॥ Jayaditya Ashtak Bengali Lyrics ॥
জয়াদিত্যস্তোত্রম্ অথবা জয়াদিত্যাষ্টকম্
ন ত্বং কৃতঃ কেবলসংশ্রুতশ্চ য়জুষ্যেবং ব্যাহরত্যাদিদেব! ।
চতুর্বিধা ভারতী দূরদূরং ধৃষ্টঃ স্তৌমি স্বার্থকামঃ ক্ষমৈতত্ ॥ ১ ॥
মার্তণ্ডসূর্যাংশুরবিস্তথেন্দ্রো ভানুর্ভগশ্চাঽর্যমা স্বর্ণরেতাঃ ॥ ২ ॥
দিবাকরো মিত্রবিষ্ণুশ্চ দেব! খ্যাতস্ত্বং বৈ দ্বাদশাত্মা নমস্তে ।
লোকত্রয়ং বৈ তব গর্ভগেহং জলাধারঃ প্রোচ্যসে খং সমগ্রম্ ॥ ৩ ॥
নক্ষত্রমালা কুসুমাভিমালা তস্মৈ নমো ব্যোমলিঙ্গায় তুভ্যম্ ॥ ৪ ॥
ত্বং দেবদেবস্ত্বমনাথনাথস্ত্বং প্রাপ্যপালঃ কৃপণে কৃপালুঃ ।
ত্বং নেত্রনেত্রং জনবুদ্ধিবুদ্ধিরাকাশকাশো জয় জীবজীবঃ ॥ ৫ ॥
দারিদ্র্যদারিদ্র্য নিধে নিধীনামমঙ্গলামঙ্গল শর্মশর্ম ।
রোগপ্ররোগঃ প্রথিতঃ পৃথিব্যাং চিরং জয়াঽঽদিত্য! জয়াঽঽপ্রমেয়! ॥ ৬ ॥
ব্যাধিগ্রস্তং কুষ্ঠরোগাভিভূতং ভগ্নঘ্রাণং শীর্ণদেহং বিসংজ্ঞম্ ।
মাতা পিতা বান্ধবাঃ সন্ত্যজন্তি সর্বৈস্ত্যক্তং পাসি কোঽস্তি ত্বদন্যঃ ॥ ৭ ॥
ত্বং মে পিতা ত্বং জননী ত্বমেব ত্বং মে গুরুর্বান্ধবাশ্চ ত্বমেব ।
ত্বং মে ধর্মস্ত্বঞ্চ মে মোক্ষমার্গো দাসস্তুভ্যং ত্যজ বা রক্ষ দেব! ॥ ৮ ॥
পাপোঽস্মি মূঢোঽস্মি মহোগ্রকর্মা রৌদ্রোঽস্মি নাঽঽচারনিধানমস্মি ।
তথাপি তুভ্যং প্রণিপত্য পাদয়োর্জয়ং ভক্তানামর্পয়ং শ্রীজয়ার্ক! ॥ ৯ ॥
ফলশ্রুতিঃ
নারদ উবাচ-
এবং স্তুতো জয়াদিত্যঃ কমঠেন মহাত্মনা ।
স্নিগ্ধগম্ভীরয়াবাচা প্রাহ তং প্রহসন্নিব ॥ ১০ ॥
জয়াদিত্যাষ্টকমিদং য়ত্ত্বয়া পরিকীর্তিতম্ ।
অনেনস্তোষ্যতে য়ো মাম্ভুবি তস্য ন দুর্লভম্ ॥ ১১ ॥
রবিবারে বিশেষেণ মাং সমভ্যর্চ্য য়ঃ পঠেত্ ।
তস্য রোগানশিষ্যন্তি দারিদ্র্যঞ্চ ন সংশয়ঃ ॥ ১২ ॥
ত্বয়া চ তোষিতোবত্সতবদদ্মিবরন্ত্বমুম্ ।
সর্বজ্ঞো ভুবি ভূত্বা ত্বং ততো মুক্তিমবাপ্স্যসি ॥ ১৩ ॥
ত্বত্পিতা স্মৃতিকারশ্চ ভবিষ্যতি দ্বিজার্চিতঃ ।
স্থানস্যাঽস্য ন নাশশ্চ কদাচিত্প্রভবিষ্যতি ॥ ১৪ ॥
ন চৈতত্স্থানকং বত্স পরিত্যক্ষ্যামি কর্হিচিত্ ।
এবমুক্ত্বা স ভগবান্ব্রাহ্মণৈরর্চিতঃ স্তুতঃ ॥ ১৫ ॥
অনুজ্ঞাপ্য দ্বিজেন্দ্রাংস্তাংস্তত্রৈবাঽন্তর্দধে প্রভুঃ ।
এবং পার্থ সমুত্পন্নো জয়াদিত্যোঽত্র ভূতলে ॥ ১৬ ॥
আশ্বিনে মাসি সম্প্রাপ্তে রবিবারে চ সুব্রত!
আশ্বিনে ভানুবারেণ য়ো জয়াদিত্যমর্চয়েত্ ॥ ১৭ ॥
কোটিতীর্থে নরঃ স্নাত্বা ব্রহ্মহত্যাং ব্যপোহতি ।
পূজনাদ্রক্তমাল্যৈশ্চ রক্তচন্দনকুঙ্কুমৈঃ ॥ ১৮ ॥
লেপনাদ্গন্ধধূপাদ্যৈর্নৈবেদ্যৈর্ঘৃতপায়সৈঃ ।
ব্রহ্মঘ্নশ্চ সুরাপশ্চ স্তেয়ী চ গুরুতল্পগঃ ॥ ১৯ ॥
মুচ্যতে সর্বপাপেভ্যঃ সূর্যলোকঞ্চ গচ্ছতি ।
পুত্রদারধনান্যায়ুঃ প্রাপ্য সাংসারিকং সুখম্ ॥ ২০ ॥
ইষ্টকামৈঃ সমায়ুক্তঃ সূর্যলোকে চিরং বসেত্ ॥ ২১ ॥
সর্বেষু রবিবারেষু জয়াদিত্যস্য দর্শনম্ ।
কীর্তনং স্মরণং বাপি সর্বরোগোপশান্তিকম্ ॥ ২২ ॥
অনাদিনিধনং দেবমব্যক্তং তেজসান্নিধিম্ ।
য়ে ভক্তাস্তে চ লীয়ন্তে সৌরস্থানে নিরাময়ে ॥ ২৩ ॥
সূর্যোপরাগে সম্প্রাপ্তে রবিকূপে সমাহিতঃ ।
স্নানং য়ঃ কুরুতে পার্থ হোমং কুর্যাত্প্রয়ত্নতঃ ॥ ২৪ ॥
দানং চৈব য়থাশক্ত্যা জয়াদিত্যাগ্রতঃস্থিতঃ ।
তস্য পুণ্যস্য মাহাত্ম্যং শ্রুণুষ্বৈকমনাজয় ॥ ২৫ ॥
কুরুক্ষেত্রেষু য়ত্পুণ্যং প্রভাসে পুষ্করেষু চ ।
বারাণস্যাঞ্চ য়ত্পুণ্যং প্রয়াগে নৈমিষেঽপি বা ।
তত্পুণ্যং লভতে মর্ত্যো জয়াদিত্যপ্রসাদতঃ ॥ ২৬ ॥
ইতি শ্রীস্কান্দে মহাপুরাণে একাশীতিসাহস্র্যাং সংহিতায়াং
প্রথমে মাহেশ্বরখণ্ডে কৌমারিকাখণ্ডে
জয়াদিত্যমাহাত্ম্যবর্ণননামৈকপঞ্চাশত্তমোঽধ্যায়ে
জয়াদিত্যাষ্টকম্ ॥ ১ ॥
– Chant Stotra in Other Languages –
Jayaditya Stotram » Jayaditya Ashtak Lyrics in Sanskrit » English » Gujarati » Kannada » Malayalam » Odia » Telugu » Tamil