॥ Kalisahasranamastotra from Brihannilatantra Bengali Lyrics ॥
॥ কালীসহস্রনামস্তোত্রম্ ॥
বৃহন্নীলতন্ত্রান্তর্গতম্
শ্রীদেব্যুবাচ ।
পূর্বং হি সূচিতং দেব কালীনামসহস্রকম্ ।
তদ্বদস্ব মহাদেব য়দি স্নেহোঽস্তি মাং প্রতি ॥ ১ ॥
শ্রীভৈরব উবাচ ।
তন্ত্রেঽস্মিন্ পরমেশানি কালীনামসহস্রকম্ ।
শৃণুষ্বৈকমনা দেবি ভক্তানাং প্রীতিবর্দ্ধনম্ ॥ ২ ॥
ওঁ অস্যাঃ শ্রীকালীদেব্যাঃ মন্ত্রসহস্রনামস্তোত্রস্য
মহাকালভৈরব ঋষিঃ । অনুষ্টুপ্ ছন্দঃ । শ্রীকালী দেবতা ।
ক্রীং বীজম্ । হূং শক্তিঃ । হ্রীং কীলকম্ । ধর্মার্থকামমোক্ষার্থে বিনিয়োগঃ ॥
কালিকা কামদা কুল্লা ভদ্রকালী গণেশ্বরী ।
ভৈরবী ভৈরবপ্রীতা ভবানী ভবমোচিনী ॥ ৩ ॥
কালরাত্রির্মহারাত্রির্মোহরাত্রিশ্চ মোহিনী ।
মহাকালরতা সূক্ষ্মা কৌলব্রতপরায়ণা ॥ ৪ ॥
কোমলাঙ্গী করালাঙ্গী কমনীয়া বরাঙ্গনা ।
গন্ধচন্দনদিগ্ধাঙ্গী সতী সাধ্বী পতিব্রতা ॥ ৫ ॥
কাকিনী বর্ণরূপা চ মহাকালকুটুম্বিনী ।
কামহন্ত্রী কামকলা কামবিজ্ঞা মহোদয়া ॥ ৬ ॥
কান্তরূপা মহালক্ষ্মীর্মহাকালস্বরূপিণী ।
কুলীনা কুলসর্বস্বা কুলবর্ত্মপ্রদর্শিকা ॥ ৭ ॥
কুলরূপা চকোরাক্ষী শ্রীদুর্গা দুর্গনাশিনী ।
কন্যা কুমারী গৌরী তু কৃষ্ণদেহা মহামনাঃ ॥ ৮ ॥
কৃষ্ণাঙ্গী নীলদেহা চ পিঙ্গকেশী কৃশোদরী ।
পিঙ্গাক্ষী কমলপ্রীতা কালী কালপরাক্রমা ॥ ৯ ॥
কলানাথপ্রিয়া দেবী কুলকান্তাঽপরাজিতা ।
উগ্রতারা মহোগ্রা চ তথা চৈকজটা শিবা ॥ ১০ ॥
নীলা ঘনা বলাকা চ কালদাত্রী কলাত্মিকা ।
নারায়ণপ্রিয়া সূক্ষ্মা বরদা ভক্তবত্সলা ॥ ১১ ॥
বরারোহা মহাবাণা কিশোরী য়ুবতী সতী ।
দীর্ঘাঙ্গী দীর্ঘকেশা চ নৃমুণ্ডধারিণী তথা ॥ ১২ ॥
মালিনী নরমুণ্ডালী শবমুণ্ডাস্থিধারিণী ।
রক্তনেত্রা বিশালাক্ষী সিন্দূরভূষণা মহী ॥ ১৩ ॥
ঘোররাত্রির্মহারাত্রির্ঘোরান্তকবিনাশিনী ।
নারসিংহী মহারৌদ্রী নীলরূপা বৃষাসনা ॥ ১৪ ॥
বিলোচনা বিরূপাক্ষী রক্তোত্পলবিলোচনা ।
পূর্ণেন্দুবদনা ভীমা প্রসন্নবদনা তথা ॥ ১৫ ॥
পদ্মনেত্রা বিশালাক্ষী শরজ্জ্যোত্স্নাসমাকুলা ।
প্রফুল্লপুণ্ডরীকাভলোচনা ভয়নাশিনী ॥ ১৬ ॥
অট্টহাসা মহোচ্ছ্বাসা মহাবিঘ্নবিনাশিনী ।
কোটরাক্ষী কৃশগ্রীবা কুলতীর্থপ্রসাধিনী ॥ ১৭ ॥
কুলগর্তপ্রসন্নাস্যা মহতী কুলভূষিকা ।
বহুবাক্যামৃতরসা চণ্ডরূপাতিবেগিনী ॥ ১৮ ॥
বেগদর্পা বিশালৈন্দ্রী প্রচণ্ডচণ্ডিকা তথা ।
চণ্ডিকা কালবদনা সুতীক্ষ্ণনাসিকা তথা ॥ ১৯ ॥
দীর্ঘকেশী সুকেশী চ কপিলাঙ্গী মহারুণা ।
প্রেতভূষণসম্প্রীতা প্রেতদোর্দণ্ডঘণ্টিকা ॥ ২০ ॥
শঙ্খিনী শঙ্খমুদ্রা চ শঙ্খধ্বনিনিনাদিনী ।
শ্মশানবাসিনী পূর্ণা পূর্ণেন্দুবদনা শিবা ॥ ২১ ॥
শিবপ্রীতা শিবরতা শিবাসনসমাশ্রয়া ।
পুণ্যালয়া মহাপুণ্যা পুণ্যদা পুণ্যবল্লভা ॥ ২২ ॥
নরমুণ্ডধরা ভীমা ভীমাসুরবিনাশিনী ।
দক্ষিণা দক্ষিণাপ্রীতা নাগয়জ্ঞোপবীতিনী ॥ ২৩ ॥
দিগম্বরী মহাকালী শান্তা পীনোন্নতস্তনী ।
ঘোরাসনা ঘোররূপা সৃক্প্রান্তে রক্তধারিকা ॥ ২৪ ॥
মহাধ্বনিঃ শিবাসক্তা মহাশব্দা মহোদরী ।
কামাতুরা কামসক্তা প্রমত্তা শক্তভাবনা ॥ ২৫ ॥
সমুদ্রনিলয়া দেবী মহামত্তজনপ্রিয়া ।
কর্ষিতা কর্ষণপ্রীতা সর্বাকর্ষণকারিণী ॥ ২৬ ॥
বাদ্যপ্রীতা মহাগীতরক্তা প্রেতনিবাসিনী ।
নরমুণ্ডসৃজা গীতা মালিনী মাল্যভূষিতা ॥ ২৭ ॥
চতুর্ভুজা মহারৌদ্রী দশহস্তা প্রিয়াতুরা ।
জগন্মাতা জগদ্ধাত্রী জগতী মুক্তিদা পরা ॥ ২৮ ॥
জগদ্ধাত্রী জগত্ত্রাত্রী জগদানন্দকারিণী ।
জগজ্জীবময়ী হৈমবতী মায়া মহাকচা ॥ ২৯ ॥
নাগাঙ্গী সংহৃতাঙ্গী চ নাগশয়্যাসমাগতা ।
কালরাত্রির্দারুণা চ চন্দ্রসূর্যপ্রতাপিনী ॥ ৩০ ॥
নাগেন্দ্রনন্দিনী দেবকন্যা চ শ্রীমনোরমা ।
বিদ্যাধরী বেদবিদ্যা য়ক্ষিণী শিবমোহিনী ॥ ৩১ ॥
রাক্ষসী ডাকিনী দেবময়ী সর্বজগজ্জয়া ।
শ্রুতিরূপা তথাগ্নেয়ী মহামুক্তির্জনেশ্বরী ॥ ৩২ ॥
পতিব্রতা পতিরতা পতিভক্তিপরায়ণা ।
সিদ্ধিদা সিদ্ধিসংদাত্রী তথা সিদ্ধজনপ্রিয়া ॥ ৩৩ ॥
কর্ত্রিহস্তা শিবারূঢা শিবরূপা শবাসনা ।
তমিস্রা তামসী বিজ্ঞা মহামেঘস্বরূপিণী ॥ ৩৪ ॥
চারুচিত্রা চারুবর্ণা চারুকেশসমাকুলা ।
চার্বঙ্গী চঞ্চলা লোলা চীনাচারপরায়ণা ॥ ৩৫ ॥
চীনাচারপরা লজ্জাবতী জীবপ্রদাঽনঘা ।
সরস্বতী তথা লক্ষ্মীর্মহানীলসরস্বতী ॥ ৩৬ ॥
গরিষ্ঠা ধর্মনিরতা ধর্মাধর্মবিনাশিনী ।
বিশিষ্টা মহতী মান্যা তথা সৌম্যজনপ্রিয়া ॥ ৩৭ ॥
ভয়দাত্রী ভয়রতা ভয়ানকজনপ্রিয়া ।
বাক্যরূপা ছিন্নমস্তা ছিন্নাসুরপ্রিয়া সদা ॥ ৩৮ ॥
ঋগ্বেদরূপা সাবিত্রী রাগয়ুক্তা রজস্বলা ।
রজঃপ্রীতা রজোরক্তা রজঃসংসর্গবর্দ্ধিনী ॥ ৩৯ ॥
রজঃপ্লুতা রজঃস্ফীতা রজঃকুন্তলশোভিতা ।
কুণ্ডলী কুণ্ডলপ্রীতা তথা কুণ্ডলশোভিতা ॥ ৪০ ॥
রেবতী রেবতপ্রীতা রেবা চৈরাবতী শুভা ।
শক্তিনী চক্রিণী পদ্মা মহাপদ্মনিবাসিনী ॥ ৪১ ॥
পদ্মালয়া মহাপদ্মা পদ্মিনী পদ্মবল্লভা ।
পদ্মপ্রিয়া পদ্মরতা মহাপদ্মসুশোভিতা ॥ ৪২ ॥
শূলহস্তা শূলরতা শূলিনী শূলসঙ্গিকা ।
পিনাকধারিণী বীণা তথা বীণাবতী মঘা ॥ ৪৩ ॥
রোহিণী বহুলপ্রীতা তথা বাহনবর্দ্ধিতা ।
রণপ্রীতা রণরতা রণাসুরবিনাশিনী ॥ ৪৪ ॥
রণাগ্রবর্তিনী রাণা রণাগ্রা রণপণ্ডিতা ।
জটায়ুক্তা জটাপিঙ্গা বজ্রিণী শূলিনী তথা ॥ ৪৫ ॥
রতিপ্রিয়া রতিরতা রতিভক্তা রতাতুরা ।
রতিভীতা রতিগতা মহিষাসুরনাশিনী ॥ ৪৬ ॥
রক্তপা রক্তসম্প্রীতা রক্তাখ্যা রক্তশোভিতা ।
রক্তরূপা রক্তগতা রক্তখর্পরধারিণী ॥ ৪৭ ॥
গলচ্ছোণিতমুণ্ডালী কণ্ঠমালাবিভূষিতা ।
বৃষাসনা বৃষরতা বৃষাসনকৃতাশ্রয়া ॥ ৪৮ ॥
ব্যাঘ্রচর্মাবৃতা রৌদ্রী ব্যাঘ্রচর্মাবলী তথা ।
কামাঙ্গী পরমা প্রীতা পরাসুরনিবাসিনী ॥ ৪৯ ॥
তরুণা তরুণপ্রাণা তথা তরুণমর্দিনী ।
তরুণপ্রেমদা বৃদ্ধা তথা বৃদ্ধপ্রিয়া সতী ॥ ৫০ ॥
স্বপ্নাবতী স্বপ্নরতা নারসিংহী মহালয়া ।
অমোঘা রুন্ধতী রম্যা তীক্ষ্ণা ভোগবতী সদা ॥ ৫১ ॥
মন্দাকিনী মন্দরতা মহানন্দা বরপ্রদা ।
মানদা মানিনী মান্যা মাননীয়া মদাতুরা ॥ ৫২ ॥
মদিরা মদিরোন্মাদা মদিরাক্ষী মদালয়া ।
সুদীর্ঘা মধ্যমা নন্দা বিনতাসুরনির্গতা ॥ ৫৩ ॥
জয়প্রদা জয়রতা দুর্জয়াসুরনাশিনী ।
দুষ্টদৈত্যনিহন্ত্রী চ দুষ্টাসুরবিনাশিনী ॥ ৫৪ ॥
সুখদা মোক্ষদা মোক্ষা মহামোক্ষপ্রদায়িনী ।
কীর্তির্যশস্বিনী ভূষা ভূষ্যা ভূতপতিপ্রিয়া ॥ ৫৫ ॥
গুণাতীতা গুণপ্রীতা গুণরক্তা গুণাত্মিকা ।
সগুণা নির্গুণা সীতা নিষ্ঠা কাষ্ঠা প্রতিষ্ঠিতা ॥ ৫৬ ॥
ধনিষ্ঠা ধনদা ধন্যা বসুদা সুপ্রকাশিনী ।
গুর্বী গুরুতরা ধৌম্যা ধৌম্যাসুরবিনাশিনী ॥ ৫৭ ॥
নিষ্কামা ধনদা কামা সকামা কামজীবনা ।
চিন্তামণিঃ কল্পলতা তথা শঙ্করবাহিনী ॥ ৫৮ ॥
শঙ্করী শঙ্কররতা তথা শঙ্করমোহিনী ।
ভবানী ভবদা ভব্যা ভবপ্রীতা ভবালয়া ॥ ৫৯ ॥
মহাদেবপ্রিয়া রম্যা রমণী কামসুন্দরী ।
কদলীস্তম্ভসংরামা নির্মলাসনবাসিনী ॥ ৬০ ॥
মাথুরী মথুরা মায়া তথা সুরভিবর্দ্ধিনী ।
ব্যক্তাব্যক্তানেকরূপা সর্বতীর্থাস্পদা শিবা ॥ ৬১ ॥
তীর্থরূপা মহারূপা তথাগস্ত্যবধূরপি ।
শিবানী শৈবলপ্রীতা তথা শৈবলবাসিনী ॥ ৬২ ॥
কুন্তলা কুন্তলপ্রীতা তথা কুন্তলশোভিতা ।
মহাকচা মহাবুদ্ধির্মহামায়া মহাগদা ॥ ৬৩ ॥
মহামেঘস্বরূপা চ তথা কঙ্কণমোহিনী ।
দেবপূজ্যা দেবরতা য়ুবতী সর্বমঙ্গলা ॥ ৬৪ ॥
সর্বপ্রিয়ঙ্করী ভোগ্যা ভোগরূপা ভগাকৃতিঃ ।
ভগপ্রীতা ভগরতা ভগপ্রেমরতা সদা ॥ ৬৫ ॥
ভগসংমর্দনপ্রীতা ভগোপরিনিবেশিতা ।
ভগদক্ষা ভগাক্রান্তা ভগসৌভাগ্যবর্দ্ধিনী ॥ ৬৬ ॥
দক্ষকন্যা মহাদক্ষা সর্বদক্ষা প্রচণ্ডিকা ।
দণ্ডপ্রিয়া দণ্ডরতা দণ্ডতাডনতত্পরা ॥ ৬৭ ॥
দণ্ডভীতা দণ্ডগতা দণ্ডসংমর্দনে রতা ।
সুবেদিদণ্ডমধ্যস্থা ভূর্ভুবঃস্বঃস্বরূপিণী ॥ ৬৮ ॥
আদ্যা দুর্গা জয়া সূক্ষ্মা সূক্ষ্মরূপা জয়াকৃতিঃ ।
ক্ষেমঙ্করী মহাঘূর্ণা ঘূর্ণনাসা বশঙ্করী ॥ ৬৯ ॥
বিশালাবয়বা মেঘ্যা ত্রিবলীবলয়া শুভা ।
মদোন্মত্তা মদরতা মত্তাসুরবিনাশিনী ॥ ৭০ ॥
মধুকৈটভসংহন্ত্রী নিশুম্ভাসুরমর্দিনী ।
চণ্ডরূপা মহাচণ্ডী চণ্ডিকা চণ্ডনায়িকা ॥ ৭১ ॥
চণ্ডোগ্রা চণ্ডবর্ণা প্রচণ্ডা চণ্ডাবতী শিবা ।
নীলাকারা নীলবর্ণা নীলেন্দীবরলোচনা ॥ ৭২ ॥
খড্গহস্তা চ মৃদ্বঙ্গী তথা খর্পরধারিণী ।
ভীমা চ ভীমবদনা মহাভীমা ভয়ানকা ॥ ৭৩ ॥
কল্যাণী মঙ্গলা শুদ্ধা তথা পরমকৌতুকা ।
পরমেষ্ঠী পররতা পরাত্পরতরা পরা ॥ ৭৪ ॥
পরানন্দস্বরূপা চ নিত্যানন্দস্বরূপিণী ।
নিত্যা নিত্যপ্রিয়া তন্দ্রী ভবানী ভবসুন্দরী ॥ ৭৫ ॥
ত্রৈলোক্যমোহিনী সিদ্ধা তথা সিদ্ধজনপ্রিয়া ।
ভৈরবী ভৈরবপ্রীতা তথা ভৈরবমোহিনী ॥ ৭৬ ॥
মাতঙ্গী কমলা লক্ষ্মীঃ ষোডশী বিষয়াতুরা ।
বিষমগ্না বিষরতা বিষরক্ষা জয়দ্রথা ॥ ৭৭ ॥
কাকপক্ষধরা নিত্যা সর্ববিস্ময়কারিণী ।
গদিনী কামিনী খড্গমুণ্ডমালাবিভূষিতা ॥ ৭৮ ॥
য়োগীশ্বরী য়োগমাতা য়োগানন্দস্বরূপিণী ।
আনন্দভৈরবী নন্দা তথা নন্দজনপ্রিয়া ॥ ৭৯ ॥
নলিনী ললনা শুভ্রা শুভ্রাননবিভূষিতা ।
ললজ্জিহ্বা নীলপদা তথা সুমখদক্ষিণা ॥ ৮০ ॥
বলিভক্তা বলিরতা বলিভোগ্যা মহারতা ।
ফলভোগ্যা ফলরসা ফলদা শ্রীফলপ্রিয়া ॥ ৮১ ॥
ফলিনী ফলসংবজ্রা ফলাফলনিবারিণী ।
ফলপ্রীতা ফলগতা ফলসংদানসন্ধিনী ॥ ৮২ ॥
ফলোন্মুখী সর্বসত্ত্বা মহাসত্ত্বা চ সাত্ত্বিকী ।
সর্বরূপা সর্বরতা সর্বসত্ত্বনিবাসিনী ॥ ৮৩ ॥
মহারূপা মহাভাগা মহামেঘস্বরূপিণী ।
ভয়নাসা গণরতা গণপ্রীতা মহাগতিঃ ॥ ৮৪ ॥
সদ্গতিঃ সত্কৃতিঃ স্বক্ষা শবাসনগতা শুভা ।
ত্রৈলোক্যমোহিনী গঙ্গা স্বর্গঙ্গা স্বর্গবাসিনী ॥ ৮৫ ॥
মহানন্দা সদানন্দা নিত্যানিত্যস্বরূপিকা ।
সত্যগন্ধা সত্যগণা সত্যরূপা মহাকৃতিঃ ॥ ৮৬ ॥
শ্মশানভৈরবী কালী তথা ভয়বিমর্দিনী ।
ত্রিপুরা পরমেশানী সুন্দরী পুরসুন্দরী ॥ ৮৭ ॥
ত্রিপুরেশী পঞ্চদশী পঞ্চমী পুরবাসিনী ।
মহাসপ্তদশী ষষ্ঠী সপ্তমী চাষ্টমী তথা ॥ ৮৮ ॥
নবমী দশমী দেবপ্রিয়া চৈকাদশী শিবা ।
দ্বাদশী পরমা দিব্যা নীলরূপা ত্রয়োদশী ॥ ৮৯ ॥
চতুর্দশী পৌর্ণমাসী রাজরাজেশ্বরী তথা ।
ত্রিপুরা ত্রিপুরেশী চ তথা ত্রিপুরমর্দিনী ॥ ৯০ ॥
সর্বাঙ্গসুন্দরী রক্তা রক্তবস্ত্রোপবীতিনী ।
চামরী চামরপ্রীতা চমরাসুরমর্দিনী ॥ ৯১ ॥
মনোজ্ঞা সুন্দরী রম্যা হংসী চ চারুহাসিনী ।
নিতম্বিনী নিতম্বাঢ্যা নিতম্বগুরুশোভিতা ॥ ৯২ ॥
পট্টবস্ত্রপরিধানা পট্টবস্ত্রধরা শুভা ।
কর্পূরচন্দ্রবদনা কুঙ্কুমদ্রবশোভিতা ॥ ৯৩ ॥
পৃথিবী পৃথুরূপা সা পার্থিবেন্দ্রবিনাশিনী ।
রত্নবেদিঃ সুরেশা চ সুরেশী সুরমোহিনী ॥ ৯৪ ॥
শিরোমণির্মণিগ্রীবা মণিরত্নবিভূষিতা ।
উর্বশী শমনী কালী মহাকালস্বরূপিণী ॥ ৯৫ ॥
সর্বরূপা মহাসত্ত্বা রূপান্তরবিলাসিনী ।
শিবা শৈবা চ রুদ্রাণী তথা শিবনিনাদিনী ॥ ৯৬ ॥
মাতঙ্গিনী ভ্রামরী চ তথৈবাঙ্গনমেখলা ।
য়োগিনী ডাকিনী চৈব তথা মহেশ্বরী পরা ॥ ৯৭ ॥
অলম্বুষা ভবানী চ মহাবিদ্যৌঘসংভৃতা ।
গৃধ্ররূপা ব্রহ্ময়োনির্মহানন্দা মহোদয়া ॥ ৯৮ ॥
বিরূপাক্ষা মহানাদা চণ্ডরূপা কৃতাকৃতিঃ ।
বরারোহা মহাবল্লী মহাত্রিপুরসুন্দরী ॥ ৯৯ ॥
ভগাত্মিকা ভগাধাররূপিণী ভগমালিনী ।
লিঙ্গাভিধায়িনী দেবী মহামায়া মহাস্মৃতিঃ ॥ ১০০ ॥
মহামেধা মহাশান্তা শান্তরূপা বরাননা ।
লিঙ্গমালা লিঙ্গভূষা ভগমালাবিভূষণা ॥ ১০১ ॥
ভগলিঙ্গামৃতপ্রীতা ভগলিঙ্গামৃতাত্মিকা ।
ভগলিঙ্গার্চনপ্রীতা ভগলিঙ্গস্বরূপিণী ॥ ১০২ ॥
স্বয়ম্ভূকুসুমপ্রীতা স্বয়ম্ভূকুসুমাসনা ।
স্বয়ম্ভূকুসুমরতা লতালিঙ্গনতত্পরা ॥ ১০৩ ॥
সুরাশনা সুরাপ্রীতা সুরাসববিমর্দিতা ।
সুরাপানমহাতীক্ষ্ণা সর্বাগমবিনিন্দিতা ॥ ১০৪ ॥
কুণ্ডগোলসদাপ্রীতা গোলপুষ্পসদারতিঃ ।
কুণ্ডগোলোদ্ভবপ্রীতা কুণ্ডগোলোদ্ভবাত্মিকা ॥ ১০৫ ॥
স্বয়ম্ভবা শিবা ধাত্রী পাবনী লোকপাবনী ।
মহালক্ষ্মীর্মহেশানী মহাবিষ্ণুপ্রভাবিনী ॥ ১০৬ ॥
বিষ্ণুপ্রিয়া বিষ্ণুরতা বিষ্ণুভক্তিপরায়ণা ।
বিষ্ণোর্বক্ষঃস্থলস্থা চ বিষ্ণুরূপা চ বৈষ্ণবী ॥ ১০৭ ॥
অশ্বিনী ভরণী চৈব কৃত্তিকা রোহিণী তথা ।
ধৃতির্মেধা তথা তুষ্টিঃ পুষ্টিরূপা চিতা চিতিঃ ॥ ১০৮ ॥
চিতিরূপা চিত্স্বরূপা জ্ঞানরূপা সনাতনী ।
সর্ববিজ্ঞজয়া গৌরী গৌরবর্ণা শচী শিবা ॥ ১০৯ ॥
ভবরূপা ভবপরা ভবানী ভবমোচিনী ।
পুনর্বসুস্তথা পুষ্যা তেজস্বী সিন্ধুবাসিনী ॥ ১১০ ॥
শুক্রাশনা শুক্রভোগা শুক্রোত্সারণতত্পরা ।
শুক্রপূজ্যা শুক্রবন্দ্যা শুক্রভোগ্যা পুলোমজা ॥ ১১১ ॥
শুক্রার্চ্যা শুক্রসংতুষ্টা সর্বশুক্রবিমুক্তিদা ।
শুক্রমূর্তিঃ শুক্রদেহা শুক্রাঙ্গী শুক্রমোহিনী ॥ ১১২ ॥
দেবপূজ্যা দেবরতা য়ুবতী সর্বমঙ্গলা ।
সর্বপ্রিয়ঙ্করী ভোগ্যা ভোগরূপা ভগাকৃতিঃ ॥ ১১৩ ॥
ভগপ্রেতা ভগরতা ভগপ্রেমপরা তথা ।
ভগসংমর্দনপ্রীতা ভগোপরি নিবেশিতা ॥ ১১৪ ॥
ভগদক্ষা ভগাক্রান্তা ভগসৌভাগ্যবর্দ্ধিনী ।
দক্ষকন্যা মহাদক্ষা সর্বদক্ষা প্রদন্তিকা ॥ ১১৫ ॥
দণ্ডপ্রিয়া দণ্ডরতা দণ্ডতাডনতত্পরা ।
দণ্ডভীতা দণ্ডগতা দণ্ডসংমর্দনে রতা ॥ ১১৬ ॥
বেদিমণ্ডলমধ্যস্থা ভূর্ভুবঃস্বঃস্বরূপিণী ।
আদ্যা দুর্গা জয়া সূক্ষ্মা সূক্ষ্মরূপা জয়াকৃতিঃ ॥ ১১৭ ॥
ক্ষেমঙ্করী মহাঘূর্ণা ঘূর্ণনাসা বশঙ্করী ।
বিশালাবয়বা মেধ্যা ত্রিবলীবলয়া শুভা ॥ ১১৮ ॥
মদ্যোন্মত্তা মদ্যরতা মত্তাসুরবিলাসিনী ।
মধুকৈটভসংহন্ত্রী নিশুম্ভাসুরমর্দিনী ॥ ১১৯ ॥
চণ্ডরূপা মহাচণ্ডা চণ্ডিকা চণ্ডনায়িকা ।
চণ্ডোগ্রা চ চতুর্বর্গা তথা চণ্ডাবতী শিবা ॥ ১২০ ॥
নীলদেহা নীলবর্ণা নীলেন্দীবরলোচনা ।
নিত্যানিত্যপ্রিয়া ভদ্রা ভবানী ভবসুন্দরী ॥ ১২১ ॥
ভৈরবী ভৈরবপ্রীতা তথা ভৈরবমোহিনী ।
মাতঙ্গী কমলা লক্ষ্মীঃ ষোডশী ভীষণাতুরা ॥ ১২২ ॥
বিষমগ্না বিষরতা বিষভক্ষ্যা জয়া তথা ।
কাকপক্ষধরা নিত্যা সর্ববিস্ময়কারিণী ॥ ১২৩ ॥
গদিনী কামিনী খড্গা মুণ্ডমালাবিভূষিতা ।
য়োগেশ্বরী য়োগরতা য়োগানন্দস্বরূপিণী ॥ ১২৪ ॥
আনন্দভৈরবী নন্দা তথানন্দজনপ্রিয়া ।
নলিনী ললনা শুভ্রা শুভাননবিরাজিতা ॥ ১২৫ ॥
ললজ্জিহ্বা নীলপদা তথা সংমুখদক্ষিণা ।
বলিভক্তা বলিরতা বলিভোগ্যা মহারতা ॥ ১২৬ ॥
ফলভোগ্যা ফলরসা ফলদাত্রী ফলপ্রিয়া ।
ফলিনী ফলসংরক্তা ফলাফলনিবারিণী ॥ ১২৭ ॥
ফলপ্রীতা ফলগতা ফলসন্ধানসন্ধিনী ।
ফলোন্মুখী সর্বসত্ত্বা মহাসত্ত্বা চ সাত্ত্বিকা ॥ ১২৮ ॥
সর্বরূপা সর্বরতা সর্বসত্ত্বনিবাসিনী ।
মহারূপা মহাভাগা মহামেঘস্বরূপিণী ॥ ১২৯ ॥
ভয়নাশা গণরতা গণগীতা মহাগতিঃ ।
সদ্গতিঃ সত্কৃতিঃ সাক্ষাত্ সদাসনগতা শুভা ॥ ১৩০ ॥
ত্রৈলোক্যমোহিনী গঙ্গা স্বর্গঙ্গা স্বর্গবাসিনী ।
মহানন্দা সদানন্দা নিত্যা সত্যস্বরূপিণী ॥ ১৩১ ॥
শুক্রস্নাতা শুক্রকরী শুক্রসেব্যাতিশুক্রিণী ।
মহাশুক্রা শুক্ররতা শুক্রসৃষ্টিবিধায়িনী ॥ ১৩২ ॥
সারদা সাধকপ্রাণা সাধকপ্রেমবর্দ্ধিনী ।
সাধকাভীষ্টদা নিত্যং সাধকপ্রেমসেবিতা ॥ ১৩৩ ॥
সাধকপ্রেমসর্বস্বা সাধকাভক্তরক্তপা ।
মল্লিকা মালতী জাতিঃ সপ্তবর্ণা মহাকচা ॥ ১৩৪ ॥
সর্বময়ী সর্বশুভ্রা গাণপত্যপ্রদা তথা ।
গগনা গগনপ্রীতা তথা গগনবাসিনী ॥ ১৩৫ ॥
গণনাথপ্রিয়া ভব্যা ভবার্চা সর্বমঙ্গলা ।
গুহ্যকালী ভদ্রকালী শিবরূপা সতাংগতিঃ ॥ ১৩৬ ॥
সদ্ভক্তা সত্পরা সেতুঃ সর্বাঙ্গসুন্দরী মঘা ।
ক্ষীণোদরী মহাবেগা বেগানন্দস্বরূপিণী ॥ ১৩৭ ॥
রুধিরা রুধিরপ্রীতা রুধিরানন্দশোভনা ।
পঞ্চমী পঞ্চমপ্রীতা তথা পঞ্চমভূষণা ॥ ১৩৮ ॥
পঞ্চমীজপসম্পন্না পঞ্চমীয়জনে রতা ।
ককারবর্ণরূপা চ ককারাক্ষররূপিণী ॥ ১৩৯ ॥
মকারপঞ্চমপ্রীতা মকারপঞ্চগোচরা ।
ঋবর্ণরূপপ্রভবা ঋবর্ণা সর্বরূপিণী ॥ ১৪০ ॥
সর্বাণী সর্বনিলয়া সর্বসারসমুদ্ভবা ।
সর্বেশ্বরী সর্বসারা সর্বেচ্ছা সর্বমোহিনী ॥ ১৪১ ॥
গণেশজননী দুর্গা মহামায়া মহেশ্বরী ।
মহেশজননী মোহা বিদ্যা বিদ্যোতনী বিভা ॥ ১৪২ ॥
স্থিরা চ স্থিরচিত্তা চ সুস্থিরা ধর্মরঞ্জিনী ।
ধর্মরূপা ধর্মরতা ধর্মাচরণতত্পরা ॥ ১৪৩ ॥
ধর্মানুষ্ঠানসন্দর্ভা সর্বসন্দর্ভসুন্দরী ।
স্বধা স্বাহা বষট্কারা শ্রৌষট্ বৌষট্ স্বধাত্মিকা ॥ ১৪৪ ॥
ব্রাহ্মণী ব্রহ্মসংবন্ধা ব্রহ্মস্থাননিবাসিনী ।
পদ্ময়োনিঃ পদ্মসংস্থা চতুর্বর্গফলপ্রদা ॥ ১৪৫ ॥
চতুর্ভুজা শিবয়ুতা শিবলিঙ্গপ্রবেশিনী ।
মহাভীমা চারুকেশী গন্ধমাদনসংস্থিতা ॥ ১৪৬ ॥
গন্ধর্বপূজিতা গন্ধা সুগন্ধা সুরপূজিতা ।
গন্ধর্বনিরতা দেবী সুরভী সুগন্ধা তথা ॥ ১৪৭ ॥
পদ্মগন্ধা মহাগন্ধা গন্ধামোদিতদিঙ্মুখা ।
কালদিগ্ধা কালরতা মহিষাসুরমর্দিনী ॥ ১৪৮ ॥
বিদ্যা বিদ্যাবতী চৈব বিদ্যেশা বিজ্ঞসংভবা ।
বিদ্যাপ্রদা মহাবাণী মহাভৈরবরূপিণী ॥ ১৪৯ ॥
ভৈরবপ্রেমনিরতা মহাকালরতা শুভা ।
মাহেশ্বরী গজারূঢা গজেন্দ্রগমনা তথা ॥ ১৫০ ॥
য়জ্ঞেন্দ্রললনা চণ্ডী গজাসনপরাশ্রয়া ।
গজেন্দ্রমন্দগমনা মহাবিদ্যা মহোজ্জ্বলা ॥ ১৫১ ॥
বগলা বাহিনী বৃদ্ধা বালা চ বালরূপিণী ।
বালক্রীডারতা বালা বলাসুরবিনাশিনী ॥ ১৫২ ॥
বাল্যস্থা য়ৌবনস্থা চ মহায়ৌবনসংরতা ।
বিশিষ্টয়ৌবনা কালী কৃষ্ণদুর্গা সরস্বতী ॥ ১৫৩ ॥
কাত্যায়নী চ চামুণ্ডা চণ্ডাসুরবিঘাতিনী ।
চণ্ডমুণ্ডধরা দেবী মধুকৈটভনাশিনী ॥ ১৫৪ ॥
ব্রাহ্মী মাহেশ্বরী চৈন্দ্রী বারাহী বৈষ্ণবী তথা ।
রুদ্রকালী বিশালাক্ষী ভৈরবী কালরূপিণী ॥ ১৫৫ ॥
মহামায়া মহোত্সাহা মহাচণ্ডবিনাশিনী ।
কুলশ্রীঃ কুলসংকীর্ণা কুলগর্ভনিবাসিনী ॥ ১৫৬ ॥
কুলাঙ্গারা কুলয়ুতা কুলকুন্তলসংয়ুতা ।
কুলদর্ভগ্রহা চৈব কুলগর্তপ্রদায়িনী ॥ ১৫৭ ॥
কুলপ্রেময়ুতা সাধ্বী শিবপ্রীতিঃ শিবাবলিঃ ।
শিবসক্তা শিবপ্রাণা মহাদেবকৃতালয়া ॥ ১৫৮ ॥
মহাদেবপ্রিয়া কান্তা মহাদেবমদাতুরা ।
মত্তামত্তজনপ্রেমধাত্রী বিভববর্দ্ধিনী ॥ ১৫৯ ॥
মদোন্মত্তা মহাশুদ্ধা মত্তপ্রেমবিভূষিতা ।
মত্তপ্রমত্তবদনা মত্তচুম্বনতত্পরা ॥ ১৬০ ॥
মত্তক্রীডাতুরা ভৈমী তথা হৈমবতী মতিঃ ।
মদাতুরা মদগতা বিপরীতরতাতুরা ॥ ১৬১ ॥
বিত্তপ্রদা বিত্তরতা বিত্তবর্ধনতত্পরা ।
ইতি তে কথিতং সর্বং কালীনামসহস্রকম্ ॥ ১৬২ ॥
সারাত্সারতরং দিব্যং মহাবিভববর্দ্ধনম্ ।
গাণপত্যপ্রদং রাজ্যপ্রদং ষট্কর্মসাধকম্ ॥ ১৬৩ ॥
য়ঃ পঠেত্ সাধকো নিত্যং স ভবেত্ সম্পদাং পদম্ ।
য়ঃ পঠেত্ পাঠয়েদ্বাপি শৃণোতি শ্রাবয়েদথ ॥ ১৬৪ ॥
ন কিঞ্চিদ্ দুর্লভং লোকে স্তবস্যাস্য প্রসাদতঃ ।
ব্রহ্মহত্যা সুরাপানং সুবর্ণহরণং তথা ॥ ১৬৫ ॥
গুরুদারাভিগমনং য়চ্চান্যদ্ দুষ্কৃতং কৃতম্ ।
সর্বমেতত্পুনাত্যেব সত্যং সুরগণার্চিতে ॥ ১৬৬ ॥
রজস্বলাভগং দৃষ্ট্বা পঠেত্ স্তোত্রমনন্যধীঃ ।
স শিবঃ সত্যবাদী চ ভবত্যেব ন সংশয়ঃ ॥ ১৬৭ ॥
পরদারয়ুতো ভূত্বা পঠেত্ স্তোত্রং সমাহিতঃ ।
সর্বৈশ্বর্যয়ুতো ভূত্বা মহারাজত্বমাপ্নুয়াত্ ॥ ১৬৮ ॥
পরনিন্দাং পরদ্রোহং পরহিংসাং ন কারয়েত্ ।
শিবভক্তায় শান্তায় প্রিয়ভক্তায় বা পুনঃ ॥ ১৬৯ ॥
স্তবং চ দর্শয়েদেনমন্যথা মৃত্যুমাপ্নুয়াত্ ।
অস্মাত্ পরতরং নাস্তি তন্ত্রমধ্যে সুরেশ্বরি ॥ ১৭০ ॥
মহাকালী মহাদেবী তথা নীলসরস্বতী ।
ন ভেদঃ পরমেশানি ভেদকৃন্নরকং ব্রজেত্ ॥ ১৭১ ॥
ইদং স্তোত্রং ময়া দিব্যং তব স্নেহাত্ প্রকথ্যতে ।
উভয়োরেবমেকত্বং ভেদবুদ্ধ্যা ন তাং ভজেত্ ।
স য়োগী পরমেশানি সমো মানাপমানয়োঃ ॥ ১৭২ ॥
॥ ইতি শ্রীবৃহন্নীলতন্ত্রে ভৈরবপার্বতীসংবাদে
কালীসহস্রনামনিরূপণং দ্বাবিংশঃ পটলঃ ॥ ২২ ॥