॥ Savithri Devi Yama Dharmaraja Astakam Odia Lyrics ॥
ଶ୍ରୀନାରାୟଣ ଉଵାଚ –
ଶକ୍ତେରୁତ୍କୀର୍ତନଂ ଶ୍ରୁତ୍ଵା ସାଵିତ୍ରୀ ୟମଵକ୍ତ୍ରତଃ ।
ସାଶ୍ରୁନେତ୍ରା ସପୁଲକା ୟମଂ ପୁନରୁଵାଚ ସା ॥ ୧ ॥
ସାଵିତ୍ର୍ୟୁଵାଚ –
ଶକ୍ତେରୁତ୍କୀର୍ତନଂ ଧର୍ମ ସକଲୋଦ୍ଧାରକାରଣମ୍ ।
ଶ୍ରୋତୄଣାଂ ଚୈଵ ଵକ୍ତୄଣାଂ ଜନ୍ମମୃତ୍ୟୁଜରାହରମ୍ ॥ ୨ ॥
ଦାନଵାନାଂ ଚ ସିଦ୍ଧାନାଂ ତପସାଂ ଚ ପରଂ ପଦମ୍ ।
ୟୋଗାନାଂ ଚୈଵ ଵେଦାନାଂ କୀର୍ତନଂ ସେଵନଂ ଵିଭୋ ॥ ୩ ॥
ମୁକ୍ତିତ୍ଵମମରତ୍ଵଂ ଚ ସର୍ଵସିଦ୍ଧିତ୍ଵମେଵ ଚ ।
ଶ୍ରୀଶକ୍ତିସେଵକସ୍ୟୈଵ କଲାଂ ନାର୍ହନ୍ତି ଷୋଡଶୀମ୍ ॥ ୪ ॥
ଭଜାମି କେନ ଵିଧିନା ଵଦ ଵେଦଵିଦାଂଵର ।
ଶୁଭକର୍ମଵିପାକଂ ଚ ଶ୍ରୁତଂ ନୄଣାଂ ମନୋହରମ୍ ॥ ୫ ॥
କର୍ମାଶୁଭଵିପାକଂ ଚ ତନ୍ମେ ଵ୍ୟାଖ୍ୟାତୁମର୍ହସି ।
ଇତ୍ୟୁକ୍ତ୍ଵା ଚ ସତୀ ବ୍ରହ୍ମନ୍ ଭକ୍ତିନମ୍ରାତ୍ମକନ୍ଧରା ॥ ୬ ॥
ତୁଷ୍ଟାଵ ଧର୍ମରାଜଂ ଚ ଵେଦୋକ୍ତେନ ସ୍ତଵେନ ଚ ।
(ଅଥ ୟମାଷ୍ଟକମ୍ ।)
ସାଵିତ୍ର୍ୟୁଵାଚ –
ତପସା ଧର୍ମମାରାଧ୍ୟ ପୁଷ୍କରେ ଭାସ୍କରଃ ପୁରା ॥ ୭ ॥
ଧର୍ମଂ ସୂର୍ୟଃ ସୁତଂ ପ୍ରାପ ଧର୍ମରାଜଂ ନମାମ୍ୟହମ୍ ।
ସମତା ସର୍ଵଭୂତେଷୁ ୟସ୍ୟ ସର୍ଵସ୍ୟ ସାକ୍ଷିଣଃ ॥ ୮ ॥
ଅତୋ ୟନ୍ନାମ ଶମନମିତି ତଂ ପ୍ରଣମାମ୍ୟହମ୍ ।
ୟେନାନ୍ତଶ୍ଚ କୃତୋ ଵିଶ୍ଵେ ସର୍ଵେଷାଂ ଜୀଵିନାଂ ପରମ୍ ॥ ୯ ॥
କାମାନୁରୂପଂ କାଲେନ ତଂ କୃତାନ୍ତଂ ନମାମ୍ୟହମ୍ ।
ବିଭର୍ତି ଦଣ୍ଡଂ ଦଣ୍ଡାୟ ପାପିନାଂ ଶୁଦ୍ଧିହେତଵେ ॥ ୧୦ ॥
ନମାମି ତଂ ଦଣ୍ଡଧରଂ ୟଃ ଶାସ୍ତା ସର୍ଵଜୀଵିନାମ୍ ।
ଵିଶ୍ଵଂ ଚ କଲୟତ୍ୟେଵ ୟଃ ସର୍ଵେଷୁ ଚ ସନ୍ତତମ୍ ॥ ୧୧ ॥
ଅତୀଵ ଦୁର୍ନିଵାର୍ୟଂ ଚ ତଂ କାଲଂ ପ୍ରଣମାମ୍ୟହମ୍ ।
ତପସ୍ଵୀ ବ୍ରହ୍ମନିଷ୍ଠୋ ୟଃ ସଂୟମୀ ସଞ୍ଜିତେନ୍ଦ୍ରିୟଃ ॥ ୧୨ ॥
ଜୀଵାନାଂ କର୍ମଫଲଦସ୍ତଂ ୟମଂ ପ୍ରଣମାମ୍ୟହମ୍ ।
ସ୍ଵାତ୍ମାରାମଶ୍ଚ ସର୍ଵଜ୍ଞୋ ମିତ୍ରଂ ପୁଣ୍ୟକୃତାଂ ଭଵେତ୍ ॥ ୧୩ ॥
ପାପିନାଂ କ୍ଲେଶଦୋ ୟସ୍ତଂ ପୁଣ୍ୟମିତ୍ରଂ ନମାମ୍ୟହମ୍ ।
ୟଜ୍ଜନ୍ମ ବ୍ରହ୍ମଣୋଂଽଶେନ ଜ୍ଵଲନ୍ତଂ ବ୍ରହ୍ମତେଜସା ॥ ୧୪ ॥
ୟୋ ଧ୍ୟାୟତି ପରଂ ବ୍ରହ୍ମ ତମୀଶଂ ପ୍ରଣମାମ୍ୟହମ୍ ।
ଇତ୍ୟୁକ୍ତ୍ଵା ସା ଚ ସାଵିତ୍ରୀ ପ୍ରଣନାମ ୟମଂ ମୁନେ ॥ ୧୫ ॥
(ଫଲଶ୍ରୁତିଃ ।)
ୟମସ୍ତାଂ ଶକ୍ତିଭଜନଂ କର୍ମପାକମୁଵାଚ ହ ।
ଇଦଂ ୟମାଷ୍ଟକଂ ନିତ୍ୟଂ ପ୍ରାତରୁତ୍ଥାୟ ୟଃ ପଠେତ୍ ॥ ୧୬ ॥
ୟମାତ୍ତସ୍ୟ ଭୟଂ ନାସ୍ତି ସର୍ଵପାପାତ୍ପ୍ରମୁଚ୍ୟତେ ।
ମହାପାପୀ ୟଦି ପଠେନ୍ନିତ୍ୟଂ ଭକ୍ତିସମନ୍ଵିତଃ ।
ୟମଃ କରୋତି ସଂଶୁଦ୍ଧଂ କାୟଵ୍ୟୂହେନ ନିଶ୍ଚିତମ୍ ॥ ୧୭ ॥
ଇତି ଶ୍ରୀମଦ୍ଦେଵୀଭାଗଵତେ ମହାପୁରାଣେଽଷ୍ଟାଦଶସାହସ୍ର୍ୟାଂ ସଂହିତାୟାଂ
ନଵମସ୍କନ୍ଧେ ୟମାଷ୍ଟକଵର୍ଣନଂ ନାମେକତ୍ରିଶୋଽଧ୍ୟାୟଃ ॥ ୩୧ ॥
– Chant Stotra in Other Languages –
Saraswati Devi Slokam » Goddess Savithri Yama Dharmaraja Yamastakam Lyrics in Sanskrit » English » Bengali » Gujarati » Kannada » Malayalam » Telugu » Tamil