॥ Goddess Bhavani’s Eight Stanzas Bengali Lyrics ॥
॥ ভবান্যষ্টকং ॥
ন তাতো ন মাতা ন বন্ধুর্ন দাতা
ন পুত্রো ন পুত্রী ন ভৃত্যো ন ভর্তা ।
ন জায়া ন বিদ্যা ন বৃত্তির্মমৈব
গতিস্ত্বং গতিস্ত্বং ত্বমেকা ভবানি ॥ ১ ॥
ভবাব্ধাবপারে মহাদুঃখভীরু
প্রপাত প্রকামী প্রলোভী প্রমত্তঃ ।
কুসংসারপাশপ্রবদ্ধঃ সদাহং
গতিস্ত্বং গতিস্ত্বং ত্বমেকা ভবানি ॥ ২ ॥
ন জানামি দানং ন চ ধ্যানয়োগং
ন জানামি তন্ত্রং ন চ স্তোত্রমন্ত্রম্ ।
ন জানামি পূজাং ন চ ন্যাসয়োগং
গতিস্ত্বং গতিস্ত্বং ত্বমেকা ভবানি ॥ ৩ ॥
ন জানামি পুণ্যং ন জানামি তীর্থং
ন জানামি মুক্তিং লয়ং বা কদাচিত্ ।
ন জানামি ভক্তিং ব্রতং বাপি মাতর্-
গতিস্ত্বং গতিস্ত্বং ত্বমেকা ভবানি ॥ ৪ ॥
কুকর্মী কুসঙ্গী কুবুদ্ধিঃ কুদাসঃ
কুলাচারহীনঃ কদাচারলীনঃ ।
কুদৃষ্টিঃ কুবাক্যপ্রবন্ধঃ সদাহং
গতিস্ত্বং গতিস্ত্বং ত্বমেকা ভবানি ॥ ৫ ॥
প্রজেশং রমেশং মহেশং সুরেশং
দিনেশং নিশীথেশ্বরং বা কদাচিত্ ।
ন জানামি চান্যত্ সদাহং শরণ্যে
গতিস্ত্বং গতিস্ত্বং ত্বমেকা ভবানি ॥ ৬ ॥
বিবাদে বিষাদে প্রমাদে প্রবাসে
জলে চানলে পর্বতে শত্রুমধ্যে ।
অরণ্যে শরণ্যে সদা মাং প্রপাহি
গতিস্ত্বং গতিস্ত্বং ত্বমেকা ভবানি ॥ ৭ ॥
অনাথো দরিদ্রো জরারোগয়ুক্তো মহাক্ষীণ-
দীনঃ সদা জাড্যবক্ত্রঃ ।
বিপত্তৌ প্রবিষ্টঃ প্রনষ্টঃ সদাহং
গতিস্ত্বং গতিস্ত্বং ত্বমেকা ভবানি ॥ ৮ ॥
॥ ইতি শ্রীমদাদিশংকরাচার্যবিরচিতং ভবান্যষ্টকং সম্পূর্ণম্ ॥
– Chant Stotra in Other Languages –
Sri Durga Slokam » Bhavani Ashtakam – Goddess Bhavani’s Eight Stanzas Lyrics in Sanskrit » English » Gujarati » Kannada » Malayalam » Odia » Telugu » Tamil