॥ Ganeshashtakam by Vishnu Bengali Lyrics ॥
॥ শ্রীবিষ্ণুকৃতং শ্রীগণেশাষ্টকম্ ॥
গণেশনামাষ্টকম্
নামাষ্টকস্তোত্রম্ চ
শ্রীবিষ্ণুরুবাচ ।
গণেশমেকদন্তঞ্চ হেরম্বং বিঘ্ননায়কম্ ।
লম্বোদরং শূর্পকর্ণং গজবক্ত্রং গুহাগ্রজম্ ॥
নামাষ্টকার্থং পুত্রস্য শৃণু মতো হরপ্রিয়ে ।
স্তোত্রাণাং সারভূতঞ্চ সর্ববিঘ্নহরং পরম্ ॥
জ্ঞানার্থবাচকো গশ্চ ণশ্চ নির্বাণবাচকঃ ।
তয়োরীশং পরং ব্রহ্ম গণেশং প্রণমাম্যহম্ ॥ ১ ॥
একঃ শব্দঃ প্রধানার্থো দন্তশ্চ বলবাচকঃ ।
বলং প্রধানং সর্বস্মাদেকদন্তং নমাম্যহম্ ॥ ২ ॥
দীনার্থবাচকো হেশ্চ রম্বঃ পালকবাচকঃ ।
পালকং দীনলোকানাং হেরম্বং প্রণমাম্যহম্ ॥ ৩ ॥ পরিপালকং তং দীনানাং
বিপত্তিবাচকো বিঘ্নো নায়কঃ খণ্ডনার্থকঃ ।
বিপত্খণ্ডনকারন্তং প্রণমে বিঘ্ননায়কম্ ॥ ৪ ॥ নমামি
বিষ্ণুদত্তৈশ্চ নৈবেদ্যৈর্যস্য লম্বং পুরোদরম্ । লম্বোদরং পুরা
পিত্রা দত্তৈশ্চ বিবিধৈর্বন্দে লম্বোদরঞ্চ তম্ ॥ ৫ ॥
শূর্পাকারৌ চ য়ত্কর্ণৌ বিঘ্নবারণকারকৌ । বিঘ্নবারণকারণৌ
সম্পদৌ জ্ঞানরূপৌ চ শূর্পকর্ণং নমাম্যহম্ ॥ ৬ ॥ সম্পদাস্ফালরূপৌ
বিষ্ণুপ্রসাদপুষ্পঞ্চ য়ন্মূর্ধ্নি মুনিদত্তকম্ ।
তদ্গজেন্দ্রমুখং কান্তং গজবক্ত্রং নমাম্যহম্ ॥ ৭ ॥ তদ্গজেন্দ্রবক্ত্রয়ুক্তং
গুহস্যাগ্রে চ জাতোঽয়মাবির্ভূতো হরালয়ে । হরগৃহে
বন্দে গুহাগ্রজং দেবং সর্বদেবাগ্রপূজিতম্ ॥ ৮ ॥
এতন্নামাষ্টকং দুর্গে নানাশক্তিয়ুতং পরম্ ।
পুত্রস্য পশ্য বেদে চ তদা কোপং বৃথা কুরু ॥
এতন্নামাষ্টকং স্তোত্রং নামার্থসংয়ুতং শুভম্ ।
ত্রিসন্ধ্যং য়ঃ পঠেন্নিত্যং স সুখী সর্বতো জয়ী ॥
ততো বিঘ্নাঃ পলায়ন্তে বৈনতেয়াদ্যথোরগাঃ ।
গণেশ্বরপ্রসাদেন মহাজ্ঞানী ভবেদ্ধ্রুবম্ ॥
পুত্রার্থীং লভতে পুত্রং ভার্যার্থীং বিপুলাং স্ত্রিয়াম্ ।
মহাজডঃ কবীন্দ্রশ্চ বিদ্যাবাংশ্চ ভবেদ্ধ্রুবম্ ॥
ইতি ব্রহ্মবৈবর্তে বিষ্ণুপদিষ্টং গণেশনামাষ্টকং
স্তোত্রং সম্পূর্ণম্ ॥
– Chant Stotra in Other Languages –
Sri Ganapathi Slokam » Ganeshashtakam by Vishnu Lyrics in Sanskrit » English » Gujarati » Kannada » Malayalam » Odia » Telugu » Tamil