॥ Jivanmukti Geetaa Bengali Lyrics ॥
॥ জীবন্মুক্তি গীতা॥
অসতো মা সদ্গময় ।
তমসো মা জ্যোতির্গময় ।
মৃত্যোর্মা অমৃতংগময় ॥
সর্বভূতান্তরস্থ্যায় নিত্যমুক্তচিদাত্মনে ।
প্রত্যচ্চৈতন্যরূপায় মহ্যমেব নমো নমঃ ॥
সর্বভূতানর্বর্তিনে নিত্যমুক্তচিদ্স্বরূপিণে সর্বসাক্ষিণে মহ্যমেব
স্বাত্মন এব নমঃ । নম ইতি দ্বিরুক্তিঃ আদরার্থম্ ॥
জীবন্মুক্তিশ্ ফ়্ootnoteমুক্তো – খচ যা মুক্তিঃ সা মুক্তিঃ পিণ্ডপাতনে ।
যা মুক্তিঃ পিণ্ডপাতনে সা মুক্তিঃ শুনিশূকরে ফ়্ootnoteসূকরে – ক ॥ ১ ॥
জীবন্মুক্তিরিতি যা মুক্তিরুচ্যতে সা যদি পিণ্ডপাতন পরা তর্হি
সা মুক্তিঃ সূকরাদিষ্বপি প্রসক্তা ভবতীত্যর্থঃ ।
পিণ্ডপাতনং ন জীবন্মুক্তিরিতি ভাবঃ ॥
জীবঃ শিবঃ সর্বমেব ভূতেষ্বেবং ফ়্ootnoteভূতে ভূতে – খ ব্যবস্থিতঃ ।
এবমেবাভিপশ্যন্ হি ফ়্ootnoteএবমেব পশ্যতি যো – খ জীবন্মুক্তঃ স উচ্যতে ॥ ২ ॥
জীব ইতি যঃ সঃ সর্বভূতেষ্বপি শিবৎবেনৈব ব্যবস্থিতঃ শিব এব ।
তজ্জ্ঞানী জীবন্মুক্ত ইত্যর্থঃ ॥
এবং ব্রহ্ম জগৎসর্বমখিলং ভাসতে রবিঃ ।
সংস্থিতং সর্বভূতানাং জীবন্মুক্তঃ স উচ্যতে ॥ ৩ ॥
যথা রবিঃ সর্বং জগদ্ভাসতে এবং ব্রহ্ম সর্বভূতানামাত্মৎবেন
সংস্থিতং সদখিলং ভাসতে প্রকাশ্যতি । এবমেবান্হিপশ্যন্ ইত্যনুবর্ততে ।
সঃ তাদৃশঃ জ্ঞানী জীবন্মুক্ত ইত্যুচ্যতে ইত্যর্থঃ ॥
একধা বহুধা চৈব দৃশ্যতে জলচন্দ্রবৎ ।
আত্মজ্ঞানী তথৈবৈকো জীবন্মুক্তঃ স উচ্যতে ॥ ৪ ॥
জলচন্দ্রবজ্জলে চন্দ্রঃ যথানেকধা দৃশ্যতে তথৈব একঃ আত্ম ।
উপাধিভেদেন ইত্যধ্যাহারঃ…. একধা বহুধা চৈব দৃশ্যতে । এবমাত্মানং
যো জানাতি সঃ আত্মজ্ঞানী জীবন্মুক্ত ইত্যুচ্যতে ॥
সর্বভূতে স্থিতং ব্রহ্ম ভেদাভেদো ন বিদ্যতে ।
একমেবাভিপশ্যংশ্চ ফ়্ootnoteপশ্যতি – খজীবন্মুক্তঃ স উচ্যতে ॥ ৫ ॥
ব্রহ্ম সর্বভূতস্থিতম্ । যত্র ভেদোঽভেদঃ ভেদাভেদো ন বিদ্যতে ।
তদেকমেব । এবমভিপশ্যংশ্চ যঃ স জীবন্মুক্ত ইত্যুচ্যতে ॥
তত্ত্বং ক্ষেত্রং ব্যোমাতীতমহং ক্ষেত্রজ্ঞ উচ্যতে ।
অহং কর্তা চ ভোক্তা চ ফ়্ootnoteঅহং কর্তা অহং ভোক্তা – খ জীবন্মুক্তঃ স উচ্যতে ॥ ৬ ॥
তত্ত্বস্বরূপমেবাস্তি । ক্ষেত্রমাকাশাতীতং, পরমাত্ম ক্ষেত্রজ্ঞঃ ।
কর্তৃৎবং ভোক্তৃৎবং চ তস্যৈব । এবং যো বিজানাতি সঃ জীবন্মুক্ত উচ্যতে ॥
কর্মেন্দ্রিয়পরিত্যাগী ধ্যানবর্জিতচেতসঃ ফ়্ootnoteচেতসম্ – খ।
অত্মজ্ঞানী তথৈবেকো জীবন্মুক্তঃ স উচ্যতে ॥ ৭ ॥
কর্মেন্দ্রিয়পরিত্যাগী স্বস্বব্যাপাররহিতানি জ্ঞানেন্দ্রিয়াণি কর্মেন্দ্রিয়াণি
চকুর্বন্ তানি পরিত্যজতীত্যর্থঃ । তথ্হা চেতোঽপি বিষয়ধ্যানবর্জিতং
করোত্যেবমদ্বয়ং জানাতি যঃ সঃ জীবন্মুক্তঃ ॥
তত্ত্বং কেবলং কর্ম ফ়্ootnoteকর্মো – খশোকমোহাদিবর্জিতম্ ।
শুভাশুভপরিত্যাগী জীবন্মুক্তঃ স উচ্যতে ॥ ৮ ॥
জ্ঞানিনা যৎকর্ম ক্রিয়তে তচ্ছোকমোহাদিবর্জিতম্ । তচ্চ কেবলং
শারীরপরিরক্ষণায়ৈব । এবং তেন শুভাশুভাদিকং
পরিত্যক্তং ভবতি । স জীবন্মুক্ত উচ্যতে ॥
কর্মসর্বত্র আদিষ্টং ন জানামি চ কিংচন ।
কর্ম ব্রহ্ম বিজানাতি জীবন্মুক্তঃ স উচ্যতে ॥ ৯ ॥
যঃ আদিষ্টং বিধ্যুক্তম্ কর্ম ন জানাতি কর্তৃৎবারোপেণ কর্মন
করোতীত্যর্থঃ । অত এব কর্ম ব্রহ্মস্বরূপমেবেতি
বিজানাতি সঃ জীবন্মুক্তঃ ॥
চিন্ময়ং ব্যাপিতং সর্বমাকাশং জগদীশ্বরম্ ।
সহিতং ফ়্ootnoteসংস্থিতম্ – খ সর্বভূতানাং জীবন্মুক্তঃ স উচ্যতে ॥ ১০ ॥
যঃ জগদীশ্বরং চিৎস্বরূপমিত্যাকাশব্যাপিনমিতি সর্বভূতসহিতমিত্যপি
জানাতি সঃ জীবন্মুক্ত উচ্যতে ॥
অনাদিবর্তি ভূতানাং ফ়্ootnoteঅনাদ্য ব্যক্তভূতানাং – খ জীবঃ শিবো ন হন্যতে ।
নির্বৈরঃ সর্বভূতেষু ফ়্ootnoteসর্বভূতানাং – খ জীবন্মুক্তঃ স উচ্যতে ॥ ১১ ॥
সর্বেষু ভূতেষু যঃ অনাদিঃ জীবঃ সঃ শিব এব । অত এব সঃ ন হন্যতে ।
অতঃ সর্বেষু ভূতেষু নির্বৈরো যঃ জীবন্মুক্ত উচ্যতে ॥
আত্মা গুরুস্ত্বং বিশ্বং ফ়্ootnoteগুরুস্ত্বদ্বিশ্বং চ চিদাকাশো ন লিপ্যতে ।
গতাগতং ফ়্ootnoteযতাগতঃ – খ দ্বয়োর্নাস্তি জীবন্মুক্তঃ স উচ্যতে ॥ ১২ ॥
যঃ গুরুঃ আত্মা সঃ ৎবং এব । স এব নির্লিপ্তঃ চিদাকাশঃ । তদ্ এব
সর্বম্ । অত এব তস্য গতাগতং গতমাগতমাগতং গতং বা ন বিদ্যতে ।
এবং যঃ আত্মানং সঃ জীবন্মুক্ত ইত্যুচ্যতে ॥
গর্ভ ফ়্ootnoteঅন্তর্ – খ ধ্যানেন পশ্যন্তি জ্ঞানীনাং মন উচ্যতে ।
সোঽহং মনো বিলীয়ন্তে জীবন্মুক্তঃ স উচ্যতে ॥ ১৩ ॥
গর্ভধ্যানেন অন্তর্ধ্যানেন ইত্যর্থঃ । এতাদৃশধ্যানেন জ্ঞানিনঃ যৎপশ্যন্তি
তদেব জ্ঞানিনাং মন উচ্যতে । ইদমেব সোঽহং মনঃ । এতাদৃশমনোবিশিষ্টাঃ
জ্ঞানিনঃ । চিদাকাশ ইত্যনুবর্ততে । তত্র বিলীয়ন্তে । তে তত্র বিলয়ং
যান্তীত্যর্থঃ । এবং স্থিতস্য আত্মতত্ত্বস্য জ্ঞানীত্যনুবর্ততে ।
সঃ জীবন্মুক্ত ইত্যুচ্যতে ॥
ঊর্ধ্বধ্যানেন পশ্যন্তি বিজ্ঞানং মন উচ্যতে ।
শূন্যং লয়ং চ বিলয়ং জীবন্মুক্তঃ স উচ্যতে ॥ ১৪ ॥
জ্ঞানিনঃ ঊর্ধ্বধ্যানেন সমাধিনা যৎপশ্যন্তি তদ্বিজ্ঞানম্ । তত্তেষাং মন
উচ্যতে । তদেব শূন্যং লয়ম্ । তদেব বিজ্ঞানম্ । তথাত্মজ্ঞান্যাত্মানং জানাতি
যঃ সঃ জীবন্মুক্ত উচ্যতে ॥
অভ্যাসে ফ়্ootnoteআভাষে – খ রমতে নিত্যং মনো ধ্যানলয়ং গতম্ ।
বন্ধমোক্ষদ্বয়ং নাস্তি জীবন্মুক্তঃ স উচ্যতে ॥ ১৫ ॥
যস্য জ্ঞানিনঃ মনঃ নিত্যমভ্যাসে শ্রবণমনননিদিধ্যাসনাখ্যতপসি
রমতে ক্রীডতি । যস্য মনঃ ধ্যানলয়ং ধ্হ্যানে লয়ং গতং; যস্য
বন্ধমোক্ষদ্বন্দ্বং নাস্তি সঃ জিবন্মুক্ত উচ্যতে ॥
এককী রমতে নিত্যং স্বভাবগুণবর্জিতম্ ।
ব্রহ্মজ্ঞানরসাস্বাদী ফ়্ootnoteরসাস্বাদো – খ জীবন্মুক্তঃ স উচ্যতে ॥ ১৬ ॥
যস্য জ্ঞানিনঃ মনঃ ইত্যনুবর্ততে । নিত্যং স্বভাবগুণবর্জিতং
প্রকৃতি গুণাতীতং, সঃ জ্ঞানী একাকী রমতে আত্মন্যেব ক্রীডতি ।
ব্রহ্মজ্ঞানরসাস্বাদী ব্রহ্মাখ্যজ্ঞানরসাস্বাদী সঃ জীবন্মুক্ত ইত্যুচ্যতে ॥
হৃদি ধ্যানেন পশ্যন্তি প্রকাশং ক্রিয়তে মনঃ ।
সোঽহং হংসেতি পশ্যন্তি জীবন্মুক্তঃ স উচ্যতে ॥ ১৭ ॥
যে জ্ঞানিনঃ হৃদি ধ্যানেন প্রকাশং পশ্যন্তি তৈঃ মনঃ ক্রিয়তে তেষাং
মনোঽভিব্যক্তং ভবতীতি যাবৎ । তদা তে সোঽহং হংসঃ ইতি পশ্যন্তি ।
এবমাত্মতত্ত্বং পশ্যন্ জীবন্মুক্ত ইত্যুচ্যতে ॥
শিবশক্তিসমাত্মানং পিণ্ডব্রহ্মাণ্ডম্ ফ়্ootnoteশিবশক্তির্মমাত্মানো পিণ্ডনি ব্রহ্মাণ্ডম্ – খ এব চ ।
চিদাকাশং হৃদং মোহং ফ়্ootnoteকৃতং সোঽহং – খ জীবন্মুক্তঃ স উচ্যতে ॥ ১৮ ॥
জ্ঞানিনঃ শিবশক্তিসমাত্মানং শিবশক্তিসমঃ যঃ আত্মা তমাত্মানং
মহাত্মানম্ । পিণ্ডঃ শারীরম্ । তেন সহিতং ব্রহ্মাণ্ডং হৃদং হৃৎস্থং
বন্ধকং মোহং চ চিদাকাশমিতি চৈতন্যমেব পশ্যন্তি, য
এবমাত্মতত্ত্বজ্ঞানী সঃ জীবন্মুক্ত ইত্যুচ্যতে ॥
জাগ্রৎস্বপ্নসুষুপ্তিং চ তুরীয়াবস্থিতং সদা ।
সোঽহং মনো বিলীয়েত ফ়্ootnoteবিলীয়তে – খ জীবন্মুক্তঃ স উচ্যতে ॥ ১৯ ॥
যস্য জ্ঞানিনঃ সোঽহং মনঃ সোঽহমিতি ধ্যানৈকাপরং মনঃ
জাগ্রৎস্বপ্নসুষুপ্তিমতীত্য সদা তুরীয়াবস্থিতং সচ্চিদাকাশপরমাত্মনি
বিলীয়েত সঃ জ্ঞানী জীবন্মুক্ত ইত্যুচ্যতে ॥
সোঽহং স্থিতং জ্ঞানমিদং সূত্রেষু মণিবৎপরম্ ফ়্ootnoteজ্যোতিরূপং নির্মলং – খ সূত্রমভিত উত্তরম্ – গ।
সোঽহং ব্রহ্ম নিরাকারং জীবন্মুক্তঃ স উচ্যতে ॥ ২০ ॥
ইদং সোঽহং স্থিতং জ্ঞানং সূত্রেষু মণিবচ্চিদাকাশে স্থিতমিত্যন্বয়ঃ ।
সোঽহং পরং ব্রহ্ম নিরাকারম্ । এবমাত্মজ্ঞানী যঃ সঃ
জীবন্মুক্ত ইত্যুচ্যতে ॥
মন এব মনুষ্যাণাং ভেদাভেদস্য কারণম্ ।
বিকল্পনৈব সংকল্পং ফ়্ootnoteসংকল্পো – খ জীবন্মুক্তঃ স উচ্যতে ॥ ২১ ॥
বিকল্পনা ইদমিত্থমেবেত্যাদি তত্ত্ববিরুদ্ধা কল্পনা স এব সংকল্প ইতি
প্রসিদ্ধঃ । তদেব মনোরূপং সন্মনুষ্যানামহং মমেত্যাদি
ভেদাভেদব্যবহারকারণম্ । এবং যো জানাতি জ্ঞানফলং চ
সংকল্পরাহিত্যং তথা চ যঃ সর্বথা সংকল্পরহিতঃ ।
সঃ জীবন্মুক্ত ইত্যুচ্যতে ॥
মন এব বিদুঃ প্রাজ্ঞাঃ সিদ্ধসিদ্ধান্ত ফ়্ootnoteবিদুঃপ্রাজ্ঞাসিদ্ধসিদ্ধান্ত – খ এব চ ।
যদা ফ়্ootnoteসদা – ক দৃঢং তদা মোক্ষো ফ়্ootnoteমোক্ষ – খ জীবন্মুক্তঃ স উচ্যতে ॥ ২২ ॥
যৎপ্রাজ্ঞাঃ জ্ঞানিনঃ বিদুঃ কিমিতি । যদা মনঃ সদা দৃঢং ভবতি তদৈব
মোক্ষ ইতি । স এব চ সিদ্ধসিদ্ধান্তঃ । য এবং সিদ্ধান্তং
বেদ সঃ জীবন্মুক্ত উচ্যতে ॥
যোগাভ্যাসী মনঃ শ্রেষ্ঠোঽন্তস্ত্যাগী বহির্জডঃ ।
অন্তস্ত্যাগী বহিস্ত্যাগী জীবন্মুক্তঃ স উচ্যতে ॥ ২৩ ॥
যো যো যোগাভ্যাসী যোগমভ্যসতি স সো মনঃ শ্রেষ্ঠঃ মনসা শ্রেষ্ঠঃ ।
এবং বিধোঽয়মন্তস্ত্যাগী অন্তস্থং সর্বমপি মায়াসংভূতং
ত্যজতীত্যন্তস্ত্যাগী । অত এব সঃ বহিঃ জডবদাচরতি । এবং চ
সোঽন্তস্ত্যাগী বহিস্ত্যাগী চ । স এব জীবন্মুক্ত ইত্যুচ্যতে ॥
ইতি বেদান্তকেসরিণা শ্রীদত্তাত্রেয় বিরচিতা জীবন্মুক্তগীতা সমাপ্তা ॥
ইতি শ্রীজয়চামরাজেন্দ্রবিরচিতা জীবন্মুক্তগীতাব্যাখ্যা সমাপ্তা ॥
– Chant Stotra in Other Languages –
Jivanmukti Gita in Sanskrit – English – Bengali – Gujarati – Kannada – Malayalam – Odia – Telugu – Tamil