॥ Chaitanya Ashtakam 2 Bengali Lyrics ॥
॥ চৈতন্যাষ্টকম্ ২ ॥
অথ শ্রীচৈতন্যদেবস্য দ্বিতীয়াষ্টকং
কলৌ য়ং বিদ্বাংসঃ স্ফুটমভিয়জন্তে দ্যুতিভরাদ্
অকৃষ্ণাঙ্গং কৃষ্ণং মখবিধিভিরুত্কীর্তনময়ৈঃ ।
উপাস্যং চ প্রাহুর্যমখিলচতুর্থাশ্রমজুষাং
স দেবশ্চৈতন্যাকৃতিরতিতরাং নঃ কৃপয়তু ॥ ১॥
চরিত্রং তন্বানঃ প্রিয়মঘবদাহ্লাদনপদং
জয়োদ্ঘোষৈঃ সম্যগ্বিরচিতশচীশোকহরণঃ ।
উদঞ্চন্মার্তণ্ডদ্যুতিহরদুকূলাঞ্চিতকটিঃ
স দেবশ্চৈতন্যাকৃতিরতিতরাং নঃ কৃপয়তু ॥ ২॥
অপারং কস্যাপি প্রণয়িজনবৃন্দস্য কুতুকী
রসস্তোমং হৃত্বা মধুরমুপভোক্তুং কমপি য়ঃ ।
রুচিং স্বামাবব্রে দ্যুতিমিহ তদীয়াং প্রকটয়ন্
স দেবশ্চৈতন্যাকৃতিরতিতরাং নঃ কৃপয়তু ॥ ৩॥
অনারাধ্যঃ প্রীত্যা চিরমসুরভাবপ্রণয়িনাং
প্রপন্নানাং দৈবীং প্রকৃতিমধিদৈবং ত্রিজগতি ।
অজস্রং য়ঃ শ্রীমান্ জয়তি সহজানন্দমধুরঃ
স দেবশ্চৈতন্যাকৃতিরতিতরাং নঃ কৃপয়তু ॥ ৪॥
গতির্যঃ পৌণ্ড্রাণাং প্রকটিতনবদ্বীপমহিমা
ভবেনালঙ্কুর্বন্ ভুবনমহিতং শ্রোত্রিয়কুলম্ ।
পুনাত্যঙ্গীকারাদ্ ভুবি পরমহংসাশ্রমপদং
স দেবশ্চৈতন্যাকৃতিরতিতরাং নঃ কৃপয়তু ॥ ৫॥
মুখেনাগ্রে পীত্বা মধুরমিহ নামামৃতরসং
দৃশোর্দ্বারা য়স্তং বমতি ঘনবাষ্পাম্বুমিষতঃ ।
ভুবি প্রেম্ণস্তত্ত্বং প্রকটয়িতুমুল্লাসিততনুঃ
স দেবশ্চৈতন্যাকৃতিরতিতরাং নঃ কৃপয়তু ॥ ৬॥
তনূমাবিষ্কুর্বন্নবপুরটভাসং কটিলসত্
করঙ্কালঙ্কারস্তরুণগজরাজাঞ্চিতগতিঃ ।
প্রিয়েভ্যো য়ঃ শিক্ষাং দিশতি নিজনির্মাল্যরুচিভিঃ
স দেবশ্চৈতন্যাকৃতিরতিতরাং নঃ কৃপয়তু ॥ ৭॥
স্মিতালোকঃ শোকং হরতি জগতাং য়স্য পরিতো
গিরাং তু প্রারম্ভঃ কুশলীপটলীং পল্লবয়তি ।
পদালম্বঃ কং বা প্রণয়তি নহি প্রেমনিবহং
স দেবশ্চৈতন্যাকৃতিরতিতরাং নঃ কৃপয়তু ॥ ৮॥
শচীসূনোঃ কীরিত্স্তবকনবসৌরভ্যনিবিডং
পুমান্ য়ঃ প্রীতাত্মা পঠতি কিল পদ্যাষ্টকমিদম্ ।
স লক্ষ্মীবান্ এতং নিজপদসরোজে প্রণয়িতাং
দদানঃ কল্যাণীমনুপদমবাধং সুখয়তু ॥ ৯॥
ইতি শ্রীরূপগোস্বামিবিরচিতস্তবমালায়াং চৈতন্যাষ্টকং দ্বিতীয়ং সম্পূর্ণম্ ।
– Chant Stotra in Other Languages –
Sri Krishna Slokam » Chaitanya Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil