॥ Gayatri Geetaa Bengali Lyrics ॥
॥ গায়ত্রী গীতা ॥
ওমিত্যেব সুনামধেয়মনঘং বিশ্বাত্মনো ব্রহ্মণঃ
সর্বেষ্বেব হি তস্য নামসু বসোরেতৎপ্রধানং মতম্ ॥
যং বেদা নিগদন্তি ন্যায়নিরতং শ্রীসচ্চিদানন্দকং
লোকেশং সমদর্শিনং নিয়মনং চাকারহীনং প্রভুম্ ॥ ১ ॥
ভূর্বৈ প্রাণ ইতি ব্রুবন্তি মুনয়ো বেদান্তপারং গতাঃ
প্রাণঃ সর্ববিচেতনেষু প্রসৃতঃ সামান্যরূপেণ চ ।
এতেনৈব বিসিদ্ধ্যতে হি সকলং নূনং সমানং জগৎ ।
দ্রষ্টব্যঃ সকলেষু জন্তুষু জনৈর্নিত্যং হ্যসুশ্চাত্মবৎ ॥ ২ ॥
ভুবর্নাশো লোকে সকলবিপদাং বৈ নিগদিতঃ
কৃতং কার্যং কর্তব্যমিতি মনসা চাস্য করণং ।
ফলাশাং মর্ত্যা যে বিদধতি ন বৈ কর্মনিরতাঃ
লভন্তে নিত্যং তে জগতি হি প্রসাদং সুমনসাম্ ॥ ৩ ॥
স্বরেষো বৈ শব্দো নিগদতি মনঃস্থৈর্যকরণং
তথা সৌখ্যং স্বাস্থ্যং হ্যুপদিশতি চিত্তস্য চলতঃ ।
নিমগ্নৎবং সত্যব্রতসরসি চাচক্ষতি উত ।
ত্রিধাং শান্তিং হ্যেতাং ভুবি চ লভতে সংয়মরতঃ ॥ ৪ ॥
ততো বৈ নিষ্পত্তিঃ স ভুবি মতিমান্ পণ্ডিতবরঃ
বিজানন্ গুহ্যং যো মরণজীবনয়োস্তদখিলম্ ।
অনন্তে সংসারে বিচরতি ভয়াসক্তিরহিত-
স্তথা নির্মাণং বৈ নিজগতিবিধীনাং প্রকুরুতে ॥ ৫ ॥
সবিতুস্তু পদং বিতনোতি ধ্রুবং
মনুজো বলবান্ সবিতেব ভবেৎ ।
বিষয়া অনুভূতিপরিস্থিতয়-
স্তু সদাত্মন এব গণেদিতি সঃ ॥ ৬ ॥
বরেণ্যঞ্চৈতদ্বৈ প্রকটয়তি শ্রেষ্ঠৎবমনিশং
সদা পশ্যেচ্ছ্রেষ্ঠং মননপি শ্রেষ্ঠস্য বিদধেৎ ।
তথা লোকে শ্রেষ্ঠং সরলমনসা কর্ম চ ভজেৎ
তদিত্থং শ্রেষ্ঠৎবং ব্রজতি মনুজঃ শোভিতগুণৈঃ ॥ ৭ ॥
ভর্গো ব্যাহরতে পদং হি নিতরাং লোকঃ সুলোকো ভবেৎ
পাপে পাপ-বিনাশনে ৎববিরতং দত্তাবধানো বসেৎ ।
দৃষ্ট্বা দুষ্কৃতিদুর্বিপাক-নিচয়ং তেভ্যো জুগুপ্সেদ্ধি চ
তন্নাশায় বিধীয়তাং চ সততং সঙ্ঘর্ষমেভিঃ সহ ॥ ৮ ॥
দেবস্যেতি তু ব্যাকরোত্যমরতাং মর্ত্যোঽপি সম্প্রাপ্যতে
দেবানামিব শুদ্ধদৃষ্টিকরণাৎ সেবোপচারাদ্ ভুবি ।
নিঃস্বার্থং পরমার্থ-কর্মকরণাৎ দীনায় দানাত্তথা
বাহ্যাভ্যন্তরমস্য দেবভুবনং সংসৃজ্যতে চৈব হি ॥ ৯ ॥
ধীমহি সর্ববিধং শুচিমেব
শক্তিচয় বয়মিতুপদিষ্টাঃ ।
নো মনুজো লভতে সুখশান্তি-
মনেন বিনেতি বদন্তি হি বেদাঃ ॥ ১০ ॥
ধিয়ো মত্যোন্মথ্যাগমনিগমমন্ত্রান্ সুমতিমান্
বিজানীয়াত্তত্ত্বং বিমলনবনীতং পরমিব ।
যতোঽস্মিন্ লোকে বৈ সংশয়গত-বিচার-স্থলশতে
মতিঃ শুদ্ধৈবাচ্ছা প্রকটয়তি সত্যং সুমনসে ॥ ১১ ॥
যোনো বাস্তি তু শক্তিসাধনচয়ো ন্যূনাধিকশ্চাথবা
ভাগং ন্যূনতমং হি তস্য বিদধেমাত্মপ্রসাদায় চ ।
যৎপশ্চাদবশিষ্টভাগমখিলং ত্যক্ত্বা ফলাশং হৃদি
তদ্ধীনেষ্বভিলাষবৎসু বিতরেদ্ যে শক্তিহীনাঃ স্বয়ম্ ॥ ১২ ॥
প্রচোদয়াৎ স্বং ৎবিতরাংশ্চ মানবান্
নরঃ প্রয়াণায় চ সত্যবর্ত্মনি ।
কৃতং হি কর্মাখিলমিত্থমঙ্গিনা
বদন্তি ধর্মং ইতি হি বিপশ্চিতঃ ॥ ১৩ ॥
গায়ত্রী-গীতাং হ্যেতাং যো নরো বেত্তি তত্ত্বতঃ ।
স মুক্ত্বা সর্বদুঃখেভ্যঃ সদানন্দে নিমজ্জতি ॥ ১৪ ॥
– Chant Stotra in Other Languages –
Gayatri Gita in Sanskrit – English – Bengali – Gujarati – Kannada – Malayalam – Odia – Telugu – Tamil