॥ Hymn to Goddess Minakshi Odia Lyrics ॥
॥ ମୀନାକ୍ଷୀସ୍ତୋତ୍ରମ୍ ॥
॥ ଶ୍ରୀଃ ॥
ଶ୍ରୀବିଦ୍ୟେ ଶିବବାମଭାଗନିଲୟେ ଶ୍ରୀରାଜରାଜାର୍ଚିତେ
ଶ୍ରୀନାଥାଦିଗୁରୁସ୍ୱରୂପବିଭବେ ଚିନ୍ତାମଣୀପୀଠିକେ ।
ଶ୍ରୀବାଣୀଗିରିଜାନୁତାଙ୍ଘ୍ରିକମଲେ ଶ୍ରୀଶାଂଭବି ଶ୍ରୀଶିବେ
ମଧ୍ୟାହ୍ନେ ମଲୟଧ୍ୱଜାଧିପସୁତେ ମାଂ ପାହି ମୀନାମ୍ବିକେ ॥ ୧ ॥
ଚକ୍ରସ୍ଥେଽଚପଲେ ଚରାଚରଜଗନ୍ନାଥେ ଜଗତ୍ପୂଜିତେ
ଆର୍ତାଲୀବରଦେ ନତାଭୟକରେ ବକ୍ଷୋଜଭାରାନ୍ୱିତେ ।
ବିଦ୍ୟେ ବେଦକଲାପମୌଲିବିଦିତେ ବିଦ୍ୟୁଲ୍ଲତାବିଗ୍ରହେ
ମାତଃ ପୂର୍ଣସୁଧାରସାର୍ଦ୍ରହୃଦୟେ ମାଂ ପାହି ମୀନାମ୍ବିକେ ॥ ୨ ॥
କୋଟୀରାଙ୍ଗଦରତ୍ନକୁଣ୍ଡଲଧରେ କୋଦଣ୍ଡବାଣାଞ୍ଚିତେ
କୋକାକାରକୁଚଦ୍ୱୟୋପରିଲସତ୍ପ୍ରାଲମ୍ବହାରାଞ୍ଚିତେ ।
ଶିଞ୍ଜନ୍ନୂପୁରପାଦସାରସମଣୀଶ୍ରୀପାଦୁକାଲଂକୃତେ
ମଦ୍ଦାରିଦ୍ର୍ୟଭୁଜଂଗଗାରୁଡଖଗେ ମାଂ ପାହି ମୀନାମ୍ବିକେ ॥ ୩॥
ବ୍ରହ୍ମେଶାଚ୍ୟୁତଗୀୟମାନଚରିତେ ପ୍ରେତାସନାନ୍ତସ୍ଥିତେ
ପାଶୋଦଙ୍କୁଶଚାପବାଣକଲିତେ ବାଲେନ୍ଦୁଚୂଡାଞ୍ଚିତେ ।
ବାଲେ ବାଲକୁରଙ୍ଗଲୋଲନୟନେ ବାଲାର୍କକୋଟ୍ୟୁଜ୍ଜ୍ୱଲେ
ମୁଦ୍ରାରାଧିତଦୈବତେ ମୁନିସୁତେ ମାଂ ପାହି ମୀନାମ୍ବିକେ ॥ ୪ ॥
ଗନ୍ଧର୍ୱାମରୟକ୍ଷପନ୍ନଗନୁତେ ଗଙ୍ଗାଧରାଲିଙ୍ଗିତେ
ଗାୟତ୍ରୀଗରୁଡାସନେ କମଲଜେ ସୁଶ୍ୟାମଲେ ସୁସ୍ଥିତେ ।
ଖାତୀତେ ଖଲଦାରୁପାବକଶିଖେ ଖଦ୍ୟୋତକୋଟ୍ୟୁଜ୍ଜ୍ୱଲେ
ମନ୍ତ୍ରାରାଧିତଦୈବତେ ମୁନିସୁତେ ମାଂ ପାହୀ ମୀନାମ୍ବିକେ ॥ ୫ ॥
ନାଦେ ନାରଦତୁମ୍ବୁରାଦ୍ୟବିନୁତେ ନାଦାନ୍ତନାଦାତ୍ମିକେ
ନିତ୍ୟେ ନୀଲଲତାତ୍ମିକେ ନିରୁପମେ ନୀବାରଶୂକୋପମେ ।
କାନ୍ତେ କାମକଲେ କଦମ୍ବନିଲୟେ କାମେଶ୍ୱରାଙ୍କସ୍ଥିତେ
ମଦ୍ୱିଦ୍ୟେ ମଦଭୀଷ୍ଟକଲ୍ପଲତିକେ ମାଂ ପାହି ମୀନାମ୍ବିକେ ॥ ୬ ॥
ବୀଣାନାଦନିମୀଲିତାର୍ଧନୟନେ ବିସ୍ରସ୍ତଚୂଲୀଭରେ
ତାମ୍ବୂଲାରୁଣପଲ୍ଲବାଧରୟୁତେ ତାଟଙ୍କହାରାନ୍ୱିତେ ।
ଶ୍ୟାମେ ଚନ୍ଦ୍ରକଲାବତଂସକଲିତେ କସ୍ତୂରିକାଫାଲିକେ
ପୂର୍ଣେ ପୂର୍ଣକଲାଭିରାମବଦନେ ମାଂ ପାହି ମୀନାମ୍ବିକେ ॥ ୭॥
ଶବ୍ଦବ୍ରହ୍ମମୟୀ ଚରାଚରମୟୀ ଜ୍ୟୋତିର୍ମୟୀ ବାଙ୍ମୟୀ
ନିତ୍ୟାନନ୍ଦମୟୀ ନିରଞ୍ଜନମୟୀ ତତ୍ତ୍ୱଂମୟୀ ଚିନ୍ମୟୀ ।
ତତ୍ତ୍ୱାତୀତମୟୀ ପରାତ୍ପରମୟୀ ମାୟାମୟୀ ଶ୍ରୀମୟୀ
ସର୍ୱୈଶ୍ୱର୍ୟମୟୀ ସଦାଶିବମୟୀ ମାଂ ପାହି ମୀନାମ୍ବିକେ ॥ ୮ ॥
ଇତି ଶ୍ରୀମତ୍ପରମହଂସପରିବ୍ରାଜକାଚାର୍ୟସ୍ୟ
ଶ୍ରୀଗୋବିନ୍ଦଭଗବତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗବତଃ କୃତୌ
ମୀନାକ୍ଷୀସ୍ତୋତ୍ରଂ ସଂପୂର୍ଣମ୍ ॥
– Chant Stotra in Other Languages –
Hymn-to Goddess Meenakshi Amman in Sanskrit – English – Bengali – Gujarati – Kannada – Malayalam – Odia – Telugu – Tamil