॥ Guru Ashtakam Bengali Lyrics ॥
॥ গুর্বষ্টকম্ ॥
বন্দেঽহং সচ্চিদানন্দং ভেদাতীতং জগদ্গুরুম্ ।
নিত্যং পূর্ণং নিরাকারং নির্গুণং সর্বসংস্থিতম্ ॥ ১ ॥
পরাত্পরতরং ধ্যেয়ং নিত্যমানন্দ-কারণম্ ।
হৃদয়াকাশ-মধ্যস্থং শুদ্ধ-স্ফটিক-সন্নিভম্ ॥ ২ ॥
অখণ্ড-মণ্ডলাকারং ব্যাপ্তং য়েন চরাঽচরম্ ।
তত্পদং দর্শিতং য়েন তস্মৈ শ্রীগুরবে নমঃ ॥ ৩ ॥
গুরুর্ব্রহ্মা গুরুর্বিষ্ণুর্গুরুর্দেবো মহেশ্বরঃ ।
গুরুরেব পরং ব্রহ্ম তস্মৈ শ্রীগুরবে নমঃ ॥ ৪ ॥
অজ্ঞান-তিমিরান্ধস্য জ্ঞানাঞ্জন-শলাকয়া ।
চক্ষুরুন্মীলিতং য়েন তস্মৈ শ্রীগুরবে নমঃ ॥ ৫ ॥
চৈতন্যং শাশ্বতং শান্তং ব্যোমাতীতং নিরঞ্জনম্ ।
বিন্দু-নাদ-কলাতীতং তস্মৈ শ্রীগুরবে নমঃ ॥ ৬ ॥
অনেক-জন্ম -সংপ্রাপ্ত -কর্মবন্ধ -বিদাহিনে ।
আজ্ঞজ্ঞান-প্রদানেন তস্মৈ শ্রীগুরবে নমঃ ॥ ৭ ॥
শিষ্যাণাং মোক্ষদানায় লীলয়া দেহধারিণে ।
সদেহেঽপি বিদেহায় তস্মৈ শ্রীগুরবে নমঃ ॥ ৮ ॥
গুর্বষ্টকমিদং স্তোত্রং সায়ং-প্রাতস্তু য়ঃ পঠেত্ ।
স বিমুক্তো ভবেল্লোকাত্ সদ্গুরো কৃপয়া ধ্রুবম্ ॥ ৯ ॥
ইতি গুর্বষ্টকং সম্পূর্ণম্ ।
– Chant Stotra in Other Languages –
Sri Guru Slokam » Sri Guru Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil