॥ Hanumath Pancharatnam Bengali Lyrics ॥
বীতাখিল-বিষয়েচ্ছং জাতানন্দাশ্র পুলকমত্যচ্ছম্ ।
সীতাপতি দূতাদ্যং বাতাত্মজমদ্য ভাবয়ে হৃদ্যম্ ॥ ১ ॥
তরুণারুণ মুখ-কমলং করুণা-রসপূর-পূরিতাপাঙ্গম্ ।
সঞ্জীবনমাশাসে মঞ্জুল-মহিমানমঞ্জনা-ভাগ্যম্ ॥ ২ ॥
শম্বরবৈরি-শরাতিগমম্বুজদল-বিপুল-লোচনোদারম্ ।
কম্বুগলমনিলদিষ্টম্ বিম্ব-জ্বলিতোষ্ঠমেকমবলম্বে ॥ ৩ ॥
দূরীকৃত-সীতার্তিঃ প্রকটীকৃত-রামবৈভব-স্ফূর্তিঃ ।
দারিত-দশমুখ-কীর্তিঃ পুরতো মম ভাতু হনুমতো মূর্তিঃ ॥ ৪ ॥
বানর-নিকরাধ্যক্ষং দানবকুল-কুমুদ-রবিকর-সদৃশম্ ।
দীন-জনাবন-দীক্ষং পবন তপঃ পাকপুঞ্জমদ্রাক্ষম্ ॥ ৫ ॥
এতত্-পবন-সুতস্য স্তোত্রং
য়ঃ পঠতি পঞ্চরত্নাখ্যম্ ।
চিরমিহ-নিখিলান্ ভোগান্ ভুঙ্ক্ত্বা
শ্রীরাম-ভক্তি-ভাগ্-ভবতি ॥ ৬ ॥
ইতি শ্রীমচ্ছংকর-ভগবতঃ কৃতৌ হনুমত্-পঞ্চরত্নং সংপূর্ণম্ ॥
– Chant Stotra in Other Languages –
Sri Anjaneya slokam » Hanumath Pancha Ratnam Stotram Lyrics in Sanskrit » English » Kannada » Malayalam » Telugu » Tamil