॥ Ganeshashtakam Odia Lyrics ॥
॥ ଗଣେଶାଷ୍ଟକମ୍ ॥
ୟତୋଽନନ୍ତଶକ୍ତେରନନ୍ତାଶ୍ଚ ଜୀଵା
ୟତୋ ନିର୍ଗୁଣାଦପ୍ରମେୟା ଗୁଣାସ୍ତେ ।
ୟତୋ ଭାତି ସର୍ଵଂ ତ୍ରିଧା ଭେଦଭିନ୍ନଂ
ସଦା ତଂ ଗଣେଶଂ ନମାମୋ ଭଜାମଃ ॥ ୧ ॥
ୟତଶ୍ଚାଵିରାସୀଜ୍ଜଗତ୍ସର୍ଵମେତ-
ତ୍ତଥାବ୍ଜାସନୋ ଵିଶ୍ଵଗୋ ଵିଶ୍ଵଗୋପ୍ତା ।
ତଥେନ୍ଦ୍ରାଦୟୋ ଦେଵସଙ୍ଘା ମନୁଷ୍ୟାଃ
ସଦା ତଂ ଗଣେଶଂ ନମାମୋ ଭଜାମଃ ॥ ୨ ॥
ୟତୋ ଵହ୍ନିଭାନୂ ଭଵୋ ଭୂର୍ଜଲଂ ଚ
ୟତଃ ସାଗରାଶ୍ଚନ୍ଦ୍ରମା ଵ୍ୟୋମ ଵାୟୁଃ ।
ୟତଃ ସ୍ଥାଵରା ଜଙ୍ଗମା ଵୃକ୍ଷସଙ୍ଘା-
ସ୍ସଦା ତଂ ଗଣେଶଂ ନମାମୋ ଭଜାମଃ ॥ ୩ ॥
ୟତୋ ଦାନଵା କିନ୍ନରା ୟକ୍ଷସଙ୍ଘା
ୟତଶ୍ଚାରଣା ଵାରଣା ଶ୍ଵାପଦାଶ୍ଚ ।
ୟତଃ ପକ୍ଷିକୀଟା ୟତୋ ଵୀରୁଧଶ୍ଚ
ସଦା ତଂ ଗଣେଶଂ ନମାମୋ ଭଜାମଃ ॥ ୪ ॥
ୟତୋ ବୁଦ୍ଧିରଜ୍ଞାନନାଶୋ ମୁମୁକ୍ଷୋଃ
ୟତଃ ସମ୍ପଦୋ ଭକ୍ତସନ୍ତୋଷିକାଃ ସ୍ୟୁଃ ।
ୟତୋ ଵିଘ୍ନନାଶୋ ୟତଃ କାର୍ୟସିଦ୍ଧିଃ
ସଦା ତଂ ଗଣେଶଂ ନମାମୋ ଭଜାମଃ ॥ ୫ ॥
ୟତଃ ପୁତ୍ରସମ୍ପଦ୍ୟତୋ ଵାଞ୍ଛିତାର୍ଥୋ
ୟତୋଽଭକ୍ତଵିଘ୍ନାସ୍ତଥାନେକରୂପାଃ ।
ୟତଃ ଶୋକମୋହୌ ୟତଃ କାମ ଏଵ
ସଦା ତଂ ଗଣେଶଂ ନମାମୋ ଭଜାମଃ ॥ ୬ ॥
ୟତୋଽନନ୍ତଶକ୍ତିଃ ସ ଶେଷୋ ବଭୂଵ
ଧରାଧାରଣେଽନେକରୂପେ ଚ ଶକ୍ତଃ ।
ୟତୋଽନେକଧା ସ୍ଵର୍ଗଲୋକା ହି ନାନା
ସଦା ତଂ ଗଣେଶଂ ନମାମୋ ଭଜାମଃ ॥ ୭ ॥
ୟତୋ ଵେଦଵାଚୋ ଵିକୁଣ୍ଠା ମନୋଭିଃ
ସଦା ନେତି ନେତୀତି ୟତ୍ତା ଗୃଣନ୍ତି ।
ପରବ୍ରହ୍ମରୂପଂ ଚିଦାନନ୍ଦଭୂତଂ
ସଦା ତଂ ଗଣେଶଂ ନମାମୋ ଭଜାମଃ ॥ ୮ ॥
ଫଲଶ୍ରୁତିଃ ।
ପୁନରୂଚେ ଗଣାଧୀଶଃ ସ୍ତୋତ୍ରମେତତ୍ପଠେନ୍ନରଃ ।
ତ୍ରିସନ୍ଧ୍ୟଂ ତ୍ରିଦିନଂ ତସ୍ୟ ସର୍ଵକାର୍ୟଂ ଭଵିଷ୍ୟତି ॥ ୯ ॥
ୟୋ ଜପେଦଷ୍ଟଦିଵସଂ ଶ୍ଲୋକାଷ୍ଟକମିଦଂ ଶୁଭମ୍ ।
ଅଷ୍ଟଵାରଂ ଚତୁର୍ଥ୍ୟାଂ ତୁ ସୋଽଷ୍ଟସିଦ୍ଧୀରଵାପ୍ନୁୟାତ୍ ॥ ୧୦ ॥
ୟଃ ପଠେନ୍ମାସମାତ୍ରଂ ତୁ ଦଶଵାରଂ ଦିନେ ଦିନେ ।
ସ ମୋଚୟେଦ୍ବନ୍ଧଗତଂ ରାଜଵଧ୍ୟଂ ନ ସଂଶୟଃ ॥ ୧୧ ॥
ଵିଦ୍ୟାକାମୋ ଲଭେଦ୍ଵିଦ୍ୟାଂ ପୁତ୍ରାର୍ଥୀ ପୁତ୍ରମାପ୍ନୁୟାତ୍ ।
ଵାଞ୍ଛିତାନ୍ ଲଭତେ ସର୍ଵାନେକଵିଂଶତିଵାରତଃ ॥ ୧୨ ॥
ୟୋ ଜପେତ୍ପରୟା ଭକ୍ତ୍ୟା ଗଜାନନପଦୋ ନରଃ ।
ଏଵମୁକ୍ତ୍ଵା ତତୋ ଦେଵଶ୍ଚାନ୍ତର୍ଧାନଂ ଗତଃ ପ୍ରଭୁଃ ॥ ୧୩ ॥
– Chant Stotra in Other Languages –
Sri Ganapathi Slokam » Ganeshashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil