Ganesha Divya Durga Stotram in Telugu

॥ Ganesha Divya Durga Stotram Telugu Lyrics ॥

॥ శ్రీ గణేశ దివ్యదుర్గ స్తోత్రం ॥
శ్రీకృష్ణ ఉవాచ ।
వద శివ మహానాథ పార్వతీరమణేశ్వర ।
దైత్యసంగ్రామవేలాయాం స్మరణీయం కిమీశ్వర ॥ ౧ ॥

ఈశ్వర ఉవాచ ।
శృణు కృష్ణ ప్రవక్ష్యామి గుహ్యాద్గుహ్యతరం మహత్ ।
గణేశదుర్గదివ్యం చ శృణు వక్ష్యామి భక్తితః ॥ ౨ ॥

త్రిపురవధవేలాయాం స్మరణీయం కిమీశ్వర ।
దివ్యదుర్గప్రసాదేన త్రిపురాణాం వధః కృతః ॥ ౩ ॥

శ్రీకృష్ణ ఉవాచ ।
హేరంబస్య దుర్గమిదం వద త్వం భక్తవత్సల ।

ఈశ్వర ఉవాచ ।
శృణు వత్స ప్రవక్ష్యామి దుర్గే వైనాయకం శుభమ్ ॥ ౪ ॥

సంగ్రామే చ శ్మశానే చ అరణ్యే చోరసంకటే ।
నృపద్వారే జ్వరే ఘోరే యేనైవ ముచ్యతే భయాత్ ॥ ౫ ॥

ప్రాచ్యాం రక్షతు హేరంబః ఆగ్నేయ్యామగ్నితేజసా ।
యామ్యాం లంబోదరో రక్షేత్ నైరృత్యాం పార్వతీసుతః ॥ ౬ ॥

ప్రతీచ్యాం వక్రతుండశ్చ వాయవ్యాం వరదప్రభుః ।
గణేశః పాతు ఔదీచ్యాం ఈశాన్యామీశ్వరస్తథా ॥ ౭ ॥

ఊర్ధ్వం రక్షేద్ధూమ్రవర్ణో హ్యధస్తాత్పాపనాశనః ।
ఏవం దశదిశో రక్షేత్ హేరంబో విఘ్ననాశనః ॥ ౮ ॥

హేరంబస్య దుర్గమిదం త్రికాలం యః పఠేన్నరః ।
కోటిజన్మకృతం పాపం ఏకావృత్తేన నశ్యతి ॥ ౯ ॥

గణేశాంగారశేషేణ దివ్యదుర్గేణ మంత్రితమ్ ।
లలాటం చర్చితం యేన త్రైలోక్యవశమానయేత్ ॥ ౧౦ ॥

మాత్రాగమసహస్రాణి సురాపానశతాని చ ।
తత్ క్షణాత్తాని నశ్యంతి గణేశతీర్థవందనాత్ ॥ ౧౧ ॥

నైవేద్యం వక్తతుండస్య నరో భుంక్తే తు భక్తితః ।
రాజ్యదానసహస్రాణి తేషాం ఫలమవాప్నుయాత్ ॥ ౧౨ ॥

కదాచిత్పఠ్యతే భక్త్యా హేరంబస్య ప్రసాదతః ।
శాకినీ డాకినీ భూతప్రేత వేతాల రాక్షసాః ॥ ౧౩ ॥

బ్రహ్మరాక్షసకూష్మాండాః ప్రణశ్యంతి చ దూరతః ।
భూర్జే వా తాడపత్రే వా దుర్గహేరంబమాలిఖేత్ ॥ ౧౪ ॥

కరమూలే ధృతం యేన కరస్థాః సర్వసిద్ధయః ।
ఏకమావర్తనం భక్త్యా పఠేన్నిత్యం తు యో నరః ॥ ౧౫ ॥

కల్పకోటిసహస్రాణి శివలోకే మహీయతే ।
లింగదానసహస్రాణి పృథ్వీదానశతాని చ ॥ ౧౬ ॥

గజదానసహస్రం చ గణేశస్తవనాత్ ఫలమ్ ॥ ౧౭ ॥

ఇతి శ్రీపద్మపురాణే గణేశదివ్యదుర్గస్తోత్రం సంపూర్ణమ్ ।

– Chant Stotra in Other Languages –

Sri Ganesha Stotram » Ganesha Divya Durga Stotram in Lyrics in Sanskrit » English » Kannada » Tamil

Share this

Leave a Reply

Your email address will not be published. Required fields are marked *