॥ Kamalapaty Ashtakam Bengali Lyrics ॥
॥ কমলাপত্যষ্টকম্॥
ভুজগতল্পগতং ঘনসুন্দরং গরুডবাহনমম্বুজলোচনম্ ।
নলিনচক্রগদাকরমব্যয়ং ভজত রে মনুজাঃ কমলাপতিম্ ॥ ১ ॥
অলিকুলাসিতকোমলকুন্তলং বিমলপীতদুকূলমনোহরম্ ।
জলধিজাশ্রিতবামকলেবরং ভজত রে মনুজাঃ কমলাপতিম্ ॥ ২ ॥
কিমু জপৈশ্চ তপোভিরুতাধ্বরৈরপি কিমুত্তমতীর্থনিষেবণৈঃ ।
কিমুত শাস্ত্রকদংববিলোকনৈঃ ভজত রে মনুজাঃ কমলাপতিম্ ॥ ৩ ॥
মনুজদেহমিমং ভুবি দুর্লভং সমধিগম্য সুরৈরপি বাঞ্ছিতম্ ।
বিষয়লংপটতামপহায় বৈ ভজত রে মনুজাঃ কমলাপতিম্ ॥ ৪ ॥
ন বনিতা ন সুতো ন সহোদরো ন হি পিতা জননী ন চ বান্ধবাঃ ।
ব্রজতি সাকমনেন জনেন বৈ ভজত রে মনুজাঃ কমলাপতিম্ ॥ ৫ ॥
সকলমেব চলং সচরাচরং জগদিদং সুতরাং ধনয়ৌবনম্ ।
সমবলোক্য বিবেকদৃশা দ্রুতং ভজত রে মনুজাঃ কমলাপতিম্ ॥ ৬ ॥
বিবিধরোগয়ুতং ক্ষণভঙ্গুরং পরবশং নবমার্গমলাকুলম্ ।
পরিনিরীক্ষ্য শরীরমিদং স্বকং ভজত রে মনুজাঃ কমলাপতিম্ ॥ ৭ ॥
মুনিবরৈরনিশং হৃদি ভাবিতং শিববিরিঞ্চিমহেন্দ্রনুতং সদা ।
মরণজন্মজরাভয়মোচনং ভজত রে মনুজাঃ কমলাপতিম্ ॥ ৮ ॥
হরিপদাষ্টকমেতদনুত্তমং পরমহংসজনেন সমীরিতম্ ।
পঠতি য়স্তু সমাহিতচেতসা ব্রজতি বিষ্ণুপদং স নরো ধ্রুবং ॥ ৯ ॥
ইতি শ্রীমত্পরমহংসস্বামিব্রহ্মানন্দবিরচিতং কমলাপত্যষ্টকং সমাপ্তং ॥
– Chant Stotra in Other Languages –
Kamalapati Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil