॥ Champakapuri Srinivasa Ashtakam Bengali Lyrics ॥
শৌভ্র-রাজ রাজ-রাজ কঞ্জয়োনি-বন্দিতং
নিত্য-ভক্ত-পূজিতং সুধন্ব-পূজকাঞ্চিতম্ ।
কঞ্জ-চক্র-কৌস্তুভাসি-রাজিতং গদাধরং
চম্পকাপুরী-নিবাস-মানিবাসমাশ্রয়ে ॥ ১ ॥
পন্নগারি-য়ায়িনং সুপন্নগেশ-শায়িনং
পঙ্কজারি-পঙ্কজেষ্ট-লোচনং চতুর্ভুজম্ ।
পঙ্কজাত-শোষকং বিপঙ্কজাত-পোষকং
চম্পকাপুরী-নিবাস-মানিবাসমাশ্রয়ে ॥ ২ ॥
সর্বলোক-নায়কং সুবাঞ্ছিতার্থ-দায়কং
শর্বচাপ-ভঞ্জকং সগর্ব-রাবণান্তকম্ ।
পীত-চেল-ধারকং কুচেল-রিক্ত-দায়কং
চম্পকাপুরী-নিবাস-মানিবাসমাশ্রয়ে ॥ ৩ ॥
নারদাদি-বন্দিতং নৄনার-শৈল-ভঞ্জিতং
নার-সদ্ম-বাস-জাত-নার-পূর্বকায়নম্ ।
নার-তল্লজালয়ং কুনারকান্তকালয়ং
চম্পকাপুরী-নিবাস-মানিবাসমাশ্রয়ে ॥ ৪ ॥
কাল-মেঘ-বর্ণকং প্রকাম-মুক্তি-দায়কং
কাল-কাল-কারকং কুকাল-পাশ-দূরকম্ ।
রত্ন-বর্ম-রাজ-বর্ষ্ম-ভানু-বৃন্দ-ভাস্করং
চম্পকাপুরী-নিবাস-মানিবাসমাশ্রয়ে ॥ ৫ ॥
দক্ষ-শিক্ষক-চ্ছিদং কুহাটকাক্ষ-সম্ভিদং
য়ক্ষ-গীত-সেবিতং সুরক্ষণৈক-দীক্ষিতম্ ।
অক্ষ-জাত-মারকং কটাক্ষ-দৃষ্টি-তারকং
চম্পকাপুরী-নিবাস-মানিবাসমাশ্রয়ে ॥ ৬ ॥
স্বর্ণ-সূত্র-গুম্ফিতোরু-সালিকাশ্ম-মালিকং
রত্ন-রত্ন-রঞ্জিতং গদাঞ্চিতং কৃপাকরম্ ।
প্রজ্বলত্কিরীটিনং প্রবিস্ফুরত্-ত্রিপুণ্ড্রকং
চম্পকাপুরী-নিবাস-মানিবাসমাশ্রয়ে ॥ ৭ ॥
বক্ত্র-কান্তি-বঞ্চিতোরু-শারদেন্দুমণ্ডলং
কুন্দ-দন্ত-মিন্দিরেশমক্ষরং নিরাময়ম্ ।
মন্দহাস-শুভ্রিতাশ-কিঙ্কিণী-লসত্-কটং
চম্পকাপুরী-নিবাস-মানিবাসমাশ্রয়ে ॥ ৮ ॥
শ্রীনিবাসমষ্টকম্ ভবাব্ধি-শোক-শোষকং
সর্বপাপ-নাশকং সুপুত্র-পৌত্র-দায়কম্ ।
য়ে পঠন্তি ভক্তিতঃ প্রয়ান্তি তে তু সর্বদা
চম্পকাপুরী-নিবাস-মানিবাস-সন্নিধিম্ ॥
ইতি শ্রী কম্ভম্-চোক্কণ্ণ-বিরচিতং
চম্পকাপুরী-শ্রীনিবাসাষ্টকম্ সম্পূর্ণম্ ।
– Chant Stotra in Other Languages –
Champakapuri Srinivasa Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil