॥ Kamalapaty Ashtakam Odia Lyrics ॥
॥ କମଲାପତ୍ୟଷ୍ଟକମ୍ ॥
ଭୁଜଗତଲ୍ପଗତଂ ଘନସୁନ୍ଦରଂ ଗରୁଡଵାହନମମ୍ବୁଜଲୋଚନମ୍ ।
ନଲିନଚକ୍ରଗଦାକରମଵ୍ୟୟଂ ଭଜତ ରେ ମନୁଜାଃ କମଲାପତିମ୍ ॥ ୧ ॥
ଅଲିକୁଲାସିତକୋମଲକୁନ୍ତଲଂ ଵିମଲପୀତଦୁକୂଲମନୋହରମ୍ ।
ଜଲଧିଜାଶ୍ରିତଵାମକଲେଵରଂ ଭଜତ ରେ ମନୁଜାଃ କମଲାପତିମ୍ ॥ ୨ ॥
କିମୁ ଜପୈଶ୍ଚ ତପୋଭିରୁତାଧ୍ଵରୈରପି କିମୁତ୍ତମତୀର୍ଥନିଷେଵଣୈଃ ।
କିମୁତ ଶାସ୍ତ୍ରକଦଂବଵିଲୋକନୈଃ ଭଜତ ରେ ମନୁଜାଃ କମଲାପତିମ୍ ॥ ୩ ॥
ମନୁଜଦେହମିମଂ ଭୁଵି ଦୁର୍ଲଭଂ ସମଧିଗମ୍ୟ ସୁରୈରପି ଵାଞ୍ଛିତମ୍ ।
ଵିଷୟଲଂପଟତାମପହାୟ ଵୈ ଭଜତ ରେ ମନୁଜାଃ କମଲାପତିମ୍ ॥ ୪ ॥
ନ ଵନିତା ନ ସୁତୋ ନ ସହୋଦରୋ ନ ହି ପିତା ଜନନୀ ନ ଚ ବାନ୍ଧଵାଃ ।
ଵ୍ରଜତି ସାକମନେନ ଜନେନ ଵୈ ଭଜତ ରେ ମନୁଜାଃ କମଲାପତିମ୍ ॥ ୫ ॥
ସକଲମେଵ ଚଲଂ ସଚରାଚରଂ ଜଗଦିଦଂ ସୁତରାଂ ଧନୟୌଵନମ୍ ।
ସମଵଲୋକ୍ୟ ଵିଵେକଦୃଶା ଦ୍ରୁତଂ ଭଜତ ରେ ମନୁଜାଃ କମଲାପତିମ୍ ॥ ୬ ॥
ଵିଵିଧରୋଗୟୁତଂ କ୍ଷଣଭଙ୍ଗୁରଂ ପରଵଶଂ ନଵମାର୍ଗମଲାକୁଲମ୍ ।
ପରିନିରୀକ୍ଷ୍ୟ ଶରୀରମିଦଂ ସ୍ଵକଂ ଭଜତ ରେ ମନୁଜାଃ କମଲାପତିମ୍ ॥ ୭ ॥
ମୁନିଵରୈରନିଶଂ ହୃଦି ଭାଵିତଂ ଶିଵଵିରିଞ୍ଚିମହେନ୍ଦ୍ରନୁତଂ ସଦା ।
ମରଣଜନ୍ମଜରାଭୟମୋଚନଂ ଭଜତ ରେ ମନୁଜାଃ କମଲାପତିମ୍ ॥ ୮ ॥
ହରିପଦାଷ୍ଟକମେତଦନୁତ୍ତମଂ ପରମହଂସଜନେନ ସମୀରିତମ୍ ।
ପଠତି ୟସ୍ତୁ ସମାହିତଚେତସା ଵ୍ରଜତି ଵିଷ୍ଣୁପଦଂ ସ ନରୋ ଧ୍ରୁଵଂ ॥ ୯ ॥
ଇତି ଶ୍ରୀମତ୍ପରମହଂସସ୍ଵାମିବ୍ରହ୍ମାନନ୍ଦଵିରଚିତଂ କମଲାପତ୍ୟଷ୍ଟକଂ ସମାପ୍ତଂ ॥
– Chant Stotra in Other Languages –
Kamalapati Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil