॥ Devipada Pankaj Ashtakam Odia Lyrics ॥
॥ ଦେଵୀପଦପଙ୍କଜାଷ୍ଟକମ୍ ॥
ଶ୍ରୀଗଣେଶାୟ ନମଃ ॥
ମାତସ୍ତ୍ଵତ୍ପଦପଙ୍କଜଂ କଲୟତାଂ ଚେତୋଽମ୍ବୁଜେ ସନ୍ତତଂ
ମାନାଥାମ୍ବୁଜସମ୍ଭଵାଦ୍ରିତନୟାକାନ୍ତୈଃ ସମାରାଧିତମ୍ ।
ଵାଚ୍ଛାପୂରଣନିର୍ଜିତାମରମହୀରୁଙ୍ଗର୍ଵସର୍ଵସ୍ଵକଂ
ଵାଚଃ ସୂକ୍ତିସୁଧାରସଦ୍ରଵମୁଚୋ ନିର୍ୟାନ୍ତି ଵକ୍ତ୍ରୋଦରାତ୍ ॥ ୧ ॥
ମାତସ୍ତ୍ଵତ୍ପଦପଙ୍କଜଂ ମୁନୀମନଃକାସାରଵାସାଦରଂ
ମାୟାମୋହମହାନ୍ଧକାରମିହିରଂ ମାନାତିଗପ୍ରାଭଵମ୍ ।
ମାତଙ୍ଗାଭିମତିଂ ସ୍ଵକୀୟଗମନୈର୍ନିର୍ମୁଲୟତ୍କୌତୁକାଦ୍-
ଵନ୍ଦେଽମନ୍ଦତପଃଫଲାପ୍ୟନମନସ୍ତୋତ୍ରାର୍ଚନାପ୍ରକ୍ରମମ୍ ॥ ୨ ॥
ମାତସ୍ତ୍ଵତ୍ପଦପଙ୍କଜଂ ପ୍ରଣମତାମାନନ୍ଦଵାରାନ୍ନିଧେ
ରାକାଶାରଦପୂର୍ଣଚନ୍ଦ୍ରନିକରଂ କାମାହିପକ୍ଷୀଶ୍ଵରମ୍ ।
ଵୃନ୍ଦଂ ପ୍ରାଣଭୃତାଂ ସ୍ଵନାମ ଵଦତାମତ୍ୟାଦରାତ୍ସତ୍ଵରଂ
ଷଡ୍ଭାଷାସରିଦୀଶ୍ଵରଂ ପ୍ରଵିଦଧତ୍ଷାଣ୍ମାତୁରାର୍ଚ୍ୟଂ ଭଜେ ॥ ୩ ॥
କାମଂ ଫାଲତଲେ ଦୁରକ୍ଷରତତିର୍ଦୈଵୀମମସ୍ତାଂ ନ ଭୀ-
ର୍ମାତସ୍ତ୍ଵତ୍ପଦପଙ୍କଜୋତ୍ଥରଜସା ଲୁମ୍ପାମି ତାଂ ନିଶ୍ଚିତମ୍ ।
ମାର୍କଣ୍ଡେୟମୁନିର୍ୟଥା ଭଵପଦାମ୍ଭୋଜାର୍ଚନାପ୍ରାଭଵାତ୍
କାଲଂ ତଦ୍ଵଦହଂ ଚତୁର୍ମୁଖମୁଖାମ୍ଭୋଜାତସୂର୍ୟପ୍ରଭେ ॥ ୪ ॥
ପାପାନି ପ୍ରଶମଂ ନୟାଶୁ ମମତାଂ ଦେହେନ୍ଦ୍ରିୟପ୍ରାଣଗାଂ
କାମାଦୀନପି ଵୈରିଣୋ ଦୃଢତରାନ୍ମୋକ୍ଷାଧ୍ଵଵିଘ୍ନପ୍ରଦାନ୍ ।
ସ୍ନିଗ୍ଧାନ୍ପୋଷୟ ସନ୍ତତଂ ଶମଦମଧ୍ୟାନାଦିମାନ୍ମୋଦତୋ
ମାତସ୍ତ୍ଵତ୍ପଦପଙ୍କଜଂ ହୃଦି ସଦା କୁର୍ଵେ ଗିରାଂ ଦେଵତେ ॥ ୫ ॥
ମାତସ୍ତ୍ଵତ୍ପଦପଙ୍କଜସ୍ୟ ମନସା ଵାଚା କ୍ରିୟାତୋଽପି ଵା
ୟେ କୁର୍ଵନ୍ତି ମୁଦାଽନ୍ଵହଂ ବହୁଵିଧୈର୍ଦିଵ୍ୟୈଃ ସୁମୈରର୍ଚନାମ୍ ।
ଶୀଘ୍ରଂ ତେ ପ୍ରଭଵନ୍ତି ଭୂମିପତୟୋ ନିନ୍ଦନ୍ତି ଚ ସ୍ଵଶ୍ରିୟା
ଜମ୍ଭାରାତିମପି ଧ୍ରୁଵଂ ଶତମଖୀକଷ୍ଟାପ୍ତନାକଶ୍ରିୟମ୍ ॥ ୬ ॥
ମାତସ୍ତ୍ଵତ୍ପଦପଙ୍କଜଂ ଶିରସି ୟେ ପଦ୍ମାଟଵୀମଧ୍ୟତ-
ଶ୍ଚନ୍ଦ୍ରାଭଂ ପ୍ରଵିଚିନ୍ତୟନ୍ତି ପୁରୁଷାଃ ପୀୟୂଷଵର୍ଷ୍ୟନ୍ଵହମ୍ ।
ତେ ମୃତ୍ୟୁଂ ପ୍ରଵିଜିତ୍ୟି ରୋଗରହିତାଃ ସମ୍ୟଗ୍ଦୃଢାଙ୍ଗାଶ୍ଚିରଂ
ଜୀଵନ୍ତ୍ୟେଵ ମୃଣାଲକୋମଲଵପୁଷ୍ମନ୍ତଃ ସୁରୂପା ଭୁଵି ॥ ୭ ॥
ମାତସ୍ତ୍ଵତ୍ପଦପଙ୍କଜଂ ହୃଦି ମୁଦା ଧ୍ୟାୟନ୍ତି ୟେ ମାନଵାଃ
ସଚ୍ଚିଦ୍ରୂପମଶେଷଵେଦଶିରସାଂ ତାତ୍ପର୍ୟଗମ୍ୟଂ ମୁହୁଃ ।
ଅତ୍ୟାଗେଽପି ତନୋରଖଣ୍ଡପରମାନନ୍ଦଂ ଵହନ୍ତଃ ସଦା
ସର୍ଵଂ ଵିଶ୍ଵମିଦଂ ଵିନାଶି ତରସା ପଶ୍ୟନ୍ତି ତେ ପୂରୁଷାଃ ॥ ୮ ॥
ଇତି ଦେଵୀପଦପଙ୍କଜାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Devipada Pankaj Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil