॥ Chaitanya Ashtakam 3 Odia Lyrics ॥
॥ ଚୈତନ୍ୟାଷ୍ଟକମ୍ ୩ ॥
ଅଥ ଶ୍ରୀଚୈତନ୍ୟଦେଵସ୍ୟ ତୃତୀୟାଷ୍ଟକଂ
ଉପାସିତପଦାମ୍ବୁଜସ୍ତ୍ଵମନୁରକ୍ତରୁଦ୍ରାଦିଭିଃ
ପ୍ରପଦ୍ୟ ପୁରୁଷୋତ୍ତମଂ ପଦମଦଭ୍ରମୁଦ୍ଭ୍ରାଜିତଃ ।
ସମସ୍ତନତମଣ୍ଡଲୀସ୍ଫୁରଦଭୀଷ୍ଟକଲ୍ପଦ୍ରୁମଃ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୧ ॥
ନ ଵର୍ଣୟିତୁମୀଶତେ ଗୁରୁତରାଵତାରାୟିତା
ଭଵନ୍ତମୁରୁବୁଦ୍ଧୟୋ ନ ଖଲୁ ସାର୍ଵଭୌମାଦୟଃ ।
ପରୋ ଭଵତୁ ତତ୍ର କଃ ପଟୁରତୋ ନମସ୍ତେ ପରଂ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୨ ॥
ନ ୟତ୍ କଥମପି ଶ୍ରୁତାଵୁପନିଷଦ୍ଭିରପ୍ୟାହିତଂ
ସ୍ଵୟଂ ଚ ଵିଵୃତଂ ନ ୟଦ୍ ଗୁରୁତରାଵତାରାନ୍ତରେ ।
କ୍ଷିପନ୍ନସି ରସାମ୍ବୁଧେ ତଦିହ ଭାକ୍ତରତ୍ନଂ କ୍ଷିତୌ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୩ ॥
ନିଜପ୍ରଣୟଵିସ୍ଫୁରନ୍ନଟନରଙ୍ଗଵିସ୍ମାପିତ
ତ୍ରିନେତ୍ରନତମଣ୍ଡଲପ୍ରକଟିତାନୁରାଗାମୃତ ।
ଅହଙ୍କୃତିକଲଙ୍କିତୋଦ୍ଧତଜନାଦିଦୁର୍ବୋଧ ହେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୪ ॥
ଭଵନ୍ତି ଭୁଵି ୟେ ନରାଃ କଲିତଦୁଷ୍କୁଲୋତ୍ପତ୍ତୟ-
ସ୍ତ୍ଵମୁଦ୍ଧରସି ତାନ୍ ଅପି ପ୍ରଚୁରଚାରୁକାରୁଣ୍ୟତଃ ।
ଇତି ପ୍ରମୁଦିତାନ୍ତରଃ ଶରଣମାଶ୍ରିତସ୍ତ୍ଵାମହଂ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୫ ॥
ମୁଖାମ୍ବୁଜପରିସ୍ଖଲନ୍ମୃଦୁଲଵାଙ୍ମଧୂଲୀରସ
ପ୍ରସଙ୍ଗଜନିତାଖିଲପ୍ରଣତଭୃଙ୍ଗରଙ୍ଗୋତ୍କର ।
ସମସ୍ତଜନମଙ୍ଗଲପ୍ରଭଵନାମରତ୍ନାମ୍ବୁଧେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୬ ॥
ମୃଗାଙ୍କମଧୁରାନନ ସ୍ଫୁରଦନିଦ୍ରପଦ୍ମେକ୍ଷଣ
ସ୍ମିତସ୍ତଵକସୁନ୍ଦରାଧର ଵିଶଙ୍କଟୋରସ୍ତଟେ ।
ଭୁଜୋଦ୍ଧତଭୁଜଙ୍ଗମପ୍ରଭ ମନୋଜକୋଟିଦ୍ୟୁତେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୭ ॥
ଅହଂ କନକକେତକୀକୁସୁମଗୌର ଦୁଷ୍ଟଃ କ୍ଷିତୌ
ନ ଦୋଷଲଵଦର୍ଶିତା ଵିଵିଧଦୋଷପୂର୍ଣେଽପି ତେ ।
ଅତଃ ପ୍ରଵଣୟା ଧିୟା କୃପଣଵତ୍ସଲ ତ୍ଵାଂ ଭଜେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୮ ॥
ଇଦଂ ଧରଣିମଣ୍ଡଲୋତ୍ସଵ ଭଵତ୍ପଦାଙ୍କେଷୁ ୟେ
ନିଵିଷ୍ଟମନସୋ ନରାଃ ପରିପଠନ୍ତି ପଦ୍ୟାଷ୍ଟକମ୍ ।
ଶଚୀହୃଦୟନନ୍ଦନ ପ୍ରକଟକୀର୍ତିଚନ୍ଦ୍ର ପ୍ରଭୋ
ନିଜପ୍ରଣୟନିର୍ଭରଂ ଵିତର ଦେଵ ତେଭ୍ୟଃ ଶୁଭମ୍ ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଚୈତନ୍ୟାଷ୍ଟକଂ ତୃତୀୟଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Slokam » Chaitanya Ashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil