Bhagavata Purana skandha 11, adhyaya 2-5.
Conversation between nimi of videhas and navayogi (nine sons of Rishabha) Kavi, Hari, Antariksha, Prabuddha, Pippalayana, Avirhorta, Drumila, Chamasa and Karabhajana.
॥ Jayanteya Gita from Shrimad Bhagavata Odia Lyrics ॥
॥ ଜାୟନ୍ତେୟଗୀତା ଶ୍ରୀମଦ୍ଭାଗବତାନ୍ତର୍ଗତମ୍ ॥
ଶ୍ରୀଶୁକ ଉବାଚ ।
ଗୋବିନ୍ଦଭୁଜଗୁପ୍ତାୟାଂ ଦ୍ୱାରବତ୍ୟାଂ କୁରୂଦ୍ୱହ ।
ଅବାତ୍ସୀନ୍ନାରଦୋଽଭୀକ୍ଷ୍ଣଂ କୃଷ୍ଣୋପାସନଲାଲସଃ ॥ ୧୧.୨.୧ ॥
କୋ ନୁ ରାଜନ୍ନିନ୍ଦ୍ରିୟବାନ୍ମୁକୁନ୍ଦଚରଣାମ୍ବୁଜମ୍ ।
ନ ଭଜେତ୍ସର୍ୱତୋମୃତ୍ୟୁରୁପାସ୍ୟମମରୋତ୍ତମୈଃ ॥ ୧୧.୨.୨ ॥
ତମେକଦା ତୁ ଦେବର୍ଷିଂ ବସୁଦେବୋ ଗୃହାଗତମ୍ ।
ଅର୍ଚିତଂ ସୁଖମାସୀନମଭିବାଦ୍ୟେଦମବ୍ରବୀତ୍ ॥ ୧୧.୨.୩ ॥
ଶ୍ରୀବସୁଦେବ ଉବାଚ ।
ଭଗବନ୍ଭବତୋ ଯାତ୍ରା ସ୍ୱସ୍ତୟେ ସର୍ୱଦେହିନାମ୍ ।
କୃପଣାନାଂ ଯଥା ପିତ୍ରୋରୁତ୍ତମଶ୍ଲୋକବର୍ତ୍ମନାମ୍ ॥ ୧୧.୨.୪ ॥
ଭୂତାନାଂ ଦେବଚରିତଂ ଦୁଃଖାୟ ଚ ସୁଖାୟ ଚ ।
ସୁଖାୟୈବ ହି ସାଧୂନାଂ ତ୍ୱାଦୃଶାମଚ୍ୟୁତାତ୍ମନାମ୍ ॥ ୧୧.୨.୫ ॥
ଭଜନ୍ତି ଯେ ଯଥା ଦେବାନ୍ଦେବା ଅପି ତଥୈବ ତାନ୍ ।
ଛାୟେବ କର୍ମସଚିବାଃ ସାଧବୋ ଦୀନବତ୍ସଲାଃ ॥ ୧୧.୨.୬ ॥
ବ୍ରହ୍ମଂସ୍ତଥାପି ପୃଚ୍ଛାମୋ ଧର୍ମାନ୍ଭାଗବତାଂସ୍ତବ ।
ଯାନ୍ଶ୍ରୁତ୍ୱା ଶ୍ରଦ୍ଧୟା ମର୍ତ୍ୟୋ ମୁଚ୍ୟତେ ସର୍ୱତୋ ଭୟାତ୍ ॥ ୧୧.୨.୭ ॥
ଅହଂ କିଲ ପୁରାନନ୍ତଂ ପ୍ରଜାର୍ଥୋ ଭୁବି ମୁକ୍ତିଦମ୍ ।
ଅପୂଜୟଂ ନ ମୋକ୍ଷାୟ ମୋହିତୋ ଦେବମାୟଯା ॥ ୧୧.୨.୮ ॥
ଯଥା ବିଚିତ୍ରବ୍ୟସନାଦ୍ଭବଦ୍ଭିର୍ୱିଶ୍ୱତୋଭୟାତ୍ ।
ମୁଚ୍ୟେମ ହ୍ୟଞ୍ଜସୈବାଦ୍ଧା ତଥା ନଃ ଶାଧି ସୁବ୍ରତ ॥ ୧୧.୨.୯ ॥
ଶ୍ରୀଶୁକ ଉବାଚ ।
ରାଜନ୍ନେବଂ କୃତପ୍ରଶ୍ନୋ ବସୁଦେବେନ ଧୀମତା ।
ପ୍ରୀତସ୍ତମାହ ଦେବର୍ଷିର୍ହରେଃ ସଂସ୍ମାରିତୋ ଗୁଣୈଃ ॥ ୧୧.୨.୧୦ ॥
ଶ୍ରୀନାରଦ ଉବାଚ ।
ସମ୍ୟଗେତଦ୍ୱ୍ୟବସିତଂ ଭବତା ସାତ୍ୱତର୍ଷଭ ।
ଯତ୍ପୃଚ୍ଛସେ ଭାଗବତାନ୍ଧର୍ମାଂସ୍ତ୍ୱଂ ବିଶ୍ୱଭାବନାନ୍ ॥ ୧୧.୨.୧୧ ॥
ଶ୍ରୁତୋଽନୁପଠିତୋ ଧ୍ୟାତ ଆଦୃତୋ ବାନୁମୋଦିତଃ ।
ସଦ୍ୟଃ ପୁନାତି ସଦ୍ଧର୍ମୋ ଦେବବିଶ୍ୱଦ୍ରୁହୋଽପି ହି ॥ ୧୧.୨.୧୨ ॥
ତ୍ୱୟା ପରମକଲ୍ୟାଣଃ ପୁଣ୍ୟଶ୍ରବଣକୀର୍ତନଃ ।
ସ୍ମାରିତୋ ଭଗବାନଦ୍ୟ ଦେବୋ ନାରାୟଣୋ ମମ ॥ ୧୧.୨.୧୩ ॥
ଅତ୍ରାପ୍ୟୁଦାହରନ୍ତୀମମିତିହାସଂ ପୁରାତନମ୍ ।
ଆର୍ଷଭାଣାଂ ଚ ସଂବାଦଂ ବିଦେହସ୍ୟ ମହାତ୍ମନଃ ॥ ୧୧.୨.୧୪ ॥
ପ୍ରିୟବ୍ରତୋ ନାମ ସୁତୋ ମନୋଃ ସ୍ୱାୟମ୍ଭୁବସ୍ୟ ଯଃ ।
ତସ୍ୟାଗ୍ନୀଧ୍ରସ୍ତତୋ ନାଭିରୃଷଭସ୍ତତ୍ସୁତଃ ସ୍ମୃତଃ ॥ ୧୧.୨.୧୫ ॥
ତମାହୁର୍ୱାସୁଦେବାଂଶଂ ମୋକ୍ଷଧର୍ମବିବକ୍ଷୟା ।
ଅବତୀର୍ଣଂ ସୁତଶତଂ ତସ୍ୟାସୀଦ୍ବ୍ରହ୍ମପାରଗମ୍ ॥ ୧୧.୨.୧୬ ॥
ତେଷାଂ ବୈ ଭରତୋ ଜ୍ୟେଷ୍ଠୋ ନାରାୟଣପରାୟଣଃ ।
ବିଖ୍ୟାତଂ ବର୍ଷମେତଦ୍ୟନ୍ ନାମ୍ନା ଭାରତମଦ୍ଭୁତମ୍ ॥ ୧୧.୨.୧୭ ॥
ସ ଭୁକ୍ତଭୋଗାଂ ତ୍ୟକ୍ତ୍ୱେମାଂ ନିର୍ଗତସ୍ତପସା ହରିମ୍ ।
ଉପାସୀନସ୍ତତ୍ପଦବୀଂ ଲେଭେ ବୈ ଜନୃନଭିସ୍ତ୍ରିଭିଃ ॥ ୧୧.୨.୧୮ ॥
ତେଷାଂ ନବ ନବଦ୍ୱୀପ ପତୟୋଽସ୍ୟ ସମନ୍ତତଃ ।
କର୍ମତନ୍ତ୍ରପ୍ରଣେତାର ଏକାଶୀତିର୍ଦ୍ୱିଜାତୟଃ ॥ ୧୧.୨.୧୯ ॥
ନବାଭବନ୍ମହାଭାଗା ମୁନୟୋ ହ୍ୟର୍ଥଶଂସିନଃ ।
ଶ୍ରମଣା ବାତରସନା ଆତ୍ମବିଦ୍ୟାବିଶାରଦାଃ ॥ ୧୧.୨.୨୦ ॥
କବିର୍ହବିରନ୍ତରୀକ୍ଷଃ ପ୍ରବୁଦ୍ଧଃ ପିପ୍ପଲାୟନଃ ।
ଆବିର୍ହୋତ୍ରୋଽଥ ଦ୍ରୁମିଲଶ୍ଚମସଃ କରଭାଜନଃ ॥ ୧୧.୨.୨୧ ॥
ତ ଏତେ ଭଗବଦ୍ରୂପଂ ବିଶ୍ୱଂ ସଦସଦାତ୍ମକମ୍ ।
ଆତ୍ମନୋଽବ୍ୟତିରେକେଣ ପଶ୍ୟନ୍ତୋ ବ୍ୟଚରନ୍ମହୀମ୍ ॥ ୧୧.୨.୨୨ ॥
ଅବ୍ୟାହତେଷ୍ଟଗତୟଃ ସୁରସିଦ୍ଧସାଧ୍ୟ
ଗନ୍ଧର୍ୱୟକ୍ଷନରକିନ୍ନରନାଗଲୋକାନ୍ ।
ମୁକ୍ତାଶ୍ଚରନ୍ତି ମୁନିଚାରଣଭୂତନାଥ
ବିଦ୍ୟାଧରଦ୍ୱିଜଗବାଂ ଭୁବନାନି କାମମ୍ ॥ ୧୧.୨.୨୩ ॥
ତ ଏକଦା ନିମେଃ ସତ୍ରମୁପଜଗ୍ମୁର୍ୟଦୃଚ୍ଛୟା ।
ବିତାୟମାନମୃଷିଭିରଜନାଭେ ମହାତ୍ମନଃ ॥ ୧୧.୨.୨୪ ॥
ତାନ୍ଦୃଷ୍ଟ୍ୱା ସୂର୍ୟସଙ୍କାଶାନ୍ମହାଭାଗବତାନ୍ନୃପ ।
ଯଜମାନୋଽଗ୍ନୟୋ ବିପ୍ରାଃ ସର୍ୱ ଏବୋପତସ୍ଥିରେ ॥ ୧୧.୨.୨୫ ॥
ବିଦେହସ୍ତାନଭିପ୍ରେତ୍ୟ ନାରାୟଣପରାୟଣାନ୍ ।
ପ୍ରୀତଃ ସମ୍ପୂଜୟାଂ ଚକ୍ରେ ଆସନସ୍ଥାନ୍ୟଥାର୍ହତଃ ॥ ୧୧.୨.୨୬ ॥
ତାନ୍ରୋଚମାନାନ୍ସ୍ୱରୁଚା ବ୍ରହ୍ମପୁତ୍ରୋପମାନ୍ନବ ।
ପପ୍ରଚ୍ଛ ପରମପ୍ରୀତଃ ପ୍ରଶ୍ରୟାବନତୋ ନୃପଃ ॥ ୧୧.୨.୨୭ ॥
ଶ୍ରୀବିଦେହ ଉବାଚ ।
ମନ୍ୟେ ଭଗବତଃ ସାକ୍ଷାତ୍ପାର୍ଷଦାନ୍ୱୋ ମଧୁଦ୍ୱିସଃ ।
ବିଷ୍ଣୋର୍ଭୂତାନି ଲୋକାନାଂ ପାବନାୟ ଚରନ୍ତି ହି ॥ ୧୧.୨.୨୮ ॥
ଦୁର୍ଲଭୋ ମାନୁଷୋ ଦେହୋ ଦେହିନାଂ କ୍ଷଣଭଙ୍ଗୁରଃ ।
ତତ୍ରାପି ଦୁର୍ଲଭଂ ମନ୍ୟେ ବୈକୁଣ୍ଠପ୍ରିୟଦର୍ଶନମ୍ ॥ ୧୧.୨.୨୯ ॥
ଅତ ଆତ୍ୟନ୍ତିକଂ କ୍ଷେମଂ ପୃଚ୍ଛାମୋ ଭବତୋଽନଘାଃ ।
ସଂସାରେଽସ୍ମିନ୍କ୍ଷଣାର୍ଧୋଽପି ସତ୍ସଙ୍ଗଃ ଶେବଧିର୍ନୃଣାମ୍ ॥ ୧୧.୨.୩୦ ॥
ଧର୍ମାନ୍ଭାଗବତାନ୍ବ୍ରୂତ ଯଦି ନଃ ଶ୍ରୁତୟେ କ୍ଷମମ୍ ।
ଯୈଃ ପ୍ରସନ୍ନଃ ପ୍ରପନ୍ନାୟ ଦାସ୍ୟତ୍ୟାତ୍ମାନମପ୍ୟଜଃ ॥ ୧୧.୨.୩୧ ॥
ଶ୍ରୀନାରଦ ଉବାଚ ।
ଏବଂ ତେ ନିମିନା ପୃଷ୍ଟା ବସୁଦେବ ମହତ୍ତମାଃ ।
ପ୍ରତିପୂଜ୍ୟାବ୍ରୁବନ୍ପ୍ରୀତ୍ୟା ସସଦସ୍ୟର୍ତ୍ୱିଜଂ ନୃପମ୍ ॥ ୧୧.୨.୩୨ ॥
ଶ୍ରୀକବିରୁବାଚ ।
ମନ୍ୟେଽକୁତଶ୍ଚିଦ୍ଭୟମଚ୍ୟୁତସ୍ୟ ପାଦାମ୍ବୁଜୋପାସନମତ୍ର ନିତ୍ୟମ୍ ।
ଉଦ୍ୱିଗ୍ନବୁଦ୍ଧେରସଦାତ୍ମଭାବାଦ୍ୱିଶ୍ୱାତ୍ମନା ଯତ୍ର ନିବର୍ତତେ ଭୀଃ ॥ ୧୧.୨.୩୩ ॥
ଯେ ବୈ ଭଗବତା ପ୍ରୋକ୍ତା ଉପାୟା ହ୍ୟାତ୍ମଲବ୍ଧୟେ ।
ଅଞ୍ଜଃ ପୁଂସାମବିଦୁଷାଂ ବିଦ୍ଧି ଭାଗବତାନ୍ହି ତାନ୍ ॥ ୧୧.୨.୩୪ ॥
ଯାନାସ୍ଥାୟ ନରୋ ରାଜନ୍ନ ପ୍ରମାଦ୍ୟେତ କର୍ହିଚିତ୍ ।
ଧାବନ୍ନିମୀଲ୍ୟ ବା ନେତ୍ରେ ନ ସ୍ଖଲେନ୍ନ ପତେଦିହ ॥ ୧୧.୨.୩୫ ॥
କାୟେନ ବାଚା ମନସେନ୍ଦ୍ରିୟୈର୍ୱା ବୁଦ୍ଧ୍ୟାତ୍ମନା ବାନୁସୃତସ୍ୱଭାବାତ୍ ।
କରୋତି ଯଦ୍ୟତ୍ସକଲଂ ପରସ୍ମୈ ନାରାୟଣାୟେତି ସମର୍ପୟେତ୍ତତ୍ ॥ ୧୧.୨.୩୬ ॥
ଭୟଂ ଦ୍ୱିତୀୟାଭିନିବେଶତଃ ସ୍ୟାଦୀଶାଦପେତସ୍ୟ ବିପର୍ୟଯୋଽସ୍ମୃତିଃ ।
ତନ୍ମାୟଯାତୋ ବୁଧ ଆଭଜେତ୍ତଂ ଭକ୍ତ୍ୟୈକୟେଶଂ ଗୁରୁଦେବତାତ୍ମା ॥ ୧୧.୨.୩୭ ॥
ଅବିଦ୍ୟମାନୋଽପ୍ୟବଭାତି ହି ଦ୍ୱୟୋ ଧ୍ୟାତୁର୍ଧିୟା ସ୍ୱପ୍ନମନୋରଥୌ ଯଥା ।
ତତ୍କର୍ମସଙ୍କଲ୍ପବିକଲ୍ପକଂ ମନୋ ବୁଧୋ ନିରୁନ୍ଧ୍ୟାଦଭୟଂ ତତଃ ସ୍ୟାତ୍ ॥ ୧୧.୨.୩୮ ॥
ଶୃଣ୍ୱନ୍ସୁଭଦ୍ରାଣି ରଥାଙ୍ଗପାଣେର୍ଜନ୍ମାନି କର୍ମାଣି ଚ ଯାନି ଲୋକେ ।
ଗୀତାନି ନାମାନି ତଦର୍ଥକାନି ଗାୟନ୍ୱିଲଜ୍ଜୋ ବିଚରେଦସଙ୍ଗଃ ॥ ୧୧.୨.୩୯ ॥
ଏବଂବ୍ରତଃ ସ୍ୱପ୍ରିୟନାମକୀର୍ତ୍ୟା ଜାତାନୁରାଗୋ ଦ୍ରୁତଚିତ୍ତ ଉଚ୍ଚୈଃ ।
ହସତ୍ୟଥୋ ରୋଦିତି ରୌତି ଗାୟତ୍ୟୁନ୍ମାଦବନ୍ନୃତ୍ୟତି ଲୋକବାହ୍ୟଃ ॥ ୧୧.୨.୪୦ ॥
ଖଂ ବାୟୁମଗ୍ନିଂ ସଲିଲଂ ମହୀଂ ଚ ଜ୍ୟୋତୀଂଷି ସତ୍ତ୍ୱାନି ଦିଶୋ ଦ୍ରୁମାଦୀନ୍ ।
ସରିତ୍ସମୁଦ୍ରାଂଶ୍ଚ ହରେଃ ଶରୀରଂ ଯତ୍କିଂ ଚ ଭୂତଂ ପ୍ରଣମେଦନନ୍ୟଃ ॥ ୧୧.୨.୪୧ ॥
ଭକ୍ତିଃ ପରେଶାନୁଭବୋ ବିରକ୍ତିରନ୍ୟତ୍ର ଚୈଷ ତ୍ରିକ ଏକକାଲଃ ।
ପ୍ରପଦ୍ୟମାନସ୍ୟ ଯଥାଶ୍ନତଃ ସ୍ୟୁସ୍ତୁଷ୍ଟିଃ ପୁଷ୍ଟିଃ କ୍ଷୁଦପାୟୋଽନୁଘାସମ୍ ॥ ୧୧.୨.୪୨ ॥
ଇତ୍ୟଚ୍ୟୁତାଙ୍ଘ୍ରିଂ ଭଜତୋଽନୁବୃତ୍ତ୍ୟା ଭକ୍ତିର୍ୱିରକ୍ତିର୍ଭଗବତ୍ପ୍ରବୋଧଃ ।
ଭବନ୍ତି ବୈ ଭାଗବତସ୍ୟ ରାଜଂସ୍ତତଃ ପରାଂ ଶାନ୍ତିମୁପୈତି ସାକ୍ଷାତ୍ ॥ ୧୧.୨.୪୩ ॥
ଶ୍ରୀରାଜୋବାଚ ।
ଅଥ ଭାଗବତଂ ବ୍ରୂତ ଯଦ୍ଧର୍ମୋ ଯାଦୃଶୋ ନୃଣାମ୍ ।
ଯଥାଚରତି ଯଦ୍ବ୍ରୂତେ ଯୈର୍ଲିଙ୍ଗୈର୍ଭଗବତ୍ପ୍ରିୟଃ ॥ ୧୧.୨.୪୪ ॥
ଶ୍ରୀହବିରୁବାଚ ।
ସର୍ୱଭୂତେଷୁ ଯଃ ପଶ୍ୟେଦ୍ଭଗବଦ୍ଭାବମାତ୍ମନଃ ।
ଭୂତାନି ଭଗବତ୍ୟାତ୍ମନ୍ୟେଷ ଭାଗବତୋତ୍ତମଃ ॥ ୧୧.୨.୪୫ ॥
ଈସ୍ୱରେ ତଦଧୀନେଷୁ ବାଲିଶେଷୁ ଦ୍ୱିଷତ୍ସୁ ଚ ।
ପ୍ରେମମୈତ୍ରୀକୃପୋପେକ୍ଷା ଯଃ କରୋତି ସ ମଧ୍ୟମଃ ॥ ୧୧.୨.୪୬ ॥
ଅର୍ଚାୟାମେବ ହରୟେ ପୂଜାଂ ଯଃ ଶ୍ରଦ୍ଧୟେହତେ ।
ନ ତଦ୍ଭକ୍ତେଷୁ ଚାନ୍ୟେଷୁ ସ ଭକ୍ତଃ ପ୍ରାକୃତଃ ସ୍ମୃତଃ ॥ ୧୧.୨.୪୭ ॥
ଗୃହୀତ୍ୱାପୀନ୍ଦ୍ରିୟୈରର୍ଥାନ୍ୟୋ ନ ଦ୍ୱେଷ୍ଟି ନ ହୃଷ୍ୟତି ।
ବିଷ୍ଣୋର୍ମାୟାମିଦଂ ପଶ୍ୟନ୍ସ ବୈ ଭାଗବତୋତ୍ତମଃ ॥ ୧୧.୨.୪୮ ॥
ଦେହେନ୍ଦ୍ରିୟପ୍ରାଣମନୋଧିୟାଂ ଯୋ ଜନ୍ମାପ୍ୟଯକ୍ଷୁଦ୍ଭୟତର୍ଷକୃଚ୍ଛ୍ରୈଃ ।
ସଂସାରଧର୍ମୈରବିମୁହ୍ୟମାନଃ ସ୍ମୃତ୍ୟା ହରେର୍ଭାଗବତପ୍ରଧାନଃ ॥ ୧୧.୨.୪୯ ॥
ନ କାମକର୍ମବୀଜାନାଂ ଯସ୍ୟ ଚେତସି ସମ୍ଭବଃ ।
ବାସୁଦେବୈକନିଲୟଃ ସ ବୈ ଭାଗବତୋତ୍ତମଃ ॥ ୧୧.୨.୫୦ ॥
ନ ଯସ୍ୟ ଜନ୍ମକର୍ମଭ୍ୟାଂ ନ ବର୍ଣାଶ୍ରମଜାତିଭିଃ ।
ସଜ୍ଜତେଽସ୍ମିନ୍ନହଂଭାବୋ ଦେହେ ବୈ ସ ହରେଃ ପ୍ରିୟଃ ॥ ୧୧.୨.୫୧ ॥
ନ ଯସ୍ୟ ସ୍ୱଃ ପର ଇତି ବିତ୍ତେଷ୍ୱାତ୍ମନି ବା ଭିଦା ।
ସର୍ୱଭୂତସମଃ ଶାନ୍ତଃ ସ ବୈ ଭାଗବତୋତ୍ତମଃ ॥ ୧୧.୨.୫୨ ॥
ତ୍ରିଭୁବନବିଭବହେତବେଽପ୍ୟକୁଣ୍ଠ
ସ୍ମୃତିରଜିତାତ୍ମସୁରାଦିଭିର୍ୱିମୃଗ୍ୟାତ୍ ।
ନ ଚଲତି ଭଗବତ୍ପଦାରବିନ୍ଦାଲ୍
ଲବନିମିଷାର୍ଧମପି ଯଃ ସ ବୈଷ୍ଣବାଗ୍ର୍ୟଃ ॥ ୧୧.୨.୫୩ ॥
ଭଗବତ ଉରୁବିକ୍ରମାଙ୍ଘ୍ରିଶାଖା ନଖମଣିଚନ୍ଦ୍ରିକୟା ନିରସ୍ତତାପେ ।
ହୃଦି କଥମୁପସୀଦତାଂ ପୁନଃ ସ ପ୍ରଭବତି ଚନ୍ଦ୍ର ଇବୋଦିତେଽର୍କତାପଃ ॥ ୧୧.୨.୫୪ ॥
ବିସୃଜତି ହୃଦୟଂ ନ ଯସ୍ୟ ସାକ୍ଷାଦ୍ଧରିରବଶାଭିହିତୋଽପ୍ୟଘୌଘନାଶଃ ।
ପ୍ରଣୟରସନୟା ଧୃତାଙ୍ଘ୍ରିପଦ୍ମଃ ସ ଭବତି ଭାଗବତପ୍ରଧାନ ଉକ୍ତଃ ॥ ୧୧.୨.୫୫ ॥
ଶ୍ରୀରାଜୋବାଚ ।
ପରସ୍ୟ ବିଷ୍ଣୋରୀଶସ୍ୟ ମାୟିନାମପି ମୋହିନୀମ୍ ।
ମାୟାଂ ବେଦିତୁମିଚ୍ଛାମୋ ଭଗବନ୍ତୋ ବ୍ରୁବନ୍ତୁ ନଃ ॥ ୧୧.୩.୧ ॥
ନାନୁତୃପ୍ୟେ ଜୁଷନ୍ୟୁଷ୍ମଦ୍ ବଚୋ ହରିକଥାମୃତମ୍ ।
ସଂସାରତାପନିସ୍ତପ୍ତୋ ମର୍ତ୍ୟସ୍ତତ୍ତାପଭେଷଜମ୍ ॥ ୧୧.୩.୨ ॥
ଶ୍ରୀଅନ୍ତରୀକ୍ଷ ଉବାଚ ।
ଏଭିର୍ଭୂତାନି ଭୂତାତ୍ମା ମହାଭୂତୈର୍ମହାଭୁଜ ।
ସସର୍ଜୋଚ୍ଚାବଚାନ୍ୟାଦ୍ୟଃ ସ୍ୱମାତ୍ରାତ୍ମପ୍ରସିଦ୍ଧୟେ ॥ ୧୧.୩.୩ ॥
ଏବଂ ସୃଷ୍ଟାନି ଭୂତାନି ପ୍ରବିଷ୍ଟଃ ପଞ୍ଚଧାତୁଭିଃ ।
ଏକଧା ଦଶଧାତ୍ମାନଂ ବିଭଜନ୍ଜୁଷତେ ଗୁଣାନ୍ ॥ ୧୧.୩.୪ ॥
ଗୁଣୈର୍ଗୁଣାନ୍ସ ଭୁଞ୍ଜାନ ଆତ୍ମପ୍ରଦ୍ୟୋତିତୈଃ ପ୍ରଭୁଃ ।
ମନ୍ୟମାନ ଇଦଂ ସୃଷ୍ଟମାତ୍ମାନମିହ ସଜ୍ଜତେ ॥ ୧୧.୩.୫ ॥
କର୍ମାଣି କର୍ମଭିଃ କୁର୍ୱନ୍ସନିମିତ୍ତାନି ଦେହଭୃତ୍ ।
ତତ୍ତତ୍କର୍ମଫଲଂ ଗୃହ୍ଣନ୍ଭ୍ରମତୀହ ସୁଖେତରମ୍ ॥ ୧୧.୩.୬ ॥
ଇତ୍ଥଂ କର୍ମଗତୀର୍ଗଚ୍ଛନ୍ବହ୍ୱଭଦ୍ରବହାଃ ପୁମାନ୍ ।
ଆଭୂତସମ୍ପ୍ଲବାତ୍ସର୍ଗ ପ୍ରଲୟାବଶ୍ନୁତେଽବଶଃ ॥ ୧୧.୩.୭ ॥
ଧାତୂପପ୍ଲବ ଆସନ୍ନେ ବ୍ୟକ୍ତଂ ଦ୍ରବ୍ୟଗୁଣାତ୍ମକମ୍ ।
ଅନାଦିନିଧନଃ କାଲୋ ହ୍ୟବ୍ୟକ୍ତାୟାପକର୍ଷତି ॥ ୧୧.୩.୮ ॥
ଶତବର୍ଷା ହ୍ୟନାବୃଷ୍ଟିର୍ଭବିଷ୍ୟତ୍ୟୁଲ୍ବଣା ଭୁବି ।
ତତ୍କାଲୋପଚିତୋଷ୍ଣାର୍କୋ ଲୋକାଂସ୍ତ୍ରୀନ୍ପ୍ରତପିଷ୍ୟତି ॥ ୧୧.୩.୯ ॥
ପାତାଲତଲମାରଭ୍ୟ ସଙ୍କର୍ଷଣମୁଖାନଲଃ ।
ଦହନ୍ନୂର୍ଧ୍ୱଶିଖୋ ବିଷ୍ୱଗ୍ୱର୍ଧତେ ବାୟୁନେରିତଃ ॥ ୧୧.୩.୧୦ ॥
ସଂବର୍ତକୋ ମେଘଗଣୋ ବର୍ଷତି ସ୍ମ ଶତଂ ସମାଃ ।
ଧାରାଭିର୍ହସ୍ତିହସ୍ତାଭିର୍ଲୀୟତେ ସଲିଲେ ବିରାଟ୍ ॥ ୧୧.୩.୧୧ ॥
ତତୋ ବିରାଜମୁତ୍ସୃଜ୍ୟ୍ ବୈରାଜଃ ପୁରୁଷୋ ନୃପ ।
ଅବ୍ୟକ୍ତଂ ବିଶତେ ସୂକ୍ଷ୍ମଂ ନିରିନ୍ଧନ ଇବାନଲଃ ॥ ୧୧.୩.୧୨ ॥
ବାୟୁନା ହୃତଗନ୍ଧା ଭୂଃ ସଲିଲତ୍ୱାୟ କଲ୍ପତେ ।
ସଲିଲଂ ତଦ୍ଧୃତରସଂ ଜ୍ୟୋତିଷ୍ଟ୍ୱାୟୋପକଲ୍ପତେ ॥ ୧୧.୩.୧୩ ॥
ହୃତରୂପଂ ତୁ ତମସା ବାୟୌ ଜ୍ୟୋତିଃ ପ୍ରଲୀୟତେ ।
ହୃତସ୍ପର୍ଶୋଽବକାଶେନ ବାୟୁର୍ନଭସି ଲୀୟତେ ॥ ୧୧.୩.୧୪ ॥
କାଲାତ୍ମନା ହୃତଗୁଣଂ ନଭ ଆତ୍ମନି ଲୀୟତେ ॥ ୧୧.୩.୧୪୫ ॥
ଇନ୍ଦ୍ରିୟାଣି ମନୋ ବୁଦ୍ଧିଃ ସହ ବୈକାରିକୈର୍ନୃପ ।
ପ୍ରବିଶନ୍ତି ହ୍ୟହଙ୍କାରଂ ସ୍ୱଗୁଣୈରହମାତ୍ମନି ॥ ୧୧.୩.୧୫ ॥
ଏଷା ମାୟା ଭଗବତଃ ସର୍ଗସ୍ଥିତ୍ୟନ୍ତକାରିଣୀ ।
ତ୍ରିବର୍ଣା ବର୍ଣିତାସ୍ମାଭିଃ କିଂ ଭୂୟଃ ଶ୍ରୋତୁମିଚ୍ଛସି ॥ ୧୧.୩.୧୬ ॥
ଶ୍ରୀରାଜୋବାଚ ।
ଯଥୈତାମୈଶ୍ୱରୀଂ ମାୟାଂ ଦୁସ୍ତରାମକୃତାତ୍ମଭିଃ ।
ତରନ୍ତ୍ୟଞ୍ଜଃ ସ୍ଥୂଲଧିୟୋ ମହର୍ଷ ଇଦମୁଚ୍ୟତାମ୍ ॥ ୧୧.୩.୧୭ ॥
ଶ୍ରୀପ୍ରବୁଦ୍ଧ ଉବାଚ ।
କର୍ମାଣ୍ୟାରଭମାଣାନାଂ ଦୁଃଖହତ୍ୟୈ ସୁଖାୟ ଚ ।
ପଶ୍ୟେତ୍ପାକବିପର୍ୟାସଂ ମିଥୁନୀଚାରିଣାଂ ନୃଣାମ୍ ॥ ୧୧.୩.୧୮ ॥
ନିତ୍ୟାର୍ତିଦେନ ବିତ୍ତେନ ଦୁର୍ଲଭେନାତ୍ମମୃତ୍ୟୁନା ।
ଗୃହାପତ୍ୟାପ୍ତପଶୁଭିଃ କା ପ୍ରୀତିଃ ସାଧିତୈଶ୍ଚଲୈଃ ॥ ୧୧.୩.୧୯ ॥
ଏବଂ ଲୋକଂ ପରମ୍ୱିଦ୍ୟାନ୍ନଶ୍ୱରଂ କର୍ମନିର୍ମିତମ୍ ।
ସତୁଲ୍ୟାତିଶୟଧ୍ୱଂସଂ ଯଥା ମଣ୍ଡଲବର୍ତିନାମ୍ ॥ ୧୧.୩.୨୦ ॥
ତସ୍ମାଦ୍ଗୁରୁଂ ପ୍ରପଦ୍ୟେତ ଜିଜ୍ଞାସୁଃ ଶ୍ରେୟ ଉତ୍ତମମ୍ ।
ଶାବ୍ଦେ ପରେ ଚ ନିଷ୍ଣାତଂ ବ୍ରହ୍ମଣ୍ୟୁପଶମାଶ୍ରୟମ୍ ॥ ୧୧.୩.୨୧ ॥
ତତ୍ର ଭାଗବତାନ୍ଧର୍ମାନ୍ଶିକ୍ଷେଦ୍ଗୁର୍ୱାତ୍ମଦୈବତଃ ।
ଅମାୟଯାନୁବୃତ୍ତ୍ୟା ଯୈସ୍ତୁଷ୍ୟେଦାତ୍ମାତ୍ମଦୋ ହରିଃ ॥ ୧୧.୩.୨୨ ॥
ସର୍ୱତୋ ମନସୋଽସଙ୍ଗମାଦୌ ସଙ୍ଗଂ ଚ ସାଧୁଷୁ ।
ଦୟାଂ ମୈତ୍ରୀଂ ପ୍ରଶ୍ରୟଂ ଚ ଭୂତେଷ୍ୱଦ୍ଧା ଯଥୋଚିତମ୍ ॥ ୧୧.୩.୨୩ ॥
ଶୌଚଂ ତପସ୍ତିତିକ୍ଷାଂ ଚ ମୌନଂ ସ୍ୱାଧ୍ୟାୟମାର୍ଜବମ୍ ।
ବ୍ରହ୍ମଚର୍ୟମହିଂସାଂ ଚ ସମତ୍ୱଂ ଦ୍ୱନ୍ଦ୍ୱସଂଜ୍ଞୟୋଃ ॥ ୧୧.୩.୨୪ ॥
ସର୍ୱତ୍ରାତ୍ମେଶ୍ୱରାନ୍ୱୀକ୍ଷାଂ କୈବଲ୍ୟମନିକେତତାମ୍ ।
ବିବିକ୍ତଚୀରବସନଂ ସନ୍ତୋଷଂ ଯେନ କେନଚିତ୍ ॥ ୧୧.୩.୨୫ ॥
ଶ୍ରଦ୍ଧାଂ ଭାଗବତେ ଶାସ୍ତ୍ରେଽନିନ୍ଦାମନ୍ୟତ୍ର ଚାପି ହି ।
ମନୋବାକ୍କର୍ମଦଣ୍ଡଂ ଚ ସତ୍ୟଂ ଶମଦମାବପି ॥ ୧୧.୩.୨୬ ॥
ଶ୍ରବଣଂ କୀର୍ତନଂ ଧ୍ୟାନଂ ହରେରଦ୍ଭୁତକର୍ମଣଃ ।
ଜନ୍ମକର୍ମଗୁଣାନାଂ ଚ ତଦର୍ଥେଽଖିଲଚେଷ୍ଟିତମ୍ ॥ ୧୧.୩.୨୭ ॥
ଇଷ୍ଟଂ ଦତ୍ତଂ ତପୋ ଜପ୍ତଂ ବୃତ୍ତଂ ଯଚ୍ଚାତ୍ମନଃ ପ୍ରିୟମ୍ ।
ଦାରାନ୍ସୁତାନ୍ଗୃହାନ୍ପ୍ରାଣାନ୍ୟତ୍ପରସ୍ମୈ ନିବେଦନମ୍ ॥ ୧୧.୩.୨୮ ॥
ଏବଂ କୃଷ୍ଣାତ୍ମନାଥେଷୁ ମନୁଷ୍ୟେଷୁ ଚ ସୌହୃଦମ୍ ।
ପରିଚର୍ୟାଂ ଚୋଭୟତ୍ର ମହତ୍ସୁ ନୃଷୁ ସାଧୁଷୁ ॥ ୧୧.୩.୨୯ ॥
ପରସ୍ପରାନୁକଥନଂ ପାବନଂ ଭଗବଦ୍ୟଶଃ ।
ମିଥୋ ରତିର୍ମିଥସ୍ତୁଷ୍ଟିର୍ନିବୃତ୍ତିର୍ମିଥ ଆତ୍ମନଃ ॥ ୧୧.୩.୩୦ ॥
ସ୍ମରନ୍ତଃ ସ୍ମାରୟନ୍ତଶ୍ଚ ମିଥୋଽଘୌଘହରଂ ହରିମ୍ ।
ଭକ୍ତ୍ୟା ସଞ୍ଜାତୟା ଭକ୍ତ୍ୟା ବିଭ୍ରତ୍ୟୁତ୍ପୁଲକାଂ ତନୁମ୍ ॥ ୧୧.୩.୩୧ ॥
କ୍ୱଚିଦ୍ରୁଦନ୍ତ୍ୟଚ୍ୟୁତଚିନ୍ତୟା କ୍ୱଚିଦ୍
ଧସନ୍ତି ନନ୍ଦନ୍ତି ବଦନ୍ତ୍ୟଲୌକିକାଃ ।
ନୃତ୍ୟନ୍ତି ଗାୟନ୍ତ୍ୟନୁଶୀଲୟନ୍ତ୍ୟଜଂ
ଭବନ୍ତି ତୂଷ୍ଣୀଂ ପରମେତ୍ୟ ନିର୍ୱୃତାଃ ॥ ୧୧.୩.୩୨ ॥
ଇତି ଭାଗବତାନ୍ଧର୍ମାନ୍ଶିକ୍ଷନ୍ଭକ୍ତ୍ୟା ତଦୁତ୍ଥୟା ।
ନାରାୟଣପରୋ ମାୟାମଞ୍ଜସ୍ତରତି ଦୁସ୍ତରାମ୍ ॥ ୧୧.୩.୩୩ ॥
ଶ୍ରୀରାଜୋବାଚ ।
ନାରାୟଣାଭିଧାନସ୍ୟ ବ୍ରହ୍ମଣଃ ପରମାତ୍ମନଃ ।
ନିଷ୍ଠାମର୍ହଥ ନୋ ବକ୍ତୁଂ ଯୂୟଂ ହି ବ୍ରହ୍ମବିତ୍ତମାଃ ॥ ୧୧.୩.୩୪ ॥
ଶ୍ରୀପିପ୍ପଲାୟନ ଉବାଚ ।
ସ୍ଥିତ୍ୟୁଦ୍ଭବପ୍ରଲୟହେତୁରହେତୁରସ୍ୟ
ଯତ୍ସ୍ୱପ୍ନଜାଗରସୁଷୁପ୍ତିଷୁ ସଦ୍ବହିଶ୍ଚ ।
ଦେହେନ୍ଦ୍ରିୟାସୁହୃଦୟାନି ଚରନ୍ତି ଯେନ
ସଞ୍ଜୀବିତାନି ତଦବେହି ପରଂ ନରେନ୍ଦ୍ର ॥ ୧୧.୩.୩୫ ॥
ନୈତନ୍ମନୋ ବିଶତି ବାଗୁତ ଚକ୍ଷୁରାତ୍ମା
ପ୍ରାଣେନ୍ଦ୍ରିୟାଣି ଚ ଯଥାନଲମର୍ଚିଷଃ ସ୍ୱାଃ ।
ଶବ୍ଦୋଽପି ବୋଧକନିଷେଧତୟାତ୍ମମୂଲମ୍
ଅର୍ଥୋକ୍ତମାହ ଯଦୃତେ ନ ନିଷେଧସିଦ୍ଧିଃ ॥ ୧୧.୩.୩୬ ॥
ସତ୍ତ୍ୱଂ ରଜସ୍ତମ ଇତି ତ୍ରିବୃଦେକମାଦୌ
ସୂତ୍ରଂ ମହାନହମିତି ପ୍ରବଦନ୍ତି ଜୀବମ୍ ।
ଜ୍ଞାନକ୍ରିୟାର୍ଥଫଲରୂପତୟୋରୁଶକ୍ତି
ବ୍ରହ୍ମୈବ ଭାତି ସଦସଚ୍ଚ ତୟୋଃ ପରଂ ଯତ୍ ॥ ୧୧.୩.୩୭ ॥
ନାତ୍ମା ଜଜାନ ନ ମରିଷ୍ୟତି ନୈଧତେଽସୌ
ନ କ୍ଷୀୟତେ ସବନବିଦ୍ୱ୍ୟଭିଚାରିଣାଂ ହି ।
ସର୍ୱତ୍ର ଶଶ୍ୱଦନପାୟ୍ୟୁପଲବ୍ଧିମାତ୍ରଂ
ପ୍ରାଣୋ ଯଥେନ୍ଦ୍ରିୟବଲେନ ବିକଲ୍ପିତଂ ସତ୍ ॥ ୧୧.୩.୩୮ ॥
ଅଣ୍ଡେଷୁ ପେଶିଷୁ ତରୁଷ୍ୱବିନିଶ୍ଚିତେଷୁ ପ୍ରାଣୋ ହି ଜୀବମୁପଧାବତି ତତ୍ର ତତ୍ର ।
ସନ୍ନେ ଯଦିନ୍ଦ୍ରିୟଗଣେଽହମି ଚ ପ୍ରସୁପ୍ତେ କୂଟସ୍ଥ ଆଶୟମୃତେ ତଦନୁସ୍ମୃତିର୍ନଃ ॥ ୧୧.୩.୩୯ ॥
ଯର୍ହ୍ୟବ୍ଜନାଭଚରଣୈଷଣୟୋରୁଭକ୍ତ୍ୟା
ଚେତୋମଲାନି ବିଧମେଦ୍ଗୁଣକର୍ମଜାନି ।
ତସ୍ମିନ୍ୱିଶୁଦ୍ଧ ଉପଲଭ୍ୟତ ଆତ୍ମତତ୍ତ୍ୱଂ
ଶାକ୍ଷାଦ୍ୟଥାମଲଦୃଶୋଃ ସବିତୃପ୍ରକାଶଃ ॥ ୧୧.୩.୪୦ ॥
ଶ୍ରୀରାଜୋବାଚ ।
କର୍ମୟୋଗଂ ବଦତ ନଃ ପୁରୁଷୋ ଯେନ ସଂସ୍କୃତଃ ।
ବିଧୂୟେହାଶୁ କର୍ମାଣି ନୈଷ୍କର୍ମ୍ୟଂ ବିନ୍ଦତେ ପରମ୍ ॥ ୧୧.୩.୪୧ ॥
ଏବଂ ପ୍ରଶ୍ନମୃଷୀନ୍ପୂର୍ୱମପୃଚ୍ଛଂ ପିତୁରନ୍ତିକେ ।
ନାବ୍ରୁବନ୍ବ୍ରହ୍ମଣଃ ପୁତ୍ରାସ୍ତତ୍ର କାରଣମୁଚ୍ୟତାମ୍ ॥ ୧୧.୩.୪୨ ॥
ଶ୍ରୀଆବିର୍ହୋତ୍ର ଉବାଚ ।
କର୍ମାକର୍ମ ବିକର୍ମେତି ବେଦବାଦୋ ନ ଲୌକିକଃ ।
ବେଦସ୍ୟ ଚେଶ୍ୱରାତ୍ମତ୍ୱାତ୍ତତ୍ର ମୁହ୍ୟନ୍ତି ସୂରୟଃ ॥ ୧୧.୩.୪୩ ॥
ପରୋକ୍ଷବାଦୋ ବେଦୋଽୟଂ ବାଲାନାମନୁଶାସନମ୍ ।
କର୍ମମୋକ୍ଷାୟ କର୍ମାଣି ବିଧତ୍ତେ ହ୍ୟଗଦଂ ଯଥା ॥ ୧୧.୩.୪୪ ॥
ନାଚରେଦ୍ୟସ୍ତୁ ବେଦୋକ୍ତଂ ସ୍ୱୟମଜ୍ଞୋଽଜିତେନ୍ଦ୍ରିୟଃ ।
ବିକର୍ମଣା ହ୍ୟଧର୍ମେଣ ମୃତ୍ୟୋର୍ମୃତ୍ୟୁମୁପୈତି ସଃ ॥ ୧୧.୩.୪୫ ॥
ବେଦୋକ୍ତମେବ କୁର୍ୱାଣୋ ନିଃସଙ୍ଗୋଽର୍ପିତମୀଶ୍ୱରେ ।
ନୈଷ୍କର୍ମ୍ୟଂ ଲଭତେ ସିଦ୍ଧିଂ ରୋଚନାର୍ଥା ଫଲଶ୍ରୁତିଃ ॥ ୧୧.୩.୪୬ ॥
ଯ ଆଶୁ ହୃଦୟଗ୍ରନ୍ଥିଂ ନିର୍ଜିହୀଋଷୁଃ ପରାତ୍ମନଃ ।
ବିଧିନୋପଚରେଦ୍ଦେବଂ ତନ୍ତ୍ରୋକ୍ତେନ ଚ କେଶବମ୍ ॥ ୧୧.୩.୪୭ ॥
ଲବ୍ଧ୍ୱାନୁଗ୍ରହ ଆଚାର୍ୟାତ୍ତେନ ସନ୍ଦର୍ଶିତାଗମଃ ।
ମହାପୁରୁଷମଭ୍ୟର୍ଚେନ୍ମୂର୍ତ୍ୟାଭିମତୟାତ୍ମନଃ ॥ ୧୧.୩.୪୮ ॥
ଶୁଚିଃ ସମ୍ମୁଖମାସୀନଃ ପ୍ରାଣସଂୟମନାଦିଭିଃ ।
ପିଣ୍ଡଂ ବିଶୋଧ୍ୟ ସନ୍ନ୍ୟାସ କୃତରକ୍ଷୋଽର୍ଚୟେଦ୍ଧରିମ୍ ॥ ୧୧.୩.୪୯ ॥
ଅର୍ଚାଦୌ ହୃଦୟେ ଚାପି ଯଥାଲବ୍ଧୋପଚାରକୈଃ ।
ଦ୍ରବ୍ୟକ୍ଷିତ୍ୟାତ୍ମଲିଣ୍ଗାନି ନିଷ୍ପାଦ୍ୟ ପ୍ରୋକ୍ଷ୍ୟ ଚାସନମ୍ ॥ ୧୧.୩.୫୦ ॥
ପାଦ୍ୟାଦୀନୁପକଲ୍ପ୍ୟାଥ ସନ୍ନିଧାପ୍ୟ ସମାହିତଃ ।
ହୃଦାଦିଭିଃ କୃତନ୍ୟାସୋ ମୂଲମନ୍ତ୍ରେଣ ଚାର୍ଚୟେତ୍ ॥ ୧୧.୩.୫୧ ॥
ସାଙ୍ଗୋପାଙ୍ଗାଂ ସପାର୍ଷଦାଂ ତାଂ ତାଂ ମୂର୍ତିଂ ସ୍ୱମନ୍ତ୍ରତଃ ।
ପାଦ୍ୟାର୍ଘ୍ୟାଚମନୀୟାଦ୍ୟୈଃ ସ୍ନାନବାସୋବିଭୂଷଣୈଃ ॥ ୧୧.୩.୫୨ ॥
ଗନ୍ଧମାଲ୍ୟାକ୍ଷତସ୍ରଗ୍ଭିର୍ଧୂପଦୀପୋପହାରକୈଃ ।
ସାଙ୍ଗମ୍ସମ୍ପୂଜ୍ୟ ବିଧିବତ୍ସ୍ତବୈଃ ସ୍ତୁତ୍ୱା ନମେଦ୍ଧରିମ୍ ॥ ୧୧.୩.୫୩ ॥
ଆତ୍ମାନମ୍ତନ୍ମୟମ୍ଧ୍ୟାୟନ୍ମୂର୍ତିଂ ସମ୍ପୂଜୟେଦ୍ଧରେଃ ।
ଶେଷାମାଧାୟ ଶିରସା ସ୍ୱଧାମ୍ନ୍ୟୁଦ୍ୱାସ୍ୟ ସତ୍କୃତମ୍ ॥ ୧୧.୩.୫୪ ॥
ଏବମଗ୍ନ୍ୟର୍କତୋୟାଦାବତିଥୌ ହୃଦୟେ ଚ ଯଃ ।
ଯଜତୀଶ୍ୱରମାତ୍ମାନମଚିରାନ୍ମୁଚ୍ୟତେ ହି ସଃ ॥ ୧୧.୩.୫୫ ॥
ଶ୍ରୀରାଜୋବାଚ ।
ଯାନି ଯାନୀହ କର୍ମାଣି ଯୈର୍ୟୈଃ ସ୍ୱଚ୍ଛନ୍ଦଜନ୍ମଭିଃ ।
ଚକ୍ରେ କରୋତି କର୍ତା ବା ହରିସ୍ତାନି ବ୍ରୁବନ୍ତୁ ନଃ ॥ ୧୧.୪.୧ ॥
ଶ୍ରୀଦ୍ରୁମିଲ ଉବାଚ ।
ଯୋ ବା ଅନନ୍ତସ୍ୟ ଗୁନାନନନ୍ତାନନୁକ୍ରମିଷ୍ୟନ୍ସ ତୁ ବାଲବୁଦ୍ଧିଃ ।
ରଜାଂସି ଭୂମେର୍ଗଣୟେତ୍କଥଞ୍ଚିତ୍କାଲେନ ନୈବାଖିଲଶକ୍ତିଧାମ୍ନଃ ॥ ୧୧.୪.୨ ॥
ଭୂତୈର୍ୟଦା ପଞ୍ଚଭିରାତ୍ମସୃଷ୍ଟୈଃ
ପୁରଂ ବିରାଜଂ ବିରଚୟ୍ୟ ତସ୍ମିନ୍ ।
ସ୍ୱାଂଶେନ ବିଷ୍ଟଃ ପୁରୁଷାଭିଧାନମ୍
ଅବାପ ନାରାୟଣ ଆଦିଦେବଃ ॥ ୧୧.୪.୩ ॥
ଯତ୍କାୟ ଏଷ ଭୁବନତ୍ରୟସନ୍ନିବେଶୋ
ଯସ୍ୟେନ୍ଦ୍ରିୟୈସ୍ତନୁଭୃତାମୁଭୟେନ୍ଦ୍ରିୟାଣି ।
ଜ୍ଞାନଂ ସ୍ୱତଃ ଶ୍ୱସନତୋ ବଲମୋଜ ଈହା
ସତ୍ତ୍ୱାଦିଭିଃ ସ୍ଥିତିଲୟୋଦ୍ଭବ ଆଦିକର୍ତା ॥ ୧୧.୪.୪ ॥
ଆଦାବଭୂଚ୍ଛତଧୃତୀ ରଜସାସ୍ୟ ସର୍ଗେ
ବିଷ୍ଣୁଃ ସ୍ଥିତୌ କ୍ରତୁପତିର୍ଦ୍ୱିଜଧର୍ମସେତୁଃ ।
ରୁଦ୍ରୋଽପ୍ୟଯାୟ ତମସା ପୁରୁଷଃ ସ ଆଦ୍ୟ
ଇତ୍ୟୁଦ୍ଭବସ୍ଥିତିଲୟାଃ ସତତଂ ପ୍ରଜାସୁ ॥ ୧୧.୪.୫ ॥
ଧର୍ମସ୍ୟ ଦକ୍ଷଦୁହିତର୍ୟଜନିଷ୍ଟ ମୂର୍ତ୍ୟାଂ
ନାରାୟଣୋ ନର ଋଷିପ୍ରବରଃ ପ୍ରଶାନ୍ତଃ ।
ନୈଷ୍କର୍ମ୍ୟଲକ୍ଷଣମୁବାଚ ଚଚାର କର୍ମ
ଯୋଽଦ୍ୟାପି ଚାସ୍ତ ଋଷିବର୍ୟନିଷେବିତାଙ୍ଘ୍ରିଃ ॥ ୧୧.୪.୬ ॥
ଇନ୍ଦ୍ରୋ ବିଶଙ୍କ୍ୟ ମମ ଧାମ ଜିଘୃକ୍ଷତୀତି
କାମଂ ନ୍ୟଯୁଙ୍କ୍ତ ସଗଣଂ ସ ବଦର୍ୟୁପାଖ୍ୟମ୍ ।
ଗତ୍ୱାପ୍ସରୋଗଣବସନ୍ତସୁମନ୍ଦବାତୈଃ
ସ୍ତ୍ରୀପ୍ରେକ୍ଷଣେଷୁଭିରବିଧ୍ୟଦତନ୍ମହିଜ୍ଞଃ ॥ ୧୧.୪.୭ ॥
ବିଜ୍ଞାୟ ଶକ୍ରକୃତମକ୍ରମମାଦିଦେବଃ
ପ୍ରାହ ପ୍ରହସ୍ୟ ଗତବିସ୍ମୟ ଏଜମାନାନ୍ ।
ମା ଭୈର୍ୱିଭୋ ମଦନ ମାରୁତ ଦେବବଧ୍ୱୋ
ଗୃହ୍ଣୀତ ନୋ ବଲିମଶୂନ୍ୟମିମଂ କୁରୁଧ୍ୱମ୍ ॥ ୧୧.୪.୮ ॥
ଇତ୍ଥଂ ବ୍ରୁବତ୍ୟଭୟଦେ ନରଦେବ ଦେବାଃ
ସବ୍ରୀଡନମ୍ରଶିରସଃ ସଘୃଣଂ ତମୂଚୁଃ ।
ନୈତଦ୍ୱିଭୋ ତ୍ୱୟି ପରେଽବିକୃତେ ବିଚିତ୍ରଂ
ସ୍ୱାରାମଧୀରନିକରାନତପାଦପଦ୍ମେ ॥ ୧୧.୪.୯ ॥
ତ୍ୱାଂ ସେବତାଂ ସୁରକୃତା ବହବୋଽନ୍ତରାୟାଃ
ସ୍ୱୌକୋ ବିଲଙ୍ଘ୍ୟ ପରମଂ ବ୍ରଜତାଂ ପଦଂ ତେ ।
ନାନ୍ୟସ୍ୟ ବର୍ହିଷି ବଲୀନ୍ଦଦତଃ ସ୍ୱଭାଗାନ୍
ଧତ୍ତେ ପଦଂ ତ୍ୱମବିତା ଯଦି ବିଘ୍ନମୂର୍ଧ୍ନି ॥ ୧୧.୪.୧୦ ॥
କ୍ଷୁତ୍ତୃଟ୍ତ୍ରିକାଲଗୁଣମାରୁତଜୈହ୍ୱଶୈଷ୍ଣାନ୍
ଅସ୍ମାନପାରଜଲଧୀନତିତୀର୍ୟ କେଚିତ୍ ।
କ୍ରୋଧସ୍ୟ ଯାନ୍ତି ବିଫଲସ୍ୟ ବଶଂ ପଦେ ଗୋର୍
ମଜ୍ଜନ୍ତି ଦୁଶ୍ଚରତପଶ୍ଚ ବୃଥୋତ୍ସୃଜନ୍ତି ॥ ୧୧.୪.୧୧ ॥
ଇତି ପ୍ରଗୃଣତାଂ ତେଷାଂ ସ୍ତ୍ରିୟୋଽତ୍ୟଦ୍ଭୁତଦର୍ଶନାଃ ।
ଦର୍ଶୟାମାସ ଶୁଶ୍ରୂଷାଂ ସ୍ୱର୍ଚିତାଃ କୁର୍ୱତୀର୍ୱିଭୁଃ ॥ ୧୧.୪.୧୨ ॥
ତେ ଦେବାନୁଚରା ଦୃଷ୍ଟ୍ୱା ସ୍ତ୍ରିୟଃ ଶ୍ରୀରିବ ରୂପିଣୀଃ ।
ଗନ୍ଧେନ ମୁମୁହୁସ୍ତାସାଂ ରୂପୌଦାର୍ୟହତଶ୍ରିୟଃ ॥ ୧୧.୪.୧୩ ॥
ତାନାହ ଦେବଦେବେଶଃ ପ୍ରଣତାନ୍ପ୍ରହସନ୍ନିବ ।
ଆସାମେକତମାଂ ବୃଙ୍ଧ୍ୱଂ ସବର୍ଣାଂ ସ୍ୱର୍ଗଭୂଷଣାମ୍ ॥ ୧୧.୪.୧୪ ॥
ଓମିତ୍ୟାଦେଶମାଦାୟ ନତ୍ୱା ତଂ ସୁରବନ୍ଦିନଃ ।
ଉର୍ୱଶୀମପ୍ସରଃଶ୍ରେଷ୍ଠାଂ ପୁରସ୍କୃତ୍ୟ ଦିବଂ ଯୟୁଃ ॥ ୧୧.୪.୧୫ ॥
ଇନ୍ଦ୍ରାୟାନମ୍ୟ ସଦସି ଶୃଣ୍ୱତାଂ ତ୍ରିଦିବୌକସାମ୍ ।
ଊଚୁର୍ନାରାୟଣବଲଂ ଶକ୍ରସ୍ତତ୍ରାସ ବିସ୍ମିତଃ ॥ ୧୧.୪.୧୬ ॥
ହଂସସ୍ୱରୂପ୍ୟବଦଦଚ୍ୟୁତ ଆତ୍ମୟୋଗଂ
ଦତ୍ତଃ କୁମାର ଋଷଭୋ ଭଗବାନ୍ପିତା ନଃ ।
ବିଷ୍ଣୁଃ ଶିବାୟ ଜଗତାଂ କଲୟାବତିର୍ଣସ୍
ତେନାହୃତା ମଧୁଭିଦା ଶ୍ରୁତୟୋ ହୟାସ୍ୟେ ॥ ୧୧.୪.୧୭ ॥
ଗୁପ୍ତୋଽପ୍ୟଯେ ମନୁରିଲୌଷଧୟଶ୍ଚ ମାତ୍ସ୍ୟେ
କ୍ରୌଡେ ହତୋ ଦିତିଜ ଉଦ୍ଧରତାମ୍ଭସଃ କ୍ଷ୍ମାମ୍ ।
କୌର୍ମେ ଧୃତୋଽଦ୍ରିରମୃତୋନ୍ମଥନେ ସ୍ୱପୃଷ୍ଠେ
ଗ୍ରାହାତ୍ପ୍ରପନ୍ନମିଭରାଜମମୁଞ୍ଚଦାର୍ତମ୍ ॥ ୧୧.୪.୧୮ ॥
ସଂସ୍ତୁନ୍ୱତୋ ନିପତିତାନ୍ଶ୍ରମଣାନୃଷୀଂଶ୍ଚ
ଶକ୍ରଂ ଚ ବୃତ୍ରବଧତସ୍ତମସି ପ୍ରବିଷ୍ଟମ୍ ।
ଦେବସ୍ତ୍ରିୟୋଽସୁରଗୃହେ ପିହିତା ଅନାଥା
ଜଘ୍ନେଽସୁରେନ୍ଦ୍ରମଭୟାୟ ସତାଂ ନୃସିଂହେ ॥ ୧୧.୪.୧୯ ॥
ଦେବାସୁରେ ଯୁଧି ଚ ଦୈତ୍ୟପତୀନ୍ସୁରାର୍ଥେ
ହତ୍ୱାନ୍ତରେଷୁ ଭୁବନାନ୍ୟଦଧାତ୍କଲାଭିଃ ।
ଭୂତ୍ୱାଥ ବାମନ ଇମାମହରଦ୍ବଲେଃ କ୍ଷ୍ମାଂ
ଯାଚ୍ଞାଚ୍ଛଲେନ ସମଦାଦଦିତେଃ ସୁତେଭ୍ୟଃ ॥ ୧୧.୪.୨୦ ॥
ନିଃକ୍ଷତ୍ରିୟାମକୃତ ଗାଂ ଚ ତ୍ରିଃସପ୍ତକୃତ୍ୱୋ
ରାମସ୍ତୁ ହୈହୟକୁଲାପ୍ୟଯଭାର୍ଗବାଗ୍ନିଃ ।
ସୋଽବ୍ଧିଂ ବବନ୍ଧ ଦଶବକ୍ତ୍ରମହନ୍ସଲଙ୍କଂ
ସୀତାପତିର୍ଜୟତି ଲୋକମଲଘ୍ନକୀଋତିଃ ॥ ୧୧.୪.୨୧ ॥
ଭୂମେର୍ଭରାବତରଣାୟ ଯଦୁଷ୍ୱଜନ୍ମା
ଜାତଃ କରିଷ୍ୟତି ସୁରୈରପି ଦୁଷ୍କରାଣି ।
ବାଦୈର୍ୱିମୋହୟତି ଯଜ୍ଞକୃତୋଽତଦର୍ହାନ୍
ଶୂଦ୍ରାନ୍କଲୌ କ୍ଷିତିଭୁଜୋ ନ୍ୟହନିଷ୍ୟଦନ୍ତେ ॥ ୧୧.୪.୨୨ ॥
ଏବଂବିଧାନି ଜନ୍ମାନି କର୍ମାଣି ଚ ଜଗତ୍ପତେଃ ।
ଭୂରୀଣି ଭୂରିୟଶସୋ ବର୍ଣିତାନି ମହାଭୁଜ ॥ ୧୧.୪.୨୩ ॥
ଶ୍ରୀରାଜୋବାଚ ।
ଭଗବନ୍ତଂ ହରିଂ ପ୍ରାୟୋ ନ ଭଜନ୍ତ୍ୟାତ୍ମବିତ୍ତମାଃ ।
ତେଷାମଶାନ୍ତକାମାନାଂ କ ନିଷ୍ଠାବିଜିତାତ୍ମନାମ୍ ॥ ୧୧.୫.୧ ॥
ଶ୍ରୀଚମସ ଉବାଚ ।
ମୁଖବାହୂରୁପାଦେଭ୍ୟଃ ପୁରୁଷସ୍ୟାଶ୍ରମୈଃ ସହ ।
ଚତ୍ୱାରୋ ଜଜ୍ଞିରେ ବର୍ଣା ଗୁଣୈର୍ୱିପ୍ରାଦୟଃ ପୃଥକ୍ ॥ ୧୧.୫.୨ ॥
ଯ ଏଷାଂ ପୁରୁଷଂ ସାକ୍ଷାଦାତ୍ମପ୍ରଭବମୀଶ୍ୱରମ୍ ।
ନ ଭଜନ୍ତ୍ୟବଜାନନ୍ତି ସ୍ଥାନାଦ୍ଭ୍ରଷ୍ଟାଃ ପତନ୍ତ୍ୟଧଃ ॥ ୧୧.୫.୩ ॥
ଦୂରେ ହରିକଥାଃ କେଚିଦ୍ଦୂରେ ଚାଚ୍ୟୁତକୀର୍ତନାଃ ।
ସ୍ତ୍ରିୟଃ ଶୂଦ୍ରାଦୟଶ୍ଚୈବ ତେଽନୁକମ୍ପ୍ୟା ଭବାଦୃଶାମ୍ ॥ ୧୧.୫.୪ ॥
ବିପ୍ରୋ ରାଜନ୍ୟବୈଶ୍ୟୌ ବା ହରେଃ ପ୍ରାପ୍ତାଃ ପଦାନ୍ତିକମ୍ ।
ଶ୍ରୌତେନ ଜନ୍ମନାଥାପି ମୁହ୍ୟନ୍ତ୍ୟାମ୍ନାୟବାଦିନଃ ॥ ୧୧.୫.୫ ॥
କର୍ମଣ୍ୟକୋବିଦାଃ ସ୍ତବ୍ଧା ମୂର୍ଖାଃ ପଣ୍ଡିତମାନିନଃ ।
ବଦନ୍ତି ଚାଟୁକାନ୍ମୂଢା ଯୟା ମାଧ୍ୱ୍ୟା ଗିରୋତ୍ସୁକାଃ ॥ ୧୧.୫.୬ ॥
ରଜସା ଘୋରସଙ୍କଲ୍ପାଃ କାମୁକା ଅହିମନ୍ୟବଃ ।
ଦାମ୍ଭିକା ମାନିନଃ ପାପା ବିହସନ୍ତ୍ୟଚ୍ୟୁତପ୍ରିୟାନ୍ ॥ ୧୧.୫.୭ ॥
ବଦନ୍ତି ତେଽନ୍ୟୋନ୍ୟମୁପାସିତସ୍ତ୍ରିୟୋ ଗୃହେଷୁ ମୈଥୁନ୍ୟପରେଷୁ ଚାଶିଷଃ ।
ଯଜନ୍ତ୍ୟସୃଷ୍ଟାନ୍ନବିଧାନଦକ୍ଷିଣଂ ବୃତ୍ତ୍ୟୈ ପରଂ ଘ୍ନନ୍ତି ପଶୂନତଦ୍ୱିଦଃ ॥ ୧୧.୫.୮ ॥
ଶ୍ରିୟା ବିଭୂତ୍ୟାଭିଜନେନ ବିଦ୍ୟଯା ତ୍ୟାଗେନ ରୂପେଣ ବଲେନ କର୍ମଣା ।
ଜାତସ୍ମୟେନାନ୍ଧଧିୟଃ ସହେଶ୍ୱରାନ୍ସତୋଽବମନ୍ୟନ୍ତି ହରିପ୍ରିୟାନ୍ଖଲାଃ ॥ ୧୧.୫.୯ ॥
ସର୍ୱେଷୁ ଶଶ୍ୱତ୍ତନୁଭୃତ୍ସ୍ୱବସ୍ଥିତଂ
ଯଥା ଖମାତ୍ମାନମଭୀଷ୍ଟମୀଶ୍ୱରମ୍ ।
ବେଦୋପଗୀତଂ ଚ ନ ଶୃଣ୍ୱତେଽବୁଧା
ମନୋରଥାନାଂ ପ୍ରବଦନ୍ତି ବାର୍ତୟା ॥ ୧୧.୫.୧୦ ॥
ଲୋକେ ବ୍ୟବାୟାମିଷମଦ୍ୟସେବା ନିତ୍ୟା ହି ଜନ୍ତୋର୍ନ ହି ତତ୍ର ଚୋଦନା ।
ବ୍ୟବସ୍ଥିତିସ୍ତେଷୁ ବିବାହୟଜ୍ଞ ସୁରାଗ୍ରହୈରାସୁ ନିବୃତ୍ତିରିଷ୍ଟା ॥ ୧୧.୫.୧୧ ॥
ଧନଂ ଚ ଧର୍ମୈକଫଲଂ ଯତୋ ବୈ
ଜ୍ଞାନଂ ସବିଜ୍ଞାନମନୁପ୍ରଶାନ୍ତି ।
ଗୃହେଷୁ ଯୁଞ୍ଜନ୍ତି କଲେବରସ୍ୟ
ମୃତ୍ୟୁଂ ନ ପଶ୍ୟନ୍ତି ଦୁରନ୍ତବୀର୍ୟମ୍ ॥ ୧୧.୫.୧୨ ॥
ଯଦ୍ଘ୍ରାଣଭକ୍ଷୋ ବିହିତଃ ସୁରାୟାସ୍ତଥା ପଶୋରାଲଭନଂ ନ ହିଂସା ।
ଏବଂ ବ୍ୟବାୟଃ ପ୍ରଜୟା ନ ରତ୍ୟା ଇମଂ ବିଶୁଦ୍ଧଂ ନ ବିଦୁଃ ସ୍ୱଧର୍ମମ୍ ॥ ୧୧.୫.୧୩ ॥
ଯେ ତ୍ୱନେବଂବିଦୋଽସନ୍ତଃ ସ୍ତବ୍ଧାଃ ସଦଭିମାନିନଃ ।
ପଶୂନ୍ଦ୍ରୁହ୍ୟନ୍ତି ବିଶ୍ରବ୍ଧାଃ ପ୍ରେତ୍ୟ ଖାଦନ୍ତି ତେ ଚ ତାନ୍ ॥ ୧୧.୫.୧୪ ॥
ଦ୍ୱିଷନ୍ତଃ ପରକାୟେଷୁ ସ୍ୱାତ୍ମାନଂ ହରିମୀଶ୍ୱରମ୍ ।
ମୃତକେ ସାନୁବନ୍ଧେଽସ୍ମିନ୍ବଦ୍ଧସ୍ନେହାଃ ପତନ୍ତ୍ୟଧଃ ॥ ୧୧.୫.୧୫ ॥
ଯେ କୈବଲ୍ୟମସମ୍ପ୍ରାପ୍ତା ଯେ ଚାତୀତାଶ୍ଚ ମୂଢତାମ୍ ।
ତ୍ରୈବର୍ଗିକା ହ୍ୟକ୍ଷଣିକା ଆତ୍ମାନଂ ଘାତୟନ୍ତି ତେ ॥ ୧୧.୫.୧୬ ॥
ଏତ ଆତ୍ମହନୋଽଶାନ୍ତା ଅଜ୍ଞାନେ ଜ୍ଞାନମାନିନଃ ।
ସୀଦନ୍ତ୍ୟକୃତକୃତ୍ୟା ବୈ କାଲଧ୍ୱସ୍ତମନୋରଥାଃ ॥ ୧୧.୫.୧୭ ॥
ହିତ୍ୱାତ୍ମମାୟାରଚିତା ଗୃହାପତ୍ୟସୁହୃତ୍ସ୍ତ୍ରିୟଃ ।
ତମୋ ବିଶନ୍ତ୍ୟନିଚ୍ଛନ୍ତୋ ବାସୁଦେବପରାଙ୍ମୁଖାଃ ॥ ୧୧.୫.୧୮ ॥
ଶ୍ରୀ ରାଜୋବାଚ ।
କସ୍ମିନ୍କାଲେ ସ ଭଗବାନ୍କିଂ ବର୍ଣଃ କୀଦୃଶୋ ନୃଭିଃ ।
ନାମ୍ନା ବା କେନ ବିଧିନା ପୂଜ୍ୟତେ ତଦିହୋଚ୍ୟତାମ୍ ॥ ୧୧.୫.୧୯ ॥
ଶ୍ରୀକରଭାଜନ ଉବାଚ ।
କୃତଂ ତ୍ରେତା ଦ୍ୱାପରଂ ଚ କଲିରିତ୍ୟେଷୁ କେଶବଃ ।
ନାନାବର୍ଣାଭିଧାକାରୋ ନାନୈବ ବିଧିନେଜ୍ୟତେ ॥ ୧୧.୫.୨୦ ॥
କୃତେ ଶୁକ୍ଲଶ୍ଚତୁର୍ବାହୁର୍ଜଟିଲୋ ବଲ୍କଲାମ୍ବରଃ ।
କୃଷ୍ଣାଜିନୋପବୀତାକ୍ଷାନ୍ବିଭ୍ରଦ୍ଦଣ୍ଡକମଣ୍ଡଲୂ ॥ ୧୧.୫.୨୧ ॥
ମନୁଷ୍ୟାସ୍ତୁ ତଦା ଶାନ୍ତା ନିର୍ୱୈରାଃ ସୁହୃଦଃ ସମାଃ ।
ଯଜନ୍ତି ତପସା ଦେବଂ ଶମେନ ଚ ଦମେନ ଚ ॥ ୧୧.୫.୨୨ ॥
ହଂସଃ ସୁପର୍ଣୋ ବୈକୁଣ୍ଠୋ ଧର୍ମୋ ଯୋଗେଶ୍ୱରୋଽମଲଃ ।
ଈଶ୍ୱରଃ ପୁରୁଷୋଽବ୍ୟକ୍ତଃ ପରମାତ୍ମେତି ଗୀୟତେ ॥ ୧୧.୫.୨୩ ॥
ତ୍ରେତାୟାଂ ରକ୍ତବର୍ଣୋଽସୌ ଚତୁର୍ବାହୁସ୍ତ୍ରିମେଖଲଃ ।
ହିରଣ୍ୟକେଶସ୍ତ୍ରୟ୍ୟାତ୍ମା ସ୍ରୁକ୍ସ୍ରୁବାଦ୍ୟୁପଲକ୍ଷଣଃ ॥ ୧୧.୫.୨୪ ॥
ତଂ ତଦା ମନୁଜା ଦେବଂ ସର୍ୱଦେବମୟଂ ହରିମ୍ ।
ଯଜନ୍ତି ବିଦ୍ୟଯା ତ୍ରୟ୍ୟା ଧର୍ମିଷ୍ଠା ବ୍ରହ୍ମବାଦିନଃ ॥ ୧୧.୫.୨୫ ॥
ବିଷ୍ଣୁର୍ୟଜ୍ଞଃ ପୃଶ୍ନିଗର୍ଭଃ ସର୍ୱଦେବ ଉରୁକ୍ରମଃ ।
ବୃଷାକପିର୍ଜୟନ୍ତଶ୍ଚ ଉରୁଗାୟ ଇତୀର୍ୟତେ ॥ ୧୧.୫.୨୬ ॥
ଦ୍ୱାପରେ ଭଗବାଞ୍ଶ୍ୟାମଃ ପୀତବାସା ନିଜାୟୁଧଃ ।
ଶ୍ରୀବତ୍ସାଦିଭିରଙ୍କୈଶ୍ଚ ଲକ୍ଷଣୈରୁପଲକ୍ଷିତଃ ॥ ୧୧.୫.୨୭ ॥
ତଂ ତଦା ପୁରୁଷଂ ମର୍ତ୍ୟା ମହାରାଜୋପଲକ୍ଷଣମ୍ ।
ଯଜନ୍ତି ବେଦତନ୍ତ୍ରାଭ୍ୟାଂ ପରଂ ଜିଜ୍ଞାସବୋ ନୃପ ॥ ୧୧.୫.୨୮ ॥
ନମସ୍ତେ ବାସୁଦେବାୟ ନମଃ ସଙ୍କର୍ଷଣାୟ ଚ ।
ପ୍ରଦ୍ୟୁମ୍ନାୟାନିରୁଦ୍ଧାୟ ତୁଭ୍ୟଂ ଭଗବତେ ନମଃ ॥ ୧୧.୫.୨୯ ॥
ନାରାୟଣାୟ ଋଷୟେ ପୁରୁଷାୟ ମହାତ୍ମନେ ।
ବିଶ୍ୱେଶ୍ୱରାୟ ବିଶ୍ୱାୟ ସର୍ୱଭୂତାତ୍ମନେ ନମଃ ॥ ୧୧.୫.୩୦ ॥
ଇତି ଦ୍ୱାପର ଉର୍ୱୀଶ ସ୍ତୁବନ୍ତି ଜଗଦୀଶ୍ୱରମ୍ ।
ନାନାତନ୍ତ୍ରବିଧାନେନ କଲାବପି ତଥା ଶୃଣୁ ॥ ୧୧.୫.୩୧ ॥
କୃଷ୍ଣବର୍ଣଂ ତ୍ୱିଷାକୃଷ୍ଣଂ ସାଙ୍ଗୋପାଙ୍ଗାସ୍ତ୍ରପାର୍ଷଦମ୍ ।
ଯଜ୍ଞୈଃ ସଙ୍କୀର୍ତନପ୍ରାୟୈର୍ୟଜନ୍ତି ହି ସୁମେଧସଃ ॥ ୧୧.୫.୩୨ ॥
ଧ୍ୟେୟଂ ସଦା ପରିଭବଘ୍ନମଭୀଷ୍ଟଦୋହଂ
ତୀର୍ଥାସ୍ପଦଂ ଶିବବିରିଞ୍ଚିନୁତଂ ଶରଣ୍ୟମ୍ ।
ଭୃତ୍ୟାର୍ତିହଂ ପ୍ରଣତପାଲ ଭବାବ୍ଧିପୋତଂ
ବନ୍ଦେ ମହାପୁରୁଷ ତେ ଚରଣାରବିନ୍ଦମ୍ ॥ ୧୧.୫.୩୩ ॥
ତ୍ୟକ୍ତ୍ୱା ସୁଦୁସ୍ତ୍ୟଜସୁରେପ୍ସିତରାଜ୍ୟଲକ୍ଷ୍ମୀଂ
ଧର୍ମିଷ୍ଠ ଆର୍ୟବଚସା ଯଦଗାଦରଣ୍ୟମ୍ ।
ମାୟାମୃଗଂ ଦୟିତୟେପ୍ସିତମନ୍ୱଧାବଦ୍
ବନ୍ଦେ ମହାପୁରୁଷ ତେ ଚରଣାରବିନ୍ଦମ୍ ॥ ୧୧.୫.୩୪ ॥
ଏବଂ ଯୁଗାନୁରୂପାଭ୍ୟାଂ ଭଗବାନ୍ୟୁଗବର୍ତିଭିଃ ।
ମନୁଜୈରିଜ୍ୟତେ ରାଜନ୍ଶ୍ରେୟସାମୀଶ୍ୱରୋ ହରିଃ ॥ ୧୧.୫.୩୫ ॥
କଲିଂ ସଭାଜୟନ୍ତ୍ୟାର୍ୟା ଗୁଣ ଜ୍ଞାଃ ସାରଭାଗିନଃ ।
ଯତ୍ର ସଙ୍କୀର୍ତନେନୈବ ସର୍ୱସ୍ୱାର୍ଥୋଽଭିଲଭ୍ୟତେ ॥ ୧୧.୫.୩୬ ॥
ନ ହ୍ୟତଃ ପରମୋ ଲାଭୋ ଦେହିନାଂ ଭ୍ରାମ୍ୟତାମିହ ।
ଯତୋ ବିନ୍ଦେତ ପରମାଂ ଶାନ୍ତିଂ ନଶ୍ୟତି ସଂସୃତିଃ ॥ ୧୧.୫.୩୭ ॥
କୃତାଦିଷୁ ପ୍ରଜା ରାଜନ୍କଲାବିଚ୍ଛନ୍ତି ସମ୍ଭବମ୍ ।
କଲୌ ଖଲୁ ଭବିଷ୍ୟନ୍ତି ନାରାୟଣପରାୟଣାଃ ॥ ୧୧.୫.୩୮ ॥
କ୍ୱଚିତ୍କ୍ୱଚିନ୍ମହାରାଜ ଦ୍ରବିଡେଷୁ ଚ ଭୂରିଶଃ ।
ତାମ୍ରପର୍ଣୀ ନଦୀ ଯତ୍ର କୃତମାଲା ପୟସ୍ୱିନୀ ॥ ୧୧.୫.୩୯ ॥
କାବେରୀ ଚ ମହାପୁଣ୍ୟା ପ୍ରତୀଚୀ ଚ ମହାନଦୀ ।
ଯେ ପିବନ୍ତି ଜଲଂ ତାସାଂ ମନୁଜା ମନୁଜେଶ୍ୱର ॥ ୧୧.୫.୪୦ ॥
ପ୍ରାୟୋ ଭକ୍ତା ଭଗବତି ବାସୁଦେବେଽମଲାଶୟାଃ ॥ ୧୧.୫.୪୦୫ ॥
ଦେବର୍ଷିଭୂତାପ୍ତନୃଣାଂ ପିତୄଣାଂ ନ କିଙ୍କରୋ ନାୟମୃଣୀ ଚ ରାଜନ୍ ।
ସର୍ୱାତ୍ମନା ଯଃ ଶରଣଂ ଶରଣ୍ୟଂ ଗତୋ ମୁକୁନ୍ଦଂ ପରିହୃତ୍ୟ କର୍ତମ୍ ॥ ୧୧.୫.୪୧ ॥
ସ୍ୱପାଦମୂଲମ୍ଭଜତଃ ପ୍ରିୟସ୍ୟ ତ୍ୟକ୍ତାନ୍ୟଭାବସ୍ୟ ହରିଃ ପରେଶଃ ।
ବିକର୍ମ ଯଚ୍ଚୋତ୍ପତିତଂ କଥଞ୍ଚିଦ୍ଧୁନୋତି ସର୍ୱଂ ହୃଦି ସନ୍ନିବିଷ୍ଟଃ ॥ ୧୧.୫.୪୨ ॥
ଶ୍ରୀନାରଦ ଉବାଚ ।
ଧର୍ମାନ୍ଭାଗବତାନିତ୍ଥଂ ଶ୍ରୁତ୍ୱାଥ ମିଥିଲେଶ୍ୱରଃ ।
ଜାୟନ୍ତେୟାନ୍ମୁନୀନ୍ପ୍ରୀତଃ ସୋପାଧ୍ୟାୟୋ ହ୍ୟପୂଜୟତ୍ ॥ ୧୧.୫.୪୩ ॥
ତତୋଽନ୍ତର୍ଦଧିରେ ସିଦ୍ଧାଃ ସର୍ୱଲୋକସ୍ୟ ପଶ୍ୟତଃ ।
ରାଜା ଧର୍ମାନୁପାତିଷ୍ଠନ୍ନବାପ ପରମାଂ ଗତିମ୍ ॥ ୧୧.୫.୪୪ ॥
ତ୍ୱମପ୍ୟେତାନ୍ମହାଭାଗ ଧର୍ମାନ୍ଭାଗବତାନ୍ଶ୍ରୁତାନ୍ ।
ଆସ୍ଥିତଃ ଶ୍ରଦ୍ଧୟା ଯୁକ୍ତୋ ନିଃସଙ୍ଗୋ ଯାସ୍ୟସେ ପରମ୍ ॥ ୧୧.୫.୪୫ ॥
ଯୁବୟୋଃ ଖଲୁ ଦମ୍ପତ୍ୟୋର୍ୟଶସା ପୂରିତଂ ଜଗତ୍ ।
ପୁତ୍ରତାମଗମଦ୍ୟଦ୍ୱାଂ ଭଗବାନୀଶ୍ୱରୋ ହରିଃ ॥ ୧୧.୫.୪୬ ॥
ଦର୍ଶନାଲିଙ୍ଗନାଲାପୈଃ ଶୟନାସନଭୋଜନୈଃ ।
ଆତ୍ମା ବାଂ ପାବିତଃ କୃଷ୍ଣେ ପୁତ୍ରସ୍ନେହଂ ପ୍ରକୁର୍ୱତୋଃ ॥ ୧୧.୫.୪୭ ॥
ବୈରେଣ ଯଂ ନୃପତୟଃ ଶିଶୁପାଲପୌଣ୍ଡ୍ର
ଶାଲ୍ୱାଦୟୋ ଗତିବିଲାସବିଲୋକନାଦ୍ୟୈଃ ।
ଧ୍ୟାୟନ୍ତ ଆକୃତଧିୟଃ ଶୟନାସନାଦୌ
ତତ୍ସାମ୍ୟମାପୁରନୁରକ୍ତଧିୟାଂ ପୁନଃ କିମ୍ ॥ ୧୧.୫.୪୮ ॥
ମାପତ୍ୟବୁଦ୍ଧିମକୃଥାଃ କୃଷ୍ଣେ ସର୍ୱାତ୍ମନୀଶ୍ୱରେ ।
ମାୟାମନୁଷ୍ୟଭାବେନ ଗୂଢୈଶ୍ୱର୍ୟେ ପରେଽବ୍ୟଯେ ॥ ୧୧.୫.୪୯ ॥
ଭୂଭାରାସୁରରାଜନ୍ୟ ହନ୍ତବେ ଗୁପ୍ତୟେ ସତାମ୍ ।
ଅବତୀର୍ଣସ୍ୟ ନିର୍ୱୃତ୍ୟୈ ଯଶୋ ଲୋକେ ବିତନ୍ୟତେ ॥ ୧୧.୫.୫୦ ॥
ଶ୍ରୀଶୁକ ଉବାଚ ।
ଏତଚ୍ଛ୍ରୁତ୍ୱା ମହାଭାଗୋ ବସୁଦେବୋଽତିବିସ୍ମିତଃ ।
ଦେବକୀ ଚ ମହାଭାଗା ଜହତୁର୍ମୋହମାତ୍ମନଃ ॥ ୧୧.୫.୫୧ ॥
ଇତିହାସମିମଂ ପୁଣ୍ୟଂ ଧାରୟେଦ୍ୟଃ ସମାହିତଃ ।
ସ ବିଧୂୟେହ ଶମଲଂ ବ୍ରହ୍ମଭୂୟାୟ କଲ୍ପତେ ॥ ୧୧.୫.୫୨ ॥
Chant Stotra in Other Languages –
Jayanteya Gita from Srimad Bhagavata Lyrics in Sanskrit » English » Bengali » Gujarati » Kannada » Malayalam » Telugu » Tamil