্ ।
ভবপ্রসাদতো লভ্যং ভাবনারহিতং পরম্ ॥ ১২৩॥
যথা নক্তন্দৃশঃ সূর্যপ্রকাশো নাবভাসতে ।
তথেদং পরমাদ্বৈতং মনুষ্যাণাং ন ভাসতে ॥ ১২৪॥
প্রসাদাদেব রুদ্রস্য শ্রদ্ধয়া স্বস্য ধৈর্যতঃ ।
দেশিকালোকনাচ্চৈব কর্মসাম্যে প্রকাশতে ॥ ১২৫॥
বহুপ্রকারং বহুশঃ শ্রুতিঃ সাধ্বী সনাতনী ।
এবমেতং মহায়াসাদর্থং বদতি দুঃখিনাম্ ॥ ১২৬॥
শিব এবাস্তি নৈবান্যদিতি যো নিশ্চয়ঃ স্থিরঃ ।
সদা স এব সিদ্ধান্তঃ পূর্বপক্ষাস্তথা পরে ॥ ১২৭॥
অয়মেব হি বেদার্থো নাপরঃ পরমাস্তিকাঃ ।
গৃহ্ণামি পরশুং তপ্তং সত্যমেব ন সংশয়ঃ ॥ ১২৮॥
অয়মেব হি সত্যার্থো নাপরঃ পরমাস্তিকাঃ ।
বিশ্বাসার্থং শিবং স্পৃষ্ট্বা ত্রির্বঃ শপথয়াম্যহম্ ॥ ১২৯॥
অয়মেব হি বেদার্থো নাপরঃ পরমাস্তিকাঃ ।
অন্যথা চেৎসুরাঃ সত্যং মূর্ধা মেঽত্র পতিষ্যতি ॥ ১৩০॥
অয়মেব হি সত্যার্থো নাপরঃ পরমাস্তিকাঃ ।
অত্রৈব সন্নিধিং দেবো বিশ্বাসার্থং করিষ্যতি ॥ ১৩১॥
সূত উবাচ –
এবমুক্ত্বা তু ভগবান্ব্রহ্মা সর্বহিতে রতঃ ।
প্রণম্য দণ্ডবদ্ভূমৌ ভক্ত্যা পরবশোঽভবৎ ॥ ১৩২॥
অস্মিন্নবসরে শ্রীমাঞ্শঙ্করঃ শশিশেখরঃ ।
নীলকণ্ঠো বিরূপাক্ষঃ সাম্বঃ সাক্ষাদ্ঘৃণানিধিঃ ॥ ১৩৩॥
ব্রহ্মবিষ্ণুমহেশাদ্যৈরুপাস্যো গুণমূর্তিভিঃ ।
আবির্বভূব সর্বজ্ঞস্তত্রৈব সুরসন্নিধৌ ॥ ১৩৪॥
আসনং বিমলং দিব্যং শিবার্হং হৈমমদ্ভুতম্ ।
আগতং তত্র ভগবানাস্তে তস্মিন্যথাসুখম্ ॥ ১৩৫॥
বিষ্ণুর্বিশ্বজগৎকর্তা শিবস্যামিততেজসঃ ।
বুদ্ধ্বোদ্যোগং মহাপ্রীতস্তত্র সন্নিহিতোঽভবৎ ॥ ১৩৬॥
পুষ্পবৃষ্টিরভবৎপুনঃ পুনঃ
শব্দিতং চ মুনিভিঃ সনাতনৈঃ ।
শুদ্ধবেদবচনৈঃ সুশোভনৈ-
র্ভক্তিমদ্ভিরপি পূজনং কৃতম্ ॥ ১৩৭॥
উচ্চমন্দমৃদুতীব্রকাহলৈঃ
শব্দিতং চ পটহাদিভিস্তথা ।
তালমানকুশলৈস্তথা পরৈ-
র্ভেরিকাদিকুশলৈঃ সুঘোষিতম্ ॥ ১৩৮॥
অপ্সরোভিরপি নর্তনং কৃতং
গায়নৈশ্চ সহিতৈর্মহত্তরৈঃ ।
গীতমাশু কবিভিশ্চ কীর্তিতং
স্থানমীশদৃশিগোচরং দ্বিজাঃ ॥ ১৩৯॥
বিস্মিতাশ্চ মুনয়শ্চ কেচন
শ্রদ্ধয়ৈব শিরসা চ নর্তিতাঃ ।
মুষ্টিয়ুদ্ধমপি কুর্যুরাস্তিকাঃ
শ্রদ্ধয়ৈব পরয়া চ কেচন ॥ ১৪০॥
মস্তকেন মনুজানতিপ্রিয়ান্
পৃষ্ঠতশ্চ চরণেন পাণিনা ।
দণ্ডরজ্জুশিবিকাদিভিস্তথা
কেচিদশ্বনিকরৈর্বহন্তি চ ॥ ১৪১॥
বন্ধনং চ নিগডৈশ্চ গর্বিতা
মোচনং চ মনুজানতিপ্রিয়ান্ ।
কুর্যুরস্ত্রনিকরৈশ্চ কেচন
চ্ছেদনং চ বিবশাশ্চ কেচন ॥ ১৪২॥
অন্যোন্যমালিঙ্গনমাচরন্তি
প্রিয়েণ কেচিন্মুনয়শ্চ কেচিৎ ।
ধাবন্তি বেগেন পটং বিসৃজ্য
প্রিয়েণ চান্যানপি তাডয়ন্তি ॥ ১৪৩॥
বিলোক্য সর্বং শিবয়া শিবোঽপি
প্রহৃষ্টচিত্তস্তু নিবার্য সর্বান্ ।
হরিং বিরঞ্চিং চ সুরানশেষা-
নতিপ্রিয়েণৈব নিরীক্ষ্য বিপ্রাঃ ॥ ১৪৪॥
উবাচ সত্যং করুণানিধানঃ
শ্রুতিপ্রমাণৈকসুনিশ্চিতার্থঃ ।
হিতায় লোকস্য সুরাসুরাদ্যৈঃ
প্রপূজনীয়শ্চ সদা মহেশঃ ॥ ১৪৫॥
ঈশ্বর উবাচ:
অহং হি সর্বং ন চ কিঞ্চিদন্য-
ন্নিরূপণায়ামনিরূপণায়াম্ ।
ইয়ং হি বেদস্য পরা হি নিষ্ঠা
মমানুভূতিশ্চ ন সংশয়শ্চ ॥ ১৪৬॥
অহং সদাঽধশ্চ যথাঽহমূর্ধ্বং
ৎবহং পুরস্তাদহমেব পশ্চাৎ ।
অহং চ সব্যেতরমাস্তিকাস্তথা
ৎবহং সদৈবোত্তরতোঽন্তরালম্ ॥ ১৪৭॥
পরোক্ষরূপেণ সুসংস্থিতোঽহং
তথাঽপরোক্ষেণ সুসংস্থিতোঽহম্ ।
অনাত্মরূপেণ সুসংস্থিতোঽহং
সদাত্মরূপেণ সুসংস্থিতোঽহম্ ॥ ১৪৮॥
জৈবেন রূপেণ সুসংস্থিতোঽহম্
তথেশরূপেণ সুসংস্থিতোঽহম্ ।
অজ্ঞানরূপেণ সুসংস্থিতোঽহম্
বিজ্ঞানরূপেণ সুসংস্থিতোঽহম্ ॥ ১৪৯॥
সংসাররূপেণ সুসংস্থিতোঽহম্
কৈবল্যরূপেণ সুসংস্থিতোঽহম্ ।
শিষ্যাদিরূপেণ সুসংস্থিতোঽহম্
গুর্বাদিরূপেণ সুসংস্থিতোঽহম্ ॥ ১৫০॥
বেদাদিরূপেণ সুসংস্থিতোঽহং
স্মৃত্যাদিরূপেণ সুসংস্থিতোঽহম্ ।
পুরাণরূপেণ সুসংস্থিতোঽহং
কল্পাদিরূপেণ সুসংস্থিতোঽহম্ ॥ ১৫১॥
প্রমাতৃরূপেণ সুসংস্থিতোঽহং
প্রমাণরূপেণ সুসংস্থিতোঽহম্ ।
প্রমেয়রূপেণ সুসংস্থিতোঽহং
মিতিস্বরূপেণ সুসংস্থিতোঽহম্ ॥ ১৫২॥
কর্তৃস্বরূপেণ সুসংস্থিতোঽহং
ক্রিয়াস্বরূপেণ সুসংস্থিতোঽহম্ ।
তদ্ধেতুরূপেণ সুসংস্থিতোঽহং
ফলস্বরূপেণ সুসংস্থিতোঽহম্ ॥ ১৫৩॥
ভোক্তৃস্বরূপেণ সুসংস্থিতোঽহং
ভোগস্বরূপেণ সুসংস্থিতোঽহম্ ।
তদ্ধেতুস্বরূপেণ সুসংস্থিতোঽহং
ভোগ্যস্বরূপেণ সুসংস্থিতোঽহম্ ॥ ১৫৪॥
পুণ্যস্বরূপেণ সুসংস্থিতোঽহং
পাপস্বরূপেণ সুসংস্থিতোঽহম্ ।
সুখস্বরূপেণ সুসংস্থিতোঽহং
দুঃখস্বরূপেণ সুসংস্থিতোঽহম্ ॥ ১৫৫॥
রুদ্রপ্রভেদেন সুসংস্থিতোঽহং
বিষ্ণুপ্রভেদেন সুসংস্থিতোঽহম্ ।
ব্রহ্মপ্রভেদেন সুসংস্থিতোঽহং
দেবপ্রভেদেন সুসংস্থিতোঽহম্ ॥ ১৫৬॥
মর্ত্যপ্রভেদেন সুসংস্থিতোঽহং
তির্যক্প্রভেদেন সুসংস্থিতোঽহং
কৃমিপ্রভেদেন সুসংস্থিতোঽহং
কীটপ্রভেদেন সুসংস্থিতোঽহম্ ॥ ১৫৭॥
বৃক্ষপ্রভেদেন সুসংস্থিতোঽহং
গুল্মপ্রভেদেন সুসংস্থিতোঽহম্ ।
লতাপ্রভেদেন সুসংস্থিতোঽহং
তৃণপ্রভেদেন সুসংস্থিতোঽহম্ ॥ ১৫৮॥
কলাপ্রভেদেন সুসংস্থিতোঽহং
ঘটপ্রভেদেন সুসংস্থিতোঽহম্ ।
পটপ্রভেদেন সুসংস্থিতোঽহং
কুড্যাদিভেদেন সুসংস্থিতোঽহম্ ॥ ১৫৯॥
অন্নপ্রভেদেন সুসংস্থিতোঽহং
পানপ্রভেদেন সুসংস্থিতোঽহম্ ।
বনপ্রভেদেন সুসংস্থিতোঽহং
গিরিপ্রভেদেন সুসংস্থিতোঽহম্ ॥ ১৬০॥
নদীপ্রভেদেন সুসংস্থিতোঽহং
নদপ্রভেদেন সুসংস্থিতোঽহম্ ।
সমুদ্রপ্রভেদেন সুসংস্থিতোঽহং
তটপ্রভেদেন সুসংস্থিতোঽহম্ ॥ ১৬১॥
তডাগভেদেন সুসংস্থিতোঽহং
অভ্রপ্রভেদেন সুসংস্থিতোঽহম্ ।
নক্ষত্রভেদেন সুসংস্থিতোঽহং
গ্রহপ্রভেদেন সুসংস্থিতোঽহম্ ॥ ১৬২॥
মেঘপ্রভেদেন সুসংস্থিতোঽহং
বিদ্যুৎপ্রভেদেন সুসংস্থিতোঽহম্ ।
যক্ষপ্রভেদেন সুসংস্থিতোঽহং
রক্ষঃপ্রভেদেন সুসংস্থিতোঽহম্ ॥ ১৬৩॥
গন্ধর্বভেদেন সুসংস্থিতোঽহং
সিদ্ধপ্রভেদেন সুসংস্থিতোঽহম্ ।
অণ্ডপ্রভেদেন সুসংস্থিতোঽহং
লোকপ্রভেদেন সুসংস্থিতোঽহম্ ॥ ১৬৪॥
দেশপ্রভেদেন সুসংস্থিতোঽহং
গ্রামপ্রভেদেন সুসংস্থিতোঽহম্ ।
গৃহপ্রভেদেন সুসংস্থিতোঽহং
মঠপ্রভেদেন সুসংস্থিতোঽহম্ ॥ ১৬৫॥
কটপ্রভেদেন সুসংস্থিতোঽহং
প্রাকারভেদেন সুসংস্থিতোঽহম্ ।
পুরপ্রভেদেন সুসংস্থিতোঽহং
পুরীপ্রভেদেন সুসংস্থিতোঽহম্ ॥ ১৬৬॥
ব্যোমাদিভেদেন সুসংস্থিতোঽহং
শব্দাদিভেদেন সুসংস্থিতোঽহম্ ।
শরীরভেদেন সুসংস্থিতোঽহং
প্রাণপ্রভেদেন সুসংস্থিতোঽহম্ ॥ ১৬৭॥
শ্রোত্রাদিভেদেন সুসংস্থিতোঽহং
পদাদিভেদেন সুসংস্থিতোঽহম্ ।
মনঃপ্রভেদেন সুসংস্থিতোঽহং
বুদ্ধিপ্রভেদেন সুসংস্থিতোঽহম্ ॥ ১৬৮॥
অহম্প্রভেদেন সুসংস্থিতোঽহং
চিত্তপ্রভেদেন সুসংস্থিতোঽহম্ ।
সঙ্ঘাতভেদেন সুসংস্থিতোঽহং
জন্মাদিভেদেন সুসংস্থিতোঽহম্ ॥ ১৬৯॥
জাগ্রৎপ্রভেদেন সুসংস্থিতোঽহং
স্বপ্নপ্রভেদেন সুসংস্থিতোঽহম্ ।
সুষুপ্তিভেদেন সুসংস্থিতোঽহং
তুরীয়ভেদেন সুসংস্থিতোঽহম্ ॥ ১৭০॥
দৃশ্যপ্রভেদেন সুসংস্থিতোঽহং
দ্রষ্টৃপ্রভেদেন সুসংস্থিতোঽহম্ ।
সাক্ষিস্বরূপেণ সুসংস্থিতোঽহং
সর্বস্বরূপেণ সুসংস্থিতোঽহম্ ॥ ১৭১॥
অস্তিনাস্তিবচনেন ভাষিতং
ভাতিশব্দপরিভাষিতং তথা ।
ভানহীনপরিভাষিতং চ মে
রূপমেব হি ন সংশয়ঃ ক্বচিৎ ॥ ১৭২॥
শব্দগোচরতয়া স্থিতং সদা
শব্দগোচরবিহীনরূপতঃ ।
যৎস্থিতং তদহমেব সন্ততং
প্রত্যযেঽপি গতিরেবমেব হি ॥ ১৭৩॥
নিত্যশুদ্ধপরিবুদ্ধমুক্ততাং
যস্য নিত্যমিতি বক্তি বাক্ শ্রুতেঃ ।
তস্য সত্যসুখবোধপূর্ণতা
তথ্যমেব মম নাস্তি সংশয়ঃ ॥ ১৭৪॥
যৎস্বরূপমহমাত্মনা তথা
যৎস্বরূপমিদমাত্মনৈব তু ।
ভাতি তত্তু মম চিদ্বপুঃ সদা
ভাতি নান্যদিতি নিশ্চয়ো মম ॥ ১৭৫॥
অহং সমস্তং মম রূপতঃ পৃথঙ্
ন কিঞ্চিদস্তীতি সুনিশ্চয়ঃ কৃতঃ ।
ময়া তু বেদান্তবচোভিরঞ্জসা
পিতামহেনাপি চ সত্যমীরিতম্ ॥ ১৭৬॥
অত্র সংশয়মতির্বিনশ্যতি
ভ্রষ্ট এব পরমার্থদর্শনাৎ ।
অত্র নিশ্চয়মতিস্তু মুচ্যতে
কষ্টরূপভবপাশবন্ধনাৎ ॥ ১৭৭॥
সূত উবাচ ।
এবমুক্ত্বা মহাদেবঃ সাম্বঃ সংসারমোচকঃ ।
সমালিঙ্গ্য মহাবিষ্ণুং ব্রহ্মাণমপি সাদরম্ ॥ ১৭৮॥
বিলোক্য দেবানখিলান্বিশুদ্ধেনৈব চেতসা ।
ভদ্রমস্তু সুরশ্রেষ্ঠা যুষ্মাকমিতি চাব্রবীৎ ॥ ১৭৯॥
দেবাশ্চ দেবদেবেশং প্রসন্নং করুণানিধিম্ ।
পূজয়ামাসুরাহ্লাদাৎপত্রপুষ্পফলাদিভিঃ ॥ ১৮০॥
বিষ্ণুর্বিশ্বজগৎকর্তা বিশ্বেশাঙ্ঘ্রিসরোরুহম্ ।
স্বমূর্ধ্নি ভক্ত্যা নিক্ষিপ্য পুনঃ পরবশোঽভবৎ ॥ ১৮১॥
পিতামহোঽপি সর্বাত্মা শিবপাদাম্বুজদ্বয়ম্ ।
স্বমূর্ধ্নি ভক্ত্যা নিক্ষিপ্য পুনঃ পরবশোঽভবৎ ॥ ১৮২॥
দেবদেবো মহাদেবঃ সাম্বঃ সংসারমোচকঃ ।
ননর্ত পরমং ভাবমৈশ্বরং সম্প্রদর্শয়ন্ ॥ ১৮৩॥
করতালং মহাদেবী করুণাসাগরা পরা ।
চকার পরমপ্রীত্যা সমালোক্য মহেশ্বরম্ ॥ ১৮৪॥
বিষ্ণুর্ব্রহ্মা সুরাঃ সর্বে তত্র সন্নিহিতা জনাঃ ।
সর্বে সন্তোষতস্তত্র নৃত্যন্তি স্ম যথাবলম্ ॥ ১৮৫॥
দেবদেবো মহাদেবো মহানন্দোদধির্দ্বিজাঃ ।
বিলোক্য সর্বান্সুপ্রীতস্তত্রৈবান্তর্হিতোঽভবৎ ॥ ১৮৬॥
বিষ্ণুর্ব্রহ্মাণমালিঙ্গ্য বিলোক্য সকলান্সুরান্ ।
প্রসন্নঃ পদ্ময়া সার্ধং বৈকুণ্ঠমগমৎপ্রভুঃ ॥ ১৮৭॥
ব্রহ্মাঽপি বিস্ময়াপন্নো বিলোক্য সকলান্সুরান্ ।
অবশঃ সন্পুনশ্চাহ শ্রদ্ধয়ৈব তু কেবলম্ ॥ ১৮৮॥
ব্রহ্মোবাচ ।
বিদ্যাঃ সর্বা নৃণাং সাক্ষাৎসংসারস্য প্রবর্তিকাঃ ।
আত্মবিদ্যা তু সংসারতমসঃ প্রতিঘাতিনী ॥ ১৮৯॥
আত্মবিদ্যাবিহীনস্য শোকসাগর এব হি ।
মুক্তিরেবাত্মনিষ্ঠস্য নাস্তি সংশয়কারণম্ ॥ ১৯০॥
যত্রান্যৎপশ্যতি প্রাণী শৃণোত্যন্যত্তথৈব চ ।
অন্যজ্জানাতি চাল্পং তদ্যদল্পং মর্ত্যমেব তৎ ॥ ১৯১॥
যত্র পশ্যতি নান্যচ্চ ন শৃণোত্যন্যদাস্তিকাঃ ।
অন্যচ্চ ন বিজানাতি স ভূমা সুরপুঙ্গবাঃ ॥ ১৯২॥
যো বৈ ভূমা সুখং তদ্ধি তদ্ধি কৈবল্যমুত্তমম্ ।
নাল্পে চাস্তি সুখং তস্মান্মহাদ্বৈতপরো ভবেৎ ॥ ১৯৩॥
মহাদ্বৈতপরস্যাস্য ন নাশো জন্ম নৈব চ ।
নৈব গত্যাগতী নান্যদ্বন্ধনং ন বিমোচনম্ ॥ ১৯৪॥
অত্রৈব লীয়তে সম্যক্সর্বমাত্মতয়া স্বতঃ ।
ঘৃতকাঠিন্যবৎস্বপ্নপ্রপঞ্চপ্রতিভাসবৎ ॥ ১৯৫॥
সর্বমেতদতিশোভনং পরং কেবলং করুণয়ৈব ভাষিতম্ ।
দেবদেবচরণপ্রসাদতো নেতরদ্ধি কথনীয়মস্তি বঃ ॥ ১৯৬॥
ইতি ব্রহ্মগীতাসূপনিষৎসু
আদেশকথনং নাম পঞ্চমোঽধ্যায়ঃ ॥ ৫॥
॥ অথ ষষ্ঠোঽধ্যায়ঃ ॥
॥ দহরোপাসনবিবরণম্ ॥
ব্রহ্মোবাচ ।
অস্মিন্ব্রহ্মপুরে বেশ্ম দহরং যদিদং সুরাঃ ।
পুণ্ডরীকং তু তন্মধ্য আকাশো দহরোঽস্তি তু ॥ ১॥
স শিবঃ সচ্চিদানন্দঃ সোঽন্বেষ্টব্যো মুমুক্ষিভিঃ ।
স বিজিজ্ঞাসিতব্যশ্চ বিনা সঙ্কোচমাস্তিকাঃ ॥ ২॥
স্বাভিব্যঞ্জকসঙ্কোচৎসঙ্কোচপ্রতিভাঽঽত্মনঃ ।
ন স্বরূপেণ চিদ্রূপং সর্বব্যাপি সদা খলু ॥ ৩॥
জ্ঞাতরূপেণ চাজ্ঞাতস্বরূপেণ চ সাক্ষিণঃ ।
সর্বং ভাতি তদাভাতি ততস্তদ্ব্যাপি সর্বদা ॥ ৪॥
স্বয়ং সেদ্ধুমশক্যং হি জডাত্মকমিদং জগৎ ।
চিৎসম্বন্ধবলেনৈব খলু ভাতি ন চান্যথা ॥ ৫॥
অতোঽবভাস্যং সকলং ব্যাপ্য তদ্ভাসকঃ শিবঃ ।
স্বতো ব্যাপী ন চাব্যাপী সঙ্কোচশ্চান্যসঙ্গমাৎ ॥ ৬॥
যাবান্বা অয়মাকাশস্তাবানাকাশ আন্তরঃ ।
দ্যাবাপৃথ্বী উভে অস্মিন্নন্তরেব সমাহিতে ॥ ৭॥
উভাবগ্নিশ্চ বায়ুশ্চ সূর্যাচন্দ্রমসাবুভৌ ।
নক্ষত্রাণি চ বিদ্যুচ্চ যচ্চাস্তিৎবেন ভাসতে ॥ ৮॥
যচ্চ নাস্তিতয়া ভাতি সর্বং তস্মিন্সমাহিতম্ ।
অতঃ সর্বাশ্রয়ঃ শম্ভুঃ সর্বব্যাপী স্বভাবতঃ ॥ ৯॥
এষ আত্মা পরো ব্যাপী পাপ্মভিঃ সকলৈঃ সদা ।
অসৌ চা(না)পহতঃ সাক্ষী বিমৃত্যুর্বিজরঃ সুরাঃ ॥ ১০॥
বিশোকো বিজিঘৎসোঽপিপাসঃ সত্যাদিলক্ষণঃ ।
সত্যকামস্তথা সত্যসঙ্কল্পশ্চ সুরর্ষভাঃ ॥ ১১॥
যথা কর্মজিতা লোকাঃ ক্ষীয়ন্তে ভুবি সত্তমাঃ ।
তথা পুণ্যজিতা লোকাঃ ক্ষীয়ন্তে হি পরত্র চ ॥ ১২॥
যেঽবিদিৎবা পরাত্মানং ব্রজন্তি সকলাঃ ক্রিয়াঃ ।
তেষাং সর্বেষু লোকেষু কামচারো ন বিদ্যতে ॥ ১৩॥
যে বিদিৎবা পরাত্মানং ব্রজন্তীব ক্রিয়াঃ স্থিতাঃ ।
তেষাং সর্বেষু লোকেষু কামচারস্তু বিদ্যতে ॥ ১৪॥
যথা হিরণ্যং নিহিতং ক্ষেত্রজ্ঞানবিবর্জিতাঃ ।
উপর্যুপরি গচ্ছন্ত্যো ন বিন্দেয়ুঃ প্রজা ইমাঃ ॥ ১৫॥
তথা সুষুপ্তৌ গচ্ছন্তো ব্রহ্মলোকং স্বয়ম্প্রভম্ ।
ন বিন্দন্তি মহামোহাদহো মোহস্য বৈভবম্ ॥ ১৬॥
অয়ং হৃদি স্থিতঃ সাক্ষী সর্বেষামবিশেষতঃ ।
তেনায়ং হৃদয়ং প্রোক্তং শিবঃ সংসারমোচকঃ ॥ ১৭॥
য এবং বেদ স স্বর্গং লোকমেতি ন সংশয়ঃ ।
অস্মাচ্ছরীরাদুত্থায় সুষুপ্তৌ যঃ সুরর্ষভাঃ ॥ ১৮॥
পরং জ্যোতিঃস্বরূপং তং শিবং সম্পদ্যতে সুরাঃ ।
অভিনিষ্পদ্যতে স্বেন রূপেণৈব স্বভাবতঃ ॥ ১৯॥
এষ আত্মা ন চৈবান্যঃ সত্যমেব ময়োদিতম্ ।
এতদেবামৃতং সাক্ষাদভয়ং ব্রহ্ম হে সুরাঃ ॥ ২০॥
য আত্মা দহরাকাশঃ স সেতুর্বিধৃতিঃ সুরাঃ ।
অসম্ভেদায় লোকানামেষামেতং মহেশ্বরম্ ॥ ২১॥
অহোরাত্রে ন তরতো ন মৃত্যুর্ন জরাঽপি চ ।
ন শোকো নৈব সুকৃতং ন দুষ্কৃতমপীশ্বরাঃ ॥ ২২॥
অতঃ সর্বে নিবর্তন্তে পাপ্মানঃ সুরপুঙ্গবাঃ ।
এষোঽপহতপাপ্মা হি ব্রহ্মলোকঃ স্বয়ম্প্রভঃ ॥ ২৩॥
তস্মাদ্বৈ সেতুমেতং তু তীর্ত্বাঽন্ধঃ সন্সুরর্ষভাঃ ।
ভবত্যনন্ধো বিদ্ধঃ সন্নবিদ্ধস্তদ্বদেব তু ॥ ২৪॥
য এষো দহরাকাশ ইত্যুক্তঃ পরমেশ্বরঃ ।
স দেহাদিবিশেষেভ্যঃ পৃথগ্ভূতঃ সনাতনঃ ॥ ২৫॥
জাগ্রৎস্বপ্নসুষুপ্তাখ্যাঽবস্থা যা ভাতি দেহিনাম্ ।
তস্যা অপি মহাদেবঃ সাক্ষী ভিন্নঃ স্বয়ম্প্রভঃ ॥ ২৬॥
তস্মিন্নধ্যস্তরূপেণ সা বিভাতি ন ভাতি চ ॥ ২৭॥
স্বদৃশ্যেন শরীরেণ সশরীরস্য সর্বদা ।
প্রিয়াপ্রিয়াভ্যাং সম্বন্ধো ভবত্যেব ন সংশয়ঃ ॥ ২৮॥
অশরীরং বাব সন্তং বিদ্যযা ন প্রিয়াপ্রিয়ে ।
স্পৃশতঃ সত্যমেবোক্তং নাত্র সন্দেহকারণম্ ॥ ২৯॥
য এষ দহরাকাশঃ স এব সুরপুঙ্গবাঃ ।
নামরূপস্য নির্মাতা তদেব ব্রহ্ম শাশ্বতম্ ॥ ৩০॥
অমৃতং চ তদেবৈতৎস আত্মা সর্বদেহিনাম্ ।
ততো নান্যৎপরং কিঞ্চিন্নাপরং চাস্তি কিঞ্চন ॥ ৩১॥
স এব সর্বরূপেণ বিভাতি ন বিভাতি চ ।
অহো রুদ্রস্য দেবস্য পূর্ণতা কো নু বেদ তাম্ ॥ ৩২॥
যথা মৃৎস্ববিকারেষু তত্তদ্রূপেণ সংস্থিতা ।
তথা সর্বত্র তৎসাক্ষী তত্তদ্রূপেণ সংস্থিতঃ ॥ ৩৩॥
যথা বারিবিকারেষু জলং তত্তৎস্বরূপতঃ ।
তথা সর্বত্র তৎসাক্ষী তত্তদ্রূপেণ সংস্থিতঃ ॥ ৩৪॥
যথাঽগ্নিঃ স্ববিকারেষু তত্তদ্রূপেণ সংস্থিতঃ ।
তথা সর্বত্র তৎসাক্ষী তত্তদ্রূপেণ সংস্থিতঃ ॥ ৩৫॥
যথা বা স্ববিকারেষু বায়ুস্তত্তৎস্বরূপতঃ ।
তথা সর্বত্র তৎসাক্ষী তত্তদ্রূপেণ সংস্থিতঃ ॥ ৩৬॥
যথা বা সর্বগং ব্যোম স্বাকারাণৈব সংস্থিতম্ ।
তথা সর্বাত্মকঃ সাক্ষী সাক্ষিরূপেণ সংস্থিতঃ ॥ ৩৭॥
ঘটাকাশাদিভেদেন বিভিন্নোঽপ্যবিভাগবান্ ।
আকাশস্তদ্বদীশানো বিভিন্নোঽপ্যবিভাগবান্ ॥ ৩৮॥
মহাদেবোঽবিভাগেন বিভাগেন চ ভাসতে ।
অন্যথা চেন্মহাদেবো মহাদেবঃ কথং ভবেৎ ॥ ৩৯॥
মহাদেবো মহাদেব এব নৈবামহানয়ম্ ।
তথা সতি মহাদেব এব সর্বং ন চাপরম্ ॥ ৪০॥
যেন কেনাপি রূপেণ যদ্যদ্ভাতি ন ভাতি চ ।
তেন তেনৈব রূপেণ শিব এবাবভাসতে ॥ ৪১॥
যথাভাতেন রূপেণ শিব এবেতি যা মতিঃ ।
সা শিবা পরমা সংবিন্নাপরা ন হি সংশয়ঃ ॥ ৪২॥
অহমিতি শিবসত্যচিদ্ঘনঃ
স্ফুরতি সদা পৃথগস্তি নৈব বস্তু ।
ইদমিতি বপুষা চ তেন বন্ধনং
ন হি মনুজস্য বিমোচনং চ কিঞ্চিৎ ॥ ৪৩॥
শিব ইতি সকলং যদা বিভাসতে
ন চ মরণং জননং তদাঽস্তি কিঞ্চিৎ ।
ইতি হৃদয়ে বচনং মদীয়মেত-
ন্নিশিতমতিঃ সততং নিধায় তিষ্ঠেৎ ॥ ৪৪॥
পরমশিবঃ পরমেশ্বরঃ প্রসন্নো
যদি বিমলা পরমানুভূতিরেষা ।
ন হি সকলৈর্বিমলৈরুপায়বৃন্দৈ-
র্ন চ হরিণা ন ময়া ন চাপরেণ ॥ ৪৫॥
পরমশিবঃ পরমেশ্বরঃ স্বতন্ত্রো
যদি কুরুতে মনুজস্য বেদনং হি তৎ ।
পরমপদং বিমলং প্রয়াতি মর্ত্যো
যদি কুরুতে ন শিবঃ প্রয়াতি বন্ধম্ ॥ ৪৬॥
দিনকরকিরণৈর্হি শার্বরং তমো
নিবিডতরং ঝটিতি প্রণাশমেতি ।
ঘনতরভবকারণান্তরং তমঃ
শিবদিনকৃৎপ্রভয়া ন চাপরেণ ॥ ৪৭॥
হরিরহমপ্যপরে সুরাসুরাদ্যাঃ
পরমশিবপ্রভয়া তিরস্কৃতাশ্চ ।
রবিকিরণৈরখিলান্যহানি যদ্বৎ
পরমশিবঃ স্বত এব বোধকারী ॥ ৪৮॥
শিবচরণস্মরণেন পূজয়া চ
স্বকতমসঃ পরিমুচ্যতে হি জন্তুঃ ।
ন হি মরণপ্রভবপ্রণাশহেতুঃ
শিবচরণস্মরণাদৃতেঽস্তি কিঞ্চিৎ ॥ ৪৯॥
পরমশিবঃ খলু নঃ সমস্তহেতুঃ
পরমশিবঃ খলু নঃ সমস্তমেতৎ ।
পরমশিবঃ খলু নঃ স্বরূপভূতঃ
পরমশিবঃ খলু নঃ প্রমাণভূতঃ ॥ ৫০॥
পরমশিবঃ সকলাগমাদিনিষ্ঠঃ
পরমশিবঃ পরমানুভূতিগম্যঃ ।
পরমশিবঃ পরমানুভূতিরূপঃ
পরমশিবঃ পরমানুভূতিদশ্চ ॥ ৫১॥
পরমশিবসমুদ্রেঽহং হরিঃ সর্বদেবা
মনুজপশুমৃগাদ্যাঃ শীকরা এব সত্যম্ ।
বিমলমতিভিরেবং বেদবেদান্তনিষ্ঠৈ-
র্হৃদয়কুহরনিষ্ঠং বেদিতুং শক্যতে হি ॥ ৫২॥
মায়াবলেনৈব হরিং শিবেন
সমানমাহুঃ পুরুষাধমাশ্চ ।
মোহেন কেচিন্মম সাম্যমাহু-
র্মায়া তু শৈবী খলু দুস্তরেয়ম্ ॥ ৫৩॥
খদ্যোতো যদি চণ্ডভানুসদৃশস্তুল্যো হরিঃ শম্ভুনা
কিম্পাকো যদি চন্দনেন সদৃশস্তুল্যোঽহমীশেন চ ।
অজ্ঞানং যদি বেদনেন সদৃশং দেবেন তুল্যা জনাঃ
কিং বক্ষ্যে সুরপুঙ্গবা অহমহো মোহস্য দুশ্চেষ্টিতম্ ॥ ৫৪॥
অতঃ শিবেনৈব সমস্তমেত-
দ্ভবত্যনন্তেন ন চাপরেণ ।
শিবস্বভাবেন শিবঃ সমস্তং
শিবপ্রভাবেন জগদ্বিচিত্রম্ ॥ ৫৫॥
তত্ত্বদৃক্সকলমদ্বয়ং সদা
পশ্যতি স্ম পরিমোহিতঃ পুমান্ ।
কষ্টশিষ্টঘটকুড্যরূপতঃ
কষ্টমেব খলু তস্য বেদনম্ ॥ ৫৬॥
ইদং জগদিতি স্বতঃ সকলজন্তোঃ প্রতীতির্দৃঢা
পরং জগদিতি স্ফুরত্যমলবোধস্বভাবেন চ ।
ইদং হি পরিবেদনং বিমলচিত্তস্য পুংসঃ সদা
ভবং তরতি মানবঃ পরমবোধেন চৈতেন হি ॥ ৫৭॥
ছন্দোগশ্রুতিমস্তকে বিনিহিতং বিজ্ঞানমেতন্ময়া
জন্তূনামবিবেকিনামতিতরামজ্ঞানবিধ্বস্তয়ে ।
কারুণ্যাদমরাধিপা অতিশুভব্রহ্মামৃতাবাপ্তয়ে
দেবানামধিপাধিপস্য বচনাদুক্তং মহেশস্য চ ॥ ৫৮॥
ইতি ব্রহ্মগীতাসূপনিষৎসু দহরোপাসনবিবরণং
নাম ষষ্ঠোঽধ্যায়ঃ ॥ ৬॥
॥ অথ সপ্তমোঽধ্যায়ঃ ॥
॥ বস্তুস্বরূপবিচারঃ ॥
ব্রহ্মোবাচ ।
অস্তি তত্ত্বং পরং সাক্ষাদক্ষরং ক্ষরবস্তুনাম্ ।
অধিষ্ঠানমনৌপম্যমবাঙ্মনসগোচরম্ ॥ ১॥
তস্মিন্সুবিদিতে সর্বং বিজ্ঞাতং স্যাদিদং সুরাঃ ।
তদাত্মকৎবাৎসর্বস্য নাস্ত্যেব হি ভিদা স্বতঃ ॥ ২॥
দ্বে বিদ্যে বেদিতব্যে হি পরা চৈবাপরাপি চ ।
তত্রাপরা তু বিদ্যৈষা ঋগ্বেদো যজুরেব চ ॥ ৩॥
সামবেদস্তথাঽথর্ববেদঃ শিক্ষা সুরর্ষভাঃ ।
কল্পো ব্যাকরণং চৈব নিরুক্তং ছন্দ এব চ ।
জ্যোতিষং চ তথাঽনাত্মবিষয়া অপি বুদ্ধয়ঃ ॥ ৪॥
অথৈষা পরবিদ্যা সা যয়া তৎপরমক্ষরম্ ।
গম্যতে সুদৃঢং প্রাজ্ঞৈঃ সাক্ষাচ্ছম্ভোঃ প্রসাদিভিঃ ॥ ৫॥
যত্তদদ্রেশ্যমগ্রাহ্যমগোত্রং রূপবর্জিতম্ ।
অচক্ষুঃ শ্রোত্রমত্যর্থং তদপাণিপদং সদা ॥ ৬॥
নিত্যং বিভুং সর্বগতং সুসূক্ষ্মং চ তদব্যযম্ ।
যদ্ভূতয়োনিং ধীমন্তঃ পরিপশ্যন্তি চাত্মনা ॥ ৭॥
যথোর্ণনাভিঃ সৃজতে গৃহ্ণতে চ সুরর্ষভাঃ ।
যথা পৃথ্ব্যামোষধয়ঃ সম্ভবন্তি যথা সতঃ ॥ ৮॥
পুরুষাৎকেশলোমানি তথা চৈবাক্ষরাৎসুরাঃ ।
বিশ্বং সম্ভবতীহৈব তৎসর্বং স্বপনোপমম্ ॥ ৯॥
তপসা চীয়তে ব্রহ্ম তদন্নমভিজায়তে ।
অন্নাৎপ্রাণো মনঃ সত্যং লোকাঃ কর্মসু চামৃতম্ ॥ ১০॥
যঃ সর্বজ্ঞঃ সর্ববিদ্যো যস্য জ্ঞানময়ং তপঃ ॥ ১১॥
তস্মাদেতৎসুরা ব্রহ্ম নামরূপান্নপূর্বকম্ ।
জায়তে সত্যবৎস্বপ্নপ্রপঞ্চোপমমেব তৎ ॥ ১২॥
তদেতদক্ষরং সত্যং তদ্বিজ্ঞায় বিমুচ্যতে ।
কর্মণা নাস্তি তৎপ্রাপ্তিঃ সংসারস্য বিনাশনম্ ।
প্লবা হ্যেতে সুরা যজ্ঞা অদৃঢাশ্চ ন সংশয়ঃ ॥ ১৩॥
এভিরেব পরং শ্রেয় ইতি জানন্তি যে জনাঃ ।
তে মূঢা অনিশং মৃত্যুং জরাং চৈবাপিয়ন্তি হি ॥ ১৪॥
কর্মনিষ্ঠাঃ স্বয়ং ধীরা মর্ত্যাঃ পণ্ডিতমানিনঃ ॥ ১৫॥
মূঢা এব ন বিদ্বাংসস্তেষাং নাস্তি পরা গতিঃ ।
অন্ধেনৈব যথা চান্ধা নীয়মানাঃ সুদারুণে ॥ ১৬॥
অন্ধকূপে পতন্ত্যেব তথা কর্মরতা জনাঃ ।
কর্মনিষ্ঠা স্বয়ং সর্বে কৃতার্থা ইতি মোহিতাঃ ॥ ১৭॥
অভিমন্যন্তি তে কর্মক্ষয়ে বশ্যং পতন্তি হি ।
বিনা নাস্তি পরং জ্ঞানং তেষাং কৈবল্যমুত্তমম্ ॥ ১৮॥
ইষ্টাপূর্তং মন্যমানা বরিষ্ঠমিতি যে জনাঃ ।
তে মূঢাঃ পরমং শ্রেয়ো নৈব যান্তি ন সংশয়ঃ ॥ ১৯॥
অনেকজন্মসংসিদ্ধঃ শ্রৌতস্মার্তপরায়ণঃ ।
অনিত্যমিতি বিজ্ঞায় জগদ্বৈরাগ্যমাপ্নুয়াৎ ॥ ২০॥
জ্ঞানাদেব হি সংসারবিনাশো নৈব কর্মণা ।
ইতি জ্ঞাৎবা শিবজ্ঞানসিদ্ধ্যর্থং পুনরাস্তিকাঃ ॥ ২১॥
শ্রোত্রিয়ং ব্রহ্মনিষ্ঠং চ গুরুং গচ্ছেৎপ্রিয়েণ চ ।
গুরুস্তস্মৈ পরাং বিদ্যাং দদ্যাচ্চ সুরপুঙ্গবাঃ ॥ ২২॥
বিস্ফুলিঙ্গা যথা চাগ্নেঃ সুদীপ্তাৎপ্রভবন্তি চ ।
অপিয়ন্তি তথা ভাবা অক্ষরে শিবসঞ্জ্ঞকে ॥ ২৩॥
দিব্যো হ্যমূর্তঃ পুরুষঃ সবাহ্যাভ্যন্তরো হ্যজঃ ।
অপ্রাণো হ্যমনাঃ শুভ্রো মায়ায়া জীবতঃ পরঃ ॥ ২৪॥
এতস্মাজ্জায়তে প্রাণো মনঃ সর্বেন্দ্রিয়াণি চ ।
খং বায়ুর্জ্যোতিরাপশ্চ ভূমির্বিশ্বস্য ধারিণী ॥ ২৫॥
অগ্নির্মূর্ধা চক্ষুষী চন্দ্রসূর্যৌ
দিশঃ শ্রোত্রে বাগ্বিবৃতাশ্চ বেদাঃ ।
বায়ুঃ প্রাণো হৃদয়ং বিশ্বমস্য
পদ্ভ্যাং ভূমিঃ শঙ্করোঽয়ং হি সত্যঃ ॥ ২৬॥
তস্মাদগ্নিঃ সমিধো যস্য সূর্যঃ
সোমাদ্বৃষ্টিশ্চৌষধয়ঃ পৃথিব্যাম্ ।
পুমান্ রেতঃ সিঞ্চতি যোষিতায়াং
বহ্বীঃ প্রজা বহুধা সম্প্রসূতাঃ ॥ ২৭॥
তস্মাদৃচঃ সাম যজূংষি দীক্ষা
যজ্ঞাশ্চ সর্বে ক্রতবো দক্ষিণাশ্চ ।
সংবৎসরো যজমানশ্চ লোকঃ
সোমো যত্র পবতে যত্র সূর্যঃ ॥ ২৮॥
তস্মাদ্দেবা বহুধা সম্প্রসূতাঃ
সাধ্যা মর্ত্যাঃ পশবঃ পক্ষিণশ্চ ।
প্রাণাপানৌ ব্রীহিয়বৌ তপশ্চ
শ্রদ্ধা সত্যং ব্রহ্মচর্যং বিধিশ্চ ॥ ২৯॥
তস্মাৎপ্রাণা অর্চিষঃ সপ্ত হোমাঃ
সুরশ্রেষ্ঠাঃ সমিধঃ সপ্ত চৈব ।
লোকাঃ সর্বে চোদ্ভবন্ত্যাশু পূর্বং
যথা তদ্বৎস্বপ্নতুল্যং তথাঽপি ॥ ৩০॥
অতঃ সমুদ্রা গিরয়শ্চ নদ্য-
স্তথা সর্বা ওষধয়ো রসাশ্চ ।
সর্বস্যাত্মা সর্বসাক্ষী পরাত্মা
নিত্যানন্দোঽয়ং পুরাণঃ সুপূর্ণঃ ॥ ৩১॥
ইদং সকলমাস্তিকাঃ পুরুষ এব নৈবাপরং
ন কিঞ্চিদপরং ততঃ সকলমস্তি সত্যং হি তৎ ।
ইদং হি মম বেদনং মুনিগণস্য শম্ভোর্হরে-
র্ন কশ্চিদপি সংশয়ঃ শ্রুতিমতস্য যুক্তঃ খলু ॥ ৩২॥
অহো বিষয়মায়যা মরণপূর্বদুঃখোদধৌ
পতন্তি মনুজা অমী পরশিবস্য বিদ্যাং বিনা ।
তরন্তি জননার্ণবং পরশিবস্য বিদ্যাবলা-
দিদং তু শিববেদনং শিবপদস্য দেবাবলাৎ ॥ ৩৩॥
গুহায়াং নিহিতং সাক্ষাদক্ষরং বেদ চেন্নরঃ ।
ছিত্ত্বাঽবিদ্যামহাগ্রন্থিং শিবং গচ্ছেৎসনাতনম্ ॥ ৩৪॥
তদেতদক্ষরং ব্রহ্ম স প্রাণস্তদু বাঙ্মনঃ ।
তদেতদমৃতং সত্যং তদ্বেদ্ধব্যং মনীষিভিঃ ॥ ৩৫॥
ধনুস্তারং শরো হ্যাত্মা ব্রহ্ম তল্লক্ষ্যমুচ্যতে ।
অপ্রমত্তেন বেদ্ধব্যং শরবত্তন্ময়ো ভবেৎ ॥ ৩৬॥
লক্ষ্যং সর্বগতং চৈব শরোঽয়ং সর্বতোমুখঃ ।
বেদ্ধা সর্বগতশ্চৈব বিদ্ধং লক্ষ্যং ন সংশয়ঃ ॥ ৩৭॥
আত্মানমরণিং কৃৎবা প্রণবং চোত্তরারণিম্ ।
ধ্যাননির্মথনাভ্যাসাদ্দেব পশ্যেন্নিগূঢবৎ ॥ ৩৮॥
দ্যৌরন্তরিক্ষং ভূমিশ্চ মনঃ প্রাণঃ সুরোত্তমাঃ ।
যস্মিন্নোতং তমেবৈকং বিদ্যাৎপ্রাজ্ঞঃ সমাহিতঃ ॥ ৩৯॥
ব্রহ্মৈকবিষয়াং বাচং বদেৎসততমাস্তিকাঃ ।
অন্যা বাচস্ত্যজেদেষ সেতুরেবামৃতস্য চ ॥ ৪০॥
যঃ সর্বজ্ঞঃ সর্ববিদ্যো যস্যৈষ মহিমা ভুবি ।
দিব্যে ব্রহ্মপুরে ব্যোম্নি শিবঃ সাক্ষাৎপ্রতিষ্ঠিতঃ ॥ ৪১॥
মনোময়ঃ প্রাণশরীরনেতা
প্রতিষ্ঠিতঃ সর্বহৃদম্বুজান্তঃ ।
তদ্বিজ্ঞানেন পরিমুচ্যন্তি ধীরা
যদ্ভাতি চানন্দবপুঃ স্বভাবাৎ ॥ ৪২॥
ভিদ্যতে হৃদয়গ্রন্থিশ্ছিদ্যন্তে সর্বসংশয়াঃ ।
ক্ষীয়ন্তে চাস্য কর্মাণি তস্মিন্দৃষ্টে পরাবরে ॥ ৪৩॥
হিরণ্ময়ে পরে কোশে বিরজং ব্রহ্ম নিষ্কলম্ ।
তচ্ছুভ্রং জ্যোতিষাং জ্যোতিস্তদ্যদাত্মবিদো বিদুঃ ॥ ৪৪॥
ন তত্র সূর্যশ্চন্দ্রশ্চ তারকা বিদ্যুতোঽনলঃ ।
বিভান্তি শঙ্করে সাক্ষাৎস্বয়ম্ভানে চিদাত্মকে ॥ ৪৫॥
তমেব সকলং ভান্তমনুভাতি স্বভাবতঃ ।
তস্য ভাসা সর্বমিদং বিভাতি তত এব হি ॥ ৪৬॥
ন তত্র চন্দ্রার্কবপুঃ প্রকাশতে
ন বান্তি বাতাঃ সকলাশ্চ দেবতাঃ ।
স এষ দেবঃ কৃতভূতভাবনঃ
স্বয়ং বিশুদ্ধো বিরজঃ প্রকাশতে ॥ ৪৭॥
ব্রহ্মৈবেদমমৃতং তৎপুরস্তা-
দ্ব্রহ্মানন্তং পরমং চৈব পশ্চাৎ ।
ব্রহ্মানন্তং পরমং দক্ষিণে চ
ব্রহ্মানন্তং পরমং চোত্তরে চ ॥ ৪৮॥
দ্বৌ সুপর্ণৌ শরীরেঽস্মিন্
জীবেশাখ্যৌ সহ স্থিতৌ ।
তয়োর্জীবঃ ফলং ভুঙ্ক্তে
কর্মণো ন মহেশ্বরঃ ॥ ৪৯॥
কেবলং সাক্ষিরূপেণ বিনা ভোগং মহেশ্বরঃ ।
প্রকাশতে স্বয়ম্ভেদঃ কল্পিতো মায়যা তয়োঃ ॥ ৫০॥
যথাকাশো ঘটাকাশমহাকাশমভেদতঃ ।
কল্পিতঃ পরচিজ্জীবঃ শিবরূপেণ কল্পিতঃ ॥ ৫১॥
তত্ত্বতশ্চিচ্ছিবঃ সাক্ষাচ্চিজ্জীবশ্চ ততঃ সদা ।
চিচ্চিদাকারতোঽভিন্না ন ভিন্ন চিত্ত্বহানিতঃ ॥ ৫২॥
চিতশ্চিন্ন চিদাকারাদ্ভিদ্যতে জডরূপতঃ ।
ভিদ্যতে চেজ্জডে ভেদশ্চিদেকা সর্বদা খলু ॥ ৫৩॥
তর্কতশ্চ প্রমাণাচ্চ চিদেকৎবে ব্যবস্থিতে ।
অপি পাপবতাং পুংসাং বিপরীতা মতির্ভবেৎ ॥ ৫৪॥
শ্রৌতস্মার্তসমাচারৈর্বিশুদ্ধস্য মহাত্মনঃ ।
প্রসাদাদেব রুদ্রস্য চিদেকৎবে মতির্ভবেৎ ॥ ৫৫॥
চিদেকৎবপরিজ্ঞানান্ন শোচতি ন মুহ্যতি ।
অদ্বৈতং পরমানন্দং শিবং যাতি তু কেবলম্ ॥ ৫৬॥
শিবস্থানে শরীরেঽস্মিন্স্থিতোঽপি স্বাত্মমায়যা ।
দুঃখাদিসাগরে মগ্নো মুহ্যমানশ্চ শোচতি ॥ ৫৭॥
স্বস্মাদন্যতয়া ভাতমীশং স্বেনৈব সেবিতম্ ।
অধিষ্ঠানং সমস্তস্য জগতঃ সত্যচিদ্ঘনম্ ॥ ৫৮॥
অহমস্মীতি নিশ্চিত্য বীতশোকো ভবত্যযম্ ।
অস্য চিন্মাত্ররূপস্য স্বস্য সর্বস্য সাক্ষিণঃ ॥ ৫৯॥
মহিমানং যদা বেদ পরমাদ্বৈতলক্ষণম্ ।
তদৈব বিদ্যযা সাক্ষাদ্বীতশোকো ভবত্যযম্ ॥ ৬০॥
ব্রহ্ময়োনিং সদা পূর্ণং রুক্মবর্ণং মহেশ্বরম্ ।
অপশ্যন্নেব পশ্যন্তং কর্তৃৎবেন প্রকাশিতম্ ॥ ৬১॥
অনেককোটিভিঃ কল্পৈরর্জিতৈঃ পুণ্যকর্মভিঃ ।
তর্কতশ্চ প্রমাণাচ্চ প্রসাদাৎপরমেশ্বরাৎ ॥ ৬২॥
পশ্যতি শ্রদ্ধয়া চাপি যদা বিদ্বান্সুরর্ষভাঃ ।
পুণ্যপাপে বিধূয়ায়মসক্তঃ সর্বহেতুভিঃ ॥ ৬৩॥
সর্বাকারতয়া সাম্যং পরমাদ্বৈতলক্ষণম্ ।
উপৈতি নাত্র সন্দেহঃ কর্তব্যশ্চ মনীষিভিঃ ॥ ৬৪॥
চিন্মাত্রং হি সদা রূপমুভয়োঃ শিবজীবয়োঃ ।
তথা সতি কথং সাম্যং চিন্মাত্রে ভেদবর্জিতে ॥ ৬৫॥
উপাধিয়ুক্তরূপে তু তয়োঃ সাম্যং ভবেদ্যদি ।
তদাঽপি নৈব সাম্যং স্যাজ্জীবস্য পরমাত্মনঃ ॥ ৬৬॥
মহাকাশসমৎবং তু ঘটাকাশস্য সর্বথা ।
যথা নাস্তি তথা সাম্যং ন জীবস্য শিবেন তু ॥ ৬৭॥
অস্তু বা সাম্যমীশেন জীবস্যাস্য তদাঽপি তু ।
কর্মণা বিদ্যযা বা তৎসাম্যং সিধ্যতি নান্যথা ॥ ৬৮॥
কর্মণা চেদ্বিনাশঃ স্যাৎকর্মসাধ্যং হি নশ্বরম্ ।
বিদ্যযৈব তু চেৎসাম্যং পুরস্তাদেব চাস্তি হি ॥ ৬৯॥
পুরস্তাদেব সিদ্ধস্য বোধকং খলু বেদনম্ ।
অভূতার্থস্য চোৎপত্তিং ন করোতি কদাচন ॥ ৭০॥
তত্রৈবং সতি সাম্যং তু তয়োঃ সর্বাত্মনৈব তু ।
পুরস্তাদেব চাস্ত্যেব তদাঽপি শিবজীবয়োঃ ॥ ৭১॥
পুরস্তাদেব কৈবল্যং লক্ষণৈকৎবতোঽস্তি চ ।
তথা সতি শিবো ভিন্নো বিদ্যযাঽভিন্নবৎস্থিতঃ ॥ ৭২॥
বিদ্যযা তদ্বিনাশেন স্বসাম্যং যাতি নান্যথা ।
অতঃ সাম্যং তয়োঃ সাক্ষাদৈক্যমেব ন চেতরৎ ॥ ৭৩॥
এবং জীবঃ স্বকং রূপং শিবং পশ্যতি চেদ্দৃঢম্ ।
স্বাত্মন্যেব রতিং ক্রীডামন্যচ্চ কুরুতে সদা ॥ ৭৪॥
বহিশ্চেষ্টা চ ময়্যেব শিবে সত্যসুখাত্মকে ।
ইতি জানাতি সর্বং তু স্বাত্মনৈব হি ভাসতে ॥ ৭৫॥
স্বাত্মনৈব স্বয়ং সর্বং যদা পশ্যতি নির্ভয়ঃ ।
তদা মুক্তো ন মুক্তশ্চ বদ্ধস্য হি বিমুক্ততা ॥ ৭৬॥
এবং রূপা পরা বিদ্যা সত্যেন তপসাঽপি চ ।
ব্রহ্মচর্যাদিভির্ধর্মৈর্লভ্যা বেদোক্তবর্ত্মনা ॥ ৭৭॥
শরীরেঽন্তঃ স্বয়ঞ্জ্যোতিঃস্বরূপং স্বকমৈশ্বরম্ ।
ক্ষীণদোষাঃ প্রপশ্যন্তি নেতরে মায়যাঽঽবৃতাঃ ॥ ৭৮॥
এবং রূপপরিজ্ঞানং যস্যাস্তি পরয়োগিনঃ ।
কুত্রচিদ্গমনং নাস্তি তস্য সম্পূর্ণরূপিণঃ ॥ ৭৯॥
আকাশমেকং সম্পূর্ণং কুত্রচিন্নৈব গচ্ছতি ।
তদ্বৎস্বাত্মবিভুৎবজ্ঞঃ কুত্রচিন্নৈব গচ্ছতি ॥ ৮০॥
ন চক্ষুষা গৃহ্যতে নাপি বাচা
নান্যৈর্দেবৈস্তপসা কর্মণা বা ।
জ্ঞানপ্রসাদেন বিশুদ্ধসত্ত্বঃ
স নিষ্কলং পশ্যতি রূপমৈশম্ ॥ ৮১॥
ধ্যানেন পরমেশস্য সাম্বমূর্তিধরস্য চ ।
স্বনিষ্কলপরিজ্ঞানং জায়তে নান্যহেতুনা ॥ ৮২॥
এষ আত্মা সুসূক্ষ্মোঽপি বেদিতব্যোঽগ্র্যযা ধিয়া ।
পঞ্চধা সন্নিবিষ্টোঽসুর্যস্মিন্সর্বাশ্রয়ে সুরাঃ ॥ ৮৩॥
সংবিভাতি স্বচিত্তেন যং যং লোকং বিশুদ্ধধীঃ ।
সদা কাময়তে যাংশ্চ তজ্জয়ত্যখিলং ততঃ ॥ ৮৪॥
তস্মাদাত্মবিদং সাক্ষাদীশ্বরং ভবতারকম্ ।
অর্চয়েদ্ভূতিকামস্তু স্বশরীরেণ চার্থতঃ ॥ ৮৫॥
নায়মাত্মা প্রবচনেন লভ্যো
ন মেধয়া ন বহুনা শ্রুতেন ।
যমেবৈষ বৃণুতে তেন লভ্য-
স্তস্যৈষ আত্মা বিবৃণুতে তনুং স্বাম্ ॥ ৮৬॥
নায়মাত্মা বলহীনেন লভ্যঃ
প্রমাদতস্তপসো নান্যলিঙ্গাৎ ।
এতৈর্যত্নং যঃ করোত্যেব ধীমাং-
স্তস্যাত্মাঽয়ং বিশতে ব্রহ্ম ধাম ॥ ৮৭॥
সম্প্রাপ্যৈনমৃষয়ো জ্ঞানতৃপ্তাঃ
কৃতাত্মানো বীতশোকাঃ প্রশান্তাঃ ।
তে সর্বগং সর্বশঃ প্রাপ্য ধীরা
যুক্তাত্মানঃ সর্বমেবাবিশন্তি ॥ ৮৮॥
বেদান্তবিজ্ঞানসুনিশ্চিতার্থাঃ
সন্ন্যাসয়োগাদ্যতয়ঃ শুদ্ধসত্ত্বাঃ ।
তে ব্রহ্মলোকে তু পরান্তকালে
পরামৃতাৎপরিমুচ্যন্তি সর্বে ॥ ৮৯॥
গতাঃ কলাঃ পঞ্চদশ প্রতিষ্ঠা
দেবাশ্চ সর্বে প্রতিদেবতাশ্চ ।
কর্মাণি বিজ্ঞানময়শ্চ আত্মা
পরেঽব্যযে সর্ব একীভবন্তি ॥ ৯০॥
যথা নদ্যঃ স্যন্দমানাঃ সমুদ্রে
অস্তং যান্তি নামরূপে বিহায় ।
তথা বিদ্বান্নামরূপাদ্বিমুক্তঃ
পরাৎপরং পুরুষং ব্রহ্ম যাতি ॥ ৯১॥
স যো হ বৈ তৎপরমং ব্রহ্ম বেদ সুরর্ষভাঃ ।
ব্রহ্মৈব ভবতি জ্ঞানান্নাস্তি সংশয়কারণম্ ॥ ৯২॥
সুনিশ্চিতং পরং ব্রহ্ম বেদ চেৎস্বানুভূতিতঃ ।
কুলে ভবতি নাব্রহ্মবিত্তস্য সুরপুঙ্গবাঃ ॥ ৯৩॥
শোকং তরতি পাপ্মানং গুহাগ্রন্থির্বিনশ্যতি ।
অমৃতো ভবতি প্রাজ্ঞঃ সত্যমেব ময়োদিতম্ ॥ ৯৪॥
সর্বমুক্তমতিশোভনং ময়া
শোকমোহপটলস্য ভেদকম্ ।
আশু সত্যসুখবোধবস্তুদং
বেদমাননিরতস্য ভাসতে ॥ ৯৫॥
ইতি ব্রহ্মগীতাসূপনিষৎসু বস্তুস্বরূপবিচারো
নাম সপ্তমোঽধ্যায়ঃ ॥ ৭॥
॥ অথ অষ্টমোঽধ্যাঃ ॥
॥ কৈবল্যোপনিষদ্বিবরণে তত্ত্ববেদনবিধিঃ ॥
ব্রহ্মোবাচ –
অস্তি তত্ত্বং পরং সাক্ষাচ্ছিবরুদ্রাদিসংজ্ঞিতম্ ।
তদবশ্যং মহায়াসাদ্বেদিতব্যং মনীষিভিঃ ॥ ১॥
তদ্বিদ্যা যতিভিঃ সেব্যা নিগূঢাতীব শোভনা ।
অচিরাৎসর্বপাপঘ্নী পরব্রহ্মপ্রদা নৃণাম্ ॥ ২॥
শ্রদ্ধয়া পরয়া (চ মহা) ভক্ত্যা ধ্যানেন চ সুরোত্তমাঃ ।
যোগেন চ পরা বিদ্যা লভ্যা সা নৈব কর্মণা ।
ন প্রজাভির্ন চার্থেন ত্যাগেনৈষাং সুরর্ষভাঃ ॥ ৩॥
যে বেদান্তমহাবাক্যশ্রবণোৎপন্নবিদ্যযা ।
সুনিশ্চিতার্থা যতয়ো বিশুদ্ধহৃদয়া ভৃশম্ ॥ ৪॥
ব্রহ্মদৃশ্যে শরীরেঽস্মিন্নন্তকালে পরস্য তু ।
অজ্ঞানাখ্যস্য তে সর্বে মুচ্যন্তি হি পরামৃতাৎ ॥ ৫॥
অতো বিদ্যাঽঽপ্তিসিদ্ধ্যর্থং মুমুক্ষুর্মতিমত্তমঃ ॥ ৬॥
বিবিক্তং দেশমাশ্রিত্য সুখাসীনো মহাশুচিঃ ।
সমগ্রীবশিরঃকায়ঃ সিতভস্মাবগুণ্ঠিতঃ ॥ ৭॥
ইন্দ্রিয়াণি সমস্তানি নিরুধ্য সুরপুঙ্গবাঃ ।
প্রণম্য স্বগুরুং ভক্ত্যা বিচিন্ত্য হৃদয়াম্বুজম্ ॥ ৮॥
বিশুদ্ধং বিরজং তস্য মধ্যে বিশদমীশ্বরম্ ।
অনন্তং শুদ্ধমব্যক্তমচিন্ত্যং সর্বজন্তুভিঃ ॥ ৯॥
শিবং প্রশান্তমমৃতং বেদয়োনিং সুরর্ষভাঃ ।
আদিমধ্যান্তনির্মুক্তমেকং সাক্ষাদ্বিভুং তথা ॥ ১০॥
অরূপং সচ্চিদানন্দমদ্ভুতং পরমেশ্বরং ।
উমাসহায়মোমর্থং প্রভুং সাক্ষাত্ত্রিলোচনম্ ।
নীলকণ্ঠং প্রশা(ভা)ন্তস্তং(স্থং) ধ্যায়েন্নিত্যমতন্দ্রিতঃ ॥ ১১॥
এবং ধ্যানপরঃ সাক্ষান্মুনির্ব্রহ্মাত্মবিদ্যযা ॥ ১২॥
ভূতয়োনিং সমস্তস্য সাক্ষিণং তমসঃ পরম্ ।
গচ্ছত্যেব ন সন্দেহঃ সত্যমুক্তং ময়া সুরাঃ ॥ ১৩॥
যোঽয়ং ধ্যেয়শ্চ বিজ্ঞেয়ঃ শিবঃ সংসারমোচকঃ ।
স ব্রহ্মা স শিবঃ সেন্দ্রঃ সোঽক্ষরঃ পরমঃ স্বরাট্ ॥ ১৪॥
স এব বিষ্ণুঃ স প্রাণঃ স কালোঽগ্নিঃ স চন্দ্রমাঃ ।
স এব সর্বং যদ্ভূতং যচ্চ ভব্যং সমাসতঃ ॥ ১৫॥
স এব বিদ্যাবিদ্যা চ ন ততোঽন্যত্তু কিঞ্চন ।
জ্ঞাৎবা তং মৃত্যুমত্যেতি নান্যঃ পন্থা বিমুক্তয়ে ॥ ১৬॥
সর্বভূতস্থমাত্মানং সর্বভূতানি চাত্মনি ।
সম্পশ্যন্ব্রহ্ম পরমং যাতি নান্যেন হেতুনা ॥ ১৭॥
আত্মানমরণিং কৃৎবা প্রণবং চোত্তরারণিম্ ।
ধ্যাননির্মথনাদেব পা(শা)পান্দহতি পণ্ডিতঃ ॥ ১৮॥
স এব ভগবানীশো মায়যৈবাত্মভূতয়া ।
মুহ্যমান ইব স্থিৎবা স্বস্বাতন্ত্র্যবলেন তু ॥ ১৯॥
শরীরমিদমাস্থায় করোতি সকলং পুনঃ ।
জাগ্রৎসংজ্ঞমিদং ধাম প্রকল্প্য স্বীয়মায়যা ॥ ২০॥
রাজপুত্রাদিবত্তস্মিন্ক্রীডয়া কেবলং হরঃ ।
অন্নপানাদিভিঃ স্ত্রীভিস্তৃপ্তিমেতি সুরর্ষভাঃ ॥ ২১॥
স্বপ্নকালে তথা শম্ভুর্জীবৎবেন প্রকাশিতঃ ।
সুখদুঃখাদিকান্ভোগান্ভুঙ্ক্তে স্বেনৈব নির্মিতান্ ॥ ২২॥
সুষুপ্তিকালে সকলে বিলীনে তমসাঽঽবৃতঃ ।
স্বস্বরূপমহানন্দং ভুঙ্ক্তে বিশ্ব(দৃশ্য)বিবর্জিতঃ ॥ ২৩॥
পুনঃ পূর্বক্রিয়ায়োগাজ্জীবৎবেন প্রকাশিতঃ ।
জাগ্রৎসংজ্ঞমিদং ধাম যাতি স্বপ্নমথাপি বা ॥ ২৪॥
পুরত্রয়মিদং পুংসো ভোগায়ৈব বিনির্মিতম্ ।
ভোগশ্চাস্য সদা ক্রীডা ন দুঃখায় কদাচন ॥ ২৫॥
বিশ্বাধিকো মহানন্দঃ স্বতন্ত্রো নিরুপদ্রবঃ ।
অসক্তঃ সর্বদোষৈশ্চ কথং দুঃখী ভবেদ্ধরঃ ॥ ২৬॥
স ন জীবঃ শিবাদন্যো যো ভুঙ্ক্তে কর্মণাং ফলম্ ।
ভেদাভাবাচ্চিতশ্চেত্যং ন কর্মফলমর্হতি ॥ ২৭॥
অতঃ সর্বজগৎসাক্ষী চিদ্রূপঃ পরমেশ্বরঃ ।
অদ্বিতীয়ো মহানন্দঃ ক্রীডয়া ভোগমর্হতি ॥ ২৮॥
ধামত্রয়মিদং শম্ভোর্ন দুঃখায় কদাচন ।
ক্রীডারামতয়া ভাতি ন চোদ্যার্হো মহেশ্বরঃ ॥ ২৯॥
ইদং ধামত্রয়ং শম্ভোর্বিভেদেন ন বিদ্যতে ।
শম্ভুরেব তথা ভাতি ন হ্যন্যৎপরমেশ্বরাৎ ॥ ৩০॥
জাগ্রৎস্বপ্নসুষুপ্ত্যাখ্যাবস্থারূপেণ ভাতি যঃ ।
স বিশ্বতৈজসপ্রাজ্ঞসমাখ্যাঃ ক্রমশো ভবেৎ ॥ ৩১॥
বিশ্বো হি স্থূলভুঙ্নিত্যং তৈজসঃ প্রবিবিক্তভুক্ ।
প্রাজ্ঞস্ত্বানন্দভুক্সাক্ষী কেবলঃ সুখলক্ষণঃ ॥ ৩২॥
ত্রিষু ধামসু যদ্ভোগ্যং ভোক্তা যশ্চ প্রকীর্তিতঃ ।
উভয়ং ব্রহ্ম যো বেদ স ভুঞ্জানো ন লিপ্যতে ॥ ৩৩॥
অশ্বমেধসহস্রাণি ব্রহ্মহত্যাশতানি চ ।
কুর্বন্নপি ন লিপ্যেত যদ্যেকৎবং প্রপশ্যতি ॥ ৩৪॥
জীবরূপ ইব স্থিৎবা যঃ ক্রীডতি পুরত্রয়ে ।
স ন জীবঃ সদা শম্ভুঃ সত্যমেব ন সংশয়ঃ ॥ ৩৫॥
ততস্তু জাতং সকলং বিচিত্রং সত্যবৎসুরাঃ ।
স সত্যোঽসত্যসাক্ষিৎবাৎসাক্ষিৎবাচ্চিৎসুখং তথা ॥ ৩৬॥
প্রেমাস্পদৎবাদদ্বৈতো ভেদাভাবাৎসুরর্ষভাঃ ।
তস্মিন্নৈব লয়ং যাতি পুরত্রয়মিদং ততঃ ॥ ৩৭॥
ন জীবো জীববদ্ভাতি সাক্ষাদ্ব্রহ্মৈব কেবলম্ ।
অজ্ঞানাজ্জীবরূপেণ ভাসতে ন স্বভাবতঃ ॥ ৩৮॥
ব্রহ্মণো জায়তে প্রাণো মনঃ সর্বেন্দ্রিয়াণি চ ।
খং বায়ুর্জ্যোতিরাপশ্চ ভূমির্বিশ্বস্য ধারিণী ॥ ৩৯॥
যৎপরং ব্রহ্ম সর্বাত্মা বিশ্বস্যায়তনং মহৎ ।
সূক্ষ্মাৎসূক্ষ্মতমং নিত্যং তত্ত্বংশব্দার্থ এব হি ॥ ৪০॥
যস্ত্বংশব্দস্য লক্ষ্যার্থঃ স তচ্ছব্দার্থ এব হি ।
তত্ত্বংশব্দৌ স্বতঃসিদ্ধে চিন্মাত্রে পর্যবস্যতঃ ॥ ৪১॥
যঃ পদদ্বয়লক্ষ্যার্থস্তস্মিন্ভেদঃ প্রকল্পিতঃ ।
মায়াবিদ্যাত্মকোপাধিভেদেনৈব ন বস্তুতঃ ॥ ৪২॥
স্বতঃসিদ্ধৈকতাজ্ঞানং ব্যুদস্য শ্রুতিরাদরাৎ ।
স্বভাবসিদ্ধমেকৎবং বোধয়ত্যধিকারিণঃ ॥ ৪৩॥
জাগ্রৎস্বপ্নসুষুপ্ত্যাদিপ্রপঞ্চৎবেন ভাতি যৎ ।
তদ্ব্রহ্মাহমিতি জ্ঞাৎবা সর্ববন্ধৈঃ প্রমুচ্যতে ॥ ৪৪॥
যস্তু ব্রহ্ম বিজানাতি স্বাত্মনা সুদৃঢং নরঃ ।
তস্য স্বানুভবস্ত্বেবং স্বভাবাদনুবর্ততে ॥ ৪৫॥
ত্রিষু ধামসু যদ্ভোগ্যং ভোক্তা ভোগশ্চ যস্তথা ।
তেভ্যো বিলক্ষণঃ সাক্ষী চিন্মাত্রোঽহং সদাশিবঃ ॥ ৪৬॥
ময়্যেব সকলং জাতং ময়ি সর্বং প্রতিষ্ঠিতম্ ।
ময়ি সর্বং লয়ং যাতি তদ্ব্রহ্মাদ্বয়মস্ম্যহম্ ॥ ৪৭॥
অণোরণীয়ানহমেব তদ্ব-
ন্মহানহং বিশ্বমহং বিশুদ্ধঃ ।
পুরাতনোঽহং পুরুষোঽহমীশো
হিরণ্ময়োঽহং শিবরূপমস্মি ॥ ৪৮॥
অপাণিপাদোঽহমচিন্ত্যশক্তিঃ
পশ্যাম্যচক্ষুশ্চ শৃণোম্যকর্ণঃ ।
অহং বিজানামি বিবিক্তরূপো
ন চাস্তি বেত্তা মম চিৎসদাঽহম্ ॥ ৪৯॥
বেদৈরনেকৈরহমেব বেদ্যো
বেদান্তকৃদ্বেদবিদেব চাহম্ ।
ন পুণ্যপাপে মম নাস্তি নাশো
ন জন্ম দেহেন্দ্রিয়বুদ্ধয়শ্চ ॥ ৫০॥
ন ভূমিরাপো মম নৈব বহ্নি-
র্ন চানিলো মেঽস্তি ন চাম্বরং চ ।
সদাঽহমেবাহমিতি স্ফুরামি
স্বভাবতশ্চেদমিতি স্ফুরামি ॥ ৫১॥
অভাতরূপেণ তথৈব সর্বদা
বিভাতরূপেণ চ ভানরূপতঃ ।
অভানরূপেণ চ সর্বরূপতঃ
স্ফুরামি দেবোঽহমতঃ পুরাতনঃ ॥ ৫২॥
এবং বিদিৎবা পরমাত্মরূপং
গুহাশয়ং নিষ্কলমদ্বিতীয়ম্ ।
সমস্তভানং সদসদ্বিহীনং
প্রয়াতি শুদ্ধং পরমাত্মরূপম্ ॥ ৫৩॥
অতশ্চ বেদান্তবচোভিরঞ্জসা
মুমুক্ষুভির্নিত্যমশেষনায়কঃ ।
গুরূপদেশেন চ তর্কতস্তথা
বিচিন্তনীয়শ্চ বিশেষতঃ শিবঃ ॥ ৫৪॥
কৈবল্যোপনিষৎপরা পরকৃপায়ুক্তা যদুচ্চৈর্মুদা
প্রোবাচ প্রতিতৌজসৈরপি হরিব্রহ্মাদিভিশ্চাদৃতম্ ।
হে দেবা অহমুক্তবানতিশুভব্রহ্মাপরোক্ষায় ত-
ৎসর্বেষামধিকারিণাং মতমিদং বিত্তাতিভক্ত্যা সহ ॥ ৫৫॥
ইতি ব্রহ্মগীতাসূপনিষৎসু কৈবল্যোপনিষদ্বিবরণে
তত্ত্ববেদনবিধির্নামাষ্টমোঽধ্যায়ঃ ॥ ৮॥
॥ অথ নবমো।ধ্যায়ঃ ॥
॥ বৃহাদারণ্যকোপনিষদ্ব্যাখ্যানম্ ॥
ব্রহ্মোবাচ ।
প্রত্যগ্রূপঃ শিবঃ সাক্ষাৎপরানন্দস্বলক্ষণঃ ।
পরপ্রেমাস্পদৎবেন প্রতীতৎবাৎসুরর্ষভাঃ ।
পরপ্রেমাস্পদানন্দঃ সুরা আনন্দ এব হি ॥ ১॥
প্রিয়ো ভবতি ভার্যায়াঃ পতিঃ সোঽয়ং সুরর্ষভাঃ ॥ ২॥
পতির্ন পত্যুঃ কামায় প্রিয়ো ভবতি সর্বথা ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৩॥
জায়ায়াস্তু ন কামায় ন হি জায়া প্রিয়া মতা ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৪॥
পুত্রাণাং তু ন কামায় প্রিয়াঃ পুত্রা ভবন্তি চ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৫॥
ব্রহ্মণস্ত্বেব কামায় ন ব্রহ্ম ভবতি প্রিয়ম্ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৬॥
ক্ষত্রস্যৈব তু কামায় ন ক্ষত্রং ভবতি প্রিয়ম্ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৭॥
বিত্তস্যৈব তু কামায় ন বিত্তং ভবতি প্রিয়ম্ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৮॥
লোকানামেব কামায় ন ভবন্তি প্রিয়াশ্চ তে ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ৯॥
দেবানামপি কামায় প্রিয়া দেবা ভবন্তি ন ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ১০॥
বেদানামেব কামায় প্রিয়া বেদা ভবন্তি ন ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ১১॥
ভূতান্যপি চ ভূতানাং কামায় ন ভবন্তি চ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ১২॥
সর্বস্যৈব তু কামায় ন সর্বং ভবতি প্রিয়ম্ ।
কিং ৎবাত্মনস্তু কামায় ততঃ প্রিয়তমঃ স্বয়ম্ ॥ ১৩॥
অতঃ প্রিয়তমো হ্যাত্মা সুখবৎসুখলক্ষণঃ ।
সুখাভিলাষিভিঃ সোঽয়ং ত্যক্ত্বা কর্মাণি সাদরম্ ॥ ১৪॥
দ্রষ্টব্যস্তু সুরা নিত্যং শ্রোতব্যশ্চ তথৈব চ ।
মন্তব্যশ্চ বিচিন্ত্যশ্চ সর্বং তদ্দর্শনাদিভিঃ ॥ ১৫॥
দুঃখরাশের্বিনাশায় পরমাদ্বৈতবিদ্ভবেৎ ॥ ১৬॥
পরমাদ্বৈতবিজ্ঞানাৎসংসারঃ প্রবিণশ্যতি ।
স্বতঃসিদ্ধাদ্বয়ানন্দঃ স্বয়মেব বিভাতি চ ॥ ১৭॥
পরাদাত্তং সুরা ব্রহ্ম স্বতোঽন্যদ্ব্রহ্ম বেদ যঃ ।
তথা পরাদাৎক্ষত্রং তং লোকা অপি তথৈব চ ॥ ১৮॥
দেবা বেদাশ্চ ভূতানি পরাদুঃ খলু তং পশুম্ ।
স্বস্বরূপাৎপরং কিঞ্চিদপি পশ্যন্প্রণশ্যতি ॥ ১৯॥
ব্রহ্মক্ষত্রাদিভেদেন প্রতীতা হ্যখিলা অমী ।
বর্ণাস্তথাঽঽশ্রমাঃ সর্বে সঙ্করাঃ সকলা অপি ॥ ২০॥
দেবগন্ধর্বপূর্বাশ্চ ভূতানি ভুবনানি চ ।
অস্তি নাস্তীতি শব্দার্থৌ তথৈবান্যচ্চ কিঞ্চন ॥ ২১॥
মায়াবিদ্যাতমোমোহপ্রভেদা অখিলা অপি ।
সর্বমাত্মৈব নৈবান্যদন্যবুদ্ধির্হি সংসৃতিঃ ॥ ২২॥
নির্বিকল্পে পরে তত্ত্বে বিদ্যযা বুদ্ধিবিশ্রমঃ ।
সা হি সংসারবিচ্ছিত্তির্নাপরা পুরুষাধিকা ॥ ২৩॥
প্রতীতমবিশেষেণ সকলং ব্রহ্ম যঃ পুমান্ ।
বেদ তং শিরসা নিত্যং প্রণয়ামি জগদ্গুরুম্ ॥ ২৪॥
বেদা বহুমুখা ভান্তি স্মৃতয়শ্চ তথৈব চ ।
পুরাণানি সমস্তানি বুদ্ধার্হাদ্যাগমান্তরাঃ ॥ ২৫॥
শৈবাশ্চ বৈষ্ণবাশ্চৈব মদুক্তা আগমা অপি ।
অপভ্রংশাঃ সমস্তাশ্চ কেবলং লৌকিকী মতিঃ ॥ ২৬॥
তর্কাশ্চ বিবিধাঃ সূক্ষ্মাঃ স্থূলাশ্চ সকলা অপি ।
পরস্পরবিরোধেন প্রভান্তি সকলাত্মনাম্ ॥ ২৭॥
তেষামেবাবিরোধে তু কালো যাতি চ ধীমতাম্ ।
কথঞ্চিৎকালসদ্ভাবেঽপ্যবিরোধো ন সিধ্যতি ॥ ২৮॥
অতঃ সর্বং পরিত্যজ্য মনসো মলকারণম্ ।
যথাভাতেন রূপেণ শিবং পশ্যেৎসুনিশ্চলঃ ॥ ২৯॥
ক্রিমিকীটপতঙ্গেভ্যঃ পশবঃ প্রজ্ঞয়াঽধিকাঃ ।
পশ্বাদিভ্যো নরাঃ প্রাজ্ঞাস্তেষু কেচন কোবিদাঃ ॥ ৩০॥
তথা তেভ্যশ্চ গন্ধর্বাঃ পিতরো মতিমত্তমাঃ ।
অন্যে চ তারতম্যেন পণ্ডিতা উতরোত্তরম্ ॥ ৩১॥
যূয়ং সত্ত্বোৎকটাঃ প্রাজ্ঞাঃ সর্বেষামপি হে সুরাঃ ।
যুষ্মভ্যোঽহং মহাপ্রাজ্ঞো মত্তঃ প্রাজ্ঞো জনার্দনঃ ॥ ৩২॥
জনার্দনাদপি প্রাজ্ঞঃ শঙ্করো গুণমূর্তিষু ।
ততঃ প্রাজ্ঞতমঃ সাক্ষাচ্ছিবঃ সাম্বঃ সনাতনঃ ॥ ৩৩॥
স এব সাক্ষাৎসর্বজ্ঞস্ততোঽন্যো নাস্তি কশ্চন ।
তস্মাদ্বিদ্যামিমাং ত্যক্ত্বা ব্রহ্ম সর্বং বিলোকয়েৎ ॥ ৩৪॥
আয়াসস্তাবদত্যল্পঃ ফলং মুক্তিরিহৈব তু ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৩৫॥
কদাচিদপি চিত্তস্য ভয়ং কিঞ্চিন্ন বিদ্যতে ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৩৬॥
স্বস্বরূপাতিরেকেণ নাস্তি মানং বিরোধি চ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৩৭॥
স্বস্বরূপাতিরেকেণ তর্কশ্চ ন হি বিদ্যতে ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৩৮॥
শ্রুতিস্মৃতিপুরাণানি প্রাহুরেকৎবমাত্মনঃ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৩৯॥
অনুগ্রাহকতর্কশ্চ কুরুতে তর্কবেদনম্ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪০॥
শিবাগমেষু চাদ্বৈতং বভাষে পরমেশ্বরঃ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪১॥
নারায়ণোঽপি চাদ্বৈতং বভাষে স্বাগমেষু চ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪২॥
অহং চাবোচমদ্বৈতং মদুক্তেষ্বাগমেষু চ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪৩॥
অন্যে চ যোগিনঃ সর্বে প্রাহুরদ্বৈতমাত্মনঃ ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪৪॥
বিশুদ্ধজ্ঞানিনাং দেবা নিষ্ঠাঽপ্যদ্বৈতগোচরা ।
তথাঽপি পরমাদ্বৈতং নৈব বাঞ্ছন্তি মানবাঃ ॥ ৪৫॥
কেচিৎসামান্যমদ্বৈতং বদন্তি ভ্রান্তচেতসঃ ।
বিশেষং দ্বৈতমাশ্রিত্য ন তেষামস্তি বেদনম্ ॥ ৪৬॥
দ্বৈতমেব হি সর্বত্র প্রবদন্তি হি কেচন ।
ন তে মনুষ্যাঃ কীটাশ্চ পতঙ্গাশ্চ ঘটা হি তে ॥ ৪৭॥
অবিশেষেণ সর্বং তু যঃ পশ্যতি মহেশ্বরম্ ।
স এব সাক্ষাদ্বিজ্ঞানী স শিবঃ স তু দুর্লভঃ ॥ ৪৮॥
জগদিতি প্রতিভা ব্যবহারতঃ
পরতরঃ পরমঃ পরমার্থতঃ ।
ইতি মতির্ন ভবত্যপি কস্যচি-
চ্ছশিধরস্মরণেন হি সিধ্যতি ॥ ৪৯॥
জগদিতি প্রতিভাঽপি চ শাঙ্করী
মতিমতামিতি মে সুবিনিশ্চয়ঃ ।
ইতি মতির্বিমলা চ শুভাবহা
শশিধরস্মরণেন হি সিধ্যতি ॥ ৫০॥
জগদিতি প্রতিভাসমপেক্ষ্য চ
শ্রুতিরপি প্রিয়হেতুমিহাহ হি ।
ন হি জগৎপ্রতিভা ন চ সা শ্রুতিঃ
প্রিয়করঃ সকলশ্চ ন বস্তুতঃ ॥ ৫১॥
ইতি মতির্বিমলা ননু জায়তে
যদি জনঃ শিব এব স তাদৃশঃ ।
ন হি কৃতিঃ সকলা মহাত্মনো
যদি কৃতিঃ পশুরেব স মানবঃ ॥ ৫২॥
ন হি জনির্মরণং গমনাগমৌ
ন হি মলং বিমলং ন চ বেদনম্ ।
শিবমিদং সকলং বিভাসতে
স্ফুটতরং পরমস্য তু যোগিনঃ ॥ ৫৩॥
বিসৃজ্য সন্দেহমশেষমাস্তিকাঃ
প্রতীতমেতন্নিখিলং জডাজডম্ ।
গুরূপদেশেন শিবং বিলোকয়ে-
দ্বিলোকনং চাপি শিবং বিলোকয়েৎ ॥ ৫৪॥
বিলোকনং চাপি শিবং বিলোকয়-
ন্বিলোকনং চাপি বিসৃজ্য কেবলম্ ।
স্বভাবভূতঃ স্বচিতাঽবশিষ্যতে
চিতাঽবশেষশ্চ ন তস্য তত্ত্বতঃ ॥ ৫৫॥
নিষ্ঠা তস্য মহাত্মনঃ সুরবরা বক্তুং ময়া শক্যতে
ন প্রৌঢেন শিবেন বা মুনিগণৈর্নারায়ণেনাপি চ ।
বেদেনাপি পুরাতনেন পরয়া শক্ত্যা পরেণাথ বা
মূকীভাবমুপৈতি তত্র বিদুষাং নিষ্ঠা হি তাদৃগ্বিধা ॥ ৫৬॥
সর্বমুক্তমিতি বঃ সুরর্ষভাঃ
কেবলেন করুণাবলেন চ ।
বেদ এব সকলার্থবোধকঃ
শেষ এব বচনং চ তস্য মে ॥ ৫৭॥
ইতি ব্রহ্মগীতাসূপনিষৎসু বৃহদারণ্যকোপনিষদ্ব্যাখ্যানে
নবমোঽধ্যায়ঃ ॥ ৯॥
॥ অথ দশমোঽধ্যায়ঃ ॥
॥ বৃহাদারণ্যকব্যাখ্যাকথনম্ ॥
ব্রহ্মোবাচ ।
অস্তি সর্বান্তরঃ সাক্ষী প্রত্যগাত্মা স্বয়ম্প্রভঃ ।
তদেব ব্রহ্ম সম্পূর্ণমপরোক্ষতমং সুরাঃ ॥ ১॥
প্রাণাপানাদিভেদস্য যঃ সত্তাস্ফুরণপ্রদঃ ।
যস্য সন্নিধিমাত্রেণ চেষ্টতে সকলং সুরাঃ ॥ ২॥
যশ্চ সর্বস্য চেষ্টায়ামসক্তো নিষ্ক্রিয়ঃ স্বয়ম্ ।
স হি সর্বান্তরঃ সাক্ষাদাত্মা নান্যঃ সুরর্ষভাঃ ॥ ৩॥
যোঽয়ং সর্বান্তরঃ স্বাত্মা সোঽহমর্থো ন বিগ্রহঃ ।
দৃশ্যৎবাদস্য দেহস্য দ্রষ্টা যোঽস্য স এব সঃ ॥ ৪॥
যোঽয়ং সর্বান্তরঃ স্বাত্মা সোঽয়ং ন প্রাণপূর্বকঃ ।
দৃশ্যৎবাৎপ্রাণপূর্বস্য দ্রষ্টা যোঽস্য স এব সঃ ॥ ৫॥
দৃষ্টের্দ্রষ্টা শ্রুতেঃ শ্রোতা মতের্মন্তা চ যঃ সুরাঃ ।
বিজ্ঞাতেরপি বিজ্ঞাতা স হি সর্বান্তরঃ পরঃ ॥ ৬॥
অতোঽন্যদার্তং সকলং ন সত্যং তু নিরূপণে ।
স এব সর্বং নৈবান্যদিতি সম্যঙ্নিরূপণে ॥ ৭॥
যথা পৃথিব্যামোতং চ প্রোতং চ সকলং সুরাঃ ।
তথাঽপ্সু সকলং দেবা ওতং প্রোতং ন সংশয়ঃ ॥ ৮॥
আপশ্চ বায়ৌ হে দেবা ওতাঃ প্রোতাস্তথৈব চ ।
অন্তরিক্ষেষু বায়ুশ্চ লোকেষু সুরপুঙ্গবাঃ ॥ ৯॥
অন্তরিক্ষাশ্চ লোকাশ্চ তথা গন্ধর্বকেষু চ ।
লোকেষ্বাদিত্যলোকেষু স্থিতা গন্ধর্বসঞ্জ্ঞিতাঃ ॥ ১০॥
চন্দ্রলোকেষু চাদিত্যলোকা ওতাস্তথৈব চ ।
চন্দ্রলোকাশ্চ নক্ষত্রলোকেষু সুরপুঙ্গবাঃ ॥ ১১॥
দেবলোকেষু নক্ষত্রলোকা ওতাস্তথৈব চ ।
দেবলোকাশ্চ হে দেবা ইন্দ্রলোকেষু সংস্থিতাঃ ॥ ১২॥
প্রাজাপত্যেষু লোকেষু স্থিতা ঐন্দ্রাঃ সুরর্ষভাঃ ।
প্রাজাপত্যাস্তথা লোকা ব্রহ্মলোকেষু সংস্থিতাঃ ॥ ১৩॥
বিষ্ণুলোকেষু হে দেবা ব্রহ্মলোকাঃ সুসংস্থিতাঃ ।
বিষ্ণুলোকাস্তথা ওতা রুদ্রলোকেষু হে সুরাঃ ॥ ১৪॥
রুদ্রলোকাঃ স্থিতা লোকেষ্বীশ্বরস্য সুরর্ষভাঃ ।
সদাশিবস্য লোকেষু স্থিতা হ্যৈশাঃ সুরর্ষভাঃ ॥ ১৫॥
ওতাঃ প্রোতাশ্চ তে লোকা ব্রহ্মসঞ্জ্ঞে পরে শিবে ।
এবং সর্বে সদা সাক্ষিস্বরূপে প্রত্যগাত্মনি ॥ ১৬॥
সর্বান্তরতমে প্রোতা ওতা অধ্যাসতঃ স্থিতাঃ ॥ ১৭॥
সর্বাধিষ্ঠানরূপস্তু প্রত্যগাত্মা স্বয়ম্প্রভঃ ।
ন কস্মিংশ্চিৎস্থিতঃ সাক্ষী সৎস্বরূপঃ সুরর্ষভাঃ ॥ ১৮॥
যস্মিন্নধ্যস্তরূপেণ স্থিতং সর্বং নিরূপণে ।
স এব সকলং নান্যদিতি সম্যঙ্নিরূপণে ॥ ১৯॥
যোঽয়মাত্মা স্বয়ং ভাতি সত্তয়াঽন্যবিবর্জিতঃ ।
স এব সাক্ষাৎসর্বেষামন্তর্যামী ন চাপরঃ ॥ ২০॥
পৃথিব্যামপি যস্তিষ্ঠন্পৃথিব্যা অন্তরঃ সদা ।
যং ন বেদ সুরাঃ পৃথ্বী শরীরং যস্য ভূরপি ॥ ২১॥
যোঽন্তরো যময়ত্যেতাং ভূমিং নিষ্ক্রিয়রূপতঃ ।
এষ এব হি নঃ সাক্ষাদন্তর্যামী পরামৃতঃ ॥ ২২॥
অপ্সু তিষ্ঠন্নপাং দেবা অন্তরো যং ন তা বিদুঃ ।
আপঃ শরীরং যস্যৈতা যোঽন্তরো যময়ত্যপঃ ।
এষ এব হি নঃ সাক্ষাদন্তর্যামী পরামৃতঃ ॥ ২৩॥
এবমগ্নেশ্চ যো নেতা চান্তরিক্ষস্য হে সুরাঃ ॥ ২৪॥
বায়ুপূর্বস্য সর্বস্য চেতনাচেতনস্য চ ।
এষ এব হি নঃ সাক্ষাদন্তর্যামী পরামৃতঃ ॥ ২৫॥
অদৃষ্টোঽয়ং সুরা দ্রষ্টা শ্রোতৈবায়ং তথাঽশ্রুতঃ ।
অমতশ্চ তথা মন্তা বিজ্ঞাতা কেবলং সুরাঃ ॥ ২৬॥
রবিসোমাগ্নিপূর্বেষু বিনষ্টেষ্বয়মাস্তিকাঃ ।
চিত্তসাক্ষিতয়া ভাতি স্বপ্রকাশেন কেবলম্ ॥ ২৭॥
চিত্তব্যাপারনাশে তু তদভাবং সুরর্ষভাঃ ।
স্বপ্রকাশেন জানাতি সুষুপ্তৌ বেদ তামপি ॥ ২৮॥
আবির্ভাবতিরোভাবরহিতস্তু স্বয়ম্প্রভঃ ।
ভাবাভাবাত্মকং সর্বং সদাঽয়ং বেদ কেবলঃ ॥ ২৯॥
ভাবাভাবাত্মনা বেদ্যং সমস্তং সুরপুঙ্গবাঃ ।
বেত্তৈবায়ং ন চৈবান্যদিতি সম্যঙ্নিরূপণম্ ॥ ৩০॥
এবং দ্বৈতং বিচারেণ স্বাত্মনা বেদ যঃ পুমান্ ।
স যোগী সর্বদা দ্বৈতং পশ্যন্নপি ন পশ্যতি ॥ ৩১॥
দ্রষ্টুর্দৃষ্টের্ন নাশোঽস্তি দৃশ্যমেব বিনশ্যতি ।
তচ্চ দ্বৈতং দৃশের্দৃশ্যং নাস্তি দ্রষ্টাঽস্তি কেবলম্ ॥ ৩২॥
এষাঽস্য পরমা সম্পদ্গতিশ্চ পরমাঽস্য তু ।
এষোঽস্য পরমো লোক এতদ্ধি পরমং সুখম্ ॥ ৩৩॥
অহিনির্ল্বয়নীং মুক্তাং যথাঽহিঃ স্বাত্মনা পুনঃ ।
ন পশ্যতি তথা বিদ্বান্ন দেহেঽহম্মতির্ভবেৎ ॥ ৩৪॥
সর্বাধারে স্বতঃসিদ্ধে শিবসঞ্জ্ঞে তু নির্মলে ।
প্রত্যগ্রূপে পরানন্দে নেহ নানাঽস্তি কিঞ্চন ॥ ৩৫॥
মৃত্যোঃ স মৃত্যুমাপ্নোতি ইহ নানেব পশ্যতি ।
তস্মাদধ্যস্তমজ্ঞানং তৎকার্যং চাত্মরূপতঃ ॥ ৩৬॥
একধৈব মহায়াসাদ্দ্রষ্টব্যো হি মুমুক্ষুভিঃ ।
অয়মাত্মাঽপ্রমেয়শ্চ বিরজশ্চ মহান্ধ্রুবঃ ॥ ৩৭॥
তমেব ধীরো বিজ্ঞায় প্রজ্ঞাং কুর্বীত ব্রাহ্মণঃ ।
নানুধ্যায়াদ্বহূঞ্ছব্দান্বাচো বিগ্লাপনং হি তৎ ॥ ৩৮॥
স বা এষ মহানাত্মা জন্মনাশাদিবর্জিতঃ ।
বশী সর্বস্য লোকস্য সর্বস্যেশান এব চ ॥ ৩৯॥
সর্বস্যাধিপতিঃ শুদ্ধো ন ভূয়ান্সাধুকর্মণা ।
কর্মণাঽসাধুনা নৈব কনীয়ান্সুরপুঙ্গবাঃ ॥ ৪০॥
এষ সর্বেশ্বরঃ সাক্ষাদ্ভূতাধিপতিরেব চ ।
ভূতপালশ্চ লোকানামসম্ভেদায় হে সুরাঃ ॥ ৪১॥
এষ সেতুর্বিধরণস্তমেব ব্রাহ্মণোত্তমাঃ ।
বেদানুবচনেনাপি যজ্ঞেন সকলেন চ ॥ ৪২॥
দানেন তপসা দেবাস্তথৈবানশনেন চ ।
বেত্তুমিচ্ছতি যো বিদ্বান্স মুনির্নেতরো জনঃ ॥ ৪৩॥
নেতি নেতীতি নিষ্কৃষ্টো য এষ সর্বসাধকঃ ।
সোঽয়মাত্মা সদাঽগ্রাহ্যস্বরূপো ন হি গৃহ্যতে ॥ ৪৪॥
তথাঽশীর্যস্বভাবশ্চ হে দেবা নৈব শীর্যতে ।
অসঙ্গরূপো ভগবান্সর্বদা ন হি সজ্জতে ॥ ৪৫॥
এষ নিত্যো মহিমা ব্রাহ্মণস্য
ন বর্ধতে কর্মণা নো কনীয়ান্ ।
তস্যৈব স্যাৎপদবিত্তং বিদিৎবা
ন লিপ্যতে কর্মণা পাপকেন ॥ ৪৬॥
তস্মাদ্ব্রহ্মজ্ঞানলাভায় বিদ্বা-
ঞ্শান্তো দান্তঃ সত্যবাদী ভবেচ্চ ।
কর্মত্যাগী সর্ববেদান্তসিদ্ধং
বিদ্যাহেতুং সন্ততং ৎবভ্যুপেয়াৎ ॥ ৪৭॥
ত্রিপুণ্ড্রমুদ্ধূলনমাস্তিকোত্তমাঃ
সদাঽঽচরেচ্ছঙ্করবেদনে রতঃ ।
শিবাদিশব্দং চ জপেদ্বিশেষতঃ
প্রপূজয়েদ্ভক্তিপুরঃসরং হরম্ ॥ ৪৮॥
সাধনৈঃ সকলৈঃ সহিতঃ সুরা
বেদনেন সমস্তমিদং জগৎ ।
দেবরূপতয়ৈব তু নিশ্চিতং
বেদহস্ততলস্থিতবিল্ববৎ ॥ ৪৯॥
নৈনং পাপ্মা তরতি ব্রহ্মনিষ্ঠং
সর্বং পাপং তরতি প্রাকৃতং চ ।
নৈনং পাপ্মা তপতি ব্রহ্মনিষ্ঠং
সর্বং পাপং তপতি প্রাকৃতং চ ॥ ৫০॥
ইত্থং ব্রহ্ম স্বাত্মভূতং বিদিৎবা
শ্রদ্ধাপূর্বং দেহমেতং স্বকীয়ম্ ।
অর্থং সর্বং ক্ষেত্রজাতং সমস্তং
দদ্যাদস্মৈ দেশিকেন্দ্রায় মর্ত্যঃ ॥ ৫১॥
যশ্চাতৃণত্ত্যবিতথেন কর্ণা-
বদুঃখং কুর্বন্নমৃতং সম্প্রয়চ্ছন্ ।
তং বিদ্যাৎপিতরং মাতরং চ
তস্মৈ ন দ্রুহ্যেৎকৃতমস্য জানন্ ॥ ৫২॥
স্বদেশিকস্যৈব তু নামকীর্তনং
ভবেদনন্তস্য শিবস্য চিন্তনম্ ।
স্বদেশিকস্যৈব তু পূজনং তথা
ভবেদনন্তস্য শিবস্য পূজনম্ ॥ ৫৩॥
স্বদেশিকস্যৈব তু নামকীর্তনং
শিবাদিশব্দস্য তু কীর্তনং ভবেৎ ।
স্বদেশিকস্যৈব তু বাধনং তথা
ভবেদনন্তস্য শিবস্য বাধনম্ ॥ ৫৪॥
তস্মাদ্বিদ্বান্সর্বমেতদ্বিহায়
শ্রদ্ধায়ুক্তঃ সদ্গুরুং সত্যনিষ্ঠম্ ।
বিদ্যাকোশং বেদবেদান্তনিষ্ঠং
গচ্ছেন্নিত্যং সত্যধর্মাদিয়ুক্তঃ ॥ ৫৫॥
বক্তব্যং সকলং ময়া পরকৃপায়ুক্তেন সঙ্কীর্তিতং
কর্তব্যং সকলং সুরা ন হি মুনের্ব্রহ্মাত্মনিষ্ঠস্য তু ।
স্মর্তব্যং সকলং তথা ন হি সদা ব্রহ্মৈব সচ্চিৎসুখং
সম্পূর্ণং সততোদিতং সমরসং শশ্বৎস্বয়ং ভাসতে ॥ ৫৬॥
ইতি ব্রহ্মগীতাসূপনিষৎসু বৃহদারণ্যকব্যাখ্যাকথনং নাম
দশমোঽধ্যায়ঃ ॥ ১০॥
॥ অথ একাদশোঽধ্যায়ঃ ॥
॥ কঠবল্লীশ্বেতাশ্বতরব্যাখ্যায়াম্ ॥
ব্রহ্মোবাচ ।
অস্তি তত্ত্বং পরং সাক্ষাদ্দুর্দর্শং গূঢমুত্তমম্ ।
অনুপ্রবিষ্টং সর্বত্র গুহায়াং নিহিতং পরম্ ॥ ১॥
তদ্বিদিৎবা মহাধীরো হর্ষশোকৌ জহাতি চ ।
ধর্মাদিভ্যঃ পরং তত্তু ভূতাদ্ভব্যাচ্চ সত্তমাঃ ॥ ২॥
যদামনন্তি বেদাশ্চ তপাংসি পরমং পদম্ ।
ব্রহ্মচর্যং যদিচ্ছন্তশ্চরন্তি শিব এব সঃ ॥ ৩॥
এতদ্ধ্যেবাক্ষরং ব্রহ্ম এতদ্ধ্যেবাক্ষরং পরম্ ।
এতদ্ধ্যেবাক্ষরং জ্ঞাৎবা যো যদিচ্ছতি তস্য তৎ ॥ ৪॥
এতদালম্বনং শ্রেষ্ঠমেতদালম্বনং পরম্ ।
এতদালম্বনং জ্ঞাৎবা ব্রহ্মলোকে মহীয়তে ॥ ৫॥
ন জায়তে ম্রিয়তে বা বিপশ্চি-
ন্নায়ং কুতশ্চিন্ন বভূব কশ্চিৎ ।
অজো নিত্যঃ শাশ্বতোঽয়ং পুরাণো
ন হন্যতে হন্যমানে শরীরে ॥ ৬॥
য এনং বেত্তি হন্তারং যশ্চৈনং মন্যতে হতম্ ।
তাবুভৌ ন বিজানীতো নায়ং হন্তি ন হন্যতে ॥ ৭॥
অণোরণীয়ান্মহতো মহীয়া-
নাত্মাঽস্য জন্তোর্নিহিতো গুহায়াম্ ।
তমক্রতুঃ পশ্যতি বীতশোকো
ধাতুপ্রসাদান্মহিমানমস্য ॥ ৮॥
দূরং ব্রজতি চাসীনঃ শয়ানো যাতি সর্বতঃ ।
কস্তং সাক্ষান্মহাদেবং মদন্যো জ্ঞাতুমর্হতি ॥ ৯॥
অশরীরং শরীরেষু হ্যনবস্থেষ্ববস্থিতম্ ।
মহান্তং বিভুমাত্মানং মৎবা ধীরো ন শোচতি ॥ ১০॥
নায়মাত্মা প্রবচনেন লভ্যো
ন মেধয়া ন বহুনা শ্রুতেন ।
যমেবৈষ বৃণুতে তেন লভ্য-
স্তস্যৈষ আত্মা বিবৃণুতে তনূং স্বাম্ ॥ ১১॥
নাবিরতো দুশ্চরিতান্নাশান্তো নাসমাহিতঃ ।
নাশান্তমানসো বাঽপি প্রজ্ঞানেনৈনমাপ্নুয়াৎ ॥ ১২॥
যস্য ব্রহ্ম চ ক্ষত্রং চ উভে ভবত ওদনঃ ।
ক ইত্থং বেদ দেবো বা মনুষ্যোঽন্যশ্চ যত্র সঃ ॥ ১৩॥
ঋতৌ পিবন্তৌ সুকৃতস্য লোকে
গুহাং প্রবিষ্টৌ পরমে পরার্ধে ।
ছায়াতপৌ ব্রহ্মবিদো বদন্তি
শরীরভৃচ্ছঙ্করসঞ্জ্ঞিতৌ তৌ ॥ ১৪॥
শরীরভৃৎকর্মফলং ভুঙ্ক্তে যোজয়িতা শিবঃ ।
প্রতীতিতো বিরুদ্ধৌ তৌ ভেদস্ত্বৌপাধিকস্তয়োঃ ॥ ১৫॥
আত্মানং রথিনং বিদ্যাচ্ছরীরং রথমেব তু ।
বুদ্ধিং তু সারথিং বিদ্যান্মনঃ প্রগ্রহমেব চ ॥ ১৬॥
ইন্দ্রিয়াণি হয়ান্বিদ্যাদ্বিষয়ানপি গোচরান্ ।
আত্মেন্দ্রিয়মনোয়ুক্তং বিদ্যাদ্ভোক্তারমাস্তিকাঃ ॥ ১৭॥
যস্ত্ববিজ্ঞানবান্মর্ত্যোঽয়ুক্তেন মনসা সদা ।
তস্যেন্দ্রিয়াণ্যবশ্যানি দুষ্টাশ্বা ইব সারথেঃ ॥ ১৮॥
যস্তু বিজ্ঞানবান্মর্ত্যো যুক্তেন মনসা সদা ।
তস্যেন্দ্রিয়াণি বশ্যানি সদশ্বা ইব সারথেঃ ॥ ১৯॥
যস্ত্ববিজ্ঞানবান্মর্ত্যো হ্যমনস্কঃ সদাঽশুচিঃ ।
ন স তৎপদমাপ্নোতি সংসারং চাধিগচ্ছতি ॥ ২০॥
যস্তু বিজ্ঞানবান্মর্ত্যঃ সমনস্কঃ সদা শুচিঃ ।
স তু তৎপদমাপ্নোতি যস্মাদ্ভূয়ো ন জায়তে ॥ ২১॥
বিজ্ঞানসারথির্যস্তু মনঃ প্রগ্রহবান্নরঃ ।
সোঽধ্বনঃ পারমাপ্নোতি তদ্বিষ্ণোঃ পরমং পদম্ ॥ ২২॥
পদং যৎপরমং বিষ্ণোস্তদেবাখিলদেহিনাম্ ।
পদং পরমমদ্বৈতং স শিবঃ সাম্ববিগ্রহঃ ॥ ২৩॥
রুদ্রবিষ্ণুপ্রজেশানামন্যেষামপি দেহিনাম্ ।
ঋতে সাম্বং মহাদেবং কিং ভবেৎপরমং পদম্ ॥ ২৪॥
ইন্দ্রিয়েভ্যঃ পরা হ্যর্থা অর্থেভ্যশ্চ পরং মনঃ ।
মনসস্তু পরা বুদ্ধির্বুদ্ধেরাত্মা মহান্পরঃ ॥ ২৫॥
মহতঃ পরমব্যক্তমব্যক্তাৎপুরুষঃ পরঃ ।
পুরুষান্ন পরং কিঞ্চিৎসা কাষ্ঠা সা পরা গতিঃ ॥ ২৬॥
পুরুষো নাম সম্পূর্ণঃ শিবঃ সত্যাদিলক্ষণঃ ।
সাম্বমূর্তিধরো নান্যো রুদ্রো বিষ্ণুরজোঽপি বা ॥ ২৭॥
এষ সর্বেষু ভূতেষু গূঢাত্মা ন প্রকাশতে ।
দৃশ্যতে ৎবগ্র্যযা বুদ্ধ্যা সূক্ষ্ময়া সূক্ষ্মদর্শিভিঃ ॥ ২৮॥
যচ্চেদ্বাঙ্মনসী প্রাজ্ঞস্তদ্যচ্ছেজ্জ্ঞান আত্মনি ।
মহত্যাত্মনী বিজ্ঞানং তদ্যচ্ছেচ্ছান্ত আত্মনি ॥ ২৯॥
অশব্দমস্পর্শমরূপমব্যযং
তথাঽরসং নিত্যমগন্ধবচ্চ যৎ ।
অনাদ্যনন্তং মহতঃ পরং ধ্রুবং
নিচায়্য তং মৃত্যুমুখাৎপ্রমুচ্যতে ॥ ৩০॥
পরাঞ্চি খানি ব্যতৃণন্মহেশ-
স্তস্মাৎপরাঙ্পশ্যতি নাত্মরূপম্ ।
কশ্চিদ্ধীরঃ প্রত্যগাত্মানমৈক্ষ্য-
দাবৃত্তচক্ষুরমৃতৎবমিচ্ছন্ ॥ ৩১॥
পরাঞ্চঃ কামাননুনয়ন্তি বালা
মৃত্যোঃ পাশং তেঽপিয়ন্তি স্বমোহাৎ ।
অথ ধীরা অমৃতৎবং বিদিৎবা
ধ্রুবং তত্ত্বং যান্তি কামৈরসক্তাঃ ॥ ৩২॥
যেন রূপান্ রসান্গন্ধাঞ্শব্দান্স্পর্শাংশ্চ মৈথুনান্ ।
এতেনৈব বিজানাতি কিমত্র পরিশিষ্যতে ॥ ৩৩॥
জাগ্রৎস্বপ্নসুষুপ্তাখ্যং পুরং যেনানুপশ্যতি ।
মহান্তং পরমাত্মানং মৎবা ধীরো ন শোচতি ॥ ৩৪॥
জাগ্রদাদিত্রয়ং যস্তু বিজানাতি চিদাত্মনা ।
ততো ভেদেন নৈবাস্তি পুরত্রয়মিদং সদা ॥ ৩৫॥
চৈতন্যমাত্রো ভগবাঞ্শিব এব স্বয়ম্প্রভঃ ।
পুরত্রয়াত্মনা ভাতি ন ভাতি চ মহাপ্রভুঃ ॥ ৩৬॥
ইহামুত্র স্থিতং তত্ত্বং সদেকং ন ততোঽপরম্ ।
মৃত্যোঃ স মৃত্যুমাপ্নোতি যোঽন্যং দেবং প্রপশ্যতি ॥ ৩৭॥
অগ্নির্যথৈকো ভুবনং প্রবিষ্টো
রূপং রূপং প্রতিরূপো বভূব ।
একস্তথা সর্বভূতান্তরাত্মা
রূপং রূপং প্রতিরূপো বহিশ্চ ॥ ৩৮॥
বায়ুর্যথৈকো ভুবনং প্রবিষ্টো
রূপং রূপং প্রতিরূপো বভূব ।
একস্তথা সর্বভূতান্তরাত্মা
রূপং রূপং প্রতিরূপো বহিশ্চ ॥ ৩৯॥
সূর্যো যথা সর্বলোকস্য চক্ষু-
র্ন লিপ্যতে চাক্ষুষৈর্বাহ্যদোষৈঃ ।
একস্তথা সর্বভূতান্তরাত্মা
ন লিপ্যতে লোকদুঃখেন বাহ্যঃ ॥ ৪০॥
একো বশী সর্বভূতান্তরাত্মা
একং রূপং বহুধা যঃ করোতি ।
তমাত্মস্থং যেঽনুপশ্যন্তি ধীরা-
স্তেষাং সুখং শাশ্বতং নেতরেষাম্ ॥ ৪১॥
যেনৈব নিত্যাশ্চ সচেতনশ্চ
যস্মিন্বিভক্তাঃ প্রবিভান্তি মোহাৎ ।
তমাত্মস্থং যেঽনুপশ্যন্তি ধীরা-
স্তেষাং শান্তিঃ শাশ্বতী নেতরেষাম্ ॥ ৪২॥
তদেতদিতি মন্যন্তেঽনির্দেশ্যং পরমং সুখম্ ।
কথং নু তদ্বিজানীয়ৎকিমু ভাতি বিভাতি বা ॥ ৪৩॥
আদিত্যচন্দ্রানলতারকাদ্যা
ন ভান্তি যস্মিন্ননিশং মহান্তঃ ।
প্রকাশমানং তমনুপ্রভান্তি
প্রভানমস্যৈব হি নেতরেষাম্ ॥ ৪৪॥
ঊর্ধ্বমূলস্ত্ববাক্শাখ এষোঽশ্বত্থঃ সনাতনঃ ।
তদেব শুক্রং তদ্ব্রহ্ম তদেবামৃতমুচ্যতে ॥ ৪৫॥
তস্মিঁল্লোকাঃ শ্রিতাঃ সর্বে তদু নাত্যেতি কশ্চন ।
এতদ্বৈ তৎসুরশ্রেষ্ঠাঃ সম্যগেব ময়োদিতম্ ॥ ৪৬॥
ইদং সর্বং জগৎসাক্ষাচ্ছিবঃ কম্পয়তে ধ্রুবম্ ।
মহদ্ভয়মিদং বজ্রং বিদিৎবা মুচ্যতে নরঃ ॥ ৪৭॥
তপত্যস্য ভয়াদগ্নির্ভয়াত্তপতি ভাস্করঃ ।
ভয়াদিন্দ্রশ্চ বায়ুশ্চ মৃত্যুর্ধাবতি পঞ্চমঃ ॥ ৪৮॥
বর্তমানে শরীরেঽস্মিন্ন শক্তো বোদ্ধুমীশ্বরম্ ।
নরঃ সর্বেষু লোকেষু শরীরিৎবায় কল্পতে ॥ ৪৯॥
যথাঽঽদর্শে স্বকং রূপং যথাবন্নির্মলে নরঃ ।
তথা পশ্যতি দেহেস্মিন্নাত্মানং ব্রহ্ম কেবলম্ ॥ ৫০॥
জন্মনাশবতাং খানাং পৃথগ্ভাবং পরাত্মনঃ ।
তেষাং জন্মবিনাশৌ চ বিদিৎবাঽনাত্মরূপতঃ ॥ ৫১॥
পশ্চাদনাত্মরূপেণ বিদিতং কেবলাত্মনা ।
বিদিৎবা স্বানুভূত্যেব স ধীরস্তু ন শোচতি ॥ ৫২॥
ইন্দ্রিয়েভ্যো মনঃ শ্রেষ্ঠং মনসঃ সত্ত্বমুত্তমম্ ।
সত্ত্বাদপি মহানাত্মা মহতোঽব্যক্তমুত্তমম্ ॥ ৫৩॥
অব্যক্তাত্তু পরঃ সাক্ষাদ্ব্যাপকোঽলিঙ্গ এব চ ।
যং বিদিৎবা নরঃ সাক্ষাদমৃতৎবং হি গচ্ছতি ॥ ৫৪॥
ন সন্দৃশে তিষ্ঠতি রূপমস্য
ন চক্ষুষা পশ্যতি কশ্চিদেনম্ ।
হৃদা মনীষা মনসাঽভিক্লৃপ্তঃ
সাক্ষাদাত্মা শক্যতে বেদিতুং সঃ ॥ ৫৫॥
এবং সাক্ষাৎসচ্চিদানন্দরূপং
ভাবাভাবাশেষলোকস্য হেতুম্ ।
শ্রুত্যা যুক্ত্যা ব্রহ্ম জানন্তি মর্ত্যা
বিদ্যায়োগাদেব মুক্তা ভবন্তি ॥ ৫৬॥
বিদ্যাবেদ্যং ব্রহ্ম যদ্বেদসিদ্ধং
তস্যাচিন্ত্যা কাচিদস্ত্যেব শক্তিঃ ।
শক্ত্যা ভিন্নং তদ্ভবত্যদ্বয়ং
সৎসত্যানন্দাসঙ্গবোধৈকরূপম্ ॥ ৫৭॥
একং রূপং ব্রহ্মণো জীবরূপং
ভোগ্যং বিশ্বং ব্রহ্মণস্ত্বন্যরূপম্ ।
অন্যদ্রূপং ব্রহ্মণঃ সর্বশাস্ত্রং
প্রজ্ঞামাত্রং শুদ্ধরূপং পরস্য ॥ ৫৮॥
সর্বাজীবে সর্বসংস্থে বৃহন্তে
তস্মিঞ্জীবো ভ্রাম্যতে ব্রহ্মচক্রে ।
ব্রহ্মাত্মানং প্রেরিতারং চ যুক্ত্যা
মৎবা চৈকং যাতি মর্ত্যোঽমৃতৎবম্ ॥ ৫৯॥
জ্ঞাজ্ঞৌ জীবাজীবসঞ্জ্ঞৌ প্রতীত্যা
শ্রুত্যা যুক্ত্যা স্বানুভূত্যা হ্যভিন্নৌ ।
মায়া ভোক্তুর্ভোগহেতুঃ পরাত্মা
রূপৈরেভির্বিশ্বরূপো হ্যকর্তা ॥ ৬০॥
ক্ষরং মায়া চাক্ষরং জীবরূপং
ক্ষরাত্মনা ভিদ্যতে দেব একঃ ।
তস্য ধ্যানাদ্যোজনাতত্ত্বভাবা-
দ্ভূয়শ্চান্তে বিশ্বমায়ানিবৃত্তিঃ ॥ ৬১॥
জ্ঞাৎবা দেবং সর্বপাশাপহানিঃ
ক্ষীণৈঃ ক্লেশৈর্জন্মমৃত্যুপ্রহাণিঃ ।
তস্য ধ্যানান্মূলমায়াবিভেদে
বিশ্বৈশ্বর্যং যাতি কৈবল্যরূপম্ ॥ ৬২॥
এতজ্জ্ঞেয়ং নিত্যমেবাত্মসংস্থং
নাতঃ পরং বেদিতব্যং হি কিঞ্চিৎ ।
ভোক্তা ভোগ্যং প্রেরিতারং চ মৎবা
সর্বং প্রোক্তং ত্রিবিধং ব্রহ্মমেতৎ ॥ ৬৩॥
বহ্নের্যথা যোনিগতস্য মূর্তি-
র্ন দৃশ্যতে নৈব চ লিঙ্গনাশঃ ।
স ভূয় এবেন্ধনয়োনিগৃহ্য-
স্তদ্বোভয়ং বৈ প্রণবেন দেহে ॥ ৬৪॥
স্বদেহমরণিং কৃৎবা প্রণবং চোত্তরারণিম্ ।
ধ্যাননির্মথনাভ্যাসাদ্দেবং পশ্যেন্নিগূঢবৎ ॥ ৬৫॥
তিলেষু তৈলং দধিনীব সর্পি-
রাপঃ স্রোতঃস্বরণীষু চাগ্নিঃ ।
এবমাত্মাঽঽত্মনি গৃহ্যতেঽসৌ
সত্যেনৈবং তপসা যোঽনুবেত্তি ॥ ৬৬॥
সর্বব্যাপিনমাত্মানং ক্ষীরে সর্পিরিবার্পিতম্ ।
আত্মবিদ্যাতপোমূলং তদ্ব্রহ্মোপনিষৎপরম্ ॥ ৬৭॥
যজ্ঞজ্ঞানাদিভিঃ পুণ্যৈর্যোগসিদ্ধির্ভবিষ্যতি ।
যোগাৎসঞ্জায়তে জ্ঞানং জ্ঞানান্মুক্তির্ন কর্মণা ॥ ৬৮॥
অত্যাশ্রমিভ্যঃ শান্তেভ্যো বক্তব্যং ব্রহ্মবেদনম্ ।
নাপ্রশান্তায় দাতব্যং নাপুত্রায় কদাচন ॥ ৬৯॥
অগ্নিরিত্যাদিভির্মন্ত্রৈর্ভস্মনোদ্ধূলনং তথা ।
ত্রিপুণ্ড্রধারণং চাপি বদন্ত্যত্যাশ্রমং বুধাঃ ॥ ৭০॥
যস্য দেবে পরা ভক্তির্যথা দেবে তথা গুরৌ ।
তস্যৈতে কথিতা হ্যর্থাঃ প্রকাশন্তে মহাত্মনঃ ॥ ৭১॥
শ্রুতিবচনেন ময়ৈব সমস্ত
পরমকৃপাবলতঃ পঠিতং চ ।
যদি বিদিতং স নরঃ স্বকমোহং
তরতি শিবং বিশতি প্রিয়রূপম্ ॥ ৭২॥
ইতি ব্রহ্মগীতাসূপনিষৎসু
কঠবল্লীশ্বেতাশ্বতরব্যাখ্যায়ামেকাদশোঽধ্যায়ঃ ॥ ১১॥
॥ অথ দ্বাদশোঽধ্যায়ঃ ।
॥ শিবস্যাহম্প্রত্যযাশ্রৎবম্ ॥
ব্রহ্মোবাচ।
বক্ষ্যে সারতরং সাক্ষাৎসর্বশাস্ত্রার্থসঙ্গ্রহম্ ।
শ্রদ্ধয়া সহিতা যূয়ং শৃণুতাতীব শোভনম্ ॥ ১॥
অস্তি তাবদহংশব্দপ্রত্যযালম্বনং সুরাঃ ।
সর্বেষাং নঃ পরং জ্ঞানং স এবাত্মা ন সংশয়ঃ ॥ ২॥
সোঽয়ং স্বাবিদ্যযা সাক্ষাচ্ছিবঃ সন্নপি বস্তুতঃ ।
স্বশিবৎবমবিজ্ঞায় সংসারীবাবভাসতে ॥ ৩॥
বেদোদিতেন মার্গেণ পারম্পর্যক্রমেণ তু ।
মুমুক্ষুৎবং দৃঢং প্রাপ্য পুনঃ শান্ত্যাদিসাধনৈঃ ॥ ৪॥
সহিতঃ শিবভক্ত্যা চ গুরোঃ পাদৌ প্রণম্য চ ।
বেদান্তানাং মহাবাক্যশ্রবণেন তথৈব চ ॥ ৫॥
মননেন তথা দেবা ধ্যানেন পরমাত্মনঃ ।
প্রত্যগ্ব্রহ্মৈকতাজ্ঞানং লব্ধ্বা যাতি শিবং পরম্ ॥ ৬॥
প্রত্যগাত্মানমদ্বন্দ্বমহংশব্দোপলক্ষিতম্ ।
শিবরূপেণ সম্পশ্যন্নেব যাতি স্বপূর্ণতাম্ ॥ ৭॥
শিবরূপতয়া ভাতেঽহংশব্দার্থে মুনীশ্বরাঃ ।
অবিদ্যা বিলয়ং যাতি বিদ্যযা পরয়ৈব তু ॥ ৮॥
বিদ্যযা পরয়াঽবিদ্যানিবৃত্তৌ ব্রহ্ম কেবলম্ ।
শিষ্যতে খলু নাভাবো ভাবো নান্যস্তথাঽপি চ ॥ ৯॥
ব্যবহারদৃশাঽবিদ্যা তন্নিবৃত্তিশ্চ কথ্যতে ।
তত্ত্বদৃষ্ট্যা তু নাবিদ্যা তন্নিবৃত্তিশ্চ হে সুরাঃ ॥ ১০॥
ব্রহ্মরূপতয়া ব্রহ্ম কেবলং প্রতিভাসতে ।
জগদ্রূপতয়াঽপ্যেতদ্ব্রহ্মৈব প্রতিভাসতে ॥ ১১॥
বিদ্যাবিদ্যাদিভেদেন ভাবাভাবাদিভেদতঃ ।
গুরুশিষ্যাদিভেদেন ব্রহ্মৈব প্রতিভাসতে ॥ ১২॥
ব্রহ্ম সর্বমিতি জ্ঞানং ব্রহ্মপ্রাপ্তেস্তু সাধনম্ ।
জগন্মায়েতি বিজ্ঞানমজ্ঞানং ফলতো ভবেৎ ॥ ১৩॥
তথাঽপি পরমাদ্বৈতজ্ঞানস্যেদং তু বেদনম্ ।
উপকারকমত্যন্তং তদ্দৃষ্ট্বা বক্তি চ শ্রুতিঃ ॥ ১৪॥
যথা ভাতস্বরূপেণ সত্যৎবেন জগচ্ছ্রুতিঃ ।
অঙ্গীকৃত্য হিতং নৄণাং কদাচিদ্বক্তি সাদরম্ ॥ ১৫॥
সত্যৎবেন জগদ্ভানং সংসারস্য প্রবর্তকম্ ।
অসত্যৎবেন ভানং তু সংসারস্য নিবর্তকম্ ॥ ১৬॥
অতঃ সংসারনাশায় কদাচিৎপরমা শ্রুতিঃ ।
জগৎসর্বমিদং মায়া বদত্যত্যন্তনির্মলা ॥ ১৭॥
অতীব পক্বচিত্তস্য চিত্তপাকমপেক্ষ্য সা ।
সর্বং ব্রহ্মেতি কল্যাণী শ্রুতির্বদতি সাদরম্ ॥ ১৮॥
ব্রহ্মৈব কেবলং শুদ্ধং বিদ্যতে তত্ত্বদর্শনে ।
ন চ বিদ্যা ন চাবিদ্যা জগচ্চ ন চাপরম্ ॥ ১৯॥
অতঃ পরমনির্বাণনিষ্ঠস্য পরয়োগিনঃ ।
যথা যথাঽবভাসোঽয়ং শিব এব ন চাপরম্ ॥ ২০॥
ভূতপূর্বানুসন্ধানাৎকথ্যতে ন চ বস্তুতঃ ।
যথা যথাঽবভাসোঽয়ং শিব ইত্যপি বেদনম্ ॥ ২১॥
ন হি নির্বাণনিষ্ঠস্য শিবস্য পরয়োগিনঃ ।
যথা যথেতি যৎকিঞ্চিদ্ভাসতে পরমার্থতঃ ॥ ২২॥
তথা তথাঽবভাসেন স্বেন রূপেণ কেবলম্ ।
স্তিমিতোদধিবদ্যোগী স্বয়ং তিষ্ঠতি নান্যথা ॥ ২৩॥
পরনির্বাণনিষ্ঠস্য যোগিনঃ পরমাং স্থিতিম্ ।
স্বয়ং চ ন বিজানাতি ন হরির্ন মহেশ্বরঃ ॥ ২৪॥
ন ময়া চ পরিজ্ঞাতুং শক্যতে যোগিনঃ স্থিতিঃ ।
নাপি বেদেন মানেন ন চ স্মৃতিপুরাণকৈঃ ॥ ২৫॥
অহো নির্বাণনিষ্ঠস্য যোগিনঃ পরমা স্থিতিঃ ।
যাদৃশী পরমা নিষ্ঠা তাদৃশ্যেব হি কেবলম্ ॥ ২৬॥
এবংরূপা পরা নিষ্ঠা শিবস্যাস্তি স্বভাবতঃ ।
শিবায়াশ্চাম্বিকাভর্তুঃ প্রসাদেন হরেরপি ॥ ২৭॥
তথা মমাপি চান্যেষাং ন চোদ্যোর্হো মহেশ্বরঃ ।
তাদৃগ্রূপো মহাদেবঃ খলু সাক্ষাৎসনাতনঃ ॥ ২৮॥
ঈদৃশী পরমা নিষ্ঠা গুরোঃ সাক্ষান্নিরীক্ষণাৎ ।
কর্মসাম্যে ৎবনায়াসাৎসিধ্যত্যেব ন সংশয়ঃ ॥ ২৯॥
দেশিকং দেবদেবেশং শিবং বিদ্যাদ্বিচক্ষণঃ ।
তদিষ্টং সর্বয়ত্নেন প্রকুর্যাৎসর্বদাঽঽদরাৎ ॥ ৩০॥
স্বস্যানিষ্টমপি প্রাজ্ঞঃ প্রকুর্যাদ্গুরুণোদিতঃ ।
গুরোরিষ্টং প্রকুর্বাণঃ পরং নির্বাণমৃচ্ছতি ॥ ৩১॥
স্বাশ্রমং চ স্বজাতিং চ স্বকীর্তিং চ তথৈব চ ।
স্বাদৃষ্টং লোকবিদ্বিষ্টং বন্ধুপুত্রাদিসঙ্গমম্ ॥ ৩২॥
গৃহক্ষেত্রধনাদীনাং হানিং ক্লেশং সুখং তথা ।
অনবেক্ষ্য গুরোরিষ্টং কুর্যান্নিত্যমতন্দ্রিতঃ ॥ ৩৩॥
গুরৌ প্রীতে শিবঃ সাক্ষাৎপ্রসন্নঃ প্রতিভাসতে ।
গুরোর্দেহে মহাদেবঃ সাম্বঃ সন্নিহিতঃ সদা ॥ ৩৪॥
গুরোরনিষ্টং মোহাদ্বা ন কুর্যাৎকুরুতে যদি ।
পচ্যতে নরকে তীব্রে যাবদাভূতসম্প্লবম্ ॥ ৩৫॥
শিবে ক্রুদ্ধে গুরুস্ত্রাতা গুরৌ ক্রুদ্ধে ন কশ্চন ।
তস্মাদিষ্টং গুরোঃ কুর্যাৎকায়েন মনসা গিরা ॥ ৩৬॥
গুরুর্নামাত্মনো নান্যঃ সত্যমেব ন সংশয়ঃ ।
আত্মলাভাৎপরো লাভো নাস্তি নাস্তি ন সংশয়ঃ ॥ ৩৭॥
অনাত্মরূপং দেহাদি যো দদাতি পিতা তু সঃ ।
ন গুরুঃ কথিতঃ প্রাজ্ঞৈঃ ক্লেশহেতুপ্রদো হি সঃ ॥ ৩৮॥
অষ্টৈশ্বর্যপ্রদস্তদ্বদ্গন্ধর্বাদিপদপ্রদাঃ ।
সার্বভৌমপ্রদশ্চাপি ন গুরুঃ ক্লেশদো হি সঃ ॥ ৩৯॥
মন্ত্রতন্ত্রাদিদস্তদ্বল্লৌকিকোপায়দস্তথা ।
ন গুরুঃ কথিতঃ প্রাজ্ঞৈঃ ক্লেশহেতুপ্রদো হি সঃ ॥ ৪০॥
সত্যবৎসকলং ভাতং নিশ্চিত্যাসত্যরূপতঃ ।
সর্বসাক্ষিতয়াঽঽত্মানং বিভজ্য পরচেতনম্ ॥ ৪১॥
যস্ত্বং তদিতি বেদান্তপ্রদীপেন স্বকং নিজম্ ।
শিবৎবং বোধয়ত্যেষ গুরুঃ সাক্ষান্ন চাপরঃ ॥ ৪২॥
দৃশ্যরূপমিদং সর্বং দৃগ্রূপেণ বিলাপ্য চ ।
দৃগ্রূপং ব্রহ্ম যো বক্তি স গুরুর্নাপরঃ পুমান্ ॥ ৪৩॥
পরমাদ্বৈতবিজ্ঞানং কৃপয়ৈব দদাতি যঃ ।
সোঽয়ং গুরুগুরুঃ সাক্ষাচ্ছিব এব ন সংশয়ঃ ॥ ৪৪॥
তাদৃশং দেশিকং সাক্ষাদ্বেদান্তাম্বুজভাস্করম্ ।
তোষয়েৎসর্বয়ত্নেন শ্রেয়সে ভূয়সে নরঃ ॥ ৪৫॥
সর্ববেদান্তবাক্যানামর্থঃ সঙ্গ্রহরূপতঃ ।
কথিতশ্চ ময়া দেবা মামাহ পরমেশ্বরঃ ॥ ৪৬॥
সর্বজ্ঞঃ সর্ববিৎসাক্ষাদাপ্তকামঃ কৃপাকরঃ ।
সর্বদোষবিনির্মুক্তঃ সত্যমেবাব্রবীন্মম ॥ ৪৭॥
যথাঽঽহ সর্ববেদানামর্থং সর্বজ্ঞ ঈশ্বরঃ ।
তথৈব কথিতোঽস্মাভিঃ সত্যমেব ন সংশয়ঃ ॥ ৪৮॥
স্বপ্রকাশস্বরূপস্য স্বতঃশুদ্ধস্য শূলিনঃ ।
করামলকবৎসর্বং প্রত্যক্ষং হি ন সংশয়ঃ ॥ ৪৯॥
বেদানামন্যথৈবার্থং যে বদন্তি বিমোহিতাঃ ।
মহাসাহসিকা এব তে নরা ন হি সংশয়ঃ ॥ ৫০॥
মদুক্তার্থপ্রকারেণ বিনা যে প্রবদন্তি তে ।
অন্ধকূপে নিরালম্বে পতন্ত্যেব ন সংশয়ঃ ॥ ৫১॥
বেদার্থঃ পরমাদ্বৈতং নেতরৎসুরপুঙ্গবাঃ ।
নো চেদত্রৈব মে মূর্ধা পতিষ্যতি ন সংশয়ঃ ॥ ৫২॥
অন্যথা বেদবাক্যানামর্থ ইত্যভিশঙ্কয়া ।
অনিশ্চিতার্থশ্চেন্মূর্ধা যুষ্মাকং চ পতিষ্যতি ॥ ৫৩॥
অতঃ পরং ন বক্তব্যং বিদ্যতে সুরপুঙ্গবাঃ ।
সত্যমেব ময়া প্রোক্তং শম্ভোঃ পাদৌ স্পৃশাম্যহম্ ॥ ৫৪॥
সূত উবাচ ।
এবমুক্ত্বা মহাতেজা ব্রহ্মা চ সুরপুঙ্গবান্ ।
প্রত্যগ্ভূতং পরানন্দং পার্বতীপতিমীশ্বরম্ ॥ ৫৫॥
পরমাদ্বৈতরূপং তং ভবরোগস্য ভেষজম্ ।
স্মৃৎবা নৎবা পুনঃ স্তুৎবা ভক্ত্যা পরবশোঽভবৎ ॥ ৫৬॥
দেবাশ্চ দেবদেবেশং স্মৃৎবা সাম্যং ত্রিয়ম্বকম্ ।
প্রণম্য দণ্ডবদ্ভূমৌ বিবশা অভবন্মুদা ॥ ৫৭॥
দেবদেবো মহাদেবো মহাকারুণিকোত্তমঃ ।
তত্রৈবাবিরভূদ্দেব্যা সহ সত্যতপোধনাঃ ॥ ৫৮॥
বিষ্ণুশ্চ পদ্ময়া সার্ধং তত্রৈব ব্রহ্মবিত্তমাঃ ।
আগতো ভগবান্দ্রষ্টুমশেষসুরনায়কম্ ॥ ৫৯॥
পুষ্পবৃষ্টিরভবদ্যথা পুরা
স্বস্তিপূর্ববচনানি চাভবন্ ।
তত্র ভক্তিসহিতেন বিষ্ণুনা
পদ্ময়া চ পরিপূজিতঃ শিবঃ ॥ ৬০॥
শঙ্করোপি শশিশেখরঃ পর-
স্ত্বম্বয়ৈব সহিতঃ সনাতনঃ ।
তত্র নৃত্যমকরোদতিপ্রভুঃ
স্বস্বরূপপরবেদনপ্রিয়াৎ ॥ ৬১॥
সর্বলোকজননী শিবা পরা
পাপনাশকরবোধদায়িনী ।
ব্রহ্মবজ্রধরপূর্বকানিমা-
ন্স্বানুভূতিসহিতেন চক্ষুষা ॥ ৬২॥
বিলোক্য কারুণ্যবলেন কেবলং
প্রবোধয়ামাস সুরোত্তমানিমান্ ।
পুনঃ প্রজানাথপুরঃসরাঃ সুরাঃ
প্রনৃত্যমানং তু শিবং শিবামপি ॥ ৬৩॥
ৎবক্চক্ষুষৈব দদৃশুঃ শ্রুতিমস্তকোত্থ-
বিজ্ঞানরূপপরলোচনগোচরার্হম্ ।
ভক্ত্যা পুনঃ পরমকারুণিকং মহান্তং
পঞ্চাক্ষরেণ ভবপাশহরেণ পূজ্যম্ ॥ ৬৪॥
তুষ্টবুঃ শ্রুতিবচোভিরাদরা-
ন্নষ্টকষ্টভবপাশবন্ধনাঃ ।
ইষ্টসিদ্ধিরভবদ্ধি যঃ সুরাঃ
ইত্যবোচদশুভাপহঃ শিবঃ ॥ ৬৫॥
শাঙ্করী চ শরণাগতপ্রিয়া
বন্ধহেতুমলনাশকারিণী ।
মৎপ্রসাদবললব্ধবেদনা
ইত্যবোচদভবন্নতিপ্রিয়া ॥ ৬৬॥
কেশবোঽপি সুরপুঙ্গবান্প্রতি
প্রাহ শম্ভুরয়মদ্ভুতঃ প্রভুঃ ।
সর্ববেদশিরসামগোচরঃ
প্রীত এব ভবতামিতি দ্বিজাঃ ॥ ৬৭॥
দেবোঽপি কারুণ্যরসার্দ্রমানসঃ
সুরানশেষানজপূর্বকান্প্রতি ।
উবাচ গীতামতিশোভনামিমাং
মমানুকূলামপি যঃ পঠেদ্বিজঃ ॥ ৬৮॥
স যাতি মামেব নিরস্তবন্ধনঃ
পরা শিবা বাচি সদৈব বর্ততে ।
দিবাকরেণাপি সমশ্চ তেজসা
শ্রিয়া মুকুন্দেন সমঃ সদা ভবেৎ ॥ ৬৯॥
এষা গীতা ব্রহ্মগীতাভিধানা
শ্রুত্যা যুক্তা সর্বগীতোত্তমা চ ।
বেদাকারা বেদনিষ্ঠৈর্দ্বিজেন্দ্রৈ-
র্ভক্ত্যা পাঠ্যা নৈব শূদ্রাদিভিশ্চ ॥ ৭০॥
ইত্যেবং পরমশিবঃ প্রভাষ্য নাথঃ
শিষ্টানামশুভহরঃ পুরত্রয়ারিঃ ।
ভক্তানামমলসুখপ্রবোধকারী
তত্রৈব স্ফুরণসুখে তিরো বভূব ॥ ৭১॥
দৈবী সা সকলজগদ্বিচিত্রচিত্রা
কারুণ্যাদখিলসুরানজং বিলোক্য ।
সুপ্রীতা পরমসুখপ্রবোধরূপা
তত্রৈব স্ফুরণসুখে তিরো বভূব ॥ ৭২॥
বিষ্ণুর্লক্ষ্ম্যা সাকমাশ্বাস্য দেবান্
হৃষ্টস্তুষ্টঃ স্বস্য বৈকুণ্ঠমাপ ।
ব্রহ্মা দেবানাত্মবিদ্যাভিয়ুক্তাং-
স্ত্যক্ত্বা রুদ্রধ্যাননিষ্ঠো বভূব ॥ ৭৩॥
দেবাঃ সর্বে দণ্ডবদ্ভূমিভাগে
ভক্ত্যা সার্ধং পদ্ময়োনিং প্রণম্য ।
হৃষ্টাত্মানঃ সত্যবোধৈকনিষ্ঠাঃ
সদ্যঃ স্বং স্বং দেশমীয়ুর্দ্বিজেন্দ্রাঃ ॥ ৭৪॥
ঈত্থং সাক্ষাদ্ব্রহ্মগীতং ভবদ্ভিঃ
শুদ্ধজ্ঞানৈরাদরেণ শ্রুতৈব ।
মত্তঃ শ্রদ্ধাভক্তিয়ুক্তস্য বিপ্রা
নিত্যং দেয়া নেতরস্যাতিশুদ্ধা ॥ ৭৫॥
ইতি পরশিবভক্ত্যা প্রাপ্তবিদ্যস্তু সূতঃ
সুখঘনশিবতত্ত্বপ্রাপিকামেব গীতাম্ ।
মুনিগণহিতবুদ্ধ্যাঽঽভাষ্য নির্বাণরূপং
পরতরমবলোক্য প্রজ্ঞয়া মৌনমাপ ॥ ৭৬॥
মুনয়শ্চ গুরুং পরবেদিনং
প্রণিপত্য সমস্তহিতপ্রদম্ ।
হৃদয়স্থমহম্পদলক্ষিতং
পরতত্ত্বতয়ৈব বিদুঃ স্থিরম্ ॥ ৭৭॥
ইতি শ্রীব্রহ্মগীতাসূপনিষৎসু শিবস্যাহম্প্রত্যযাশ্রৎবং
নাম দ্বদশোঽধ্যায়ঃ ॥ ১২॥
॥ ইতি ব্রহ্মগীতা সমাপ্তা ॥
– Chant Stotra in Other Languages –
Brahma Gita Skanda Purana in Sanskrit – English – Bengali – Gujarati – Kannada – Malayalam – Odia – Telugu – Tamil