॥ River Narmadashtakam Bengali Lyrics ॥
॥ নর্মদাষ্টকং ॥
সবিন্দুসিন্ধুসুস্খলত্তরঙ্গভঙ্গরঞ্জিতং
দ্বিষত্সু পাপজাতজাতকাদিবারিসংয়ুতম্ ।
কৃতান্তদূতকালভূতভীতিহারিবর্মদে
ত্বদীয়পাদপঙ্কজং নমামি দেবি নর্মদে ॥ ১ ॥
ত্বদম্বুলীনদীনমীনদিব্যসম্প্রদায়কং
কলৌ মলৌঘভারহারিসর্বতীর্থনায়কম্ ।
সুমচ্ছকচ্ছনক্রচক্রবাকচক্রশর্মদে
ত্বদীয়পাদপঙ্কজং নমামি দেবি নর্মদে ॥ ২ ॥
মহাগভীরনীরপূরপাপধূতভূতলং
ধ্বনত্সমস্তপাতকারিদারিতাপদাচলম্ ।
জগল্লয়ে মহাভয়ে মৃকণ্ডুসূনুহর্ম্যদে
ত্বদীয়পাদপঙ্কজং নমামি দেবি নর্মদে ॥ ৩ ॥
গতং তদৈব মে ভয়ং ত্বদম্বু বীক্ষিতং য়দা
মৃকণ্ডুসূনুশৌনকাসুরারিসেবিতং সদা ।
পুনর্ভবাব্ধিজন্মজং ভবাব্ধিদুঃখবর্মদে
ত্বদীয়পাদপঙ্কজং নমামি দেবি নর্মদে ॥ ৪ ॥
অলক্ষ্যলক্ষকিন্নরামরাসুরাদিপূজিতং
সুলক্ষনীরতীরধীরপক্ষিলক্ষকূজিতম্ ।
বসিষ্ঠশিষ্টপিপ্পলাদিকর্দমাদিশর্মদে
ত্বদীয়পাদপঙ্কজং নমামি দেবি নর্মদে ॥ ৫ ॥
সনত্কুমারনাচিকেতকশ্যপাত্রিষত্পদৈঃ
ধৃতং স্বকীয়মানসেষু নারদাদিষতপদৈঃ ।
রবীন্দুরন্তিদেবদেবরাজকর্মশর্মদে
ত্বদীয়পাদপঙ্কজং নমামি দেবি নর্মদে ॥ ৬ ॥
অলক্ষলক্ষলক্ষপাপলক্ষসারসায়ুধং
ততস্তু জীবজন্তুতন্তুভুক্তিমুক্তিদায়কম্ ।
বিরিঞ্চিবিষ্ণুশংকরস্বকীয়ধামবর্মদে
ত্বদীয়পাদপঙ্কজং নমামি দেবি নর্মদে ॥ ৭ ॥
অহো ধৃতং স্বনং শ্রুতং মহেশিকেশজাতটে
কিরাতসূতবাডবেষু পণ্ডিতে শঠে নটে ।
দুরন্তপাপতাপহারি সর্বজন্তুশর্মদে
ত্বদীয়পাদপঙ্কজং নমামি দেবি নর্মদে ॥ ৮ ॥
ইদং তু নর্মদাষ্টকং ত্রিকালমেব য়ে সদা
পঠন্তি তে নিরন্তরং ন য়ন্তি দুর্গতিং কদা ।
সুলভ্যদেহদুর্লভং মহেশধামগৌরবং
পুনর্ভবা নরা ন বৈ বিলোকয়ন্তি রৌরবম্ ॥ ৯ ॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ
নর্মদাষ্টকং সম্পূর্ণম্ ॥
– Chant Stotra in Other Languages –
Hymn to River Narmada Lyrics in Sanskrit » English » Gujarati » Kannada » Malayalam » Odia » Telugu » Tamil