॥ Savithri Devi Yama Dharmaraja Astakam Bengali Lyrics ॥
শ্রীনারায়ণ উবাচ –
শক্তেরুত্কীর্তনং শ্রুত্বা সাবিত্রী য়মবক্ত্রতঃ ।
সাশ্রুনেত্রা সপুলকা য়মং পুনরুবাচ সা ॥ ১ ॥
সাবিত্র্যুবাচ –
শক্তেরুত্কীর্তনং ধর্ম সকলোদ্ধারকারণম্ ।
শ্রোতৄণাং চৈব বক্তৄণাং জন্মমৃত্যুজরাহরম্ ॥ ২ ॥
দানবানাং চ সিদ্ধানাং তপসাং চ পরং পদম্ ।
য়োগানাং চৈব বেদানাং কীর্তনং সেবনং বিভো ॥ ৩ ॥
মুক্তিত্বমমরত্বং চ সর্বসিদ্ধিত্বমেব চ ।
শ্রীশক্তিসেবকস্যৈব কলাং নার্হন্তি ষোডশীম্ ॥ ৪ ॥
ভজামি কেন বিধিনা বদ বেদবিদাংবর ।
শুভকর্মবিপাকং চ শ্রুতং নৄণাং মনোহরম্ ॥ ৫ ॥
কর্মাশুভবিপাকং চ তন্মে ব্যাখ্যাতুমর্হসি ।
ইত্যুক্ত্বা চ সতী ব্রহ্মন্ ভক্তিনম্রাত্মকন্ধরা ॥ ৬ ॥
তুষ্টাব ধর্মরাজং চ বেদোক্তেন স্তবেন চ ।
(অথ য়মাষ্টকম্ ।)
সাবিত্র্যুবাচ –
তপসা ধর্মমারাধ্য পুষ্করে ভাস্করঃ পুরা ॥ ৭ ॥
ধর্মং সূর্যঃ সুতং প্রাপ ধর্মরাজং নমাম্যহম্ ।
সমতা সর্বভূতেষু য়স্য সর্বস্য সাক্ষিণঃ ॥ ৮ ॥
অতো য়ন্নাম শমনমিতি তং প্রণমাম্যহম্ ।
য়েনান্তশ্চ কৃতো বিশ্বে সর্বেষাং জীবিনাং পরম্ ॥ ৯ ॥
কামানুরূপং কালেন তং কৃতান্তং নমাম্যহম্ ।
বিভর্তি দণ্ডং দণ্ডায় পাপিনাং শুদ্ধিহেতবে ॥ ১০ ॥
নমামি তং দণ্ডধরং য়ঃ শাস্তা সর্বজীবিনাম্ ।
বিশ্বং চ কলয়ত্যেব য়ঃ সর্বেষু চ সন্ততম্ ॥ ১১ ॥
অতীব দুর্নিবার্যং চ তং কালং প্রণমাম্যহম্ ।
তপস্বী ব্রহ্মনিষ্ঠো য়ঃ সংয়মী সঞ্জিতেন্দ্রিয়ঃ ॥ ১২ ॥
জীবানাং কর্মফলদস্তং য়মং প্রণমাম্যহম্ ।
স্বাত্মারামশ্চ সর্বজ্ঞো মিত্রং পুণ্যকৃতাং ভবেত্ ॥ ১৩ ॥
পাপিনাং ক্লেশদো য়স্তং পুণ্যমিত্রং নমাম্যহম্ ।
য়জ্জন্ম ব্রহ্মণোংঽশেন জ্বলন্তং ব্রহ্মতেজসা ॥ ১৪ ॥
য়ো ধ্যায়তি পরং ব্রহ্ম তমীশং প্রণমাম্যহম্ ।
ইত্যুক্ত্বা সা চ সাবিত্রী প্রণনাম য়মং মুনে ॥ ১৫ ॥
(ফলশ্রুতিঃ ।)
য়মস্তাং শক্তিভজনং কর্মপাকমুবাচ হ ।
ইদং য়মাষ্টকং নিত্যং প্রাতরুত্থায় য়ঃ পঠেত্ ॥ ১৬ ॥
য়মাত্তস্য ভয়ং নাস্তি সর্বপাপাত্প্রমুচ্যতে ।
মহাপাপী য়দি পঠেন্নিত্যং ভক্তিসমন্বিতঃ ।
য়মঃ করোতি সংশুদ্ধং কায়ব্যূহেন নিশ্চিতম্ ॥ ১৭ ॥
ইতি শ্রীমদ্দেবীভাগবতে মহাপুরাণেঽষ্টাদশসাহস্র্যাং সংহিতায়াং
নবমস্কন্ধে য়মাষ্টকবর্ণনং নামেকত্রিশোঽধ্যায়ঃ ॥ ৩১ ॥
– Chant Stotra in Other Languages –
Saraswati Devi Slokam » Goddess Savithri Yama Dharmaraja Yamastakam Lyrics in Sanskrit » English » Gujarati » Kannada » Malayalam » Odia » Telugu » Tamil