॥ Kashi Panchakam in Telugu Lyrics ॥
॥ కాశీపఞ్చకమ్ ॥
మనోనివృత్తిః పరమోపశాన్తిః
సా తీర్థవర్యా మణికర్ణికా చ ।
జ్ఞానప్రవాహా విమలాదిగఙ్గా
సా కాశికాహం నిజబోధరూపా ॥ ౧ ॥
యస్యామిదం కల్పితమిన్ద్రజాలం
చరాచరం భాతి మనోవిలాసమ్ ।
సచ్చిత్సుఖైకా పరమాత్మరూపా
సా కాశికాహం నిజబోధరూపా ॥ ౨ ॥
కోశేషు పఞ్చస్వధిరాజమానా
బుద్ధిర్భవానీ ప్రతిదేహగేహమ్ ।
సాక్షీ శివః సర్వగతోఽన్తరాత్మా
సా కాశికాహం నిజబోధరూపా ॥ ౩ ॥
కాశ్యాం హి కాశ్యతే కాశీ కాశీ సర్వప్రకాశికా ।
సా కాశీ విదితా యేన తేన ప్రాప్తా హి కాశికా ॥ ౪ ॥
కాశీక్షేత్రం శరీరం త్రిభువన-జననీ వ్యాపినీ జ్ఞానగఙ్గా ।
భక్తిః శ్రద్ధా గయేయం నిజగురు-చరణధ్యానయోగః ప్రయాగః ।
విశ్వేశోఽయం తురీయః సకలజన-మనఃసాక్షిభూతోఽన్తరాత్మా
దేహే సర్వం మదీయే యది వసతి పునస్తీర్థమన్యత్కిమస్తి ॥ ౫ ॥
ఇతి శ్రీమద్ శఙ్కరాచార్యవిరచితం కశిపన్చకం సమాప్తమ్ ।
– Chant Stotra in Other Languages –
Kasi or Kashi Panchakam Lyrics in Sanskrit » English » Bengali » Marathi » Gujarati » Kannada » Malayalam » Odia » Tamil